وانت يالفجر البعيد نامت عيونك..
القصة تتحدث عن اسمى واطهر المشاعر التى عرفت في عالم البشريه الحب ولاشي غيره ...الحب الذي
يحيي قلوبا قد ماتت ويميت قلوبا عاشت به ومن اجله ...
التضحيه
الحب الطاهر
الألم
القسوه
سنعيش جميع هذه الأحاسيس فقط في........
(وانت يالفجر البعيد نااااااااااااااامت عيونك)
/
/
/
/
/
(الجزء الأول)
(الفصل الأول)
ابسالك من أولك حتى آخرك كم فصل يوجد بالسنه ؟خمسه ..اربعه.. ثلاثه..انااشوف ان الفصول أربعه قبل
تجمع كل الفصول غيوم وامطار وزهوربردك وحرك مع اعتدالك فيها اتنفس واعيش والحين ممكن تقدر عن
الفصول تجاوب ان جيت يوم اسألك ؟؟ بك ابتدي ولك انتهى ياغايتي ومهجتي من طيبك كل الشموع غارت
وذابت في غضوووع غيرك انا مالي احد كل الشموع في دنيتي ذابت وغابت للأبد الاانت ياشمعة مناي من
مثلك اللي نوره اشعل الفتيل غروره.....تؤام روحي ..باركض معك ولااحس بعطش أواشعر بلحظة طفش
وماراح اموت من الظما مااحلى فصلك بالسنه هذي حقيقه قلتها ,نطقتها,هذي حروفي حب واخلاص
ووفا ماخالطت حروفي الكذب ولاالخيانه والجفا ...اجمل وطن فيك التقيتك كل الدفا اللي ابيه تذكر يوم
اسألك
كم فصول السنه؟؟ انت في قلبي الاول والباقي اربعه في السنه .... وانت يالفجر البعيد نااااااااامت
عيونك .......................
(رهف):لاحووووووول مامليتي من هالشريط خلاص لاعت كبدي اعتقيه لوجه الله ثلاث سنوات معك وكل
مره اجيك سمعتيه.
(مشاعل) :وهي قايمه وتعدل جلستها وتناظر برهف بكسل اففففففففففف وبعدين معك دايما تخربين
جوي .
(رهف):تكفين ياام جو انتي والله مو ذنبي انك رومانسيه بزياده.
(مشاعل):وانا مو ذنبي انك دفشه بزياده ..
رهف وتسوي نفسها زعلت الشرهه مو عليك علي اللي تاركه اهلي وقاطه عندك وراحت للباب بتطلع ,
لحقتها مشاعل وقامت تقرصها بخصرها وتبوسهااااا وهي تتعذر من رفيقة عمرها ..
(رهف) :ووجع خلاص سعابيلك ملت خدودي يع
)مشاعل):هههههههههههههههههههههه هويحصللك مشاعل بنت ال.... تبوسك انتي وجهك
(رهف) :اقول لايكثر بس امحق رومانسيه ..
(مشاعل):اقول الله يعين من بياخذك
(رهف):امه داعيتله
(مشاعل):قصدك داعيه عليه وحطت رجلها ورهف وراهااااااااا تتوعد.
(مشاعل / سنه أولى جامعه / جاذبيتها محط اهتمام وحسد اللي حولها قلبها ابيض وحلوووووه تعشق
الأشعاروالخواطر طبعا مشاعل ماشافت أمها اللي ماتت وهي تولدها ماتبين حزنها قدام أحد )
(رهف/سنه أولى جامعه/ دلوعة العايله ملامحها طفوليه محبوبه من الجميع متهوره شوي وتحب المغامرات)
أبو مشاعل وأبو رهف أخوان بالرضاعه
هذاهم وهاذي حياتهم رهف ومشاعل من الروضه وهم سوا مافترقوا طول مراحل الدراسه الثنتين يدرسون
بجامعة الملك محمد بن فهد ونفس التخصص ترجمه بس مشاعل كانت اشطر من رهف حبتين ...
دخلوا الثنتين المطبخ وكل وحده تضحك على منظر الثانيه بعد المعركه الخفيفه اللي حصلت بس ماكان فيه
اصاباااااااات مشاعل وهي تطلع لها بيبسي من الثلاجه :الا اقول رهيف شصار على طلعتنا البر؟؟
(رهف):ابد كل شي جاهز وتماااااااام ابوك ماقلك متى المسيره ؟
(مشاعل):شدعوه مظاهرات هههههههه
(رهف):شكلها والله تدرين بالموت ابوي رضى بهالطلعه والله اني بموووووووت من الونااااااااسه.
(مشاعل):وانا بعد الله يجيب ذاك اليوم على خير بس ماقلتيلي متى المسيره على قولتك
(رهف) :الخميس ان شاءالله في الصباح
)مشاعل):حلو وش رايك تنامين عندي؟
(رهف):ودي بس تدرين عفسة اخواني عفسه وبساعد امي..
(مشاعل) :تكفين اللي بتشتغل الحين هذا وجهي ان ماصكيتيها نومه..
(رهف) : يالمفتريه حرام عليك من يوم يومي احب اساعد
(مشاعل)ههههههههههه يالله مره ثانيه
,دق جوال رهف وكان السواق برا يستناها لبست عباتها وجت بتطلع لفت على مشاعل وقالت
يوووووووووووووه نسيت اقولك ترا العقربه سوير بتجي دريت من امي امس بالصدفه والله صادني اكتئاب
(مشاعل)هههههههه اكتئاب مره وحده بس معك حق ذي سوير من يطيقها الله يعينا بس انا ودي اعرف هي
ليه تكرهني !!
(رهف)لانك ياعزيزتي احلى واكشخ واصغر والغيره بتاكل قلبها منك,فهمتي؟؟
(مشاعل):الله يهديها بس ويكفيني شرها
(ساره تصير بنت خالة رهف اكبر منهم باربع سنوات )
عندها اخت اسمها مها بس سبحان من خلقهم مها كانت احسن من ساره خلقا واخلاقا امهم سلمى
اخت
فوزيه ام راكان ودعت رهف ساره وطلعت للسواق
...
بعدها باسبوع (الخميس 9/صباحا)في بيت بوراكان
(فوزيه)يالله يمه جاهزين يالله؟؟
(أم راكان طيبه على نياتها وتموووت على عيالها)
(عبيرنازله من الدرج):ايه يمه خلاص بس بخلي الشغاله تطلع هالاكياس والترامس..
(عبير/25سنه موظفه في بنك ومخطوبه لولد عمتها خالد)
(رهف)اقوول كلمتو بنات عمي عبدالله ؟
(عبير) خلود كلمتني تقول انهم بيجيبون مشاعل لان عمك وولده سبقونا على المخيم ,
(رهف)اها طيب احنا خالصين يمه وين خواني؟
على نزلة راكان :صباح الورد يااحلى وردات ,الكل صباح النور .
(راكان /30 سنه يشتغل مع أبوه وخفيف دم مسوي أكشن في البيت)
(رهف)ركوووون يالله خلصنا ..
( راكان)يالله عزيز وراي بطلع احمي السياره والحقوني ,
(فوزيه)وين ابوك ؟؟
(راكان)بارتباك :ها ابوي ...راح وقال الحقوني ..
(فوزيه غريبه ماقالي صحى بدري ولبس قال عنده مشوارالله يستر
(راكان):شدعوه يمه خير ,خير ان شاءالله وطلع
/
/
/
(في بيت بومتعب)
(مشاعل) :يالله خوخه وينك ابطيتي تراني جاهزه,
(خلود):طيب لاتاكليني بس تدرين اخذت وقت في تقويم العيال الحين نجي انا ومجيد..لبست مشاعل
عباتها
وجلست تنتظر وصول خلود
(خلود 28/سنه متزوجه عبدالمجيد ولد عم أمها وكويتي الأصل عندهم التوم البتول ومحمد 9سنوات)
..........
(في بيت بوراكان)
(راكان)ياللللللللله ياناس تاخرنا
(عبدالعزيز)ترانا في نفس البيت ليه تصيح؟؟
(عبدالعزيز 23/ سنه يدرس في جامعة الملك عبدالعزيز بجده قسم هندسه وهاذي اخر سنه له ويتخرج)
(رهف)لوراكان ماصاح من يصيح؟
(راكان)لاانتي ووجهك بعدين لوماصحيت صدقيني جلسنا هناللعصر ذي تتزين وذيك تتميلح رايحين عرس ..,
(رهف) اشوف فيك يوم ياركوووون وتجي اللي توريك السنع صدق .
(راكان +عبدالعزيز)هههههههههههههههههههه
وطلعوا كلهم من الفيلا بيتوجهون للمخيم...
(في المخيم )وصلوا بومتعب وولده فيصل واستقبلهم شخص من زمان ماشافوه بس عرفوه سلمو عليه
(بومتعب رجل أعمال وله كلمته وهيبته بين ربعه وجماعته )
(فيصل/ 26سنه رومانسي وفنان موهوب بالرسم عنده مرسم يقضي فيه معظم وقته وحلمه يشارك بلوحاته
خارج المملكه)
بحراره ورحب فيهم واحلوت الجلسه بوصول عايلة بوراكان ,الكل كان متفاجئ بس رهف كانت بتموت
وتشوفه ,دخلت فوزيه مخيم الرجال سلمت على عبدالله وولده واخذت ولدها بالاحضان ودموعها على
خدودها من الفرحه والصدمه
(فوزيه)يابعد هلي كلهم واحشنا والله شخبارك يمه وش حالك ,,؟؟ كذا تجي وماتقول شي وضربته بيدها
على راسه وتناست وجود الرجال ومي شايفه غير بندر ولدها الصغير,
(بندر27/ سنه درس مراحله الجامعيه بكندا وكان تواجده مع أهله قليل بحكم دراسته ملامحه جدا حااااده
ووسامته تذبح) <<< عزوووبي
(راكان( كيف المفاجئه هههههههههههههههههه,,
العيال كانو عارفين وماعلموا احد لان ابوهم كان بيسويها مفاجئه ,,سلموا على اخوهم,,
(فوزيه)عرفت المشوار اللي قومك من صباح ربي
(بوراكان)هههههه ايه رحت اجيبه من المطار,,
( عبير) من تحت الغطا شخبارك ياخوي عساك طيب وسلمت عليه وعلى عمها وولده ,,
امارهف كانت تبكي من تحت غطاها من الفرحه لانها تموووووووت على اخوها ومن زمان ماكلمته ولاشافته
..ركضت عليه ورمت نفسها بحظنه وجلست تبكي ومي شايفه احد قدامها
(بندر)شدعوه ريوووووف حبيبتي خلاص ,
(رهف)واحشني ياخوي 4شهور يالظالم ماتتصل
(بندر)والله كنت مشغوووول لاكن هاذاني جيت وبعوضكم بشهر كامل اجازه ونحضر عرس هالدبه اللي وراك
وياشر على عبير اللي انحرجت وشردت قسم الحريم ,,
,
فيصل كان واقف ويراقب المنظر لفت انتباهه تعلق خوات بندر فيه وان دل على شي دل على حنيته عليهم
(نتبهت رهف لعمها الواقف وسلمت بكل احترام عليه )
خرشت قلبه بصوتها غصبا عليه ظلت عيونه عليها لين مااختفت من قدامه طبعا المقصود
(فيصل) جلسو الشياب سوا والشباب كان
جوهم ولااحلى خصوصا بوجود بندر.......
/
/
/
/
على الساعه 11 الظهر وصلوا خلود وزوجها ومعهم مشاعل,,,,
(في السياره)مشاعل اقول خلود شكلي زين ؟
(خلود)اسم لله عليك قمر 14,,
(مشاعل)ياعمري انت .
(خلود) اقول ترا مو رايحين عرس تراه خلا
(مشاعل) خلوووووووود بلا طنازه
(خلود)ادري فيك كشخه تهبلين والله
(مشاعل( وهي تحاول تخفي ارتباكها سوير هنا ,,
(خلود) لاتقولين وش جايبها..
(مشاعل) اففففف ياربي بتجلس الحين تقز فيني كالعاده وتتميلح مع وجهها
(خلود)ماعليك منها شعول حبيبتي واثق الخطا يمشي ملكا ,,ضحكت مشاعل على كلام اختها وضمتها الله
لايحرمني منك قولي امين ,,ناظرتهاخلود بحزن ولايحرمني منك ...كانت خلود لمشاعل الام والاخت
والصديقه مع ان مشاعل كانت نوعا ما قنوعه بقدرها بس خلود كانت تشوف الحزن بعيون مشاعل ومع
ذالك ماكان بيدها حيله وماكانت تقصر عليها بشي........
دخلو البنااااااااااااااات على الحريم وساره كانت في الاستقبااااااااااااااااااااال
/
/
/
/
/
/
رد: وانت يالفجر البعيد نامت عيونك..
الجزء الاول)
(الفصل الثاني)
دخلوا البنات قسم الحريم ,الكل كان موجود فوزيه وبناتها وسلمى وبناتها ,,
(خلود ومشاعل) :السلام عليكم..
الكل :وعليكم السلام سلموا البنات على خالتهم فوزيه وجلست خلود معهم اما
مشاعل راحت جهة البنات ,,
مها:ياهلا والله ان لك وحشه شعووووووول من زمان عنك شخبارك ؟؟
(مشاعل):تمام الله يسلمك وانت والله وحشتيني دايما ارسل سلامي مع رهيف ,,
(رهف): (كذااااااااابه,,
(مها)ماالكذاب غيرك ادري بشعوووووووله فديتها
(مشاعل)هههههههههه فشلوهاااااااا
(ساره داخله عرض كالعاده ) شخبارك مشاعل من غير نفس
(مشاعل)بخير وانت
(ساره بقرف ) الحمدالله احسن مني مافيه,,,
ماردت عليها مشاعل لانهاتعرف عفاشتها لفت على عبير اللي قالت يااااااااعيني على الجسم تصدقين
هالبنطلون مطلع جسمك روووووووووعه ملكان,,
(مشاعل)لاياشيخه جسمي هذاهو ماتغير ولاماتشوفيني ؟؟
(رهف)) :ههههههههه عقلها هالايام مومعها لاتلومينها مع ولد الشاري ,,
رهف كانت تقصد خطيب عبير خالد ..
تدخلت سوير كالعاده وبغرور قالت غبيه اللي يطير عقلها عشان رجااااال
,,لفت رهف على عبير وبعينها الشر ودها تقطع لسان هالعقربه بس ردت بكل هدوء عنها مشاعل وقالت
ببرود رجال عن رجال يفرق,,
سكتت ساره وماردت على مشاعل حاولت مشاعل تغير الجو اللي تكهرب قالت لعبير :هاعبوووووووور
شخبارك التجهيزات خلصتي ؟
(عبير)بقى كم نزله لمحلات اللي خبرك واخلص ,,ضحكت مشاعل عليهاااااااا وفهمت عليها وطبعا رجلك قبل
رجلي ياحلوووووه ,,
,(ساره)وهي تناظر مشاعل ايه ياعبير بس ذوق مشاعل صعب وماينلقى بسرعه,,
مشاعل تناظر رهف وكانها تقول اقوم اكفخها ذي ,, بس كالعاده ردت ببرود وقالت الغالي مايجي بالساهل
,,انقهرت ساره منها ومن ردها حبت تغايضها
(ساره)الله يخلي امي دوم تساعدني ومااتعب نفسي بالسوق,,مشاعل وخلاص هنا وماقدرت وعشان مايطيح
قناعها حاولت تتماسك تجمعت الدموع بعيونها بس موساره اللي بتذلها على اخر الزمن ماتبي شفقة احد
وبالذات سوير ابتسمت ساره ابتسامه مصطنعه وقفت بتطلع لفت على ساره وبكل هدوء والله ياحبيبتي تعديت
مرحلة الطفوله خلاص ومااحتاج احد يلبسني لان قراراتي بيدي انا وبس وطلعت ركض ,,,انقهرت ساره زود
من ردة فعلها هاذي متى بكسر خشمها ؟؟......كل مره تزيد غرور وكبرياء؟؟
طلعت رهف تدور على صديقتها مالقتها سالت الشغالات الواقفات مااخذت منهم شي مفيد راحت لاختها خلود
(رهف وهي تلقط نفسها :خلود ماشفتي مشاعل وعلمتها السالفه ,,
ابتسمت خلود بوجه رهف ,رهف حبيبتي انا ابخص بشعوول اذاهدت من نفسها بترجع
صدقيني.............................
في مكان شوي بعيد عن الخيام كان بندر جالس يتامل بهالصحرا يالله 7سنوات غربه 7سنوات تارك هالارض
صدق الايام تمر بسرعه من يصدق توني كنت متخرج ورايح ادرس كانها امس اذكر ذاك اليوم بكل مشاهده
الحمدالله على كل شي الحمدالله,,قطع حبل افكاره صوت حاول يقرب من مصدره جلس يمشي لين وصل لتل
صغير وشاف بنت جالسه عليه وتصيح ,,كانت تبكي بحرقه وتشهق بين دموعها صوتها على قد رقته كان
مسموع بالنسبه للهدوء اللي حولها,ياربي لمتى بظل اعاني والله تعبت ليه يمه تركتيني ليه رحتى وخليتيني
ليتك اخذتيني معك ولااعيش بهالدنيا اللي ماتسوى شي دونك .....كان منفجع من شكلها كل هالحلاوه
وهالبراءه وكل هاللآم داخل قلبها الصغير جلس يناظرها وكان في شي جاذبه لها البنت انتبهت مشاعل
لهالشاب الواقف ويبحلق فيها باين عليه مو صغير طول وعرض ووسامه استوعبت شوي المنظر ونطت من
مكانها وصاحت بوجهه وشفيك تناظر وش جابك هنا روح يابن الحلال لااصيح والم عليك اهلي
,,انتبه بندر لصياحه كان احد عطاه كف وصحاة من النوم لف وجهه وعطاها قفاه
(بندر): السموحه بس شفتك بلحالك انت ضايعه ؟؟؟؟
(مشاعل ):لاموضايعه اهلي هناك واشرت على الخيام والحين بروحلهم وانت ارجع من وين ماجيت لاحد
يشوفك وتصير سالفه....
(بندر): منصدم متاكده ذيك خيامكم !!
بس ماردت عليه لانها حطت رجلها ومالحق يشوف غير قفاها وشعرها المنثور على كتوفهااااا,,,
ضحك على كلامها اجل لودرت اني من اهل هالخيام بس من تكون ؟؟
مشى يكمل طريقه وفي باله يعرف من هالملاك الي شافها
..............
دخلت مشاعل الخيمه ترجف خايفه احد شافها تكلم هالرجال هي ماسوت شي هو الغلطان بس حتى انا
المفروض ماطلعت بدون غطى الله ياخذ سوير من زعلى نسيت على بالي في بيتنا وضحكت تذكرت منظره
وهي تصارخ عليه وهو ساكت مبلم فيها كانه طفل وامه تهاوشه
(رهف)بسم الله عليك انت بخير؟؟
(مشاعل )اشفيك مافيني الاالعافيه بس تضايقت شوي وحبيت اشم هوا لحالي حرام
(رهف)متاكده..قصدي سوير.....انا.....
.(مشاعل)لاتكملين انا نسيت السالفه اصلا بعدين عادي تعودنا وقفت على سوير يعني ,,ضمتها رهف وقالت
طول عمرك بتظلين الاعقل
............................................
مرت عليهم ثلاث أيام عليهم بالمخيم حاولت مشاعل تتجنب سوير قدر المستطاع ومحد درى باللي حصل ظلت بين البنات وهذي كانت رغبة مشاعل لانها ماتبي مشاكل انبسطوا البنا ت بهالرحله كانو يقومون من الصباح والفطور كل يوم على وحده هذا غير سواقتهم السياره وشب النااااار يعني سو اللي ببالهم واللي يوسع صدورهم .....
(اخريوم لهم بالمخيم)
(ساره):ياويل حالي يامها شفته شفته يذبح كل ماله يزين,,
(مها) :لاحوول وبعدين معك انت مامليتي ماتستحين والله لوشافك اخوي سلمان كان عرف يتصرف معك انت
صاحيه وش هالجرأه اللي فيك وقامت بتطلع ,,
مها كانت مستاءه من تصرفات اختها الهبله طالعه وبدون عباه وجالسه تتمشى عند سيارته وكانها ماتدري
انه فيه
(ساره) قولي اللي تقولينه بلاك ماجربتي اللي احس فيه
(مها)تعتقدين بحركاتك ذي بتلفتين انتباهه اصحي ياساره اصحي ذا بندر بندر اللي عمر بنت ماهزته ولاناسيه
اللي صار نتيجة ابداعاتك اخر مره وطلعت وتركت اختها ساره تموووت على بندر اللي مو معطيها وجه
ويعاملها مثل خواته قبل سنه ارسلت عليه وحده من خوياتها خويات الشر عشان تعرف اذا هو يعامل كل
البنات مثلها ولا لا طبعا بندر جر البنت لين عرف سالفتها وعرف مرسلها وسوا النون ومايسطرون في
ساره الى اليوم موقادره تنسى كفه على خده يوم اتهمته قدام خواته انه جارى البنت صديقتها وذا ماحصل
ومن وقتها مو قادره تنسى حبها له تحبه وش تسوي
............
كانت مشاعل تتمشى مع رهف ركبوا وحده من السيارات كانوا مشغلين محمد عبده وداااااااااااخلين جو
كل مانسنس من الغرب هبوب...حمل النسمه سلام...وان لمحت سهيل في عرض
الجنوب عانق رموز الغرام....لك حبيب مانسى كلمته دايم عسى..يطلب الله ويرتجيه
صبح يومه والمسى ....كل زينه شاهده وانتم بعيد ..منيتي ليتك معي..وان سهرت
الليل اهوجسبك واعيد هل لاجلك مدمعي..انت هاجس خاطري وانت فرحة ناظري
ياقريب ويابعيد فيك امسي وحاظري.....................
(رهف) بسم الله...
(بندر)شايفه جني ,,
مشاعل طارت عيونها لمصدر الصوت لالالامستحيل غطت بسرعه ودقت رهف
رهيف غطي خير انشاءالله
(رهف وماسكه ضحكتها ماودي مولازم شرايك بندر)
بندر ميت ضحك واللله لاانت ولاهي بس ماعرفتينا رهف من هالضيوف اللي معك
مشاعل من الصدمه ماتتكلم قلبت سايلنت هههههههه
( اعرفكم ببعض مشاعل بنت عمي عبدالله وذا بندر اخوي وولد عمك)
(
رد: وانت يالفجر البعيد نامت عيونك..
مشاعل).................................وبعد فتره همست لرهف احلفي ذا بندر ؟
سمعها بندر ورد عليها والللله العظيم سعودي الجنسيه ومن العايله تبين الجواز؟
ضحكت مشاعل غصب عنها من كلامه حس انه احرج مشاعل
استاذن منهم بأدب ولف على اخته بلاش لعب في السياره
(رهف)حراااااااام عليك مابنسوي شي
(بندر)امزززززح حلالكم السياره وصاحبها ويناظر بمشاعل اللي كانت تبي تطلع من السياره باي طريقه لانه
حشرها بكلامه...بعد ماراح وحست الجو امان فكت غطاها ولفت على رهف الحين ورا ماتقولين ان اخوك
فيه؟؟
(رهف )والله نسيت اسفه بعدين انا مثلي مثلك تفاجئت بجيته ابوي كان مسويها مفاجأه لنا تدرين كم لنا
ماشفناه ..
(مشاعل )ومابقى فيها عرق خلاص نشفت من الخوف خافت بندر يقول شي لرهف عن ذاك اليوم يوم شافها
..هيه انت وين رحتي ؟
(مشاعل)لا ولاشي شرايك نطلع لان الشمس خلاص بتغرب وعشان يمدينا نلم عفوشنا ولانسيتي ورانا طريق
الصبح ,,
(رهف)على قولتك مشينا............................
بمكان ثاني قريب كان مصدوم وحاله مو احسن من حال مشاعل معقوله ذي مشاعل يالله اخبرها في المتوسط
بس ماشاءالله عليها احلوت يالله زين طلعنا معاااااارف والله اني مو بصاحي ليه جالس افكر بهالبنت
شالسالفه؟؟؟؟.....................................
سبحان الله كيف الصدف تلعب دور كبير بحياتنا ...
/
/
/
على حدود الساعه 6 الفجر الكل كان صاحي ومستعد شالوالشباب الخيام وحطوهابالسيارات وتوادعوا الشياب والحريم والبناااااااااااااااات وكل ركب سيارته متجهين للخبر........................على الساعه 8وصلو وكل عايله توجهت لبيتها....
اخذتلها شور سريع يزيل تعب الطريق ولبست بيجامتها الفوشيه اللي تموت عليها عباره عن بنطلون برمود قطني وتوب مرسوم عليه صورة ميني طالعه فيها بيبي بس كيووووووت....انسدحت على فراشها ناثره شعرها الاسود اللي يوصل نص ظهرها وجالسه تسمع لفيروزودارت الايام اللي راحت في بالها وجلست تفكر في ....قطع تفكيرها وهدوئها جوالها ردت بفرحه ياهلا والله ,
(موضي)صباحج ورد ياورد
(مشاعل )ياحلوك وحلو لسانك وينك والله وحشتيني مووووووووووت ,,لحظه لحظه انتبهت مشاعل للرقم
وكان داخلي لالالالالالالالالالالالالا انت هنا
(موضي)فقعتي طبلتي ايه ايه هنا هههههههه
(مشاعل) :من متى الوصول حمدالله على السلامه نورت الرياض واللله
(موضي )باهلها فديتج
(مشاعل) لازم نشوفكم,,
(موضي)(اكيد حبيبتي ان شاءالله.
(مشاعل )جيتو كلكم
(موضي)انا وخواني
,(مشاعل) اوريها خلود ماقالتلي
(موضي)والله محد يدري انت اول وحده دريتي احنا مابنطول كلها كم يوم ونرد الكويت بنحظر عرس عبووور
بعد الزن المتواصل وافق ابوي وجيت مع خواني .
.(مشاعل )زين والله وناااااااااااسه بتفرح عبير لو درت ,,خلاص اسمعي لازم تجونا وانا بعلم الوالد
,,(موضي)خلاص حبيبتي اشوفج على خيروقفلت منها
..............................................
(موضي )تصير اخت عبدالمجيد زوج خلود تذكرونه ابوهم كويتي وامهم تصير عمة ام مشاعل
عمرها25سنه قريبه من مشاعل وتحبها مثل اختها الصغيره عندها اخوان اثنين احمد 27 وفراس 22سنه
بعدهالمكالمه مشاعل نامت من التعب وماقدرت تقاوم ماقامت الا على حدود الساعه 4 العصر قامت وغسلت
وجهها توضت وصلت غيرت بيجامتها ولبست بنطلون جينز ضيق وتوب طويل اصفر مخطط بتركواز
ورفعت شعرها ذيل حصان ونزلت تحت....
/
/
/
(في بيت بوراكان)
البنات لسه نايمات ,نزل راكان الصاله ولقى امه جالسه حب على راسها وجلس يسولف معها,,,في غرفته توه طالع من الحمام بعد مااخذله شور جلس على حافة السرير وجلس يفرك شعره بالفوطه ينشفه...فجاءه وبدون مقدمات جت في باله ارتسمت صورت وجهها البرئ الناعم في مخيلته ..وبعدين هاذي مابتروح من بالي كيف بتروح واللي شفتها جن مو انس اااااااااااااااااااااه يابندر بنت ماشفتها الا مرتين سوت فيك كذا اكيد انا مكبر الموضوع,, فتره وبنساها...............
نزلت رهف يالله تشوف اللي قدامها (صباح الخير),,,
(راكان)( قصدك مساالخير يالخبله شوفي كم الساعه ,,
رهف على بالها الناس ظهر ,,انفجعت يوم لقتها 5العصر يالله طولنا بالنومه اليوم موعد مع الخياطه عشان فستان عبير وركض على غرفة اختها تصحيها وبعد معاناه قامت عبير يادوب أكلو لبسواعباياتهم وضربو الباب ,,الاتفاقيه كانت انهم يمرون مشاعل وبالفعل هذا اللي حصل وصلهم السواق ورجع لام راكان لانها كانت تحتاجه ......................................
السااااااااعه 7/ في السوق
(رهف) اففففففففففففففففف والله تعبت خلاص عبير ,,,
(عبير)خلاص بس خليني ااكد على مقاسات الخصر ,,يالله مشينا يابناااااااااات
(رهف)بدق على تاج يجينا.دقت رهف عليه وراحوامشاعل وعبير محل قريب من مكان رهف....بعد خمس
دقايق جتهم رهف مستائه)
(عبير)خير ليه مبرطمه؟؟؟
(رهف)السواق مع امي وماظنتي بيخلصون الحين تقول دقي على واحد من العيال يجي ياخذنا
(عبير)كلمي عزيز شوفي وينه
(رهف)عزيز في البر مع اخوياه ولاناسيه انه مارجع معنا,,,,
(عبير)صدق نسيت طب شوفي بندراكيد فاضي انا شفته صاحي يوم طلعنا
(رهف )بشوف دقت عليه مارد بعد خمس دقايق رجع دق عليها
(بندر)هلا رهف بغيتي شي
(رهف)بندر انت في البيت ,,
(بندر)ايه ليه ؟؟,,,
(رهف) يمديك تجينا احنا في السوق والسواق مع امي
(بندر) صاااااااااار انتو وينكم فيه وعطته رهف اسم المكان اللي هم فيه وبظرف ربع ساااااااااااعه كان عندهم..............
الجزءالأول)
(الفصل الثالث)
(في السياره) قالت عبير: اف ياربي لوأدري ان العرس يبيله هالتعب ماوافقت ,, بندريناظرها بنص عين
(رهف) صدقتك مره ,,
(بندر) خلاص عادي نكلم المعرس ونفركش كل شي ناظرته عبيروقالت عبير بفتووور عادي بتسوي تقيله..مارد عليهابندر......مشاعل الساكته طول الطريق كانت تكلم رهف بهمس انتبهلها وجلس يناظرها لدقيقه حست انها مراقبه حاولت تتجنب نظراته قد ماتقدر بالذات وخواته فيه ,,وتقول بنفسها هذا كذا وخواته فيه اجل لو كنت بلحاااااالي يمممممه الله يستر ومايقول لرهف شي وتفهم غلط لفت على رهف وطلبتها ينزلونها البيت حاولت رهف فيها تجلس معهم بس مشاعل رفضت ,,, رهف وبصوت عالي عبير شوفي ذي , تبي تروح الحين
(عبير)شعول اشدعوه تعشي معنا بعدين روحي امي بتزعل لوماجيتي لانها كلمتني قبل لانطلع وقالت عشاك عندنا ,,,
(مشاعل) اكرمكم الله بس قاطعها بندر اقول يابنت العم ذليتينا ,,,حست مشاعل باحراج فظيع ياويلي يكلمني ذا
(رهف) بنت شفيك ؟,,مشاعل تهمسلها الله ياخذك لقطها بندر وابتسم على عفويتها وافقت مشاعل تروح معهم ونزلت تعشو مع بعض ,, بندرطبعا كان حاس بفرحه غريبه شعور بالراحه يجتاحه بقرب هالانسانه مايدري ليه من الله,,, على الساعه 11 رجعت مشاعل البيت بعد ماكلمت سواقهم (يلمان) أول مادخلت غيرت ملابسها وراحت في سابع نومه...............
(اليوم الثاني)
الساعه 2 الظهر:
قامت من نومها على صوت الجوال
(مشاعل)الوووووووووو(موضي)هلا شعول اسفه شكلك نايمه
(مشااعل) لاياقلبي عادي شخبارك انت
(موضي)ماشي الحال اسمعي جدتي ام ابوي تعبت فجأه بالكويت ودخلت العنايه عشان جذي مضطرين نرد الكويت أحمد حجزلنا باجر الصبح بس ماطاوعني قلبي مااجوفتج في امكانيه أقابلج بأي مول
(مشاعل)خسااااااااااااره يالله مو مشكله نعوضها بس الله يقومها لكم بالسلامه ان شاءالله والله عبير بتزعل لودرت ...
(موضي)ونا بعد كان ودي اتعذريلي منها وباركيلها والله يوفقها يارب وهديتي لها بتوصلها ان شاءالله المهم متى يمديني اشوفتج ؟؟
(مشاعل) وش رايك نتقابل باي كوفي شوب على الكورنيش؟؟
(موضي) خلاص برايتج
(مشاعل)اوكي القاك في (بيتي فرانس) على الخمس يناسبك ؟
(موضي)ونعم الاختيار خلاص صار...وقفلت مشاعل من موضي ونزلت تحت ......................
لقت اخوها جالس في الصاله
(فيصل):حيالله شعوله
(مشاعل):غريبه فيصل بشخصه الكريم جالس في البيت
(فيصل):ليه حرام يعني ولاحرام عمتي ...
(مشاعل):لاموحرام قل لنفسك بس اول مره تسويها من فتره وبهالوقت يعني
(فيصل):ياملحك عااااااااادي اليوم قمت متأخرشوي وكنت حاس بصدااااع فظيع ومالي خلق اطلع المرسم فعطيت نفسي اجازه وبس ..
(مشاعل):سلامات اخذت مسكن ؟؟
(فيصل):ايه ,والحين خف الألم نوعا ما(مشاعل)طب تغديت؟,,,
(فيصل)صراحه لا مايسوى علي بلحالي,,
(مشاعل) اجل الحين اخليهم يحطون احلى أكل دقايق بس ودخلت المطبخ ,, بعدها بعشردقايق دخل بو متعب واجتمعوا كلهم على سفره وحده وذا مايسير الا ثلاث او اربع مرات بالشهر بسبب عمل ابوها واخوها...جلسوا سوالف من زمان ماجلست مع ابوها سألها عن احوالها والجامعه واذا ناقصها شي اولا ,,,, قالتله على موضي واخذت الاذن منه عشان تقابلها ووافق لها وقال بيكلم بو عبدالمجيد يطمن على حال العجوز...
بعد الغدا طلعت مشاعل تتجهز عشان تقابل موضي مثل ماوعدتها وعلى الساعه خمس كانت مشاعل بالمكان المحدد تنتظر موضي وهي جالسه شافتها من بعيد ,, طبعا موضي كانت متحجبه بس ,,عرفتها مشاعل على طول واشرتلها بيدها جاتها موضي وضمواااا بعض وبعد السلام جلسو يسولفون من زمااااااااان ماشافو بعض ,,اخر مره كانت قبل سنتين بعيد الفطر..وهم جالسين تفاجأت مشاعل بهالشاب مرتب ورزه (طويل اسمراني) لابس نظاره طبيه زايده وسامته هيبه ,,قرب من طاولتهم ويتبسم في وجه مشاعل اللي استخفت من ذا رمت طرحتها على وجهها بسرعه لانها كانت ماخذه راحته بسبب فضاوة المكان زاد قربه لين صار لازق بموضي ,,
(مشاعل) بصوت حااااااد انت ماتستحي ,,انتبهت موضي لاحمد ولفت على مشاعل ,,اشفيك يابنت الحلال ذا احمد اخوي ماعرفتيه ؟؟ أحمد لسه مصدوم ومبلم من حلاة الوجه اللي شافه,,مشاعل ماتت من الاحراج واتمنت تطلع من هالمكان بأي طريقه خصوصا طريقته وهو يناظرها مو مساعده ,,,,,,,,,احراااااااااااااااااااااااااااااااااااج مشاعل وباليالله صوتها ينسمع انا ... انا اسفه ,,
(أحمد) انا اللي اعتذر السموحه نسيت اني برا الكويت ,,استأذن بكل أدب وترك البنات ياخذون راحتهم ,, جلس مقابلهم بس كان معطي ظهره مشاعل عشان تاخذ راحتها
(مشاعل)الله يفشلك ورا ماقلتيلي ان اخوك هنا
(موضي)انا اسفه بس والله نسيت
(مشاعل)حصل خيروالله احراج وش بيقول عني لساني طويل ,,
(موضي) أحمد اخر واحد ممكن يقول جذي لو قايلتلي فراس ولامجيد ممكن اقول ايه ,,فديته اخوي والله ذرب (مشاعل)ياربي ليه دايم انحط بمواقف باااااايخه ,,
(موضي)ليه
وحكتها مشاعل سالفتها مع ولد عمها
(موضي) وهي تضحك ,,بصراحه
لومكانج اموووووت مكاني هههههههههه الاتعالي ماتوقعتك ماتعرفين احمد ,,
(مشاعل) انتي ناسيه اني غطيت عليهم من ثاني ثانوي بعدين شكله تغير احلو
(موضي)بعلمه ترا,,
(مشاعل)أذبحك مكانك
(موضي)هههههههههه والله وحشتيني وحشتني سواليفج ,,
(مشاعل)وانت بعد,,أخذتهم السوالف ومرت ساعتين ماحسو بالوقت الايوم دق أحمد على موضي يستعجلها,,,
(موضي)والله انك بتوحشيني كان ودي نجلس أكثر بس بنمر مجيد وخلود ويادوب يمدي ,,طلعت من شنطتها الفخمه كيس فخم وحلوووو ,,
(مشاعل)وش ذا؟؟
رد: وانت يالفجر البعيد نامت عيونك..
يسلموووووووووووووووو خيتو
جاري الانتظار
رد: وانت يالفجر البعيد نامت عيونك..
(موضي)ذي هدية عبوووور باركيلها وسلمي عليها وعلى رهف وخالتي فوزيه وعلميهم باللي صار وانا ان شاءالله اكلمها
(مشاعل)ودموعها بعيونها فديتك ياذوووق كلفتي على عمرك والله بتوحشيني أمانه معك اول ماتوصلين تطمنيني واتعذريلي من أحمد ,,
(موضي)لاحوول والله عادي شفيتج انتي ونادت أحمد
(موضي)ياليت تكلمهابنفسك عشان تصدقني مشاعل مفتشله منك ,,مشاعل بخاطرها تصفق موضي على جرأتها وبنفس الوقت منحرجه ماتدري شتقول ,,,انا ...اسفه مره ثانيه ماكان قصدي,,
(أحمد)لاأنا زعلان,,فتحت مشاعل عيونها وناظرت موضي ضحك أحمد على حركتها وقال بصوت حاد :ماينزعل منك يابنت الاجواد انا اشهد ان عمي عرف يربي وناظرها نظره عجزت تفسر معناها وتركهم وراح وقال لموضي تلحقه تفاجأت مشاعل من كلامه بس ارتاحت نوعا ما ودعت موضي ورجعت بعدها البيت ....................
(في بيت بوراكان)
دق بندر على فيصل :
(بندر):وين الناااااااااس؟؟
(فيصل)موجودين بس تدري الطلبيه علي وااااجد
(بندر):اقول لايكثربس وينك من يوم طلعة البر ماعد شفنااااااك
(فيصل)شعليه الاخ اجازه ,,
(بندر)بتحسدون على ذي بعد
(فيصل) والله مشغول بكم لوحه عندي الاسبوع الجاي معرض ويادوووب أخلص
(بندر) دولي ,,
(فيصل وبيأس) لا بس نقول ان شاء الله ,,
(فيصل) اللله يقدم اللي فيه الخير لك ,,اقول تخاويني الاستراحه ؟؟
(فيصل) مع اني مزحوووووم بس جات في وقتها محتاج أغيرشوية جو خلاص تم ,,بس تذكر فيصل انه مواعد مشاعل يطلع معها بقالها كم شغله وبتخلصها قبل عرس عبير..
(فيصل) انا مواعد مشاعل انزلها السوق بس تدري بخلي السواق يوديها واجيك ,,بندر اللي سرح بفكره يوم انذكر اسمها
(فيصل)هيه انت...اكلمك ..
(بندر)هاااا ... ايه اسمعك خلاص استنااااااك ,,,
راح فيصل لغرفة مشاعل دق الباااااب
(مشاعل) ادخل ,,,تفاجئ بجو الغرفه أنواااار صفر والشبابيك مفتوووحه بالذات ان الهو برا جنااااااااان وهدووووء وصوت محمد عبده الصوت الوحيد السمووووع قفلت مشاعل الدفتر اللي كانت تكتب فيه
(فيصل)ياعيني على هالاجواء الرومانسيه ,,ابتسمت مشاعل ,,وكانها كانت تبكي عيونها حمر ماعلق فيصل وقالها شعووول سو سوري مايمديني انزل معك اليوم وعدت بندر امره ونروح الاستراحه ودي أغير شوي عن جو المرسم حاس اعصابي متوتره قبل العرض ,,
(مشاعل)وكالعاده جلست تخفف توتره بكلمتين وقالتله يرميها بطريقه بيت عمها طلع ونزلت دمعه خانتها ,, من متى ياخوي شكيت من متى ولبست عشان ماتتأخر......................................
(بيت بوراكان)
(مشاعل):خلاص عبووووور بتروحين ,,
(رهف)والله زين بفتك شوي واتدلع براااااااااحتي,,
(مشاعل):وانتي الحين وش تسوين يالظالمه ؟؟,,,
(عبير)ههههههههه اقولك اجرااام بس محد مصدق
(مشاعل) تعالي عندي لك هديه ,,,
(عبير) من؟
(مشاعل):شوفي اول وطلعت من الكيس علبه فتحتها كان خاتم الماااااااااااس رااايق وناعم يلائم ذوق عبير الهادي ,,عبيرانهبلت يوم شافت الخاتم من مين هالهديه الغاليه ؟؟
(مشاعل اللي ماتفاجأت لانها تدري بذرابة موضي وذوقها الرفيع ذا من موضي ,,
(عبير):لاتقولين .... موضي هنا
(مشاعل باستياء):لا كانت وعلمت البنات السالفه بمافيها موقفها مع أحمد واستلموها البنات تعليقات .................
رجعت مشاعل البيت بعد مااتفقو يروحون بكرا كلهم سوى يشيكون على البروفه الاخيره لفستان العروس ويحجزون بمشغل..................
(اليوم السبت ) وبدا العد التنازلي ليوم الزواج اللي تحدد الخميس ........................
كان يوم شاق على البنات فرفره بهالاسواق لين خلصو كل اغراضهم طبعا تحت أشراف ام راكان وتدخل خلود كل مافضت (حجوزات الديجيه والمشغل والتصوير والمباشره ) كل شي كان من برا ومتعووووب عليه مع ان الزواج كان في بيت بوراكان الكبير والفخم وذي كانت رغبه العرسان واهاليهم.............................
(الاحد الساعه 9الصبااااااااااااااااااح) كانت مشاعل جالسه بالصاله تقرا مجله وتسمع لفيروز تحب تسمعها على الصباااااح قفلت المجله وفتحت دفترها الغالي على قلبها جلست قرا فيه وفتحت اخر صفحه مسكت القلم وكتبت......
هاانذا أفتح أبوابي أمامك ..وأفتح عيني لتحتويك وأفتح ذراعي
لأضمك ..وأفتح قلبي لدخولك..هاأنذا أبحث في الوجوه
عن ملامحك ..وأبحث في الأصوات عن كلماتك ..وأبحث
في الأصوات عن كلماتك ..وأبحث في الكلمات عن كل
همساتك ...هاأنذا أسيروالدموع تأبى الانحدار..وأسير
والحزن يملأ الأحساس ...وأسير والهم يسكن الوجدان ...
وأسيروالموت يعانق الفؤاد..هاأنذا أضيع وماتبقى مني...
ذكرياااااااااااااااات تسامر النجمات ...أضيع وماتبقى رماااد
الأعصاب أضيع والباقي مني بقايا انسان ....وأضيع والباقي
مني ينااااااااااااااااااااااااااااااااااي ..تعال ....
هاأنذا أصبحت بعدك لاأبالي بالأشياء..لاأحمل سوى الآوجاع
ومع الوقت أضيء شمعه في سكون الظلام .. ومع الوقت...
أردد عبارات الصبر والسلوان ومع الوقت أدعو ربي أن
ينسيني الهوان ......................
صكت الدفتر وتنهدت من قلبهااا ااااااااااااااااه فقدتك يمه الله يرحمك ...
قطع جوها التلفو اللي كان يرن جنبها,,
(مشاعل) الووو ,,
(خلود) هلا مشاعل ,,
(مشاعل)وينك يالظالمه اسبوووووووووع ماطليتي علي ,,
(خلود) معليش بس تعرفين مجيد وشغله المعقد بس يالله هالاسبوع بقط عندكم شتبين بعد ,,,(مشاعل) من جد ونااااااااسه والله ,,
(خلود):انت لحالك بالبيت ؟؟,
(مشاعل) ايه كالعاده ليه ؟,,
(خلود) طيب ابرسلك العيال مع الشغاله وانا ومجيد بنروح المستشفى عندي موعد اخلصه واجيكم اوكي ,,
(مشاعل)لايكون بس......
(خلود)لابس ولاأخوها يالله بااااااااااااي
(مشاعل) باي استناااااااااك ...بعد ساعه الاربع دق التلفون وردت مشاعل من اول رنه حشى توقعتها خلود لان محد بيدق بهالوقت ,,حشى ماصارت تراماني بالخدامه جالسه انتظر ,,(الطرف الثاني) السلام عليكم,,(مشاعل)............
(بندر)الووووووووو
(مشاعل)وبصعوبه هلا .. السموحه اخوي من معي ,,بندر يضحك على اسلوبها ,,مشاعل عصبت ليه يضحك ذا ووجهه
(بندر) لامسموحه كثير اللي يعصبون الصباح ,,استغربت جرأته ماردت ,
(بندر)ممكن أكلم فيصل
(مشاعل)والله موفيه طالع,
,(بندر)اها طيب ياليت لو رجع تقوليله بندر بن سعد يبك ضرووري انا ادق على جواله مايرد (مشاعل وكانها بلعت نص الحروف ) ان ....شاءالله ...............
صكت السماعه ويدها ترجف وتحس بجفاف بحلقها قلبها يرقد بقوووووه
الله ياخذني والله اني خبله ذا ولد عمي سعد أكيد عرفني مافي غيري بنت بالبيت ,,والله فشله يااااااربي مابينتهي مسلسل الفشلات والمواقف البايخه مع هالآدمي ,,قطع حبل أفكارها صوت البتول تصيح ومعها الشغاله كانت متضايقه من شي حاولت مشاعل تهديها دخلتها غودرفتها وحاولت تنيمها بفراشها غطتها زين واخذت محمد وخلت الشغاله تسويله أكل وجلست تلعب معه ,,بس لفت على الشغاله وسألتها ,,way she was cry?
)الخدامه وبتردد):because….
) مشاعل وبصوت حاد خوف الخدامه ):way?.............tellme
)الخدامه)because ..hear mather cry….. Idont no way?
استغربت مشاعل خلود ليه تصيح الله يستر بس,,وكملت لعبها مع محمد....
(في بيت بوراكان)
أم راكان: عبير عبيييير يمه وينك تعالي ,,عبير وهي نازله الدرج وأثار النوم على وجههاايه يمه هذاني ليش تصيحين ,,
(أم راكان):هاذي اللي تقول بقوم أول وحده ولاعروس الحمدالله ,,حمرت عبير وخضرت من كلام امها لان أخوها راكان كان واقف ويسمع هالحوار,,, وطبعا خفة دمه ماخلته يعدي هالموقف ويتركها بحالهاااا وجلس يرمي كم كلمه خلتها تشرد وترجع غرفتها ,,بندر وهوطالع من غرفته خير شعندك واقف ؟,,
,(فوزيه)عنبو غيرك سلم ,, صبح ,, ولامانستاهل,,
(بندر)ونزل لها حشى والله يالغاليه صباااااااااااااااح الورد والعنبر والكادي ودهن العود,,,(راكان) خلاص جبت كل اللي بالحديقه هههههههه,,,
(بندر)مايغلا على الغاليه والله,,
(راكان) ايه هين بياع حكي بس ,,
(فوزيه)راكااااان خل أخوك بحاله
(بندر)هههه فشلوه لم وجهك بس ,,ودرعم للباب بيطلع
(راكان)اوريك يالمطوطل ورمى عليه علبة البيبسي الفاضيه اللي كان يشربها ,,,بندر من عند الباب : أي يالدب جرحتني شغلك عندي بس خلني ارجع تركتهم فوزيه ودخلت المطبخ وهي تضحك على عيالها وهبالهم وتدعي الله لايغيرعليهم ويوفقهم دنياواخره.........
عبير كانت جالسه بغرفتها زهقانه فكرت تكلم مشاعل تشوف شعندها ..
(مشاعل) حيالله العروس ,,
(عبير)لاتقولين كذا والله استحي,,
(مشاعل)ههه
شدعوه ترا ماهي بسبه,,,
(عبير) ياكرهك ,افتك من راكانوووه وامي تجين انت شقصتكم اليوم؟؟؟؟ تذكرتوا اني عروس,,,(مشاعل)اسفين ولاتزعلين خلاص أي أوامر ثانيه؟
(عبير)ايه لاهنت اذا انت فاضيه اليوم ودي تروحين معي اليوم بستلمه ماادري اخاف يكون ناقصه شي ,,(مشاعل) واللله عيال خلود عندي بس ولايهمك لو امداني جيت,,
(عبير بترجي) تكفين شعوله حاولي
(مشاعل):كم تعطيني ,
(رهف)بعطيك كف يالخايسه على وجهك,,
(مشاعل)بطللنا اجل دوري غيري ,,
(عبير)مشاااااااااااااعل
(مشاعل)افففففف خلاص لاتصيحين ,,
(عبير)ههههه خلاص موعدنا 6
(مشاعل) اوكي باااااااااااااااااااي ياقلبي ,,
(عبير)باااااااايوحبيبتي...وقفلت من عبير حست بعدها بضيقه ماعرفت وش سببها يمكن لأن عبير خلاص بتروح وتتزوج وماعدبتصير جمعاتهم مثل قبل أو يمكن عشان أختها اللي كانت تبيكي وماتدري ايش سالفتها هي حاسه بتغيرها هالفتره بس ماتدري شسالفه..طلعت غرفتها بعد ماشيكت على العيال وجلست تدرو عليه ياربي وين حطيته هنا لالالالا وين ,,ايه تذكرت ونزلت تحت وفتحت الدرج اسفل التلفزيون ولقته دفترها اللي تمووووت عليه وماتستغنى عنه ,,طاحت من الدفتر صوره جلست تتحسسها بيدها الصغيره الصوره كانت قديمه شوي مر عليها دهر ومازالت موجوده عند مشاعل الصوره كانت لأم مشاعل وهي حامل بخلود,,,يالله كيف الزمن يعدي والأيام تعدي ..ااااه يمه بجد واحشتني جلست تتحسس الصوره وكانها بهالطريقه جالسه تتحسس امها ..شعرها..ووجهها ابتسامتها..كل شي فيها حطت الصوره على جنب وفتحت دفترها....
حين تغضب ولاتجدمن يراضيك ..حين تحزن ولاتجدمن يواسيك
حين تبكي ولاتجد من يسليك ....في ذاك فقط تكون تعيسا بل أشد
تعاسه من أي انسان ..حين تكون فرحا سعيدا وتسلب منك
سعادتك بسهوله في ثواني بسيطه..تشعربانك لم تكن سعيدا وان
سعادتك اختفت كما السرااااااااااب..فنحن البشر لانشعر بالسعاده
بقدرمانشعر بالحزن..فالسعاده تفارقنا دون أثر كبلبل صامت
رحل دون أن يملك قلوبنا ودون أن يزرع فيها الحنين لصوته ..
أما الحزن فيصل ببطء تاركا أكبر الآثار ...وأعمق الجروح كما
رياح الخريف الجافه حين تمر على الشجر................
قفلت الدفتر بعد ماوقعت على خاطرتها بدمعه نزلت من خدها على اخر الورقه .....حاولت تسترخي شوي وتنام لها ساعه........
فزت على صوت المنبه....يوووووووووه تأخرت على البنات ,,قامت من فراشهاودخلت الحمام غسلت وجهها توضت وصلت العصر لبست ملابسها دق جوالها وهي تلبس
(مشاعل):هلا خوخه وينك خلصتي
(خلود):أي يالله ساعه وكون عندك بلم ملابسي بس ,,
(مشاعل)اوكي انا بطلع مع بنات عمي سعد مابتأخر بشوف فستان عبير ونرجع
(خلود) طيب استناك على العشا لاتتأخرين....
مشاعل حاسه بصوت أختها موطبيعي وفيه بحه غريبه كانها كانت تبكي ,,
(مشاعل) خلود فيك شي صوتك موعاجبني,,
(خلود)بارتباك ها..لا..لا مافيني الا العافيه روحي مشوارك يالله لاتتأخرين ..
(مشاعل)اوكي اشوفك اليوم ان شاءالله باااااااااااي.........
وقفت بي ام سودا عند الباب ونزلت مشاعل منها دخلت الحديقه الخارجيه وعند الباب كشفت وجهها حطت يدها على الباب الاذا اللي طالع بوجهها قد شافت هالوجه استوعبت ورمت الطرحه على وجهها ,,بندر ومتفاجئ
(مشاعل)بسم اللله (بندر وهويضحك ليه شايفه جني عموما اسف ماقصدت اخرعك تفضلي البنات وامي داخل حقرته وماردت عليه ومرت قدامه مثل البرق,,في نفسها :ياربي وبعدين انا مااطلع الابوجه ذا دايم بس والله مزيون وتحمدت ربها ان الغطى على وجهها وماشف بندر تعابيره لانه اكيد بيموت ظحك عليها .......
أول مادخلت مشاعل الصاله قابلتها أم راكان هلا هلا ببنيتي شخبارك يمه وشلونكم ؟؟,,(مشاعل)هلافيك عمتي ,,تدرين الجامعه مابقالها غير أيام وخلود مشغوله بعيالها حتى انا مااشوفها وابوي مسافر وفيصل بالمرسم عنده عرض هالأسبوع ومخبووووص ..
(فوزيه)وانتي يمه من يراعيك ,, وانتبهت بعدين لكلمتها العفويه واللي ماكانت تقصد فيها شي اكتفت مشاعل باابتسامه مصطنعه كجواب لعمتها وقامت نادتلها البنات ,,بندر كان واقف ورا الباب ويسمع هالحوار اللي ضيق خاطره مايدري ليه حس انه يبي يسمع صوتها مره ثانيه .......
نزلوا البنات لمشاعل,,
(عبير)ياهلا اسفرت وانورت توما نور بيتنا
(مشاعل)خلاص ترا استحي,,
(رهف)مولايق,,
(فوزيه)رهييييف اعقلي بلامصاخه كله ولاشعوووووله,,
(رهف)يمه كلتيني خلاص اسفين عمتي مشاعل سماح عشان ترضى علينا الحكومه,,
(مشاعل)بوسي ايدي أول ,,
(رهف)وييييييييع ليه زوجك على غفله,,
(مشاعل) +(عبير)هههههههههههه
(عبير) اقول يمه احنا بنروح تبين شي ,,
(فوزيه)لايمه بس لاتتاخرون بس كلمي واحد من خوانك يوديكم لأني مرسله السواق بيت خالتك اذا بتنتظرون روحوا معه واذا مستعجلين خلى راكان اوبندر يودونكم,,
,(عبير)يممممه مابيعطونا وجه ,,
(فوزيه )اجل استنو تاج يجي ,,
(تاج)السواق.....
ياربيييييييييي ,,
(مشاعل)يابنات انا واعده خلود مااتاخر عليها,,
(رهف)بدق على راكان ............
(راكان) هلا رهووووووف ايش عندك اكيد مصلحه ,,,
(رهف)بل بل عليك طيب خليني اسلم ورد ,,
(راكان)اعرفك داقه وراك شي (رهف)ههههه كاشفني
(راكان)اخلصي what you want?
(رهف)تتميلح بهالانجليزي اللي تعرفه مابرد عليك لان ثقافتي فرنسيه,,
(راكان)ههههههههههههههههههه والله انك هبله ايش عندك ترا مو فاضي لك (فستان عبير بيطلع اليوم ونبي نروح نشوفه ممكن تودينا؟؟..
(راكان)والله كان بودي بس ابوك مشوي اجتمااااااع بعد ربع ساعه ولازم اكون فيه سووووووري كلمي بندر ابو اجازه,,
(رهف)هههه
وشي ذي بو اجازه ,,
(راكان) ذا لقبه في البيت لين مايذلف يسافر,,
(رهف)الحمدالله يالله باااااااااااااي..دقت رهف على بندر اللي كان قريب من البيت ووافق يوديهم مشاعل مادرت من بيوديهم وهو مادرى....
(رهف)افففففففففففف مابغينا نشحت ,,الله يخلي تااج بس تاج فوق روسنا,,,
(مشاعل+عبير)هههههههههههههههههههه ,,
(مشاعل)وهي تناظر عبير الحين مافي لاتاج ولايلمان مافي غير خالد ,,رااااااح وجه عبير الوان وكانت تحس بقلبها يدق بسرعه كل ماانذكر اسمه ماتدري خوف اوضيقه ..
في غضون نص ساعه جاهم بندر ومشاعل مايحتاج اشرحلكم وضعها كيف كان ,,تذكرت كل مواقفها البايخه معه ويوم شافته في السياره وهي عند باب الفيلا ضحكت
(رهف)بسم الله مجنونه ,,زاد ضحك مشاعل وماردت على رهف المستغربه,,,, وقالت في نفسها والله احراج اقولهم مورايحه بس بيقولون ليه افففففففففففففففففففف يالله الله يعيني كلها كم ساعه مشت ورا رهف وعبير سبقتهم ,,حست الدنيا فجأه تدور فيها مسكت على راسها بس كملت لين السياره ركبت وصكت وراها الباب ....
(عبير) سلام كيفك,,
(رهف)تصدق وحشتني من امس لليوم بندوووووور (بندر وكانه متضايق كان لسه يفكر بكلام امه مع مشاعل
(بندر)وشي بندوووور ذي اصغر عيالك,,
(رهف)يمه طيب لاتنافخ,,أخلاق تجاريه ,,بندروهويضحك من اسلوب اخته كيفي ,,مانتبه لوجودها اويمكن مو معاهم لان فكره بعيد شوي
(عبير)شعوووووووول خلود بتجيكم اليوم ,,
(مشاعل) ايه عيالهاعندي بصوت واطي ,,انتبها بندرلصوتها وكانه كان مسرح ناظرها بالمرايا الأماميه ,,موقادره تاخذ راحتها بالكلام تلعب بيدها مثل الاطفال تحس انه يناظرها بس ماتبغى تطالع فيه ....
وصلوا للمكان اللي يبونه لف بندر على عبير وقالها انا هنا واشرلها على كوفي شوب وانتو اذا خلصتو دقي علي اوكي..
في نص جولتهم بالمحلات تقريبا مابقالهم شي ويخلصون وعبير استلمت فستانها,,
(رهف)مشااااااااااااااااااااااااااااااااااعل بأ‘لى صوتها خلت كل اللي حولهم يطالعون مفجوعين.......
رد: وانت يالفجر البعيد نامت عيونك..
:bigsmile:نقل موفق حبابه اسرار..تسلمي على الجهد
ويللا كمليها
اعجبتني البدايه.. اللي استهلت بقصيده شعريه
جاري قراءة باقي الأجزاء
واتمنى تكملة البقيه
يعطيش العافيه
دمتي بحفظ الرحمن
