ابغى تقولوا لي مين ابطال هالقصه في حياتكم واي بطل انتو فيها

اولا احب اشكر شموع تحترق على دعوتها لي لهذا المنتدى والله كلها ذوق و صراع القلب من كتاباتي والحمد لله نالت اعجابها وانشالله اكون عضو ناجح يخلف بصمه تترك اثر حلو في نفس من يقرا خواطري..وهذي مشاركتي الجديده:
قصه قصيره بدون عنوان كتبتها باللهجه العاميه
في بحر غامض قارب بدا رحلته للنص وبعدها وقف وتاه واحتار وين النهايه والأمواج حايطته من كل صوب واختفى البر وماللقارب اي خيار الا انه يكمل رحلته او يقلب نفسه ويغرق
وفجأه...
هاج البحر وصارت الأمواج تلاعب القارب .. خاف القارب وصار يجذف يمين .. شمال .. وخطوات للوراء.. لكنه ما تقدم ولا خطوه !!!
وزاد الريح في هبوبه وزادت الأمواج حدة باللطم.. وبدون وعي ولا شعور تكسرت المجاذيف :sad2:
وظل القارب مايقوده الا الموج...وهو خايف .. وبعد هالحرب صفا الجو وهدى الموج ,,,واستقر القارب لكنه ازداد حيره !!!!
كيف يكمل رحلته بلا مجاذيف؟؟؟
وشتت هالحيره صوت صياح وانين .. صوت لغريق لقاه يقترب صوبه...وصل لعنده.. لاقاه متشبث بمجذافه المكسور
فرح الغريق,نجا من الهلاك..وركب القارب وبعد ما حس بالأمان ناظر حوله
ورجع يبكي ويبكي ...:closedeyes:
صار هو الحيران الثاني على قارب ,, وبوسط البحر .. وبلا مجاذيف
ووين يروح اناته كسرت به نبضات الروح خلاص التفكير انعدم..

لكن القارب بوجوده بالمرره كان مسرور .. على الأقل ما عاد لوحده ولقى له ن يسليه ويخفف عنه وحشة هالبحر المتسع ويشاركه رحلته الى المجهول..

لكن الراكب مابطل دموع ودموع .. وتعبى القارب..من دموعه وصار يثقل ويثقل.. وبين ما كان الراكب يبكي شاف ضوا بالبدايه ظن ان عينه تخدعه وان هذي غشاوه من الدموع
لكنه عاد وشافه,, صار يناظر بحده...

لقى مناره بعيـــــــــــــــــــــــــــــده..
تبسم .. عادت له الروح من جديد وصار يغرف دموعه ويفضيها بالبحر لييييييييييين رجع القارب لوضعه

مد الراكب ايدينه.. وصار يجذف ويجذف... والقارب يساعده .. لييييييين تعب من التجذيف.. وقف شوي الضوا وينه؟؟
ما عاد يشوفه..
تنهد من صميم الحنايا تنهيده هزت روح القارب وجابت له رعشه..
وارتمى عليه وناااااام
وصار القارب يحاول ما يتجاوب مع قسوة الموج.. ويظل مستقر يبي الراكب يظل معه وما يبيه يغرق ويرجع هو وحداني..
وبينما هو يحاول بكل جهده ارتطم بشي..!!!!!!!
جلس الراكب مرتاع يبغى يعرف وشو السالفه..
لكن الليل كان عتمه وشديد السواد... جلس الراكب وصار يتأمل السما والريح وقتها صارت تحرك السحاب..
وشوي شوي.. طلع القمر من مخدعه ونشر ضياه الآسر ...
وقتها ...شهق الراكب شهقه ... وصار يضحك ويبكي !!!!!!!!!!!
لقى القارب مرتطم بصخره .. ووين ؟؟ على بر الأمان
والمناره اللي ادخلت بصيص الأمل لقلبه لقاها قدامه..
رمى نفسه على الرمل وصار يناظر القارب التعبان بحنيه قام وهو يسحب رجلينه من التعب يزحف زحف ..
وسحب القارب على الرمل معاه..
وقال له:
لا تخاف ... عمري ما بخليك...
وجاب له مجاذيف قويه اقوى من اللي تكسروا...
وصار كلما يحس بضيقه يركب القارب ويجذف يجذف..
بس مـــــــا يروووووح بعيـــــــــــــــــــــد..
لا تكرر القصه من جديد....
وسلامتكم
اللحين ابغى بعد ما قريتوها تقولوا لي...اذا كنتوا خشيتوا جوا القصه
ميــــــــــــــن بحياتكم او بنظركم ابطال هالقصه:
البحر؟؟
القارب؟؟
الراكب؟؟
المجاذيف؟؟
المناره؟؟
القمر؟؟
الموج؟؟
العاصفه والريح؟؟
الصخره؟؟
انتظر ردودكم وتفاعلكم معي ودمتم بحفظ الرحمن..

مشكور اختي الكريمه(اميرة المرح) وربي يهنيك ويسعدك والى الأمام دائماً

العفو القلب الحنون
تشكرات على مرورك على مواضيعي اعتبر هذا تشجيع منك وردودك شهاده اعتز بها
دمت بحفظ الرحمن