ما رأيك بقيادة النساء للسيارة ؟
بسم الله الرحمن الرحيم
السلام عليكم ....
دعونا نتحدث ونناقش موضوع مهم
قد تكون كل فتاة تتمنى
والآن مع تفتح المجتمع السعودي وعمل المرأة المختلف
وقد تكون هذه المرأة موظفة لها شأن كبير ودورها بالمجتمع فعال
واحيانا يسافر الرجل لوحده وتبقى المرأة مع اطفالها بالبيت
وعندما يمرضون او يحتاجون لأمور البيت ...لاتجد احدا يخدمها ..
طبعا لايخفى على الجميع بأن يوجد سعوديات بالرياض وجدة وربما الدمام
لكن اما حان وقت السياقة للنساءالسعوديات بالعلن ...
لن اطيل الحديث فالمكيرفون لكم الآن لنتحدث ولنسمع ارائكم عن :
1_مارأيك بسياقة النساء ؟
2_لو كنت من المؤيدين كم العمر المناسب لهن لمزاولة السياقة ؟
3_ماهي مميزات السياقة لهن وماهي عواقبها ؟
4_هل سوف تشرط على زوجتك او ابنتك او اختك وقت معين ؟
5_ بالنسبة للفتيات هل تحلمي بسيارة معينه ولون محدد ؟:bigsmile:
اتمنى مشاركة البنوتات والشباب ...
وارجو من الأعضاء الغير سعوديين معنا بأعطاءنا تجاربهم وآرائهم
موفقييين يااارب
بقلم :
امل الظهور
رد: ما رأيك بقيادة النساء للسيارة ؟
اقتباس:
المشاركة الأصلية كتبت بواسطة أمل الظهور
1_مارأيك بسياقة النساء ؟
الزمن و أصبح مخيفا مليئا بالذئاب السعرانه التي لا ترحم صغيره أم كبيره . لا ننكر بأن لقيادة السياره فائده عظيمه و بالذات لو كانت المرأه أرمله أو مطلقه و لا عائل لأولادها إلا هي و لكن هناك ضرر أقل من ضرر أي ضرر عدم قيادتها أخف بكثير من خروجها للشارع تقود سيارتها و الله وحده أعلم ما قد تواجه و تتعرض له من مشاكل هي في غنى عنها .
و إذا كانت المرأه لديها عائل كالزوج أو الإبن أو حتى الأب فمسؤلية خدمتها و تلبية طلباتها تقع على عاتقه فالأحرى به ألا يضطرها للتفكير في قيادة السياره فلم تجعل قيادة السياره إلا للضروره .
5_ بالنسبة للفتيات هل تحلمي بسيارة معينه ولون محدد ؟:bigsmile:
نعم احلم بسيارة (جيب بورش ) اللون الفضي ومن داخل اللون البيج ..
شووفوها مو حلوووه ؟؟؟
من الداخل
هااا وشرايكم فيها؟؟؟؟؟؟؟
مشكووووووووووووره غاليتي اموووووووووووول ع الموضوع الحلو
رد: ما رأيك بقيادة النساء للسيارة ؟
1_مارأيك بسياقة النساء ؟
عادي من حقها .. بس "انا ما اؤيد الفكره ولا افكر ان اسوق " ولكن فى عائلات بحاجه لان تكون المرأة فيها تسوق السياره .. ولكن بالنسبة للمجتمع السعودي قبل ان يسمح للمرأه بالسياقه لابد من وضع قوانين السير والتزام الكل بها << لان بصراحه السواقه عندكم خطيره ماكو عندكم قوانين كل واحد يمشي ع كيفه ..
2_لو كنت من المؤيدين كم العمر المناسب لهن لمزاولة السياقة ؟
عادي حالهم حال الرجال ماكو تفرقه .. مادري كم انتوا عندكم السن المناسب بس 18 او 20 سنه اتوقع سن مناسب ..
3_ماهي مميزات السياقة لهن وماهي عواقبها ؟
المميزات
ان فى اوقات المرأة تكون بحاجه ماسه للسياره ولكن الرجل مو موجود فبتخدم حالها ..
فى حالة الاعراس بتروح وبترجع ع راحتها ولا يتملل الرجال ينتظرها ..
فى حالات المرأه بحاجه انها تسوي شغلات بدون محد يدري "كالمفأجات " ..
العواقب ..
الزوج بيعتمد اعتماد كلي عليها وبيقول عندج السياره وروحي لحالج ..
كل حادث بيصير بيقولوا اكيد بنت الغلطانه ..
4_هل سوف تشرط على زوجتك او ابنتك او اختك وقت معين ؟
هذا السؤال مو موجه لي ..
5_ بالنسبة للفتيات هل تحلمي بسيارة معينه ولون محدد ؟:bigsmile:
لا .. ولا افكر بالسياقه ..
وارجو من الأعضاء الغير سعوديين معنا بأعطاءنا تجاربهم وآرائهم
انا ما اسوق عشان اعطي تجاربي ..
وسبق قلت كل ارائي فى الاسئلة السابقه ..
ألف شكر لك اختي .. امل الظهور ..
يعطيك الف عافيه يارب ..
بانتظار الجديد ..
تحياتي
دمعه حزن
رد: ما رأيك بقيادة النساء للسيارة ؟
1_مارأيك بسياقة النساء ؟
عادي بس يكون هناك ضوابط لذلك.
2_لو كنت من المؤيدين كم العمر المناسب لهن لمزاولة السياقة ؟
25-45 سنة
3_ماهي مميزات السياقة لهن وماهي عواقبها ؟
حرية أكثر لهن - والعواقب
زيادة زحمة في الشوارع- زيادة حوادث - زيادة مشاكل
4_هل سوف تشرط على زوجتك او ابنتك او اختك وقت معين ؟
كما قلت يجب أن تكون هناك ضوابط وهذه الضوابط لا تكون من قبل ولي أمر المرأة لا بل من قبل الدولة مثلا يتاح لهن السياقة من 7 صباحا وحتى 8 مساء
5_ بالنسبة للفتيات هل تحلمي بسيارة معينه ولون محدد ؟:bigsmile:
000000
رد: ما رأيك بقيادة النساء للسيارة ؟
انا من المؤيدين وبشده لتعلم المراه للسياقه
لان في ايامنا هذي السياقه ضروريه للمراه والرجل
مثلا اني زوجي يعمل في الاعمال الحره
ودائما له سفرات للخارج
واظل في البيت وحدي
اعيالي يبي لهم واحد اوديهم المدرسه ويجيبهم
اغراض البيت
بعض الشغلات الطارئه
فالوحده منا مضطره انها تتعلم السياقه علشان لاتتعطل ولا اتكون ثقيله على غيرها
مو مهم نوع السياره المهم اتكون سياره نظيفه ومرتبه وتقضي الحاجه
الله يعطيك العافيه خيتي ام عبود
تحياتي لك
اختك همسات وله
رد: ما رأيك بقيادة النساء للسيارة ؟
السلام عليكم ورحمة الله وبركاته
هلا فيك اختي ام عبود
اممم موضوع السياقة للمرأة له من الايجابيات وله سلبيات اكثر هذا الحاصل
بتكلم عن الوضع عندنا
مشاء الله الحين صاير عدد السيارات في البحرين اكثر من عدد سكان البحرين انفسهم هذا معلومة صحيحة 100%
ومشاء الله بعد بنات شكثر يسوقون المحتاجة والي مو محتاجة
ولهم خرابيط بعد لا يفوتك تفحيط وسباق بعد تعالي شوفيهم على الطريق الي يوصل الى جامعة البحرين في مدينة حمد ما تقولين بنات حشى والله الانوثة تتبرأ منهم
ليش جدية عاد ما ادري
وغير المعاكسات الي تحصل للبنت فانا افضل ان البنت لازم يكون عمرها على الاقل 24 على الاقل فاهمه اشوي وتقدر تتصرف في حالة حدوث حادث اي اي شي لها بطريق( مع العلم ان السن ساعات ما يكون فارق يعني الي عمرها 18 تتصرف احسن من الي عمرها 30 )
بس اخترت هالعمر عشان يقل الي يسوقون اشوي
غير ان اذا صار لها حادث لا سمح الله تتوهق في روحها وما تدري شسوي ويمكن تقعد تصيح وما ينفهم لها كلمة من الي تطلع منها
هذي سلبيات بسيطة ولو قعدنا نعدد السلبيات بتقولو ام محمد معقدة وما عندها سالفة
بس والله من صالح المرأة انها تظل قدر الامكان الابتعاد عن سوالف السياقة والاختلاط سلامة لها ولانفسها ولدينها
ما قاعدة اقول هذا الشي من لا شي , كل الي يلاحظ على الي يصير في مجتمعنا ويركز اشوي بيشوف الي صاير على الحقيقة
وبعد اؤيد السياقة للمرأة المحتاجة لهذا الشي فيهم الارامل والي لازم تقضي حوائجها وحوائج عيالها لان في زمننا محد لاحد الحين
والمرأة العاملة وحتى ربة البيت الي يكون ظروف زوجها ما يسمح له بتواجد في جميع الاوقات معاها وما يقدر يقضي الحوائج كلها فمساعدة زينة
ام بنسبة للسيارة شفتي الي حطتها ام بسوووووووووم خلتني احلم وياها فيها :bigsmile:
:kaseh:
تبين وحدة ام عبادي
تامرين عليها كتبي اسمك وصفيه مع اسمي واسم ام بسوووووووووووه:toung:
وفي الختام تحياتي وبوسة كبيرة وحلوة على خد عبادي
اختك ام محمد
رد: ما رأيك بقيادة النساء للسيارة ؟
1_مارأيك بسياقة النساء ؟
وش رأيي رأيي والله كشخة هههههههههه
2_لو كنت من المؤيدين كم العمر المناسب لهن لمزاولة السياقة ؟
أني من المؤيدين واسوق بعد ، بس كم العمر ماأدري
يعني الا له حاجة يتعلم
3_ماهي مميزات السياقة لهن وماهي عواقبها ؟
مميزاتها يعني في الأوقات الصعبة
عواقبها يعني في بنات يستخدمونها لأغراض
جدا مو صحيحة وثانيا صارت السيارة
يادافع البلا موضة
4_هل سوف تشرط على زوجتك او ابنتك او اختك وقت معين ؟
بتكلم عن أبوي خخخخ ايه يعني هو لازم يعطيني وقت محدد
اصلا مااروح مكان الا الجامعة وارجع على فكرة السياقة مو شي
فن وايد بالعكس مملة .
5_ بالنسبة للفتيات هل تحلمي بسيارة معينه ولون محدد ؟
لا والله ماني من النوع اللي يعجب بالسيارات واجد
بس ساعات يعني .
الله يعطيك العافية على الموضوع
تحيتي العطرة
حزن العمر
رد: ما رأيك بقيادة النساء للسيارة ؟
1_مارأيك بسياقة النساء ؟
رأيي أن تعلم السياقة شيء ضروري جدا
2_لو كنت من المؤيدين كم العمر المناسب لهن لمزاولة السياقة ؟
20 إلى مافوق
3_ماهي مميزات السياقة لهن وماهي عواقبها ؟
مميزاتها الحرية والراحة
العواقب كثرة الحوادث والأزدحام
4_هل سوف تشرط على زوجتك او ابنتك او اختك وقت معين ؟
....
5_ بالنسبة للفتيات هل تحلمي بسيارة معينه ولون محدد ؟
أيه والله أحلم بهوندا أكورد
الله يعطيك العافية على الموضوع
رد: ما رأيك بقيادة النساء للسيارة ؟
اهلا بالحضور :
ام بسوم : مشكورة على التواجد الحلو وربي يسهلها ونسوق <<<متفائلة
اما سيارتك حركتوتية (حركتات ) ان شاء الله تشتريها وتفرحي فيها ويعطيك خيرها ويكفيك شرها هههه
يسلمو على المرور .
دمعة حزن :
اهلا بتواجدك
<< لان بصراحه السواقه عندكم خطيره ماكو عندكم قوانين كل واحد يمشي ع كيفه ..
ههههه في هذه صدقتي والله هذا طال عمرك اكثر البدوان متعودين على البر عادي لااشارات
ولا شوارع ..عاد يااااااسلاااام على السياقة بالرياض تقول لي مهابيل اللي يلف عليك
فجأة واللي ماهمه اللي قدامه وعاد لو تشوفي يادموعه مواقف السيارات ههههههه من جد يموتوني ضحك
طال عمرك المواقف طولية هم يوقفوا السيارة بالعرض واذا المواقف عرضية وقفوا السيارة
بالطول ولا اللي يموتني ضـحك ماعمري شفت لهم سيارة موقفة اوكي دوم على جنب ههههه
حدث بلا حرج والله ..بس الله يعين ويهديهم ..ترى اكثر من مرة جيت بروح فيها بس
ربي يكتب لي عمر جديد <<<قطوة ام سبعة ارواح >>>
مشكورة على المرور خيتوو .
عماد علي :
مشكور على المرور والرد ، ربي يعطيك العافية .
همسات وله :
مشكورة غناتي على الحضور وصدقتي البعض بحاجة لها ولا تذل نفسها خخخ
سلمتي على المرور الطيب يعطيك العافية .
ام حمادة
ماشاء الله دوما لحضورك تألق وردك يكون مميز وياحلاته
والبنات هنا بالجوالات وما قدرنا عليهم كيف السيارات ههههه
والمواقف اللي ذكرتيها موتتني ضحك على التفحيط صدق انوثة غير شكل ..
كفيتي ووفيتي يالغلا
اما السيارة اممــ الله يعين بو محمد اجل خخخخ كله منك ام بسوم خليتي ام حمادة تروح فيها
وتطير في احلامك ههههه ، اما انا لا لا تحسبيني خخخ بتشوفي سيارة المستقبل
بعد اشوي خخخ <<شكلهم بناتي بيسوقوها مو اناخخخ
مشكورة ام محمد على التواجد اسعدتيني والله .
حزن العمر :
سلمتي خيتوو على المرور واشكرك على رأيك الحلو وصدقتي السواقة والسيارات موضة
الله يعين ويحفظك وعقبالنا خخخخ.
وعود :
مشكورة على التواجد ..وربي يرزقك السيارة سلمتي خيتوو
بس ليه ماحطيتي لنا صورتها ماتبينا نحلم معاك
لاعدمنا تواجدكم جميعا
احم احم جاء دوري :
انا من مؤيدي( تعلم ) السياقة للظروف يعني مو شرط تسوق بس على الاقل يعطونا دورات
تدريبية سبحان الله يصير شيء نكون بحاجة فعلا للسيارة ولاتتوفر وياكثر مامات طفل
وحالات وفيات بسبب الام او المرأة ماانقذته بسرعه ...الله يكون بالعون
خخخخ اعتراف :
لو يعلمونا السياقة ويسمحون لنا وقت الضروروة والظروف كان كل ساعه طاقني ظرف
ويلا بحرك السيارة ههههههه واتفتل ظروف بعد ويش اسوي بتمسكن هههه
اما سيارتي ياااسلااام ..لو اكون بالشارع واشوف مثلها اروح فيها واطب ساكته بس اتأمل
فيها ...واحلم وطموح خخخخ ياحلاتها ..شوفوا انا ماتعجبني الجيب واجد
احب السيارات السبورت احسها بنوتيه اكثر <<هذا اللي ذابحنا
وعاد السيارة يااااسلام لو اسوقها كان اتمشى بالطريق واقول له منو يسبق
انا ولا انت وطيران مااخذ ربع ساعه الا واصلة الحسحوس <<<واصلة القبر قصدي
ولا اساعده هو ساعتين وانا ساعتين ...طبعا الساعتين بتاعتي بتكون نصف ساعه
المهم شوفوا سيارتي بس ترى ها ..ما احد يحلم فيها ويقول مني ...
واللون ترى ماابغاه ابغى اسود<< ملاكي ...
او احمر مورد <<لامهلوسة
يلا تعالوا المعرض شوفوها معاي
http://www.l22l.com/l22l-up-1/76f7f1bda6.jpg
http://www.l22l.com/l22l-up-1/f02221d17d.jpg
مو حلوة
عقبال مااحط لكم صورة سيارتي الحقيقية <<يعني بعد خمسين سنة بس موكثير .
مشكورين على التواجد
لاحرمنا منه
رد: ما رأيك بقيادة النساء للسيارة ؟
في البداية احب أشكر الأخت أمل الظهور على طرح الموضوع للمناقشة
اقتباس:
المشاركة الأصلية كتبت بواسطة أمل الظهور
1_مارأيك بسياقة النساء ؟
أنا رايي مافي اي مشكلة في قيادة النساء للسيارة
2_لو كنت من المؤيدين كم العمر المناسب لهن لمزاولة السياقة ؟
اممم والله اتوقع ان عمر 25 سنة زين
3_ماهي مميزات السياقة لهن وماهي عواقبها ؟
المميزات ان المرأة ماتتعطل اذا جاها ظرف طارئ
أما العواقب فكما قال العض قبلي هي الازدحام وكثرة الحوادث
4_هل سوف تشرط على زوجتك او ابنتك او اختك وقت معين ؟
أكيد حتى الأولاد المفروض مايتخلوا على هواهم دوارة بدون هدف
يعني تنزه كورنيش حدائق ايه اما بس في الشوارع لاشغلة ولامشغلة ما احسها عدلة
رد: ما رأيك بقيادة النساء للسيارة ؟
اشكر ونة خفوق على التواجد ..
تشكرات على الرد والمرور
لاحرمنا الله من ارائكم ...
ربي يعطيكم العافية
رد: ما رأيك بقيادة النساء للسيارة ؟
اقتباس:
1_مارأيك بسياقة النساء ؟
و الله احنا في البحرين النساء يسوقون السيارة و لا في اي مشكلة
بالعكس سياقة النساء للسيارات شيء ضروري و اساسي
لأن المرأة هي اللي تسوي كل شيء
و بعد اذا المرأة تسوق السيارة راح يوفر رب البيت
راح يوفر فلوس الباصات حق مدارس الاطفال و راح يوفر راتب السواق و وايد اشياء بعد
2_لو كنت من المؤيدين كم العمر المناسب لهن لمزاولة السياقة ؟
نفس عمر الرجال اظن ان 21عمر منساب سواء للناء او الراجال لأن لا فرق بينهما
3_ماهي مميزات السياقة لهن وماهي عواقبها ؟
حالهم حال الرجال ما يتعاطفو معاهم اكثر و لا يقسوا عليهم اكثر بس يحترمونهم اكثر
4_هل سوف تشرط على زوجتك او ابنتك او اختك وقت معين ؟
******
5_ بالنسبة للفتيات هل تحلمي بسيارة معينه ولون محدد ؟:bigsmile:
اممممممممممممممممم
انا بغي انفنتي لون برتقالي
مشكووورة اختي امل الظهور على الموضوع الرائع
و على الاسئلة الحلوة و البسيطة
رد: ما رأيك بقيادة النساء للسيارة ؟
تشكري خيتووو مومياؤة على التواجد
والرد الحلوووو
وأن شاء الله تشتري الانفنتي البرتقالية وتسوقيها
سلمتي
