محتاجه مساعدتكم وياليت ماتردوني

السلام عليكم ورحمة الله وبركاته

اعرف من قبل عن بنوتات الناصرة مايردوا احد
فمحتاجه مساعده ومشورة منكم

زواج اختي ماباقي عليه غير شهر
ولسى ماشفت الي فستان البسه
ابيه يكون وشيك ومرتب ولا باس لو كان فخم شويه
يعني لازم اكون بالصورة الحلوة ومطلوبه اللي براسي
وانا صار لي فترة مدري شنو عن الازياء اللي طالعه
فرحت السوق وماعجبني شي حتى قلت شكلي بفصل
فابي اعرف شنو الموديلادت المتواجده حاليا
وشنو نوعيه القماش المستخدم
وسمعت عن وحده اسمها مي الزهيري
ابي رايكم في شغلها لو احد شافه لان انا ماشفته بس مدحوها لي
لو احد يعرفها او سمع عنها
هل هي تجيب القماش من عندها او من عندنا
وكيف تكون اسعارها وهل ممكن تخلصه الي في فترة معينه
ومشكورين مقدما
وعقبالكم

وموضة غناتي اخبارش

شهر ولا سويتي شي
الله يهدينا وياش
على العموم مي الزهيري عادي اتجيبي اقماشش او هي تشتريه لكن غناتي لازم حجز بالشهور
جربي كلميها لكن ما اتوقع
طيب اني زواجي كان قبل 6شهور تقريبا
وفستان اختي فخم على ناعم مقاس سمول او مديوم تقريبا وفيه مجال توسيع
تفصيل ام صبري في الناصرة
لون مميز
سعر الأجار 400
معروض في محل الأخت منى في عمارة مخابز العيد الي في القطيف اقبال محل 4اند 4 اظن
هو في المجيدية وانتي طالعة من مزايا ورايحه نفس عمارة مخابز العيد
والله يوفقكم ان شاء الله
وزواج مبارك

الله يهديني ويش اسوي
حاايسه بحالي مدري ويش اسوي
تراي مو بس انا انا وخواتي
بس وحده خلصت والثانيه اسئلها اليوم تقولي مدري انا مو جايبه خبر
لو بروح يوم مع زوجي بخلص
بس الباقي علي
اعتمد ع اخواني وكل يوم مشغولين ويوم مبارة ويوم بكرة وخليها ع ربك
ومشكورة خيتوة ع عرضك
بس انا ابي فستان يكون ملكي انا
وخاصه اللي بيدخلوا احتين من عندي
وابي اطلع بمنظر لائق قدام الكل ومايجيني طشار كلام ولو بربع كلمه من الجميع
ابي اكون زي حفلتهم شي نايبس ونعوم وفي نفس الوقت حلو بشكل رهيب
الله يعطيك العافيه
ومشكورة ع ردك ع الاقل ماشفتي وطنشتي
وموفقه ان شا ءالله

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ...

صباحكم أمل ، رضا ..
ياهلا خية ..ربي يبارك لكم ويتمم لكم بخير .. ويوفقهم يارب..

اممم ماعندي ديك الاضافة بس ماحبيت اطلع بـ سُكات ..
بس مااتوقع راح يمدي تفصلي لك غناتي...انتي جربي ودقي على المشاغل وان شاء الله تلقي .لو مالقيتي شوفي المحلات ..بتلقي الجاهز أكثر نعومة ...من التفصيل..
من جهتي..
خبري بأحدث المديلات من زواج اخوي...قبل شهور طويلة ..فماأدري تغيرت الأزياء بشكل جذري والا لا...!
كانت الازياء وقتها مدخـَّل عليها قماش المُخمل بشكل جميل...
وأكثر الفساتين وقتها كان منتشر (فرايحي )
مايل للفخامة أكثر من النعومة ...ممكن تلقي شي ناعم وبنفس الوقت أنيق..
وأحس اللون الأبيض كان دارج ..مع إنه حلو تتميز به العروس وتنفرد به لروحها عشان تكون لها زهوة خاصة ..
بس حسيت واجد أبيض مؤخراً....بالاضافة للبنفسج...

هذي آخر علومي بالأزياء..
اتمنى تلقي لك اللي يعجبك ..
واعذرينا ع القصور..
الله يبارك لكم ببركة محمد وآل محمد

موفقين .
دمتم بعين المولى الجليل

الله يوفقكم غناتي

والله يعينكم

اممممممممم

الأذواق تختلف

ولو قلت لش هذا الفستان روعه يمكن انتي ما يعجبش

طيب اني زواج بنت اخويي بعدي باسبوع وكان فستاني نعوم جدا وستايل اخذته من الجمعه سنتر

وكمان الماما من نفس المحل

امي فخم على ناعم ومعروض بالكاتلوج كمان

طيب مارينا استبعديه وابدي باحد المجمعات الثانية

الجمعة او فينيسيا

وكمان الأكسسوارات حتى طقم زواجي من الجمعة اسعار مناسبة نوعا ما

هذا الي اقدر ازيده

الألوان في زواجي كان امي اغلب الجماعة بنفسج

حتى مكياجي وكوشتي

والله يوفق الجميع

وطمنينا بجديدش