بسمه تعالى ****
ضحك سيفك
ضحك بالظلمه سيفك من بچه الدم
وصفن بعيونك الموت وتبسم
كمت والكاع تتوجه اعله رجليك
وتجر بذيالك اجبال وتهدم
عطش جبدك جمر يرشك وجه الخوف
وعطش سبعين الف انت الها زمزم
يمن جيشك صبر وجروحك جنود.
تشلبت عالسيوف وشبخت الهم
جرح واكف يصلي وجرح مچتوف
جرح راكع جرح بالدم تيمم
جرح يلثم جرح ومعانك اجروح
وجرح اخر فتل طوله وتلثم
نفضت اثيابك من الدنيا يحسين
وجرح نحرك سلت سيفه وتحزم
تحت كل جدم تبجي وتنحب الكاع
ويلوچ السيف جسمك من تخذم
تشيل بروحك وتدفعها للموت
ويلم الموت روحه وبيك يلتم
شلت دنيه اعله نحرك وانت مذبوح
وشلت رمحك براسك وانحنه الدم
..............
شياطين الارض خرسه اعتنت ليك
وضحك سيفك لمن جرحك تكلم
ضحك سيفك لمن نحرك لوه السيف
والف سيف اعترض نحرك تثلم
والف رمح اعله صدرك طاح مكسور
والف درع بضحك سيفك تطلسم
والف سهم اعترض جبدك بچه عليك
والف صخره وجبل يمك تهدم
والف سيف انكسر وبجرحك احتار
والف مجرم رفس صدرك تگرم
يمن اتراب رجلك يغسل الماي
وتحت نعلك ألف طاهر تيمم
وسلامتكم أحبتي ..
مستورد
وراق لي ***
لــ { كاظم السماوي }
