اعضاء لو بعد سنين يحصل لكم هالشي وش رايكم؟؟

السلاام عليكم ورحمة الله وبركاته
حبيت اشوف رأيكم في شي ولو انه حصل معاكم وش راح تكون ردة فعلكم
وايش راح تعملو بعدها و ايش تفسري الشي
سؤال للبنات والشباب
#لو ان الي تحبها قالت لك إدا جالك خطيب واهلك وافقو انتي بتوافقي وهي قالت لك ايه عادي
وش بتحس انت ؟
#لو ان الي تحبيه سئلتيه لو جا لي خطيب و اهلي موافقين باقي بس جوابي بتقولي وافقي؟
وهو راح يقولك ايه عادي سوي الي تبيه ما اجربك عليي؟
(المعنى من كلاامه او كلاامها انه الطقاق عادي لو صرتي لغيري مع انه يقدر يقولك ارفضي ولاا تقولي هالكلاام
لأن الي يحب يصبر ومستحيل يقول كذا )
وش رايكم هل في رأيكم انه انسان او انسانه يحب من قلب؟ رغم السنين الي مرت لهم مع بعض
ولو انه طلب منك انك تتخلين عن احلاامك هل راح بتوافقين حتى لو كان الحلم متعلق فيه؟
نفس السؤال للشباب هل راح توافق
وفي رأيكم الي ما يتمسك في حبيبه وعنده عادي انه يتخلى عنه بعد كل هالسنين يستحق انه الوحده او الواحد يخلص له؟
اني في رأيي انه واحد كذاب و عمره ما صدق مع نفسه ولاا مع غيره
واعتبره خاين للعشره لأن الي يحب يتمسك بحبيبه رغم كل الظروف هذي وجهة نظري

ياليت لو تجاوبو




تحياتي
&عاشقة الأحلام&

مراحب

أختي

تسلمي على الموضوع الحلو


هوفعلا اللي يحب يضحي


برغم أن الشاب في أيده يحل و يربط

و سالفة ما أريد أقطع رزق

هو مقطوع أول ما دخل حياتها

وجهة نظري

تأخد اللي تحبه

و تصير بينهم مشاكل


أحسن من تأخذ واحد ثاني و قلبها مع الأولاني


مع أنه المفروض أول ما يسمع أنه تقدم اليها أحد


يصحى من سبوته و يروح يخطبها


مويقول وافقي

.............................

ــــــــــــــــــــــــــــــ


هذا رأي الصريح


دمتم بود

عاشقة الوردي

اني في رأيي انه واحد كذاب و عمره ما صدق مع نفسه ولاا مع غيره
واعتبره خاين للعشره لأن الي يحب يتمسك بحبيبه رغم كل الظروف هذي وجهة نظري

صعب التعليق على موضوعك أخيتي
فالجرح هنا يكون عميق وكبير في
القلب ،، بكل بساطة راح أعيش حالة صدمة
أعاني منها وبتأثر علي ،، أخيتي دعيني
أصدقك القول في زمننا هذا لا يوجد مايسمى
بالحب بين رجل وامراءة لقد انتهى زمن البراءة
الذي كانوا آبائنا وأمهاتنا يعيشونه ،، أخيتي
دعيني أسرد لك قصة واحدة من قصص واقعنا
المرير ،، رجل وامراءة أدعى بأنه يحبها وأحبته حد الجنون
لعب دور بأنه تعلق بها أرسل لها أدفء الهدايا تعلقت به تبادلت
معه أجمل المشاعر والاحاسيس الصادقة عند اول رجل طرق
بابها اخبرته فأخبرها بأنه لم يكن يريدها بل كان
يحبها فقط كصديقة ولا بد أن تتزوج المتقدم لها
ولا تحلم بأنه سيتزوجها المحزن بانها تزوجت وانجبت
واسمت ابنها على اسمه ،، حكاية حزينة أنظر في عين
صاحبتها كل مازارتنا فأشعر بمدى المأساة التي تعتري
قلبها وكيف تحطم بعدما كان يعيش ويبني الأحلام ،،

تقبلي تحيتي العطرة
حزن العمر

عليكم السلام ورحمة الله

هلااا عشوووقه

امم حب عاش وصمد على مدى سنوات معناها كل طرف يلقى الكمال بالثاني

وما أتوقع ان شخص عايش مشاعر الحب على مدى سنوات يصدر عنه هالتصرف إلا في حاله وحده ..ان الاثنين بوقتهاعايشين حالة زعل .. في خلاف بين الاثنين

لما يحصل خلاف بين شخصين يعزو بعض بغض النظر عن كونهم رجل وامرأه

عادتا ً نرسم للأشخاص اللي نعزهم صورة وعلى قدر معزتهم تكون مواصفات الكمال فيها نرفض ان هالصوره تهتز أو تنكسر لأي سبب كان فلما يحدث خلاف أو زعل ننتظر من هالشخص العزيز انه يبقى بالصورة الحلوه
اللي راسمينها بس طبعا ً هالعزيز بشر .. انسان مثل كل الناس

مع تراكم الضغوط يجيه يوم وينفجر .. ساعتها عاد بيطلع عن طوره .. وبتنكسر في عيننا الصوره

بعد وينرفز عليي .. لااااااا ويصارخ بوجهي ...................... خلااااااااااص القلب يمتلي

ويزيد امتلاء لو هالشخص العزيز ما صلح الموقف على طول ..

يعني البعض لما يحصل زعل بينهم وبين أحد يفضلو عدم التحدث بنفس الوقت

يترك السالفه يوم يومين ثلاثه 10

في هالاثناء يكون هالقلب موبس امتلا إلا انشحن فللللللللل

وينتظر لحظة الانفجار .. جا هالعزيز بيعتذر أو خل نقول بيصلح الموقف قام الطرف الثاني يتثيقلويبين زعله .. اي من حقه كاشت فيه كل هالمده (عاطيه طناااش) خل يبرد حرته ويقول له كلام يزعجه

أو يحسسه انه بيفقده .. مثل سالفة الخطوبه والزواج من شخص ثاني بين هالحبيبين

اقتباس:

---

لو جا لي خطيب و اهلي موافقين باقي بس جوابي بتقولي وافقي؟

---

هالسؤال كان القشه اللي قصمت ظهر البعير مثل مايقولون .. يعني شايفه على قد ما الجمل صبور ويتحمل

ممكن في يوم قشه تكسر ظهره .. وممكن يكون هالسؤال هو الشراره اللي تتسبب في حريق كبير

وكانت النتائج عكسيه وردت الفعل هي ثورة انفعال من الطرف الثاني زادت معها هوة البعد واتسع الخلاف شنو كان بيصير لو ماسألنا هالسؤال الاستفزازي بوقت رضا.. أو لوغيرنا من صيغته وكان بهالشكل :

لو تقدم شخص لخطبتي والاهل موافقين ويحاولو جهدهم يقنعوني ..
شنو ممكن تكون ردت فعلك ...؟

اقتباس:

---

وش رايكم هل في رأيكم انه انسان او انسانه يحب من قلب؟ رغم السنين الي مرت لهم مع بعض

---

اي ممكن يكون يحب ومن قلب والدليل رده .. لأن السؤال كان استفزازي .

اقتباس:

---

ولو انه طلب منك انك تتخلين عن احلاامك هل راح بتوافقين حتى لو كان الحلم متعلق فيه؟

---

اذا طلب منها تتخلى عن احلامها تترك فاصل من الصمت لدقائق أشوف ان هالدقائق كفيله بأنها تهدأ الوضع وبعدها تطلب منه وبكل هدوء
(بعيد عن النرفزه والانفعال )انه يشاركها احلامها .

لورفض عاد أو كان رده سلبي بتكون مصيبه .

اقتباس:

---

وفي رأيكم الي ما يتمسك في حبيبه وعنده عادي انه يتخلى عنه بعد كل هالسنين يستحق انه الوحده او الواحد يخلص له؟

---

عشوقه خل نتكلم بالعقل .. يعني طوال هالسنوات كان حلو وطيب ومخلص وحبوب والحين طلعت فيه كل هالعيوب

يتراوالي ان الشخص السيء تكون له علامات تتضح مع الوقت وكون هالشخصين قضو سنوات مع بعض معناها تحليلي صح:cool:

في كل مشكله حتى نوصول لحل ونتيجه زينه لازم نحلل الامور ونقلبها من كل الزوايا ..نكون صادقين مع انفسنا ومنصفين للناس اللي نحبهم حتى مايجي يوم ونندم على أي تصرف .

وترى الزواج عن حب من وجهة نظري خساره هو حلووو ان في عاطفه تجمع الاثنين بس فيه عيب كبير وهو ان الشخص لما يحب رح يحب روح وبهالطريقه رح يتنازل عن كل أحلامة الثانيه في شريك العمر

ورح يضطر يقبل بالحبيب على علاته ويقنع نفسه انه هو فارس الاحلام
أو هي فتاة الاحلام..

أعرف تكلمت واااااااجد وشعبت الموضوع .. بس كان لازم حتى تكون الاجابه وافيه .

كلمة أخيره .. وحشتينا عشووقه يالله خل نشوف مشاركاتك بالمنتدى

موفقه حبيبتي

حبيبتي عاشقة الوردي
تسلمي على طرح رأيك الحلو
وشكراً على حظورك الرائع عزيزتي
ما تقصري عساك دوم على القوة






تحياتي
&عاشقة الأحلام&

حزن العمر
الحب لاايزال للئبد موجود
ولكن لوجود ناس عديمي الأحساس في هالعالم
شوهو صورة الحب وللئسف انهم اصبحو بكثرة منتشرين
ولهذا اصبح المجتمع ينظر لموضوع الحب انه انتهى عصره
على العموم يسلمو على طرح رأيك
وطرح القصه لإيضاح وجهة نظرك
شكراً على المرور الحلو





تحياتي
&عاشقة الأحلام&

وعليكم السلاام والرحمة عزيزتي شمعه
مو شرط يكونو متزاعلين على شان جديه يقول هالكلاام
بس فيه كلاام صحيح جداً في كلاامك على تقبل هالشخص بكل مافه و الطرف الثاني نفس الشي
لأنه ماراح يشوف هالشي وحتى لو شافها ما راح يفكر فيها بعقله نهائياً
على كل حال احترم رأيك لو مهما كان عزيزتي
لأن كل انسان وله وجهة نظر خاصه فيه
تسلمي على المرور الحلو و على إبداء رأيك
وانتو بعد وحشتوني
دمتي بخير





تحياتي
&عاشقة الأحلام&

بالمختصر

هذا ما سوى.. كذا.. الا لسببين

اما انه كان يلعب

او انه يحس نفسه راح يطول عليها ويخرب حياتها ويفوتها قطار الشباب وهي تنتظره وهو مو قادر يدبر له رزق
وهي بشطارتها راح تعرف تفكيره
فإذا كان التفكير الأول
هذا تعطيه قفاها وتكسر ذكرياته ويولي ما يستاهل قلبها
واذا كان التفكير الثاني
تشوف تقدر تصبر معاه اذا حست بيظل وياها لين الله يفرجها عليه .. تنتظره والا تشوف عمرها لأن الدنيا مهي دنيا

ما ادري بس هذي وجهة نظري
ودمتي بحفظ الرحمن

مساء الورد عزيزتي اميرة المرح
شكراً لطرح رأيك و وجهة نظرك
تسلمي على المرور الكريم ما تقصري
دمتي بخير





تحياتي
&عاشقة الأحلام&