ابيات من الشعر الشعبي العراقي

السلام عليكم احببت ان اجعلكم تتذوقون بعض من ابيات الشعر الشعبي العراقي المشهور لديناويسمى( بالدارمي) فاتترككم معه

ورحمه
عليكم من سلام الله ورحمه
حن على كلبي مره ورحمه
اذا رايد اجر انته ورحمه

تعال بساع وتوايك عليه
ــــــــــــــــــــــــــــــــــــــــــــــــــ ـــــــــــــــــــــــ
يعراك
طبع اليحفر بصحراء يعراك
ومن طبع الشجر بالطين يعراك
ومن طبع العراقي ايصيح يعراك

الك يغدي العمر فدوه وهديه
ــــــــــــــــــــــــــــــــــــــــــــــــــ ــــــــــــــــــــــــ
يماي
عطشان عله جرفك ليش يماي
كل خصله منكظنهه تصيح يماي
بعيد ابعد لاتلفي يماي

اذا تلفي اشك ثوب العليه
ــــــــــــــــــــــــــــــــــــــــــــــــــ ـــــــــــــــــــــ
شطيت
بحجيك ليش بس وياي شطيت
نطيتك دمع عيني تكول شطيت
انه بدمع لجفون اشطوط شطيت

وصب دجلة والفرات ابين اديه
ــــــــــــــــــــــــــــــــــــــــــــــــــ ـــــــــــــــــــ
بسلاك
لون كطعوا طريقك علي بسلاك
اجيك ازحوف وفدي العمر بسلاك
اتسله لون الموت بسلاك

وبالتابوت سلوه اتصير اليه
ــــــــــــــــــــــــــــــــــــــــــــــــــ ـــــــــــــــــــ
مع تحياتي لكم وشكرا

سلمتم أناملكم التي نثرت عبير الكلمات
وجميل المعاني والعبارات رائع كل ما
أفاض به يراعكم القيم من جمال الأحرف
ومن رقة الأسطر

ودمتم بكل محبة ووفاء

السلام عليكم
شكرا اختي العزيزة
لهاذا المرور العطر واتمنا لكي كل التوفيق
تقبلي تحياتي لكي وامتناني