لحقوا علي.. ما اصدق ابداااا..

لحقووووووني بنات انا مومصدقة!! انا بحلم ولابعلم؟؟؟؟ معقولة هالبياض!!!
--------------------------------------------------------------------------------
السلام عليكم ورحمة الله وبركاته

انا بقولكم عن طريقه سويتها واخترعت مكوناتها من كثر مااشوف وصفات بالمنتديات
واستعملتها 3 اسابيع بانتظام يوميا
ومومصدقة عيوني شنو هالبياض والنعومة والاثار اللي اختفت بعد ماكان جسمي وبشرتي حفريات وهضاب وجبال وتلال من الحبوب والحفر والاثار
والسواد اللي بالركبة والكوع اختفى نهائياااااااااا
مو خف لا اختفى تعرفون شنو يعني اختفى؟؟
يعني تلاشى الى غير رجعه<<<<<<<قلبت لغة عربيه من الوناسة خخخخخخخ

يالله شوقتكم؟؟
تبون تعرفون شنو الطريقة؟؟
الحين بحط المقادير والطريقة واتمنى تجربونها وتشوفون النتيجة المذهلة اللي حصلتها

المقادير
صابونة غار مبشورة ناعمة جدا تنقعينها بكاس ماي ورد طول الليل
عشان تذوب
علبة جلسرين السائل الشفاف من العطار
علبتين جليسوليد الاحمر كبار
فنجان قهوة زيت زيتون
فنجان قهوة زيت لوز
فنجان قهوة زيت خروع
ملعقتين كبار كركم من العطار لاتستخدمون مال الاكل لانه صبغته قوية
علبة فكس صغيرة

تخلطين كل المقادير خلط جيد او بالخلاط لين تمتزج مع بعضها وحطيها بعلبة واستخدميها يوميا لمدة ساعتين للجسم والوجه
وانا حتى استخدمها للمنطقه الحساسة والابط
وشفت بياض موطبيعي ونعومة وكل الاثار اللي بجسمي اختفت
انا ادهنها على جسمي ولما اجي اغسلها افرك بالليفة اللي من بدي شوب اللي على شكل قفاز احسن من الليفة المغربية
واسوي سنفرة الملح الخشن مع عصير الليمون
يعني اخلط كمية ملح خشن مع عصير ليمون واتفرك فيه


تدرون ليش الخلطة ماحطينا فيها عصير ليمون؟؟ لانه يخيس يعني اذا تبين تضيفين عصر ليمون للخلطة اللي قلتها ممكن بس لازم تستعملينها قبل لاتخيس
انا مااضيف عصير ليمون لكني استعمله بالسنفرة مع الملح عرفتوا؟؟

وانا على فكرة اسوي حمام مغربي كل اسبوع عشان ازيل الخلايا الميته واجدد البشرة وحتى اللي تسويلي الحمام المغربي سألتني شمسوية جسمج مختفية منه اثار الحبوب وصايرة بيضة تلقين بس ماقلتلها الطريقة لانه الصالونات مايعلمون هم شيحطون للزباين خخخخخخخ نحيسة

بس لاتسألوني عن الخطوط واثار الحمل لاني لامتزوجة ولافيني خطوط فما ادري اذا هالخلطة توخرهم ولا لأ
لكن اذا تبين بياض ونعومة جربي هالخلطة ممتازة خصوصا للعرايس واللي عندهم مناسبات
ولاتنسوني بالدعاء الصالح
مابي منكم الا الدعاء
ودمتم سالمين
الريشه الناعمه
منقوول خخ:embarrest:

منقول والا جربتيه ياريوووش

انشاء الله اجربها ..الله يعطيج العافية ,,,

تسلمين ياريوش

وفي البداية فكرت انتين الي مخترعه هالخلطه ههههه خطيره


مشكووره حبيبتي

يعطيش الف عـافيه

لاعـدمناك ......

تحياتي

تسلمين يالغلا


ع الطرح المفيد



تحيتي

كركم وفكس الله يستر :bigsmile:

يارب يستفيدو منها اللي يحتاجوها

وينهم عنك محبي الخلطات الطبيعيه

كل الشكر لك ياريوش

السلام عليكم ورحمة الله وبركاته ..

تسلمي خيتو على الطرح ..

يعطيك ربي الف عافيه ...

بإنتظار جديدك ..

كل المودة

تسلمي ريوشه على الوصفه ودي اجربها بس يبغي اليها احد فاضي
لو بعد تسوييين الخلطه وتبيعينا وياها كان تمام
عسى الله لا يحرمنا من ابداعاتك
تحياااتي
الفراشه الحائرة

بسم الله الرحمن الرحيم
يسلموو اعزائي على المرور
لاعدمناكم
وانا للمعلوميه ماتاجر خخخخ
تحياتي
ريووووووش

عجبتني الوصفة ان شاء الله عاد نجربها:bigsmile:
بس يبغى لينا نشتري الناقص:toung:
خخخخخخخ<< الاخت مشت ويا الموضوع:weird:
بجي يوم واجربها لكن:cool:
يسلموووو ريوشه على هيك وصفة وجربيها انتي مو تقولي منقول..خلنا نشوف النتايج عليش:wink:

مشكووووره اختي

الله الله
ياوناااااااااااااااااااسة على هالوصفة >> جازت ليي السالفة ههه
الحمد لله شافوا لينا حل قبل مانروح نسوي لينا عمليااات تجميل خخخخخخخخخ
يسلموا ريوووش يالغلا