عرض للطباعة
السلام عليكم
كل واحد يحط سوالف الكبار ( من اب - أم - جد - جده )
يعني مثلا أنا بحط اللي كنت أسمعه دايم منهم
إذا أحد معزم على شيء لايسويه يوم السبت ( لأنه مردود :weird:) وطبعا هذا الشيء مو صحيح وعرفته من موضوع أخوي مجدي حمدي ( الايام وخصائصها )
والسمك لا أحد يطبخة يوم السبت لأنه يجيب الفقر
إذا قصيت أظافرك لاترميهم في الزبالة أدفنهم أو سمرهم بالماي
مشيمة ( الحبل السري ) ولدي دفنتها بعد ماطاحت قالوا لي يطلع الولد مؤدب ( مبين عليه :wacko: )
يلا كل واحد يحط معتقدات قديمة من سوالف الكبار
مثل لما يطيح سن الطفل يقولوا اليه لكبار اطلع في الشمس" وقول ياشمس اخذي ضرس لحماااار وعطيني ضرس غزال "
وفي معتقدهم اذا مايسوووي كذا بيطلع اليه ضرس حمااااااار
يسلمووووووووووو عيون لاتنام والله يعطيك العافية
الله يسلمك أختي حور الجنان شكرا على كرم التواجد والمرور الجميل
في بعد معتقدات ثانية
مثل قرصة العروس ( إذا قرصتي العروس يوم عرسها وتفاجئت تعرسين وراها على طول )
وإذا وصيتي الحامل بدعوة تدعي لج بها وقت الطلق فدعاءها مستجاب ( من اللي بيذكر حزتها عاد )
وصوني بنات وايد ولا ذكرت وحده منهم :toung:
تقليم الاضافر بالليل يقولون يجيب الفقر
بس مادري صح ولا لا...
اعتقاااادتهم احيانا تكون صحيح
مشكوووره يلغلا ع الطرح الحلووو
موفقه انشاء الله ..
أي والله أنا بعد سامعة هالشيء
شكرا على المرور الجميل أختي فرح ويعطيك الف عافية
بالنسبة لقص الأظافر والشعر لهم أيام معينة في كتاب رياض الفالحين ومنار السالكين أو ضياء الصالحين صفحة 377 لأمير المؤمنين علي عليه السلام واأنا صرت اتبع هالشيء في حلق شعر ولدي وقص شعري
على العموم شكرا مره ثانيه على الحضور
وبالتوفيق
أختك
عيون لاتنام
انا سمعت ان النعال المقلوب شيء كلش مو زين
لكن ما ادري شنو بالضبط هل ان يجيب النحس او شيء حذي
حتى اذا جفنا اي نعال مقلوب على طول يقولون لينا عدلوه
و بعد في شيء قريت عنه و هو قص الشعر
اذا مثلا تبي تقص شعرك لازم تجوف اذا
هاليوم اوكي لقص الشعر
(اليوم و الشهر)
ففي بعض الايام و الشهور
اذا قصيت شعرك فيه مثلا ما راح يطلع لك مرة ثانية
و اظن انج تعرفين هالشيء اختي عيون لا تنام لأنج كتيتي بس ابي أأكد عليج
و مشكووووووووووورة غاليتي
عيون لا تنام الموضوع يجنن
الله يعطيك العافية اختي ام حسووون
وعساش على القووة
جان على الاشياء الي كانوا يقولونها لنا في الصغر واجد لو بنعدد ما بنخلص وفيها الصحيح وفيها الي مو صحيح
بذكر موقف كان يصير ايام ما كنت صغيرة
مثلا اذكر ايام ما كنا صغار في وقت الطباخ ايام محرم
وكنت احب هالسوالف وعلى طول اشارك مع النسوان الكبار من صغري وكانوا اذا يطبخون ويحطون العيش في القدر يحطون كميه معينة
بس سبحان الله
من يطبخ العيش تشوفهم يصلون على النبي لان القدر يفوض من العيش
تزيد الكمية ادبال على الي حطوه اساسا
كانت في بركة من قبل
تحس النسوان قبل مؤمنين بالله ومشاء الله عليهم يسووا الشي بنية خالصة لله وصاحب العزيمة نفسه يسوي الشي لله ويكون قصده قربة الى الله تعالى وتعبير عن مدى حبه وتعلقه ومشيه على نهج اهل البيت عليهم السلام
مو مثل الحين لا بركة لا ايمان لا حسرة
خلسنا من كل شي
ايام حلوة صدق احب اذكرها على طول
طبعا طلعت عن صلب الموضوع عن المعتقدات
بس جبت لكم شي كنت اشوفه في الصغر والحين مو موجود
تحياتي لج خيتو
موضوع حلو خيتو عيون لا تنام
الله يعطيك ألف عافية وتسلم الايادي...
لا تنسوا كسر القدو آخر يوم في صفر... الرويحة (حشرة مثل الفراشة) هذا روح أحد الاموات جاية تشوف أهلها...كسر البيض للجن والتدريع (سكب ماء مع السكر يمكن حوالين البيت) ...
ياهلا
هههههه
كتبتها قبلي اخوي عماد بس ماعليه باكمل
اني كله اسمع عننها ونفسي مرة احضر كيف يتم اعدام القدو
هههههههه
ولا عاد الجمله الا بيقولوها
(واصفيراه صفر )
هههههه
طب باقول اعتقاد ثاني
اذا طاح الجاهل عند عتبت البيت يكسروا بيض
بلكتي رجوله تعوره نكسر الصحفة
هههههههههه
يسلمو عيون على الموضوع وحمستيني اشوف البقايا
أهلا أختي المومياءة الشكر لج على المرور أسعدني حضورج الجميل وعيونج الحلوه حبيبتي
أنا بعد سمعت عن سالفة النعال بس بشكل نادر جدا ولا حتى نطبقها في محيطنا العائلي
( هذا هو جدول أيام قص الشعر
( ربما يعزى إلى مولانا أمير المؤمنين عليه السلام لحلق الرأس وتقليم الأظافر في كل يوم من أيام الشهر العربي خاصية بموجب الشكل المسطور في الصفحة
بالنسبة لقص الشعر والاظافر يشتركون في الايام نفسها فمثلا تاريخ
1= يورث قصر العمر
2= يورث قضاء الحاجة
3= يطيل الشعر وقيل يورث نقصان البدن
4= يورث الغم والهم
5= يورث السرور
6= يورث البلاء البغته وقيل فيه نقصان وخطر
7= يأتيه المال من الأشراف وقيل يتمرض
8= يتمرض وقيل يزيل المال
9= يورث داء في ظاهر البطن
10= يصير عزيزا محترما وقيل يزيد همه وغمه
11= يصير مغموما
12= يصير وجيها بين الخلق عزيزا
13= يورث الخصومة مع شخص
14=يصير فرحان
15=يصير فرحان وقيل يحصل مراده
16= يصير محزونا
17=وسط
18=يورث المال
19=يورث القدرة وقيل يورث الغنى
20= يورث الأمن من الملامة وقيل يخلص من الغم
21=يصله مال من الأكابر
22=يورث الأفلاس
23= يصلح لكل شيء
24= كذلك وقيل يخلص من الأفلاس
25= كذلك وقيل يخلص ممن الغم
26= يخلص من البلاء وقيل من الغموم
27= يورث النادم وقيل يصلح
28= لايصلح كثيرا وقيل يصلح
29= يتحرز من الخلق وقيل تقضى حاجته
30= يصير مأمونا
الله يعافيك أختي أم محمد ويقويك يااارب
شكرا على المرور المميز الذي أسعدني فعلا وعلى السالفة انتي ماطلعت بره الموضوع مو لازم تكون معتقدات من أسم الموضوع ( سوالف كبار )
الحين أكثر شيء تكون البركة من المطاعم ماحد يبي يتعب نفسه قليل الطبخ في البيت
أخ منج طلعتي عاقلة من يوم وأنتي صغيرة تماشين الكبار :bigsmile:
وياليتنا نرجع لأيام قبل فعلا كانت أيام مانقدر ننساها لعفويتها وبساطتها
على العموم أسعدني تواجدك اللطيف
ويعطيك الف عافية
وبالتوفيق
أختك
عيون لاتنام
حلاك الله بالإيمان وزيارة الرحمن أخي الكريم عماد
والله يعافيك ويسلمك
شكرا على التواجد الجميل والمرور المميز
شكرا على الأضافة الجميلة التي أضفتها للموضوع
بالنسبة للرويحة معلومة جديدة بالنسبة لي
وللجن أيضا سمعت تحط سكين وملح وكتاب القران في المكان اللي تنام فيه
وبضيف شيء جديد
إذا الواحد توه ساكن ببيت جديد يقومون يذبحون ديك عند البيت ويدفنونه هناك :wacko: ( مسكين )
وإذا نطق الياهل كلمة ماما قبل البابا ( يعني عمر الياهل قصير أو أنه راح يصير له شيء ) وولدي نطق كلمة ماما قبل البابا
وإذا طلع للياهل ضرس فوق قبل اللي تحت ( شيء ماهو زين ) وهم بعد هذي صارت لولدي :toung:
على العموم مشكور مره ثانية
وبالتوفيق
أختك
عيون لاتنام
أهلين أختي روح وريحان مادري والله ماتعودت بشاير
وياليت يعدمون كل القداوة ونفتك منها هي والسجاير
لا بعد ويعزونه ويندبونه واصفيراه :wacko:
اللي يقهرني صارورا الحريم الكبار ( شرابين القدو ) مايروحون مكان ماينحط فيه ( هذي إهانه في حقهم ) :weird:
اللي مايبغانا بالقدو مانبغاه
تكفي بس ريحته وخياسه
تتن حار ( لا والله هذا عدل من الامارات وعمان )
تتن بارد ( ماله رونق وأحنا نشرب فيه أحسن شي خيو ترمينه وأنا أجيب لج واحد حار وش حلاته :toung:)
وكل وحده تنتظر يجي دورها في شرب القدو
عملييييه خيو ماقدر أشربه وهو حار وتعمله وتعطيها
أمي صارت تشرب قدو من 13 سنه تعلمت من خالاتي نروح بيت أهلي يمه وين بتروحين
بروح اشرب لي مزه بس عند خالاتج وارجع
( هالمزه ساعة مو مزة 000مزااات :wacko: )
هذا القدو وهذي خرابيطه
الله يفكنا منه
أشوفه كل يوم
00000
بالنسب للصحفة الا وهي ( الطشت ) أشدخوا فيها سنه لين تنكسر لاحوووول :toung:
على العموم مشكورة وأسعدني الحضور الجميل
وبالتوفيق
أختك
عيون لاتنام