مكياج الجمال نقمة على الشباب

المكيـاج

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي
قالت دقايق راجعـه لـك واراويـك
ذاك الجمـال اللـي لعينـك يسـلّـي
ويوم رجعت لي شربكتني الشرابيـك
وحسيت الارض تدور وانـا بمحلـي
الخد كنه ياحياتي سيراميـك
والوجه شارع مثـل شـارع حولـي
الوجـه كنـه بيـت كلـه شبابيـك
من هالحفر في وجهها اللـي يعلّـي
كلـه سبـب مكياجـك الله يجازيـك
خليتني مخـدوع فـي شكـل خلـي
ونصيحتي لكل شاب من غير تشكيك
لا لا اتسـرع ثـم تنغـش مثـلـي
اللـي بـلا مكيـاج خلهـا حواليـك
واللـي تحـط مكيـاج خلهـا تولـي

http://www.l4l4.net/up/get-10-2007-dyeyvpm4.gif

( الجمال مو جمال الشكل * الجمال جمال الروح والأخلاق )

يسلمووووو اخي رمضان ع المشاركة الحلوة

الله لا يحرمنا منك ولا من جديدك

واصل >>>>>> إبداعك

الله يعافيكي أميرة الذوق
ومشكورة على الرد الجميل

الله يسلمك يانور قلبي
والله لايرحمنا منكم ومن ردودكم وتعليقكم الفعال
بس انا كتبت الموضع من باب الفكاها
والحمدلله نحن بناتنا قليل مايستخدمو المكياج ولو ان الظاهر هذي زادت في مجتمعنا
والقصيدة او الكلامات تتكلم عن صانع المكياج ومايفعله ببشرة هذه المستخدمات
مايتكلم عن الجمال بالمكياج
وشكرا على تعليقكم

الله يعطيك العافية

وتسلم الايادي

صدقت في كل كلمة نقلتها


المكياج لها تأثير قوي على البشرة ويبين للكل خل يشوفو البنت الي على طول تستخدمه شلون بشرتها تنعدم وتخترب

بعكس البنت الي تحط قليل

تظل تحتفظ ببشرة نضرة


حلو تحط مكياج لكن بالحد المعقول


بنتظار جديدك

الله يعطيكي العافية يا أم محمد
ومشكورة على تعليقك الرائع على هذا الموضوع والحلو انك وتعرفي اكثر