خارج نطاق التغطيه....

في زمننا هذا... " عاد شبعتوا من مقالاتي وهذرتي عن زمننا" :weird:
بس وش عندنا غيره وهو الواقع اللي نعيشه ...

المهم.....!!

في زمننا هذا, فقد كل شي طعمه.. وريحته.. صار ت اغلب الأشياء روتينيه وممله... حتى الهذره ياهوو يالحريم وهذرتهم .. " والله حتى الرجال هذارين لاتستانسوا وتقولوا ..ها ماقلنا شي اميره قالت عنكم وهي منكم..خخخ؟؟؟" :toung:

الهذره.. بمنطلق اخر.. السواليف كانت وسيلة تواصل بين أي شخصين يحسوا بإنسجام فكري او نفسي او عاطفي .. فتخلق السواليف بينهم على أي شي وعن أي اهتمام يهتموا به...

لكن شي يلفت النظر ان السواليف كثرت بس يامن يسمع.. من جد اتحدى أي واحد ما مل يوم من سواليف شخص يجيه يهذر مو شرط هذره تفقع الراس..
بس النفس البشريه هاليومين ملوله واغلب الأحيان تحس ان مالها طاقه على السمع..
تجلس معه واذا ذبحت حالك تصير مستمع جيد وتتفاعل معه طول ما هو يتكلم بس مو بعيد تشرد عنه
حبه والا حبتين.. وتصير خارج نطاق التغطيه....>>>>>" سوري عالتعبير" :blink1:
بس هذا الواقع.. خارج نطاق التغطيه... موجود بهالدنيا بس الفكر الله العالم وين راح .. وكل همه شقاه بليله ؟؟؟ :wink:

عن نفسي عودتني الحياه اني اكون مستمعه جيده لفتره من الزمن .. بس احس نفسي مع مرور الأيام بديت افقد هالخاصيه.." خشينا بالفيزياء والكيمياء" الله يعين..
بس هالدنيا ما عادت مثل الأول واذا جلست اسولف لأحد اكبر مني واكثر مني خبره بالحياه يقول لي "اوووه توك صغيره و لسا المشوار طويل وما شفتي شي..." :wacko:
عااد هذي الجمله اعتبرها بنظري هروب من الإستماع لي ودخول في حالة خارج نطاق التغطيه...؟؟؟
اكيد الأغلبيه شفتوا دعاية موبايلي " مضرب المثل" :rolleyes: السموحه منه على اغتيابه..!!

بس الدعايه لو تأملتها وربطتها بواقع حياتك بتشوف انها مليون بالميه صح..
مسكين واحد متورط ويبغى يجري اتصال,, وكل مكان خارج نطاق التغطيه.. ما بقى مكان الا وراح له ...و هم بعد خااارج نطاق التغطيه... وصل للصحرا ولا من مغيث.. وخار نطاق التغطيه .. والحكايه مع هالخــــــــارج هذا مستمره وردد ردد ياااليـــــــــــــــــــــــــــل ما اطولك !!! :suspicious:

هذا الرجال بالدعايه هو احنا اذا تضايقنا والا فينا شي وودنا نشكي نحكي ودنا احد يكون مستمع جيد بالمره وما يشرد عنا ويسمعنا للآخر.... بس اغلب الأحيان اذا مو كل الأحيان .... ما نلقى الا خارج .......
عاد مره موبايلي..خخخ مسويه حالها بهالدعايه انها مستمع جيد... لاحووول؟؟؟؟ :weird:
ما علينا ..
كأني طولت عليكم اعزائي بالهذره.. عسى كنتوا بس مستمع.. اقصد قارئ جيد.. بس أني طرحت هالشي لأنه واقع ملموس بحياتنا .. وما في احد خالي من الهموم.. بس لازم الواحد يترك همومه على جنب شويه اذا حس نفسه في موضع يتطلب منه الأبراج " اشاراته" انها تكون في نطاق التغطيه وفللللل حدها
مهي ناقصه ولا حبه.. لأنك كما تدين ستدان ومثل ما احتاجوا لك تسمعهم بتحتاج لهم فيوم والنفس دوم متذمره وشكايه.... :huh:
عاد اول وحده يبغى لها تقرا هالكلام هي " اميرة المرح" الله يهديها يبغى لي اقول لها
خخخ بسم الله علي صرت اكلم نفسي بهالصباح... :embarrest: يالله الله يعين بس.... وان شالله تتحسن الأحوال..
اتمنى تكون الفكره وصلت اخواني اخواتي
منتظره ارائكم حول التغطيه...
ودمتم بحفظ الرحمن...

......ايي صح كلاامك..

...مشكوووره ..
..على المووضوع ..

..و...يعطيك ربي الف عاافيه ....



...

بسم الله الرحمن الرحيم

لقد طرحتي مشكلة يعاني منها الجميع في هذا الزمن..

مشكلة الانصات وليس الاستماع .. فالاستماع يستطيع الجميع القيام به لكن الانصات فن لا يستطيع الجميع اتقانه..
اذ إن معظم البشر يسمعون و لا ينصتون، الإنصات يعني الاستيعاب والفهم الكامل لما يقال ، بينما في الاستماع قد يسمع الإنسان كلمات لا تعدو أن تكون ذبذبات لا تصل إلي قلبه أو عقله ، لذا يقول عز وجل (وإذا قرئ القرآن فاستمعوا له وأنصتوا )صدق الله العلي العظيم .
في هذا الزمان لو جلستِ مع شخص .. وحدثتيه عن أمر يتعلق بكِ أو مشكلة خاصه بكِ.. يقول في نفسه (يالله اشيل مشاكلي بعد أشيل مشاكل غيري) وهذا الصنف منه الكثير..يصل الى منطقة خارج التغطيه بشكل سريع ..فلو يعطي إشاره انه ملّ أو انه لا يريد الاستماع يكون أفضل من أن تواصلي الكلام دون جدوى ..

كل الشكر لكِ عزيزتي على طرح هذا الموضوع القيم..

موفقه..

كل الشكر لكِ عزيزتي على طرح هذا الموضوع القيم..

موفقه..

تسلمي ع الطرح القيم
وصدقتي في كلامكِ
بارك الله فيكِ

السلام عليكم ورحمة الله وبركاته ..

تسلمي اختي على هالموضوع ..

يطيك ربي الف عافيه ..

كل المودة

تغطيه فعلاً جميلة و رائعة وواقعية شكراً لك يااختي العزيزة أميرة المرح) وفعلاً انتي مرحه اسم على مسمه ربي يسعدك ويستر عليك ويوفقك

يجب من الصغير ان يستمع للكبير ويجب ايضاً من الكبير ان يستمع للصغير وان لايمل من الأستماع سواء من الكبير او الصغير في النهاية وجهات نظر والكل سيستفيد من الأخر هذا اذ كان مستمع جيد انا عن نفسي احب استمع كثير واستفيد مثلاً انا جيلي غير جيل ابنائي مختلف نهائياً ويجب ان أواكب العصر الحديث بمافيه من تكنلوجيا وغيرها انالم تمر علي سابقاً وامور اخرى يجب ان استمع لها كي استفيد ولا ادخل في مواضيع انا لا افهم فيها يجب علي ان اتكلم في مستوى معلوماتي فقط ولا اطلع فيها فوق كأني ابو العريف زي مابيقولو ههههههههههههههههه
وفي النهاية لو مااستمعنا لما تعلمنا والمدرسة الحقيقية هي الدنيا الذي نتعلم منها كل شي
مع تحياتي واحترامي لك اختي الكريمه(اميرة المرح)

يسلمووو من كل قلبي خيي القلب الحنون على التعقيب المميز
لا عدمتها طلاتك الرائعه
خيي وجودك بصفحاتي اكبر حافز لي للتشجيع
ووسام اعتز به وافخر
دام عطاؤك
ودمت بحفظ الرحمن

كل الشكر لكم جميعا على المرور الطيب ويسلموو وموفقين
غاليتي small rose
الله الله
طلعتي مني هينه :wink:
وش هالكلام الكشخه
ما شالله عليش عيني عليش بارده :toung:
تشكري عليه
وتشكرون جميعا
دمتم بحفظ الرحمن

مشكوووره ..
..على المووضوع ..

..و...يعطيك ربي الف عاافيه

الله يعطيك العافية اختي اميرة


وعساك على القوة


وصح كلامك محد يسمع لحد في هالزمن

كل من هو لاهي في نفسه

وكل واحد يقول مالي نفس اعكر مزاجي واسمع هموم غيري كفاية علي همومي

لو كل واحد فكر في الي يمه

كان هو ارتاح والي يمه ارتاح

ما في احسن من الفضفضة للشخص العزيز والقريب لك راحة عجيبة تجيك منها

بس احنا في زمن ضاعت فيه كل القيم والمبادئ والاشياء الحلوة

ما انكر ان للحين في ناس ما شاء الله عليهم شحلاتهم بس المعظم ما له شغل في الاخر


تصدقين انا اطيح عليش احب اهدر

هههههههههههههههههههههه

الله كريم

انتي الله هداش على طول تجيبين مواضيع جدية

يعني استحملينا على هدرتنا


تحياتي لك

وكل عام وانتي بالف خير

اختك ام محمد

العفو خيي الفاقدات
الله يعافيك
ويسلموو عالمرور الطيب
دمت بحفظ الرحمن

http://www.uaekeys.com/fwasel/www.uaekeys.com01.gif

بخيتي ام محمد
بالعكككككككككس
احلى شي يفرح قلبي
اشوف التفاعل
واشوف الهذره تملى صفحتي
هذره صدقتي بها حرف حرف والله
امووووت بهالحركه
حمااااس....>>>> كأني خشيت بالسياسه
خخخخخ
خخخخخخ مو راعية هذره وسواليف اني فأحب اللي يتفاعل معاي ويطلع كل اللي عنده
جدا تعجبني الردور الطويله
دام طول ردودك
ههههههه
دمتي بحفظ الرحمن

مشكورة خيتوو امورة

على الطرح

تسلمي


ربي يعطيك العافيه

اختي اميرة المرح

قد وفقتي في اختياركِ لموضوع

فاسلمت اناملكِ الرقيقه ولا عدمنا كِ

تحياتي

نجمة بلا قمر