ابيات من الشعر الشعبي العراقي الملون

السلام عليكم

اسمك سره بكل اعضاي دوره
عزيز والك بالشريان دوره
اذا ماتثق هاك الكلب دوره

اذا غيرك لكيت اعتب عليه
ــــــــــــــــــــــــــــــــــــــــــــــــــ ـــــ
للخوه افدي الروح ما ابدل الراي
وافدي الجسد والروح لليوفي وياي
ــــــــــــــــــــــــــــــــــــــــــــــــــ ـــــــــــ
حزنان اريد الفرح وانته عليه ابعيد
صدكني بس شوفتك كلشي بعد ماريد
ــــــــــــــــــــــــــــــــــــــــــــــــــ ـــــــــــ
وحك الشال بيده الماي وحك الماشرب قطره
نودك موطمع وياك نودك هيج عالفطره
ــــــــــــــــــــــــــــــــــــــــــــــــــ ـــــــــ
اصفن وفكر بيك وكل فكري يمك
هم تضن يوم انساك وتبره منك
ــــــــــــــــــــــــــــــــــــــــــــــــــ ــــــــــــ
زرعتك باكلب شتله وسكيتك من شراييني
ورسمتك فوك جفن العين خاف اتكول ناسيني
ــــــــــــــــــــــــــــــــــــــــــــــــــ ـــــــــــــــــــــــ
تضل صاحب فضل واشكبر فضلاك
وخلكي مافضل غيرك وفضلاك
واميزك علبشر كله وفضلاك

وباسمك احترس صبح ومسيه
ــــــــــــــــــــــــــــــــــــــــــــــــــ ـــــــــــــــــــــــ
انشد عليك اشكثر واتكول ما انشد
ولوما غلاكم علي مطرب ولا انشد
ان مال بيك الوكت ياصاحبي وانشد
تلكاني عد يمناك بالموزمه الك ظهر
احنه ابطبعنه الوفه موهسه بينه ظهر
العاملك بالشين انشوفه نجوم الظهر
ونجان غثك بشر اعتبره اثم واشد
ــــــــــــــــــــــــــــــــــــــــــــــــــ ـــــــــــــــــــــــــــ
هذا وتقبلوا تحياتي لكم وخالص احترامي

يسلمو أخوي كميل على مانقلته من أبيات رااااااائعه
موفق إن شاءالله

سلمتم أناملكم التي نثرت عبير الكلمات
وجميل المعاني والعبارات رائع كل ما
أفاض به يراعكم القيم من جمال الأحرف
ومن رقة الأسطر

ودمتم بكل محبة ووفاء

السلام عليكم
شكرا اختي العزيزة
لهاذا المرور العطر واتمنا لكي كل التوفيق
تقبلي تحياتي لكي وامتناني