اعطيني 500ريال واعلمك زوجك متزوج عليك و إلا لا ؟

تدور القصة حول مديرة مدرسة عزباء غابت عن المدرسة يومين
ولما عادت لمدرستها قابلنها المدرسات سلامات وينك يامديرة ؟
قالت لهن باركولي تزوجت .
قالن مبروك يامديرة ولكن منهو زوجك ؟.
قالت لهن بصراحة زوجي هو زوج إحداكن .
المدرسات تكفين علميننا أي وحدة منا ؟
قالت المديرة والله ما أعلمكن .
المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال ..
وافقن المدرسات على الطريقة .
ويوم جاء بكرا وكل وحدة مزهبه معها الدراهم .
جت الأوله والثانية والثالثة والرابعة حتى العاشرة والمديرة تاخذ الدراهم .
يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .
ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .
المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟
قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .
المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم ..
دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .
يوم طلعت لقنها عايدية وماصار شي وفلوسها أخذتها المديرة .
قالن يابنات فيه وحده منكن ماخذت المديرة دراهمها ؟
قالن لا والله كلنا اخذت دراهمنا .
ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟
قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد ..
قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا ..

انتهت القصة واتمنى تكون اعجبتكم ..

القصة حقيقة

تحياتي

عاشقة الوردي

الله يغربلها لعبت عليهم هههههههههههه خووووش معلمات

الصراحة صدق كل وحده خافت على عمرها وتبغى تعرف إذا كان رجلها يخدعها من وراها وإلا ويه

تسلمي عيوني على القصة

نتنظر المزيد من كتاباتك

اختك صدفة

هههههههههههههههههه

صراااحة معلمات أغبيااء

وااضح انها تلعب عليهم

صحييح نسواان مايغيروا طباعهم <<<<< خخخ قمت أتفلسف


يسلمووو على القصة الطريفة



http://www.q-qz7.com/vb/images/smili...ove&#91;1].gif: WiTh All My LoVe http://www.q-qz7.com/vb/images/smili...ove&#91;1].gif
P!nk Cream

هههههههههههههههههههههه
حلوة والله هذا الي يبالهم أجل كل وحدة ماعندها ثقة في زوجها أمحق حريم

صدق مدرسات اغبياء

يعني معقوله كل وحدة مو واثقة في زوجها




والله حالة وهم لي المفروض يوجهو البنات



يسلمووو على القصه المو معقوله

<<< للحين منصدمة




دمتــــ بود

اقتباس:

---

المشاركة الأصلية كتبت بواسطة P!nk Cream

هههههههههههههههههه


صراااحة معلمات أغبيااء

وااضح انها تلعب عليهم

صحييح نسواان مايغيروا طباعهم <<<<< خخخ قمت أتفلسف


يسلمووو على القصة الطريفة

---

هههههههههه لعبة حلوة ولا وحدة عطت المديرة 100 عشان المصلى بس عشان ازواجه 1000 قليلة موتهم ولا أحد يزوج عليهم
ههههههههههههه
تحياتي لك { اختك } الأمل البعيد

تسلموا اعزائي

على طلتكم الحلو

هذا اللي يقول ما عندي اسوي عمل خير

بس عندي للأشياء خربوطية

سحر القوافي

صح لسانك حبيبتي

و كلمكم لا تزعلون

و عساكم دوووووووووووم على القوة

عاشقة الوردي