ظاهرة تتفشى في مجتمعنا..أرجو التفاعل لعلاجها!!

السلام عليكم
اللهم صل على محمد وآل محمد

تفشت في مجتمعنا ظاهرة من الصعب إذا استفحلت علاجها
وقد لاحظت حالياً وجودها في الكبير والصغير
في المتعلم والجاهل
وتكاد لا تفارق ألسنتهم
وهي ظاهرة الكذب
كّنا في البداية أو في الزمن الراحل نعانيها من الأطفال
بسبب خيالهم الواسع
أو بسبب الخوف من العقاب
(أو حتى لا يتفشلوا)
أما الآن بتنا نعاني منها من كبارنا وبعض الأحيان من قدواتنا

في حياتي الدراسية كانت لي زميلة لا تنطق بكلمة إلا وتصاحبها كذبة
وكنت أتنرفز لما أقعد معها
لأني ما أتحمل أحد يكذب في مكان أني قاعدة فيه<<قصة حياتي
والمصيبة ان شخصيتها كانت قوية بالكذب يعني لو تفشلوها تطلع حالها من السالفة بكذبة
ونفس الأسلوب تستخدمة وحدة قريبتي
وبعد طفلة تقرب لي
يعني الواحد يشوف هالأصناف من الناس ويسكت كنه يشوف المنكر وما ينهي عنه
لهذا السبب نزلت الموضوع
أنا راح أذكر بعض الأسباب
لكن أبي علاج لهذي الظاهره الكريهه
وأكيد ما راح ألاقي إلا الخير من عندكم
.
.
.
من أهم الأسباب
الأهل..لما يشوفوا المشكلة ولا يحاولوا يحلوها يتمادى الطفل ليما يكبر
وبعدها ما يقدروا يتحكموا في المشكلة فتصبح مشكلة مستعصيةالحل
ويصير إدمان كذب
مثل ما قال أعتقد الإمام الصادق أو الباقر عليهم السلام
:من استحلى رضاع الكذب عسر فطامهة
ما أدري صحيح ولا لا بس هذا أني أشوفة
لما يكون الطفل وحيد ما عنده أحد في سِنه
..يعني لو كان في حد في سنه راح يقوله انت كلامك كذب وفي من يحاسبه ويقوله بقول إلى إلي أكبرمنه<<يوصل عليه
الصراحة كان عندي كلام وأسباب كثير بس الحين ما فيه شي يطلع
الحل
ما لقيت حل غير إن الإنسان يراجع نفسه ويجاهدها ويحاسبها

يعني كله علاج حق الكذب عند الأطفال
وعند الكبار حق الشخص الي يكذب يسويها
طلبي ينفتح النقاش لإيجاد حل المشكلة ومحاربتها
يعني إذا حد شاف شخص يكذب وش يسوي له؟!
:cool:أتمنى ما أتحطم لعدم التفاعل

اللهم صل على محمد وآل محمد

عليكم السلام ورحمة الله

البعض متعود يكذب لأنه تعود

والبعض يضطر يكذب لتخليص نفسه من موقف محرج أو مأزق وقع فيه

اللي متعود عالكذب وصار عنده عاده .. علاجه صعب وممكن يحتاج لضربه قويه :bigsmile: قصدي موقف يصدمه ويصحيه

بس اللي تواجهه مواقف تضطره للكذب اني اتعاطف معاه

واجهتني مثل هالمواقف ومع اني من مبغضي الكذب الا اني اضطر وقتها اقول شي يكون في الواقع كذبه

ما اقدر القى له مصطلح ثاني لأنه بالفعل كذب بس اكون وقتها مضطره

وابقى أيام مزعوجه من حالي ومن الشخص اللي اضطرني للكذب لأني لولا ضغط البعض علي

ومحاصرتهم بأسئله اعتبرها من خصوصياتي أو ما اكون حابه اتكلم فيها أو معلومه ارفض الادلاء بها

عن طريق سؤال لشخص ربما بريء وممكن فضولي ومرات متطفل .. وفي كل الحالات يفضي بي للكذب

موضوعك يذكرني بمناقشه أو حديث دار بيني وبين دمعه على السطور في احد جلساتنا

وكان ردي في حينها انو اكثر الناس ماتحب تكذب أو ما تبيت نية الكذب ولكن لقافة البعض

أو فضول من البعض يخليه يسأل في شيء مايعنيه بسببه يضطر الطرف الثاني انه يكذب

يعني لولا السؤال في خصوصيات الآخرين كان قل الكذابين ..

ممكن في اسئله نشوفها عاديه جدا بس شخص ثاني يشوفها خاصه أو موحابب يتكلم فيها

طرح موفق خيووه

يعطيك العافيه

الكذب صفة سيئة وبالفعل يمارسه الكبار قبل الصغار
أياكان سبب الكذب !!لابدللأباء تربية انفسهم أولا ثم
تربية أولادهم
شكرالك أختي على هذااموضوع