مقادير الحشوة :
● دجاجة كاملة ..
أو 2 صدر دجاج ..
● بصلة وسط
● نص فليفله خضراء
● بقدونس
● بهارات + مكعب ماجي
● نص علبة قشطه
● كانيلوني .. يجي بشكل اسطواني كبير
مقادير الصلصة :
● بصلة وسط
● 3-4 حبات طماطم
● بهارات + مكعب ماجي
● نص علبة صلصة طماطم
● كاس ونص أو كأسين ماء
وللوجه :
● جبن مبشور
● أورغانو مجفف [ زعتر بري ]
الطريقة :
● نسلق الدجاج طبعاً أني ضفت ليها كل أنواع البهارات اللي عندنا بالإضافة للبهارات الصحيحة
والدارسين وورق الغار وليمون أسود أو عماني في رواية أخرى
● بعد ماتنسلق الدجاجة تشيلوا عنها الجلد والعظم وتفرموها تالي
اني استخدمت فرامه يدوية .
● بعدها نبدأ شغل في الحشوة .. نفرم البصل ونخليه يتحمص لين يصير ذهبي
● بعدها نضيف ع البصل الفليفلة الخضرا مقطعة صغار مرة ونقلبهم شوية
● بعدها نضيف ليهم الدجاج المفروم ونقلبهم تالي تحط البقدونس المفروم
● ألحين نضيف البهارات ومكعب ماجي أني ماضفت ملح لان الماجي مالح بس انتون براحتكم
● نضيف نص علبة قشطه ونخلطهم سوا
● ألحين نشتغل ع الصلصة ... ومافيه أسهل منها نفرم البصل ونخليه يتحمص بعدها نضيف الطماطم المعصور ونخلي ماي الطماط ينشف شوي لما يظل ماي خفيف نضيف البهارات ومكعب ماجي والصلصة ونخلطهم شوي وتالي نضيف الماي
● ألحين نبدأ نحشي الكانيلوني بالدجاج طبعاً بدون ماتسلقوه و بعد ماخلصتهم وصفيتهم في صينية بايركس
● هلأ نحط الصلصة فوق الكانيلوني نغطيهم تماماً ونصب الباقي في الصينية ع الجوانب ونحط فوقهم الجبن المبشور ورشة خفيفة من الأورغانو , انتبهوا تكون الصلصة مغطية معظم الكانيلوني حتى لما تصبوا الباقي في الصينية
لأن لو تغطت معظم المناطق بالصلصة بتستوي بسرعة وما بتأذيكم
● الحين غطوها بقصدير ودخلوها الفرن بحرارة 350 مئوية من مدة 45 إلى 50 دقيقة طبعاً لازم يكون الفرن ساخن وجاهز وقت ماتدخلوها وزي ماقلت ليكم الصلصة تكون مغطية الكانيلوني وبهيك نكون خلصنا
