فـــلــســفــة مــجــنــون ... أولى مشآركآت العمري

يازمـان ٍ شـد رحلـه وإتخـذ حرفـي مطيّـه // ياحقيقة حلـم عاقـل قـام يكتـب مـن جنونـه
لو مداه الحـي ميّـت ماكفـى هالحـرف غيّـه // ولو مدا موتـه حياتـي ماعطانـي مـن فنونـه
لـه سـؤال ولـي إجابـه والإجابـه جوهريّـه // ولي سؤال وله إجابه صانهـا بااقصـى عيونـه
التعـب ماهـد حيـل المستريـح مـن الأذيّــه // ومستريح البال يتعب لـو غـدى كـل ٍ يخونـه
فلسفـة مجنـون تبـدا فـي ملفـات القضـيّـه // وكلمة المجنون حكمه فـي زمـان الكـل دونـه
قصّته تسقي بحـور وصـوّرت هالشمـس فيّـه // واقطفت من وسـط قلبـه وردة ٍ ماتـت بدونـه
البدايـه .. يـوم جاتـه وردة الصبـح النـديّـه // فز قلبه .. أي قلبه ؟ .. فـز كلـه مـن ركونـه
قال : لحظه .. ثم ثارت بـه حـروف ٍ شاعريّـه // قام هلاّ .. ثـم هـلا ّ .. والخلايـق يشرهونـه
قال : لحظه ثم غنى .. ( من حكيهم وش عليّـه) // قام يرمـي بالقوافـي ولـه سطـور ٍ يحترونـه
ثم دق العـود يعـزف .. ( جنينـي ياابدويّـه ) // من طربها جت تغنّـي بااغنيـة .. (لاتضايقونـه)
قال :.. سمّي .. ثم سمّي .. ثـم سمّـي يالبهيّـه // قالت :.. السم بعدوك ... قال :.. واللي يتبعونـه
قم قالت : (باابتسامه ) إحجبـت شمـس البريّـه // مابغيت الا ثوانـي .. قـال عمـره يرخصونـه
ثم قامـت تشتكيلـه .. همّهـا مـن طيـب نيّـه // واثرها كانت تخفـف .. مااشكـت منهـا متونـه
يوم قالت : ذي حروفك .؟ قال : عفـوا ً يالبنيّـه // ذي مشاعر .. شخص شاعر كل ناسه يحسدونـه
قالت : أطلب ؟ قال : سمّي .. قالت إكتب في يديّه // قال : انا وشلون ابااكتب ؟ بااطلب الله في المعونه
قام سَمّى .. ثم سطّر .. مـن حروفـه مهمهيّـه // قام يكتب في رساله .. خصّها بااسم .. المصونه
قال : احبك .. ثم أحبك .. يالهنـوف النرجسيّـه // ثم أحبك .. ثم احبـك .. والقصيـد يشـع لونـه
قالت (بلهجة غرابه) ..: كل هذا الشعر فيّـه ..؟ // قال : فيك .. وهالخلايق .. من جنوني يسمعونـه
إنتهى نص الرسالـه .. دون جـرح ودون كيّـه // ثم نادى في زمانه .. حرف شعري من يصونه..؟
ثم نادى .. ياحمامـه .. ذكريهـا فـي العشيّـه // قولي : المرسل توصّى .. لجل غيـره ينكرونـه
عاش ليله بيـن فكـر .. وبيـن قصّـه واقعيّـه // قام تمتم .. ياخلايق مـن كتبهـا .. تعرفونـه..؟
رد حرفه .. قال يمكـن لـك ريـاح ٍ موسميّـه // قال يعني ؟ .. قال : ناسك قبـل تلفـي يطلبونـه
قال : انا مجنـون بنـت ٍ درّهـا الله مـن بنيّـه // حبها فيني تمكّن .. لـي هـوى هالكـون كونـه
فلسفـه كانـت او اللـي ساقهـا يمّـي وصيّـه // المهم .. اليوم قلبي .. ازهـرت باقـي ركونـه
قال : هالمجنون واحد .. كل روحـه لـك هديّـه // قالت : (العمري) عيوني ؟ قلت : لبّت لـك عيونـه