بسم الله الرحمن الرحيم
والصلاة والسلام على اشرف الخلق محمد وعلى ال بيته الطيبين الطاهرين
موضوع ما اعتقد احد ناقشه من قبل يعني فرش:bigsmile:
تعرفوا لين الوحدة تعرف انها حامل تستانس والزوج هم نفس الشي وخاصة اذا كان البكر
فرحتهم ما تنوصف , ومن اول شهر يبتدون انهم يجهزون ويخططون للبيبي الجديد وشلون يحتفلون فيه ويش يسووون عشان يصيرون مميزين ويخططون لكل شي تعبير عن فرحتهم
ومن الاشياء الي يسوونها بعض العوائل انهم يجهزوا سلة تحتوي على تحف مثلا مع حلاوة ويخلون فيها قرآن صغير بكبر تقريبا الصبعه صغير يعني و يعطونه للجهال لين المرأة تولد عشان يفرحونه فيه
هذا كله حلو وما فيه اشكال
لكن الي ما يكونون حاطينه في بالهم ان القرآن الصغير لين يعطونه الجهال شبيسوي فيه ؟؟؟؟؟
شفت بعيني ياخذون الحلاوة والتحفة والقرآن اذا ام الطفل او ابوه او احد من عائلته ما انتبه يرميه او انه ياخذه ويشقه او يخربط عليه بقلم او شي
لان مو كل الجهال سن واحد , وفيهم الي يفهم وفيهم الي لا حووول ما يعرف كوعه من بوعه على قولتنا
ولا يعرف اهمية هذا الكتاب الصغير وقدسيته
من رأيي انه الفرحه والتعبير عنها من حق الجميع وما لنا حق نعترض عليهم , لكن اذا كان فيها شي غلط ليش ما نلفت نظر الناس اليه
مثلا بدل ما يحطون قرآن صغير يحطون لعبه , او يهدون الكبار قرآن كبير بيكون افضل
يبغي الينا نفكر في سلوكياتنا شوي بجديه اكثر
ولا انتو ويش رايكم :rolleyes:
