ابغى حد يجاوبني ليش كذا ووشو الحل بليييز حد يرد علي

سلام عليكم.. عندي مشكله بإيميلي وهي انه كل ما تجيني رساله ب in box تجيني خربوطه مربوطه اللي يقراها يقول طلاسم شعوذه مربعات صغار وحروف لاتينيه وعربيه تقراها تقول فارسي وياكثر حرف ظ وط فيها والله تخوبلت معاه :wacko:
ياكثر الرسايل اللي دقني الفضول اعرف وشو مكتوب فيها
و والله لو ما الرابط اللي برسالة تفعيل الحساب للمنتدى خخخخخخخخ
كان والله ما دريت وشو السالفه ابغى حل ويش اسوي المسن حقي جديد windows live messenger ما ادري وشو العله فيه واني اشتغل على لاب بليييييز حد خبير كذا يرد علي ويعطيني حل يجزاكم خير

ياريت كنت اقدر افيدك بس للاسف خبرتي في الكمبيوتر على قد حالي بس اكيد برد عليك احد المشرفين او الأعضاء ويفيدك في هذا الشي
مع تحياتي لك

مشكور على المرور اخوي والله تسلم مرورك دليل على انك قلب حنون بجد وتحب مساعدة الآخرين اتمنى لك التوفيق ويارب الاقي الحل...

السلام عليكم ورحمة الله وبركاته ...

في حل لمه تفتحي الرسالة ..

تضغطب بزر الايمن ...

ترميز >>> بعدها العربية ( windows )

وبعدها بيتحول عربي ..

وكل رسالة تسوي كذا ..

وان شاء الله هالحل مفيد ..

كل المودة

يسلمو والله شبكة الناصر سويت مثل ما قلت بس ما فاد بس كذا تغير حجم الحروف المخبله شويه بس وتزحزحوا عن بعضهم كم من ملم وما تعربوا مشكوووووووووووور على المرور والمساعده واتمنى الاقي حل بلييييييييز ساعدوني

اخوي شبكة الناصره حاولت مره ثانيه وطبقت كلامك وظبط مع بعض الرسايل بس اللي من عند المنتدى وكم وحده خارجيه بس الباقي اسف ما نفع
على العموم اتمنى حد يساعدني ودمتم بحفظ الرحمن

أنا بعد عندي نفس المشكلة
ياريت احد خبير يجاوبنا

اختي انتي سوووي ززي مااقال الاخ شبكة

تروحي الى نفس الرساله ترميز

بعدين العربيه ويندوز

وتستوووي

مو كلهم يستووو
بعضهم يستووو وبعضهم لا

ما ادري ويشو الحل

صح زيي ما قالت نواره
بعضهم وبعضهم
نواره
بقول لش
لا يكووون اللي مو راضيين يستوو سحر
شعوذه الله يستر علينا
خخخخخخخخخخخخخخخخخخ
انشالله بس يلاقوا لينا حل ليهم

هلا اختي اميرة

اني صادتني هذا الشي بعد

وكنت اسوي نفس ما قال اخوي شبكة ونجحت الحمد لله كلهم

وفي حل ثاني وجربته ونجح بعد معاي

وهو انك تفتحي الرسالة وبعدين ترجعي الاند بوكس وترجعي تفتحي نفس الرسالة وتكرري السالفة كم مرة كذا وتفتح لك بالعربي

جربتها ونجحت معاي وان شاء الله تنجح معاكم انتي ونوارة الدنيا

جربي هذي الحركة اختي يمكن تفيدك..
افتحي الرسالة او الايميل (على كيفك)..وبعدها روحي الى view يطلع لك خيارات روحي الى Encoding بشوفي خيارات اللغات وبينها Arabic (windows اختاريها وانشاء الله تفيدك.
واسف على التقصير..
ياسر..

يسلموا خيي ياسر
ولا حدث منك قصور كلك ذوق والله
بس طرقتك هذي نفس اللي قالوها لي
بس بدال لا تضغط بالزر الأيمن
تروح لعرض
والخيار نفسه Encoding بعدين Arabic (windows
بس تسلم والله ومشكور خيي على مساعدتك
ودمت بحفظ الرحمن

مشكلتكم نفس المشكله حتى اني الرسايل الي عندي كدا

سووري ماقدر اسااعدك خيتوو

بس ماحبيت ادخل موضوعش بدون ماارد :huh:

اميرة المرح ونوارة الدنيا

توجد طريقة

قد تساعد كثيرا في حل مشكلتكما

بعد استخدام الطريقه قد لاتحتاجون لعملية تكرار الترميز


ابدأ - START --> تشغيل - Run --> ثم اكتب regedit -- > ثم OK
تفتح معك نافذة محرر التسجيل - Registry editor
في شريط الأوامر - تحرير - Edit --> ثم بحث - Find
ثم اكتب القيمة التالية : C_28591.NLS
وابحث عنها واحذفها .. ثم ابحث عنها مره أخرى وأحذفها