قالت وهي تبكي ترا لك الكل يفداااك!!!!

جتنـي وقالـت خـذ بقايـا هـدايـاك
وهـاك الرسايـل وأعتبرهـا نهـايـه


وخل ذكرياتـي والصـور دوم ويـاك
مابيـك تنسانـي وتنـسـى هـوايـه


وأستر على ماشفـت منـي وماجـاك
وعسـاك تذكـر ذكريـاتـك معـايـه


قلت أسمعي قالت عسـى الله يرعـاك
مـاعـاد ينـفـع ياحبيـبـي كفـايـه


صاح الضمير وقال يالزين وش جـاك
ودي أعـرف اليـوم شنهـو خطايـه

ودي أعرف اللـي حصـل لاعدمنـاك
شاللي حصل بالضبط شنهـي الحكايـه


قالت ( خطبني ) شخص مثلك وشرواك
وأبــوي ملـكـه وحـطـم منـايـه


قالت وهي تبكي تـرى الكـل يفـداك
لكـن ظـروف الوقـت زادت شقايـه


غصب علي اليـوم أوادعـك وأجفـاك
مجبـوره ياقلبـي أفــض الـروايـه


لاتعتقد فـي يـوم أنـا بقـدر أنسـاك
أنـت الوحيـد اللـي لهالقلـب غايـه

والقلـب صابـه وقتهـا ألـف دكـاك
والهـم أعلـن فـي حياتـي البـدايـه

سلمتم أناملكم التي نثرت عبير الكلمات
وجميل المعاني والعبارات رائع كل ما
أفاض به يراعكم القيم من جمال الأحرف
ومن رقة الأسطر

ودمتم بكل محبة ووفاء