وش رايكم بليلة المولد الشريف..؟؟؟؟؟

بسم الله الرحمن الرحيم

اولا مبارك عليكم الشهر والمولد الشريف وان كان متأخر

كالعادة هدرة على راسكم ومابتنفكو مني ههههه

الموضوع اظن انه مفهوم بس القصد منه هل عجبتكم ليلة مولد الامام الحسن عليه السلام وحتى ليلة مولد الامام الحجة عجل الله فرجه..؟؟؟

ليلة المولد فرحة وسعادة على قلوب كل الموالين لاهل البيت عليهم السلام ومحبيهم وشيعتهم..

هذي الليالي تكون منورة وشاعة بلعب الاطفال والقرقيعان في الشوارع فعلا ان المنظر يكون يبهج الواحد بهذي الليالي..

لكن للي طلع وشاف ليلة النصف من شهر شعبان وليلة النصف من شهر رمضان هل عجبه اللي قاعد يصير بالبلد..

بصراحة هل يعجبكم منظر اخوانا وهم مشكلين وجوهم باللوان واللي لابس اقنعة اشكل والوان

وراكبين دباباتهم وبرشاشاتهم يطلقو في الهوا واللي مزين سيارته ومشغل الاغاني على حدها

واللي قاعد يلاحق البنات والازعاج والضجة والخربطة..هذا من الاخوان..

اما الاخوات ... فشوفوهم كيف الزينة والمكياج والعبي الحركات والتمشيات في الطرقات والضحك على حدهم والمسخرة..

وهذا قليل القليل من اللي صاير..

هل هذا يرضي أئمتنا عليهم السلام لو يرضي امام العصر عجل الله فرجه..

هل هذا هو منظر اتباع الرسول واهل بيته عليهم السلام..

او وش بيقول عنا اللي يبغى علينا اي زلة...

بهذا المنظر بيصدقو بتداعياتهم علينا بليلة عاشر (استغفر الله العلي العظيم).. وبياخذوها دليل علينا..

يا اخواني ويا اخواتي اتقو الله في اانفسكم..

اذا كان الامر كذا خلاص مانبغي احتفلات ولاتزين الشوارع ولا بوابات ولاشي بنكتفي بالمواليد بالحسينيات والعبادة وخلاص..

اذا كان كذا بتضحكو عليكم خلق الله وانتو تضحكو وتقولو احنا احسن منهم واحنا واحنا ولا احد يقدر يمسنا ولا يمس مذهبنا باي شي.. مابغي فرحتكم

احنا ماقلنا لاتفرحو بالعكس افرحو وزينو الطريق ووزعو الحلاوة بس بتقوى وبذكر الله...

والله الكلام واجد بس اكتفي بهذا وعليكم الباقي واعطوني رايكم..

شكرا أخي على الموضوع.

لكن أخي ألا تلاحظ أنك قد بالغت قليلا؟!!

حقا إن البعض من الشباب يقوم ببعض الحركات الاستعراضية والتعبير عن فرحه بطريقته الخاصة.لكن هذا لا يعطينا الدافع بأن نعمم الشيء.فقد كان الاحتفال رائع.والشباب كانت بهم بعض المبالغة بالحركات ومع ذلك فمن المفترض ألا نقول هذا الكلام.فهذا يعطي أعداءنا الفرصة لللتعبير عن ضعفنا وعن ابتعادنا عن الحق الذي نحن لازمون عليه.
وإن أردت النصح فالنصح لا ينبغي أن يكون بالمبالغة.فأنت تقول ان الشباب يمشون خلف البنات.
ماأدراك بذلك؟هل رأيتهم.وعلى افتراض انك رأيتهم.فكيف تقول بأن الفتيات كن متبرجات؟
هل رأيت وجوههن؟ وعلى افتراض انه أخطأ نظرك فوقع على واحدة أو اثنتين.فهذا لايبرر قولك بأن الفتيات متبرجات. بل اثنتان متبرجات ثلاثة متبرجات أو كذا فتاة متبرجة.مع ذلك فالصفة السائد كانت المحافظة على النظام والهدوء.

ومع ذلك كله فلا ننسى شرطة البلد.فكان لهم الدور في تخريب الاحتفال.في بعض المدن.
فقد وصل التجرأ فيهم لحد أنهم قد ضربوا المحتفلين.والمحتفلين كانوا أناس مستقيمين لم يذنبوا بشيء.

وأخشى أن أكون قد أطلت عليك.

ولكنني أنقل الواقع من المواقع والحدث من غير عبث.
وشكرا

الله يبارك لك المولد أخوي ياسر أول شي

صحيح في ناس يبغوها من الله تجي الناصفه يعني متنفس بعيد عن الأهالي الله يدفع البلا
كل وحده ويا صديقاتها بكامل الزينه اللي المفروض تلبس عبايه على العبايه اللي لابستنها والهدره قايمه أني مايعجبني كده أبداً .................
المفروض أن الرقابه الذاتيه تكون موجوده
أسأل الله ان يهدي الجميع لمرضاة الله وقدوتنا أهل البيت
أشكرك أخوي ياسر على الطرح الذي تسعى فيه للتذكره
جزاك الله خيراً وجعله في ميزان حسناتك

السلام // ومتباركين جميعا

والله كلامك صحيح اخوي واني اايد كلامك ماشي عجبني في هالليلة الي انفتحت برشاش ورى بيتنا وبدل ما يفرح الاطفال في الخروج الى الناصفة كانوا يصيحون خايفين من الأصوات المزعجة

راحت حلاوة الناصفة هالأيام/// وان شاء الله في المستقبل حنا الي راح انحسن الوضع
باقتراحاتنا وبتجمعنا على الحق يا رب

اختي او اخوي ظل الظلام كلامك اشوي غريب
التبرج مو بفتح الوجه خلها متغطية ومو طالع منها اي شي بس ما ظل لون الا انوجد في عبايتها والحناء تارس ايدها وصوتها وهي بالزرنوق وهو بآخر الشارع يسمعها هي لسة ابعد منه بمترين ثلاثة وريحة العطر وصلت قبلها و.....

حاجات واجد اتصير تبرج بدون كشف الوجه

والله لو البنت اتحط في بالها هالأشياء وبعدين تتطلع اتناصف ما احد راح يتكلم
والشاب هم لو يحترم حالة في خروجة من البيت ولا يتعيلف وحاول ايغض بصرة اذا الطرف الثاني هو الي بدا يكون افضل للجميع

يمكن كلامي ما يعجبكم بس هذا في نظري الصحيح

ايد بايد مع اخوي واحد فاضي في عمل المضليف و.... وان شاء ترى النور في الناصفة الجاية وحتى المواليد الجاية

بسم الله الرحمن الرحيم
موضوع يستاهل إن حنا نتناقش فيه لأن زي ما قلت إن الناس زودوهااا لا وبزياده بعد وأني في مولد الإمام الحسن عليه السلام كنت بروح الحسينيه مع اختي وصديقتها شفت بعيوني وحده لابسه ذيك العبايه اللي ملونه من فوقها الى تحتها وذاك البرقع والضلال اللي في عواينها وكانت ماره على اولاد ... وغير الصراحة الشباب اللي يلبسون ذاك البس الصراحة شي مو حلوو ..
البوابات اوكي بالعكس الكل يستانس ويفرح مهما يكون هذا مولد الإمام الحسن سلام الله عليه والإمام يستاهل بس مو لدرجة المبالغه في الشي وزي ما قلت اخوي هذا الشي ما يرضاه الإمام على اللي يسونه ...
عسى ما طولت عليكم بهدرتي بس حبيت اهذر بالموضوع ..
مشكور وعساك على القوة اخوي ياسر

أحسنـتـ الاختيار أخيـ الكريمـ
لكنـ كما وأسلفـ البعضـ لانعممـ تصرفاتـ بعضـ منـ
الطائشينـ على الجميعـ
وتظلـ كما هيـ ليلهـ رائعهـ انتشرتـ بها مظاهر الفرحـ المختلفهـ
أعادها اللهـ علينا وعليكمـ بالصحهـ والعافيهـ
باركـ اللهـ فيكـ
موفقينـ لكلـ خير

السلام عليكم ورحمة الله وبركاته
الناصفه والمولد الشريف مولد الامام الحسن عليه السلام يكثر بها الاحتفالات ويكثر بها فرحة الاطفال والنساء والشباب
يفرح فيها الاطفال ليناصف عند البيوت وينال ناصفته فرحا
وبعضا من الفتيات يناصف مع الشباب اي القصد الخروج شاب غريب عن الاهل والبعض من الشباب يناصف للمشاكل بالدبابات والهواش والتحرش بالفتيات واخذ مال الاطفال من الناصفه ويكثر بها المشاكل في تلك الليلة بدلا من ان تكون ليلة خير وبركة تعم عالجميع دون ان تحدث اي حزازيات تضر الاخرين او يستاء لها الاخرين
لكن البعض يرتاح لها لانه يتجنب بقدر الامكان عن تلك الحزازيات والمشاكل وبدلا من ان تكون تعيسة لدى غيره تكون لديه سعادة وفرح زيي يعني ياسروو استانست انا ترى والله زحفان روحه العوامية وردة الناصرة واشاهد باب الحاره وأأنتر اشوي واهج العوامية وعتتتل خخخخ
ويعطيك ربي العافيه على هذا الطرح
وان شاء الله كل سنه تنعاد علينا الناصفه باليمن والبركات والخيرات والحلاوات والفليسات والفرحه بعيده عن المشاكل ان شاء الله
تحياتي للجميع بالتوفيق

خليها بالقلب يا خوي
بس ودي يفهمون الي يسوون هالحركات
ان الخير يخص
والشر يعم
ولا تقولون الي سوا هالحركات واحد او اثنين
لانهم محسوبين علينا
وتفاحة خربانة خربت كرتون تفاح
بصراحة انا ناصفت في المنيرة والشباب كانوا مزودينها مرة
اقنعة رعب وشخابيط كأنهم قطاوة
غير الأغاني والحركات الماصخة
ودنا نستانس والكل يفرح ويستانس
بس لاننسى ان احنا واجهة لمذهبنا

اشكر الجميع على المشاركة

اختلاف الرأي لا يفسد في الود قضية

وانا ما عممت لكن ابد وذيك الليالي فضيعة وحلوة بصراحة وانا ما ادعو انهم يتركو الاحتفال بهذي المناسبات بالعكس وادري انها مصدر قوة لينا .. اما اذا قلت اخي ظل الظلام ما ادراك وهل شفتهم لو لا انا اقول لك انت شفت..

وحتى في التجمعات تشوف البنات يمرو بين الاولاد ولا كأنه شي صاير والموضوع طبيعي ..هذا مو فتنه؟؟؟

او الاولاد اذا مرو بنات مع سواق هندي او غيره يعني مو مع اهلهم تشوف الاولاد يدقو النافذة عليهم ...

وما خفي اعظم...

واحنا مو لازم نتستر على نفسنا دايما ونقول انا احنا الماس وماعلينا غبار اصلاً..
فهذا عيبنا اسمح لي ولازم نتناقش بهالمواضيع كان الله يهدي الناس اللي فيهم هالحركات اما اذا سكتنا عن نفسنا بنضيع خيي..

الموضوع حساس مرة ومأخوذ علينا وزي ماقالت الاخت نوارة الخير يخص والشر يعم يعني بكرة مابيقولو الناس هذي بس لا بيقولو عن كل المجتمع ...

احنا مانقول لا تفرحو ولاتلبسو الجديد بس بالنسبة للاولاد لو كل واحد احترم نفسه ولبس ثوب جديدة وتعطر وطلع يبارك لاحبابه وشارك بهذي الاحتفالات ماحد تكلم له..

ولو البنت تسترت وحضرت لاحتفالات باحترام ابدً ما حد يقدر ينطق عنها اي شي واحنا نشجع المشاركة بالفرحة بالنسبة للاولاد والبنات كل بمكانه الخاص..

اما هالمبالغة باللبس وتلوين الوجوه والرشاشات والدبابات والخرابيط هذي بتشوه اعمال اخوانا المؤمنين اللي قاعدين يتعبو بعمل اماكن الاحتفالات بالعكس بيلوموهم بعد كأنهم هم السبب باللي صاير..

والبنت تقول لاتحبسوني خلوني اروح اكركش او اقرقع او مادري شنو ..روحي بس باحترام ومشي زي الناس..

اعزائي الكلام الاول والاخير ان احنا مانبغي احد يتكلم عنا بشي وترا هذا الشي مايرضي الله عز وجل ولا الرسول ولا آله عليهم افضل الصلاة والسلام..

وآسف للاطالة وآسف والموضوع مو مبالغ فيه هذا اللي حاصل

بسم الله الرحمن الرحيم

والصلاة والسلام على محمد وعلى آل محمد الطيبين الطاهرين

واللعن الدائم على اعدائهم وأعداء شيعتهم وأعداء الإسلام الى يوم الدين

السلام عليكم ورحمة الله وبركاته

كل عام وأنتم بألف خير وينعاد عليكم بألف صحة وسلامة

مشكور أخونا على طرح الموضوع للمناقشة
وتشكر على تقبلك لآراء الأعضاء

اخواني العزاء :

لقد مرة على اجدادنا اعوام وعلى آبائنا سنين ولم يرو مثل مانراه الأن
هذا كله بفضل التطور المخيف والا محدود.
اخواني اخواتي: إن مانراه في منطقتنا خطير وفظيع
وليس بالسهل اليسير فكل ماتطور الوضع كلما تأزم أيضاً.
(((((((يعني إذا زاد الشيئ عن حده انقلب ضده )))))))
ومانراه من بوابات ما ليها داعي لكن من اللي أخترع اول بوابة
بسعفتين . وشوفو من سغفتين إلى ماشاء الله ألواح وجدران معتق والله في بيتنا صبغ متقشر
نقول يستاهل الإمام هالتزيين . لكن مو بهالطريقة .
اللي أخترع البوابة السعفية هم ناس الله يصلحهم صايعين طول السنة بس في المناسبات
والحق ينقال رضينا ام ابينا .
ولحقوهم الناس كل واحد يبي يشهر نفسه .
شوفو ذيك البوابة احسن منا وذيك البوابة افخم وذيك وذيك والله عقول بعضنا ضعيفة بجد
الفرحة للجميع نتمناها لكن صارت طوشة وخربو كل سمعتنا
ادخلو بعض المنتديات السنية والله سوونا مصخرة
هذي آخرتها .
استغفر الله العلي العظيم
لو اللي في البحاري قناع مرأة عجوز ومكيجة وفي الشارع العام .والله حرام
وتوزع حلاوة ليش ليش ليش هالفظايح رحنا وطي والله
والله هالدراجات النارية والله تمنيت ذيك اليلة أسويها عزأ
واحرق كل واحد على دراجته النارية
لكن ما باليد حيلة العين بصيرة والإيد قصيرة
استغفر الله العلي العظيم
إنا لله وإنا إليه راجعون.(( المعذرة ياالله المعذرة يارسول الله المعذرة يا صاحب العصر والزمان ))

اشكرك على ادراج هذا الموضوع

يقولون الشر يعم والخير يخص

اولا هذه المناسبه مناسبة فرحة بمولد حفيد رسول الله صلى الله عليه وعلى آله وسلم

وأئمتنا اوصونا بان نفرح لفرحهم ونحزن لحزنهم

ولكن !!!!

هل طلبوا منا ان نعبر عن فرحنا لفرحهم بهذا الاسلوب ؟؟

اسالوهم ( عليهم السلام )


الم يقولوا كونوا زينا لنا ولا تكونوا شينا علينا ؟

واللبيب بالاشارة يفهم

السلام عليكم ورحمة الله وبركاته
بصراحه انا ماطلعت من البيت بس سمعت
عن هيك كلام وحتى كنت خايفه جدا ع الاولاد وكل اشوي اتصل ع الكان معاهم
اشياء مخيفه اتصير في المنطقه من شبااااب طايش (اعتذر):embarrest:ع الكلمه بس هذه الصراحه
سواء من بعض الشباب اوبعض الفتيات ...
لاتكون متحيزه هههه
متى كانت القطيف وجميع قراها بهذا الاسلوب السيء
الذي يسيء لينا نحن الشيعه تصرفات جدا فضيعه بنوتااات صغار حوالي اعمارهم
لاتجاوز 13 سنه تطلع بعبايه الوااان ومكياج وليش رايحه عرس وفاتحه الوجه طبعا
اذا الشباب شاف هيك شنهو بتكون ردة الفعل لديه ؟؟
وانا دااائما اكرر العيب موفي الشباب ولا الفتيات العيب في الوالدين
وعدم الاهتمام والتربيه والتعليم الديني الى ابنائهم كل شي عااااادي !!
انا شفت من الا كاانو ياتون الى الناصفه في البيت تصرفااات موعدله نهائي
وااااو هدرت واااايد سكووووت :noworry:..
يعطيك العاافيه اخوووي ياســــــــر
وتسلم يدينك ولا حرمنا هدرتك قصدي طرحك الممـــــيز
اجمل الامنيات لك بالتوفيق

ميسور

الف شكر على تعقيبك خيي ولك اجمل تحية

إنا لله وإنا إليه راجعون.(( المعذرة ياالله المعذرة يارسول الله المعذرة يا صاحب العصر والزمان ))


مجدي حمدي

شكرا على مرورك ووفقت بإذن الله

اسالوهم ( عليهم السلام )


الم يقولوا كونوا زينا لنا ولا تكونوا شينا علينا ؟


فرح..

شكرا خية وهدرتك وتعليقك كان جميل جدا فموفقة ولك اجمل تحية..


ولكم جميع خالص تحياتي