تفنن في غياباتك وعلمني بتغيب شلون...............ابي اعرف وش ابعد شي بتوصله في صداتك
ابيك تروح وتتغلى تزود في قليبي طعون.............وابي تطعني لو مرره واجرب كيـــف طعنـــاتك
ابي افهم اساليبك من اللي بالسهوله يخون..........وابي اعرف حدودك وين اذا طــــــــولت غيباتك
انا اتحداك تنساني وتوك ياالغلا صغيرون..............ترى بدري على مثلك تهددنـــــــي بنظـــــراتك
تحسب اني ابتالم وببكي واشتكي واهون.............ترى عادي ولا تفرق تجي ولا بسلاماتـــــــــــك
انا ماكنت احسب انك من الناس اللي مايسون............ وكنت اغليك واحبك ولا عديت زلاتك
عطيتك حب مايسواه لا واحد ولا مليووووون............ عطيتك حب تحلم به من اول في خيالاتك
عشقتك جد من قلبي وصرت العاشق المجنون........ وبعت الدنيا لعيونك وكنت افرح لضحكاتك
وجا دوري واقولك بس حلفت برب هذا الكون...... لااخلي (دمعتــــــك حمــــرا) وبستمتع بااهاتك
بذوقك الالم طعمه واعلمك القهر وشلون............. بخلي (عيشتـــــك سودا) بتلعن نفسك وذاتك
ابضحك يوم تتالم وكل الناس بيشوفون ............... جراحك كيف تنزفها و(بتسلى بجراحاتـــــك)
