جرحك يا حيـــــدر بالكلب والعين تهمل لجرح
والكون لمصابك بجه يابــــو الحسين المنذبح
ياوسفه ما غزر أبـــــــد زادك ابمنجم والملح
صوب ابسيفه هامتك يا حيدر ابفرض الصبح
ونصاب
هل يــــــــــــــــوم حيـــــــدر وكــــــع ونصاب
كفر مـــــن ضــــــــربو الهامـــــــــــه ونصاب
دمـــــــــــــع الناس وي دمعـــــــــــي أن صب
قليل ابـــحـــــــق ابــــــــــــو النفس النقـيـــــه
لكل اليتامه انته أبــــو يا حيدر وحامي الحمه
بالعرش أسمك منكتب ويـــــــه الزجيه فاطمه
ناداك يونس يا علي مــن الحوتـه رادت تلهمه
نجيته ابد مــــا قصرت معروف وكت الموزمه
يا حيدر الدمعات مــــــا تـــــــــوفــــــــــي والله
تستاهل انتــــــــــــــه الـــــــــروح والعمر كله
الشمس ردت بس الك يا بطل انتـــــــه يا ولي
والدنيه لجلك ظلمت مــــن خانك ابن المنجمي
ننخاك لو ضاك الز من ينخوك كل ناسي وهلي
والطفل من يعثر يصيح بصـــوت عالي يا علي
بهامت علي يـــــابشر سيــــــــف النــذل نزله
ودمعات شيعه التحب طــــــــول العمـــر نازله
والكون لجله ولجل غيـــــــره اربــعــــــه نزله
ولــــــده الحسين وحسن والمصطفى وزهرته
اومن الله تبقه تفح عطر اووفـــــــــــه زهرته
وتكتل أســـــــــود وسمــج تنهي الكفر زهرته
لنه الــــــوحــيد الكتل كلمن وكـــــــــف نازله
الشاعر
احسان القريشي
