اجرحيني واطفي النار اللي فيك
وإثبتي إن الوفا حلـم وخيـال
برهني لي الحب لعبه في يديك
والوفا في عُرف قلبك شي محال
واطلبي طعني وانا راضي أجيك
وافرحي بدمي بعد ما الدم سـال
واطعني قلب ٍ صرخ دومه يبيك
قلب شايل فيه من هـم الجبـال
تجرحيني كيف.. قلبي يهتويك؟!
كيف آلت شمس عمري للزوال!
كنت عايش كل عمري ارتجيك
أحلم بقربك وحلمـي لا يـزال
راسخ ٍ في القلب يسألني عليـك
ليت قلبك في الهوا رد السـؤال
وابعدي أحسن وانسي مبتليـك
ضاعت حروفي وضيّعت المقال
لا تظني يوم برجـع بشتريـك
لو بكيتي دم، ما عنـدي مجـال
سهم صوّبته بإيـدك، رد فيـك
والنهايه جت وهجرانك حـلال
للشاعر سعيد راشد الرشيد المعمري
