موسوعــــــــــة مسجــــــــات

**************************

أروي ضمى غيرى وأنا يابس الريق
وأضحك واجامل لو مانـى برايـق
وإن ضقت أسلّي خاطري بالطواريق
وأستلهـم الفرحـه لنفسـي دقايـق
وإن شفتك بعينيي وفي خاطري ضيق
إنزاح هم القلـب وأصبحـت فايـق

**************************

أبكي قصيده وأشبك البيت بالبيت
وأشكي قوافي الليل من كل ضيقه
وأدخل في بحور الشعر لامن تجليت
وأغوص في وسط البحور العميقه
في حبكم لاني بحي ولا ميت
كني كسير الطير ماله طريقه

**************************

في زمانك محد يشيل همك
لاحبيبك لا أخوك لا رفيقك
ماتهم اللي يهمك
لو بغيت تعيش صح
صل فرضك وأقضب أرضك
وخلها للي عيونه ماتنام ونام

**************************

صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر

**************************

وعذابي كان لي نفس صحيحه
خيرت مابين صدك والمنيه
أن نويت البعد ضاقت بي الفسيحه
وأن بغيت القرب خان القرب فيه
كيف بخفي الحب وجروحي صريحه
كيف أحجب الشمس ياخلي بيديه
كيف أداوي علة النفس الجريحه
وين أودي دمعة العين الشقيه

**************************

من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها

**************************

أنا بدوي وبعيشتي ماتنعمت
ورمز البداوه سيف وللكيف دله
محبوبتي صحراي في حبها همت
أعشق سهلها والرجوم المطله
يكفي إني من البداوه تعلمت
إن الركوع لغير ربي مذله

**************************

أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام

**************************

شكواك للي طالبه مابعد خاب
ودعواي لك يالله تطول سنينه
كم واحد من الحب منصاب
الحب قاتل ماأحد يقدر يدينه
يادمع عيني لمن تغرب ومن غاب
ياشيب عيني لمن يفارق ضنينه
قلبي عذلته لكن القلب ماتاب
والحب تلعن ساعته وسنينه

**************************

أبشتكيلك دامك أعز الأصحاب
شكوى جريح يبتسم من ونينه
القلب ياخلي جريح ومنصاب
خلا دموع العين تنزف حزينه
على هنوف صكوا دونها الباب
من عقب ماحنا ظنين وظنينه
حلفت ماأنساها ولو فوقي تراب
وأنا بوسط القبر لأقول وينه

**************************

يامرحبا أعداد ما لاحت بروق
ترحيبة المؤمن بحكم الشريعه
رسالتن جتني من أعز مخلوق
ومن كان مثلك طيب مانبيعه
ياطيب الجدان من جذر وعروق
أفعالهم كل الخلايق تذيعه

**************************

من يوم ماذوقتني حر فرقاك
واليأس والحزن في حياتي غرسته
شريت لي ثوب على شان لقياك
والثوب راحت موضته ما لبسته
وشريت عطر مازهاني بلياك
أربع سنين بعلبته ما لمسته

**************************

أرسلك المرسول يامعرب الجد
من ساس قوما"يحتمون المظله
يحمل تحياتي بها الود ممتد
من ضامري ماهي سواليف شله
البعد ماعنه الرجاجيل تنحد
لو حال من دونه سماء نجد كله
والحر مهما راح لابد مايرد
للنايف اللي كل حر فطن له

**************************

الليالي شرهتني ودنياي أمحقاء
بين كتمان الحقايق وشرهات الرفيق
والله أني ماتوقعت مدري ماهقاء
ينخدع فيني صديق وغيره في حريق
مستعد أقضي العمر من دون أصدقاء
بس ماأخون الصداقه ويجفاني صديق

**************************

مافيك عيب إلا قلبك متيني
وتصد عني والصدود القطيعه
إن كان واصلني فهذي يميني
مبسوطه لك والمواصل شريعه
0وإن كان قاطعني يبالله يعيني
مر الفراق ولا حلاوة خديعه
لكن صبري والرجاء واليقيني
وسيلتي عن كل بلوى وجيعه

**************************

كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي

**************************

غربة عمر منها المشاعر عطيبات
ولجل الرجاء جربت كل الطرايق
ورد الامل في زحمة اليأس مامات
يحيه دمعن به رموشي غرايق
بصوتي أجاوب صرخة العمر بآهات
مدام حظي من عناء الوجد عايق

**************************

وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى

**************************

يازين حبك رج قلب العناء رج
شف له طريقه قبل توقف عروقه
أما تدور له عن الحب مخرج
ولابعد حرقه تداوي حروقه
هذي سنه وخيول حبك تسرج
من فوق قلبي لين بانت فتوقه
أما أنتصافا بالهوى ونتهرج
ولانكب الحب ونكب سوقه

**************************

زينه على كل المخاليق غطى
عقل وجمال وخف دم مخلوطي
عمره صغير وجاهل توه ماتغطى
ولاغيره أحد يخيط قطوطي
غرون على عرش البنات أيتوطى
قطع على الزينات كل الخطوطي
ياليل قلبي على قلبي أخطى
حط القدر بيني وبينه شروطي

**************************

مات حبك والبقية في حياتك
في حنايا خافقي لاقى مصيره
خذ مع الجثمان باقي ذكرياتك
تجربه حبي معك كانت مريره
مايعرف الحب من سوى سواتك
يجهل الإخلاص من ضيع ضميره
غرني ياصاحبي ظاهر صفاتك
غلطتي يا للأسف كانت كبيره

**************************

صديقنا الصادق بروحي فديته
وعدونا يخذل ويقهر وينظام
وللاش ولد اللاش لامن لقيته
مع كلاب الضير نرمي له عظام
وأنا معك بمشي بدرب مشيته
سوا سوا لاقلت قدام قدام

**************************

من دون ماأقصد ياهوى البال مريت
قدام بابك وأنجبرت أشتكيله
ياباب قله في عذابي تماديت
ومرت على فراقه سنين طويله
شوقي فضحني في عيوني وصديت
الدمع مايرحم وماقويت أشيله

**************************

العام رجلي بالطويله تعدي
واليوم كني مكتف الرجل تكتيف
ضيعت عمري في أسترح وأستعدي
نوب جزاء ونوب أنقريه وتنظيف
يارجل سجي وياعين لدي
لديار نجد وعاليات المشاريف

**************************

مني للغالي سلام وتراحيب
مضمونها تقدير من قلب صافي
سلام ياراعي الوفاء والمواجيب
سلام يارجل مع الناس وافي
أجيك لو ماأرسلت يمي مناديب
آصلك لو أني على الرجل حافي

**************************

خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني ما أظن

**************************

سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد سعيره

**************************

عرفت بحياتي لوعت الوقت والحرمان
وعرفت العذاب وتعبت أميز ألوانه
وجلست أذكر الماضي على قول كان وكان
غرام حفظته ياعسى صاحبي صانه
تراك بحياتي نابض القلب والشريان
ودونك حياتي ياهوى البال خسرانه

**************************

سلام ياشيخ تربى على الطيب
سلام يارجل عزيز وغالي
تعيش ياحر تعلى المراقيب
حر ولد حر على الرجم عالي
يحتار فيه الشعر تشريق وتغريب
رجل عزيز النفس ماله مثالي
رجل الوقفات راع المواجيب
صلف على الصكات مابه جدالي

**************************

غايتي ومناي بالدنيا رضاك
لو يقولون العرب صابه جنون
لو جفوني من نهوني عن هواك
لو رضيت فراقهم عندي يهون
لو تغيب سنين قلبي مانساك
لو تعذبه المواجع والطعون
حالف ماأنساك لو بعدك هلاك
ومن حفظ عهد المحبة مايخون

**************************

هذي رسالة تاصلك في قصيدة
فيها بأعبر لك من القلب بإحساس
أببتدي وياك صفحة جديده
ولا أتركك وأتوب ياشمعة الناس
لا تبتعد عني بديره بعيده
كيف يتحمل غيبتك قلب حساس

**************************

وصلك مثل غيم الربيع أستخيله
وأنا على باب المحبة رجاوي
حاولت قربك مالقيت الوسيله
أنا أشهد أني بالمحبة شقاوي
مالي على مايجري اليوم حيله
ولاني على بعد المحبين قاوي

**************************

ولعتني يانور عيني وصديت
وخليتني من طول هجرك أعاني
مدري جفاء مدري علينا تغليت
ولا دخل في جوكم شخص ثاني
وأنت الذي في وسط عيني تعليت
وليا ذكرتك داعي الشعر جاني
ماطاب لي زاد ولا مقعد البيت
حتى لذيذ النوم راح وجفاني

**************************

ليتك تعرف أن الهوى سهم ذباح
وقلوب عشاق المحبة رقيقه
وليتك تعرف أني ليا شفت رقمك أرتاح
والقلب يسعد يوم يلقى رفيقه
أنا الحزين وباقي الناس بأفراح
وأنا الأسير وخلق ربي طليقه

**************************

مايبعدك عني ولا أي مخلوق
وإن غبت يبقى في غيابك خطوره
مثل الشجر مهما رفع هامته فوق
يبقى مصيره مرتبط في جذوره
حنا تخاوينا على سلم وطروق
ياحلو خوة طيبين المشوره

**************************

أسأل وأنا كلي من أجلك إجابات
كل الصعايب لأجل عينك سهاله
يضيق صدري لو بقارقك لحظات
وأصير بعدك بألف حاله وحاله
لو كنت غايب وأبعدتك المسافات
لك صاحب ماغبت عن خياله

**************************

أنا الذي من بدة الناس أغليك
وأنا الذي عينه تراعي خيالك
وأنا الذي لو تزهمه ماتعداك
وتطلبه في كل حزه عنالك
يالعنبو دنيا تهمك وتشناك
موتي ولا شيء يكدر مزاجك
هذا كلام اللي يعزك ويفداك
ماهو كلام اللي يدور ضياعك


**************************
سيدي بالحال رد النظر
وأرحم محب حياته بين يديك
إلى متى يازين وأنا أنتظر
صبري قضى والعمر منك وإليك
الناس طلعت على سطح القمر
وأنا معك ماقدرت أوصل إليك
ماعاد باقي علي إلا أنتحر
وأموت لجلك حسبي الله عليك

**************************

ليه يا دنيا تعزين الرخوم ؟
والشجاع يعيش عمره في نكد
تطرحينه كل ما حاول يقوم
كل ما يبني يفاجأ با الهدد
والخبل جظه ورى ذيك النجوم
عالي مرتاح دايم في سعد
والشجاع تحاصره سود الهموم
وان تخلص من نمر طاح بأسد!

**************************

للفرح يوم هليت في قلبي
هبوب
ما اظلم زماني يوم عن الكون
غايب
لك بسمة تتملك الكون
بالطيب
ولك نظرة سوت بروحي
العجايب
يا جعل عمرك سعد وايامك
تطيب
وجعلني فدا حبك ماعنه
تايب

**************************

حرام ما ترحم
احوالي
وانا اللي بك عرفت
نفسي
اشوف في طيفك
آمالي
وانسى في بسمتك
امسي
الا يا أغلى من
الغالي
عساني في همستك
منسي

*************************

لاتسأليني عن سبب كتم الآحزان
بس اسأليني عن غيابي وحضوري
لاتسأليني عن سبب دمع الآعيان
بس أسأليني عن دواعي سروري
لاتسأليني عن تصاريف الأزمــان
أجامل أحبابي وربعي والأخـــوان
جبر الخواطر صار معنى حضوري
أعطيهم الفرحه وأنا وسط الآحزان
وأجبر كسور الغير وأهمل كسوري

المجموعة الثانية

عارف انك مشغول
بس مر طيفك على بالي
حبيت اسلم واقول
ذبحنا الشوق يالغالي

***********************


محتاج لك ماهي مثل
كل مره .. هالمره أكبر
من سهر ليل وإحساس..
ياللي غيابك عن عيوني
مضره.. عندي حضورك
فرحة مالها قياس..
قلب ملكته صار لك فيه
جره.. يغار منها كل من
مر عساس..

***********************


كيف أصبر بدونك وكيف
أعيش بلياك وكيف
يهتني عمري وما أنخلق
اللي يسواك

***********************


لو أبعدتني الليالي
وأشغلتني الهموم

انت العزيز بخيالي
عساك لعيوني تدوم


***********************


خليني على بالك
وطمني على حالك
ولاتقطع أخبارك تراني
أنتظرشوفة رقم جوالك


***********************


لاتظن طيفك عن عيوني
رحل..

واعرف انك في قلبي
اكيد..
لويمل الصبر والله
ما أمل..

وانا في درب الهوى
لجلك شهيد..


***********************



في القلب لك دفتر أكتب
حظورك وتأخيرك وإن
غبت لك محظر تشرح
فيه معاذيرك..


***********************



لامن تذكرتك تزين
القصيدة
واقوم أرتبها على شان
يرضيك
وأتخيلك وارسم
معاني أماني
فيها مشاعر قلب يعزك
ويغليك
مابيك تقرأ رسالة جديدة
أبيك تقرأ ليش قلبي


قـــــــصــــــد فيك ..!!






ياشوق "عمري"




ويا"قطعه مني"


مايجرح القلب الا..


"غيبتك عني"






"ماعاش"



مرخصك
"ولا"
عاش
ناسيك

"تبقى"



عزيز
و"لا"
مخلوق
يساويك


***********************


ياوحشة غيابك اللي
تشبه الفرقا!!
وياكبر ذنب الزمن كانه
يحسبني نسيتك..!


***********************


هلا بصاحب عزة النفس والجود
اللي تبشر النفس ساعة وصاله
لو يبتعد عنا على البال موجود
ذكره على الخاطر برغم انشغاله
وافي ولا به من العذاريب منقود
جعل السعادة عبر الايام فاله

***********************



لا يازمن وش فيك فرقت الاحباب حتى اللقاء
صاير ؟
رسايل قصيرة


***********************


كتمت اسرار حبك عن الناس
شي يحتمه الوفا والطبيعة
لو أعلم ان السر تبديه الانفاس
كتمتها والعمر لأجلك نبيعة

***********************



أبرسل لك صدى صوتي بعد ما طول سكوتي
و ابنثر لك كلام الحب واشيل الورد بكفوفي
وأقول آسف على غيابي
ياأول حب في كتابي
يطول الوقت او يقصر تضل انت اغلى احبابي

***********************


مديت
مديت
مديت
مديت
لك كاس الوفا يومك اوفيت
و حلفت لك منساك مادمت صافي
بنيت لك بالقلب بيت ورى بيتي
واهديت لك قلب بالود وافي
هاك قلبي هاك روحي وماتمنيت آمر تدلل ولا تقول ذا كفايه

***********************


غالي بقلبي مثل ذاك القمر فوق
واسقيك من عذب المشاعر وازيدك
هذا قليل من الغلا جاك منطوق
وإالا بقلبي يعلم الله رصيدك
انجيت وان ماجيت باقيلك الشوق
وقلبي مثل ماهو (على حطة يديك)


***********************


الطيب بحر ساحله ماله حدود
قاعه عميق ومتعب كل غطاص
والجود ضل في قفا الشمس ممدود
ماينعرف حده ومعناه ينقاس
ومن يجمع الثنتين لاشك محسود
وانا اشهد انك جامع در وألماس


***********************



لك عيوني اذ بعيوني لك راحة
لك قلبي وسط دنيا العطش واحة
انا المجود بوجودك انااللي ظلي وردك
انا عمري ابتدا بحبك ونهاية عمري لعيونك


***********************


لا يوجد متسع للكلام !!!


فقط كلمه وحده بحجم الكون كله!!!


((أشتاقلك))



***********************


لا تحسب إني إذا أبطيت ناسيك
ماينسى عشرة صاحبه غير الانذال
حدتني ظروفي على البعد لاأجيك
هم بوسط القلب والدمع همال
وإلا انت ياكل الغلا أفتخر فيك
غلاك سكن داخل قلبي ولا زال

***********************


مليت ياليل الدموع
انتظر وقت الرجوع
صبرت سنين ودهر
واخاف أموت من القهر
اشكي ولا احد يجيب
ابكي على ظلم الحبيب
ياقلب لا تحزن ترى
مصيرك يوم للثرى
يا عين هلي الدموع
ما ضنتي لك من رجوع

***********************


طالت الغيبات يالغالي علينا
وإنسألنا عنك هذا من غلاك
لو يطول البعد ماوالله نسينا
المشاعر همها لحظة لقاك
ياكريم النفس مثلك مالقينا
لك معزة زادها عندي وفاك

***********************


من قلب صافي يحبك ويغليك
لك أجمل سلام تلفه دموعي يوم مافيه طاري غير طاريك
حتى الوله فيني طيح خضوعي شفت كل زين متمثل فيك
وانت شوف بوجهي حبي ولوعي لو الغلا ينحت على صدر مغليك
نحت احبك لين تظهر ضلوعي


***********************


ما هوجفالو شفتني عنك صديت
عمر الجفا ماراود النفس يمك
بسم الغلا ساكن وبالقلب حليت
بأقصى خفوقي مسكنك يوم ضمك
لا ما أتخلا عنك لو غبت وابطيت
غلاك يسري مثل ماسار دمك


***********************


لامن تذكر تزين القصيده
واقوم ارتبها علشان ترضيك
اتخيلك وارسم معاني فريدة
فيها مشاعر قلب هايم ومغليك
ماأبيك تقراها رساله جديده
ابيك تقرأ ليه قلبي قصد فيك



***********************


تشتكي من جور الايام للناس وادفن همومك في ثرى الصمت كله
اسرار عمرك خلها تحت الانفاس لاصار هرج القفا فاطن له
هذك يفرح لالمس جرح الاحساس وهذا مناه لالقا فيك عله
جو الربيع بعجة الصيف ينحاس لا جا هرج في غير محله


***********************


غلي حبك ياحبيبي لو نكون بعاد
لا تتصور انسى لوبعادك زاد
حبيبي تبقى روح الروح لو تصدعني وتروح
عمري ياأغلا الناس ابتدا وياك
لا تشك في يوم انسا الهوى وانساك
حبك ياعاشق الروح ماتغيره الايام


***********************

يا حيلة الله وش اسوي بالاقدار ..
مالي على رد المقادير قوه ..
مكتوب اصير بدار والزين بدار ..
وقلبي تلوع واحمر الدمع ضوه ..
ياما صبرت وراعي الحب صبار ..
يخفي عذابه كان عنده مروه ..


***********************



انت الغلا كله من الامس للحين
واموت يالغالي اذا شي صابك
اليوم بغيابك علي مر عامين
والخوف كله لايزيد اغترابك


***********************


مدري بدينا
او نكون انتهينا..؟

مدري يطول الليل
او يحصل اشراق..!

مثل الشمع
حنا بلحظه..
طفينا
يوم أن قلبك
ما رحم..
<<قلب مشتاق>>


***********************


ما غبت عنك
الا على شان تشتاق
والا الغلا غالـــي
وستين غالـــــــي


***********************


اكذب عليك
ان قلت فرقاك تنطاق
واكذب عليك
ان قلت انا عنك سالي

***********************

مشكور اخوي محمد على المسجات ماتدري اش كثر ريحتني لاني ادور مسجات جديده
رحم الله والديك

يسلموو ع المسجااات الحلوه
ربي يعطيك الف عافيه

تقبل تحياااتيـ
الولاء الفاطمي

يسلمو اخوي محمد

على المسجات الحلوه