عرض للطباعة
السلام عليكم ورحمة الله وبركاته ,,
لو سمحتوا عندي طلب اذا ممكن تساعدوني ...
أريد شعر عن المسنجر ... بس اهو شعر قاسي شوي( شاب يقول للبنت انتي مثل جدر الهريس ....الخ)
لا أعرف محتويات الموضوع ... للعلم فقط لا أعرف اسم الشاعر ..
لا أريده مكتوبا بل مسموعا ان امكن .. ولكم مني جزيل الشكر .
السلام عليكم ورحمة الله ..
دام انتي عضـوه جديده معنا شفت موضوعك وقلت اجيب لك هذا الظاهر ..
ان مو هذا المطلوب بس كنت ابحث لك عن المطلوب وطلع لي هذا ..
واذا شفته ان شاء الله اجيبه لك اهنا ..
الرابط /
http://www.angelfire.com/poetry/saaqe1/email.ram
النص /
تعلمتي على الإيميل و عندج عالمسنجر ناس= حلفتي لي صديقاتج .. و ياما كذّب الحالف
صدفه ساقها ربي و بلا قصد ٍ عرفت الـ Pass =فتحته و شفت كم صوره معاهم كم رقم هاتف
انا وش ذنبي يوم اني عطيتج صادق الإحساس؟= لعبتي فيه و ما صنتيه بكذب احساسج الزايف
ترى عرق اللذي مثلج و لو طال الزمن دساس =و اذا فيج الغدر مذهب .. ترى مسموحه ما يخالف
عرفته مذهب امثالج و كل شي راجع ٍ للساس =و انا ما عاد يعنيني .. غرامج صار شي سالف
طفح جدرج من الزحمه .. طلع ما فيه بلا ملاس =فضح امرج غباء و طيش و قلبي صار بج عارف
فضيحه ذوقج الواطي .. محتفظه بصور ( نسناس ) ؟!= عمى يعميج يا فلانه .. على الصوره تراه صارف
قعد يومين يتكشخ و على كرسي المصور خاس =رتوش و رسم لعيونه و خشم لويهه مخالف
و صورة ذاك المعضّل مصور لج بدون لباس =صحيح اللي اختشوا ماتوا.. فقدته ذوقج التالف
قوية عين ما تخيلين و لا تحشمين عالي الراس= قليلة اصل من يومج .. انا الغلطان انا عارف
لكن والله ما ارجع .. قدرج تحت ريلي انداس= بعد ما خنتي الباقي و بدلتيه بالذالف
عيشي اليوم ندمانه و ذوقي الهم و الوسواس =و انا غيرج بيوفي لي و يضمّد جرحي النازف
بكمل لج بعد ساعه .. متأخر و عندي Class =اذا في وقت تنتظرين .. على الإيميل بنتشاوف
و اذا مشغوله لج عذرج .. عندج دوري عندج كاس= مثل جدر الهريس اصبحتي .. كل من يغرف و طايف
رخيصه و بيزه ما تسوين .. و حبج قمة الإفلاس =و من مثلي رفيع الشان حرام وياج يتوالف
لعبتي من ورا قلبي .. و فضح لعبج شديد الباس =و اذا غمضت انا في يوم .. ترى رب الملا شايف
مشكور يا مشرفنة شبكة الناصرة , هذا هو المطلوب ,,
بس لو كان مسموع بالصوت أفضل .. يعطيك العافية والله ما قصرت , بالتوفيق ان شاء الله..
أبشركم يا أخواني وأخواتي حصلت الموقع بالصوت , أقدم لكم الرابط
http://www.uaeweb.com/forums/showthr...5&page=2&pp=15
الشاعر اسمه ساقي الشوق , أشكركم على المساعدة ..
تسلمين أم ناهد
القصيده حلوه أول مره أسمعها
أشكرك يا أخي عبير الزهراء على المشاركة والمرور,
ان شاء الله تنورون منتدانه بمشاركاتكم الحلوة دوم , وبالتوفيق ...