بسم الله الرحمن الرحيم
نكتة ع الطاير ***
مدرس جاتله بعثة لدولة أوروبية ، فأخد مراته وراح
هيَّ تسع شهور ومراته حامل وجابتله واد أبيض ، وشعره
أشقر ، وعيونه ملونة !!
الراجل استغرب وسألها : إيه ده ؟
فجاوبته : وانا اعمل إيه ؟ إنت بتروح المدرسة ، وانا بقعد في البلكونة . إشي أوروبي رايح ، وإشي أوروبي جاي . الظاهر إني اتوحمت على واحد أوروبي
فهز صاحبنا راسه وقال لها : إذا الحكاية كده ، يبأه مافيش مشكلة
بعد فترة جاتله بعثة لدولة في أفريقيا . وكمان هيَّ تسع شهور ومراته حامل ، وجابتله واد أسود ، وشعره أكرت ، ومناخيره مفطوسة !!
اتنطط الراجل وقال لها : وإيه الواد ده كمان؟
قالت له : وانا اعمل إيه ؟ إنت بتروح المدرسة ، وانا بقعد في البلكونة . إشي أفريقي رايح ، وإشي أفريقي جاي . الظاهر إني اتوحمت على واحد افريقى
فهز صاحبنا راسه وقال لها : إذا الحكاية كده ، يبأة مافيش مشكلة
خلصت مدة البعثة ، و رجع الراجل على بلده ، وراح يزور أمه في الفلاحين
الست استغربت وبلـِّمِت ، وسألته : مين العيال دي ؟
قال لها : ولادي
قالتله : إزاي يعني ؟
فشرح لها إن مراته مرة اتوحمت على أوروبي ، ومرة على أفريقي
فهزت أمه راسها وقالتله : تعرف يا ابني أنا كمان حصل معايا كده وقت ما اولدتك .
قال لها : معقول يا امـَّه ؟ ماحكتيليش يعني قبل كده .
ها إيه اللي حصل ؟
قالتله : أبداً ........
أبوك كان يروح الأرض وأنا قاعدة في الدار،
إشي حمار رايح ، وإشي حمار جاي !!!
