بسمه تعالى ابدا
في ايام الشتاء البارده نتجمع حول المدفاة (الدفايه )واحنا نشوي الكستناء (الكستن ) وجدتي معنا لتقص لنا السالفه وهي حكايا وقصص قد تكون خرافيه من وحي افكارها او حوادث قديمه حدثت واصبحت في طئ النسيان ...
السطورهنا تقودني لايام زمان الى لحظاتي الجميله مع جدتي وسوالفها الجميله ...
وش رايكم نرجع لايام السوالف وكل شخص يدخل يكتب لنا سالفه اسمعها من جده او جدته ..
وببدي باول سالفه واكيد الاغلبيه عارفينها الا هي سالفه
(ميم ما تلمس الملح )
كان ياما كان في قديم الزمان .. وما يحلى الكلام الى بالصلاة و السلام على خير الانام
كان في مره كل تحمل وتسقط ونذرت اذا الله اعطاها بنت بتسميها (ميم ماتلمس الملح )
ولما حملت وجابت البنت وكانت مره جميله وسمتها ميم ما تلمس الملح ويوم كبرت شوي وراحت لمعلم ...وصت امها على لمعلمه ما تخليها تلمس الملح وطبعا في عاداتنا لو ليدات ينظفو ويعدلو ويطبخو في بيت لمعلمه الا ميم ماكانت تدخل المطبخ لان لمعلمه تخاف تلمس الملح وفي يوم ميم جاها فضول وحبت تعرف ليش الكل يخاف عليها انها تلمس الملح فراحت ولمسته ومادخلو عليها الا هي مرميه في الارض ...ميته ..فحزنت امها وابوها عليها وماحبو يدفنوها فسوو ا ليها صندوق وحطو ها فيه وحطو وياها اغراضها ورموها في البحر وصار الصندوق يتدافع بلبحر الى ان مر على سفينه وكان فيها ولد تاجر غني لما شاف الصندوق امر جماعته يجيبوه ليه ولما فتحه شاف فيه بنت زي القمر وصار يقلب فيها وشاف بين اظافرها ملح ولما صار ينظفه انتبه ان البنت فجاة فتحت عيونها وصار ولد التاجر يسالها من انتين وش قصتش ..وصارت ميم تقص عليه قصتها فلما وصل لااهله طلب منها الزواج وتزوجو وجابت منه الولد والثاني والثالث وفي يوم جاء ليها وقال ليها اليوم بنسافر الى اهلش ولما وصلت ميم الى اهلها فرحو وسوو العشيات والضيفات فرحه برجعتها <<<خوش قصه مو
بانتظار المزيد من السوالف
