قصة واقعية وحديثة جداً جداً تنشر بناءً على رغبة صاحبة القصة

السلام عليكم أخواني وأخواتي .. سأقوم بمشيئة الله بنقل قصة واقعية لازالت أحداثها مستمرة ولكني سأنقلها على أجزاء لأنها طويلة وأرجو من الجميع التفاعل معي والدعاء لصاحبة القصة بالذرية الصالحة.

ملاحظة: 1-أقوم بنشر القصة بناءً على رغبة صاحبة القصة فهدفها أن يستفيد من قصتها أكبر عدد من الناس نساء ورجال.
2- قد توجد بعض الأخطاء الإملائية لأني سأنقلها كما هي.
3- إن تاريخ نقلي للقصة بعد آخر جزء للقصة بيومين تقريباً.

نبدء الجزء الأول:
((..بين أيديني رواية ماجدولين للمنفلوطي..كنت منسجمة معها مره .. قطع علي صوت منبه الجوال..كنت حاطته قبل وصول سلطان بربع ساعه..
تركت الرواية على جنب مع اني غطست في بحر كلماتها..قمت أخذت شاور ولبست برمود أبيض وتي شيرت وردي..حطيت مكياج ناعم ..
درت حوالين نفسي وأنا أضحك ..أخر شي تعطرت ورجعت لروايتي الي تركتها ..سمعت صوت الباب تسكر..
أكيد حبيبي.. طلعت للصالة..
وصل بس كان شكله شاحب..مو على عادته..رحت له وضميته لصدري..أكيد العمل كان متعبه ..
همست في أذنه
-هلا حبيبي..وحشتني..
رد بصوت مبحوح ومتقطع..
- هـ ــديــ ــل
صوته أرعبني خفت عليه..
-عيونها..وروحها..ايش فيك ..؟!!
-تعبااااان ياهديل تعبااااااااان
ضميته لصدري بقوه وأنا أحس بنبضات صدره ترتفع..
بعد دقايق بعد نفسه عني وناظر عيوني وكأنه يجاوب على سؤال في نفسه..
- والله أحبك
أنا لحظتها تفاجأت بكلامه..وفرحت ..دمعت عيوني
-وانا بعد أموت على ترابك..
.
.
تركته يبدل ثيابه ودخل الغرفه يبي ينام..أنا من نظرته حسيت ان فيه شي..ناظرني دقيقه وبعدها شتت نظره لأماكن ثانيه..
ولأن كان من عادتي اني انومه حتى لو مافيني نوم..انسدحت على الفراش ..وانتظرته ينام..لكن كان شكله متوتر وقلقان..جلس على السرير..قام..راح للتسريحه وأخذ جواله من عليها..
رجع ..جلس..وهو يقلب في جواله..بعد ثواني قفل الجوال..تدرون ايش استنتجت..؟!
انه مايبي يحط عينه في عيني..لا تسألوني كيف عرفت..5سنوات من العشرة ..كيف ما أعرف..؟!!
حبيبي هذا كتاب مفتوح أقرأه بكل لحظه..أتصفح حياته من تصرفاته..
قمت علشان ينام..لأني بهالطريقه راح أحرمه من انه ينام..وهو مو قادر يناظرني..
أول ماتحركت..التفت لي..قمت وطلعت من الغرفة..
ايش تتوقعون يخبي علي..؟!!
وليش مو قادر يصارحني ..لدرجة أنه ما يناظرني..؟!!
قطع تفكيري صوت الرعد..بدأت السماء تمطر..ياااه من زمان ما أمطرت الرياض..اللهم اجعله سقيا خير وبركه..
فتحت الشياك وجلست اناظر ماء السماء اذا اختلط بالارض..تبدأ الأرض تضحك..الناس تضحك..الأطفال يضحكون..اااه من الأطفال..
يارب لا تحرمني منهم..خمس سنوات وأنا أنتظر ضحكه تهز هالبيت ..أنتظر طفل اشيله 9 شهور بين لحمي ودمي..يشاركني نفسي..نبضاتي..
يعيش هنا عند قلبي..يطلع للدنيا ابوسه..اشمه ..اضمه..يارب..لا تحرمني..
حسيت بشي على كتفي..التفتت لقيت سلطان واقف وراي..
وأول ماناظرته شال عيوني عني وناظر السما..ماقلتلكم مابيبي يحط عينه بعيني..؟!!
-هديل في شي أبي أقوله لك..وما قدرت أنام قبل اقولك..
-خير حبيبي..؟!!
سكت..أخذت ايده وجلسته على الكنبه..
وهزيت رأسي له أشجعه علشان يبدأ كلامه..
لف ايده على خصري وقربني منه حيل ..
-هديل..ماادري كيف بأبدأ كلامي..هديل ..والله ماني قادر..
-حبيبي قول..مهما كان كلامك..أنا زوجتك..وهديل الي تعرفها..ماراح تعاتبك على شي أنت سويته..لأنها واثقه فيك..
كل هذا وهو مايناظرني..
مرت دقيقة صمت ..بعدها مسك ايدي وأخذ نفس عميق وتكلم..(وليت الدنيا وقفت لحظتها وماتكلم)
-هديل ..أنت عارفه أني أنا واياك ما نقدر ننجب..وانا مو معترض على قضاء الله..بالعكس..راضي والحمد لله..
وقبل هالشي..أنت ماتشكين طرفة عين أني أحبك وما أقدر أستغني عنك أبدا..ياهديل أنا ما أتخيل أعيش لحظه من دونك..أرجوك يا هديل ..
أرجوك سامحيني..أرجوك لا تتركيني مهما صار بيننا..أرجوك ياهديل ..
أنا أنقبض قلبي وقتها..كنت حاسه أنه أنتهى الموضوع الي كلمني في قبل فتره أنه يبي يتزوج علي..
نبتت أشواك في حلقي ..ما قدرت أطلع الكلمه القاضيه..كنت أبي أعرف خلاص انتهى كل شي..
طيب ليه أنا الحين مو قادرة أتحرك حتى ماقدرت أرمش من الصدمة ..وأنا الي أعطيته الضوء الأخضر انه يتزوج..
حس فيني..
-هديل..؟!!
-كـ مـ ـل
-حبيبتي فيك شي..؟!!
هزيت راسي نافيه..ورجعت ناظرته كنت ابيه يكمل كلامه..
ضغط على ايدي الي كانت بين ايديه وكمل..
-هديل الي اخترتها ماراح تكون أفضل منك في شي..أنا اشترطت على أمي تكون مطلقه أو أرمله..
واليوم كلمتني تقول أنها كلمت أم محمد جارتنا وخطبت بنتها المطلقه..وأكبر منك ب4 سنوات تقريبا..
- خطبتها..؟!!
نزل راسه
-ايه..ويوم الخميس الملكه..
خنجر قاتل انغرس بين ضلوعي بقوووووه والله حسيت ان الدنيا تدور فيني..شعور جامح شل كياني..
جسمي تصلب ..ماني قادره حتى ارمش..
طيب ليه أنا كذا..أنا الي طلبت منه ..صح..؟!!
بس ماتخيلت بيوم هالشعور ..صح كنت متأكده اني راح احزن..بس مو لهدرجة..
.
.
هديل..توازني ..عيدي حساباتك..من حقه ..من حقه..هديل..هدي اعصابك..
اااااااه كيف تقاسمني فيه وحده ثانيه..كيف بصبر عنه يوم كامل..كيف ..يارب ساعدني..يارب ثبتني..
كان يناظرني بقلق ينتظر ردة فعلي..لكن انصدم لما قلتله..
-مبروك حبيبي..ان شاء الله تسعدك..
وقتها حضني..وهو ينطق بكلمات والله عجزت اسمعها حسيت ان جسمي تعطلت فيه كل خليه..
ااااه باقي 3 أيام ..3 أيام ..وتشاركني بهالحضن وحده ثانيه..
كنت وقتها أقرب للمغمى علي ..طحت بحضنه زي الميته..كنت أتمنى وقتها أرجع بهالحضن قبل 5 سنوات..لما كنت عروسه محد يشاركني فيه وأتهنى فيه خمس سنوات كمان..
لا أبي أرجع بهالحضن لذيك المراهقه الي تنحصر اهتماماتها على الميك اب واللبس والطلعه..
لا أبي أرجع طفله..
أبي أكون أي شي..إلا أني أكون زوجه زوجها بتشاركها فيه غيرها..اااه ياربي والله أكبر مني الالم..ياربي ياحبيبي ساعدني..
والله يارب لو مابتصبرني ما أقدر أتحمل..
.
.
.
للحديث بقية..فاسمعوني..

لا تنسون انها بحاجة لدعاكم

السلام عليكم
مع ان ما كو تفاعل بعد بواصل...

الجزء الثاني

صحيت على صوت المؤذنللصلاة..ضميت نفسي وأنا أحس بالبرد..كنت نايمه على الكنبه في الصالة والشباكمفتوح..ليه انا نايمه هنا..تذكرت آخر شي اني نمت بحضنه
..الا وينه..؟!!
ناظرتالساعه كانت الساعه 5:30 اووووف اذان المغرب..كل هالوقت وانا نايمه..
ياربي وينحبيبي..ليه تركني في البرد..طيب كان قفل الشباك..منأولها ياسلطان..طيب كيفلوتزوجت..خلاص مابتسأل فيني..؟!!
قمت وانا أمدد اديني الي تعورت من ضيقالمكان..كان البيت مظلم..موحش..ياربي ايش فيني صرت متشائمه ما أشوف الاالظلمه..؟!!
توضيت وصليت الصلوات الي فاتتني..فيني ألم أعجز أتكلم عنه..ألم يخدرأطرافك..
ألم تحس أن كل نبضه من قلبك تصرخ...يكـــــــــفــــــــــــي..
أحديحس فيني..أحد يحس بشعور الطفله الي تحتضر داخلي..؟!!
سجدت وانا أبكي ..يارب..يارب..يارب..أمتك ضعيفه بين ايديك..أنت أعلم بحالها منهاوأعلم بألمهامنها..يارب هي لاتريد أن تعترض على قضائك وشرعك..ولا تريد أن تخسر ثواب الصبر وحسنالتبعل..غريبه في هذه المدينه ..وحيده ليس لها الا انت..ياربي ياحبيبي..ساعدني..أرجوك..ساعدني..صب على قلب الصبر صبا ..يامغيث اغثني يامغيث اغثنييامغيث اغثني..
حسيت اني ارتحت شوي بعد مارفعت راسي من السجود..قررت قرار اني ماابكي قدامه..أنا اقوى من اني ابكي..اذا حسيت اني ضعيفه عندي ربي ابكيله..
وبعدين بلاش انكد عليه فرحته..واطفي جذوه ولدت داخله بالامل في الطفل اليتمناه..
ليه أكون أنانيه..اذا انا انحرمت..يكفيني هو سعيد بطفله..وسعادته تسوىالدنيا بمافيها..وهو طفلي وزوجي وصديقي وكل حياتي..
بس الفكره الي زلزلتني انهيتغير علي اذا تزوج..راح اجن..لا هو يحبني وماراح يتغير..
من حقه انه يتزوج ..منحقه ينجب..بس مو من حقه انه يتركني او يتغير علي..
ااااااااااه ياسلطان ليهتعذبني..حرام عليك..
ليه تترك لأفكاري السودا مجال ..ويـــــــنــــــــك...
الحين انا لازم ابرمج نفسي على غيابه..كيف راح اتحملبعده عني يوم كامل...ااااه والا يوم زواجه شلوووووووووون بتحمله ..اررررررجووووووووكم احد ينقذني....
اااااااه يايمه لو تدرين عن بنتك...يمه لوتدرين عن زوجها الي خطب...
يمه شنو بقولك ..كيف بتتحملين الخبر..يمهمحتاااااااجتك تضميني..تخففين علي يايمه..
يمه ابيييييييييك مالي بالدنياغيرك...
تعبت من الدموع..لازم اصير صارمه مع نفسي واتكيف مع وضعيالجديد..
اسندت راسي على ركبتي من التعب..أحس بدوخه ..أحس اني جوعانه..اييي ماكليت شي من اليوم..يوووووه الغداء الي سويته اليوم باقي زي ماهو..ياربي حتى سلطانما أكل..وينه طلع وهو جيعان..حرام ياربي ايش بقول اذا سألتني عنه..؟حسيت بأيدتمسح على راسي..فزيت وعلى طول رفعت راسي وشفته ..ماكانت ملامحه واضحه ..كانت الغرفهمظلمه مافي الا نور اضاءة الشارع..انحنى وسلم على راسي..
-حبيبتي صباحالخير..
صوتي اختنق وقتها..لا تقول لي حبيبتي..انا اتعب زياده بمجرد اني افكرانك راح تقولها لغيري..
مااقدر ارد..والله مااقدر..ناظرته وابتسمت..جلس مقابلني ..وهو ساكت وانا فضلت الصمت على كلامي المغلوب..لو تكلمت..بكيت..وأنا قررت ان مافيدموع..
جلسنا فتره وأنا ساكته وهو ساكت يلعب بطرف شرشف الصلاة اليلابسته..
-هديلرفعت راسي..بس ماقدرت احط عيني بعينه..
-امم ماجعتي..أناجوعان..ايش رايك نطلع نتعشى..بدل هالجو الكئيب..ليه الظلام..؟!!
هزيت راسيموافقه..
بسوي اي شي بس ما اتكلم..انا تعبانه ماني قادره اتحرك..بس مابقول لالأني ماابي اجادل أو أفتح مواضيع..ماابي اتكلم..
مسك ايدي وشالنيووقفني..
-يالله حياتي تجهزي..أنا أنتظرك..
.
.
.
انتظروني..سأعودبحروفي..

تسلمي أختي على القصة وربي لا يحرمنا من جديدك

تسلميييييييييييين عزيزتي ضوى عالقصة وودي أسمعها إلى النهاية لا تتأخري في كتابتها عزيزتي

هلا وغلا
القصة حلوة وياريت تكمليها لنا للأخر وماتتأخرين علينا بلأجزاء ويعطيج العافية ضوى على القصة

فتاة الزهور

تشكرون خواتي على تفاعلكن مع القصة
ولا تنسون الدعاء لهديل لأنها فعلاً بحاجة لدعاكم

وبالنسبة للذين يمرون بدون اضافة رد كذلك لا تنسونها من دعاكم
وأشركونا في الدعاء
ربي يوفق الجميع

وسأوافيكم بالجزء الثالث
انتظروني

الجزء الثالث

جربتم شعورالعجز...؟!!

العجز من أنك تحافظ على اغلى شي بحياتك..؟!!
العجز من انك تعطيهالي يتمناه..؟!!
العجز وانت تشوفه يودع اخر ايامه معاك..ويدخل احد بحياته يشاركككل شي..كل شي..
ااااااااااه من العجز لما يغلفك..لما يطبق عليك لدرجةالجنون..مافي شي بإيدك..مافي..
كل الادوات الي كنت تمتلكها افتقدتها ...حاولتانك تستخدمها للنهايه..لكن خانتك ...وماقدرت تكمل المشوار..
العجز حتى منالكلام..حتى من النطق..من الحركه..ليــــــــه مايحس فينيليـــــــــــــه؟؟؟كنت معاه في السيارة طالعين نتعشى..كنت في البيت جوعانه ..لكن الحين احس انيشبعانه حد التخمه..ماادري ليه ..لا تسألوني..الاحاسيس اليتجتاحني اليوم مختلطه..متناقضه..كل واحد يلغي الثاني ليكون هو الاقوى..
كل الياشوفه بهاللحظه ضباااااااب..دموعي تحجرت في عيوني..ماقدرت تنزل..
الشوارع كلهاخطوط متشابكه من الانوار..ما اشوف ..مااشوف..
احس نفسي اصيــــــــــح ماأبيافقدك..
تسمعني..؟!!
معقوله خمس سنوات ماكانت كافيه انك تفهمني...؟!!
تجلسبجنبي الحين ..وأحسك تخونني بالتفكير..أكيد بتفكر في العروسه الجديده..
ليــــهساكت..؟!!
ليـــــــــه؟؟تكلم..قول أنا ماافكر فيها..أفكر فيك..!!
قولأنا ماراح اتغير عليك..انا لك زي ماعودتك..!!
قول أني راح احبك حتى لو نستنيزوجتي الثانيه الدنيا بمافيها..!!
قول راح احبك حتى لو انجبت اطفالي الي حرمتينيمنهم..!!
اااااااه ياسلطان..؟!!
افهمني..أرجوك..أفهمني..
مو ذنبي أنياحبك..مو ذنبي اني اعطيتك الضوء الاخضر علشان تتزوج..مو ذنبي اني ماانجب..والله موذنبي..
تتوقع اني ماابي اطفال..؟!!
ارهن عمري وكل مااملك بس اجرب لحظة امومهانحرمت منها..لحظه اضم فيها طفلي..اشمه ..ابوسه..ارضعه بكل حنانالكون..
سلطان..بتتزوج انت وتنجب..
مين يبقى لي اشكيله شوقيللأطفال..؟!!
مين يبقى لي ابكي في حظنه بألم بعد كل مناسبه اسمع فيها انواع منالهمز واللمزاو نظراتهم الي ماترحمني اذا ضميت واحد من عيالهم ..؟!!
ميـــــــن يا سطان..أرجووووووك أفهمني..أرجوووووك أبي ارتاح..
-هديليالله وصلنا..
انتظرني اتحرك وانزل بس ماقدرت..نزل وفتح لي الباب ومسك ايديونزلني..
.
.
جلسنا على الطاولة متقابلين..لا انا ولا هو ارتحنابهالوضعيه..هالجلسه بتجبرنا اننا نترك عيوننا تسبح في ملكوتها الخاص..
وهذا اليمااقدر عليه..أنا لو ناظرته بهاللحظه..بأبكي..بأقول لا تتزوج..خلاص غيرت رأييماابيك تتزوج..وطبعا هالوقت بكون خسرت الصبر وخسرت زوجي الي مستحيليتراجع لانالموضوع صار رسمي ومو في ايده..
حسيت اني كتاب مفتوح لما وقف وغير مكانه للكرسيالي بجنبي..
توقعت وقتها اني تكلمت بصوت عالي..
.
.
طلبنا العشاء ..والله ماابالغ اذا قلت لكم اني ماقدرت اشيل الملعقه اصلا..ألم يفتتني..
يقضيعلي لكن بالبطيء..أحس اصابعي متخدره..لو تتقطع مااحسفيها..
يااااااااااااااااااارب ساعدني..
-هديل حبيبتي..افتحي فمك..
التفتله وهو رافع الملعقه يبي يأكلني..بهاللحظه..رفعت عيني بعينه..
توقفتالساعة..
.
توقفت الحياة..
.
كل شي تجمد الا هالعيون الياناظرها..حاولت ابعد عيني عن عينه..ماقدرت..
شي أقوى مني يجذبنيله..
ياربدمرني هالانسان..والله احبه..
طاقتي انتهت..ماحسيت الا ودموعيتنزل..وحده ورا الثانيه..ضغطت ايدي..حاولت اتماسك..والله ماقدرت..هديل تماسكي..مافيدموع..
وكأن كلامي يزيدني ضعف بدل القوة..وأنهاااااااار..يكفي سلطان..واللهيكفي..
من بدايتها أكون كذا أجل شنو بعمل لو تزوج..؟!!
ترك الملعقة ..وضمنيلصدره..وااااااااه من هالحضن الي يدمرني بدل ما يقويني..
قلت وصوتي يرتجف وأنااخرج اخر كلمات اقدر اقولها..
-سلـ ـطـ ـان ..اللـ ـه يخـ ـليـ ـك ..سـ ـاعدنــي أكـ ـرهـ ـك انـ ـا مـ ـا أقـ ـدر..
.
.
.
غلبت القوة ضعفي..لاأستطيع جر حروفي أكثر..
لكن أعدكم أنأعود
.
.
انتظروني..

يا الله يا أختي ضوى أنا أنتظرك على أحر من الجمر
الله يصبرها ويرزقها بالذرية الصالحة يارب العالمين
لا تطولي علينا يا أخت ضوى أنا بإنتظارك

أهلاً بيكم من جديد وإليكم

الجزء الرابع

سلطان..
كان سرحان وأولماسمع صوتي التفت لي..
-عيونها..
-انت بتملك اليوم صح..؟!!
أدري ان سؤاليغبي لكن كنت متعلقة بخيط أمل واهن..كنت أتمنى لو أسمعه يقول ..
لا..أنا ماراحأتزوج..مين قالك..أنا لك طول العمر..
مسك ايدي وشد عليها..
اااااااه ماابالغاذا قلت اني اتكهرب اذا لمسنيما ابيه يلمسني كرهت قربه الي يعذبني..
كل ماأحاول أتقوى وأعيد حساباتي في حضنه ..ألاقيني بعدت أكثر واكثر..
ايده الي كانتالربان الي يقود سفينتي في بحر الحياة..الحين اعتبرها الخنجر الي يقتلني..
طيفمجنون يحول أقل لذة أحسها معاه إلى عذاااااااب لما افكر ان هالشي بيصير معغيري..
يومين وانا مااقدر انام ..من قالي عن خبر الخطوبه وأنا أجفانيماالتقت..
افكر بكل شي..وأي شي..
ابتعدت عنه ..ماصرت احضنه وننام ..اااااهاشتقت لحضنه الطاهر..لحضنه الي يحويني أنا وبس من دون أحد ثاني غيرنا..
حتى هوحسيت انه مايقدر ينام..أنا عارفه انه النوم يستحيل عليه اذا ماكان بقربي..
اعرفبهالشي..بس مو تقصير مني أو انتقام الي جالسه اسويه..
أنا تعباااااااااانه لازمأخذ نفس بعيد عنه علشان أعرف أفكر بستقبلي..
ويمكن علشان أعود نفسي على بعده عنييوم كامل..أنام وحدي بهالبيت..
اااااه وحدي..أعيش ..ووحدي اموت..
ياربساعدني..
.
.
-سلطان ..لازم كل شي يكون واضح من البداية..أنا صح طلبت منكتتزوج لكن مايعني اني تنازلت عن حقوقي..
أنا تنازلت لأن هالشي من حقك وما أبياحرمك منه..فأرجوك لاتحرمني من حقي فيك..
اعتدل في جلسته وهو يضغط علىايدي..
-هديل..أنا والله العظيم أموت على ترابك ومو مقياس اني اتزوج يعنيمااحبك..وعلشان ماأجرحك دورت على وحده أقل منك بكل شي..
أكبر منك بأربعسنوات..ومطلقه ..غير كذا غريبه عني..مهما حبيتها مستحيل حبها يوازي حبك..
خنقتنيالعبره وأنا أقول
-بس أنا خايفه تنساني..
-جعل ربي ينساني ان نسيتكلحظه..هديل افهميني..والله حبك في كل خليه فيني ..يجري مع دمي..
-ايه بس لازمنتفق على اشياء قبل ما تملك..
- حبيبتي ..امري..والله لألبي لك كل طلباتك لو علىموتي..أنت عارفه ان هالشي مو بإرادتي..والله لو ما أمي الي مابقالي في الدنيا غيرهالأعيش أنا وأنت لوحدنا طول العمر..
اااااااااااه ((لوحدنا طولالعمر..؟!!))
ياليـــــــــــــــــــــــــــت..الله يسامحك ياخالتي..بس كمانمن حقها تشوف عيال ولدها ..
-سلطان ..أنا مجروحة ..والله قلبي ينزف..صعب علي انياتنازل عن نور عيوني..لكن كل هذا علشانك..لوما أحبك والله لأطلب الطلاق ..
حطايده بسرعه على فمي..
-هديل..أرجوك الا الطلاق..والله مااقدر اعيش من دونك..واذاوصل الموضوع لطلاق..أنا مستعد اني أوقف في وجه أمي وما ألبي رغبتها ولا أتزوج طولالعمر..بس أرجوك ما أبي أفقدك..
أفهميني..
-لا سلطان ..مو أنا الي افرق بينكوبين أمك..وكمان أنت من حقك أنك تتزوج دام العيب فيني..
سكتنا شوي..بعدينقلت..
- وأنا كمان مشتاقه أشوف أولادك..
- ياحبيبتي..هديل ..والله أنت نعمةعمري مايكفي أشكر ربي عليها..
- المهم سلطان..أنا بقلك كم شرط وأتمنى أنك ماتزعلمني..
- من حقك ..قولي الي تبينه ..عيوني لك..
- أول شي..أنا الحين ياسلطانمجروحه..وأنزف..ماأقدر أكابر أكثر..ولا أتحمل شي فوق طاقتي..أنا أبيك تبتعد عنيهالفترة..ماابيك تلمسني..
مو أنانية مني ..أو انتقام بالعكس ياسلطان..بس انامااقدر الحين..خل جروحي تبرا..
غمض عيونه بألم ..كأنه كان يتوقع هالشي..واكتفىانه هز راسه موافق..
-ثاني شي..اذا تزوجت ...زوجتك ماابي اشوفها..ولا يصير بينناأي مقابله أو احتكاك..أنا مااتحمل ..كفايه علي الي يحصل بعيد عنها..انا ما اقدراشوفها..
-حاضر..الي تامرين فيه..
-اخر شي انا أبي اسافر لأمي..محتاجتهاياسلطان..أبي أتنفس..أبي أريح شوي وأعيد حساباتي.. مهما كان أنا بشر..أغير جو عندهاوأرجع..
-ان شاء الله ..متى تبين تروحين..
-بأقرب فرصه لو بكره..
-اااااهياهديل..والله ماادري انا اواسيك والا اواسي نفسي..والله فراقك صعب ..كيف وانتمجروحه ..هالشي بيقتلني..
.
.
بعد العصر..كان الموعد الي تمنيت ان ربياخذني ولا أشوفه وهو يلبس ويكشخ علشان يروح يخطب..يارب..أنا بشر..والله قلبي لحمودم مو حجر..
ااااااه يارب اربط على قلبي.. توضيت وصليت ركعتين..وأنا ادعي ربيالي مابقالي غيره..
يارب..أنا ماتحمل..يارب..انت تعلم اني مافعلته الا لرضاكعلي..ياربي..ساعدني..ساعدني..اربط على قلبي..ارزقني درجة الصابرين..
.
كنتأدور أي شي اشغل نفسي فيه ولا اشوفه وهو رايح يخطب..فتحت الاب توب وجلست اكمل تصميمهجرته من اسابيع..
الخطوط اشوفها متشابكه..الشاشه ضبابيه ..مااشوف..يااااربرحمتك..
وصلني ريحة عطرة قبل مايدخل..
-هديل ..خلاص حجزت لنا بكره بعد الظهرالرحله..
رفعت راسي..ااااه ياربي ثبتني..كاشخ على الاخر..
ايش قال..؟!
-أيرحله..؟!!
-هديل حياتي..نسيتي..بنروح لأمك..
-اه تذكرت..حلو ان شاء الله اجهزاغراضي..بس..في اشياء ابيها من السوق..
-اوكي بخلي هند اختي تروح معاك انا بمرهمالحين باخليها تجيك..
-لا
-ليه..؟!
وتسال..انا ماابي ابين ضعفي لأحد..موناقصني احد يتفرج علي بيوم ملكة زوجي..
-أجل بطلت ماني رايحه مكان..
-لاحياتي ليه ماتروحين..خلاص اذا ماتبينها روحي انت..برسلك سواق اهلي..
-ليه انتوينك..؟!!
رجعت لأسألتي الغبيه..يعني وين بيكون بالله ..أكيد عند العروسه وأهلهايحددون معاهم كل شي..
-امم لا انا خايف أتأخر عليك..لا تنتظريني..
طلع منجيبه فلوس تركها على الطاوله..
-حبيبتي ..لو نقصك شي كلميني وانا احوللك..
ماناظرته..بس هزيت راسي موافقه..
اااااه ريحة عطره تدخل لقلبيوتقطعه..ريحة عطره..تذكرني لما جا يخطبني انا....ياااااه كيف الفرحة تموتفينا..!!
قرب مني..وباس راسي..
-استودعك الي خلقك..
غمضت عيوني..حسيتهيودعني للأبد..هذي اخر مره يطلع فيها من البيت وهو ملكي انا وبس..بيرجع وهو ملكلغيري كمان..ااااااه ياربي..ماابي افكر..
.
.

آآآآآآآآآآآآآآه يا ضوى والله مشتاقه أنش تكملي لي القصة يلا عزيزتي لا تتأخري علي ........ تحيـــــاتي ( اللؤلؤ المكنون ) .

والله القصة حزينة وتقطع القلب ياضوى هذا حنا وندمجنا مع القصة كيف صاحبة القصة الله يساعدها ويصبر قلبها

فتاة الزهور

السلام عليكم
مشكورين خواتي على تفاعلكم

وان شاء الله ماراح أتأخر عليكم

الجزء الخامس

مرت علي الساعة الأولى بعدماطلع أسوأ مماتوقعت..حاولت أشغل نفسي بأي شي..
أفتح التيلفزون..مااني قادرهاركز بشي ..كل شوي اناظر الساعه..دخل الحين يشوفها والا باقي..؟!!
.
.
ملكوالا باقي..يارب ساعدني..فكرت اروح السوق..اتسلى شوي واشتري هدايا لأمي واخواني.. بس انا خايفه ..ومتوتره..أنا دايخه وانا هنا بالبيت واخاف اطلع وادوخ برا..
رنجوالي..فزيت..ركضت اجيبه..أول شي جا في بالي هو..يمكن يقولي صار ظرف وخلاصمابملك..(متفائلة)..
رفعت الجوال لقيتها امي..
-هلا يمه ..هلا بتاجراسي..
-هديل ويــــــــــنك يمه ماصرتي تدقين..صار لك 3 ايام ولا حس ولاخبر..
أنا وقتها تذكرت اني ماكلمت امي الا صباح الثلاثاء الي خبرني سلطان بخطبتهبعدهاوانشغلت عن امي..
-فديتك يمه ..سامحيني..
-شلونك..ايش في صوتكمخنوق...
اااااااه يمه لو تدرين فيني..اااااااه يمه..
- يمه انا بجيكم بكرهان شاء الله
-خير يمه ..صار بينك وبين سلطان شي..
-لا يمه ..بسوحشتوني..
حاولت ادافع عبرتي واقولها ..لكن ماقدرت..يمكن كان عندي امل ان سلطانيرجع بدون مايملك..
-صدق ياهديل..ماادري ايش فيني ماني مصدقتك..
-شدعوهيمه..اخبار اخواني كلهم..
-كلهم زينين..يمه فيك شي..
-وراك يمه..قلتلك مافينيشي..
-زين هديل بغيت اخذ علومك...أجل متى رحلتكم..
-بعد الظهر..
-ياللهيمه انا بروح اشوف أبوك واخوانك..
-سلمي عليهم كثير
-ان شاء الله ..في امانالله..
- في حفظ الكريم..
.
.
على الساعة 12 تقريبا..كنت جالسه علىالسرير وحاطه المصحف في حضني واراجع حفظي..سمعت صوت الباب..تجمدت الايات علىلساني..اااااااه وصل..يكفيني عذاب ياسلطان..رجعت ..شلون بناظر عيونك اليشافتها..شلون بمسك ايدك الي صافحتها..؟!!
قووووول..؟!!
-السلام عليكم..
اهياربي صوته يعذبني..
رفعت راسي..كان في عيونه كلام كثيييييير..كانت مدمعه..وقفوهو يناظرني..
-هـ ــ ـلاتقدم ورمى غترته ..وجلس جنبي على طرفالسرير..
-ااه ياهديل والله فوق طاقتي الي يصير..
-ايش فيك..
-هديل انتمسامحتني..؟!!
-اي حبيبي..من حقك..
كنت خايفه اسئله ..ملك او لا..
-هديللا تذبحيني..والله الي اشوفه بعيونك عذاااااب..
- سلطان ايش تبي مني اكثر منكذا..انا مابينت لك شي..حتي الي داخلي تبيني اذبحه..
-لا ..بس..اااه ياهديل..ايشيصير فينا..
استجمعت قواي وطلعت حروفي..
-خلاص ملكت..؟!!
سكت ..ااااهياربي..ملك..بهالحظه أنا واياك ياسلطان معانا شخص ثالث..
-مبـ ـ ـ ــروكابارك لك حبيبي وانا افقدك..أباركلك..وانا احس شرايني تتقطع..ابارك لك املكالي بتحققه من غيري..
-الله يبارك فيك حبيبتي..امم اتفقنا على الزواج بعدشهر..
يارب انا مو وين اجيب الصبر..من وين وانا اسمعك تقتلني بحروفك..
سكتنافتره طويله ..ضميت ركبتي لصدري وانا حاضنه المصحف ..ابي احس بالامان..
-اتصل عليالسواق يقول انك رفضتي تروحين..ليه..؟!!
-لا خلاص ..بطلت..كنت بأشتري لأهليهدايا بس خلاص..دام اني بروح روحه مستعجله..
- ولا يهمك حياتي اذا وصلنا هناكنشتري قبل نروح لهم..
-لا ..انا ابي اروح لهم على طول..
-قصدك تبين ترتاحينمني بسرعه..
رفعت راسي بسرعه..فاجئتني كلمته..لقيت عيونه تدمع..
-اقوى منيالالم ياسلطان..والله اقوى مني..انا ماابي اعذبك بتصرفاتي معاك..
خليها (هدنةمشاعر)..نرتاح من الضغط..أنا اغير جو واجدد علشان ارجع بنفسيه احسن..
وانت تجهزنفسك للزواج..
-هديل..شلون بصبر عنك ..
.
.
.
انتظروني..
.
.

الله يساعدها باين من القصة انها تعاني كثير ومشكورة اخت ضوى على القصة ويلا ننتظر الجزء الجديد على احر من الجمر ترانا حبينا القصة

نحن بانتظارك يا ضوى