هذي مساجلة خفيفة صارت بيني وبين امير...

هذي ابيات كانت كمساجلة بيني وبين اميرالعاشقين

وكان امير بذاك اليوم مريض مرة وكلمته بالمستشفى

وقال لي بيتين عور قلبي بصراحة يوم سألته عن اخباره


اميرالعاشقين

حالي يياسر على فراش المرض مفلوت
اعاني التعب واعاني باقي جروحي

جسمي وقلبي من الهم صار مبهوت
اعاني الألم ليت الألم يخفف علي نوحي

بعده رديت عليه بهذي الابيات الي انشاء الله تعجبكم

ياسر

يا امير اهدا واذكر ربنا الشافي
عسا الله يعافيك وتقوم من شدتك

الصبر ياخوك على القلب دافي
وذكر الله بارد الماي ويخفف من حنتك

يارب ياكاشف الضر ويالمعافي
اكشف عن خليل الروح ياربي بقدرتك

ياربي انت ملجئنا وغيرك مافي
مااحد يكشف مغمتنا ومافي غير رحمتك

ياربي هذا صاحبي وكامل اوصافي
ولاحول لنا ولا قدرة من غير قوتك

ياامير العشق الك حبي الخافي
لوتدري بقلبي كيف يحمل معزتك

ابسكت وباقفل اوزاني والقوافي
واقول لك قوم ترا مشتاق شوفتك

يمكن كلامي هنا محضور ومنافي
لكن ذي الحقيقة اصرحها بمحبتك


طبعا ماعدا البيت الاخير توي كاتبنه الحين عشان المنتدى

yaserali

السلام عليكم
حلوة مساجلتكم امير عالفراش ومتألم وياسر بذكر الله يهديه وبالحب يسعده
جميلة كلماتكم واعتذر على تطفلي لكن قلوبكم جميلة واتمنى بان تبقى دائما على بعضها
تحياتي لكما بالتوفيق..

صح السانك

وصح السانك أمير

والله يشافيه ويعافيه

مساجله لطيفه ورائعه


الله يعطيك العافيه

ماشاء الله عليكم

جميل جداً ماتخطه أناملكم الرائعه


عساااها دوم هالمحبه والله لا يغير عليكم

ويبعد المرض والهم عنكم



صمتـ الجروح ....

ماشاء الله عليكم ..

جميل جداً ماتخطه أناملكم الذهبية ..

والله يعافيك ويشافيك ..

احسنت اخي ياسر
وصح السانك ويك ولد اختي امير
الله يعافيه ويشافيه
ويرده سالم الى كل حبايبه
تحياتي لك
اختك همسات وله

يسووور شدعوه يالغالي

هههههههههه

ترا كنت مريض وتعرفني قاعد اهلوس

يااااااااااااعلي قسم بالله فجرتني من الضحك

مو مصدق انا الي قلت هالكلام

بس ترا يالغالي

أحياناً الانسان يقول كلام من قلبه

لان بجد وقت التعب ما ادري ويش اقول

تدري في مره كتبت خاطرة بالاحرا امي تكتب ويش اقول

وانا كانت حرارتي اربعين

فا أمي سمعتني وانا نايم اقول خاطره بكتبتها

تقول لي هاذي وانت مريض كانت حرارتي اربعين

لما رحت المستشفى على طول تأشيره على التنيوم

وشوف عاد

لما يجوا يزوروني

الكمادات ما تقبع من راسي

تخيل حراره وتجيك بروده

وقعدت اصيح ما ابي كمادات كان اقول الخاطره الي قلتها وانا مهلوس

واستغربت امي طلعت ورقه وقالت ليي اقرا

قريتها الي هي نفسها

تقول صدقت ان اذا انت مريض تهلوس

شوف عاد حالتي يالغالي

ههههههه


يعني لاتستغرب كلمات مني


مشكور حبيبي وماقصرت

وعساك على القوة يارب



خواتي واخواني المشاركين في هذه الصفحه

مشكورين والله وماقصرتوا

ويشافيكم نتوا بعد

ويعافيك يارب

ويقويكم بقوته


مشكورين وماقصرتوا



عساكم على القوة يارب

أمير العاشقين

جاسم

السلام عليكم ..
مساجلة رائعه منكم اخواني ..
تسلم هالانامل المبدعه .. ودمتم بحب واخاء ..
وامير العاشقين << سلامات .. اجر وعافيه ان شاء الله ..
الله يعطيك الف صحه وعافيه يااارب ..
ويبعد عنك كل ألم ومرض ..
موفقين لكل خير ..
دمتم بود ..

تحياتي
دمعه حزن

القلب المرح...
ابدا حضورك لم يكن تطفلا عزيزي مشكور ما قصرت ونورت خيي...



انت عمري..
مرور لطيف اسعدني فشكرا على ذلك..


صمت الجروح..
آمين يارب شكرا على هذا الدعاء وشكرا على المرور الرائع..



وعود..
ويعافيك خية والجميل حضورك ...موفقة




امير العاشقين..
شكرا خيي على مرورك الي اتحفني...


دمعة حزن..
ودامة لينا هالطلة الرائعة مشكورة خيتي ماقصرتي...... وعوافي عليك وماقصرتي مشكورة..


ولكم خالص التحايا واجملها...