مسجات طويله

في العين لك دمعه حزينه من البوح ومنديلها المبلول يرثي زمانه
يالي غلاتك عندي اغلى من الروح وفي القلب لك عندي مقر ومكانه
أبيك تسأل نفسك اليوم وتـــروح منهو اللي ليا غبت بحيا عشانه
==============================
الذيب لامنه رقى بالمراقيب يطري عليه اهل القلوب النظافي
يطري عليه الي يعرف المواجيب شرواك يالي طول الايام وافي
لابد ماتصفي عدود المشاريب ونشرب انا وياك من عد صافي
==============================
بشتكي لك دامك اعز الاصحاب شكوا جريح يبتسم في ونينه
جرح احسبه طاب وأثريه ماطاب خلا دموع العين تنزف حزينه
جرح مع القلب حاضر ولو غاب خلا همومي بقلبي سجينه
ماهي جروح الحب وألآم الأحباب جرح الرفيق الي غلاته ثمينه
==============================
في شوفتك فرحه تنسيني احزاني يالي احبك كثر حب البشر كله
حبك طويل ولا ادري وين وداني أروح وارجع واعود في ذرى ظله
كاني نسيتك عسى هالعمر ينساني وإن مادرى خافقك عن هالغلى قله
==============================
لك من هنا لآخر تفاصيل الأزمان حب تمده راحتي ما تمله
نمسي على جال المقادير خلان نصبح ومرباع الغلا في محله
هاك القصيد يفجر القلب بركان خذ نصف قلبي لا خذ القلب كله
=============================
سقيتني عذب الحكي من شفاتك وأحييت قلب مات من عدة اعوام
مخلص وصادق دوم هذي صفاتك نادر مثيلك لو ادور مية عام
أوعدك منساك طــيـلة حــياتـك ويبقى فؤادي يذكرك طول الايام
=============================
القى خيالك في خيالي واضمه وأشوف زولك بين رمشي وعيني
يمرني طاريك عجل والـمـه من لهفتي تسبق عيوني يـــديـــني
مثل العبير يفوح عطرك واشمه في لحظة تسوى بقايا سنيني
احتاج لك حاجة وريدي لـد مه ترد لي روح تروح وتجيني
==============================
بحجز على لند ن تذاكروترحيل وأخذ بدل هالقلب قلب صناعي
قلب صناعي مابه احساس ويميل وظيفته للد م يعطي اند فاعي
والقلب الاول برسله لك بمنديل واقول خذ هذا السبب في ضياعي
==============================
كل مالعين ذرفت د مع يسيل قلت هاتي د مع ثاني يغسله
مابكى يوم الفراق إلا الاصيل دمعة المخلص تجي مستعجله
لا طرى له صاحبه يوم الرحيل شق جيبه ود معته ماتمهله
إن شكى من هم قالوا له ذليل وإن كتم هـمه بجوفه يقتله
================================
البارحه مابين يمكن وياليت وإبليس يتركني ويرجع عليا
فكرت لو طول غيابك ولا جيت يعني كذا روحه ولا فيه جيه
خانتني الدمعه وطاحت وصديت يلعن ابو التفكير يذ بح خويه
===============================
لو يغيب الليل في كف الهجير ماتغيب بوسط روحي طلتك
انت وحدك مالك بقلبي نظير لو يغيب الكون تبقى دنيتك
مدري كيف العمرمن دونك يصير كل يوم اسأل واكلم صورتك
عاشق تاهت به دروب المصير بين قربك وبين نار محبتك
================================
اساير الوقت واثر الوقت متحدي يطرح ويجرح ونار الموت مشبوبه
لا وعساها سحابة صيف وتعدي الهاجس الي يلوف القلب ويلوبه
أموت وارحل وقدرك مانقص عندي والعمر محدود والأيام محسوبه
=============================
مديت لك كاس الوفا يومك اوفيت وحلفت لك منساك مادمت صافي
بنيت لك بالقلب بيت ورى بيت واهديت لك قلب بالود وافي
هاك قلبي هاك وروحي وماتمنيت آمر تدلل ولا تقول ذا كافي
=============================
أسري وقلبي بين همك وطاريك وطيفك يباريني وكنه ظلالي
كل المشاعر في غيابك تناديك امشي وادور في وريدي سؤالي
ياعل قلب مايحبك ويغـليـك يصلاه من بين الشرايين صالي
والمشكله ماينتهي حب غاليك في ذمتي لو ينتهي كل غالي
============================
ودي ابكي لين مايبقى دموع ودي اشكي لين ما يبقى كلام
من جروح صارت بقلبي تلوع ومن هموم حرمت عيني المنام
=============================
انت اطهر قلب شفته ممتلي كله بياض
انت دعوة ام نامت عن ضناها راضيه
انت الحنان في شدتك انت السعاده في ضحكتك
انت العذوبه في كلمتك انت انا وانا افتخر في خوتك
==============================
بعض البشر ودك تحطه بمخباك وتظهر خشيمه كل ساعه وتحبه
وبعض البشر ودك تلخه بمسحات ةترجع عليه كل ساعه وتلخه
========================
ياعاذلين القلب لا تمحنونه خلو عسى الراي ياصل مناهيه
بالعذل ياعذال لا تجرحونه لا تنصحون القلب عن حب غاليه
حب الموده صايبه تجهلونه مامنكم الي ذاق مــره وحـــاليه
الي يود القلب ما تفهمونه وجرح الموده مابكم من يداويه
================================
يا مساء النور ياعطر المساء كيف انا أمسيك يوم انت المساء
قلبي بذكرك والله ما نـسـى وإن نسيت ما يطاوعني النسى
ولو قطعت الوصل يقتلني الأسى اعلن لكل البشر واقول لهم
غلاك وحبك بقلبي بأوتاده رسى
==================================

الله يعطيكي العافيه على المسجات الحلوه ه ه ه
تسلمي الله لايحرمنا منكي ....



اختكي....

مسجات فى غاية الروعة ..

شكراً جزيلاً من عيوني

تسلم على المسجات الأكثر من رائعة ..

الله يعطيك الصحة والعافية ..

دمتم بحفظ الباري ..

بانتظار المزيد من المشاركات العطرة ..

تحياتي
دمعه حزن

السلام عليكم

مسجات رائعه
سلمت يمناك

النور الزينبي