*.* اسطورة الشعر ياهيبة عناويني *.*

السلام عليكم ورحمة اللــــــه وبركاته ..

صبحكم الله بالخيــــــر ..


مرحبا ترحيبتن كلها شوووق
خطرن عليها لا تولع حريقي
يا مرحبا مليون يا كامل الذوق
من كثر ما رحبت بك جف ريقي
مقداركم والله على الراس من فوق
وهذي الصراحة والشعور الحقيقي

ღ♥ღღ♥ღ

قلت: أحبـــك..وأنت قلت:
البيت بيتك!
قلت: نــــار.. وقلت لي:
برد..وسلام!
وراحت سنيني وأنا..
علك وليتك!
بالغـــرام انك تبادلني
الغـــرام!
مابقى رجوة لي
مارجيتك!
ومن ورى ظهرك رميت..
الاهتمام!
جيت لك ميت واحسب..
اني حييتك!
واثر حبي مرك
امرور الكرام!!

ღ♥ღღ♥ღ

لك في نظر عيني عظيم التصاوير
وأسمى المشاعر تنبض بقلب مفتون
من يوم ماربيى جمعنا على خير
ماسمعت بك واشى ولا الى يلومون
ونا لعينك جيت كلي معاذير
لان الحياه تهون الا انت ماتهون

ღ♥ღღ♥ღ

بطلبك يانـور عينـي كـان مافيهـا كلايـف
لا نويت الجرح فيني.... اطعن بحـد شطيـر
الغلا يا صاحبي ماهو حكي وسـط الشفايـف
الغلا لا صار سيفـك فـي معاليـق الضميـر

ღ♥ღღ♥ღ

صوتك يصحي فيني..
أموات الاحلام!
صوتك..وصوتك
يبعث الروح
فيني
احلوت سنيني..
وزانت لي..أيام!
واحلوت أيامي..
وزانت..سنيني!
في ظلك أتظلل
بك اهيم..هيــام!
وأشوفك..
بقلـــبي؟!
وأحبــك..
بعيـــني؟

ღ♥ღღ♥ღ

النســــــــاء
ياحلوتي
صلصال طين
وانتي..من
طين الجمال
العبقــــري!
بالحسن مالك شبيه
ولا..
وزين!
مثل ماصاغ
الجواهر
جوهــــري!
بالحلاوة..والغلاوة
تفرقين!
مثل مايفرق..
فـقـــير عن ثــــري!
أختصرتي في جمالك
كل زين!
يوم غيرك في جماله..
مهــــــتري!!

ღ♥ღღ♥ღ

اسطورة الشعر ياهيبة عناويني
بنت الخفوق وشعور القلب خادمها
في عشقها صمت سميتة نصف ديني
ياويل هـ الصمت كان الصمت علمها
ماقلت: احبك ..انا ماقلت :حبيني
حسبي على اللي خدع روحك وعشمها
في قصة الحب وين الحب من ويني
يامبعثر اوراق شعري قوم لملمها

ღ♥ღღ♥ღ

أسهــر اللــــيل
أفكر
وش سبايب..
جـــفاك؟؟
أهدم قصـــور
حبك
والضحى تنبني
الـــلـــه اللي بلاني
فيك
مدري بلاك!
حسبي الـــلـــه عليك
أقول وتسدني!
مابقى غير تأخذ
في يمينك
عصــــــاك؟!
ما تربيت قبلك
لا بعد..
ربــــنـــــــي؟؟!

ღ♥ღღ♥ღ

يا ويل قلبي كل ماجيت أبنساك
القاني أتعلق بك أكثر وأكثر
واللي خلقني ما قوى البال يسلاك
لا نامت عيوني لك القلب يسهر
وشلون أبنسى العيش والملح وياك
أطلع
* قليل الأصل *
لو قلت بأقدر..

ღ♥ღღ♥ღ

أحيان ودي أطيح من التعب .. وأزري
وتشيلني عــزتي .. وســلوم جــــداني

ღ♥ღღ♥ღ

هـاتي القـرآن نحــلف .. ويـن يـدكـ هـذي يــدي ..
واللـه اني ما ظـلمتكـ لا ولا فكـرت أذلــــهـ ..
احـلفي ما كنت امسـح دمـع خـدكـ قـبل خـدي ..
احـلفي ما كنت معطي حضرتكـ ذا الحب كلـهـ ..
احلفي ما كنت اسـامح واغفـر ذنـوبكـ واعــدي ..
احـلفي ما كنت اواسي هـمـ في قـلبكـ واشـلهـ ..
احلفي ما بـاح لجلكـ وانتثـر مكـنون ســـدي ..
احلفي ما كنت اداري سـركـ وحـافظ محــلهـ !!

ღ♥ღღ♥ღ

مجنون هذا اللّي يسمونهـ " القلب "
يدوّر اللّي " مستحيـل " ويحبّـهـ

ღ♥ღღ♥ღ

ما يعيش بهـ الزمان / الا " ولد " خاين / وعايب
والمحافظ عـ المروهـ والوفا / محد|ن| درا بهـ !!
والمصيبهـ / أي مصيبهـ ؟! الا هي / أم المصايب
ان جرحك ما يجيك الا / من احباب وقرابهـ !!!

ღ♥ღღ♥ღ

ان شاء الله المسجات تعجبكم ..
للعلم منقوووول ..

تحياتي
دمعه حزن

اسطورة الشعر ياهيبة عناويني
بنت الخفوق وشعور القلب خادمها
في عشقها صمت سميتة نصف ديني
ياويل هـ الصمت كان الصمت علمها
ماقلت: احبك ..انا ماقلت :حبيني
حسبي على اللي خدع روحك وعشمها
في قصة الحب وين الحب من ويني
يامبعثر اوراق شعري قوم لملمها
تسلمي خيه دمعة حزن ع المسجات الروعه
وربي يعطيش الف عافيه ..

أهلاً بالأخت .. الولاء الفاطمي ..

ألف شكر لك على هالحضور الكريم ..

ويسلموا يديك على هالتعقيب الطيب والحلو ..

الله يعطيك ألف صحة وعافية يارب ..

ما ننحرم من هالطله العطره ..

موفقه لكل خير ..

تحياتي
دمعه حزن