عائلة

السلام عليكم ورحمة الله وبركاته
اقدم لكم هذه القصة وعنوانها عائلة واتمنى ان تنال اعجابكم
الجزء الاول
الشخصيات عائلة: حسن
وابوعلي:الاخ الكبير في عائلةابو علي وياسر و هدى و فاطمة وبدر وعمره حوالي53سنة ويشتغل اعمال حرة بمشاركة اخوانه الورثة
ام علي: هي خديجة وزوجة حسن وام اولاد وعمرها 49 سنة
علي : هو الولد الكبير لحسن ويعمل مدير العلقات العامة في شركة العائلة
ياسر متخرج من جامعةالخليج العربي ومتخصص في طب نساء وتوليد وعمره26سنة
ويتدرب في مستشفى السلمانية
فاطمة عمرها 24 سنة تخرجت من الثانوية وتزوجت ما كملت دراستها الجامعية
وهي متزوجة من ولد عمها
محمد وعندهم3 بنات نور وعمرها 4 سنوات وسارة وعمرها 3 و منار عمرها 8 شهور
هدى 2 سنة جامعةوتخصصها محاسبة مالية وعمرها 19 سنة
بدر وهو في الصف الثالث وعمره حوالي9 سنين
عائلة حسين
أبو محمد : هو الاخو الثاني لحسن وابو لمحمد وعبدالامير وقاسم وزينب وعمره حوالي 51 سنه
أم محمد : رباب وهي زوجة حسين وعمرها 48 سنه
محمد : هو اكبر اولاد حسين ويشتغل مدير الموارد البشريه وهذا طبعا لتخصصه في الجامعه وعمره 27 سنه
أمير : يشتغل في الشركه مع ولد عمه علي في قسم العلاقات العامه طبعا هذا راجع لفشله في دراسته الجامعية وانسحب قبل التخرج بسنه وعمره لا يتعدى 25 سنه
قاسم : يدرس هندسه بترول في الخارج وعمره 23 سنه ولله الحمد مشى زين في دراسته
زينب: آخر العنقود والبنيه الوحيده لحسين والمدلعة من ابوها وامها واخوانها وهي صديقه هدى الروح بالروح ويدرسون مثل التخصص وفي جامعة وحده ومثل العمر تقريبا الا ان زينب ما كملت 19 للحين
عائلة أحمد
أحمد : عازب ومو متزوج ومستلم الاداره التنفيذيه في الشركه ومقضي وقته في الشركه طول اليوم وعمره 26 سنه
أم حسن : الجده فاطمه عايشه في البيت العود مع ولدها الصغير أحمد
في البيت العود وبالذات في الصاله اللي تطل على الشارع كانوا مجتمعين الاخوان الكبارواولادهم ومن عادتهم يطبخون بكل وفاه وكان ذكرى وفاة فاطمة الزهراء سيدة نساء العالمين وكان الاخوان الكبار حسن وحسين يشرفون على الاكل ويأمرون اولادهم الصغار انهم ينجبون للناس حسب طلباتهم بدون ما يقصرون على احد في حب الصديقه الطاهره وكان الجو حار وبعد صلاة الظهر تحديدا والكل يشتغل بحماس عشان الكل ياخذ غداه قبل الوقت المحدد..........
علي وهو مرفع جموم قميصه ويساعد الشباب في النجاب: يالله يا محمد برز الصحون احترقت ايدي من العيش حار وانت قاعد لي على ثلج
محمد : انا بارد من مساعه للحين وانا رايح جاي ابي ابل ريقي بقطرة ماي ما في مجال دويش انت
علي : اقول يالنسيب انت اشرب ماي لا اروح فيها بسببك بعدين يقولون حرم ولد عمه من شرب الماي بما انك واجد تشتغل ورايح جاي علينه
محمد وهو يهز راسه ويتحلطم: انت مامنك فايده كله حاط عليّ ان ما اشتكيت عليك عند امي العوده يالشيبه بتشوف
علي وهو يضحك على شكل محمد اللي يبين عليه من عمر نور بنته وهو يتحلطم : لااااااااااااااااااااااااااا كلشي الا امي فطوم ما اقدر على زعلها اعرفك زين بتروح تشوشها عليّ
وبعدين جوا امير وياسر وبدر اللي كانت شغلتهم يوزعون الاكل على البيوت
ياسر اللي ميت من الحر : تعالو وزعوا الاكل بدالنا احسن من هواشكم يالجهال قاعدين هني في البراد واحنا بنموت من حراره الشمس وكل واحد وش طوله
امير يقاطعه : والله محد طايح فيها الا امير الفقير صرت جني فحمه من المهاجل
والله ما فلح الا عمي احمد شرد من هالشغل
ياسر : شغلته اخس من شغلتنا هو يهاجل في السياره من مكان لمكان صايدتنه امي العوده
بدر اللي على نياته : هذي احلى شغله ابي اروح بعد
بدر وهو ينادي على ابوه :" بااااااابااااااااا ... بابا" وياخده ياسر ويصك بوزه عشان ما يجي ابوه ولا عمه ويردون يطرشونهم مره ثانيه في هالشمس
محمد يسحبه بدر من ايد ياسر : هيييييي شوي شوي يادكتور على الولد ولا انت بس لطيف مع الجنس الناعم واحنا نموت تحت ايدك
وقعد الكل يضحك : هههههههههههههههههههههههههههههههههههههههههههههه
وفي الجهة الثانية من مدخل البيت الخارجي الا وهو ماتم باب الكراج التابع له يطل على الشارع
ابو علي وهو ماسك ايد صادق ولد جيرانهم : انشالله .. انشالله، واذا قاصرنكم اي شي انا حاضر الخير موجود بس نسألكم الدعاء
صادق : الله يعودكم السنه وكل سنه يابو علي
ابو علي : تسلم والله واذا بغيتون اكثر مايردك الا لسانك
صادق : انشالله .. يالله فمآن لله
ابو علي : فمآن الكريم
وبعدين دخل ابو علي داخل الكراج وراح قعد على الكرسي يريح شوي من الوقفه طول النهار إلا يجي ابو محمد ويقعد صوبه: الحمدلله قدور العيش كلها خلصت
ابو علي : اي والله الحمدلله حتى اللي ما قدروا يجون طرشنه الشباب ليهم
ابو محمد : اي والله البركه على الشباب اما احنا راحت علينه
ابو علي : الا وين أحمد ما شفته اليوم
ابو محمد : امي صايدتنه من الصبح يوزع للحين ما بين
وبعدين دخلو داخل الماتم مع باقي الاهل والنسايب والجيران ونجبوا لهم الغدا واتغدوا الا بدخلة احمد عليهم : اي قولوا جدي من اول انكم بتغدرون فيني لكن الله يسامحكم انا بروح اتغدى ويا امي احسن على الاقل يعرفون لي قدر هناك احسن منكم
الا يناديه ابو علي وهو يضحك عليه : اقول بس تعال النسوان من زمان ركبوا رؤوس القداوه وقفضوا الغدا تعال لا تخفق احسن
الا يقاطعه محمد : الطبخه حلوه ترى خساره من جيسك عمي
امير يقاطعهم وهو نافخ صدره لفوق : افا عليك عمي انا للحين ما مديت ايدي اصلاً ما تطوف اللقمه بدون ما اقابل الغالي
ياسر : عمي لا تضيع وقت ترى بفضون الغنجات عنك يالله تعااااااال
أحمد : اقول ماخليتون لي شي يالآفات ألحق على عمري احسن
والكل قعد يضحك ويسولف على الغدا لين ما خلصوا وطبعا اشتغلوا مع الشغالين في التنظيف وقعدوا يسولفون بعد الغدا عن الشغل في الشركه ومواضيع الموظفين عندهم ومشاكلهم واستمروا لأذان المغرب على هالحال.........
الجزء الثاني
كانت الجده قاعده على الحصير مع جيرانها العجايز سوالف وضحك وطبعاً القعده ماتخلى من العقره في وسط الدخان الناتج من القدوا الي مايقدرون يقعدون بدونه
أم حسن وهي تنادي على الخدامه:شيري.. شيري..جيبي البُكَر بغطي القدو
أم جابر(هي صديقة أم حسن من ايام الشباب وجارتها البيت بالبيت): خليها تجيب ليّ فحم وياش هذا برد ما منه فايده
أم عيسى وهي تسحب القلم من ايد ام جابر : بسش عاد عطيني بشرب مزتين قبل لا يأذن المغرب واروح بيتنا
جابت شيري الاغراض والقدوع للنسوان وراحت كملت باقي شغلها
ام حسن وهي تمد القدو لام عيسى : تفضلي ياام عيسى مايصير خاطرش الا طيب
وفي الغرفة اللي داخل البيت وهي عباره عن صالتين صغار مفتوحتين على بعض كانو الجناين (نسوان الولد) رباب وخديجة وياهم فاطمة بنت خديجة وبناتها الثلاث نور وساره ومنار وسلوى مرت ولد ام عيسى ولدها محمود ومريم بنت ام جابر
كانت القعده فيها شوي مزح وشوي مشاحنات بين نسوان الحمي
سلوى : اقول فطوووم رحتين معرض الخريف؟
فاطمة : لا والله انشغلنا هني صار لينا جم يوم رايحين راجعين ومانرجع البيت الا نص الليل ومحمد كله مشغول ما يمديني اروح مكان ، فيه اشياء حليوه قد بناتي؟
مريم تقاطعها : وييييع زحمه الروح على الروح والواحد ما يقدر يطالع شي الا دززوا في اجله كأنه بهيمه
وبهالوقت رباب وخديجة كل وحدة تحتقر في الثانيه وخاطرها تفغصها وتفلعها بالنعال وزادت هذي النظرات لين بدأت خديجة ترمي النغزات على مرت حميها باسلوب ينرفز
خديجة : اقول ام محمد متى بتفروحنا في امير بصراحه من زمان ما استانسنا من ديك الساعة اللي........... ولا اقول ليش مايحتاج خلوه عاجبتنه حياة اللعبه والمغازل لا دراسه ولا شي أكل ومرعى وقلة صنعه
هني شوطت رباب بس ما حبت تبين لخديجة وخلت الحمق داخل وابتسمت ابتسامة مسخره وكأنها تستصغرها : والله يا ام علي ..امير بعده صغير الا الدور والباقي على المعقدين اللي بيصكون الثلاثين وهم مو مفكرين في العرس ... اقول خدوج لاتفتحين بيبان مصككه خلينه بالعينها وساكتين احسن
هني حست فاطمة للمشاحنات وجت تركض تعدل الوضع بين امها وعمتها وهي تنادي على امها عشان تعطي منار رضاعتها وتحاول تنيمها وبنفس الوقت تبعدها عن هالجو لاتكبر السالفه
فاطمة : اماه ... اماه منار ما ادري شفيها مو راضيه تنام
ام علي وهي تاخد منار : عطيني اياها كأني اني بروحي بس جدتها
ام محمد وهي تبتسم ابتسامه ساخره وهي تسحب منار منها وتلاعبها : اصلاً بنت ولدي ما تنام عند اي احد
وهني انقهرت ام علي وقامت طلعت عنها برا الغرفه
فوق في الطابق الثاني وبالذات في غرفة محمد القديمة ايام ماكان ساكن في البيت قاعدين البنات زينب وهدى يتصفحون في مجلات الازياء ويتابعون mbc4
هدى وهي تطالع التلفزيون لفت على زينب وهي تقرأ موضوع عن العنايه بالبشره:
زنووووب ما قلت ليش عن داك اللي يلبس نظاره اللي اسمه هادي ويش مسوي
زينب بلهفه : ويش مسوووي بعد ؟؟!!
هدى وهي تضحك : لحق زهرووو لقريب بيتهم ، ((واستمرت في الضحك))
زينب وهي متفاجئه وحاطه ايدها على بوزها : يووووو حلفييييييييي!!!!!
هدى وهي فاطسه من الضحك : اقوليش لحقها وهي بغت تموت من الخوف تقولليّ طاح قلبي في رجولي
زينب وهي تضحك على حال زهراء ( وهي صديقتهم الروح بالروح من ايام المدرسه) : مسكينه زهور والله ماتستاهل ، انزين وبعدين شصار؟؟
هدى وهي واقفه وتقلد على زهراء: تقول وقفت سيارتها على صوب ونزلت من السياره وهي مبرزه روحها حق الهواش وظلت تطالعه بنظرات يتطاير منهم الشرار
الا هو مبتسم في وجهها ويقول ليها : آسف ما كان قصدي بس انا لازم كنت اجي وراش لان الشي ضروري مايتحمل تأخير!!
ردت عليه زهراء وهي متخصره ليه : الله الله شنو هالشي اللي يربطني فيك ومايتحمل التأخير ؟؟!!!!!
ابتسم ابتسامه خفيفه وهو مستحي منها : لا بس انتين نسيتين بوكش على الطاوله وياه تلفونش وانا خفت عليهم ينباقون (ينسرقون) حاولت ألحق عليش بسرعه والحمدلله اني وصلت في الوقت المناسب لان اكيد هم اشياء ضروريه وسامحيني اذا ضايقتش
زهراء وهي منحرجه ومنزله راسها للارض وجهها عطى ألوان من الفشيله : هاا .. اي بوكي وتلفوني صدق خليتهم ومشيت عنهم اشوه جبتهم لي جان الحين بروح فيها من ابوي البوك كله كردت كارت
سكتت زهراء شوي وردت وهي عاضه عل شفايفها : اني آسفه ضنيتك من دلين اللي ماعندهم سالفه وانك لاحقني عشان تبي تعرف وين بيتنا
اكتفى هادي بإبتسامه هاديه مثله وهو حاط ايده على نظارته اللي ما يفصخها ابدا وهو يرفعها عن عيونه اللي طاحت على عيون زهراء اللي وقفت تطالع عيونه الفاتحه اللي كانت تلمع ورموشه اللي مكحلين عيونه وراسمينها ولون بشرته الحنطاوي وشعره اللي يتطاير على جبينه وهو يحاول انه يمسكه بايده
داخت زهراء من شافته وضلت ساكته وما انتبهت الا على صوت اختها الصغيره يجرها من طرف عبايتها عشان تدخل البيت
زينب واتفجرت في الضحك : ههههه مسكينة زهور داخت
هدى وهي تمسك ايد زينب وتكمل باقي كلامها : قصدش على قولة المصريين (وقعت ومحدش سمى عليها)
زينب وهدى تموا يضحكون لين سمعوا طقة الباب وسكتوا
زينب : الباب مفتوح دخلي فطوم
فاطمة : انتون كله مندعسين فوق محد يشوف وجوهكم يالجياكر
هدى :هاي انتين حدش عاد جيبي لي اي وحدة في العايله ربع جمال زينب وهدى في العائله كلها اقص ايدي
زينب : اي والله اني دورت ما حصلت احنا محتكرين الجمال هني حصريا بس على زنووب وهدووي
فاطمة : لا حول الا لله يجذبون الجذبه ويصدقونها ما اقول الا مالت على الشيف
زينب وهي حاضنه فاطمة من وراها : شفيها مرت اخوي الحليوه ليش مضايقه
فاطمة : اللي ياخذ من العائله يستانس بس هم ومشاكل ما اقول الا خلوها على الله المشكله بسيطه تكبر وتصير عائليه
فاطمة سكتت وردت كملت كلامها وهي ماسكه ايد زينب والايد الثانيه هدى : اخذوها نصيحه من اختكم لا تاخدون من العائلة
وظلوا ثلاثهم ساكتين للحظات
وحبت فاطمة تلطف الجو بدل من النكد اللي عيشت البنات فيه : تعالوا مو كأن قلبناها مسلسل عربي قديم
زينب وهدى قعدوا يطالعون في بعض والكل قعد يضحك لين ما اتذكرت فاطمة هي ليش راكبه فوق : امبييييي نسيتوني امي العوده تبيكم تحت
هدى : ويش صاير ؟؟؟؟
زينب وعلامات استفهام مرسومه على وجهها : شفيها امي العوده ؟؟؟
فاطمة وهي تضحك على اشكالهم : وشفيكم انتون ما قلت شي الا اختبصتون ترى امي فطووم ما تعض ولا فيها شي بس اكيد تبيكم تنزلون تحت شوي
زينب وهي تحس بالراحة : بس جدي فطووم اصلاً ماتقدر تقعد بدون زينب وهدى
هدى قاطعتها : اي زنووب لان احنا عيونها الثنتين انتين اليمين واني اليسار
فاطمه وهي تأشر عليهم بأيدها عشان تسكتهم : بسكم من الغرور ما تدرون اني فاطمة يعني اني ماخذه القلب وبدوني ماتقدر تعيش ولا ثانيه
وقعدوا يضحكون ثلاثهم وهم طالعين من الحجره ونازلين على الدرج
وشافوا جدتهم وظلوا زينب وهدى يبوّوسون جدتهم في كل مكان لين ما قعدت اتدزز فيهم
الجده : بس يا زينب والله احبش هلكتيني وانتين ياهدى شفطون خدودي
زينب : بس احبش وحشتينيييييي
هدى : ما اقدر على فراق الغاليه
الجده وهي تدزز فيهم كأنها تتغلى عليهم : اي لو تحبوني انجان مااندعستون فوق
هدى : خلاص فطوم الليله احنا سهرانين وياش لصبح كلشي ولا زعلش ولا ويش رايش زنوووب
زينب : اي عودوو اني الليله بشرب وياش مزتين قدوو افا عليش بس لاتزعلين
فاطمة وهي تضحك عليهم : بس صبغتونها بكلمتين يالحيالات ،
الا وتلفون هدى يرن
وتشوف الرقم وبدت تعابير وجهها تتغير وسكرت التلفون من شافت الرقم قبل ماترد

هاذا جزء صغير من القصة وللقصة احداث ومواقف كثيرة