مواقف مضحكة من الأطفال .. تُخجل الأمهات ...
مواقف مضحكة من الأطفال .. تُخجل الأمهات ...
تقول وحده من الأمهات .. (كنت معزومه على حفل عشاء فأخذت ابنتي الصغيرة معي ، فلما جلسنا حول البوفيه ظنت انه مطعم وقالت بصوت عال : هذا الأكل بفلوس و إلا ببلاش؟؟ فضحكوا عليها الحاضرات..)
************
والثانية ... ( جانا ضيوف وجابوا معهم هديه للمولود الجديد فكان ابني يريد فتحها فقلت له ( اصبر حتى يذهبوا ) صار يدخل ويطلع ولما مل الولد من الانتظار دخل وقال بصوت مرتفع .... (خلاص أبفتحها شكلهم بينامون عندنا ) !!!!
***********
وقالت وحده بعد ... ذهبنا في زيارة لعمات زوجي ، وحده منهم كبيرة في السن قلت لولدي حب رأسها فرفض وقال ( ريحة رأسها شينه )!!! -يقصد الحناء- شوفوا الإحراج اللي صار لي ...!!! كما قالت.. جتني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ، و لما قلت لها عيب ردت وقالت ( شكلها شغالة
***********
هذه من جد يبغالها بالشنطه على رأسها...أخذت من أختي شنطه ورحنا لحفله ومعنا بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة وهي تقول ( حقت ماما هاتيها ) !!! وأنا أحاول أسكتها... !!!
***************
و وحده تقول .. زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: إذا خلصوا الرجال بنتعشى.. رحت أصلح لهم الشاهي .. راح ولدي دخل على الضيوف وقال لهم ( لا تخلصون العشاء لأنا بنتعشى أنا وأمي بعدكم ) !!! شوفوا وجه أبوه وقتها ....!!!
**********
وحده تقول ....بنتها دايم تحرجها بنقل الكلام قدام الناس – هذا عيب اللي يحش بالناس - تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام ا لـــكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي
إنتي ما تحبينها !!! طيب ليش تدخلينها البيت ..!!! تقول الأم : صار وجهي مية لون ..!!!! ويوم سمعت جارتي هذا الكلام زعلت وطلعت من البيت ....!!!
***********
تقول أخرى ....هذا موقف حصل لي ومع أقاربي : كنا بنصلي المغرب جماعه في إحدى الاستراحات وكان أمامنا طفلين , الأول يقول للثاني : أنا اسم أمي فاطمة , ايش اسم أمك انتا ؟؟؟؟ يرد عليه الولد الثاني وهو اصغر منه بكثير : اسم أمي ماما !!! وهاتك ضحك وحنا نصلي استغـفـر الله ما قدرنا نمسك الضحكة .!!!
***************
في المدرسة ...كانت المعلمة تشرح لطالبات الصف الثالث الابتدائي عن وسائل الاتصال الحديثة مثل الهاتف والتل** والبريد الجوي والفا** فرفعت إحدى الطالبات الصغيرات يدها وقالت: أبله حنا عندنا فا** في البيت عند جدتي وتستعمله كل يوم....!! فشجعتها المدرسة على إكمال حديثها وقالت: وكيف تستخدمونه؟؟؟ فقالت الطفلة: تدهن به ...-البنت بالطبع كانت تقصد دهون الف**- ....!!!!!
*************
إحدى الأمهات
اعتادت أنها ترى ابنها الصغير يطارد الدجاجات ويدخلها إلى محلها ويحرص على إبقاء الديك في الخارج وعندما سألته عن السبب قال: ذولا حريم ما يطـلعـن من البيت ويشوفن الرجال....!! ( بصراحة هذا الطفل عنده غيره أحسن كثير من رجال اليوم )...!!!
*************
أيضاً في المدرسة ...طفلة في الروضة كانت تعبث بأنفها أثناء الحصة ... فانتقدتها المعلمة وقالت لها استعملي المنديل عيب اتسوين كذا فأجابت الطفلة **** لا مو عيب !! بابا يسوي كذا .... **** !!!!
*********
جاء بيكحلها عماها ...دعيت العائلة للعشاء عند أحد أقارب الزوج وأثناء تناول الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت تتمنع فرد الطفل بلهفة لإنقاذ أمه من المأزق .... **** لا تحطين لها صحن ثاني ترى بابا يقولها لا تكثرين أكل انتفختي ****...!!!!!! ( بصراحة الرشاقه جمال وصحه )...!!!
*************
و أختم بهذي النكته :ولد و ابنه راكبين الباص , صورة الرئيس فلان
معلقه في المقدمه -الولد وهو يأشر على الصورة : بابا بابا منو هذا اللي قلت عنه حم؟؟؟؟ر !!!!! الأب: لمين هالولد يا إخوان
**********
ووحدة تقول:
موقف مع بنت اختي تقول
كنت انا وولد اختي اسمه " عبدالله " كان عمره 3 سنين " الله يحفظه " وكنا في السوق
ماشاء الله عليه عبدالله كل شي يبا يشتريييه .. فأنا قلت بعامله على اساس انه ولد كبير " مش يقولون اليهال عاملوهم على انهم كبار ؟؟!!!" فنزلت وقلت له حبيبي عبدالله انا ما عندي فلوس اشتريلك اللي تباه ....
سكت عبدالله .. قلت الحمدلله .. صدق انه اكبر عن سنه ..
فجأة تم يصارخ بصووت عالي ويقوول : ما عندنا فلووووس .. ما عندنا فلووووووس ..
محد في الطابق الثاني ما سمعه ... وحليلي كنت متغشية وانحرق ويهي ..
.................................................. .......
ماشاء الله في مواقف كثيره للأطفال .. يعني انواع
ملطووووووووووشة
تحياتي
