خلاص ياصغير السن قدرك طاحت ابراجه

خلاص .......




ياصغير السن قدرك طاحت أبراجه



الجرح خلي الصخر ينطق ونطقني




خلاص ماعاد تعني لي ولا حاجة




رح .. جعل ربي يوفقك ويوفقني




من بعد ماكنت نور العمر وسراجه




اليوم صرت الظلام اللي يطوقني




عطيتك أكثر من اللي كنت تحتاجه




أسرفت فــــ( الحب ) لين الحب وهقني




خلاص مالي ومال الحب وإزعاجه




مالي ومال الدروب اللي تضايقني




تعبت اضم البحر واهدي أمواجه




تعبت أجامل وأشوف الوقت يسرقني





شكواي للي عليه الضيق وإفراجه





اللي إذا شاء يرحمني ويرزقني




أما انت يابو جبين عقد حجاجه




لاعاد تسأل علامك ما انت طايقني





الناس كل علي دربه ومنهاجه




وأنا عن الناس مابه شي يفرقني





إلا أني دايم أحب الصدق وأواجه





مخلوق والله علي هالوضع خالقني




حتي رفيقي ضماد الجرح وعلاجه





علي كثر ما أتمسك فيه صدقني





لو أدري إنه مرافقني علي حاجه




لا أمسكه حاجته .. وأقول ... فارقني

سلمتم أناملكم التي نثرت عبير الكلمات
وجميل المعاني والعبارات رائع كل ما
أفاض به يراعكم القيم من جمال الأحرف
ومن رقة الأسطر

ودمتم بكل محبة ووفاء