ما جا على بالي خطاك انت بلذات
لا تعتذر كافي يجي منك اكثر
مات الغرام اللي لك بداخلي مات
ماعاد ينفعك العذر لو تعذر
مقدر خلاص اتحمل اليوم غلطات
ماكذب عليك انا بديت اتغير
بسكات انا جيتك وابا اروح بسكات
اببتعد واقول هذا مقدر
قصرت وسواتك معي ماهي سواة
هذا مع اني فيك ماكنت اقصر
طوفت لك مره ومره ومرات
صبرت بس الحين ماظني اصبر
واليوم انا نادم على كل مافات
لا .. تعتذر مادام عذرك تأخر
هذا جزاي اعطي ولا اقولك هات
انا اللي استاهل .... يجي منك اكثر
