http://www.khleeg.com/vb/khleeg_2005/besm.gif
السلام عليكم ][][§¤°^°¤§][][ورحمه الله وبركاته
هاذي القصه عن وحده صديقه لي واحنا جدا مقربين وانا حبيت اكتب قصتها بعد ما استأذنتها علشان الناس كلها تتعلم قبل ما تجرب .
البنت هاذي اتعرفت على واحد وماشافت منه الا كل خير وصدق وضحك وحب وبعد 3 شهور من العشره البنت حبته واتعلقت فيه لدرجه انها تفضل الموت ولا تتخلى عن حبها ليه ومرت الايام والشهور وهما لسه مع بعض . البنت هاذي عايشه برا المملكه وهي اتعرفت عليه قبل ما تسافر المهم ... بعد سنه ونص رجعت جده وكان كل شي تمام والبنت من ثقتها فيه عرفته على بنت عمتها علشان اذا كان في شي ضروري وهي ما قدر توصله ليه و العكس بس بعد شهر كامل من جيتها للمملكه اكشفت انه خانها مع اقرب الناس ليها اللي بنت عمتها ... تتوقعوا كيف كانت صدمتها فيه وفي بنت عمتها؟ تصدقوا لو قلتلكم انوا بنت العمه بدل ما تستحي وتخجل على اللي سوته في قريبتها ... راحت تزيد همها وتقلها انه هو ما يبغاها وانه يبغى البنت الثانيه ومن هذا الكلام ... ودايما ما تكلمه الا قدام البنت كلام حب والاشياء ثانيه بدل ما تروح بعيد او تكلمه بعدين ..لا ما تبغى الا تكلمه قدمها لين ما جا البنت صدمه عصبيه واترمت في المستشفى 2شهرين والحمدلله دحين طلعت وانا معاها وما راح اتخلى عنها وانشاء الله تنساه وماتصدق اي احد يقلها كلمه حب الا لو جا عند اهلها وخطبها وقال احب وابغى اخطب وهادي كل الحكايه وانشاء الله تستفيدو كلكم][][§¤°^°¤§][][.
