المساعد الشخصي الرقمي

مشاهدة النسخة كاملة : غربة الأوطــــــــــــــــــان...



الصفحات : 1 [2] 3 4

دمعة على السطور
10-09-2009, 02:39 AM
اللهم صل وسلم على محمد وآل محمد وعجل فرجهم وفرجنا بهم ياكريم...

سلامتش غناتي ماتشوفي شر ان شاءالله....


البااارت كله شبقااات هههههههه ......الله يستر بسس..

أما وداد مي آدمية حشى الله يغربل ابلييس


تسلم الأيادي أمور ....بانتظار البااارت الجديد :) والله يستر ..


موفقة لكل خير إن شاء الله تعالى

دمتي بعين المولى الجليل

نبض قلب
10-09-2009, 05:11 AM
دآدو هآذي مو متحملتهآ هآلنحيسه << عآشت الدور ..


تحمد ربهآ بعد أنقذت ولدهآ
جزآت الخير سوآد الوجــه << هــّدي ..


يعطيش العآفيه أمووره غنآتي ...


عسآش عآلقوه ..

الفراش الفاطمي
10-09-2009, 12:23 PM
وااو بارت رووعه
التـــــــــعليق
ودادووه مااشتهيها تجيب العله
وهذا شفيق لوع جبدي بحركته
بس زين طلع ينفع شوي
وهالعزيمه شكلها حركتات
وعلاء مسكين وش بيصير فيه
وسام 100%هو ناجي
والي كلمته اخته ماريا
وعبد الاله يحلم وااجد شكله
وبـــــــــــــــــــس
بانتظارش امووره
والله يصبرنا على الاجزاء القصيره
تحياتيـ ..

نور البدور
10-09-2009, 10:59 PM
وش بيقول علاء اكيد بقول لها شي بيصدمها وبخليها تفكر بالي تسوية بالناس
والله بارت حده جنإأآإأآإأآن
با أنتظار القااااادم
تحياتي
نور البدور

سحابة نور
10-10-2009, 05:23 PM
عن جد روووووووووووعة

انتظر بشوووق


تحياتي

حلاالكون
10-10-2009, 06:04 PM
في لانتظاااااار القادم:nuts::nuts::nuts:

Princess
10-11-2009, 01:37 AM
مرحبا
الله يحيي الحلوين
وتعاليقهم الكشخات والحركتات..
الهي لا يحرمني منكم ويخليكم لي دايم دوم...
تسلمو من كل مكروه..
تخمينات رهيبه من البعض.. تجبرني اضحك .. واحيانا اصفق ليهم بالعشره...
من البارت الحين بيعرفو روحهم..
الف شكر .. وعوافي ليكم
تفضلو...

Princess
10-11-2009, 01:38 AM
شوي علاء زاد صياح..
وداد : ــ امي .. امي بسم الله عليك تعال تعال...


ولا تتفاجأ وداد الا علاء قايم ورايح لعمته و ماسكنها بالقوه..
اماني حملته وصارت تمسح عليه وهو مستمر في الصياح..
وداد واقفه وهي مره مندهشه..:
ــ علاء .. تعال للماما...
علاء يصرخ : ــ لاااا..
تحاول اماني تنزله عالأرض شان يروح لأمه..
هو ابدا متعلق فيها ولا راضي يتركها ..
وداد تمسكه تحاول تسحبه ..
علاء مصر وكلما سحبته وداد زاد صريخ..
بهدوء .. وببطأ و القهر يملاها.. تركت وداد علاء عند اماني ودخلت غرفتها وسكرت الباب..
اماني صارت تهدي فيه وتفكر في وداد.. كسرت خاطرها حركتها وهي تنسحب...


شوي الا بدخلة محمد و هو ملطخ تلطيخ ووراه باقر اللي راح على طول للمجلس << محل قعدتهم هو وامه واخته..
محمد يسأل ايثار وهو مره واصل حده : ــ وين امي .. وينهي...؟؟؟
ايثار خافت منه : ــ ويش فيك ؟؟
صرخ عليها : ــ من اخوووووووووووش المعفن..
ايثار فتحت عواينها : ــ اخووووي مو معفففن..
محمد يدفها..: ــ وخررري زين.. امااااااااااه.. امااااااااه
طلعت فرات من الغرفه شافت شكله مكفخ .. شهقت شهقه: ــ ويش صاير؟؟
محمد : ــ وين امي؟؟
فرات على علم بالشبقه واللي صار .. كانت متفرجه : ــ اكي .. في غرفتهم..
ويفتح محمد باب الغرفه ... الا يلاقي امه على سريرهم وعاطيتنه ظهرها..
محمد بغضب : ــ اماااه..
ما التفتت له ولا ردت عليه..
محمد : ــ اماااااااااااه...
ماردت..
دخل محمد ليها وصل لنص الغرفه ..
وداد بصوت مخنوق : ــ اطلع برى الحين ..
محمد : ــ امااه شوفي باقرووه ويش سوى فيني اليوم ضر....
قاطعته وداد بصرخه: ــ قلت لك اطلع برررررررررى الحين.. مالي خلقك ...
محمد خاف من امه طلع وسكر الباب..
وداد ودموعها تصب على خدها .. و تمسحهم بقهر ..
ــ اماني.. هين .. اراويش... يا اني يا انتين في هالبيت ..
محمد راح غرفتهم لفرات:
ــ ويش صاير ؟؟
علمته فرات بالسالفه....
محمد : ــ اففففففففف منهم.. عله على الشبد..
فرات : ــ حرام عليك لويش تقول كذا..
ــ انطمي بس..
محمد مره مزاجي.. يوم وياهم و عشره عليهم.. حسب مصالحه.. وبما انه متشابق ويا باقر للتو... فصاير مره حاقد...


في المجلس .. اماني تهدر على باقر على اللي سواه..
باقر ماتحمل .. ولأول مره يصيح بهالشكل قدام امه .. دموعه بعفويه تتناثر ..
ما يشاهق ولا يصيح مثل باقي الأطفال .. مع انه صغير 9 سنوات فقط..
صار يفضفض ...
ــ محمد ما يحبني.. وكل يفشلني قدام الصبيان.. ودايما يعايرني ان حنا ساكنين عندهم.. و كل يبغاني احل واجباته. .. و يتصدق علي بفلوسه .... معتبرني عبد عنده .. وكل يضربني .. وانا كل ساكت عنه.. امه كل توقف بصفه وهو الغلطان.. وانا كل تهزأيني وانا المظلوم... متى بيرجع ابوي .. نبغى نطلع من هالبيت...


اماني ماقدرت عور بقلبها ولدها.. ,,, وكثر كلمة "كل" في كلامه.. حسته شايل ضيم و قهر وايد في قلبه وساكت... حضنته وهي تمسح على راسه :
ــ اصبر غناتي.. اني ويش بيدي.. اني على مدرستك.. لو فيه مدرسه قريبه من بيت ابوك ابو مجتبى.. لو اقدر على تكلفة باصات.. لو احس نفسي ماباضايقهم بوجودي في البيت كان ماعليه رحنا وياهم.. ياولدي ما اقدر ارجع شقتنا وحنا لحالنا مالينا والي .. ومانقدر على دفع الأيجارات الحين.. اصبر غناتي .. اصبر والله يفرجها ...
باقر شابح بعيونه اللي وقفت دمعاتها.. وساكت ....


سام فتح عيونه...
لقاها الساعه 4 الفجر تقريبا.. وانتبه لروحه انه نايم في غرفة قيصر ..
رفع راسه وكان مره يعوره يحسه شوي وينفجر .. قام يدور على قيصر وين راح.. لقاه في ممر الأنتظار نايم على كنب ..
جى بيطلع من العياده.. شوي رجع يدور على دفتر وقلم بيترك لقيصر رساله..
فتح بهدوء دروج المكتب لقى قدامه دفتر.. فتحه بيكتب في احد اوراقه.. لقى قيصر كاتب فيه..
طلعت منك ياعراق وماعاد يلفيني بيت..
افكر واقول ليش ياربي آني شنو سويت ..؟؟؟
حياه كريمه بهذا الوطن كل اللي اتمنيت ...
وهسا على بعدك حتى الثواني عديت ..!!


المن اشكي ياربي؟؟ بس الك اشتكيت ...
وعلى كلمه الغربه اني إشقد بكيت ...
للّمه وهلي وناسي آني حنيت....
وحدي بهالغربه اني وهمومي ظليت....
اعيش بكابوس البعد عنك و الي هسا ماصحيت....


سام عوره قلبه,,, يحس نبضاته تتسارع...
فر الصفحه الثانيه لقى فيها اشعار غزل كاتبنها قيصر لزوجته المرحومه..
وينچ انتي ..؟؟
ادور عليج..!!
ماخليت طيرٍ ما نشدته عليـچ... !!
ادور عليـچ..
من اول يوم لفقدچ .. صار الشتا في حياتي صيف..
صرت اشوفـچ حلم سرمد و تصحيني طيف ..
حاير...
داير بهالدنيا دوختني الدواير..
شايل ذكراچ مثل راية حزن..
چني مركب بنص بحر ثاير...
طويت إشراعي .. لنه اشواطيك بعيده..
ولآني برايح .. لنك منت راجع..
و لاني اقدر اشتريك هالسا .. ولآني بايع..
ذابل بهمي مثل نخلة كسيرة على الشرايع..
ليلي طاااال .. وجرحي يتناسل حزن..
ابـچي و تنزل دموعي خناجر
ومن كثر حزني غدت روحي مقابر ..
وينـچ انتي ؟؟


سام ماتحمل .. صار يطالع في قيصر و معور قلبه مره..
فتح الدفتر من ورى لقى صفحه فاضيه..
وكتب له..


وقبل لا يطلع اخذ الشرشف من على السرير .. وغطاه ..
تركه وطلع..
قيصر ودمعه تنسل من عيونه وهو نايم...
يحلم... حلم حصل له بالواقع...
يصارخ ويصيح وهو ماسك ايد مرته بعد ما طاحت و حالتها خطيره .. وعلى السرير المتحرك الممرضات يركضو فيها لغرفة العمليات ... :
ــ لا تخليني .. لا تتركيني دخيلچ مالي احد غيرچ بهالدنيا...
تنفلت بهدوء ايدها من ايده..


يفتح قيصر عيونه... وينتبه انه مغطى بشرشفه...
يقوم ويدخل الغرفه بالسرعه.. يلقى السرير فاضي ..
يطالع الساعه:
ــ وين راح هالسا..
انتبه للدفتر على مكتبه مفتوح وسام كاتب..
ــ اشكرك على كل شيء ...
على فكره .. كتاباتك رائعه.. آسف على تطفلي ..
قيصر بأبتسامه حزينه.. : ــ ياااااااه.. شكثر انت قاسي يا سامي.. ولك هذا اللي إقدرت عليه.. دخيل الله رقم موبايلك.. الظاهر ما رايدني اساعده... الله يوفقك ...


سام في طريقه للمكان اللي ساكن فيه مع العصابه.. طول الطريق يتنفس بصعوبه... الين وصل لقى مارك على الباب توه راجع من سهرته.. وسكران...
مارك: ــ هيه انت .... اتعرف .. لا شيء يستحق العناء .. لا شيء .. فأنت لست سوى مجرد صعلوك صغير .. وفي أي لحظه ستسحق على يد جون..
ويضرب كتف سام : ــ صدقني .. ستنتهي.. لا محال
سام واقف و ماله خلق مارك ولا حقده الدايم..
دخل الغرفه وكان ستيف نايم.. قعد على سريره.. وصار يعيد كلام مارك بهدوء:
ـــ فعلا .. لا شيء يستحق العناء.. اليس كذلك يا ستيف .. فمن انا بينكم.. سوى صعلوك صغير .. سينتهي أمره اولا و اخيرا..

Princess
10-11-2009, 01:41 AM
ماريا رجعت من المدرسه.. وهي على الباب بتدخل وتحس قلبها يراقع ما هي مشتهيه تشوف رقعة وجه وداد...
دخلت الصاله لقتها فاضيه.. وهدوووء ماهو معتاد البيت يصير كذا..
ــ خير اللهم اجعله خير .. مايندرى ويش صاير..
دخلت على اماني المجلس .. لقتها قاعده تخيط ازرار قميص باقر .. و علاء وباقر نايمين على جنب.. وايثار قاعده قاعده تلعب في العابها..
اماني : ــ هلا ماريا.. اكو غداش عالفرن روحي تغدي .. تغدو الصغار ونامو..
ماريا ..: ــ ويش صاير ..؟؟ ويش فيش وجهش متغير..
قعدت ماريا .. و اماني صارت تحكي ليها اللي صار ...


في المطعم.. حبيب يكلم الهندي ويسخر :
ــ حط دجاج عدل وشوية لحم .. وشوية سمك... مع الرز..و ليش هذا دجاج كذا ابيض .. هذا لحم دجاج لو ضب
الهندي : ــ دجااج.... انت يبي ضب؟؟
حبيب : ــ لااااااع.. قال ويش ضب .. مو ناقصني الا آكل الأم العوده للوزغ..
كان في المطعم بدو .. دخل واحد منهم عرض وهو يضحك:
ــ وش من وزغه.؟.. الأخ من وين؟؟؟
حبيب قال في باله.. : ــ اووووه تدبسنا عفر ..
فغير اللهجه : ــ من الدمام الله يسلمك..
ابتسم البدوي ومستنكر اللهجه دي من الدمام : ــ الله يحيي الدمام و أهلها.. ياخي وش بلاك قارف الضب .. والله انك لو تاكله يعجبك.. ترى طعمه لذيذ ..
حبيب متنرفز..: ــ لا .. فيه العافيه..
البدوي ينغز حبيب بكوعه ويغمز له : ــ جربه ماراح تندم.. ترى طعمه مثل هذا .. بس الحبيب برّي .. هههههههههه
ويأشر براسه على السمك ..
حبيب فتح عواينه ويحس روحه بيرجع:
ــ هاااااا..
البدوي : ــ هههههههه والله ان كان انت تحب السمك.. ماراح تعاف الضبان من تذوقها..
حبيب خلاص حامت شبده.. وبأبتسامه عريضه :
ــ هه.. دام انه زي السمك.. ليش ماتخليه بحاله... لا مشكور..
وفي باله: ــ يلعن ابو بليسك...اشوى على حالي ماحب السمش اساسا ..
حمل اكياس الغدا وطلع يركض وهو يسب ويتذكر الوصف :
ــ ويييع يلعن شكلك كأن احد سالك ويش طعمه...


السيد ويوسف قاعدين يسوو سلطه .. جاب ليهم حبيب الأغراض قبل لا يطلع للغدا..
كاظم قاعد يقطع الجحه..
وقف مراد على باب المطبخ:
ــ كح..
ماحد انتبه عليه الكل مشغول..
مراد : ــ فيه شي اسويه وياكم..
يوسف التفت بأبتسامه لشيمة مراد .. : ــ ممممممم.. تعال اخوك.. غسل فواكه..
ابتسم مراااد وشلح قميصه:
ــ حاضررين..


شفيق طردوه الشباب بطريقة لبقه برى المطبخ لا يجيب ليهم انهيار عصبي ..
صادق ماكلف على عمره حتى يجي يشوف ويش يسوو....


خلص مراد من تغسيل الفواكه.. وتوقل جنب كاظم على الأرض واخذ من التبسي فلح جح.. وصار ياكل فيه.. :
ــ اللله .. خوووش يحه.. بس لوو كانت بارده شوي..
مراد بيطلع الطعامه من بوزه وهو يتكلم طفرت وضربت قريب عيون كاظم..
كاظم التفت لمراد.. مراد بكل عفويه مسك كم قميصه وصار يمسح فيه وهو مره مرتبك :
ــ مسامح اخوك ما اقصد..
كاظم ابتسم ..: ــ لا عادي شدعوه .. هي الا طعامة جح.. مو رصاصه..
ضحك مراد..
يوسف ابتسم.. وفي باله:
ــ هالمراد بداخله اشياء واجد حليوه بس يبغى له مين يكتشفها..


الا بوصول حبيب .. وهو مره ميت تعب..
يوسف يشيل الأكياس من ايده:
ــ عوافي ابو الحب ..
حبيب يرمي روحه جنب كاظم على الأرض :
ــ والله خوش جحه .. اهوو عطني فلح بس..
وصار ياكل .. واحد.. اثنين .. ثلاثه..
كاظم ضرب ايد حبيب : ــ ويش فيك بتخلصها قبل الغدا.. بينترس بطنك ماي و ما بتاكل بعدين...
حبيب وفي بوزه جح:
ــ افففف منك..
ويطفر ماي جح على وجه كاظم..
كاظم ... فيه ضحكه : ــ ويش فيكم اليوم علي ..
حبيب قام عنه : ــ تستاهل .. هاك بعد..
ويطفر زياده..
كاظم يمسح وجهه: ــ ويييييييييع يلعن شكلك..
حبيب وهو ميت ضحك : ــ اشوى سبه عربيه .. لو هندي دست فبطنك..
كاظم وهو يطالع حبيب على جنب : آب هَوْلْناك << إنت فظيع او مو طبيعي.. ((صيغة استنكار لقباحة أمر ما ))
حبيب : ــ أه.. ويش قلت .؟؟ ويش قلت؟؟
كاظم فيه ضحكه : ــ قلت ياخفافة دمك بعد شبدي ..
حبيب يحك راسه : ــ بل كل هذا في هالكلمه... يللا باحاول اصدق .. شويات وبنزل اشوف الجماعه لويه مابين ولا نفر فيهم.. الظاهر مستحيين .. إلا وين صادق ..؟؟
كاظم : ــ ويش تبغى فيه..؟؟
ــ شان يفرش السفره ويوزع الأكل عليها..
مراد : ــ انا.. انا بافرش ..
وقام مراد يعاونهم في التحضير ..


حبيب نزل وطق الباب على الجماعه اللي تحت.. فتح له محسن ...
حبيب : ــ سلااام عليكم
محسن: ــ عليكم السلام.. هلا حبووب .. اخبارك واخبار فلعتك..
حبيب : ــ هاا شوفها خفت شوي.. أزمتني يلعن شكلها.. لو بعد شعري ناعم غطيتها به.. الا فلافل .. هاا وين الشباب .. ما بتركبو غدى..؟؟ ماباقي شي على المغرب ..
محسن : ــ والله كلناخالصين بس قلنا ننتظر مصطفى يرجع من الكليه ونجيكم جميع..
حبيب : ــ اركبو وهو تالي يجي ..
محسن : ــ بلاك ماتعرف صطيف وخجله.. اقول اخوك تفضل داخل عن الحر على ما يجي مصطفى..
حبيب : ــ زاد الله فضلك .. خلاص ننتظركم فوق ..
ــ على خير..

Princess
10-11-2009, 01:41 AM
نور تعقم جروح ابوها وهي تحايل فيه:
ــ يبه .. المستشفى قالو هم يعقموه لك.. لويش مصر ماتروح.. ""؟؟
ــ اهووو يابتي هو تعقيم تعقيم.. هذانا استخدم معقم و تلفيهم لي ويش فرقت...؟؟
ــ بس يا يبا..
ــ لا تبسبسي ولا شي .. آآه ويلي ... قاع رجولي تعورني..
ــ هنا.؟؟
ــ ايه .. آآه.. كل من هالتنك العله .. شقها شق..
ــ ياعلي صاير حوالينها اسود..
ــ ويش تبغي في رجول شايب .. نظيفه تلق .. اكيد مقحلفه وحالتها لله..
ويهمس لبنته : ــ إلا ماقالت لش امش وين كانت بتروح الصبح ؟؟
نور بأستغراب : ــ لا... لويش..
ابو مجتبى : ــ طلعت من غبشة الغباش هي و امير .. على قولتها بتروح تمرخ وحده.. خذت ليها فلاف ساعات وعودت تالي.. بس انا مو داشه مخي .. بالعاده لو ويش ماتاخذ امير وياها..
ــ يمكن خافت لا يأذيك و انت رجولك متعوره..
ابو مجتبى وهو لسا مو مقتنع: ــ شدعوه امير كل قاعد لحاله .. و ساكت.. واذا مره بيزعجني يا بيقعد يون يا بيعيد كلامي.. بس طول ما انا ساكت.. بيظل هو في زاويه ما بيتحرك...
<< معروف عن المصابين بمرض التوحد .. الأنطوائيه الشديده والميل للعزله.. الا في حالات نادره..
ــ مادري.. تبغى اسألها لك.؟
ــ لا تالي بتقول ويش دراش .. وبتقعد تهدر.. انا حارق روحي على ويه.. على ماميش.. خلها وين راحت يعني..


ابو مجتبى كان خايف من شي واحد.. ويدري ام مجتبى تسويها.. انها ممكن تروح الشؤون او لأي احد تستعطف بأمير على شان يعطوهم اعانات.. سوتها قبل هالمره و عصب عليها وشابقها ..و كان رد الشؤون ان عندهم مجتبى ومحمد.. شباب في اتم الصحه والعافيه وقادرين على الأعانه..و الأبو لسا عايش وله معاش تقاعد من الحكومه..


نور : ــ يبا.. عاد اتصل على مرت اخوي اماني.. شوف احوالهم.. اكي ودادو مرت اخوها اسمع مأذتنهم اذيه اليوم ضاربه ماريا اخت اماني.. وكل يوم ماريا تشتكي تقول انها مو مخليه اماني وولادها في حالهم ..


ابو مجتبى : ــالله يكون بعونها.. والله حسبة بتي وغاليه وما تنسى .. بس ويش اقول .. إييه.. هالدنيا ومصايبها تلهي الواحد.. لويه ماتخلي امش تكلم..
نور : ــ نسيت؟؟
ــ نسيت ويه؟؟
ــ ان وداد هي اللي كل ترفع التلفون .. نسيتها يوم تفشل امي وتحرجها قدام اماني.. تسوي حالها كأنها راعي كبينه.. تحسب بالدقيقه ..وتقعد على راس الواحد طول ماهو يكلم.. جلفه حدها.. ما يكسر راسها الا الرجال ..
ــ انا لله.. انا مانى داري شيفا صابر عليها هالحسن.. الظاهر انه مكسر راسها ..
ام مجتبى تطلع من المطبخ :
ــ مين ,؟؟؟, ام الدود الراعيه..
نور : ــ هههههههههههه بل..
ام مجتبى تمسك التلفون وتقعد جنب ابو مجتبى :
ــ الله يكون بالعون ويساعد.. هاك..
وتعطي ابو مجتبى السماعه بعد مادقت الرقم..
رفعت ايثار : ــ الوووه..
ابو مجتبى : ــ هلا ابوي .. هلا ياغناتي
ايثار بفرحه : ــ بابا ابو مجتبى..
ــ ياعمري .. شحوالش ..ويش مسويه...
ــ زينه اني .. بابا ابغى اجي ليكم خل عمي محمد يمر علينااا اليوم الأربعا عادي مافي بكره مدرسه على باقر ..
ــ هههه ان شالله يبه .. وين امش..
ــ دقيقه..


وراحت ركض لأمها ..
ابو مجتبى .. ــ ههههههه غريبه مو وداد اللي ردت ..
شوي اماني ردت عليه: ــ هلا عمي ...



وصل مصطفى وركبو الشباب.. صارو يسلمو وبعدها يوزعو روحهم على السفره..
محسن : ــ بل .. جايبين اكل وايد
نوري يفلص محسن ويبتسم : ــ ما شاء الله.. لا تواخذوه .. هالبل كل على لسانه...
محسن بخجل : ــ اه.. ماقصدي احسد انا.. لا تخافو...
مصطفى يبغى يشوف له محل .. أشر له يوسف في الجهه المقابله لمكان وقفته يجي هنا ويقعد جنبه.. كان يوسف واقف ..
مصطفى وهو بيعبر .. داس بالغلط على طرف صحن من صحون الجح و تنفر شوي منه على السفره ..
ايمن يطالع محسن على جنب ويهمس له : ــ من عيونك الحاره ياحسود
محسن عصب فيه وبقهر يهمس له : ــ حسابك بعدين..


مصطفى انحرج حده.. كندس بيلمه في الصحن في نفس الوقت كندس مراد وياه .. وصقعت روسهم ببعض ..
مصطفى : ــ آسف ..
مراد : ــ شدعوه.. حصل خير.. استريح حبيبي خلك منه انا باعدله..
السيد ابتسم وفي باله :ــ والله اليوم مراد خوش واحد مبيضنها.. اخ بس لو يحافظ على صلاته ويبطل هالأغاني..
ونفس التفكير كان يجول في راس يوسف ..


مصطفى خلاص تلون .. اشارة مرور من الخجل ...
محسن يهمس لهاني : ــ خخخخ مسكين صافيوه كم موقف وموقف له ويا هالجماعه احسه بينكمش من الفشيله..
هاني : ــ خخخخخ الله يعينه عاد هو يرحم روحه من هالخجل شوي ؟؟!!.. سحارة طماط الله يسلمه..



اماني : ــ بس .... لا مو على شان شي .... على اختي اني .. مابقدر عمي..
ماريا عرفت ان ابو مجتبى يبغاها تروح ليهم بس هي ما تبغى تخليها لحالها.. صارت تأشر على اماني وهي منقهره منها.. ان ماعليها منها...
ابو مجتبى : ــ جيبيها وياش يا بتي .. بناتي كلكم ولا تقعد ويا هالجنيه وداد...
اماني : ــ اباشوف .. خلاص شوي وبارد عليكم .. حياك عمي..
سكرت اماني وصارت تقنع في ماريا تروح وياها..
ماريا : ــ مجنوووووووونه.. اروح وياش .. ماني..واليوم اربعاء واحتمال كبير يخليش عمي تباتي وياهم.. ماني صاحيه مصفوقه على راسي..
ــ هههههههه بل بل حشا كل هذا لأن فيه عزوبي في بيت عمي..
ــ وهل عندك شك...!!؟
ــ مسكين أحمد.. هادئ و مؤدب ..
ــ كل الناس مؤدبه.. ماقصدي شي .. بس حطي روحش محلي .. ماني رايحه.. روحي ولا تربطي روحش فيني لا انتفش..
ــ بل صايره فك مفترس .. متأكده ما بتتضايقي لحالش ..
ــ ويش علي شهربان الباب بالباب.. الو شهروبه تعالي قعدي وياي .. اكل باكل لحالي ماينخاف علي.. ونومه اسكر علي الباب ويادار مادخلش شر..
ــ براحتش غناتي.. المهم احقري ولا تحطي لسانش في لسانها.. خل باقر مسكين يغير جو شوي..
ــ ان شـــــــــــــــالله .. مسكين يستاهل خليه يستانس..


واتصلت اماني بيت عمها حق يمر عليها احمد...
ايثار الدنيا مو سايعتنها من الفرحه.. بتروح بيت ابوها .. بتستانس في الزراعه.. وبتلعب ويا امير...



في الرياض .. في شقة يوسف والشباب
قعدو على السفره ونظمو روحهم..
حبيب : ــ بسم الله.. عليكم بالعافيه
الكل : ــ الله يعافيك..
وبدو ياكلو وهم يسولفو..
السيد : ــ ياجماعه .. سمك هنا.. مين من انصار الأسماك.. تفضلو..
نوري : ــ انا.. ماعليك امر .. ابغى..
محسن : ــ وفي احد يعوف السمك.. انا بعد..
هاني : ــ زعيم الودامات مستر فش .. انا بعد..
السيد : ــ ههههههه ما شالله عليكم انصار وبالقوه.. ها مصطفى .. ايمن؟؟
ايمن بالعاده مايحب الأجتماعات فيظل طول الوقت ساكت...
بهدوء : ــ لا بس ..
مصطفى بعده منحرج فصاير مو في الدنيا..
يوسف اخذ سمكه وحطها جهة مصطفى وابتسم له: ــ اكل اخوك.. اكل ولا تفكر ..


حبيب يطالع في صحن السمك.. ويحس شبده تحوم.. تحوم.. يتذكر كلام البدوي ..
يطالع في الشباب وهم ياكلو والغالبيه يحبو السمك..
صار ياكل في السلطه .. يلهي روحه بأي طريقه.. فجأه صمت صار المكان..
شوي الا شفيق يقطع الهدوء : ــ اقول ليكم شي شباب..
كلهم التفتو عليه.. شفيق يجيب ريبه اذا قرر يتكلم .. اكيد السالفه خطيره..
شفيق : ــ بس لا تسبوني ..
حبيب : ــ خير ان شالله..!!
هاني وهو ياكل في السمك : ــ قول اخوك ولا تستحي..
شفيق والأبتسامه تزيد وببرود :
ــ يقولو اهل الرياض ان طعم الضب مثل طعم السمك
هو ما قال كذا ..
كاظم كان ياكل جحه.. شرق بها..
حبيب خلاص قام الحمام يركض .. يحس روحه بيرجع خصوصا انه كان ماسك نفسه طول الوقت..
هاني ماسك السمكه .. حطها على جنب..
محسن يبلع اللقمه بصعوبة و ببطأ..
نوري .. : ــ هه..هههههه..ههههههههههه غربل الله شرك.. قرفتنااااا..
صادق : ــ عن جد لا تعليق .. ليش ما تحترم النعمه و تحترم الناس اللي قاعده.. ليش تنرفزهم كذا..
يوسف يطق على ظهر كاظم ويشربه ماي ..
ــ حلو حلو..
كاظم دموعه اربع اربع : ــ إي خُدااا ... إي خُدااا ... << يالله او يا الهي ..
حبيب طلع من الحمام .. >> مارجع بس شبده شوي حامت
ــ شباب .. اخزوا بليس و طنشو الموضوع..
هاني : ــ اهووو.. مره عاد فاضين ندق خبر لكلام.. اكلو بس..
نوري يبغى يغير السالفه فصار يسال كاظم : ــ تدخن اخوووك؟؟
كاظم بأستغراب : ــ ايه.. كح كح.. شدراك..
نوري ابتسم : ــ من كحتك عرفت..
محسن يساسر هاني : ــ بووووووم دف دف دف صاروخ ارض جو .. اساسا يوم نسلم على كاظم ريحته دخان قال ويه من كحته.. استر عالخبير..
هاني : ــ خخخخ خله يتفلسف ماعطاه الا ربه..
مصطفى يطالع في جواله كل شوي..
انتبه يوسف عليه ...
ــ وراك شي اخوك..؟؟
ابتسم مصطفى: ــ ايه بانزل البلد اليوم..
والتفت للشباب : ــ شباب بانزل اليوم البلد .. احد بينزل ويايي..؟؟
يوسف : ــ انا ماتوقع بعدني ما ارتب اموري عدل ..
الكل هز راسه لا .. ماعدا شفيق : ــ انا بنزل .....
كاظم في باله : ــ اووه.. ابتلش المسكين اما قرر يصاحبه طول الطريق..
مصطفى : ــ متى؟
شفيق : ــ بعد ساعتين بيمشي الباص .. شوي ساعه بس وباروح...
ــ زين اجل انا وياك ان شالله..


في امريكا.. 8 الصباح..
جويل تتصل على سام ..
رفع سام : ــ مرحبااا
جويل : ــ مراحب .. ها.. انت وين.. بالفندق؟
ــ لا .. طلعت مشوار.. جايك هاللأ..
ــ اوكي بإنتظارك ...


سام تحت مع توم في غرفته ...: ــ توم.. اتصل بيوكي وتطمن على الأوضاع.. هل رتب اموره ام لا..
ــ حسنا...


سام بأبتسامه بارده : ــ اقتربت النهايه...


الى الملتقى...

*زهرة البنفسج*
10-11-2009, 02:16 AM
واللهي كشته باللشقه اشواا ماحب السمك >> زالت شبدي هههههههه ..

::

يسلمو اموره عللبارت الحلو

ننتظر الباقي

موفقينـ

حلم لطيف
10-11-2009, 02:30 AM
يعطيش العافية
البارت طبعآ ماعليه كلام

وننتظر البارت الجديد بسرعة

موفقة لكل خير

نور البدور
10-11-2009, 03:08 AM
الله يلوع شبدة ها البدوي مووتي السمك
مادري كيف باكله الحين <<خلاص نفسيتي لاعت :weird:
تسلمي اموررره على البارت الجنأآإآإأآإأآإأآإأآن
وبا انتظار القادم
تحياتوو
نور البدور

جـــــوان
10-11-2009, 03:33 AM
رووعة بجد

بس بصراحة الله يغربل البدوي وشفيقوه وياه
على التشبيه اللي شبهوه

اماني الله يعينها على طايحت الاخلاق ودادوه
عاد من اسمها ثقيلة دم


بانتظار البااارت اليديد

لا تعليق
10-11-2009, 07:56 AM
بـل!!
أول مرة اشوف عقربة تصيح !! :weird:
باقر ............ ( مادري ويش اقول اهئ اهئ اهئ)
يتراوالي ابو محمد بيصير فيه شي مؤسف .. مثلا ..حادث >> ما تقدر ما تفاول على الناس
ماريو في احتمال اتصير من نصيب أحمد 71% طبعا هالاحتمال من قبل هالبارت بس كان 5%
هالسمش مسكين مظلوم على حساب الضبيان شكلي بافكر في اني احبه 0,1%
اما حركة ابو الفلاليع حبيبو ويا الجح .. صبي أصلي خخخ:toung:
كاظم عجبني احسه بدا يتعود
مراد قلبه أبيض .. عاجبني >>طراق!!.. واهله شكلهم اهملوه و ما هيأوا له أجواء روحانية ولا علموه :notrust::suspicious:.. والله يستر من صاحبه اللي كلمه في الجوال (راجع الحلقة الثالثة ) كان مو يطلع رفيق سوء.>> ان بعض الظن اثم .. احم
السيد ..احسه غامض شوي ومتحمسة اعرف ماضيه>> استر عاللقافة
شقيقوه .. ماله الا مراد يعلمه الذوق والاساليب العدله
مصطفى يمبى اله يعرس على قوية عيون كان يتعلم هههههههه
ساميو .. العملية ماشكلها بتنتهي على خير " تجري الرياح بما لا تشتهي السفن "
ستيف شكله فلة وبيوقف ويا سامي
*يوكي
نور.. الله يديم الصبر ليها
عبد الستار يمكن ياخذ صاحبة اخته 97%
تحياتي لاغلى استاذة ...
و.....تابعي:icon30:

أحبك ياغلا عمري
10-11-2009, 11:01 AM
مشكورة أختي
تسلم الأيادي

الفراش الفاطمي
10-11-2009, 12:33 PM
يسلمو اموره بارت روووووعه
تعاليقي خلصت
بس حرام اني احب السمك
بانتظار البارت الجاي مو تطولي علينا
تحياتيـ ..

سفيرة الاحلام
10-11-2009, 01:33 PM
يسلموا على الجززء

اممم الوصف اعوذ بالله

كل شي حلوووو اموره

لاهنتي

طفلة تحت المطر
10-11-2009, 02:27 PM
صرآآحه أميره بآآرت روووعه

مآآآعندي تعليقآآت

ننتظر البارت القادم

MOONY
10-11-2009, 05:47 PM
يعطيش ألف عافيه قلبوه
من جد رووعه
بتظار البقيه

أمل الظهور
10-11-2009, 10:46 PM
:embarrest::embarrest::embarrest::embarrest::embar rest::embarrest:اخيرا وصلت



والله كانت نفسي بالسمك بقوه اوفففففففففففف كرهته


عاد ماشبهه هالبدوي الا بهالعدو


وهالشفيق ضروري يكرهه على الشباب ويذكر الموقف


مااقول الا ربي يعين مصطفى الخجول عليه طووووووووول الطريق شكله بيطفره تطفير بيخلي


مصطفى ينزل مشي ولا يصاحبه هذا اذا رجع صحيح بس ساعه وماتاخر عليه


والجح سالفته سالفه واخر شيء ينداس عليه لااحول


واخيرا بيت ابو مجتبى حسوا في المسكينه وبياخذونها تغير جو عندهم جات بوقتها تبعد عن

ودادوه النسره


وسام شكلها مابتمر بسلام


ربي يعطيك العافيه مرمش <سطار من زمان ماقالتها


قصة تجنن تسلم ايدك

دمعة على السطور
10-12-2009, 02:00 AM
اللهم صل وسلم على محمد وآل محمد وعجل فرجهم وفرجنا بهم ياكريم...


ههههههه غربااال ..لوعة شببد.....:wacko: >كانت تاكل وهي تقرا بس الحمد لله خلصت قبل سالفة الضب :huh:
شفيق ساكت ساكت ويوم تكلم طلع بـــ درر بــ تحفة من تحف الزمن....:weird:


توقعت إن ماريا تروووح ويطييير أحمد من الفرح.....>بس طلعت ذكية وتفهم.....


خوفي تعلقه يزيييد وينصدم إنها ماتفكر فيييه


أماني عاقلة عجبتني شخصيتها بقوووة...

وزين إن مراد دخل روحه وياهم ...احسه شوي شوي بيندمج وراح يتغير للأفضل إن شاء الله..





امممم كلما يجي طاري أمير...اجلس افكر...ليش اهله ماودوه مركز خاص ... ولا على الأقل يجلسوه وياهم يحدوا من أزمة العزلة والانطواء اللي عنده...>>والناس وش دخلهم قالوا لك هذيي قصة:noworry:




أمور تدري وأني اقرأ..اتخيل كل بيت واتخيل الشقة بالرياض كيف تفصيلها ....وكل شخص صارت له ملامح بمخيلتي.....


كل هذا من أسلوبك العمييق......
تسلم الأيادي حبوبة ....ع الفكر الراقي ...


بانتظار كل جديد...موفقة لكل خير إن شاء الله تعالى


دمتي بعين المولى الجليل

جـــــوان
10-12-2009, 03:13 AM
ما في بارت اليوم ؟

الفراش الفاطمي
10-12-2009, 11:43 AM
ليـــــــــــــــــــــــــــــــــش
مافـــــــــــــــــــــــــــــــي
بااااااااااااااااااااااااااااااااارت
؟؟؟؟؟؟؟؟؟؟؟؟؟؟؟؟؟؟

Habit Roman
10-12-2009, 06:30 PM
لوع شبدي هالشفيق الله يغربل بليسه >>>>>>> أشو ماحب السمك لذيك الدرجة
مسكين مصطفى لو يقدع جنبة شفيق كان يرمية من النافذة << الله يعينه على بلواه

ننتظرك حبيبتي لاتتأخري علينا

تحياتي

لا تعليق
10-12-2009, 08:48 PM
يللا يللا

Princess
10-13-2009, 02:05 AM
مرحبا
الف شكر حبايبي .. الود ودي افرد لكل وحده فيكم رد منفصل بس الوقت مايسعني
مسامحه .. والا انتون على عيني وراسي من فوق.. الهي لا يحرمني منكم..
ماعليه .. اعذروني امس ماحطيت . النومه شويه معتفسه من رجعنا للدراسه.... وهذاني اليوم رجعت اعتفست و جيت..:amuse:
هههههههههههه واعذروني على مقطع السمك .:embarrest:. زيكم اني اول ما عرفت هالمعلومه انسدت نفسي كم مره عن اكله :nosweat: وبعدين صرت ما ادق خبر .. فاضييه اني لهالكلامات.. :noworry:



بس اوضح لغناتي دمعة على السطور.. اللي يحب ماريا مو احمد اخو نور .. عبدالإله جارهم اخو شهربان .. هو العاشق الولهان.. احمد حمي اختها و اخو صديقتها فقط... :shiny:
ماريا مع عبدالأله عفويه بالمره وتعامله معاملة الأخت لأخوها.. بتشوفي اليوم موقفها وياه.. :rolleyes:



يللا تفضلو الجديد

Princess
10-13-2009, 02:07 AM
في الطريق من الرياض الى القطيف .. و شفيق جالس جنب مصطفى..
شفيق عند النافذه ومسند راسه .. ومره ساكت ولا نفس
كلما قلبني الهم سأشكو ياعلي ..
حينما يهزمني الدمع سأبكي ياعلي ..
مصطفى : ــ هلا يبا.... انا في الطريق جاي.. عسى امي صارت احسن...
مصطفى ويبين عليه الأسى : ــ يالله.. خير ان شالله... كم ساعه و نوصل ... باجي على طول .. زين .. حياك الله...
شفيق التفت الى مصطفى وانتبه لملامحه المشدوده والمتوتره.. وبهدوء :
ــ خير ... ويش فيهم الأهل..؟
مصطفى : ــ امي تعبانه..
شفيق سكت..
وملامحه بين عليها هو الآخر الحزن... وبعد كم دقيقه وبهدوء: ــ سلامتها ما تشوف شر ..
مصطفى يطالع في شفيق و مستغرب من تجاوبه البطيء ...

في شقة يوسف والشباب لسا متجمعين .. نوري ماسك كف مراد يلعبو ضغط مين االأقوى... و تصفيق الشباب تشجيع مين بيسدح كف الثاني قبل ..
محسن : ــ بل طالعو عضلات نوري كنهم نفافيخ بيفقعو..
يوسف : ــ هههههه صلينا على محمد وآل محمد
نوري يلتفت لمحسن وهو يشد : ــ والله... ان عورتني ... الليله.. ومانمت منها... باجيك .. وانت نايم.. وباخبق ... عواينك... تفهم...
ايمن : ــ اجل محسن لا تنام الا بنظارات...
هاني صار يضحك : ــ اكو مراد بعد ما شالله مقاوم شكله مو هين....
شويات ...
وانتصر نوري ...
كاظم وهو يصفق متفاعل : ــ كِتْنا خُوووب صُورَت هي .. << ياللرووعه.. رائع جدا..
محسن : ــ هاااااا... ويش يطلع دا..!
حبيب ميت ضحك : ــ سبه هنديه من العيار الفقيل ..
هاني : ــ لا صحيح يعني ويه ؟؟
صادق كان قريب منهم ماسك كتاب ويقرى فيه.. ضحك وبهدوء :
ــ هه.. ولد عمي مادري متى بيتكلم عربي كامل.. يعني ياللروعه..
كاظم بأستياء التفت ناحية صادق : ــ مو شغلك..
حبيب يصفق .. : ــ هيه.. هوو.. هاا.. خزاك الله يا بليس...
السيد يبغى يخليهم يرجعو يلتهو في اللعبه: ــ ما شالله عليك نوري جسم رياضي ...
حبيب وفي باله : ــ اخ لو اصير زيه بس حركات.. ما انفلعت الا بسبته.. خخخخ
مراد : ــ برافوو عليك.. يللا يبغى لي اشد روحي اكثر حق اوصل مستواك..
نوري : ــ تلعب كمال اجسام انت؟
مراد : ــ لا..
نوري : ــ ما شالله عليك اجل.. بنيتك بعد ماعليها كلام وانت مو رياضي .. صراحه بذلت مجهود يالله غلبتك..

في الباص .. شفيق يسأل مصطفى اللي كان متوتر و بهدوء:
ــ لهالدرجه مريضه..؟؟
مصطفى بعفويه: ــ امي.. صار ليها سنوات تتعب بس اول مره تتعب لهالدرجه...
ــ الله يقومها بالسلامه...
سكت شفيق ورجع سند راسه بالنافذه.. وغفت عيونه...
صار يشوف روحه وهو صغير..
يشوف أمه عند رجول ابوه تتوسل انه يرحمها شوي..
وابوه يضربها بالحزام... وشوي يشدها من شعرها ويرميها على السرير ويربطها فيه وهي قاعده وهو يسبها ويطعن في شرفها.. ويصرخ فيها .. ياللقيطه..!!

يشوفه وهو يحمي سكين حاره على النار ويجي يشوي فيها بدن امه..
يطفي السجاير في جسمها...
بصوت مخنوق يطقع القلب .. كانت تون...
ــ ارحمني.. والله اني بريئه...
بس ابدا لا حياة لمن تنادي ..

شوي مصطفى يسمع شفيق وهو يون :
ــ اماااه.... اماااه...
صار يتأمل فيه.. معور بقلبه شكله التعبان و ندائه لأمه وفي باله:
ــ شفيق .. شكلك وراك حكايه..
عيون مصطفى امتلت دموع.. هو يحاتي امه و هذا يهلوس ويناديها.....


في بيت ابو مجتبى....
اماني و باقر وايثار جابهم أحمد...
اماني من شافت عمها ضربت صدرها:
ــ ويش فيك عمي.. ويش فيها رجولك؟
ام مجتبى صارت تقص ليها السالفه :
ــ وهذا اللي صار يابتي.. وهذا حنا في فلك عظيم.. لا ليلنا ليل ولا نهارنا نهار.. زين يوم طاوعتي وجيتينا .. شوي نغير جو ويا الجهال فجو علينا..
ماقالت ليها عن ابو رمزي ... انها كلمته يأجل الدفع خلال سنتين عالأقل .. بس ماوافق الا لما شرط عليها...

وتتذكر ام مجتبى ابو رمزي وهي تترجاه.. وتطلب منه دخيل الله يعطف بحالهم و يعور بقلبه امير ولدها اللي ما استفاد من هالفلوس شي ..
تذكره وهو يقول ليها.. موافق بس بشرط.. بعد سنتين اذا ما سددتو المبلغ.. راح ادفع عليه زياده شوي لين يوصل مهر .. لبنتكم وتصير لولدي رمزي
رمزي .. كثير سفر و معروف بين شباب القطيف بأنه راعي بطاله و عليه حركات مش ولا بد .. تزوج وطلق مرتين.. ماوحده تقدر تتحمل العيش وياه ساعه...
ام مجتبى وافقت وكلها امل انهم اكيد بيقدرو يدبرو المبلغ في خلال هالمده.. خصوصا ان مجتبى مو مقصر وياهم ويرسل كل شهر ليهم مبلغ ... و هي بتشد عمرها وتشتغل زياده..


ايثار في الغرفه تحاول تلعب ويا امير .. بس امير كان منزوي ومعاند مو راضي يتحرك.. وكلما سحبته من ايده صرخ فيها..
طلعت ايثار من شنطتها كراسه و الوان فتحت الكراسه و انبطحت على بطنها وهي تبحلس بقهر :
ــ كيفك مابتلعب وياي بارسم وباخليك.. اقعد لحالك
صارت تشخبط شخابيط...
امير يراقبها.. ويش تسوي.. ولافته نظره الألوان..
انسدح جنبها وعلى الورقه المقابله في الكراسه... وصار يتأمل سجادة بيتهم... لقى الزخرفه فيها الوان مثل اللي تلون فيهم ايثار..
مسك لون زي لون احد وردات السجاده..
ابتسمت ايثار: ــ بترسم وياي.. !!؟؟
وقربت منه الألوان..
صار يتأمل الزخرفه اكثر و اكثر ويحاول يحاكيها على الكراسه... كل ورده وكل غصن بنفس اللون...
لين خلص غصن كامل بوروده وبزخارفه بطريقه روعه.. مره كأنه نسخها من السجاده.. وهو فرحان و يضحك بصوت عالي ...

انتبهت ايثار للورود وفتحت عواينها :
ــ الله عميم حليييييييييوييييييييين ورداتك زي الزوليه عدل...
وقامت تركض بالكراسه.. وراحت لعمتها نور...
كانت نور تجهز مع اماني وام مجتبى العشا..
ــ عمه عمه.. شوفي حليوين مو..؟؟؟
نور: ــ الله. الله... ما شالله .. ايثار انتين راسمتنها دي؟؟ تجننن..
ايثار وهي شالقة البوز شبرين : ــ لاااا مو اني..
اماني انتبهت ليهم وصارت تطالع في الرسمه وسألتها:
ــ الله مره حليوه... مين اجل .. باقر ؟؟
نور وابتسامتها تزيد : ــ لالالا.. باقر طلع ويا عمي أحمد يجيبو خبز نسيتو..
اماني .. وبتردد. تسالها.. . : ــ مين..؟؟ امير ؟؟.. امير !!!
ايثار : ــ صححححححححح
نور : ــ حللللللللللللللفي..
ايثار : ــ والله العظيم قسم بالله..
اماني تمصع خد ايثار وهي معصبه فيها : ــ كم مره قلت لش مايحلفو ويقسمو بأسم الله على كل شي..
ايثار : ــ من عميمه قالت لي حلفي .. آآي . خلاااص مابحلف آخر مره...
اماني : ــ وانتين على طول والله ووالله.. امير دي راسمنها؟؟؟!!
ايثار : ــ صدقوني ما اشدب..
وراحت تركض لأبو مجتبى :
ــ يباااا.. شوف امير ويش راااسم...
ابو مجتبى لفتت نظره شخابيط ايثار اللي بالورقه المقابله فمسكها وصار يطالع فيها :
ــ يعني ويش راسم.. بالله عليش .. شخابيط .. ويش عرفه هو..
ايثار برطمت : ــ مو حليوه يعني ... << تقصد الشخابيط..
ابو مجتبى ياكل خياره : ــ لا .. ويش الحلاه فيها.. الوان على بعض
ايثار مدت برطمها شبر .... وبهدوء : ــ هذي رسمتي .. دي رسمة امير
واشرت على الورود..
ابو مجتبى : ــ كح.. كحححححححح كح..
شرق بالخياره...

Princess
10-13-2009, 02:08 AM
ام مجتبى : ــ الحقوو عليه لا يموت من خياره..
ابو مجتبى بعصبيه : ــ فال الله ولا فالش يالعجوزز.. ماااي .. جيبو كح كح.. ماااي..
جت نور بالماي بالسرعه..

ابو مجتبى : ــ الحمدلله.. ويلي .. ايثار متأكده دي من امير لو تشدبي
ــ والله ما اشدب
اماني : ــ والآخير ويا الحلف !!
ايثار وبقهر وشوي تصيح : ــ مو لأنكم ماتصدقوني.. ها شوفو بعد..
فتحت الكراسه على صفحه جديده وراحت سحبت امير .. وقعدته ...
واشرت على منام اللي منسدح عليه ابو مجتبى وكان مرسوم فيه ايضا زخارف وبألوان ثانيه..
وقالت لأمير : ــ عميم .. ارسم هذي .. سوي زي هذي..
امير صار يتأملها.. و رفع لون مثل لون الرسمه بالضبط..
ام مجتبى بأبتسامه وعيونها مليانه حزن..
صار امير يحاكي زخرفة المنام بهدوء وبسهوله .. من دون ما تنحرف ايده ولا يخربها ...
الا بدخلة أحمد مع باقر وهو حامل الخبز وينادي :
ــ اماااه.. يبااا.. عندي خبر...
نور تأشر على احمد:
ــ اشششش...
وتأشر على امير اللي كان يرسم... والكل يتأمله..
وقف احمد وباقر يراقبو هم بعد..
في دقايق واكتملت الزخرفه...
ابو مجتبى ماقدر .. ماشافوه الا رفع غترته و غطى عيونه.. وتنهد :
ــ لا اله الا الله... لا شيء فوق قدرتك يااارب..
ام مجتبى ماتحملت حضنت امير وصارت تصيح..

امير عارف انهم فرحانين باللي سواه.. فصار يضحك .. بصوت عالي ..

أحمد صار يصفق .. وتبعه باقر .. ونور.. واماني صارت تصلي على محمد وآل محمد..
احمد قعد جنب امير :
ــ حبيبي امير .. خلاص بعد العشا باجيب لك الوان واااجد وكراسات واااجد وارسم اللي تبغاه لين تتعب ..
امير مستانس حده والفرحه مو سايعتنه..
لأول مره يشوفو امير بهالسعاده.. واضحه بلمعان في عيونه ...

وبين ماهم يتعشو...
نور : ــ الا اخوك.. ويش الخبر اللي كنت جاي بتقوله لينا..؟؟
احمد : ــ اوو صح.. نساني سيد امير بأبداعاته.. احم... باروح اخذ دوره في امريكا...
ابو مجتبى وقف عن الأكل وصار يطالع في احمد..
احمد : ــ المدرسه بعد ماشافو كفائاتي قالو ينقصني خبره في شي معين شي معين تبع المسار اللي راح استلمه هناك.. يبغى له دوره.. واحسن الدورات في امريكا.. فبيرسلوني على حسابهم..
ام مجتبى : ــ كم يعني؟ اسبوع.؟
احمد : ــ لا شهر..
ابو مجتبى بهدوء : ــ الله يوفقك ياولدي ويفتحها في وجهك..
نور : ــ متى بتروح.؟
احمد : يوم السبت ان شالله الرحله..
ام مجتبى ومبين عليها الحزن : ــ داويش ياولدي مامدانا نشبع منك.. الا بتروح شهر الحين بعد
احمد : ــ شهر اماه.. شهر وبرجع...
اماني : ــ تروح وترجع بالسلامه << قالتها وهي تشعر بالأسى على ام مجتبى وابو مجتبى.. ولادهم الأثنين دايما في غربه ومو حواليهم ..

في بيت يوسف ..
التلفون يرن..
ردت فرات .. وكان ابوها يخبرهم انه حصل ظرف في العمل فما بيرجع الا الفجر..
حسن يشتغل في الجبيل ومشواره بعيد..
فرات راحت خبرت امها... اللي من سمعت ان حسن بيتأخر للفجر وحالتها النفسيه كانت زفت.. على طول اتصلت في ازدهار .. وترجتها تجي تسهر وياها الليله...
ازدهار مامانعت.. وراحت ليها تشوف ويش فيها ...
ماريا انتهزت الفرصه .. دقت تلفون هي بعد على شهربان:
ــ شهروبه .. ويش تسوي؟؟؟
ــ ابد توي طالعه من الحمام والكشه منشوره . زهقاااانه استشور..
ــ مابتطلعي ؟؟
ــ لا ويش يطلعني ..
ــ اباجي لش ..
ــ هههههههههه تشوفي كشتي .. ماني..
ــ مالت عليش .. اباستشورش..
ــ اجل تعالي..
ــ اصقعش .. مصلحجيه..
لبست ماريا عباتها...
وبدون ما تسألها وداد قالت ليها : ــ اني باروح لشهربان.. تبغي تتأكدي اتصلي بيتهم كل دقيقه وباكلمش ..
وداد انقهرت من كلام ماريا..وما ردت عليها..
طلعت ماريا... وهي طالعه صادفت عبدالأله راجع من برى وكان نازل من الباص..
بيدخل بيتهم..
ماريا مره عفويه.. وعادي عندها الوضع.. ويعني ولد جيرانهم اللي حسبة اخوها بيدخل بيتهم ويش فيها..؟؟
بتدخل وياه مره وحده خصوصا انها عاطيه صديقتها خبر ...
عبدالأله انتبه ليها.. وارتبك على عوايده..

ماريا متجهه ناحيته..
عبدالأله لا شعوريا وقف .. وصار قلبه يراقع...

شوي تحرك بيدخل البيت.. وصار هو وماريا ثنينهم واقفين على الباب...
عبدالأله ناسي روحه و ماريا تفكر الباب مقفل وبيفتحه بالمفتاح..
كم دقيقه مرت على هالوضع..
ماريا بتساؤل : ــ ماعندك مفتاح..!! ادق الجرس ..؟؟
عبدالأله : ــ هاا..
ودف الباب ..
ماريا بأستغراب : ــ طالع مفتوح واني افكره مقفل ..
ودخلت..
تسكر الباب وراها وعبدالأله ظل برى مفهي ..وفي خاطره :
ــ ويش فيني انا.. لمتى هذا حالي .. احس نفسي بهيم مره.. مفهي .. افففففف .....
شوي عفويا يصفع روحه: ــ استخفيت انا.. استخفيت..
ماريا ركبت لغرفة شهربان :
ــ اووووووووه ياام كشه..
شهربان : ــ يمااااااااه .. خلعتيني..
ــ وين امش ماشفتها في الصاله..
ــ طلعت تخلف على مادري مين ميت عندهم مادري مين..
ــ خوش.. الله يرحمه مادري مين..
شهربان تمد الأستشوار على ماريا : ــ يللا اشتغلي..
ــ بل عليش .. توي مامداني.. خلني اخذ نفس
شهربان تقعد على كرسي التسريحه: ــ الله والمشوار عاد.. يللا بس .. قفتي ترى كبيره .. ويبغى ليها ساعتين يالله تخلص..
ــ مو لازم تستشوري
شهربان تطالع في ماريا على جنب :
ــ ايه مو شفتي حالش حرير ويش وراش..
ماريا : ــ انا لله.. اهوو.. ويش شباصاتش..

وبين ما ماريا تستشور شهربان :
ــ ماقلت الش ...
ماريا : ــ ويه..؟؟
ــ باقو عباتي امس ...
ــ هههههههه يؤ حلفي..
ــ مادري كيف اختفت من الدرج .. عفر في الفسحه انباقت..
ــ وتالي ويش سويتي حظي ..؟؟
وصارت شهربان تقص على ماريا السالفه

دانهـ العشآق
10-13-2009, 02:08 AM
يانااااااسي البآآرت مره كيوووت ..~

عوافي خيتوو ع الطرح ..~

يعجبني كلامهم خخخ غبشة الغباش قعدت يوم كامل أتدرب عليها عشان أتفلسف ع البنات يوم الثلاثاء~>بكره أول يوم دوااااام وباقولها لهم ..~

ممممـ عشت الجو صح حسيت أنا البارت مره صغنتوت ..~

شيفيق يبي له دروس في الإتيكيت ..~

مراد أحسه خووووش ريال وبيعتدل ..~

حبيب هالبارت مدري وش فيه غير عن كل بارت ما سوى لنا جو~>عسى المانع خير !!

ودادوووو إن شاء الله تتعدل ~>أحلام اليقضه

ماريا متحمسه أبي أعرف بتاخد مين !!

ولد أماني ياقلبي هو قتلني وهو يفضفض لأمه ..~

مصطفى الصراحه خجله ذووووب مهجتي خليهم يكشفو عليه يمكن يطلع بنت ع غفله !!

لا هنتي خيووو

مودتي

Princess
10-13-2009, 02:09 AM
وفي بيت ابو يوسف .. ازدهار قاعده قبال وداد اللي كانت ولأول مره تشكي بدموع..
ازدهار : ــ عاد ياخيه.. كم مره قلت لش .. ديلا يتامى.. لا تقسي عليهم لا تجيش حوبه.. ها.. اكيه صابتش .. من ولدش ..
وداد : ــ اني مخلتنش تجي حق افضفض لش لو حق تلوميني وتزيديني
ازدهار : ــ الحق حق ياخيه ماينزعل منه...
ــ ماعلينا .. جوعانه اني ..
ــ هههههههه فهمت عليش .. و افادش في ورق عنب ادري دري
ــ ههههههه وما في احلى من ورقش اخ منش بس .. مافي غيرش احد يفهمني
ــ ويلي منش .. الكل بيفهمش بس لو تعطيهم فرصه قومي وياي المطبخ .. شيلي عباتش ماحد هنا مابجي حسن الا الفجر ..
ازدهار مخلتنها على كتفها :
ــ لا خليها كذا اني مرتاحه
ــ كيفش بتصير ريحتها بصل .. صبري باجيب لش مشمر
وجابت ليها المشمر
ازدهار : ــ اني ويش عرفني كيف يلبسوه دا
وداد وهي تحطه على راسها وتسخر منها : ــ ايه .. ويش عرفها بت الكعكي ..
ــ ههههههه صدق نحيسه.. رحمة الله عليك يابوي ..
وراحو يحوسو في المطبخ..



ماريا تطفي الأستشوار..
ــ لا تقولي رقم اخوش ظل مخزن عندها.,.
شهربان تطالع في ماريا من المرايا و ترقص حواجبها:
ــ لووويه تسألي..
ماريا: ــ شدعوه ماتعرفي هالريماس وحركاتها القرعه.. استغفر الله ما استبعد تسويها وتتصل فيه..
شهربان ترقص حواجبها اكثر وتجاكر في ماريا :
ــ واتصلت يعني ..؟؟
ماريا تضرب راس شهربان بالأستشوار : ــ وجهــــــــــــــــش
شهربان : ــ آآآآه.. ههههههه ويش قاهرنش ..!!
وتطالع في ماريا على جنب : ــ اخوي مؤدب لو سوتها مابيدق ليها خبر...
وبأبتسامه خبيثه : ــ اساسا ماعطيتها فرصه ومسحت الرقم من جوالها..
ماريا تسحب شعر شهربان : ــ دااام انش مسحتيه ماتقولي من لول وتفكينا لويه ؟؟؟
هاااا يا ام حركات قرعه ...
شهربان ميته ضحك وفي بالها : ــ مايندرى ياماريا بويش تفكري وويش عبدالإله بالنسبه لش بالضبط..!!



في امريكا.. تقريبا الساعه 10 الصبح.. سام وجويل وهم بالطريق ...
سام : ــ اوهاايو...
جويل تطالع فيه مستغربه ..
سام : ــ يعني صباح الخير بالياباني.. اول ماتشوفيه انحني شوي وأولي اوهايو .. من شان ينبسط ويعرف إنك بتعرفي شوي ياباني ومانك غشيمه..
جويل وهي شالقه البوز : ــ اوووكي.. اوهااايووو...
سام : ــ وازا عطاكِ أي شي .. او مدحك في أي اشي .. اشكريه وأولي .. اريقاتوو..
جويل : ــ ولك شو راح تعطيني حصة ياباني ونحنا بالطريأ ..
ــ سهل احفظي معي بس ..
ــ وكيف بعرف انو مدحني ..
ــ راح اجلس جنبك و اديك اشارة.. وانتي بس أولي .. اريقاتو...
ــ طيب.. اوهايو .. صباح الخير.. و اريقاتو.. بتشكرك.. .. شو كمان؟؟
ــ ممممم .. اتركي الباقي علي...هدول من شان ما تأعدي هيك ساكته...
ــ طيب بعتمد عليك


اول ماوصلو المكان المتفق عليه .. والتقو يوكي الياباني..
جويل بأبتسامه عريضه ومثل ماوصاها سام : ــ اوهايو..
يوكي بأبتسامه هو الآخر.. : ــ اوهايو
ويأشر على الكراسي : ــ دوزو...
جويل من الحركه فهمت عليه انه يدعوهم للجلوس.. قعدت وهي تهمس لسام..:
ــ يعني نأعد ماهيك..؟؟
سام ابتسم : ــ ايه يعني تفضلو..
جويل ترجع تهمس لسام : ــ دخلك.. انت متأكد ان هيدا رِجال..!!
سام يضحك بهدوء : ــ أيه... لشوو. عم بتسألي؟؟!..
جويل : ــ يخزي العين..
سام : ــ حلو يعني..؟؟
ــ أيه نعووم كتير ومهضووم ... كأنو صبية..
سام يسوي روحه منقهر : ــ أيه .. شو عليه..
جويل بأبتسامه وتغمز له على جنب : ــ ولك مو احلى منك.. انت اكتر رجوله منو
سام في باله : ــ بل .. لا صدقت نفسها دي واجد ...و مفكره روحها تمون بالمره
ويرد عليها : ــ انا بعرف .. كلك ذووق


وبدأت الصفقه...
يوكي يتكلم ياباني .. و سام يرد عليه ويترجم لجويل ...
وطبعا اساسا الكلام في وادي والترجمه للنصب تختلف تماما.. الكلام كان عادي بالمره..
يوكي يصب لجويل عصير .. ويتكلم بالياباني ..
جويل : ــ اريقاتو..
سام يرد على يوكي بالياباني .. ويلتفت لجويل : ــ برافو .. حفظتي منيح... هو كان بيأول انو المترجم تبعو .. عندو ظرف لليوم وفرحان لما شافني بعرف ياباني منيح.. وتطمن..
جويل : ــ أيه يخزي العين حولك وحواليك.. بتعرف في كل شي ..
ــ بعجبك ولوو...
ــ طيب .. خبره ..انا بدي اشتري هالمحل بسعر مناسب .. راح افتح فيه بوتيك تياب .. هو أديم شوي فمعليش لا يغلي السعر علي لأني ناويه ارممه من جديد..
سام يتكلم مع يوكي كلام بعيد كل البعد عن الكلام اللي قالته جويل ....
يوكي يرد ايضا بكلام خارج الموضوع تماما..
سام : ــ عم بياول موقع المحل استراتيجي كتير .. والأرض كلفتو كتير .. راح يبيعو للألك بـنص مليون دولار ... شو رايك..؟؟
جويل ابتسمت خصوصا انها توقعت مبلغ اكثر لأن المحل كبير فعلا و الموقع رائع : ــ منيح.. حلو كتير .. موافأه..
جويل تشرب في العصير....
سام : ــ اوووكي..
طلعو اوراق فيها كلام بالأنجليزي.. فهمته جويل انه عقد بيع وشراء.. وصارت توقع و تكمل الأجرائات .. وآخر شي وقع البائع.. يوكي آكوتا... وانتهت الصفقه....
جويل تحس نفسها دايخه.. وماتشوف شي ..
اغمى عليها وسندت راسها على طاولة المطعم..
انسحب يوكي قبل سام بهدوء
سام فتح شنطتها.. واخذ بقايا الفلوس في محفظتها.. وجوالها..
توجه للكاشير .. وترك عنده مبلغ اكثر من سعر العصير بوايد والجوال وقال له.:
ــ سأترك هذه لديك ريثما اذهب للصيدليه واعود.. زوجتي تعاني مرضا عضال لا تستطيع النهوض حاليا ..
الكاشير : ــ هل اتصل على الأسعاف.؟؟
ــ لا.. انا اعرف ما تحتاجه.. تحتاج لدواء... سأجلبه واعود..
الكاشير صدق كلامه.. وبما انه ترك جواله المزعوم وفلوس زياده
خلاه يروح وظلت جويل عالطاوله نايمه...
سام طلع من المطعم.. وبأبتسامه انتصار:
ــ انتهت المهمه...مع السلامه ياغبيه..




حسن بيدخل البيت .. تأجلت المهمه ورجع من بدري قبل الفجر بوايد ...
وهو في الصاله .. يشم ريحة طباخ ورق العنب .. وكان هو يحبه بعد..
دخل المطبخ وهو مروق ما انتبه مين اللي كانت واقفه عند الفرن.. استدار للثلاجه وكانت تقابل الفرن .. بيحط العصير واللبن اللي جايبنه.... : ــ الله حركاااات زين رجعت من بدري.. حق اكل وياكم ...


ازدهار كانت واقفه عند الفرن .. مشمرها على كتفها طايح.. من الخلعه استدارت بلا وعي
وبنفس الوقت حسن استدار ومن شافها شهق وصار يطالع في الأرض وهو يقول:
ــ يالله.. يالله..
وانحاش من المطبخ.. بيدخل غرفتهم الا وداد طالعه من الحمام..
ــ بسم الله.. ويش جيبك... تقول بتتأخر...!!!
حسن شارد ومتلخبط .. دخل غرفتهم وسكر الباب.. وتسند عليه وقلبه يصافق :
ــ دي منهي ...!!
وداد انتبهت انه جاي من المطبخ.. فتحت عواينها :
ــ ياعلي .. ازدهاروو..
ولا راحت ليها في المطبخ الا هي قاعده ومتسنده عالفرن ومغطيه روحها بالمشمر..
وداد قعدت جنبها: ــ ويش صار؟؟ ويش فيش
ازدهار تصيح بصمت وتشاهق ...
وداد بلا وعي : ــ حسن.. ويش سوى حسن..؟؟
ازدهار بقهر تصرخ فيها : ــ غبيه انتين.. اختلعت من جيته.. تقولي بيجي الفجر .. روحي شوفيه هو اختلع بعد ... اني باروح بيتنا..

Princess
10-13-2009, 02:10 AM
حسن يسمع كلام ازدهار... وعرف انها صديقة وداد..اللي دايما تتكلم عنها..
وداد : ــ لالا.. اسفه غناتي.. والله ماتطلعي..
ازدهار : ــ لا تحلفي وروحي قابلي رجلش..
لبست ازدهار عباتها.. اتصلت في سواقها.. 10 دقايق وصل وراحت..
دخلت وداد على حسن لقته قاعد على السرير من شافها ارتبك..
وداد بدون أي مقدمات: ــ شفتها؟؟
حسن : ــ هاا..
ــ اللي في المطبخ كانت.. شفتها؟؟
حسن وهو يبولع : ــ لا كنت احط في الثلاجه اغراض وهي دايره وانا داير من سمعت صوتي اختلعت مسكينه.. خلعتها هااا؟؟؟..
ــ تشه قصرت.. خلعت الكل .. مو عن حساب عندك شغل؟
حسن بأستياء : ــ تأجل لوقت ثاني.. ويش .. ماتبغيني ارجع البيت ,, اعود اطلع...؟؟
ــ لا بس .. كانت هي وياي عن حساب بنسهر .. و انت فاجأتنا..
حسن عصب : ــ بعــــــــــــــد.. قولي قوم اطلع برى خربت سهرتنا..
ــ وفففففففف منك كل تفسر على كيفك..
ــ الا انتين اللي ماعندش اسلوب في الكلام.. الوحده تقول خير اللهم اجعله خير.. الحمدلله على سلامتك.. تعبان.. جوعان... وانتين لا وراي سهره و ويش جابك...!!
ــ اووووه.. راجع من سفر على شان اتحمد لك بالسلامه..
ــ انا لويش اتعب قلبي وانفخ في قربه مفقوعه
ــ أني .. قربه.. ومفقوعه بعد..!! رحم الله والديك
ــ ووالديش .. احسن حاجه تقوليها الرحمه لوالديني .. بعد مايندرى يمكن تسبيهم في قلبش..
وطلع عنها وراح المطبخ يشرب ماي..
انتبه لصفرية ورق العنب .. وفتحها...
اخذ وحده وصار ياكل .. صار يطالع الورق و يعرف هو طباخ وداد :
ــ شكله من صاحبتها مو منها هي.. خوش ورق والله..
وجى على باله شكل ازدهار وهي واقفه عند الفرن..
ــ خزاك الله يابليس ..
سكر الصفريه و طلع من المطبخ..




وصلو القطيف .. مصطفى يصحي في شفيق...
ــ شفيق .. قوم.. وصلنا..
شفيق ابد مايحرك ساكن..
ــ شفيق .. شفيق...
انتبه مصطفى لشفيق وجهه كان معرق بالمره..
لمسه لقاه مولع ..
مصطفى : ــ انا لله...قوم .. قوم تسند علي باوديك وياي المستشفى مره وحده..
وشال مصطفى شفيق ونزل به..
وصلو المستشفى.. دخله قسم الطوارئ .. وراح يشوف اهله..
امه من شافته بالأحضان .. وتصيح:
ــ ويش حالك غناتي..؟؟
ــ اماه انا زين.. انتين ويش حالش ولويه تهملي صحتش.. ويش فيش الحين
ابو مصطفى : ــ هبوط حاد في ضغط الدم.. ما تهتم بصحتها امك ابدا..


وبين ما مصطفى قاعد مع اهله.. جت له ممرضه تطلب منه يروح لعند شفيق ضروري ...
الى الملتقى...

دانهـ العشآق
10-13-2009, 02:27 AM
حركتاااااااااات هذااا البارت أحلى بعد ..~

كل بارت أحلى من اللي قبله ..~

بس بقول لك شغله أمور من كثر ما أندمجت خلص شحن لابتوبي وأنطفى ولا حسيت له هع ..~

ماريا ربي يعطف قلبها ع عبد الستار ..~

أحمد بالتوفيق له أحسه مررره طموح وله مستقبل مشرق ..~

بصراحه أشوه ماكان عنده سلندر يوم قال له أبو مجتبى الله يفتحها في وجهك ~>ضررريفه ..~

شفيق بصراحه بديت أعذره وأحس أني ظالمته ..~

مصطفى ربي يشافي أمه ..~

عاااشت يدك غلآتو ..~

وأدعو لي بكره أول يوم دوام~>بتروح تخمد

///

دانهـ العشآق
10-13-2009, 02:37 AM
خخخ كأني مربوشه وميته ع النوم ما أنتبهت أن البارات ماخلص توني بس قريت الباقي ..~

عندي أحساس أن حسن بياخد إزدهار والله أعلم !!

شفيق أنبني ضميري عليه أكثر ..~

جويل عفر كسرت خاااطرري حسيتها قرعه في الزفه ..~

ننتظر جديدك بشوق خيتووو

///

*زهرة البنفسج*
10-13-2009, 02:58 AM
حلوو البارت اموره ..

::

اش فيه هللشفيق مسكين طلعت حالته حاله الله يعينه >> ماخده الدور عدل

::

ننتظر البارت الجديد غاليتي

موفقينـ

دمعة على السطور
10-13-2009, 03:02 AM
اللهم صل وسلم على محمد وآل محمد وعجل فرجهم وفرجنا بهم ياكريم...


اوهايووو :bigsmile:>بتطبق الدرس:toung:


اي اي خية صح.......أما اني صحيح ههه.......... الحين عدلت موجتي :toung: عبد الاله هو اللي يحبها ههههه >> تو النااس :wacko:


اريقاتوو غناتي ع التوضييح :) >>درينا حفظتي هالكلمتين ..


ماشاء الله أحداث كثيرة بهالبااارت....اتوقع حسن ينجذب لشخصية ازدهاار والله اعلم...لأنها عكس مرته تماااماً......>على طول حكمت على النااس :huh:



عبد الاله ضحكني ههههههه وأما ماريا من جد عفوية بشكل......


شفيق طلع عنده حالة نفسية من صغره ....ياكافي الشر.....


بدأت تظهر مواااهب لأمير ماشاء الله عليه...بالعادة اللي عندهم توحد عندهم طاقات عجيبة سبحان الله ياخذ شي ويعطي اشياء...



سام الله يغربله قهرني بقوووة ...وش هاااالناس ...!! هذا اللي اقول شكله طيييب اساساً....



يعطيك العافية أمووور ع البااارت الغير شكل من جد ابدااع ماشاء الله...



سلمتِ وسلم فكركِ من كل مكروه..


موفقة في دراستك وفي كل شؤونكِ الحياتية...


دمتي بعين المولى الجليل

عطر الكون
10-13-2009, 04:51 AM
بااارت روعه ..!
بلأنتظار...!!
اتوقع انووو:
حسن بطلق البومه ودادوو وبيتزوج ازدهار...

لا تعليق
10-13-2009, 05:49 AM
اني شوي وباروح المدرسة .. يمكن اكتب تعليقي اذا جيت ..
هههههه يمكن!! ..بعد اليوم اول يوم ..تعرفي تجليد كتب وحالة خخخ
يللا ..( سايو نارا )>> يقولها عن مع السلامة
وباقول حاجة الحين قبل لا انسى
العصير اللي شربته جويل كان بيه مخدر
سامي .. هذا شي من الأشياء اللي بيندم عليها وبينفعل اكتر ازا تذكر
واحمد ان شا الله يلتقي بسام وقيصر لين راح امريكا..
خلاص.. الباقي لين فضيت
سايونارا مرة ثانية

أحبك ياغلا عمري
10-13-2009, 09:28 AM
مشكورة أختي
ننتظر الجديد

Habit Roman
10-13-2009, 11:49 AM
صلح بر شما

سلام
خوشبختانه غناتي
خدا و پزشک
یک بار شیرین و
شفیق که پیش آمد ، ذهن من برای شکستن روانی ایالتی معاه خدا و همچنین به صفحه نمایش پاپ احمق ها رایگان
يالله منتظر کارهای جدید
بس که؟

الترجمة
سلام عليكم
هلو
مشكورة غناتي ماتقصرين
ويعطيش الله العافية
البارت مرة حلو ويجنن
كسر خاطري شفيق طلع معاه حالة نفسية الله يغربل الابهات إلي كذا يخلو الجهال يتعقدون
يالله ننتظر جديدك
بس متى؟

تحياتي {تبریکات}

الفراش الفاطمي
10-13-2009, 12:02 PM
يسلمو خيتو امووره
بارت روووووووعه
وطبعا لا تعليقاااات
لان كلهم نفس الي انكتبو
بانتظاركـ
تحياتيـ ..

طفلة تحت المطر
10-13-2009, 02:24 PM
يآآعلي اميره

ويش نآآويه تقتلي شفيق ؟؟

بس صرآآحه عجبني موقف ماريا وعبد الإله

صحيح لآيكون حسن في النهآآيه بيطلق ودآد وبيعرس على ازدهآآر

اممم لآ لآ مآآ أعتقد يمكن تتوب ودآآدووه ؟؟

^^

ننتظرش بالبارت القادم:bigsmile:

أموله
10-13-2009, 04:26 PM
:nuts::nuts:...~!!

وآآآآو جزء ولآ آروع ،، ونشـآلله امير يتعافى من مرضه ~

... وأإحس كـأإنه هالسـآم هو ناجي اخو يوسف المفقود وانطق وفقد الذآكره >> ركبت احذآث هع

... يسلمك ربي على هالابدآع ومـآننحرم ،، ~!!

تحيتي ^.*

اموله

اعشق ابي
10-13-2009, 04:46 PM
واو ابداع
بس بخلنه علينا بالبارتات

مشكورة على كل حال

جنۉن من ﺳـڱۉن
10-13-2009, 07:49 PM
حمـآأإس ..
هذا عفر شفيق بيوصي ويلي عليييييه
ويمكن أن وداد بيعرس عليهـآ ريلهـآ <~ عجبتها الفكره
ومـآريـآأإ خبله ..
بـآأإرت روعه أموره
ننتظرك

لا تعليق
10-13-2009, 09:06 PM
في ذمتش اذا شفيق وياه فلونزا خنازير>> كفانا الله شرها
نور ياربي لو تدري ويدري اخوها كان تقوم القيامة >> ويش دراش يمكن يقدروا يسددوا المبلغ
ماريو من جد خبلة ماتدري انها تعذب الرجال بعفويتها
صادق احسه يعاني من مشكلة نفسية وشعور بالوحدة
فج علينا عبد الستار ..اتوقع هو اللي بياخذ ازدهار
جويل .. متشوقة اشوف وجها وهي مصدومة خخخ>> شريرة !!
ان شالله يجي اخوها ليها يساعدها
ساميو بصماته بتكون على الجوال

الصراحة اميرة هالجزء فاق تخميناتي ..
يعني الجزء الجاي شكله فنتكة زي اسلافه
تحياتي..
واصلي:icon30:

حلم لطيف
10-13-2009, 10:50 PM
طبعآ كتبت رد طويل عريض من الصبح

وكل الكلام طار من لما انطفأ الكمبيوتر وتأزمت نفسيتي خخخخخ

خلني أذكر اللي علقت عليه وشو

اتوقع حسن بيطلق ودادوووا العلة وبياخذ أزدهار

وعبدالإله واحد مفهي خالص ياحليله العاشق الولهان

وماريا ياختي عليها وعلى عفويتها مو بجراءة بذوق وأدب

وأمير أتوقع مع الأيام راح ينال الشهرة وتتحسن نفسيته ويمكن هو اللي يغير حال أهله لأحسن حال

وشفيق عور قلبي على سالفة أمه المسكينة عسى أبوه خناقة تخنقه ان شاءالله

بس هو لو يهون عن هالهلوسة الزايدة يصير خوووش رجال

والشباب ماشاءالله عليهم روح التعاون والأخوة قمة في الروعة اللي بينهم

الله لايغير عليهم

وحاليآ هذا اللي أذكره

ننتظر البارت الجديد على عجل وخروف خخخخخخخخخخخخخخخخ

أمل الظهور
10-14-2009, 02:36 AM
هههههههههههه اميروه يعني لازم تاكدي على معلومة طعم السمك دست

< مدري منو يبغى له دست



عور بقلبي شفيق مسكينه امه وهو منادي على مصطفى شكله بيفضفض له


لاتقولي بيموت وبيوصيه:weird:اتوقع شفيق بيفضفض وامه اللي بتفلظ انفاسها الاخيره


وعلى قلبي نور لايكون مايسددون وتاخذ رمزي :wacko:


وامير ماشاء الله عليه دوم ذوي الاحتياجات الخاصة مميزين بشيء


ربي يوفقك ويحقق اللي في بالك ودوم هيكه تكتبي قصص وروايات احلى واحلى

Princess
10-14-2009, 10:37 PM
مرحبا
مأجورين حبايبي بفقد منارة الهدى امام الجعفرية الصادق عليه السلام
:) ركزو وياي شوي عبدالستار ماله شغل في ماريا
ماريا وعبدالأله ..
:) تعاليق وتخامين ولا اروع ترقبو لتعرفو مدى صحتها..
على شان البارحه ما حطيت والليله الوفاه.. راح يكون التعويض خميس وجمعه بدلهم.....
الى ان التقي بكم..
تحية و دعاء ..
دمتم بخير
وبحفظ الرحمن

أموآج
10-15-2009, 06:07 AM
يعطيش العافية خيتوو

نور البدور
10-15-2009, 07:18 AM
البارت جنآأآإأآإأآإأآأإآأإآأإآن
وبأنتظار البقية بفارغ الصبر
تحياتوو
نور البدور

عاشقة الكتابة
10-15-2009, 09:05 PM
يلا أميرة لاتطولي علينا

بانتظار البارت التالي ...

وشكرااا

وردة {الغ ـيـرة
10-15-2009, 09:34 PM
وااااااااااااو ,)
البااارت روووووووووعة ,.
بنتظار التكملة ..
دمتِ بود

حلم لطيف
10-16-2009, 12:08 AM
ننتظرش

تأخرتي وااااااايد

أمل الظهور
10-16-2009, 03:16 AM
عايزين بارت


:rocket:


عايزين بارت

:rocket:


عايزين بارت

:rocket:

Princess
10-16-2009, 03:20 AM
مرررحبــــــا
هههههههههههه يمه يمه منش يا امول.. هذا ومافتحت الماسنجر ومنهمكه في الكتابه حدي .. مره دخت ماشوف الكي بورد الحين..
تسلمو ياحلوين عالأنتظار
ماعليه الليله جمعه وخبركم لويش اني قلت الخميس والجمعه مافيه
:p لأنهم اهلات الطلعات و البيت يتطلق في هاليومين
بس على شان تأخيري عليكم بيصير التعويض
وكل مره كذا اذا ما نزلت بارت في ايام الأسبوع تأكدوا التعويض بيكون خميس وجمعه..


تفضلوو الجديد

Princess
10-16-2009, 03:22 AM
وبين ما مصطفى قاعد مع اهله.. جت له ممرضه تطلب منه يروح لعند شفيق ضروري ...
راح مصطفى له .. لقى الدكتور مع ممرضات عنده..
الدكتور : ــ انت من اقاربه؟
مصطفى : ــ لا صديقه.. خير ان شالله
الدكتور : ــ بس نبغاك تكلم احد من قرايبه .. ما تدري عنه يتعالج عن شي ؟؟ او يعاني من شي ... باين شي غريب معانا في تحاليله..
مصطفى خاف : ــ ويش ؟؟
الدكتور : ــ ما نبغى نتعمق الا لما نعرف هل يتعالج هو عن أي شي .. هل هو فعلا مريض من قبل ؟؟؟ في هالحاله علاجه ما راح يكون عندنا في المسشفى.. اتمنى تكون فاهم علي وتكلم لي احد قرايبه الحين..
مصطفى يحس روحه مرتبك مو عارف ويش يسوي .. اخذ جوال شفيق .. فتح الأسماء واستغرب لقى بس اسم واحد.. كان كاتبنه : الوالد...
اتصل مصطفى عليه ....


ازدهار في غرفتها.. تحاول تنام بس مو جاينها نوم .. تفكر بموقفها اللي صار ليها عند وداد...
وتسب في روحها : ــ غبيه اني غبيه.. لو ماشلت عباتي احسن.. ويش بيقول الرجال بيفكرني متعمده.. وماخذه راحتي مره كأن البيت بيتي.. اففف..
وصارت تفكر : ــ وداد شكلها ظالمتنه واجد.. اذا دخلته وهو مروق ومبسوط و يمدح في ريحة الأكل وهو مايدري إن اني اللي في المطبخ عن حساب هي.. الله يهديش ياوداد وتحافظي عليه...

شوي الا جوالها يولع ويطفي في الظلمه.. كانت حاطتنه صامت عن حساب بتنام.. وكان المتصل وداد..
ازدهار حقرت تحس نفسها ماليها خلق تكلم احد..
وداد تسكر الجوال وهي محمقه في حسن:
ــ خلعت البنيه .. ما ترد علي ..
حسن : ــ شدعوه .. بعبع ... مافيني شي يخلع
وداد تطالعه على جنب بقهر: ــ ايه.. مو ويش حلاتك..
حسن : ــ عندش شك؟
ــ اهووو عني.. ياعلي كان ما زعلت ..
ــ ويش اللي يزعل.. انا ماكنت ادري .. وماكنت اقصد اخلعها.. ولا تعمدت اني افاجئها بهالطريقه... افا بس اذا بتزعل ماعندها سالفه.. تعتبرني واحد من اخوانها..
وداد : ــ اف .. بكره ارد اتصل واشوف...
حسن في باله : ــ الله جاب هالآدميه شوي موقفها غيّر هدرة هالحنانه على خواتي وولاد اختي...
طبعا وداد مواقفها طوال اليوم مانستهم بس تحاول تتناساهم لأن صدمة علاء بالنسبه ليها مو شويه..


في امريكا..
سام يعطي جون الفلوس ...
جون : ــ كعادتك.. كم انت رائع..
ويرمي عليه نصيبه منهم...
مارك يهمس لستيف : ــ اراهن انه يمتلك الكثير .. لا أدري ماذا يفعل بهم..؟؟
ستيف بأبتسامه : ــ لن تكف عن الحسد ابدا..
ــ وحتى الموت..
ــ يالك من لئيم...
ــ هو من يجبرني على ذلك...

جويل لما طول عليها سام .. شك الكاشير في السالفه فراح جنبها يصحيها...
فتحت بعد جهد جهيد وهي مابين النوم والصحوه...
ــ أنا وين..؟؟
الكاشير يبتسم ليها وبالأنجليزي: ــ هل انتي بخير ؟؟؟
ماشافها الا فزت على طولها و تطالع حواليها وتسأله:
ــ اين الرجال .. الذين .. كانو معي ؟؟
الكاشير تعجب من سؤالها:
ــ صديق زوجك رحل قبل ساعتين من الآن .. اما زوجك فقبل ساعه تقريبا .. ذهب للصيدليه
قاطعته جويل وهي مره مختلعه: ــ زوجي ..!!! صيدليه...!!!
التفت حواليها لقت شنطة الفلوس مختفيه و شنطتها مفتوحه..
صرخت : ــ سرقت.. لقد سرررررررقت
الكاشير يهدي فيها..: ــ ما الأمر .. كيف سرقتي .. لقد ترك هاتفه النقال لدي و نقودا اكثر من الفاتوره !!
ويروح يجيبهم لجويل اللي من شافتهم في ايده فهمت السالفه.. خذت الجوال تركض .. دقت على رقم سام.. لقته مقفل ... دقت على رقم يوكي .. لقته ايضا مقفل ... فهمت الموضوع نسبيا.. واغمى عليها من الصدمه..

في بيت ابو مجتبى...
في غرفة أحمد باقر نام مع امير و ايثار سوت مناحه تبغى تنام وياهم هي تحب امير وايد و تبغى دايما تقعد وياه...
فأخذوها ترضيه لين تنام بعدين تشيلها امها وياها..
.. صارت اماني مع نور

هدوء في غرفة احمد.. شوي يقطع الصمت سؤال من ايثار:
ــ عمي ... متى بتعرس؟؟
ضحك احمد : ــ بس يصير عندي فلوس وااااجد وبيت ...
ــ بتعرس على مين ؟؟؟
ــ الله العالم يا غناتي.... مايندرى وين نصيبنا...
باقر ينقلب الجهه الثانيه وهو منزعج من اسأله ايثار:
ــ وانتين ويش عليش .. اسكتي لا بنطلعش برى
ايثار : ــ مالك شغل اني اسأل عمي ..
ــ افففف منش هداااره
ايثار : ــ عمي انت نبغاك بعد ايام شويه تعرس .. اني باقول لك مين العروس....
أحمد بتساؤل وفيه ضحكه على بنت اخوه:
ــ منهي ..؟؟؟
ايثار وهي مره متفاعله : ــ خالتي مااااريااا
احمد صار يضحك عليها...
باقر : ــ على كيفش هو.؟؟؟
أحمد ماحب يسأل ايثار لويه قالت ماريا .. يخاف انها تبدي تخور و تصير فضيحه
ومع انه تجاهل السؤال الا ان ايثار صارت تكمل كلامها:
ــ خالتي حليوه .. بيضا وشعرها ناعم وطويل
أحمد بحرج يقاطعها : ــ عيب غناتي.. مايقولو كذا
ايثار بأستغراب : ــ والله ما اشدب .. لويه عيب؟؟؟
ماشافت ايثار الا باقر قايم ليها ويصرخ فيها :
ــ ما تستحي انتين باقول لخالتي اذا رجعنا... قومي روحي لأمش ... قووومي
احمد : ــ هدي حبيبي لا تصارخ في اختك..
ايثار ودمعتها في عيونها : ــ فيك جنون البقر .. لا تصارخ فيني... باروح لأمي مالت عليك..
باقر : ــ جنون في عينش يا ام لسااانين.. اطلعي برااا
ماشافو الا امير يضحك ويصفق..
ايثار بقهر : ـ حتى انت مستانس .. مااالت عليكم كلكم..
احمد : ــ افا .. حتى انا..
ايثار : ــ ايه لأنك ما تدافع عني..
احمد يسوي ليها بوسه من بعيد : ــ امواااه.. ياعمري اللي يزعلو.. نامي بس قموره نامي لا ماباعرس طول عمري
ايثار وبرطمها ممدود قدامها شبر : ــ زين باروح ويا امي..
وطلعت من الغرفه..
احمد : ــ شوي شوي على اختك .. لا تصارخ فيها على اقل شي حافظ عليها في غياب ابوك..
باقر : ــ ماتفهم هي وكل تهدر كذا .. تكبر وهي ماتفهم الصح من الغلط
ابتسم أحمد من كلام ولد اخوه : ــ الله يكملك بعقلك ويخليك ليها... مجتبى صغيرون..

ام مجتبى تتقلب على فراشها وتحاتي سالفة ابو رمزي .. لو صار ماصار ولا قدرت تدبر المبلغ ويش بيسوو؟؟
وكيف بتواجه بنتها بالسالفه.. !!
تتذكر كلام ابو رمزي ليها لما سكتت وبين عليها الأرتباك من شرطه الغريب:
ــ انتون اهلنا وقرايب .. واللحمه اذا ماحبتك رحمتك..
بمعنى ان رمزي بيكون شخصيه ثانيه غير مع قريبته....
صارت تفكر اذا مرت سنه وحسو نفسهم مابيقدرو ترجع تتنازل عن الشرط و يحاولو يغطو الزياده على المبلغ المدفوع..
شوي ترجع تفكر لو خلال هالسنتين جى نصيب بنتها ويش بيكون الوضع ...؟؟؟

افكار تروح وتجي في راسها وهي مره مقهوره من ابو مجتبى لويه متسلف هالكثر .. ومن عند ابو رمزي بالذات.. !!

Princess
10-16-2009, 03:23 AM
في اعمدة السرير مربوطه.. والألم ماكل جسمها من كل ناحيه.. كانت تصيح صياح يقطع القلب تقطيع...
تقرب منها شفيق .. وعمره بالكاد 7 سنوات.. وهي تناديه بأنكسار..
يسمعها تهمس بصوت متقطع : ــ عطشانه.. ابغى مااي...
يركض يلبي ليها طلبها...
يرجع يحاول يشربها وهي كلما جت تشرب الكاس يصير فيه دم... من الضرب الشديد على وجهها...

يقعد في حضنها ويصير يصيح مابيده حيله ...
تغفى عيونه وهو قاعد على ذاك الحضن اللي لا حول له ولا قوه..
يصحى .. يناجيها عل وعسى ترد عليه..
يلاقيها ... تركته ورحلت عنه الى الأبد.....

بالمستشفى..

وصل اللي اتصل فيه مصطفى عن حساب هو ابو شفيق...

كان رجال كبير في السن .. يبين عليه السماحه و الطيبه... مثل مايقولو.. سيماهم في وجوههم..
سلم على مصطفى و شكره على الأتصال .. ودخل يشوف حال شفيق ..
اللي كان متعرق بالمره و يون .. ويتقطع ما بين وناته ندائه لأمه...
مسك الرجال ايده وصار يضغط عليها ويمسح على راسه و مبين عليه التأثر شوي ويصيح وياه...
مصطفى يراقبهم من بعيد...
تركهم شوي راح يشوف امه لقاها نامت وابوه بيرجع البيت..
فقرر يظل شوي يتطمن على شفيق قبل لا يلحق ابوه...

وبعد ما تكلم الرجال مع الدكتور طلع لقى مصطفى على كراسي الأنتظار..
جلس جنبه وصار بحزن يتكلم:
ــ تعبناك ويانا ياولدي.. ماقصرت رحم الله والديك..
مصطفى : ــ ووالديك حجي .. شدعوه شفيق واحد من الأصحاب و ماسوينا شي .. عساه بخير الحين..
الرجال : ــ الله كريم... من زمان ماجت له هالحاله.. الله يعديها على خير
مصطفى سكت مو عارف ويش يقول ..
الرجال : ــ ما تدري بحالة شفيق ؟؟ ماقال ليكم ويش فيه؟؟
مصطفى : ــ لا .. تونا بالكاد متعرفين عليه...
الرجال .. : ــ من عرفتوه مالاحظت شي غريب منه؟
مصطفى : ــ انا مو ساكن وياه بنفس الشقه .. فلذلك ماعرفه عدل بس لفت نظري ان لما جيت اتصل عليك مالقيت الا اسمك في جواله.. ماله غيرك ؟!
تنهد الرجال من قلب : ــ آآآه ويلي عليه هالشفيق ... ما عمره احتك في احد من تركوه اهله..
مصطفى بتساؤل مبين على وجهه ...: ــ اهله؟؟ ليش حضرتك مين ؟؟...
الرجال : ــ لا يابوك.. انا جارهم ... قوم ياولدي برى احكي لك عن شفيق حق لو صار من طرفه أي تصرف غريب تعذروه.. .. الجو بالمستشفى يخنق ..

طلعو برى وصار الرجال يتكلم:
ــ انا اسمي مهدي آل ... جار اهل شفيق من سنين.... الله يسامحه ابو شفيق كان والعياذ بالله رجال مو زين.. مع ان كان وحيد امه و ابوه .. الا انه من تصرفاته الشينه مات ابوه بالجلطه و امه ما رحمها ارسلها دار العجزه بعد وفاة ابوه.. لين وافتها المنيه من القهر....
مصطفى بحزن : ــ انا لله...
مهدي يكمل:
كان مشهور في الفريق بالمجاهره بفسوقه.. فلذلك ماحد كان راضي يقبل فيه زوج لبنته ابدا..
لين ماشفناه في يوم الا جايب بنيه صغيره عمرها مايجي ساعتها 16 سنه وهو حزتها ابو 35 سنه... اللي عرفناه بعدين انها زوجته .. اخذها من ملجأ الأيتام....
مصطفى يبين على ملامحه الذهول ... وينتظر التكمله..
مهدي يكمل بهدوء....
كانت خوش مرأه.. طيبه وحنونه.. الله مارزقنا انا ومرتي بالذريه من سنين .. فصارت حسبة بنتنا.. نحبها و تزورها مرتي بين فتره وفتره تستفقد امورها.. كانت خايفه عليها من ابو شفيق لأنها داريه به مايرحم...
مرت السنين و مرتي تلاحظها كلما جى ليها تتغير حالتها الصحيه للأسوء .. كانت كتومه ما تشتكي من سوء معاملة ابو شفيق ليها ومسلمه امرها لله..
يمسح مهدي وجهه ويجمع هواء ويطلقه زفره قويه.. ويكمل..:
و في ليله من الليالي قريب الفجر .. جتنا البنيه تستغيث و تصيح صياح يقطع القلب .. كانت منحاشه من البيت .. وبعد ما هديناها عرفنا انه سهران مع جماعة سكرانين وكذا واحد منهم دخلو عليها ... ولما حاولت تستنجد به لقته هو اساسا اللي حدهم بعد ما استلم الثمن...
مصطفى فتح عيونه : ــ يــــــــــــــــالله... يــــــــــــــا ستااار
مهدي يكمل بقهر و ألم:
حاولنا نحميها وظلت ويانا هذيك الليله وحالتها مايعلم فيها الا الله.. كنا نصيح وياها من قلب ..
ما اصبح الصبح الا جاي حضرته و يحلف انه بيجيب لينا الشرطه ومالينا علاقه وما يحق لينا..
المسكينه سلمت امرها لله ورجعت له...

وبعد كم شهر .. وبين مامرتي في زياره ليها لفتت نظرها ان حالتها فعلا للأسوء .. الحت عليها تروح وياها الطبيب واكتشفت بعد هالزياره انها حامل ...

عدت الشهور بضيم و ألم.. كان ابوه يضربها ليل ونهار .. يبغاها تجهض اللي في بطنها..
مصطفى بذهول : ــ لوووويش بعد....!!
مهدي بحزن شديد : ــ الحيوان شاك انه مو ولده.. ويحلف عليها انه بيرميها بالشارع اذا خلفته.. و مصر انه مو ولده .. وهي تترجاه وتحلف له انها هربت ليلتها وما لمسها أي مخلوق غيره... بس ماكان يفيد...
سكت مهدي شوي..
مصطفى بهدوء : ــ وبعدين.!؟
ــ إيييييه... الله حمى هالجنين في بطنها رغم كل اللي تعرضت له.. ولما انولد كان يعاني من فقر دم شديد ..
شائت الرحمه الألهيه انه يعيش وحالته الصحيه مستقره .. وكبر شفيق و كبر مع أمه الألم والمعاناه..
كان يتعمد يعذبها قدامه.. ويضربه هو الآخر... تعذيبه هالرجال مو طبيعي.. كذا مره شفيق يهرب من البيت ويلجأ لينا يستنجدنا.. بلغنا عن هالمجرم الشرطه .. ابوه كان رافض يطلق امه .. فقررت امه انها تخلعه و تفتك من هالعذاب...
شاورت زوجتي .. ماعرفنا ويش نعطيها من راي .. خصوصا ان الناس صارت تتكلم فيها وفي شرفها و نسبها الغير معروف.. والكل صار يتكلم عن شفيق و اصله من ام مجهولة النسب و ابو فاسق .. عذاب مو طبيعي كلام الناس ذيك الفتره ونظرتهم و نبذهم ليها ولشفيق الطفل اشد قسوه من عذاب ابوه..
صارت محتاره لو خلعته وين تولي على عمرها... الملجأ ما بتقدر ترجع له بعد كل هالفتره ومعاها طفل .. ما بيقبلو به وهو مو يتيم ابوه وامه حيين وقادرين يرعوه... كان شفيق كل همها.. فعلى شانه بلعت الضيم وظلت مع ابوه... وطبعا زاد جرعة التعذيب جزاء لتفكيرها انها تخلعه ...

مصطفى : ــ ويش كان يسوي فيها !!!!
ــ قول ويش كان ما يسوي ..!! وصلت فيه ما يأكلها ولا يشربها.. يربطها في السرير. وهي جالسه.. تظل باليومين وتنام وهي على هالوضع وشفيق المسكين ماله حيله الا انه يقعد في حضنها ...
مره زارتها مرتي و زوجها المجنون ماكان موجود.. كان ابدا مايخاف عليها ويترك الأبواب مفتوحه بلا اقفال .. وهي اللي يربطها بحديد واقفال في هالسرير وكأنها من الحيوانات..
فطرت قلبي مرتي لما رجعت لي في يوم وهي تصيح وتشتكي من هالظالم لما شافت شفيق نايم من جلوس في حضن امه وحالتهم لله...
ماكننا نتجرأ نفك الحديد لا يرفع علينا قضيه بما انا في بيته بدون اذنه.. وحنا على باب الله مالينا في المصايب...

يسكت شوي و يكمل بنبره متضايقه ومخنوقه

Princess
10-16-2009, 03:24 AM
وفي يوم مشؤوم... ودعت امه الدنيا.. جانا وهو يصيح يقول امه نايمه من امس ما قعدت ولا كلمته.. طفل على نياته.. ولما رحنا نستفقد الموضوع لقيناها ميته...
وابوه اختفى بعدها ,, ومادرينا به وين راح.. حي هو والا ميت؟؟
اخذنا شفيق .. وتعاهدنا انا ومرتي نربيه بما ان الله حرمنا من هالنعمه اللي ما قدرها هالظالم..
والمسكين كل هالأحداث الأليمه عاشها وهو يفهم.. ويذكرها بالتفصيل..
صارت تلازمه كوابيس.. كان انطوائي و دايما يعزل روحه.. عجزنا نحاول فيه يكون اجتماعي اكثر ... تعود على العذاب اللي عيشه في ابوه طيله 7 سنوات.. تعود ياكل الأكل المتعفن ومايضره.. تعود ينام وهو جالس ومسند جسمه للجدار.. كل هالأشياء وغيرها كانت تذكره بأمه ... ماقدرنا نغيرها .. لين الله بلاه بأكتئاب شديد ووسواس قهري.... ويتعالج منه بمضادات وادويه ...
انسلت دمعه من عيون حجي مهدي.. وهو يتأمل وجه مصطفى المتفاعل وعيونه الغرقانه دموع..
وتنهد من قلب : ــ اييييه.. مانزل الا لأنه بياخذ ادويته...... الله يهديه توقعته لما نساهم انه يشتريهم من الرياض بس شكله طول هالسنين ماحفظ الوصفه وويش اسامي الأدويه !!
مصطفى ما تحمل ... صار يحاول يمسح دموعه..
ــ الله كريم.. يقومه بالسلامه وماعليه شر ان شالله..
وفي باله : ــ يالله شقد الواحد اذا شاف مصايب الناس تهون عليه مصيبته .. الحمدلله على كل حال...


حجي مهدي : ــ مشكور ياولدي مره فانيه ما قصرت .. دوشنا راسك بالسالفه.. بس ماقلت لك الا لأن شكلك طيب واجودي وولد حلال .. وحق تفهم شفيق لو صار منه أي شي و ما تخافو منه ومن تصرفاته... الله العالم انه طيب وحساس و شاطر في دراسته.. انا وافقت اخليه يروح الرياض حق يغير جو ويطلع ويتعرف على الناس.. ويكون علاقات... حسبي الله على من وصله لهالمواصيل..
ابتسم مصطفى : ــ تطمن حجي .. شفيق ويانا ماعليه أي شر ان شالله
ــ عساك سالم.. ربي يجعل لك في كل خطوه خير ورزق ..


ودع مصطفى حجي مهدي .. متوجه لبيته و في قلبه اسى على حال شفيق ..
وبين ماهو في الطريق .. جى له مسج .. فتحه لقاه من عند يوسف ..
ــ هلا خيوو.. اخباركم ..؟ وصلتو بالسلامه؟ واخبار اهلك و شفيق .. عساكم بخير


يوسف كان منسدح على سريره .. ومراد اخذ سرير شفيق مؤقتا..
مراد عنده لاب توب وجايب معاه موبايلي كونكت.. وشابك انترنت و مبسط في الشات دق سوالف و خذ وهات..
صادق يحاول ينام ومتنرفز من صوت طقطقة الاب توب..
ــ اففففففففف ما ننام حنا يعني
مراد ببرود : ــ بكره الخميس مايضر .. ماوراك دوام
صادق : ــ ايه ويش عليك من قاصر .. تنام طول نهارك انت .. الكلام للي يقعدو من صباحة الله خير..
مراد وفي بوزه علك ويطقطق فيه: ــ قوم ارشح وجهك..
صادق عصب ..: ــ لا تعليق ...
حمل منامه ومخدته وبطانيته وطلع الصاله
يوسف بهدوء يكلم مراد: ــ عاد اخوك كان انت دام مابتنام شبكت هالنت في الصاله لين تنعس مو حلوه يطلع هو بمنامه للصاله
مراد : ــ والله ماحد جبره .. هههههههههههههههه غربلها الله هالخبله اشك والله انه رجال .. تعال تعال ابو يعقوب شوف هالبنيه العربجيه .. كلامها يفطس ضحك.. ماصدق فيه بنات كذا
يوسف كشر حواجبه : ــ الله يكون بالعون.. ابانام انا..
الا مصطفى يتصل ...
رد عليه يوسف ..
مصطفى بصوت متألم : ــ هلا يوسف
يوسف حس عليه : ــ هلا مصطفى وصلتو ان شالله بالسلامه..اخبارك واخبار الأهل
مصطفى و بتعب باين : ــ الحمدلله بخير
ــ .. خير ان شالله .. ويش فيه صوتك؟؟
مصطفى : ــ شفيق .. شفيق مسكين سالفته سالفه..
يوسف يقعد من بعد ماكان منسدح: ــ ويش فيه؟؟
مصطفى مامداه بيتكلم.. الا .. طوط طوط طوط
يوسف يطالع في جواله.. ومستغرب : ــ ويش صااار!!!
ويدق على مصطفى ..
ان الهاتف المطلوب لا يمكن الأتصال به الآن..
يوسف : ــ الله يستر.. ما يندرى ويش صار.. ان شالله البطاريه تكون فضت مو شي ثاني..
مصطفى يطالع في جواله .: ــ افففففففف هذا وقته..
دخل البيت لقى ابوه ينتظره...
قعد ويا ابوه وكان الحزن مبين عليه...
مصطفى : ــ يبا؟؟ انت مخبي عني شي؟؟ ويش فيها امي؟؟؟
ابو مصطفى : ــ لا ياولدي.. مافيها الا العافيه ان شالله.. بس التعب زايد عليها هالمره والضغط مو راحمنها..
ــ عاد امي لويش ما تنتبه لروحها ؟؟
ــ انت ادرى بها.. المهم ياولدي اسمح لي ولو انك واحشني بس باقوم انام تعبان من الصبح ويا امك في المستشفى
مصطفى : ــ ريح يبا.. نوم العوافي .. انا بعد باقوم اريح جسمي متكسر من قعدة الباص نتلاقي الصباح .. تصبح على خير


دخل مصطفى غرفته... وكان حاط فيها صورة دانه على التسريحه..
قعد وركب في جواله الشاحن بيكلم يوسف ...
صار يتأمل في ملامح دانه البريئه.. ويتذكرها وهي تقول له والحزن باين عليها بعد ما خلص فلم كرتون كانت تتابعه :
ــ ماتت امه اهئ .. مسكين اهئ اهئ.. لويه تموت ما تعيش وياه...!!
مصطفى وهو يحاول يهديها : ــ مسكين ... غناتي لا تصيحي...كلنا بنموت في يوم من الأيام......
ــ ... لويه الناس تموت؟؟
ــ ما احد يعيش على طول الله يخلقه و يحدد له عمر وبس يخلص عمره يموت ويدفنوه واذا هو واحد زين و يحب الله وما يغضبه بيروح الجنه.. بس اذا يسوي اشياء مو زينه الله يحرقه بالنار...
ــ اذا كبرت وصرت زينه وتالي متت باروح الجنه؟
ــ بتروحي ياعمري بعد عمر طويل .. بس صيري بنيه حليوه و طاوعي البابا والماما وحبي اخوش مصطفى وطاوعيه وبتروحي الجنه..
ــ الله .. وباشوفك هناك انت والماما والبابا..
ــ ايه ان شالله ..
ــ وباشوف امه اللي ماتت...
مصطفى يضحك عليها: ــ اذا هي وحده زينه بتشوفيها..


بأبتسامه مليانه أسى .. : ــ ايه .. في الجنه رحمه ياالغاليه.. ما انتظرتي لين تكبري .. افتكيتي من هالدنيا و مصايبها..
ويتذكر شفيق و حكايته...
الا بيوسف يتصل عليه..
رد مصطفى : ــ هلا يوسف...


وصار يسولف وياه تقريبا ربع ساعه..
مراد يأشر على يوسف : ــ اسأله اذا عنده انترنت يشبك اوفر ليكم .. اخذ ايميله وخذ لاب توبي انا بانام...


يوسف سأل مصطفى... و اتفقو يكملو سالفة شفيق على الماسنجر...
سكر يوسف ورسل لمصطفى ايميله..
مراد عطى يوسف لاب توبه.. و انسدح بينام...
يوسف شبك مع مصطفى ... كان مصطفى حاط صورة اخته في الماسنجر
يوسف : ــ ايه كمل .. عورت قلبي على هالشفيق ... وبعدين..!!
صار مصطفى يكمل الحكايه الى شفيق ...




الفجر ..تلفون بيت ابو مجتبى يرن .. ولا احد يجيب الأتصال.. مره ومرتين وثلاث ..
ابدا الكل نايم ولا يسمع....


في امريكا .. بالمستشفى..
جويل فتحت عيونها.. لقت محقق من الشرطه جالس ينتظرها متى تصحى...
وبدأ فتح معاها التحقيق باللي صار بعد مابلغ الكاشير تبع المطعم عن الحادثه..
جويل وهي ماهي قادره تستوعب اللي صار ليها ولا حتى تصدقه.. صارت تحكي السالفه..
المحقق : ــ إذن لم تكوني على علم بأن هذه الماركه كانت لشخص منذ وقت ليس بقليل وتعرض لخسارة فادحه لهبوط اسهم البورصه فأغلق المحل و قرر بيعه ..
جويل : ــ لا .. كنت اظنها للسيد سام.. و يوكي هو من اتصلت به لأجل اتمام البيع .. رقمه هو الذي كان مدونا في لوحه على باب المحل..
المحقق : ــ سحقا. كيف لك ان تثقين بهم هكذا. لقد وضعوا لوحة مؤقته ليخدعوك بها.. ان المحل تعرض للبيع منذ سنه تقريبا والى الآن مالكه لم يبدأ مشروعه فيه نظرا لكونه مسافرا بالخارج..
جويل تحس نفسها ماهي في الدنيا : ــ وماذا بعد ذلك؟
المحقق : ــ حاولنا ان نأخذ بصمات من أي شيء قد يدلنا على الفاعلين الا انه كان محنكا ذلك الخبيث .. عندما سلمهم هاتفك النقال والنقود لفت نظر الكاشير بعد ان استجوبناه وطلبنا منه التذكر جيدا انه سلمهم اياه بمناديل ظلت في يده اثناء خروجه..لم يتسائل الكاشير حينها عن سبب ذلك اعتقادا منه ان يديه رطبتين والمناديل لتجفيفهما لئلا يضرر الهاتف بالرطوبه..


جويل : ــ إذن؟
ــ لا شيء حتى الآن.. سنبقى نراقب الوضع الا ان يظهر أي شيء يدلنا عليه.. حاولي فقط ان تتذكري ملامحه لنا ..
صارت جويل توصفه وهي متوتره وتصيح صياح...
والمحقق يكتب الأوصاف على شان رجعته للمركز يبحث عنها بين قائمة المجرمين و يراويها عل وعسى يكون واحد منهم...







يوسف عورت بقلبه سالفة شفيق بالمره .. صار يطالع في سريره اللي تعود يلقاه عليه نايم من جلوس ...
ــ الله يعينه هالشفيق .. ظلمناه واجد.. وهو ويش قد عانى .. وحالته ماكان يعلم بها الا رب العالمين.. يقوم بالسلامه ان شالله..


يوسف انتبه لصورة مصطفى .. وحب يغير هالسالفه المحزنه.. فحط له سمايل اللي يبحلس :
ــ مين هالحلوه... ؟؟
مصطفى : ــ اختي ..
يوسف : ــ مو باينه ملامحها ... في الصوره عدل شكلها تشبه بنت اختي
ورجع حط سمايل اللي يبحلس وكتب لمصطفى :
ــ ممكن ترسلها لي صورتها بااشوفها عدل..
مصطفى رسلها له...
يوسف : ــ تسلم اخوك .. شكلها حبابه وقموره زي اخوها.. الله يحفظها
مصطفى حط ابتسامه : ــ يرحمها و يحسن اليها
يوسف نبض قلبه بالقوه . كان بغير سالفة شفيق المحزنه مادرى انه بيدخل في سالفه ثانيه أليمه.... حط رمز الخجول : ــ آسف اخوك ماكنت ادري .. الله يجعلها رحمه و نور واحسان لوالديك...
ــ ماقصرت يالغالي...
وصلت الصوره... و ودع كل واحد منهم الثاني
وقبل لا يقوم يوسف فتح مجلد الصور بيشوف صورة دانه الصغيرونه
الا يلاقي في مجلد الصور ..
الى الملتقى..

MOONY
10-16-2009, 04:15 AM
إبداع أموره
يعطيش العافيه هالبارت يعور القلب :sad2: بس من جد تسلسل الأحداث تشد
ننتظر التكمله على أحر من الجمر
سلامي لكِ:amuse:

أمل الظهور
10-16-2009, 04:24 AM
يوووووووووووووووووووووووووووووووووه


تعور قلبي بهالفجريه على ام شفيق تذكرت موقف ربعه وهو ياكل الخبز المعفن مدري البريد :sad2:


وهم متحمقين عليه :embarrest:


خخخ طلعت ايثار مو هينه شكله بيحطها في باله عدل مدل


بس ياويلها من خالتها بتذبحها اذا وصل باقر الكلام


وازدهار اووووووه بدء القلب يدق شكله



وهاليوسف بدل مايكحلها عماها ربي يهداه


ها ويش شاف في مجلد الصور لايكون حاجه توطي الراس

ووووووووبسسسسسسسس تقريبا


بارت بقدر مايعور القلب الا انه يفرح القلب بابداعاتك :embarrest:

*زهرة البنفسج*
10-16-2009, 05:08 AM
صيحتينا امورة بهللبارت ..>>دموع اربع اربع واني اكتب

::

مسكين هللشفيق عور بقلبي الله يعينه

::

وش شاف يوسف بمجلد الصور اكيد بلاوي

ننتظر الباقي على احر من الجمر

تسلم ايدك غاليتي

my angel
10-16-2009, 07:56 AM
السلاآأآأم عليكم ..:bigsmile:
هلااا خيوووتي اميره ..:amuse:
بصراحه صار اليي مده اقرأ رواياتش وكانت مرره تشدني بس من ورا الكواليس:rolleyes:
بس بهذه الروايه وهذه الأحداث مااقدرت امنع نفسي اكثر :embarrest:
ماشاء الله عليش كاتبه بااااهره اللهم صلي على محمد وآل محمد:icon30:
تجسدي المواقف وتشوقينا عدل للأحداث ..:seif:
هذه الروايه احس مرررره عجبتني وااجد كل شخص من الاشخاص صار اليه مكانه في عقلي:kaseh:
والاحداث اليوم مررره تعور بالقلب مسكين شفيق والله انه مايستاهل الله يشفيه:closedeyes:
وحتى مصطفى موت اخته وهي صغيره يعور القلب ويقطعه :sad2:
وكل الشباب يجننوا وضحك وياهم:clap:
وكاظم وشبقاته ويا ولد عمه دكرني بشبقاتي ويا بنت خالتي :nosweat:
ومراد للحين امبى اعرف وش سالفته ووش في المجلد:wondering:
وهذه جويل والله تستاهل مسويه نفسها عدله :deh:
وووو بس ان شااء الله اقدر كل مره ارد عليش :in_love:
بس عااااااااد لاتطولي اكتبي واااجد الينا ترى تعذيب اسمه :walla:
يلااا وااصلي للأمام :wink:
يعطيش ربي العافيه
سي يو ..ْ~}
:amuse:

أموله
10-16-2009, 08:48 AM
http://www.al3assi.com/foto/msn/smiles-groups/1/4/37.gif http://www.al3assi.com/foto/msn/smiles-groups/1/4/37.gif



يـآويليً عليكَـ يآشفيقوهـٍَ مسسسكينَ


طلعت ورآهـآ قصصَ!!


ويييعَ اصلآَ الشقهَ بدونه مـِـآفيهَ لوعة شبدً
http://www.al3assi.com/foto/msn/smiles-groups/1/4/29.gif


ان موتيً شفيق يـآآميروهًٍـ يآآآآآآآآآويلكًـ ان ص ـآًر بهً شي


http://www.al3assi.com/foto/msn/smiles-groups/1/4/1.gif


اآيثـآرووً مسكينه على نيــآآآآتهـًـًآ ضحكتني هههههً
وعـآد آخوهـًآ بآقرً مسوي فيهًـآ هو العـًآقل >> عصبهـًآhttp://www.al3assi.com/foto/msn/smiles-groups/1/1/14.gif



http://www.al3assi.com/foto/msn/smiles-groups/1/3/8.gifhttp://www.al3assi.com/foto/msn/smiles-groups/1/3/8.gif


ويليَ عليكً يبو صطيفً ،،


كسـر خ ـِآطري زيآدةً الهمَ همييينً !!


وآلله شقة نوري وشلته مـآتسوى اللحينً !!


وخيرته بيعرسً وبيجيب دآنهَ


http://www.al3assi.com/foto/msn/smiles-groups/1/2/10.gif


انلعب على جويلوووه ام الخلاجين


تستـآهل هووع


وانـآ عندي شككك كبيرررر


انه سام اخو يوسسسف المفقووود
http://www.al3assi.com/foto/msn/smiles-groups/1/3/34.gif

اتوقع انه ورآ مرآد كوآليس زيي شفيق





"" اميره ""


جزء روعه بجد يجنن
http://www.al3assi.com/foto/msn/smiles-groups/1/3/28.gif


آبدآع × آبدآع يسلمووو غلآتووو


مااننحرم من هيك ابدآآع


موفقه نشآلله


دمتي بخير


http://www.al3assi.com/foto/msn/smiles-groups/1/4/36.gif

أموآج
10-16-2009, 09:22 AM
يعطيش العافية خيتوو

عور قلبي هالشفيق

من البداية حسيت انه وراه شئ مو طبيعي

الله يشافيه ويعافيه يارب

بس بجد بجد عور قلبي هالمسكين :(

الفراش الفاطمي
10-16-2009, 11:44 AM
يسلمو خيتو اموره ع البارت الروووووووعه
تعليــــــــــــــــــــق
شفيق توقعت قصته اليمه
عور قلبي مسكين مايستاهل
ويوسف اكيد بيشووف في الاب توب
صور بنات ولا شي كذا
ومصطفى اكيـــد بيتزوج وبيجيب دانه
وهذا سام متى بيهون عن فعايله ؟؟
وبـــــــــــــــــــس
بانتظار البارت القادم على احر من الجمر
تحياتيـ ..

سفيرة الاحلام
10-16-2009, 12:05 PM
البااررت رووعه

وشفيق قصته تكسر بالخااطررر ظلمنهاا:closedeyes: الله ينتقم من الاعمل به كذاا

بس ان شاء الله الشبااب يسااعدوه

ومرااد شكله ورراه بلوووه جديده

وايثاار ياغنااتي الطفووله فيها

تسلمي اموورره على البارت

نتظررك على احر من جمر

أحبك ياغلا عمري
10-16-2009, 12:18 PM
مشكورو خيتو
ننتظر الجديد

Habit Roman
10-16-2009, 01:09 PM
آئهي آئهي آئهي

عوري قلبي شفوق مسكين صارت عنده مناعة من الاكل المتعفن ... الله يغربل ابليس ابوه ان شاء الله مات بس مو يطلع لينا في الاجزاء القادمة الله يقوم شفيق بالسلامة

وجويل تستاهل الخبلة ماحد قاليها تثق في سام هالائد خاخاخاخاخاخا
وأحمد خوفتي يحط ماريا في راسة وعبد إلاله يتازم بعدين
امور شكلك تحطي البارت اخر الليل ههه امس انتظرتك غلى الساعة 11 ماشفتك حطيتي
بانتظارك يالغلا

تحياتي

طفلة تحت المطر
10-16-2009, 01:20 PM
يآآعلي شفيق عور بقلبي صرآآحه الله يسآآعده

^^

الله يستر وش بيشوف يوسف في لاب توب مراد .. لآآيكون صور ممثلآآت ومغنيآآت أجنبيآت ولآآ يمكن صور البنات إللي يكلمهم .. الله أعلم

^^

ننتظر البارت القادم

دانهـ العشآق
10-16-2009, 01:48 PM
ياجبدي هو شفيق شفيقان شفقفق~>طيحت الميانه ويآه

جويل عورت قلبي كمانتوه مسكينه بس محد قال ليها تسوي نفسها أم العريف .. عندي شك أنها ماراح تلاقي سام وفي النهايه بيتوب وراح يسلم نفسه ^^ ~>أخترعت نهايه ع كيفهااا الأخت

وإيثار شكلها بتصير مرسال الغرام خطابه من صغرهااا بلاوي هالبنت والله يكون في عون العاشق الولهان اذا صارت ماريا من نصيب حمود ..~

ومصطفى أحسه أجودي وخوش رياااال ..~

ويوسف شاف بلاوي عند مراد أتوقع والله أعلم صورة بنت تقرب ليوسف أو من البلد ما أتوقع صوره من النت تصدم يوسف هالقد .. أو أن صوره فيهااا بلاوي ..~

يعطيك العآفيه غلآتو ع الطرح

لاهنتي

دمت بإبدآآآع

///

حلم لطيف
10-16-2009, 05:26 PM
رووووعة البارت

بس اتمنيت يكون أطول من هيك

يالله الجايات حسن من الرايحات صح

ننتظر البقية المتبقية

موفقة لكل خير

عطر الكون
10-16-2009, 06:35 PM
ياحرآآآم شفيق والله مايستاهل
اما يوسف بيشوف في الملف اصور البنات الي يكلمهم مرآد ووووو....بس
ننتظر البارت!!

نور البدور
10-16-2009, 10:55 PM
ياربي حال شفيق بالحييييييييل يحزن
مع اني ماتوقعت حالته هيك ابد توقعت شي ثاني
ومراد اتوقع الكل بينصدم وبيطلع شي ثاني
هههههههههههههههههههههههههههههههههههه
با انتظار جديدك ياقمر ^_^

دمعة على السطور
10-17-2009, 12:47 AM
اللهم صل وسلم على محمد وآل محمد وعجل فرجهم وفرجنا بهم ياكريم...



ياعلي شفيق سالفته تقطع القلب.....



ومصطفى طلع أصيل وولد نااس ماشاء الله عليه...



أما جويل هذي عااد خلها تقول (ياريت اللي جرى ماكان) وياليل مطولك لحد ماتتعب :toung:...صراحة هي طيبة وعورت قلبي


بس فيها كذب من البداية (كأني اذكر إنها كذبت أول ماتعرفت على سام وعلى هالماركات وهالسوالف)



وهذي آخرته....




وهالساام وين بيروح من الله....غريب هالانسان ..........فقد ذاكرته وضميره مرة وحدة ........!!



أكيد له سالفة طووويلة ولما فقد الذاكرة أولاد الحرام تلقوه بأحضانهم القذرة ...


ومالقى غيرهم يوقف معاه وبالغربة ينصره....!!


بس حتى لو هذا مايبرر جرمته...!! >:huh:أحد قال لك صيري مُحامي وارفعي قضية عليه..:toung:




يوسف قلبه طيب وكبير.....


شكله شاف صور اللهم ياكافييي في ملف مرااد...والله يستر ..




أميرة حبوبة :) تسلم الأيادي ويسلم التفكير يااارب...


هنا ننتظر الجديد المُشوق...



دعائي ارفقه بقلبكِ عزيزتي...


موفقة ومقضية حوائجكِ بحق محمد وآله الطاهرين


دمتي بعين المولى الجليل

Princess
10-17-2009, 01:35 AM
مرحبا حبايب
ويسلم لي الهي هالتعاليق الحلوه من احلى متابعات..
الهي لا يحرمني منكم و يبلغكم كل مراد..
تفضلوو الجديد.. وعذرا عالتأخير وقصر البارتات..
دوامة الدراسه بدت ويانا
والنوم الخربان بعدنا نعاني منه :nosweat:
واللي يكتب غير اللي يقرأ... :med:
تفضلو..

Princess
10-17-2009, 01:36 AM
وقبل لا يقوم يوسف فتح مجلد الصور بيشوف صورة دانه الصغيرونه
الا يلاقي في مجلد الصور .. صور خليعه مخله بالآداب..
يوسف فتح عيونه مذهول.. سكر المجلد بالسرعه وقلبه يراقع... وفي باله:
ــ ويش لي افتح هالمجلد... !!
طفى الاب توب خير شر .. و انسدح بينام.. مو قادر ... يفكر باللي شافه..
بحال مراد .. ما توقع منه هالشي بعد ..!!
صار محتار هل يكلمه ويبين له انه شاف شي ؟؟؟
والا يسكت عن الموضوع ويسوي روحه ماكأنه شاف..!!
مستغرب من ثقة مراد لما عطاه جهازه بدون ما يشك انه ممكن يفتح مجلداته ولو من باب الفضول... !!

مصطفى يحاول ينام مو قادر .. التفكير في امه وفي شفيق اللي عورت قلبه سالفته ذابحينه...
رجع شغل كمبيوتره وصار يدور في قوقل عن الأكتئاب و الوسواس القهري وكيفية التعامل معاهم...

في الشقه اللي تحت ..
هاني يسأل نوري : ــ نمت؟
نوري بصوت مليان تعب : ــ مممممم..
ــ مصطفى مافينا خير ماواحد منا دق و سأله عن اهله.. تتوقع ايمن ومحسن اتصلو؟
ــ اذا انا وانت اقرب شي له وما اتصلنا .. تبغى ايمن و محسن يتصلو؟
ــ تتوقعه نايم لو قاعد..؟؟
ــ عطيه مسد كول وبتعرف... مخك مصدي ..
دق هاني رنه وفصل ...
جوال مصطفى كان صامت و على سريره فما درى عنه...
هاني : ــ شكله نايم...
سكت شوي ورجع سئل:
ــ ويش رايك في الشباب فوق .. حركات مو ؟؟
نوري ومره تعبان : ــ ايه حليوين ... خوش ناس
هاني : ــ مين عجبك اكثر شي ..
نوري : ــ كل واحد فيه ميزه.. بس احس روحي ويا حبوب اكثر
هاني : ــ هههههه مو لأنه اول واحد احتكيت فيه.. بداية تعارفكم فلعه
نوري : ــ خخخخ وجهك.. حتى السيد حليو .. حتى كاظم خفيف دم..
هاني: ــ مراد احسه شخصيه كاشخه و راعي شيمه .. مالاحظته قايم بنا قومه كان.
نوري : ــ هذا شفيق بعد حسيته مو طبيعي
هااني : ــ استغفر الله باين عليه شكله مريض ...
نوري ينقلب الجهه الثانيه : ــ ويش عليك من الرجال تقعد تركز فيه ومافيه
هاني : ــ والله احلاهم كلهم يوسف تحسه بريء حده.. زي مصطفى بس مصطفى على خجل ...
نوري : ــ خخخ إلا داك ابو نظاره ويش اسمه ؟؟
هاني : ــ أُووو .. اما دا عاد ... نسخة كربون لأيمن بس على طبع ثاني..
ــ ههههههههه لو يسمعك ايمنوو داس بطنك..
هاني : ــ شدعوه سابنه.. خخخخ ولو اني مابلعته انا. احسه شايف حاله على الطل.. ومن جماعة الياي ... صادق اسمه اتوقع.. ايه صادق.....
سكتو شوي ..
هاني : ــ سمعت عن سالفة اللي طلقها ريلها بعد 3 شهور بس
نوري مره يحس روحه مو في الدنيا: ــ ويش بعد !!
ــ الله يسلمك يقولو هي طلباتها واجد وهو على قد حاله .. و يقولو بعد انها قوية عيون يادافع البلا يا كافي الشر و انها ..
نوري بدى يشخر
هاني بإستياء : ــ نام.. صاقعه ما يمديه الواحد يسولف ..

التحقيقات لا زالت مستمره في قضية جويل و سام .. خصوصا انها لما راحت وسألت بالفندق عن نزيل بهالأسم. ميشيل باراك...!!
اكدوا ليها ان ما في واحد لا من قبل ولا في الوقت الحالي نزل في الفندق بهالأسم...
وبعد اتصالات و تحقيقات وصل ليهم ان فعلا فيه ماركه بأسم m&b في فرنسا ومالكها ميشيل باراك.. وبعد البحث جلبو صوره له وكان رجال كبير في السن... وتأكدوا من هويته وانه صاحب شركه توها صغيره في بدايه مشوارها والماركه لسا ما انتشرت بشكل عالمي..

المحقق : ــ انتحال شخصيه .. تزوير .. احتيال وسرقه.. مجموعة قضايا في قضية واحده...
جويل مهي قادره ابدا تمسك اعصابها وتحس نفسها بتنفجر:
ــ وماذا سنفعل الآن؟..
المحقق :
ــ على مايبدو لي فهذه الجريمه رقم 10 تقريبا خلال 3 شهور .. المشتبه الوحيد فيها جون .. رئيس عصابه احتيال .. لم نتمكن من القبض عليه رغم اننا توصلنا لأكثر من دليل ادانه ضده.. ذاك اللعين له اكثر من مقر و له طرقه الخاصه في التخفي ..

وفعلا كان ظن المحقق في محله وتوصلو الى مواصفات يوكي حسب ما ذكرته جويل..
وكان مجرم سابق .. طلعو صورته وصورة ستيف و مارك و العديد من افراد العصابه و رئيسهم جون. .. ماعدا سام ماكان موجود بينهم.... والقضايا المتهمين فيها كم قضيه ثابته عليهم التهمه ويستحقو العقاب وكل واحد فيهم اشطر من الثاني في التمويه..

حي على الصلاه.. حي على خير العمل ...
فتح ابو مجتبى عيونه:
ــ لا اله الا الله...
ظل يطالع في السقف لفتره .. صار يحاول يوقف على رجوله.. يحس نفسه مو قادر يحركها الم شديد ويحسها يابسه...
ام مجتبى فتحت عيونها وقامت ..
ابو مجتبى : ــ تعالي يا مَرَه.. رجولي مانى قادر احركها..
ــ خير .. اللهم اجعله خير...
انتبهت ام مجتبى لرجل ابو مجتبى اليمين.. لقتها بنفسجيه نوعا ما..
ــ ابو مجتبى تعورك رجولك اليمين بزياده.؟!؟
ابو مجتبى بأستغراب...: ــ ويش دراش ... شمعنى هي.. أي والله يابسه وما احس بها بزياده... خصوصا القاع ..
ام مجتبى خافت.. قربت منها .. :
ــ لويه ما لفيتها بشاش حالها حال ساقك..؟؟
ــ لويه بعد الف قاع رجول بشاش... بالذات وصاخه ينقلب لونه من ابيض الى طفو..
ــ الله يهديك اكو الجرح شكله تلوث .. عليك فعايل مادري ويش اقول عنها..
ــ امسكيني الحين باقوم اتمسح وعن الهدره..
مسكت ام مجتبى ابو مجتبى .. تكأ عليها و طلعت وياه بتوصله للحمام.. الا احمد فاتح باب غرفته:
ــ خير ويش فيه ابوي...؟؟
ابو مجتبى : ــ مافيني شي .. مافيني الا العافيه.. تعال بس خذني عن امك..
واتكأ على ولده.. وبهمس :
ــ مادري ويش بنسوي بدونك ياولدي .. عساك موفق بجاه السميع العليم
ودخل الحمام...
احمد : ــ اماه ويش صاير في ابوي ؟؟ ويش فيه ماهو قادر يمشي ؟
علمت ام مجبتى ولدها بالسالفه..
احمد انفعل : ــ الله يلعن دي فلوس اللي وصلته لهالمواصيل .. العصر لازم يروح المستشفى...
نور قعدت وهي تحك شعرها : ــ ويش فيكم
ام مجتبى صارت تطالع في بتها .. و الأسى ذابحنها.. حالة ابو مجتبى باين عليها كلما جى ليها للأسوء ،، احمد بيسافر امريكا.. هالشهر والله العالم ويش يخبي ليهم القدر بعدين..

انتبه احمد لنور غرفته يولع ويطفي بالسرعه.. ابتسم : ــ امير قعد من النوم .. نفسي يوم اقوم اصلي الاقيه لسا نايم وكأنه يفهم الأذان ويقوم له..
ام مجتبى تنهدت بأبتسامه حزينه : ــ لا اله الا الله ...
شوي صار امير يصرخ .. ويسمعو باقر يتأوه بصوت عالي :
ــ آآآآآآه ويش صااااير؟؟؟
احمد راح يركض لقى امير قاعد فوق باقر مخمد على انفاسه ويسطر فيه..
احمد يباعد امير و يهديه...
ماشاف الا امير قام ويحوم يحوم في الغرفه .. لين لقى السجاده ورماها على باقر
احمد فتح عيونه : ــ ياعلي .. ياعلي ياعلي... باقر .. فهمت ..!!
باقر وهو مره ميت من الخلعه و التعب .. بعده فيه النوم. ويحك عيونه...
ــ ويشووو !!!!
احمد طلع الصاله لأمه واخته وكانت اماني توها قاعده...
ابو مجتبى فتح باب الحمام على هدرة احمد بصوت عالي..
ــ تخيلووو.. امير يقعد باقر للصلاه ههههههههههه بطريقته الخاصه.. مانى مصدق ...
نور : ــ يوووووو.. هو متعود عليك كل تقوم وانت بس لحالك وياه في الغرفه هالمره باقر وماقام... ههههههههههههه ياعلي اميرووووو..
والكل صار يصلي على محمد وآل محمد.. ويصفقو له..
امير مبتسم.. شوي بين عليه انه انزعج من الضجيج اللي صاير...
<< مرضى التوحد يزعجهم الأصوات المتداخله والعاليه والضجيج .. فيحاولو يهربو ويعزلو روحهم بمجرد الأحساس بهالأشياء..

تركهم و قعد على سريره و هو ساكت...
احمد في باله : ــ يالله ياخوي .. والله راح ادرس بجد وبس ارجع من امريكا باهتم في دراستك و علاجك .. مافيك شي انت..

Princess
10-17-2009, 01:37 AM
فتح يوسف عيونه للصلاه....
يحس نفسه ماكأنه نام...
التفت لمراد ... وصار يفكر ...
وقف على راسه : ــ مراد.. مراد..
مراد فتح عيونه وكأنه مختلع : ــ هاه
يوسف : ــ بسم الله.. خلعتك؟؟؟؟ اذن اخوك..
ــ زين الحين باقوم....
يوسف طلع من الغرفه وفي باله : ــ الحين باقوم كل يوم يقول كذا... مايندرى ويش فيه مختلع..
صادق كان يصلي .. والسيد في الحمام..
راح يوسف المطبخ لقى حبيب يشرب ماي من شافه :
ــ ابوو يعقووووووب
يوسف : ــ هلا.. ويش صاير؟؟؟
حبيب : ــ اخوك تعرف لتفسير الأحلام؟؟؟
ـــ لا ويش عرفني .. ليش ويش حلمان..
حبيب يكب بقايا الماي اللي في الكاس في كف ايده ويمسح وجهه:
ــ حلم.. أي حلم.. قول كابوس اغبر اقشر..
ــ خير اللهم اجعله خير؟؟
ــ حلمت اني فوق هالعماره واقف زين.. فوق السطح يعني . ومعاي مراد. و كأن في السماء قمرين انا مذهول اقول لمراد .. طالع السما فيها قمرين ... من وين جى القمر الفاني .. ومراد يقول لي اعمي انت السما مافيها ولا قمر ...
اقول له انت الأعمي عيونك ويش فيها ... الا يتلفت لي .. عيووونه يطلع منها نار.. تشب تخوووف ماكنها عيونه .. ومصر انه مايشوف ,, الله يستر يا انا مجنون وخارق فوق العاده يا مراد فيه شي ..
يوسف انقبض قلبه.... وحس نفسه عرف التفسير... ابتسم وضرب كتف حبيب :
ــ اضغاث احلام اخوك.. تعوذ من بليس ..
طلع يوسف من المطبخ الا يتفاجأ بمراد واقف على باب الحمام ينتظر السيد يطلع..
يوسف ابتسم وفي باله : ــ صلوات على محمد.. ويش صاير اليوم !!
حبيب طلع ومن شاف مراد شهق شهقه داخليه : ــ كح صباح الخير
مراد وشكله تعبان: ــ صباح النور
و راح حبيب غرفتهم بيصلي..

يوسف ..: ــ خير اخوك .. ويش فيك؟
مراد : ــ لا بس .. شايف كابوس..
يوسف ومبين على وجهه التساؤل
مراد يضحك على روحه بسخريه:
ــ خخخخخ قطوه سودا تلاحقني من وداي لوادي ... اشوى انك قعدتني كنت مره مخنوق..
يوسف : ــ اعوذ بالله ..

حبيب يقعد كاظم بالطريقه المعتاده.. ضرب في الصفريه..
صادق في الصاله وتوه مخلص صلاته : ــ ويش هالأزعاج...!!
حبيب يطلع من الغرفه: ــ ههههههههه البارحه سهرانين لأن فما نام من وقت.. و اذا سهر مايقعد الا بهالطريقه
صادق : ــ حشا.. مو صاحي
كاظم ورى حبيب وبصوت عجيب : ــ مين اللي مووو صااااحي ...
حبيب التفت وراه : ــ بسم الله الرحمن ... توك مسدوح مسرع ماقمت..
كاظم وهو يتمغط : ــ افادي في كت كات..
حبيب : ــ بل كت كات الحين.. شيه حلمان...؟؟!!
مراد طلع من الحمام و صلى والكل مستغرب .. من التغير المفاجئ اول مره من جاهم يقعد للصلاه في وقتها ... هذا اذا صلاها بعد...!!

السيد في الغرفه بعد ما فرغو من الصلاه اللمبات مطفيه بس الوقت مضحضح والفجر منور الغرفه شوي :
ــ ويش فيه مراد اليوم. لاحظتوه...؟؟؟. عساه دوم ان شالله
حبيب : ــ اثر حلمتي عفر..
السيد : ــ ليش ويش حلمان؟؟
حبيب حكى للسيد الحلمه..
السيد : ــ نار ومن عيونه؟ ياكافي الشر !!
حبيب : ــ مادري مابغى اظلم الرجال .. بس لويه في عيونه النار ولويه مايشوف .. ؟؟؟ شكله يطالع شي مو زين استغفر الله مايندرى
السيد ظل ساكت.. وشوي تنهد : ــ الله يهديه..
ماشافو الا كاظم واقف وقوف على سريره
حبيب شهق : ــ بسم الله على عمري ويش صاااير ..
كاظم يولع اللمبات.. ويفتح كبته ياخذ محفظته ..
ــ شباب تبغو شي ؟؟
السيد : ــ وين طالع هالحزه الساعه توها 4 ونص الفجر ؟؟
كاظم : ــ مانى قادر... افادي في كت كات بالقوه..
حبيب : ــ بفففف خخخخخخخ اما صدق انك متوحم.. مين اللي فاتح لك هالحزه!!
ماشاف حبيب الا مخده تصفقه من ناحية كاظم :
ــ قلل الله حياك ياقليل المستحى.. بقالة ميد قريبه وفاتحين.24 ساعه
حبيب : ــ اف اف صار كاظم يعرف يسب بالعربي ههههههههههه
كاظم وهو مكشر في وجه حبيب : ــ بُــرْيا << شايب او العجوز..
حبيب : ــ اه اه اه... مامدااااني سيدوه شفته.. سبني بالهندي مره فااانيه... هيه انت يالبتشه الكبير ..<< حبيب فهم كلمة كاظم لأن كذا مره يقولها له ,, بتشه = طفل ..

كاظم صار يضحك عليه وطلع عنه.. الا صادق قاعد برى الصاله يقرأ في كتاب..
كاظم ولا كأنه يشوفه .. وفي باله : ــ حشا دودة كتب اللهم ياكافي الشر...
صادق : ــ وين رايح؟؟
كاظم يكمل طريقه للباب ويطلع ..
صادق حس بالأحراج وفي باله : ــ لمتى وهو يتجاهلني .. تعبت منه..



سام قاعد يتمشى وكان الوقت اول الليل .. يحس بصداع شديد في راسه.. ويتذكر الأحداث اللي صارت له خلال هالأسبوع خصوصا موقفه مع قيصر والأشياء اللي يحسها مشتركه ما بينهم..
يحس بالحنين لقيصر مع انه ماقعد وياه فتره طويله.. بس وده يشوفه مره ثانيه ويسمع سوالفه...
وبين ماهو يمشي ورجوله لا شعوريا تحركه لوين مايدري.. حس ان فيه احد يلحقه ويراقب تحركاته..
التفت وراه مالقى شي غريب ناس كثيره تمشي حالها من حاله...
يحس روحه مو متطمن..
ركب تاكسي و طلب منه يوصله للحي العربي اللي يسكن فيه قيصر... قرر يرجع يشوفه مو قادر يهرب منه ....
التاكسي وصله لأطراف الحي و اعتذر منه مابيقدر يدخل لداخل لأن الحي قديم و ضيق و يخاف عالتاكسي ...
نزل سام و دخل زرنوق من الزرانيق يبغى يتذكر وين موقع عيادة قيصر بالضبط..
كان الزرنوق هادئ ومافيه احد يمشي ...
جته حكه في ظهره رفع ايده بيحك ظهره الا تجيه ضربه بسكين تخترق ذراعه
صرخ سام صرخه وطاح على الأرض ...
التفت لقى واحد متلثم .. انتبه لعيونه... عيونه مرت عليه مهي غريبه..
قام وهو يتعثر يبغى يمسكه الا انه فلت منه..
الضربه كانت قويه بالمره والسكين حاده مزقت ذراعه عدل...
صار يمشي وهو مره مو قادر .. والنزف كلما زاد ,, زاده تعب شوي ماحس روحه الا طايح مغمى عليه قدام واحد من العمارات السكنيه...


شفيق في المستشفى يشد على لحاف السرير بأيده و اسنانه تحتك في بعضها و يطلع منها صوت صرير مربك ..جو له الممرضات يهدو فيه وهو يتنفس بسرعه...
ويسألوه ويش فيه .. وهو ابدا التعرق يزيد و حالته صعبه...
اتصلو في مستشفى الأمل وفي حجي مهدي وقررو يرسلوه لهناك خصوصا ان حالته نفسيه ولا علاج ليها عندهم.... حجي مهدي خاف على شفيق خصوصا انه يدري بحالته واللي فيه من تأخير العلاج .. فأخذه على ضمانته وياه البيت وماوداه مستشفى الأمل..

Princess
10-17-2009, 01:38 AM
شفيق في صالة بيت حجي مهدي. بعد ما شرب مضاداته وادويته....
حجي مهدي:
ــ جوعان ابوي .. ويش ودك تفطر ...؟؟
شفيق وهو شابح بعيونه : ــ وحشتني خالتي نفسي آكل شكشوكتها..
مرت مهدي توفت من سنتين..
كان شفيق يسميها خاله.. على عكس حجي مهدي اللي كان يعتبره ابوه..
كان رافض تكون امه .. فأمه هي امه اللي جابته.. واللي فقدها و فقد حنانها ومستحيل ينساها.. على عكس ابوه اللي عوضه ولقاه في حجي مهدي..
حجي مهدي تنهد : ــ إييييه .. رحمة الله عليها الغاليه.. من تركتنا دي سنتين كأنها تركتنا من دهر.. وانت السنه بالجامعه...الوحده صعبه يابوك.. صعبه
سكت شوي .. ضرب فخوذه بكفينه ووقف وبأبتسامه :
ــ اسوي لك الحين شكشوكه ولا يهمك ..
شفيق يبتسم ابتسامه بارده... و عيونه تخفي تفاصيل حزن مو طبيعي..


مهدي وهو يحمص الطماط : ــ ايه ياولدي سولف لي اخبارك في الشقه واخبار الشباب وياك.. ما شالله على صديقك مصطفى البارحه قام وياي قومه و قعد شوي زين حواليك.. الهيأه انهم خوش شباب..
ابتسم شفيق : ــ الحمدلله.. ان شالله انا اللي اكون تمام وياهم.. والا هم حليوين..
ــ تعرفت على احد منهم؟
شفيق : ــ يعني.. بس صاير اقرب شي واحد وياي في نفس الغرفه..
ــ ويش اسمه..؟؟
ــ يوسف محمد آل ....
ــ شمعنى هو يعني << قالها وهو مبتسم ابتسامه عريضه .. اشوى عند شفيق احد يتعبره مقرب
شفيق : ــ مادري .. بس هو الوحيد من الجماعه اللي احسه ما يتنرفز من تصرفاتي على عكسهم كلهم يببينو لي يا بالكلام او ملامح وجههم تفضحهم.. هو مره عفوي وحباب و يراعي مشاعر الآخرين..
ــ حلو.. زين ومصطفى ؟
ــ مصطفى توني اتعرف عليه امس .. جيراننا وكانو معزومين عندنا على الغداء
ــ اهااا.. والله اللي يشوف وقفته وياك البارحه يقول تعرفه من زمان..الله يحفظه لأهله..



باب عيادة قيصر يطق ...
قيصر فزع من نومه وطالع الساعه.:
ــ خير اللهم اجعله خير...
متعود هالوقت ممكن يصادف احد يجي حالة طوارئ ..
فتح الباب لقى واحد من سكان الحي بالتحديد العماره اللي طاح قدامها سام... وكان يشتغل في مطعم... دخل بالسرعه وهو حامل سام على ظهره ويحطه على السرير وهو يشاهق :
ــ لقيته مرمي على باب العماره رجعتي من المطعم ...
قيصر من شافه فتح عيونه وهو مذهول :
ــ سامي !!
الرجال وهو يشاهق من التعب : ــ تعرفه !!؟؟
قيصر : ــ بعدين احچي لك هالسا لازم اسعفه..
مسك قيصر ذراع سام وهو مره منفعل :
ــ اشفيه هذا... هاي حالته حاله ياربي سترك..
وصار يحاول يوقف النزيف ... ويعالج الأصابه...


مارك يدخل على ستيف وهو مره ينافخ..
ستيف : ــ ما الأمر ...؟؟
مارك : ــ لا شيء .. كلب مسعور كان يلحق بي ..
ــ هههههههه لعل رائحتك اغرته..
ــ احمق ..
ــ كم انك فظ لا تتحمل المزاح ابدا.. منذ ان اتى سام الى هنا وانت لا تطاق.. لم تعد مارك الذي نعرفه...
ــ افففففففففف من الأفضل ان لا تمزح معي..
ــ حسنا .. على الأرجح ليس من الممتع فعل ذلك معك..
وبنبره يبغى يقهر فيها مارك: ــ اين سااام ذلك المرح خفيف الظل...
مارك بقهر وفي نفسه : ــ فليذهب للجحيم ..


احمد يلم اغراضه ويستعد للرحيل ظهر هالجمعه.. قرر يمشي للمطار لأن دورته بتبدي على طول يوم السبت...
ام مجتبى وفي عيونها دمعه : ــ مامدانا نتهنى برجعتك.. انتبه لروحك ابوي .. و الله الله بالصلاه
ــ لا توصي حريص .. وانتين اماه انتبهي لروحش و للكل
نور : ــ تروح وترجع بالسلامه
احمد : ــ ماودش بشي من هناك خيه..؟؟
ــ سلامتك رجعتك لينا بأسرع وقت هذا اللي ودي فيه..
احمد يمسح على راس امير : ــ حبيبي .. امير.. لا تأذي البابا والماما.. و ابغى ارجع واشوفك رسمت رسمات واجد زين..
امير متضايق ويون بصوت عالي ..
شال احمد ايده من على راس امير .. الا يتفاجأ بأمير يرجع يسحبها ويحطها على راسه..


ابتسم احمد ومسح شوي .. وشالها ..
امير يرجع يسحبها ويحطها و يحركها تمسح وهو يون بطريقه تعور القلب..
احمد ارتبك و حس روحه متوتر و كسر قلبه امير بهالتصرف
ام مجتبى ماقدرت .. انسلت دمعتها..
ابو مجتبى يحاول يغير الجو : ــ يللا ياولدي لا تتأخر على الطياره.. و انتبه لروحك
ــ ان شالله يبا... انت بعد انتبه لروحك و خل امي ونور يروحو وياك المستشفى.. رجولك لا تهملمها .. انا لو ماهلين على رحلتي للمغرب شان وديتك بنفسي وتطمنت..
ابو مجتبى يضرب رجوله : ــ هاااا لا تخاااف تطمن مافيها الا العافيه .. خوب الفجر صابها بس تشنج شوي الظاهر نامت عليها امك طول الليل .. << وهو بداخله يتألم منها بشكل مو طبيعي..
صارو يضحكو على كلام ابو مجتبى...
شوي حسو على اماني انها تصيح ...
تذكرت اخوها ناجي وموقفهم وياه لما ودعوه للدراسه في امريكا.. وبصوت متقطع:
ــ ترجع بالسلامه ياخوي ..<< تسمي احمد اخوها ..
احمد حس عليها .. وعرف لويش تصيح ابتسم وبهدوء:
ــ الله يسلمش خيه.. لا تخافي علي .. كلها شهر وراجع ليكم.. انتبهي للجهال .. و سلمي على ابو باقر اذا اتصل..
باقر : ــ عمي صور لينا بجوالك كل محل تروحه هناك .. ابغى اشوف امريكاا
احمد يمصع خد باقر : ــ ان شالله ولا يهمك... الا وين ايثار؟؟
اماني : ــ يؤ .. وين هي..
ولا راحت ليها الا في في الغرفه حاضنه راسها مابين ركبها وقاعده تصيح..
احمد دخل ورى اماني : ــ ويش فيش غناتي؟
ايثار : ــ حق ويه بتسافر وبتخلينا..؟؟ مامداك ترجع..
ــ ابرجع لا تخافي بس شهر وبرجع
ايثار وبعفويه: ــ متأكد بترجع...؟؟


اماني جتها غبنه.. تذكرت مزحتها مع اخوها ناجي قبل لا يسافر وهي تقول له:
ــ متأكد بترجع.. اخاف تنسى عمرك هناك وخلاص تتطبع بأطباعهم و تعوفنا
ناجي يضحك عليها : ــ مين المجنون اللي يترك اصله..
اماني : ــ جيب ايدك...
وتربط فيها خيط اخضر .. كانت مخيطه اطرافه بعنايه وصاير مره مرتب وحليو..
ناجي بأبتسامه عريضه : ــ بعدش محتفظه بالخلقه ..
اماني : ــ الله يبلغني الوصول مره ثانيه هذي من سفرتنا الأخيره مع المرحومين.. .. بقى منها شوي سلام الله على ابا عبدالله.. عين الله تحرسك وتحميك ياخوي...




سام يفتح عيونه وكان الوقت منتصف الليل ...
يتأمل المكان.. يحسه مألوف ..
يحس ذراعه متخدره.. رفعها لقاها ملفوفه بشاش لف محكم..
قعد قعود .. وبعد مااستوعب هو وين..
التفت لقى قيصر سادح راسه على مكتبه ونايم..
سامصار يتأمله وفي عيونه دموع
حرك رجوله بيروح الحمام حس بدوخه فجأه و ضربت ايده الطاوله اللي كانت قريبه من السرير وطيح علبه معدنيه كان فيها اغراض طبيه مقص وشاش و معقمات و خيوط طبيه وغيره..
انشدخت عالأرض وتنفرت..
فزع قيصر ووقف على طوله : ــ ياااايُمه ..
سام ماقدر على شكل قيصر و طريقته في الخلعه فصار يضحك..
قيصر من شاف سام وهو واقف راح له مو مبتسم شبرين وفارد الذراعين
وياخذه بالأحضان:
ــ الحمدلله انك صحيت. الحمدلله اعلى سلامتك.... لوين رايح هالسا..؟؟؟ جان ناوي تهرب بمردغك بالقاع ..
سام يضحك : ــ لا باروح الحمام.. وينه الله يكرمك..


وبعد ماطلع من الحمام .. قيصر يعتب عليه:
ــ شدعوه يامعود.. تطلع بذاك الليل هيچ تخليني اقلق عليك.. وشنو اللي صابك البارح .. من شنو ذراعك مضروبه..؟؟
جلس سام يحكي لقيصر سالفة المجهول اللي ضربه...

Princess
10-17-2009, 01:39 AM
حبيب وكاظم والسيد.. سوو قرعه مابين صادق ويوسف ومراد مين فيهم اللي راح يكون عليه الطباخ في هاليوم ومين السبت ومين الأحد وعلى هالأساس بيكملو هم من بعدهم...
فطلع من حظ مراد انه الجمعه الطباخ عليه..
مراد فتح عيونه .:
ــ انا ويش عرفني .. اباجيب ليكم من برى..
السيد : ــ والله براحتك .. المهم غدانا اليوم عليك..
حبيب : ــ اكل البيت ترى اوفر بواجد وحنا الله يسلمك نقنع بأي شي ...
مراد : ــ زين.. مكرونه باسوي ليكم.. ويش ؟
كاظم : ــ أي شي .. كل شي ناكله..
مراد : ــ مادري اسهل شي عفر احسه...


قيصر : ــ انت لازم تبلغ الشرطه عنه
سام ارتبك : ــ شرطه.. لا .. ما يحتاج...
ــ ليش يابه.. انت هيچ تسكت عن حقك وتشجعه .. اهو اذا ماخاب ظني ناوي يذبحك بس الله سلمك و صابت اذراعك بس ..
سام : ــ لالا.. خلاص انا بخير الحين..
ــ ولك سام شنو مخبي ... شنو ؟؟ طايح ببلشه وما ودك تحچي ؟؟
سام سكت..
قيصر : ــ طيب براحتك .. آني وقت ما بغيت تحچي مستعد اسمعك.. واساعدك لو چنت اقدر
وفي باله .. ــ والله انك سكوتي ومخبي في قلبك حچايات


مراد في المطبخ يعفس ...
وهم كل شوي يطلو عليه وهو يطردهم يبغى يحوس لحاله.. ويقول ليهم :
ــ مو قلتوووو تاكلوو أي شي ...


حبيب برى الصاله ينادي مراد :
ــ مراااد.. سمعنا عندك لاب توب .. ما تسلفنا اياه الساعه بـ 10 ريال ..نشبك عنترنت شويه
مراد يضحك في المطبخ : ــ هههههههه عنتر .. اما عنتر كثر منها...
وجهك بـ 10.. اخذه اكو في الغرفه .. يفداك الجهاز وراعيه
حبيب شلق بوزه ابتسامه : ــ والله كلك ذووق تسلم..
حبيب راح الغرفه مااشافه ...
ــ مراد ما شفته في الغرفه..
ــ اسأل يوسف عنه البارحه كان عنده..
يوسف : ــ هاا.. ايه صح .. دقيقه..الحين باجيبه..
وراح يركض الغرفه ... بلا شعور وبلا حواس..
فتح الاب توب وشغله وعلى ما يشتغل ..
حبيب : ــ حشا.. تشه وين داعسنه
يوسف : ــ ادور الشاحن لحظه دعسته تحت السرير << يكذب ..
حبيب : ــ ويش اللي يخليك تدعسه .. زين يللا انتظرك..
وبس تحمل الوندوز على طول فتح يوسف مجلد الصور .. وهو مكشر حواجبه.. حددهم كلهم و حذف ...
سكر الجهاز وطلع به لحبيب ... وعطاه وياه وهو شاحب و قلبه يراقع..
حبيب : ــ حشا .. ويش فيك اخوك.. لهالدرجه فقيل..؟؟
ــ لا.. بس يالله طلعت الشاحن من تحت السرير..
ــ يعطيك العافيه....


وبعد ساعه ...
الى الملتقى..

*زهرة البنفسج*
10-17-2009, 02:42 AM
تسلمي يالغلا امورة عللبارت والله انكِ تسلينا ابه

::

مره حركتات .. ام مراد لاب توبه بلاوي شكله فيه لو باللمطبخ حرق المكرونه شكله

ننتظر البقيه

موفقينـ

دمعة على السطور
10-17-2009, 04:14 AM
اللهم صل وسلم على محمد وآل محمد وعجل فرجهم وفرجنا بهم ياكريم....


يوسف ...صراحة شهم بأخلاقه...



سام صابته حوبة جويل إذا ليها حوبة هههه ....


ياعلي لكن الأحلام طلعت مفسرة عدل سبحان الله...


بس القمرين بالنسبة لحبيب وش هم ياترى ...!! ....ممكن لهم ارتباط بأهل البيت سلام الله عليهم ..!! ولابأعمال هو سواهاا...!! لو يمكن اصحابه أو أخلاقه الحسنه........!!


بس النار من عيون مراد مفسرة بقوة....


واللي هو حلمها القطوة يمكن وحدة من البنات اللي ماتخاف الله .....




تسلم الأيادي يالغالية..........بوجدي الكثير........لاتتسع له الأوراق .....


دمتي رائعة مُتألقة.....دمتي بعين الاله وعناية محمد وآله الطاهرين


موفقة لكل خير إن شاء الله تعالى....


دعائي لايكل.....

نور البدور
10-17-2009, 08:39 AM
والله طلعت مراد وراه بلاوي حمرااا
بس الظاهر وراهـ سالفة مثل شفيق
اعتقد ان امه وابوة مطلقين وبينهم مشاكل او انهم مايتواجدو باليت
اما المكرونه الي بيعملها مراد شكلها تحفة من حلاوتها
مابيقدروا ياكلوها ولا بتحترق .. ولا كاظم بجي من البقالة بقول لهم شي
ماخليت شي .. خخخخ
تسلمي امووره على البارت
وبأنتظار القادم
تحياتوو
نور البدور

أمل الظهور
10-17-2009, 08:45 AM
صبااااااحووو


اكيد سام اللي ضربه مارك يبي ينتقم منه


يمكن تصير صدفه واحمد يلتقي بسام ويتعرف عليه :bigsmile:


لايكون بعد مصيره مثله :wacko:ويختفي :sad2:


خفت من الاحلام مابنام الا اذا جى عبود :evil:موتي القطاوه


القطو يمكن وراه سرر وهي سالفه مراد والنار واضحه


بس حبيب قمرين اممممم يمكن بنتين يحتار يختار مين فيهم <لابتتسطر رسمي خخخ



شكل شباب الشقة كل يوم بيدعو على مراد يحلم بقطو علشان يصلي :wink:



بيتفنن في الغدااا و يوسف تعمد يحذف الصور منها يخفيهم عن حبيب ومنها علشان يوصل


رساله لمراد انه شافهم اممممم يمكن تكون هدايته على اياديهم


وننتظر روائعك يالغلا

Habit Roman
10-17-2009, 12:48 PM
هاآآآآآآآآآآآآآي أمورتنا الحلو

أما البارت بيجنن بيأخذ العقل تسلم الايادي الي خطتها

ولك شو هيدا شباب الشقة ذبحوني من الضحك لو زرجي موجود كان يقول شوبها المجنونة عم تضحك

أتوقع أحمد بيتلقى مع سام وبترجع الذاكرة لناجي

وغذا مراد أكيد توحفهههههههه يابزيد الملح أو شكله جنان

وأكيد إلي ضرب سام هو مارك الخبيث محد غيروه من طريقة دخلتو بينعرف

وتسلمين حبيبتي على هيك روأية

تحياتي

طفلة تحت المطر
10-17-2009, 02:05 PM
يسلموو أميره ع البارت


**


يمكن أحمد يشوف سآآم " نآآجي " لم يروح امريكآآ ان شاء الله يشوفه

بس أني أمبى أعرف مارك ليش حآآقد على سآآم ؟!

والله مآآ توقعت هالشي من مراد ان شاء الله دوم يقعد يصلي من هالكابوس إللي شآآفه

بس صرآآحه خوفني حلم حبيب

**

ننتظرش

الفراش الفاطمي
10-17-2009, 02:09 PM
وااااااااااااااااو اموره بارت روعه
تعليـــــــــــــــــق
يمكن سام يتعرف على احمد وبيرجعه لاهله
امم يمكن مراد خاف من الحلم ويبغى يصلي عشانه
يوسف تصرفه صح انه حذف الصور من الاب توب
وشفيق شوفي له حل حراااااااام يعور القلب
وهذا هانيووه بالع خمس مسجلات ولا يخلي الناس تنام
وبـــــــــــــــــــــــــس
تحياتيـ ..

حلم لطيف
10-17-2009, 03:55 PM
روووووووووووووووعة

مع ان مارتفع ضغطنا اليوم من وداد

منخشة عن هالبارت عن الدعاوي عليها عفر ههههههههههه

أما أبو مجتبى اما طلع وياه السكر وقصوا رجوله ياساتر

وهو ساكت عنها مافيها شي ومافيها شي

شفيق حالته تقطع القلب حاولت أصيح بس الدمعة مو راضية تطيح ههههههههه

حجي مهدي الله يطول في عمره ويجزاه ربي خير على اللي يسويه لهاليتيم

ومصطفى العسل الله يعطيه على قد نياته الدبدوب أبو عبدالله هههههههههههههههه

وحبيب ياعيني عليه ياعيني رجل ولا كل الرجال يعرف ينرفز بطريقة مو مباشرة

أما صادق ودي أشق هالكتب اللي يبحلق فيهم وأحرق قلبه ههههههههه

وكاظم مره خفيف دم وكذلك يوسف

ومراد أتوقع انه بيعقل وبيتوب عن حركات المراهقة هذي

وأحس أنه وراه شي ويقطع القلب بعد

كأنه محروم من العاطفة ويحاول أنه يعطي ومايحرم أحد

مثل ماهو محروم صحيح انه الفلوس ماتريح البال ولا النفس

يلا يلا ننتظر البارت الجديد بسرعة

يعطيش العافية

موفقة

أموله
10-17-2009, 04:25 PM
^.*
جزء رآئع

يسمنوووو

عطر الكون
10-17-2009, 06:58 PM
اممم اتوقع انوو احمد بيشوف سام وبيعرفه
وسام بيقول الى قصير قصته وقصير بساعده في حلها
ومراد والله مايندرى بس شكله القطوه السوده هي اعماله والقمرين يمكن انوو مراد ماشاف القمر الثاني
من اعماله السوده
وبسسس..
يسلموو حبيبتي على البارت روووووووعهـ
ننتظر البارت الجاي

دانهـ العشآق
10-17-2009, 10:25 PM
هع بصرااااحه بصراااحه أني تحفه ..~

قرأت البارت وماطاوعني قلبي أقوم عنه وتأخرت ع السواق هييييـ"ـع ..~

المهم قلت رجعتي من الدوام برد عليك أموووره لكن أحس الكل نفس توقعاتي ..~

أهمها أن حمود بيلتقي مع نجوي وبيرجعه لأهله لو بيختفي وياه~>بومه

ومراااااد ننتظر مكروووونته الله يهديك بس خوش ريال بس لو تتوب !!

جويل خليها تفقد الأمل أحسن ليها إذا تاب سام بيرجع ليها فلوسها ~>أخخخ بس ودي أوصل لها عشآن أنصحها ~~>فاعلة خير ..~

بس الشباب ماليهم حق المفروض يتصلو لشيخ يفسر ليهم الحلمه~>مجنونه تسويها تتصل للشيخ تسأله عن حلمة الريال ..~

وأبو مجتبى الله يسترررر ..~

وودادووه وش صار عليها صحيح مافي حد يتشابق في هالبارت~>ضرب سكاكين لكن شبقات وداد لها طعم آخر ..~

وبث ننتظر الجديد ع أحر من الجمر ..~

لاهنتي غلآتووو ..~

كل الود ..~

لا تعليق
10-17-2009, 10:41 PM
أفـاااا .. أفـاااا .. أفـااا.. أفا أفا أفا أفا أفا أفا أفا أفا أفا
مرادوووو ولعنة ّّ!!
فشلتنا !!
ما تعقلك اللا لطراقات لكن..الله ينتقم من سبب ضياعك:sad2:
عجبتنا في الايام الاخيرة .. والحين ..
لكن .. احس انهم بيظلموه
يمكن مو هو اللي حاطهم
يمكن صاحبه رفيق سوء ورسلهم اله .. وهو مايدري عنهم
ويمكن اللابتوب مو اله اساساً
ويمكن يوسفو مايعرف للكمبيوتر
ويمكن ويمكن .. لكن مهما كان اللي بصير فهو من مصلحة مراد.
السنورة السودة حسب تفسيري الخاص ( شـــــر ) يلاحق مراد .. وان شالله يوزر سيف يطردها
ان شا الله بس مايشوف حبيب والجماعة حاجة مني مناك في اللابتوب.. والله الساتر اذا طلع يوسف حطهم في سلة المهملات << شه خبل هو ؟>> يمكن من العجلة وش دراش !!:huh:
في حاجة وحدة محيرتني .. ليش حبيب هو اللي حلم .. مو يوسف ولا اي احد ثاني ؟؟ :noworry:

اميييييييييرو عاجبني رساااام الله يحفظه و يسهل عليهم
يتراوالي لما مايسددوا .. نور ما بتعترض
وبتضحي:no:
..
يتراوالي احمد مابيعرف ناجي على طول اقصد سام
لانه يمكن تغير واجد
..
ويتراوالي في يوم من الايام ايثاروووه بتسأل ماريا
" تحبي عمي أحمد؟؟":wink:ههههههههههههه

وكالعادة تسلم يدينش ويعطيش ربي العافية
موفقة لكل خير
مع السلامة :amuse:

أمل الظهور
10-18-2009, 09:34 PM
ويين البااااااااارت اميرووووووووووه ها :wacko:


لازم اهزأك في المسن علشان تنزلي:wacko:


بس معذوره غناتي وراك كليه وجبر وكسر


على اقل من مهلك ياالغلا<صايره طيبه وايد

أحبك ياغلا عمري
10-18-2009, 09:46 PM
يسلمو اختي
ننتظر الجزء الجديد

دانهـ العشآق
10-18-2009, 11:37 PM
نريد بارتاً .. نريد بارتاً .. نريد بارتاً

..

:clap::clap:

بالتوفيق حبيبتنا أموووره :embarrest:

..

بس تكفي نبي بارت~>قلبت نحيسه:toung:

الفراش الفاطمي
10-18-2009, 11:46 PM
يلا بانتظار البارت اموره مو تتاخري
تحياتيـ ..

عطر الكون
10-19-2009, 02:55 PM
وين البارت اميره

دموع الوحدة
10-19-2009, 03:52 PM
خلاص قررت
:(
بقرا البارتات كلها وبقعد اتابع وياش
تعبت من كثر ما ادخل واشوف خلصت لو بعدها
بس
اموووووووور
مو تلعبي بنا ولا تحطي اجزاء
ترى عندي ثانوية عامة
اذا ماقدمت زين
بقول منش هاااااااع
عاد شوفي لش
حل
خلاص يوم الخميس ان شاء الله سهرانة عليها
فقط تسجيل حضور
سأعود
موفقة
ومثل باقي الاعضاء
ننتظر البارت الجديد لووووووول

لا تعليق
10-19-2009, 07:18 PM
يللا يللا ..:atkal:

أمل الظهور
10-19-2009, 07:40 PM
ياليل ياابو لمبه :wacko:


<<ردد ياليل مااطولك :wacko:

دانهـ العشآق
10-19-2009, 11:44 PM
ترن ترن ~>الساعات تدق وأحنا ننتظر ..

معذووووره ياقلبي عذرتك ع الزحمه لأن مرينا فيها كلنا~>مايحس باحال إلا المجرب ..~

ويلا هالله هالله بدراستك والروايه ملحووووق عليهآآآ ..~

وننتظرك بشوق تكتبين لنا البارت بحماس ونفسيه مفتوحه أحسن من العجله وزنقة الدراسه ..~

ننتظرك لكن باللي تقدري عليه ..~

تحيآتي

Princess
10-20-2009, 03:44 AM
مرحبا ياحلوين
آسفه عالتأخير من جد.. :embarrest:
:rolleyes: قالت ليكم امول السبب

:sad2:ادعوو لي اني رجعت للدراسه في الكليه بشروط اجيب معدل عالي والا بيرجعو يفصلوني
هالظالمين... المتشرطين.. :angry:... فلازم اشد حيلي شويات ..

دموع الوحده.. :wacko: مادري متى باخلصها هالروايه ياخيه لذلك مارديت عليش ولا عطيتش حتى توقع بعدد البارتات.. لأني على حسب الأحداث اختم رواياتي مو على العدد....
:toung: مالي كار بش اذا ماجبتي نسبه عاليه لا سمح الله..
اخاف الله يبلغش السنه الجايه وتتخرجي وتصيديني في الكليه تدوسي بطني:seif:.. << ويش عرفها بش يامهلوسه.. :suspicious:

:wacko: لكن فعلن فعلن .. راسي دايرن اليوم ماركز الا بكاسة شاي و حبتين فيفادول..
والله الود ودي اريح بعد بس ماني حابه اتأخر عليكم اكثر... خصوصا ان الليله وليلة الخميس وليلة الجمعه.. راح يكون زواج بنت عمتي .. الفال للعزاب يارب .. فراح اختفي عنكم :clap:

تعاليقكم عسل على فكره.. و التخمينات رهيبه..
شي يصيب وشي يخيب .. ومن متابعتكم بتعرفو نسبة نجاح تخيلاتكم..

تعجبوني فديتكم .. وربي لا يحرمني منكم :in_love:
تفضلو الجديد..
ومسامحه عالقصور..

Princess
10-20-2009, 03:45 AM
بعد ساعه ..
مراد طلع ليهم بالسفره وهو مره مشتقق ..
ــ طاح الغداااا.. يللا يللا...
حبيب : ــ ياعيني ... نجي نعاااونك....؟
مراد : ــ لا .. بس استريحو واستعدو...
الكل قعد على السفره ينتظرو المكرونه العالميه..
الا بجية مراد حامل الصحن .. هو ما حطه في الوسط
الا الكل فتح عواينه..
كان شكل المكرونه مثل الكيكه ملصقه في بعضها بشكل الصفريه... لأنه لما حطها في الصحن.. على طول قلب الصفريه عليه فطاحت فيه و هي متماسكه << تخيلتو الشكل p:!!


كاظم : ــ يَه كياهي << داااويش !!
السيد : ــ ياسااااتر !
صادق : ــ كيكه دي..!! لو مكرونه !!
مراد وبعده واقف صار يضحك... قعد وهو ماسك ملاعق على عددهم.. و يغرزهم في المكرونه..
ــ مو مهم الشكل المهم الطعم... بس حتى الشكل .. ابداااع ما حصلش..
حبيب يسأله : ــ شخلتها ؟
مراد بإستغراب : ــ لويه .. شيه يشخلوها؟؟
حبيب يضرب جبهته من الدهشه : ــ آآآه ويلي
مراد : ــ لويه بعد تضرب روحك.. سمو سمو بالله انا قلت ليكم مو مهم الشكل ...
كل واحد يطالع في الثاني مو متجرأ يبدي ...
مراد : ــ لا اشادخ بكم صار لي ساعه.. يللا بسم الله انا بابدي
يوسف صار يضحك... و بدى وياه..
شوي ثنينهم ظلت اللقمه في بوزهم .. و كل واحد فيهم يطالع الثاني بإستياء ..
مراد طلع اللقمه ورماها عالسفره وصرخ :
ــ حااااااالي...
يوسف بلعها بصعوبه.. وحط الملعقه...
حبيب بأندهاش : ــ ويه..؟؟ حالي !!
مراد : ــ شدراااني..!!!
السيد : ــ هههههههههههههههههههه حطيت من الغرشه اللي غطاها ازرق!!
مراد : ــ ايه .. مو ملح هاااااااااا... سكر طلعت..
كاظم : ــ خخخخخ مشكل عاد .. شان ذقته
مراد بعصبيه : ــ شدراااني عنكم انتون بعد تحطو السكر في غرشه مكتوب عليها salt
صوت بطن حبيب من الجوع طلع..
حبيب يمسح عليه : ــ لا تزعل حبيبي .. ويش بيدي عليك ما ضبطت الطبخه..
مراد : ــ ويش نسوي فيه الحين..!!!
حبيب : ــ ههههه طبخ طبختيه يالرفله اكليه... هذا مهيرش اكليه ماحد يشاركش فيه..
كاظم : ــ ويه ويه ويه.. يعني ويه بعد..!!
حبيب : ــ آآه مادور يسألني الا انت... مافي معلوم بابا .. مافي معلوم..
كاظم : ــ دَلْ كَششششششش << ظرييييييف
حبيب : ــ اه اه.. لا تسب هاااا..
صادق بأبتسامه بارده : ــ لو ويانا شفيق اكله ولا ينرمى...
يوسف انقهر من كلام صادق :
ــ لا تغتاب الرجال في غيابه...
صادق بأستغراب : ــ ما اغتبته..
يوسف وبنبرة صوت عاليه : ــ ويش قصدك اجل بياكله الحين حنا ما اكلناه هو بياكله !!!
صادق انقهر من يوسف : ــ رووح زين...
يوسف يصفع الملعقه عالصحن : ــ قلة حيا
صادق : ــ ويش قلت انا الحين.. كلامي واقعي ماجبت شي من عندي حق ويه محمق .. مالك شغل..
كاظم : ــ هيه هيه .. التزم بحدك ولا تغلط على يوسف
حبيب يفلص كاظم وبهمس ساخر : ــ الزم حدودك ياحظي ..
صادق : ــ انت ويش دخلك بعد...!!
مراد : ــ آآآآآآآآآآآآآآآآآآآآآآآآآآآآآآآآآآآآآآآآآآه
كلهم سكتو وصارو يطلعو فيه..
مراد : ــ يلعن شكلكم كلكم زين.. مسووين شبقه على سالفه ماتسوى...
يوسف : ــ لا تسوى .. عندي انا تسوى..
الكل مستغرب اول مره يشوفو يوسف بهالأنفعال..
صادق بنبره مسخره : ــ دافع عنه..درينا خويك.. واذا رجع هنا وصل له كلامي زين...
رمى الملعقه وقام...
يوسف يصرخ فيه : ــ اخلاااق زفت... فارقنا بس..
السيد مو مستوعب ... هذا يوسف؟؟
وحبيب اعظم منه.. قعدو واحد عن يمينه وواحد عن شماله..
السيد : ــ صل على محمد اخوك ويش فيك عصبت فيه لهالدرجه
يوسف : ــ اللهم صل على محمد وآل محمد.. ماتشوفه كيف يتكلم على الرجال في غيابه..
حبيب بهدوء : ــ ماقصده سوء .. قصده حرام النعمه تنرمى ولو شفيق موجود ما يمانع بياكل...
يوسف يطالع في حبيب بنظره تخوف ... : ــ انت بعد تقول زيه!! درام قالو لك شفيق !!؟؟
حبيب : ــ يمه ويش فيك... خيوو انت ادرى بشفيق .. مو ياكل الشي المعفن و ما يمانع و ...
يوسف يقاطعه : ــ انت ماتدري ويش فيه لو تدري عذرته ..
السيد : ــ انا لله... هدو ياشباب... والله المسأله ما تحتاج كل هالأنفعال
كاظم و بعفويه : ــ وياه هوس ..
يوسف وبهدوء : ــ شفيق يوم الأربعا بس وصل الديره تنوم بالمستشفى... و طلع الخميس ..
السيد : ــ ياسااتر .. خير ويش فيه وويش دراك..
صار يوسف يحكي ليهم قصة شفيق...













قيصر بهدوء : ــ سامي .. نِمِت ؟؟
سام : ــ لا ...
قيصر : ــ آني أريد اسألك سؤال.. واتمناك تجاوبني اعليه بصراحه..
سام : ــ على حسب..
قيصر : ــ لا .. بتجاوبني ..ان شالله.. إنت شنو مخبي في حياتك !!؟؟
سام : ــ ياليتني اعرف..
قيصر : ــ؟؟!!
سام يتنهد : ــ ما اذكر شي الا إني لقيت نفسي مع شخص صار يهتم فيني و يعتبرني مثل ولده ويخاف علي ...بس كل هذا كان... بمقابل
قيصر : ــ مقابل ؟؟ شلون يعني!!
سام يبتسم ويرد عليه بالأنجليزي : ــ لا ينبغي عليك معرفة ذلك...
قيصر : ــ إيه .. براحتك...


شوي..قيصر قام بالسرعه وهو ماسك كتاب ثقيل من كتبه و يرفعه بيفلع به راس سام...
سام انتبه له و دفه عنه: ــ ويش فيييك
قيصر : ــ أريد ارجع ذاكرتك.. بلكت تحچي و تريحني...
سام : ــ هههههههههههههههه هذا وانت دكتور تبغى تكسر راسي ..
قيصر يقعد وبقهر : ــ اففففففففف .. ولك يابه سكوتك هاي دبحني .. ما تخاف ابلغ عنك الشرطه.. شقد انت واثق فيني !!
ــ كل الثقه ..
ــ ما اصدقك.. كل الثقه و آني ماعرف عنك كُل شي .. بس اسمك و لا هو اسمك بالأساس..
ــ والله لو اذكر شي او اعرف شي راح اقول لك..
ــ آني ما ريد الماضي.. أريد الكاين فيك هالسا.. واسباب الضربه هاي اللي بذراعك.. اذا على هوا ما تقول انك واثق ...
سكت شوي..
ــ سامي .. سامي.. سااامي... خابرني اصدق إنك نِمت.. طيب على مودك . .. الله كريم...
وصار ينشد بهدوء موال.:
ظلمةوالدرب هواي ابعيد
وسفه بعد موخلصن سنيني
فايت قطارالزمن وآني انتظر هناك
ماخذ احباب القلب وآني ناسيني
الحزن امغيم علي ويمطرهموم
والفرح زعلان وما عاد يجيني
امقضي العمر بل الحسرة والونات
وجمرة الغربة شكثر تچويني
اذا جوعان اشبع بعبرة ألم
واذا عطشان دمع العين يسقيني ...
ولابيت
طحت افـ .. بير الحزن والحسرة.. ولا...بيت
وروحي لنداء الوطن لبت..ولا...بيت
وتالي لاوطن عنـــــــــدي... ولا...بيت
غريب بلا وطن واشقد خطية !!
ومات ابن العراق بس وصاني وصية
ومن تجي بغدادقل إلهالاتلطم عليه
لان قلبها مايتحمل مصايب ولا اذية
وسلم لي اعلى دجلةوالفرات هناك
وقول إلهم ابنكم اشقد عطشان مَـيّه
بس وسفه عليه لا ما تلحقون
لان صارت اسرع منكم هل المنية
و إجت بغداد تنحب وتبچي و تون
على ابنها وتلولي هيّه
دلل لوه يل الولد يبني دلل لوه
فراقك يالحبيب شقد يصعب عليه..



سام عاطي ظهره لقيصر.. سرح في عالم ثاني مع الموال ... وبهدوء انسلت دمعته ...


ما سمع قيصر الا سام يزفر زفره من قلب .. : ــ تدري ياقيصر.. رغم الحزن والهم اللي فيك .. احسدك..
قيصر : ــ هههههههه من شوي چنت نايم هالسا للحسد صحيت.. قالوها محسود الفقير بموتة الجمعه.. على شنو تحسدني ياحسره..؟؟
ــ احسدك.. تذكر اهلك وناسك.. تحس بالحنين ليهم.. تعرف بلدك.. حتى وان كانت ظروفك اليوم قاسيه عليك و مستحيل انك ترجع له .. يبقى فيه امل انك ممكن في يوم ترجع.. عكسي انا..
وبهدوء و الأسى يتكسر في كلامه : ــ لا وطن.. لا بيت.. ولا هويه...
قيصر يحط كفه على كتف سام : ــ آني شقلت لك.. حبيب قلبي .. راح اساعدك باللي اقدر عليه.. بس افتح لي قلبك شوي...
سام يحس بأريحيه مو طبيعيه مع قيصر .. و الود وده مايرجع للعصابه ويفتح له قلبه.. بس خايف عليه يتأذى من طرفهم او يصيبه أي شي لو حاول يختفي عنده وعرفو مكانه..
يحس نفسه ورط روحه في مشاكل ماليها آخر....وفي باله...


ــ اذا جى الوقت المناسب ياقيصر اوعدك .. بتعرف كل شي ...

Princess
10-20-2009, 03:48 AM
في بيت ابو مجتبى وبعد وداع أحمد... الشبقه قايمه بين باقر و ايثار .. و ملاحق من وداي لوادي .. امير مشغول ويا الرسم...
وهم يراكضو باقر بالغلط داس على اوراق امير و تكسفت بعض رسماته..
حمق امير وصار يصارخ.. وشال شوي زين من الألوان في ايده ورماهم على باقر .. وقام له يلحقه..
باقر خاف منه خصوصا انه اكبر بـ 5 سنوات تقريبا فيقدر عليه لو صاده بيدوس بطنه... ينسى امر ايثار اللي كان يلحقها يبغى يطيح فيها بدست و يصير يراكض لا يصيده امير..
ايثار وقفت وصارت تشجع امير :
ــ ايواااااااا عمي صيده .. نتفه.. تنتيف .. هالغبي .. تستاااهل .. هههههههههههه...


وبالغلط تعثر امير في واير التلفون و فصله ... وكان هو التلفون الوحيد في بيتهم...



ولا ارتاح امير الا لما صاد باقر ومسكه بين اياديه وصار يضرب يضرب فيه..
باقر يصارخ ويصيح..
جت نور بالسرعه : ــ وييييش فيكم... ؟؟
باقر : ــ الحقيني..
صارت نور تحاول تفك باقر من بين ايادي امير .. اول مره تشوف اخوها بهالعدوانيه..
ــ على ويييش عااااد..
ويرفع امير ايده و بالغلط تضرب عيون نور ..
نور عيونها حساسه بالمره من يصيبها شي ضربه لو غبار على طول لازم تغطيها...
نور : ــ آآآآآآآآه عيوني ... امااااني تعالي لولدش شيليه..
باقر : ــ وه وه اباموت.. خلاص اميرررر خلااااص و الله ماكنت ادرررري
ام مجتبى توها داخله البيت راجعه من عند مرأه ،، شافت الوقعه وامير فوق باقر ومخمد على انفاسه وبصرخه. :
ــ اميررر
امير وقف على طول .. وعيونه شابحه... يطالع في امه اللي كانت مره معصبه .:
ــ ويش صاير ؟؟ على ويش هالعركه...!!
امير و بدون سابق انذار يرد عليها بصريخ :
ــ وررق .. وررررررق ...
ام مجتبى وقفت وهي مذهوله...:
ــ ورق ... !!
وتطالع في نور : ــ قال ورق !!!
ايثار بفرح : ــ الله حفظها.. مكحين صرت كل اقول له ورق ورق لين عرفها.. شاطر عمي..
ام مجتبى و على وجهها يبين الفرح الممزوج بالدموع : ــ يالله ياكريم تهديه .. يالله تغير حاله و لا تخيبني...


ابو مجتبى داخل الغرفه يصرخ حد ماعنده : ــ يـــــــــــــــــــــاعرررب >> طريقه جديده مبتكرنها في مناداة ام مجتبى ... ام مجتبى يقهرها هالنداء .. وابو مجتبى يستخدمه عناد فيها اذا قاهرتنه من شي
ام مجتبى ماردت عليه ..
رد صرخ.. : ــ يااااااااااااااااعرررب...
ام مجبتى حاقره .. راحت المطبخ لقت نور تحط قطره في عيونها و تستعد لتغطيتها..
ام مجتبى : ــ ههههه ساعدش الله ماقول الا الله يعين اللي بياخذش..
نور منقهره و متعوره : ــ شدخله... !!
رد ابو مجتبى : ــ عرررب و نااايبه..
ام مجتبى : ــ انا لله
وترد عليه : ــ ويه يارئيس البنقاليه
وتروح له الغرفه..
ابو مجتبى : ــ هههههههه صرتو بنقال !!
ام مجتبى : ــ مو حنا..
ــ والله هذا قولش .. وكلكم راع وكلكم مسؤول عن رعيته..
ــ هههههه غربال.. ويش تبغى..؟؟
ــ قلاص ماي..
ــ علي بن ابي طالب حلال المشاكل.. كل هالصريخ فزعت عرب الأمه.. على قلاص ماي.. لعن الله يزيد
ــ لا .. قلاص ماي حق ابل ريقي قبل لا ابدي السالفه..
ــ ياجميل الستر يالله..



محسن يسأل نوري : ــ كلمتو مصطفى؟
هاني : ــ توي البارحه اسأله ....
نوري : ــ الحين نكلمه...
ايمن : ــ تو الناس.. تفرغت حسنه من صلواتها...
محسن : ــ بل .. حسنه.. أي حسنه بعد..؟؟ امثال شياب خخخخخ
أيمن : ــ ام اللي جابتك..
محسن : ــ بل عفر سبه دي.. استح ها .. استح..
ايمن : ــ اف منك..
محسن : ــ صاير زفوت منتحس تدري لو ماتدري..؟!
هاني : ــ اففففففففف منكم.. انا مانى داري شلون متحملين بعض ثنينكم في غرفه اشوى مانى وياكم
ايمن : ــ احقره..
محسن : ــ هو والطوفه واحد..
ايمن : ــ انا طوف ..
محسن : ــ لا جدار..
ايمن : ــ هي هي هي بااااايخ..
محسن : ــ زيييك..
نوري : ــ هيييييييه زي الجهال سكتو .. هلا مصطفى هلا حبيبي.. اخبارك..
مصطفى : ــ هلا نوري .. الحمدلله تمام..
ــ اخبار الأهل ..
ــ وياك بخير... انتون ويش مسويين.. ماعليه مسامح قول لهاني مارديت البارحه عليه جوالي كان صامت..
ــ اهاا.. توقعناك نايم.. ويش بتجي اليوم ولا بعد بكره ..<< السبت مصطفى ماعنده محاضرات..
ــ لا افكر اتأخر شوي .. اتطمن على الوالده اكثر
ــ اها.. تقوم بالسلامه ان شالله... الا ويش اخبار شفيق ؟ ويش سويت وياه روحتكم..؟؟
مصطفى و صوته تغير:
ــ شفيق.. شفيق الله يسلمك اسأل يوسف عنه ويش اخباره ويعلمك..
ــ اوف.. ليش ويش سوى لك..
ــ سالفه طويله عريضه... لا تخسر روحك رصيد و زي ماقلت لك تبغى تعرف ويش فيه اسأل يوسف..
ــ زين ... نشوفك على خير مع السلامه..
سكر نوري الجوال والفضول ذابحنه:
ــ ما يندرى شفيق ويش مسوي لمصطفى.. يقول لي اسأل يوسف..
و يدور في جواله على رقم حبيب .. هو الوحيد من الجماعه اللي عنده رقمه..



ام مجتبى تضرب صدرها...
ــ ويه.. بعت البقره !!! ويش هالوقعه.. لويه.....؟؟؟
ابو مجبتى بإنكسار:
ــ مفكره انتين باقدر ارجع فلوس ابو رمزي خلال سنه... بعتها و بكره روحي ودي له الفلوس...
ام مجتبى : ــ عاد خساره توها ولدانه وحليبها وافر... حوبة ولدها العجل يوم نفصله عنها.. هذا هو لا رضع منها ولا حنا تهنينا بحليبها.. يللا على الله العوض..
ابو مجتبى يطالع في ام مجتبى وببرود مقهور ومخيف :
ــ متحسفه على بيعة البقره اما بتش ماكنتي متحسفه على رهنها بهالطريقه ....
ام مجتبى حست الأرض كأنها تزلزل من تحتها.. من شكل ابو مجتبى وهو يكلمها بهالطريقه..
تلعثمت مهي عارفه ويش تقول : ــ ويش بيدي.. غصب عني.. متأمله ان بندبر المبلغ..
ابو مجتبى ينسدح و يغطي وجهه بالغتره : ــ اششش اششش... لا تتأملي .. ولا تعيديها.. واحمدي ربش النفس عليش راضيه و هالمره بامررها لش هالحركه .. مره فانيه ادري بش تصرفتي من وراي حسابش بيكون عسير ..
ام مجتبى وبخوف : ــ ان شالله..
وفي بالها : ــ ياعلي والله طلعت يا ابو رمزي خوان هذا واني مأمنتنك ولا كأني كلمتك لين ادبر المبلغ.. ويش خانتي الحين اني في نظر ابو مجتبى... !!




نوري يقص على محسن و ايمن وهاني سالفة شفيق بعد ما ركب ليوسف وعلمه بها..
محسن : ــ ياااربي مسكين هالشفيق مبين عليه اصلا انه فيه شي مو طبيعي
هاني : ــ والله و لا في الأفلام سالفته.. الله يعينه ويعوض عليه..
ايمن : ــ يبغى له يتعالج..



وداد تداور في البيت مابين غرفتها و الصاله ... هدوووء .. وفي بالها:
ــ صاير الجو ممل ... << اشتاقت للشبقات..
توجهت لغرفة ماريا بتشوفها ويش تسوي..
فتحت الباب شوي شوي لقتها نايمه..
سكرت الباب وهي معصبه : ــ نايمه هالحزه وبكره مدرسه .. خيشة نوم هالبنيه...
مسكت جوالها و اتصلت على ازدهار.. لقت رقمها مقفل ..
دقت على شقتها.. ماترد عليها..
وداد : ــ افففففففف منش انتين بعد ماصارت دي المفروض اني اللي انقهر انه شافش مو انتين..
شوي وصار بليس يلعب في راسها وتتذكر سؤال ريلها مين هالمرأه و هي الغبيه تجاوبه وتعرفه عليها .. لا و تقول له هذي هي اللي كل اتكلم عنها ....
ــ غبيه اني غبيه.. كأني سويت دعايه لصديقتي عند ريلي..
صارت تضرب في راسها : ــ خبله اني خبله..


فرات : ــ امااه.. ويش فيش !!


وداد انحرجت : ــ هاا.. ولا شي .. راسي يعورني شوي..
ــ اماه زهقانه اني...
ــ ويش اسوي لش ...
ــ محمدو في المجلس ويا اصحابه يلعب سوني.. و علاء ما يعرف يلعب وياي.. وحشتني ايثار .. متى بترجع..
ــ اف .. ماصارت دي يومين غابو فيهم.. ياليت على طول يظلو هناك.. خلنا راكدين
وفي بالها تقول : ــ لا ان شالله.. صاير البيت بدونهم صخه وملل << عن جد وحشتها الشبقات..
شغلت وداد التلفزيون وصارت تفرفر فيه حطت قناه من القنوات .. ولا انتبهت لشريط الأخبار الا كاتبين خبر :
ــ انفجار بئر بترول في الخفجي تابع لشركة ............ اسفر عن وقوع عدد كبير من الضحايا و اصابة العديد بجروح خطيرة...


وكانت نفس الشركه اللي يشتغل فيها مجتبى..
فتحت عيونها و فهت شوي زين...


حست روحها مهي مصدقه اللي قرته...!!


دخلت على ماريا وصارت تقعدها وهي ترتجف :
ــ مارريااا.. مارريااا قومي .. ماررييووووو...
ماريا وبتعب وهي تتثاوب حد ماعندها: ــ هاااااه ويش تبغي..
ــ قومي قومي كلمي اماني اختش .. قومي عاد..
ــ اكلمهااا لويـــــــــه..
ــ قومي اكو الأخبار يقولو انفجر بير بترول في شركة ريلها..
ماريا فتحت عيونها وبذهول : ــ هاااه...


يوسف ومراد في الغرفه قاعدين... لحالهم...
يوسف يفكر بطريقه يفتح فيها سالفة مجلد الصور مع مراد,, ومو عارف من وين يبدي..
وتوه بيتكلم.. الا جوال مراد يرن.. مراد يطالع في الرقم و يتأفف من قلب:
ــ افففففففف ناقصنه .. هالمتفرغ...
ويرد بحمق : ــ مو قايل لك لا تتصل خلاص .. بطلت اضبط انا... شغل التضبيط طلقناه.. فكني يا اخي ... هااا... ويش ... ولا حتى بألف .. !! نسيت آخر مره ويش سويت..؟؟ ابلشتني وطحت في مشكله من تحت راسك... خلاص مالي شغل... شوف لك احد غيري..
سكر مراد الجوال ورماه على جنب وهو مره معصب ..ويكلم في روحه
ــ يلعن شكله هالـ..... الــ......
يوسف فتح عيونه الكلام كان من العيار الثقيل : اف.. شوي شوي ...
مراد : ــ تروح وياي؟
ــ وين؟
ــ نجيب للشباب اكل من برى ضريبة خرابي للمكرونه مساكين اكلو نواشف .. لا ينشفو في العشا بعد..
ــ اوكي .. مشينا...

Princess
10-20-2009, 03:49 AM
شغل مراد سيارته.. الا هي ام بي سي اف ام.. الأخبار...
يوسف يسمع الخبر..
ــ لازالت التحقيقات جاريه في شأن حادثة انفجار بئر بترولاين التابع لشركة ...... بالخفجي والذي اسفر عن مقتل البعض و تعرض الأخرين لأصابات خطيرة..


يوسف فتح عيونه...
ــ شركة... شركة .. الـ.......
مراد مستغرب : ــ ويش فيك؟؟
يوسف وهو متبلعم: ــ شركة صهري.. هناك.. يشتغل..
مراد : ــ اوووه .. لا ان شالله ماصابه شي .. اتصل على اختك وشوفها..
ماريا تتصل على اماني ..
ان الهاتف المطلووب.. لا يمكن الأتصال به الآن... >> مخلصه بطاريته وما انتبهت له اماني ..


يوسف نفس الحاله.. ويتصل لمجتبى .. نفس الشي جواله مقفل ...


تتصل ماريا بيت ابو مجتبى .. يرن يرن ولا احد يرفعه.. << مفصول الواير..
يوسف : ــ اففففففف مشغول البيت.. هذا وقته
سكرت ماريا السماعه الا يرن التلفون رفعته وهي متصروعه.. الا هو يوسف ..
ــ هااا خيه.. وين اماني.. ويش صاير؟؟
ماريا وصوتها يتقطع وهي مره ترتجف وتحس نفسها مو بالدنيا:
ــ مادري.. مادري... اتصلت ماترد جوالها مقفل وبيت عمها مايردو.. يوسف خايفه اني.. مادري ويش اسوي..؟؟
ــ هدي هدي خيه.. وين حسن؟؟
ماريا بدت تصيح:
ــ في الجبيل .. محولينه الحين هناك.. ومايرجع الا متأخر..
يوسف يمسح وجهه : ــ انا لله.. و الحل.. !! كلمي زين اخت مجتبى .. المشكله ما عندي رقم اخوه.. أي احد من هالبيت ماعرف رقمه..
ماريا خلاص تحس نفسها في فلك عظيم ودموعها تتناثر بلا شعور..:
ــ ماعندها جوال... يوسف .. يوسف اباروح بيت ابو مجتبى..
ــ مين بوديش ؟؟
ــ باكلم عبدالأله جارنا.. يوديني.. لازم اروح ماني قادره افكر..
ــ زين روحي وبس توصلي وتشوفي اماني كلميني..


سكرت ماريا و اتصلت على طول بيت جيرانهم..
ــ شهربان.. غناتي الحقيني .. وين اخوش..
شهربان انصرعت : ــ ويش فيش غناتي !! ويش صاير !! عبدالأله في الحلاق..


ومن عرفت شهربان السالفه على طول اتصلت في عبدالأله.. اللي كان منسدح توهم حاطين الرغوه للحيته.. الجوال يرن مره ومرتين..
عبدالأله : ــ دقيقه بس..
رد على اخته وهو محمق: ــ ويش فيش يالمتفرغه .. هذا وانا قايل لش باروح احلق دام ما رديت عليش تصري على الأتصال لويه؟؟
من قالت له شهربان السالفه .. و ان ماريا حالتها حاله..
مسك عبدالأله الفوطه ومسح الرغوه: ــ جاي جاي.. يلا زين..


مراد يحاول يهدي في يوسف اللي كان متوتر .. ومو عارف ويش يسوي له ..
لا هو عارف يروح وياه مطعم حق يشترو الأكل ولا عارف يرجعه الشقه...
صار يدور وياه في الشوارع .. من وادي لوادي .. عل وعسى يوصله اتصال يطمنه...
شوي خشو في وادي ما يسمعو فيه الا صوت تفحيط ححححححححححححح
ودخان وسياره تطفر ليهم فجأه......


الى الملتقى..

أمل الظهور
10-20-2009, 07:34 AM
ياااااااااااعلي ويش بيصير على مجتبى عاد توني بقول لك هالمجتبى مثل لبن العصفور


حتى ماسمعنا مرته تكلمه عفيه عاد امور انتي حبابه مو تموتي الرجال اوكي


علشان خاطر ام مجتبى اللي ماتهنت بهالاولاد <<بتقلبها جنازه من الحين


وصدق خوان بو رمزي مالت عليه وعلى وجهه بس زين ابو مجتبى مسكين باع البقره

ولايبيع بنته تفشلت عرررررررررب هههههههه


وهههههههههه مع طبخه مراد توقعنا يبدع وتصير حركات ماهقيناها منه


خخخ ودادوه اهـ منها مسويه للروايه جووو اخيرا ضربتها الغيره والوسواس


وويه ياساتر ويش هالتفحيط وهالوادي لايكون ذاك الوادي اللي نروحه اذا حبينا نغامر

<مصيرها بتتكفخ


يسلم فكرك غناتوه

طفلة تحت المطر
10-20-2009, 10:08 AM
يآآلله سترك

ان شاء الله مجتبى مآآفيه إللآ العآفيه

و يوسف ومرآد !! والسيآآره إللي متجهه جهتهم ؟!!

يمكن هدي السيآآره هي السنوره السودىآ ؟!

بس صرآآحه لوو أني من قيصر كآآن شدخت سام بالكتاب كآآن يتدكر

وعبدالإله مآآ بيهون عن مآآريآآ

بس أبوو مجتبى ويش درآه عن الرهن ؟

**

ننتظرش

جـــــوان
10-20-2009, 10:09 AM
اني متابعة ليكم

حتى لو بدون تعليقات

البارتات روووعة

Habit Roman
10-20-2009, 11:28 AM
ياويلي ويلاآآآآآآآآآآآآآآآآآآآه أمور عفية لاتموتين مجتبى مسكين صاير ماليه دور في هالرواية على الاقل خليه يتحجى حجوتين ....<<< نقلبت عجوز

ويوسف ومراد ... إن شاء الله مايصير ليهم شيء بدون شيء يوسف متوتر وبعد يصير ليه شيء كان خواته يصيرون لاحول ولاقوة

ودادوه زين منها جلست ماريه ماقامت تتشمت كعادتها

عررررررررررررررررررب عجبتني مرررة

تسلموا حبيبتي

ننتظر البقية

تحياتي

الفراش الفاطمي
10-20-2009, 02:41 PM
روعه هالبارت
تعليق
هاااااااا اميروه بدينا بالقتل <<<حشا مجرمه
لاتقتلي مجتبى عااااااااااااااد<<<< عفر هي ملك الموت
ان شاء الله ماصار شي ليوسف ومراد
ومسكين كاظم بسرعه انتشرت قصته
وبس
بانتظار البارت الجاي
تحياتيـ . .

عطر الكون
10-20-2009, 03:22 PM
لالالالالالالالا
الله يعافيش لا تموتي مجتبى اني اقول متى بيطلع تقومي تموتي مافي مافي
وسام متى ترجع اله الذاكره ونفتك
ويوسف ومراد ديلا بعد بتموتيهم؟؟؟
يسلموو غناتي البارت روووووووووووعه.....
ننتظر البارت

حلم لطيف
10-20-2009, 03:31 PM
ان شاءالله مجتبى مايصير فيه شي

ومراد ويوسف الله يطلعهم من السيارة اللي طفرت عليهم

البارت الجاي شكله بتصير مناااااااااااااحة

نجهز النشاف من الحين للدميعات خخخخخخخخخخخخخخ

يعطيش العافية

أموله
10-20-2009, 03:48 PM
http://www.al3assi.com/foto/msn/smiles-groups/1/4/2.gif



http://www.al3assi.com/foto/msn/smiles-groups/1/4/46.gif


!!,,,


الله يسسسستر وش بتسوووي لمجتبى
مو يصير له شي !!


>’< ونشآلله مـآيصير ليوسف ومرآد شيي >,<
وسـآم نشآلله يفتح قلبه لقيصر


ممم يمكن امـآني تسمع بالخبر وتجيهـآ سكته قلبيه تموت
واولآدهـآ بيموتو معهـآ
ويوسف بيموت ومرآد بيموت وماريا بتسمع بهم وبتموت
وودآد بتشوفها بتختلع وبتموت >> موتت الكل ههههه


جزئ حلوووو وآآآآآآآآآآآيد
بس يوترررر مررره >,< الله يستر

جنۉن من ﺳـڱۉن
10-20-2009, 04:58 PM
مجتبى مافيه ولآ حاقه أنا أقول لكم <~ برآ
ويوسف ومرآد بيصيبهم حـآأإدث مريع < بتنطق
لآأن شالله ..
أإلمهم ودادوه الهبله زين طلع ليها أإحساس
مسسكين ياعبد الاله حتى حلآقه ماخلتك تحلق ..!
وكان زين فايد وياااهاا ههههههه
أتخييل ماريوه بتشوف أحمد ع الباب أو شيء من هذا القبيل < ها ..!
سـآلمه من كل شر أميروه
ماننحرم

لا تعليق
10-20-2009, 05:32 PM
ههههههههههه المكرونة تخيلت شكلها ههههه عدل .. اشتهيت اذوقها
مسكيييين صادق .. والله ماقال شي .. ماحد يعامله عدل ..بيشوفوا !! باخاصمهم كلهم!!
الا مراد ههههه عجبني يوم يصرخ ههه..
يستاهلوا..مايدوروا يتشابقوا اللا على الاكل حمير..خبلان << كم طراق باحصل ؟؟ وكاظم ويش دخله .. ماصدق شبقة على ولد عمه هبل .. الحق ويا صادق هو ماكان يدري << رتبي كلامش ليش كل هالعصبية .. هدي

مجتبى ..كان عندي توقع انه مابيرجع بالسلامة.. كان تذكري.. بس ولو ..ننتظر ونشوف << ترى اني امباه يموت عشان يصح توقعي مو ما تقتليه !!
ومراد ويوسف بيصير فيهم شي واتوقع يبين الجانب الايجابي لصادق معاهم .. ياااااارب
سامي .. الله يهديه
الجزء الجاي ريحته مستشفيات هههه
مع السلامة خيتو ننتظر البقية بفارغ الصبر وطافح الكيل .. هههه هلوسة ايام المدارس
يللا و .. تابعي!!

لا تعليق
10-20-2009, 05:36 PM
عبد الستار وينه ؟؟:huh:

دانهـ العشآق
10-20-2009, 11:21 PM
علي ياآآآعلي يا أمير المؤمنين ..~

ياربي ياربي ياستار ياغفار سلم مجتبى ريل أماني هالمسكينه ورجعه ليها سالم ويارب تجي العواقب سليمه~>بسك عاد حشى عجوز قريييح ..~

عجبني أخو شهربانو ضحكت عليه ضحك تخيلت شكله وهو ينف وجهه بالفوطه والله أنه مسخررره يهزأ الأخت وطاري الحبايب يمتص غضبه والله أنه ختيييييييير ..~

وذآآ وش أسمه الحادث له علآقه بالتليفون اللي جاا مراد والسنوره السودآ والله يجيب العواقب سليمه~>حلفي !!

وودادوو حرام حسيتها طيبه بس لسانها متبري منها يعني لو تكتشف نفسها وتحاول تتغلب ع نفسها راح تقدر~>طبيبه نفسيه ..~

وبعد خسآآآآره أن حمود مو موجود عشان يشوف ماريوه ولا أقول أحسن للعاشق الولهان هع ..~

وبس عفر ..~

وننتظر البارت ياعرب ~>تتنيذل ..~

لأهنتي ..~

..~
~..

*زهرة البنفسج*
10-21-2009, 12:22 AM
شكله البارت الجاي بلاوي ياموره عاد اموره كلشي ولا يوسف احب هللولد اني

::

ننتظر البارت الجاي

موفقينـ

جـــــوان
10-21-2009, 02:56 PM
متى البارت الجديد ؟

عالم خيالي
10-22-2009, 11:15 PM
صراحه ماشاء الله عليش خيوه
مبدعه وراوياتش تجنن ..

ننتظر تكمله هالروايه الرائعه والله يوفقش :)
>>> اهم شئ لاتموتي مجتبى ..

دمعة على السطور
10-22-2009, 11:36 PM
اللهم صل وسلم على محمد وآل محمد وجل فرجهم وفرجنا بهم ياكريم...

ياعلييييييييييييي ...لاتقولي أميرة لاتقولي بتموتي الرجال...!!>استغفر الله ....

ياعلي من متى ينتظرووه يرجع والحين هالخبر يوصلهم ....

كيف بيكون حال أماني من تدري.....

الله يستر بس.....!!والله يكون بالعووون



تسلمي أمووورة بس ننتظر الجديد بسرررعة >قرأت البااارت من أول مانزل بس

مامداها تكمل الجزء الأخير إلا الحين ..وتنصعق من هالخبر.... :(

موفقة يالغالية ...وننتظرك بشوووق...يتبعه أمل......

دمتي بعين المولى الجليل

مكسورة خاطر
10-23-2009, 12:50 AM
أميرة كم بارت باقي
والله مليت من الانتظار

لا تعليق
10-23-2009, 10:40 AM
ايــــــه!! مو العرس لثنين .. والجنون والضغط والسكر لألفين!!:wacko:

مالينا غير الانتظار !!:atkal:

وردة {الغ ـيـرة
10-23-2009, 07:25 PM
مرررة حلووو هالبارت

وتوقعاتي مثل الأعضاء :amuse:

بس لا يصير في يوسف شي مسكين مايسوي شي وطيوب :bigsmile:

احس انه اماني بيصير فيها شي :sad2:

واتوقع ان مجتبى ماكن وياهم وماصر فية شي او صابته جروح بس مامات :huh:

ننتظر البارت الجديد

تحياااتي

لحظات ماسيه
10-23-2009, 08:49 PM
لا اميره غناتي لا تموتيه ما نمبى نصيح<<<برآآ
ومرادو ويوسف وش بيصير فيهم بعد الله يسستر...
امووووور حبيبتي بارتات كلمه روعه قليله بحقها..
في انتظار التكمله ع احر من الجمر..!

MOONY
10-23-2009, 10:11 PM
أموره ويش صار
وين البارت
:weird:

دانهـ العشآق
10-23-2009, 10:26 PM
ياعلي ياعلي سلم أميره ياعلي

عسى المانع خيــر ياربي

بإنتظارك بشوق غنآتي

~>المزعجه دانوه

Princess
10-24-2009, 01:14 AM
مرحبا
الله يسلم حبيباتي هالصبايا ويحميهم من كل مكروه :atkal:
منورين بأحلى تعليقات
ماعليه تأخرت شوي ماكان عندي الا الجمعه فرصه وبكره وراي اختبار لأكره ماده في الحياه
فجلست اذاكرها طول العصر
ادعو لي ..
وهذا البارت ومسامحه مو ملون.. لأن خلاص بطاريتي طفت :toung::embarrest:
تفضلوو

Princess
10-24-2009, 01:15 AM
ححححححححح ..
ضرب مؤيد بريك حد ماعنده.. يوسف من حسن حظه انه كان رابط حزام الأمان...

دخان وغبره قايمه و شلة شباب عن اليمين والشمال واقفين يتفرجو عاللي جالس يفحط وتصفيق وتصفير و صريخ..

راعي السياره المفحطه صار يضرب هرنات ويكبس لمبات على مؤيد..
مؤيد وهو مقهور: ــ اراويه اخو الشلبه يفكر روحه إزقرت

يوسف يطالع في مؤيد ويش بيسووي !!

وشوي ححححححححححح صار مؤيد هو الثاني يفحط..
يوسف خلاص نشف دمه صار يصرخ في مؤيد: ــ وققققققف .. وقققفهااااااااااا
ومؤيد يزيد و دخان و تفحيط اعظم من اللي كان موجود من قبل و الشباب صارو تصفيق و صريخ و تصوير جوالات و حاله...

يوسف خلاص فقد اعصابه صار يضرب في مؤيد.. لين مؤيد ترك الشارع اللي هم فيه وكمل طريقه ...
يوسف وهو ينافخ : ــ وقف .. وقف بنزل
مؤيد و العرق يصب منه : ــ ليش...
ــ مانى قاعد ويااااااااااك.. منت صاحي بغيت تودينا في داهيه .. وقققف
ــ خل عنك الكلام الماصخ بس .. يستاهل ماحد قال له يطفر علينا يفكر روحه حركات .. أدبته و علمته السنع..
ــ أي سنع .. وقف .. اقول لك وقف...
ــ مانى موقف ..
ــ يوم عن يوم تطيح من عيوني اكثررر..
مؤيد حزت في نفسه هالجمله..:
ــ اطيح من عيونك؟؟ ليش ويش مسوي لك ؟؟ >> قالها بهدوء مذهول
يوسف انفعل وبدى يفلت كلام:
ــ صايع.. ما تخاف ربك...
ــ ما اخاف ربي ... ليش ويس مسوووي ؟؟!!
ــ. ما تصلي .. تطالع اشياء زفت . تسمع اغاني. والحين بعد ما يهمك احد بتقتلنا وبتقتل غيرنا .. سكتنا عنك واجد بس شكلك عديم احساس...
مؤيد الكلام جاه مثل الصاعقه .. و بصيغة الجمع يعني مو بس يوسف اللي ينظر له هالنظره.. انحرف على جنب بسرعه ووقف السياره:
ــ انزل.. انززززل
يوسف بعصبيه : ــ انززل ليش ما انزل .. لا بارك الله في ساعه طلعت فيها وياااك..
نزل يوسف وكفخ باب السياره..
مؤيد مشى عنه ... وهو ينافخ ويحس روحه مخنوق..

يوسف وهو يمشي عالرصيف قلبه يراقع ومشحون غضب
... دق على ماريا..
ماريا بتوتر : ــ هلا يوسف ..
ــ هااا.. وصلتي؟؟
ــ لا هذاني في الطريق توي طالعه... بس اوصل اكلمك..
ــ زين مو تنسي ..
عبدالأله معوره بقلبه ماريا طول الطريق يسمع شهيقها و انفاسها كانت مره منفعله ومتوتره... شهربان وياها تهديها .. وصلو بيت ابو مجتبى.. نزلت ماريا دفت باب البيت كان مفتوح ودخلت تركض ..
بالصاله كانت اماني جالسه تقشر بطاطس للعشاء.. ابو مجتبى منبطح في الصاله مع باقر يطالعو تلفزيون.. ام مجتبى ما كانت في البيت و ايثار وامير يرسمو..

ما شافو الا بدخلة ماريا عليهم وهي بصياحها..
ــ اماااااااني
ابو مجتبى اختلع ..
وقعد قعود: ــ بسم الله خير اللهم اجعله خير !!

اماني فلتت السكين من ايدها والتفتت لماريا اللي كانت واقفه مبهوته تطالعم كلهم وضعهم طبيعي ومافيهم شي ..

ركضت لعند اختها ..

اماني :
ــ ويش صاير ويش فيش ؟؟ وداد اذتش؟؟ مين اللي جابش ..؟. حسن.؟؟؟

ماريا ماهي عارفه ويش ترد .. وفي بالها مليون الف فكر ...:
ــ معقوله ماوصل ليهم الخبر ومايدرو للحين .. !!؟؟
يعني اني اللي جايبه ليهم الخبر ..!!
ويش هالحاله.. ؟؟ معقوله مافيه شي .!!
حتى لو مافيه شي...
اللي صاير يخلي الواحد يرتعب يبين عليه شي مو كذا...!!
ياربي ويش اسوي.. ؟؟

ماريا بهدوء وهي ترتجف : ــ ابو باقر .. ما اتصل عليش..؟؟
اماني مستغربه : ــ لا.. انتين تدري المكان اللي هو فيه صحرا.. ومافيه ابراج .. مايتصل الا مره وحده في الأسبوع اذا نزلو اجازتهم يرتاحو في مكان فيه تغطيه... لويه تسألي ؟؟ ويش تبغي منه؟
ماريا : ــ ماسمعتي شي عن عمله؟
ــ ماريا .. ويش فيش وويش هالأسئله ؟؟
ماريا في بالها: ـــ لااااا اجل ماتدري...
ورجعت تسأل اختها: ــ مو هو في شركة الـ..........
اماني : ــ ايه...ويش فيش ماريا وقفتي قلبي منتين طبيعيه.. سامعه شي ؟؟
وبالصدفه .. باقر يقرأ شريط الأخبار ...
ــ اماااه اسم شركة ابوي في التلفزيون مكتوب ..
اماني التفتت : ــ ويش !!

Princess
10-24-2009, 01:16 AM
ابو مجتبى : ــ ويش فيه.. ويش مكتوب..
اماني فاتحه عيونها وتقرى باقي الخبر اللي كان ينص ان الحادث حصل امس ....
ماريا وراها ارتمت على ركبها..
اماني بلا وعي ركضت لجوالها لقته طافي ..
بسرعه راحت الصاله وكان الشاحن مركب وهي ترتجف تركب الشاحن في جوالها
طاح من ايدها و انفتح غطاه و انفكت البطاريه..
صارت تصيح : ــ وقته.. دا وقته..
قام باقر لأمه المتوتره مسك الجوال وركبه فتحته ..جتها رسايل تبين ليها المكالمات اللي وصلتها..
مكالمات من يوسف ومن ماريا... واجد..
ومافيه أي مكالمة لمجبتى..
صارت اماني تشاهق وحالتها حاله... مهي عارفه ويش تسوي
دقت على رقم مجتبى..
صار يرن..
رنه
رنتين
ثلاث
..
..
.
ومع كل رنه قلب اماني ينشلع...
قريب يخلص الرنات...


ردت وحده : ــ مرحبا..
اماني فتحت عيونها : ــ مين انتين؟؟؟
ــ انا الممرضه في مستشفى ......... انتي زوجة مجتبى ال...؟؟
ــ ايه.. ويش فيه مجتبى.. ؟؟؟وين هو..؟؟. ليش ما رد هو؟.؟؟ ابغى اكلمه.. ويش صاير.؟؟
الممرضه تحاول تهدي فيها:
ــ ما صاير الا الخير .. الحمدلله مجتبى نجى مع اصابات ان شالله يقوم بالسلامه..
اماني تصيح : ــ ابغى اكلمه .. وين هو .. اعطيني اياه..
ــ طيب اتصلي بعد 3 دقايق لأن الجوالات للمصابين عندي بالغرفه راح اوصله له..
الممرضه دخلت غرفة فيها عدة مرضى بنفس حالة مجتبى اللي ماكانو ينعرفو ولا يتفرق بينهم الا بالورقه اللي على اسرتهم تبين اساميهم ومعلوماتهم.. الا اماني اتصلت..
الممرضه تحط الجوال في ايد مجتبى : ــ زوجتك المتصله
مجتبى بفم مبتسم .. وكان الجزء الوحيد اللي مبين في وجهه المغطى بالشاش..:
ــ هلا غناتي
اماني بلهفه : ــ مجتبى.. حبيبي .. ويش فيك..؟؟؟ ويش صار..
مجتبى و الأبتسامه ترتجف: ــ الحمدلله مافيني الا العافيه.. حروق بس صابتني لا تخافي ..
ــ بأي مستشفى .. بنجي لك ..
ــ لا وين تجو لي ... كلها كم يوم وباجيكم انا..
ــ متى.؟؟
ــ مادري حسب حالة الحروق بس اصير احسن باجيكم لين يرتبو الوضع و يشووفو وين بنصير...
اماني وبصوت بالكاد ينسمع : ــ زين.. ننتظرك.. انتبه لروحك...
سكرت الجوال و طاحت على ركبها رجولها مو شايلتنها وتحس مافيها صوت...


يوسف من الرعب اللي سواه فيه مؤيد .. اضافة لخلعته على صهره.. حس نفسه يبغى يدخل الحمام..
وين يروح ماهو عارف اول مره يمشي في هالشوارع .. لقى قدامه مجمع .. دخله.. وصار يدور ...
سأل واحد من اللي هناك عن دورة المياه وقالو له انها في الدور الثاني...
وهو رايح للأصنصير .. دقت عليه ماريا ..
ــ ها خيه ويش؟؟
ماريا بهدوء : ــ الحمدلله ماعليه شر .. بس صابته حروق كم يوم وبيرجع البيت
يوسف يزفر زفرة من قلب : ــ الحمدلله .. ماقصر علينا الخبر ذبحنا..
ــ الحمدلله.. يللا انتبه لروحك
يوسف : ــ وين اماني اباكلمها..
ماريا مدت على اماني الجوال..
اماني من الخلعه مافيها نسم.. فصارت تأشر على ماريا انها مابتقدر تكلم
ماريا : ــ ماعليه خيوو مابتقدر تكلمك تعبت من الخلعه وبترتاح اذا صارت زينه بتكلمك
ــ متأكده مافيها شي.؟؟
ــ لا بس من الخلعه.. تعرفها اختك في هالمواقف يبح صوتها..
يوسف يعرفها يتذكرها في موقف وفاة امه وابوه شلون الصوت عندها خلاص مع الرعب و الخلعه يختفي .. وحالتها تصير لله..
ــ اوكي خلاص .. سلمي عليها وتحمدي ليها بالسلامه وعلى ولادها و عيالها كلهم بعد فردا فردا..
ــ زين يوصل..


فتح باب الأصنصير و دخل يوسف ودخل وياه واحد شكله ثلاثيني .. كاشخ شماغ وحركات سلم على يوسف... شوي باب الأصنصير بيتسكر الا ينفتح بالسرعه ويدخلو وياهم 3 بنات كاشفين..


يوسف فتح عيونه وفي باله : ــ ويش قلالة هالحيا .. ولا ينتظرو ...ويانا على طول... ركبو..!!


عطاهم ظهره... الرجال اللي وياه عمل مثل يوسف وعطاهم ظهره وهو يتأمل في يوسف ... يوسف ماكان يدري ان الرجال يطالع فيه... ولا يسمعو الا وحده من البنات وكانت الأقرب في المكان للرجال ..تقول :
ــ السلام عليكم..
يوسف قلبه وقف .. الا يسمع الرجال يرد :
ــ عليكم السلام..
البنت : ــ كيف حالك.. وينك؟؟
الرجال : ــ بخير الله يسلمك.. هذاني موجود...
شوي الا البنتين اللي وياها فقعوها ضحكه وباب الأصنصير انفتح.. يوسف والرجال دارو والبنيه اللي كانت تتكلم حاطه الجوال على اذونها وتكلم وهي رافعه حاجب وحاجب وتطالع في الرجال الكاشخ... >> الأصنصير زجاجي والمسافه ماهي بعيده فكان فيه ارسال بداخله..
يوسف جته ضحكه بس حاول يبلعها مو قادر ...
الرجال وجهه صار زي لون شماغه... ويطالع في يوسف :
ــ اضحك يا بعدي .. لا تمسك نفسك..
يوسف صار يضحك يضحك...: ــ الله يهديك ويش لك ترد عليها ..
الرجال يسخر على روحه : ــ والله منيب مصدق معقوله بعد سنوات التهزيء حظي يضحك
يوسف ماقدر صار يضحك زياده ..
الرجال : ــ ايه شعليك .. ما شالله على هالحلاة فيك.. شكلك خبير مخضرم..
يوسف : ــ؟؟؟؟
الرجال : ــ الأخ منين؟؟ << قالها بطريقه مهي طبيعيه و نظرات عيونه تخوف ....
يوسف جواله يرن .. حس يوسف الأتصال بمثابة المنقذ له من هالأستجواب ومن هالرجال العجيب المخيف ...
الرجال في باله : ــ اللهجه شرقاويه.. والله العالم...
طلع مراد المتصل ..
يوسف سوى حاله رد وهو اساسا عطاه مشغول ..: ــ هلااا .......... الله يسلمك
وكمل طريقه ودخل الحمام ..
الرجال يعدل شماغه : ــ لا الحظ اليوم مطين.. لا فلحنا لا مع مره ولا رجال.. لكن انا مسنتر لك هنيا لين تخلص... << الرجال خربان وقاضي ...


مراد واقف في نفس المكان اللي نزل فيه يوسف .. قلبه ماطاوعه ... رجع له ويبغاه يرد عليه..
حط مراد راسه عالدركسون.. وصار يتذكر كلام يوسف ..
كتب ليوسف رساله : ــ يوسف ارجوك رد .. واذا مابترد .. ارجوك ارجع للمكان اللي نزلتك فيه .. انت ما تندل في الرياض مكان.. واخاف عليك ارجع و في الشقه سو اللي تبغاه فيني


يوسف قرى الرساله ..... طلع من الحمام لقى ابو شماغ في انتظاره.. حس روحه فعلا متورط
الرجال بأبتسامه معسوله: ــ ياهلا والله.. نعيماااا
يوسف اختلع وفي باله : ــ لا شكلي ابتلشت..
بأبتسامه مصطنعه : ــ ينعم عليك ..
وفي باله: ــ على ويه بعد .. مستبح..!!


صار يمشي و الرجال وراه.. يوسف مو عاجبه الوضع مو مرتاح يحس هالرجال فيه إن..
الرجال : ــ بلاك يا اخي مسرع.. ما باكلك ,. وقف شويه ابسألك...
يوسف وقف والتفت عليه : ــ نعم..!؟
ــ الــــــــــــلــــــــــــه ينعم بحالك.. شرايك تلعب معي ؟
يوسف فتح عيونه : ــ نعم؟؟!!
الرجال ضحك : ــ ههههههه.. ماعلموك اهلك غير كلمة نعم؟؟؟ لا شكلك ما تفهم.. اذا ما تفهم اعلمك..
وغمز له ..
يوسف خلاص بدنه انتفض حس مثل الكهرب تسري فيه..
طلع يركض بأتجاه المكان اللي تركه فيه مراد..
والرجال وراه..

Princess
10-24-2009, 01:17 AM
وصل لسيارة مراد ...
مراد مسند لحيته عالدركسون من شاف يوسف استانس وانتبه للرجال اللي يمشي وراه وشكله المريب ..
شوي الا بصرخة يوسف فيه: ــ والله ان ظليت وراي راح ابلغ الهيأه عنك..
الرجال وقف وبأستياء: ــ وش بلاك يا بزر .. انت الخسران...


مراد فهم السالفه فتح الباب وصرخ في الرجال :
ــ هييييييه يا جحلط >> جحلط كلمه نجديه تعني المتسكع في الشوارع بلا فايده اللي ما يخاف على سمعته ولا يهمه كلام الناس عليه.. عديم المنفعه زي مانقول حنا صايع..


الرجال : ــ انا جحلط ..!! وش عندك .. تبي شي ؟؟ تدري .. انت تنفع بعد.. ورى ما تقنع خويك ..
مراد ما مسك عمره ... هجوووم على الرجال .. وعطاه ضربه فلته عالأرض ..
تجمعو شباب بعضهم يمسكو مراد ويوسف يحاول وياهم يهديه.. وبعضهم تصفيق و تشجيع عالعركه..
مراد : ــ تفوو على امثالك يا خايس <<< عذرا عالمصطلحات.. بس لزوم شخصية مراد


يوسف ومراد ركبو السياره.. ومشو...
الرجال مسك شماغه و هو يمسح الدم من على بوزه بعد بقس مراد العنيف ..
طلع جواله وسجل رقم سيارة مراد..



في امريكا ... الشرطه لازالت تبحث عن موقع جون اللي كان مركد كل عمليات النصب و هادئ لين يستتب الأمن بعد سالفة جويل الأخيره..
جون يضرب ايده عالطاوله ويصرخ في ستيف :
ــ اين سام .. هذا ليس وقت التسكع في الشوارع ونحن الآن في بداية الفجر .. والشرطة تبحث عنا في كل مكان
ستيف وهو ميت خوف : ــ لا اعلم سيدي .. لقد ترك المكان من اول الليل
مارك بصوت هادئ : ــ لن تأتي المصائب لنا الا بسببه .. ذلك الطفل عديم المسؤوليه..
ستيف في باله : ــ يال حقدك يا مارك...


ستيف يحاول يتصل على سام.. جوال سام صامت ولا يرد..
سام نايم مع قيصر .. اللي ما غفت عيونه... ويفكر في سام وكيف ممكن يساعده...




مراد ويوسف وصلو العماره الا شفيق توه نازل من التاكسي ..
يوسف بفرح ::
ــ هلاااا شفيق..
شفيق ابتسم ومستانس بهاللقاء الحار اللي ماكان يتوقعه:
ــ هلا فيك يوسف ..
ــ الحمدلله على سلامتك ماتشوف شر ... ان شالله الحين احسن..
ــ الحمدلله .. ويش دراك؟؟
ــ مصطفى قال لي..
شفيق وبريبه ..: ــ ويش قال لك فيني << خايف لا مهدي علم مصطفى باللي فيه بالضبط مايبغى احد يدري
يوسف ابتسم : ــ لا بس قال لي فقر دم حاد..
ويضرب ظهر شفيق : ــ عاااد ياخووك اهتم بروحك اكثر و اكل ..
شفيق ارتاح ويفكر ان الشباب ما درو بحقيقته..
مراد : ــ هلا شفيق .. الحمدلله على سلامتك..
شفيق ورده ماكان بحماس مثل مارد على يوسف : ــ هلا .. الله يسلمك..
مراد استاء.. حس بالفرق في المعامله.. حاول يسوي روحه ما حس..
ركبو الشقه.. الا حبيب رافع ثوبه للركبه وملوتنه على خصره .. << ثوب بيت
ودايس على فوطه مبلوله وقاعد يتمشى فيها عالبلاط >> مو فارشين الشقه كلها ..
وقاعد يغني : ــ عالبساطه البساطه .. ياعيني عالبطاطااا..
ومسح قايم رايح وجاي..


انتبه لشفيق :
ــ هلاااا شفيق وسهلاااا حي الله ابو الشباب


الكل قام يسلم على شفيق
شفيق مستغرب ومستانس ماتوقع ابدا هالترحيب ..!!


والكل يسأل عن اخباره.. ماعدا صادق ما احد علمه عن سالفة شفيق ولا يدري به..
فصاير ترحيبه عادي حده كيف الحال والحمدلله عالسلامه..


شفيق بيدخل حس بالرطوبه عالأرض وكان لابس ثوب .. رفع ثوبه لفوق لا يصيبه ماي
حبيب ابتسم : ــ ماي هذا شفيق .. نظيف .. لاتخاف
شفيق ابتسم لحبيب ابتسامه بارده وظل رافع ثوبه لين وصل للزوليه وقعد..
السيد يهمس لحبيب : ــ انت تقول ماي هو لا .. لا تنسى حالته..
حبيب : ــ بس كنت ابغى اطمنه..


مراد وهو رافع الكيس : ــ شبااااب جبت ليكم عشااا
كاظم نط من الغرفه : ــ وووو.. أي خُدا.. أي خُدااا .. ميت جوع انا .. ويش جبت..
مراد : ــ معجنات ومشويات .. ومقبلات..
السيد : ــ ما شالله كفارة الغدا يعني ..
مراد : ــ خخخخخخ ايه.. يللا غسلو
حبيب : ــ دقيقه بس باوصل للمطبخ..


السيد انتبه لملامح يوسف فيه شي ... فقرر بعد العشا يقعد وياه يشوف ويش فيه بالضبط..



عبدالستار في غرفة فتحي الوقت اول الليل ... فتحي توه قاعد من النوم وطلع..
عبدالستار ينبش في اغراضه وضع فتحي مو عاجبنه ابدا..
عفس الدنيا فوق وتحت...
ام عبدالستار دخلت عليه : ــ ويش تسوي ؟؟
عبدالستار اختلع : ــ هاا.. ادور على جواز فتحي... << كان يدور عالجواز و اشياء ثانيه شاك فيها..
ام عبدالستار : ــ جوازه عندي سبقتك..قلت له يعطيني اياه .. ماعطاني اياه الا بفلوس هالنحيس.. والله هالفتحي وضعه مو عاجبني
عبدالستار في باله : ــ الله يستر على ويش صرفهم هالفلوس... ؟؟!!
ام عبدالستار : ــ عاد ياولدي اذا فيه شي تدري به عنه علمني .. كلمه خله يركد شوي عن الصرف صاير مو طبيعي...
عبدالستار يحاول يطمن امه : ــ ان شالله مافيه الا الخير هو بس يسهر واجد و لا يشتغل زي الخلق .. ماعليه اكلمه لش ...


طلعت ام عبدالستار من الغرفه..
عبدالستار ظل يدور .. يدور مالقى شي ..
وهو طالع من الغرفه لفت نظره .........
الى الملتقى..

مكسورة خاطر
10-24-2009, 01:35 AM
يالله اميره كم باقي
عاد خلاص

*زهرة البنفسج*
10-24-2009, 01:42 AM
هللمراد عور بقلبي مسكين ..!

::

الله يعين يوسف صاير عصبي احسه اش بلاه هللولد خليه يركد اموره ..مثل قبل

::

الله يعيطك العافيه غلاتو ماقصرتي

موفقينـ

جـــــوان
10-24-2009, 01:59 AM
الله يعطيش العافية امورة

البارت الجاي نبغى اطول

أمل الظهور
10-24-2009, 02:22 AM
مؤيد ؟؟؟؟!!!!!!!!!!!1

اه الي مااخذ عقلك هذي ماده الجبر وماتسوي ربي يساعدك ويوفقك


ويع تنرفزت من راعي هالشماغ يستاهل الي سوى فيه مؤيد <<بتتسطر


بيضها مراد بالعشى مابقى شيء ماجابه خخخ جوعهم


والحمدللللللللله على سلامة مجتبى وربي يرجعه لهم سالم غانم ويعينوه قريب ويعوضهم


على الاقل عن غياب احمد


وفتحي اهـ ربي يستر منه ومن بلاويه


موفقه حبيبتي يارب 2|2 يارب


عوافي

أموآج
10-24-2009, 05:28 AM
يعطيش العافية خيتوو

بس مو كانه الجزء اليوم صغير شوي

وهالمراد طيب وع قلبي بس يبي له من ينصحه

الفراش الفاطمي
10-24-2009, 01:58 PM
روعه هالبارت يسلمو اموره
تعلــــــــــــــــــــــــــــيق
مراد نحيس بس شكله بيتأدب
لكن زين سوا في هالرجال
والحمد لله ع سلامه مجتبى وشفيق
ويوسف زين سوا في مراد عشان يتأدب
وحبوووووه هههه ويا فوطته بصراحه ضحكني
وبــــــــــــــس
بانتظار الجديد
تحياتيـ ..

أموله
10-24-2009, 03:21 PM
:bigsmile: ويـــــــــــــــــــــــــــــــــــــ
الحمد لله خوفتيني على مجتبى ويوسف >> مـ’آخفت على مرآد :evil:
:sad2: ويلي عليك يآ عبد الاأله مسكين عور بقلببببي )=
:wink: وعـآد هالشـآيب مخرففف !! ضحكني هالغبي الله يكفينا الشر شآيب صايع وش خانته
سـآم كـآسر خـآطري احسه نقطه بيضه فورقه سوددده ويآمن يكفخ مـآركوهـ مـآكنه مسوي شي
فتحييييوه وعبد الستـآر مو هـآميييني هع ~
اموررره
روووعهـ بجد أبدعتي بهالجزء
يسلموووووووووووووووووو

كبرياء
10-24-2009, 03:34 PM
يستآهل مرآدو كآن يتأدب ..
وذآ شسمه الموقف مرعب لو انا مكآن يوسف سويتها بمكاني هههههه
تسلمين أمروش ..~!
بالأنتظآر ..
وقوآك ربي ..!

سفيرة الاحلام
10-24-2009, 05:06 PM
مشكوره على البااارت

الله يوفقك في الاختباار

ههههههه يضحك الموقف الا ويه البناات << تصير في احسن العائلات

مرااد يكسر بالخااطر يبغى يتعدل يالله الله يسااعده

Habit Roman
10-24-2009, 07:12 PM
عطيش الله العافية غناتي


ننتظ جديك والله يوفقك في الامتحان

تحياتي

لحظات ماسيه
10-24-2009, 07:13 PM
بآآآآآآآآآرت نااايس
تسلم اناملك..
في انتظار البقيه..

بلسم لجروح
10-24-2009, 07:28 PM
بارت روعة كنت اقرأ بس خلف الكواليس
مراد مسكين كسر بخاطري مايستاهل
اتوقع مجتبى بيتشوه او بيصير في شكله شي
وسام انشالله يروح مقر العصابه ويقول ليهم
عن مارك
ويسلموو على الرواية الروعة
في انتظار البارت القادم
تحياتي

عطر الكون
10-24-2009, 07:29 PM
باااااااارت روووووووعه
ننتظر التكمله

أحبك ياغلا عمري
10-24-2009, 10:57 PM
مشكورةعلى الجزء الحلو

دمعة على السطور
10-25-2009, 12:07 AM
اللهم صل وسلم على محمد وآل محمد وعجل فرجهم وفرجنا بهم ياكريم....



الحمد لله مجتبى طلع إصابته هينة تُعتبر...>>قدام الخيالات اللي جتني....!!




(مؤيد تقصدي به مراد بالغلط أكيد :) مراد يستاااهل ...وحاسة إن ربي بيهديه إن شاء الله ......!!




أما راعي الشمااغ فحدّث ولاحرج ..هذا منتهي ...استغفر الله ربي....






استانست من استقبال الجميع لشفيق>شا اخوووش..!!!




بس عاااد لاتكون رددة هالفعل مُجرد تعاطف....!




جويل توني المغرب ماادري وش اللي ضربني على راسي وذكرتها في بالي هههههههه أقول مايندرى وش صااابها



بعد هالصدمة العويصة ...!!




يوسف انفعالاته زايدة هاليومين..لأن فعلاً احس جته ضغوط كثيرة مرة وحدة ...!!


وهوشكله مو من النوع اللي يفصح عن شي داخله ....




الله يكون بالعون....ويلا أميرة ننتظر البارت الجديد :)




تسلم الأيادي غناتيييي...البااارت اروع من رائع وأكثر من حماسي...



موفقة لكل خير إن شاء الله تعالى
دمتي بعين المولى الجليل

طفلة تحت المطر
10-25-2009, 02:32 PM
يسلموو اميره

الحمدلله ما صار شي لمجتبى

الله يستر وش ورىآ هـ المخلوق ابو الشمآآغ ؟!

بس عجبتني فشلته مع البنيه << ما خدتنهآآ من كركتير :wink:

وش هالشي إللي شآآفه عبد الستآآر في غرفة فتحي ؟!

^=^

ننتطر البارت القادم

حلاالكون
10-25-2009, 05:09 PM
في لانتظااااااار

دانهـ العشآق
10-25-2009, 11:59 PM
آآخخخ بس توني قاريه البارت طبعاً عندنا ماعندكم يا أميره ويمكن الفزكس أعظم ..~

البارت بصراحه فننننننن ..~

ضحكني موقف أبو شماغ مع البنات~>يتساااااهل .. بس ليش أخد رقم سيارة مراد شكله راعي بلاوي خوفني عليه ..~

مراد بيصير خوش ريال وخواتم 4في اليمين و4 في اليسار عندي أحساس كذا مدري ليش ..~

حباب ياجبدي هو تخيلت شكله وهو ينظف ..~

ومؤيد بدل مراد !! شكلها غلطه مطبعيه معذوره غناتي ..ّ

الحمد لله ع سلامة بو بقووور ..~

وفتحي الله يستر من بلاويه !! ..~

لاهنتي يالغلآ ع الطرح ..~

ننتظر جديدك بشوـوـوق ـ-ـ-

لا تعليق
10-26-2009, 08:29 PM
مرادووو ..واجد عليك ..بس بكس !!
عالبساطة عالبساطة .. ياعيني عالبطاطا هههههههههه حلوة لكن ليش مافيها طماطا << ظريــــــفة
اني خايفة حددددي
حاطة نفسي مكان مراد اكيد هو خايف اكثر مني
لكن رسالته الى يوسف كانت عدلة
اميرة الجزء مرة حلييييييييو لكن ليش ماموتي مجتبى .. موتيه في الطريق ها .. عشان اماني تعرس على قيصر وتفلح عن هالعقربة
وتعاليقي الطويلة ترحمي عليها
احس فيش لما تكتبي اهئ اهئ
الى اللقاء..واصلي

Princess
10-26-2009, 10:49 PM
مرحبا
تسلمو والله يعطيكم الف عافيه على التواصل و التعليقات الحلوه.
مسامحه كنت دايخه شوي في البارت السابق لدرجه قلبت مراد مؤيد << متأثره بروايتي السابقة ضعنا ياصبرنا.. الظاهر صار لمخي عملية استرجاع بيانات .. :toung::embarrest:

و على العكس اصحاب التعليقات الطويله يعجبوني .
. اتمنى مايحرموني من هالحركه منهم..
والود ودي الكل زيهم..
الله يعلم شقد اتعب في كتابة كل بارت.. و تمام انكم تراعوني لو تأخرت
الله وكيلكم بارت اليوم قد ماقدرت كتبت ليكم.. من الساعه 4 العصر للحين توي بس مخلصه تلوين... :wacko:
فويش هالتعليقات الحلوه منكم والتخمينات.. تبرد قلبي .. واعتبرها احلى هديه .. :amuse:

وللي يسألوني متى بتخلص الروايه..
:wacko: مادري والله مادري حسب الأحداث و قدرتي والظروف..
ماعلينا...
هذا البارت الجديد اتمنى ليكم قضاء امتع الأوقات ... :shiny:

Princess
10-26-2009, 10:51 PM
بعد العشاء الكل توجه للنوم... في غرفة السيد وحبيب وكاظم ..
السيد : ــ مالاحظتو شي عالعشا.؟
كاظم : ــ صادقوه ساكت ما علق على شي
السيد : ــ هههههه غربلك حاط دوبك ودوبه .. لا .. مراد ويوسف مالاحظتوهم؟
حبيب : ــ مو على بعضهم.. من رجعتهم من برى وخصوصا يوسف شكله صاير له شي..
السيد : ــ حتى مراد ما يضحك من نفس و لا يشاغب عوايده..
حبيب : ــ مايندرى ويش صاير بينهم ..
كاظم قايم من سريره.: ــ مافيه الا الخير ان شالله..

وراح يدور في مخابي بنطلونه المعلق ..
طلع باكيت دخانه و الولاعه وطلع عنهم..
حبيب : ــ نسى حظي ماشرب المرضعه قبل لا ينام..
السيد : ــ الله يهديه مادري متى بيبطل هالعاده ..
طلع كاظم لقى صادق في الصاله منسدح على الجلسه و يقرأ في كتاب..
كاظم في باله : ــ لو دوده لاعت شبدها .. الله يساعدك.. والمشكله كل الكتب اللي يقراها ماليها علاقه بدراسته.. مستر عبقرينو..
دخل الحمام وشغل الهوايه وقعد يدخن..

في غرفة يوسف ومراد.. شفيق كان تعبان مره.. بمجرد انه قعد عالسرير استسلم للنوم..
يوسف يتأمله و يتذكر قصته و المعاناه اللي عاشها ويحس بالحزن على حاله...
التفت لقى مراد غريبه ولأول مره منسدح بدون مايحط السماعات في اذونه..
هدووء..
الا مراد : ــ يوسف..
يوسف مايرد عليه ساكت ..
مراد : ــ ادري بك مو نايم.. بس حبيت اتأسف على الموقف اللي حطيتك فيه اليوم.. تصبح على خير..
يوسف ظل ساكت و ما رد عليه...


عبدالستار في غرفته حاط قدامه كيس فيه ابر جديده فاضيين من الصيدليه ... يتأملهم والأفكار تتزاحم في راسه..
ــ هالأشياء تقطع شكي باليقين.. ليش هالأبر..؟؟ وليش خاشنهم فوق الكبت.. ما يستخدموها الا مرضى السكري وللمستشفيات .. والمدمنين.. يافتحي بتذبحني.. مافيك انت لا سكري ولا غيره.. !!
عبدالستار حاط ايده على راسه ويضرب على خفيف يحس روحه ضايع .. وفتحي حتى وان واجهه متأكد انه راح ينكر..:
ــ مالي الا اسحبك زي الغنمه لمستشفى الأمل و اسوي لك تحاليل ولا هالعذاب..


في شقة نوري و الشله..
محسن : ــ اول مره في حياتي اشوف واحد يسوي رياضه قبل لا ينام
أيمن : ــ لا تنسم عضلاته لازم قبل النوم وبعد النوم..
نوري وهو حامل حديد اثقال في كفه اليمين..يرميها لكفه اليسار:
ــ بتسكتو لا اصك خد واحد واحد فيكم..
محسن : ــ بل .. وحشني مصطفوه ماصار له يومين غايب
نوري : ــ اي والله حلى الشقه فديته..وينهو شان يقعد على ظهري يعورني
ايمن : ــ اففف تزهقو.. .. اقوم انام احسن لي..
نوري : ــ أي والله احسن لك .. مو حاصل لك صطيف تتجاكر وياه..
محسن : ــ إلا وين هانيووه..؟؟
نوري : ــ في الغرفه نايم عفر
محسن طل عليه ورجع يضحك :
ــ منسدح يبربر في الجوال ..
نوري : ــ ايه اعظم من بنيه..
وقفو عند الباب يتصوخو ويش يقول ..
هاني وكان يحش مع اللي يكلمه في واحد بيخطب : ــ ههههههه ايه وتالي ... لا عاد ما اصدق ... عاد هالمجنون مادور يخطب الا بنت هالحسره ... يلعن يوم الحب ياشيخ... وبنت عمته يعني... هههههههههه .. هذا مهرها وهي بنت عمته.. حسباله بيسوي له تخفيض ....... اقول احسن حواجبي شوارع ان قدر ياخذها...... ويه ويبغى ابوها نص راتبها كل شهر.. ويلي اباموت........ هههههههه متأثر بطاش ماطاش.. مسكين شكله بينسحب ...... لا تقول عاد.,.. لا بالله هذا عيشة محقة قشره.. ....... الله لا يبلانا.... وويش الحين حدد متى عقده..... اهاا ما حللو..... خخخ بيشنق روحه ان طلع مافي توافق ....
انا داري..... ايه المهم خبرني التفاصيل بعدين.. ويش بعد صار مِنّيه مناك

محسن فيه ضحكه وكاتمنها ..
نوري يمسح على وجهه بقهر : ــ آآآخ هالمخلوق باشك في رجولته..

ماريا و اماني رجعو البيت ..ووداد وحسن مسوين ليهم استجواب على اللي صار..
حسن : ــ الحمدلله عالسلامه ... انا مافتحت جوالي الا مليون مكالمه من وداد خلعتني .. متأكدين قال بيرجع مايحتاج نروح له...!!؟؟
اماني بهدوء والحزن مبين فيها : ــ هذا قوله والله..
حسن : ــ كثر الله خيره هالعبد الأله رجال وقت الشده ما اخاف عليكم وهو جارنا
ماريا بأبتسامه : ــ ماقصر .. الله يحفظه
وفي بالها: ــ هالأخو يمدح في الكل ويسأل عن الكل الا اخوه..
وداد تطالع في ماريا على جنب : ــ يظل رجال غريب..
حسن : ــ لا انا صراحه ما اعتبره غريب منا وفينا حسبة اخونا.. من ايام المرحومين وهو كل في بيتنا يلعب ويا ماريا ويوسف واخته شهربان .. ما شفنا منه لا عيب ولا مذمه..
ماريا : ــ هههههه تذكر
وفي بالها: ــ يمه زين طراه حس فيني عفر احش فيه في مخي خخخخ
أماني بأبتسامه بارده : ــ مايضحكني شي… كثر شبقاته ويا اخوش يوسف لما يوسف ينقهر منه لويه يمسكش لو يمرجحش ويجي يشتكي عبدالأله عندي.. هالظريفين..
ماريا : ــ جهال ويش فهمنا..
وداد بقهر تضرب ضربات: ــ ايه الجهال تكبر و تكبر الذكريات..
ماريا تطالع وداد على جنب وفي بالها : ــ اووه بدت..
حسن : ــ اقوم انام انا بس .. وراي بكره قعده من الفجر
وداد : ــ اووووف اني مافيني نوووم...
حسن : ــ اسهري ويا خواتي..
ماريا : ــ تصبحووووون على خير وراي مدرسه..
وانسحبت غرفتها..
اماني : ــ بااقر .. باقر حليت واجبك قبل لا تنام..
وانحاشت ورى ماريا ..
وداد بقهر : ــ استرررر .. يعني اني الميته عالسهر وياكم.. رقيه وسبيكه.. مااالت بس
محمد طلع من غرفته : ــ امااااااه
وداد اختلعت ونقزت : ــ أُو صاقعه .. خلعتني ويش تبغى .. مانمت للحين؟؟
ــ قلتي لأبوي عن بكره..؟؟
ــ اوووه نسيت .. غربلك الله ما تذكرني لويه ؟؟
ـ كم مره اذكرش .. بكره الأستاذ مابيدخلني الا اذا جى ابوي..
ــ زين اذلف نام باقوم اقول له..

دخلت وداد لقت حسن منسدح وعلى وشك النوم... ولعت الليت:
ــ بكره مشرف المدرسه يبغاك
ــ أي مدرسه..؟؟ << ماهو في وعيه
ــ مدرسة فرات... اني داريه عنك أي مدرسه.. حمدوه ..
استوعب حسن الموضوع:
ــ تسخري حضرتش .. ويش يبغو...؟
ــ متشابق ويا باقروه و ....
قاطعها بقهر : ــ افففففففففف انا اقدر انام قبل لا يتعكر مزاجي .. هالمنتحس طايح الحظ ما يتعب من الشباق ويا هالفقير المسكين في البيت لاحقنه للمدرسه.. حسبي الله عليه مسود وجهي في كل محل..
ــ لا تسب فيه وباقروه هو اللي مبدي
ــ بذمتش ويش مسوي له ؟
ــ ها.. آآآ << ماقال ليها محمد
تداركت ربكتها:
ــ اهوووه… ولدي مايسوي شي .. ولد اختك متعيلف اكيد
حسن بسخريه: ــ ايه عصفور الجنه وملاك الأرض حمود .. حاشى عليه يسوي شي .. تشه يسوي شي دا!!!...القطوه تاكل عشاه..
ــ اسخر اسخر.. اني اول مره اشوف ابو يسخر على ولده بدل لا يدافع عنه..
ــ والله العدل عدل .. و اللي يمشي سيدا ما احد يتعيلف فيه..
ــ اسكت احسن لي..
ــ وباقر ويش ؟؟.. قالو بعد يبغو ولي امره؟
ــ ويش علي منه اني..
ــ و علّه ان شالله طفي الليت بس...<< وغطى وجهه بالبطانيه...
وداد بتهكم : ــ هذا اللي ماخذينه منك العلايل و السبايب ..




ام مجتبى صار ليها كم يوم هادئه وماتاخذ وتعطي من بعد سالفة بيع البقره مره مفتشله من ابو مجتبى…
وماليها وجه خصوصا بعد ما درت لما وصلت الفلوس لأبو رمزي انه متأسف كان متأمل تكون نور لولده.. و يخبرها ان ابو مجتبى اتصل عليه يخبره انها راح توصل له المبلغ لأنه مايقدر يقوم...
و علمها انه قال لأبو مجتبى عن السالفه و اذا ماعنده مانع دام سدد ديونه يجي ويتقدم ليها رسمي ... بس ابو مجتبى تحجج بدراسة نور بعدها صغيره وفي ثالث ثانوي وراها نسبه ودراسه جامعيه.. ومن هالرد فهم ابو رمزي انه مافيه امل...

حتى لما درت بسالفة مجتبى ولدها …
اماني اللي خبرتها مو هو... مقاطعنها بالمره...
فصارت بينها وبين نفسها تصيح و بنفس الوقت فرحانه انه ماصابه شي ..
حدها بس كل ليله تمرخ رجوله وتلفهم له.. ولا كلمه..

ابو مجتبى قاعد يتأملها وهي تمرخ ... شوي ماشافته
يضحك لحاله ..
ام مجتبى مرتابه منه ودها تساله على ويش الضحك بس لازالت ماليها عين..
ابو مجتبى يرد يضحك بينه وبين نفسه .. ويزفر من قلب :
ــ تذكري ؟؟
ام مجتبى بغت من الله يكلمها.. و بهدوء مرتبك : ــ ويشوو؟؟
ــ يوم انحاش منش ليلة العرس..
ام مجتبى ماقدرت صارت تضحك....:
ــ ايه لما سألك ابوي المرحوم لويه انحشت ويش سوت فيك.. فشلته عن حساب زين ماذبحوني.. الا حضرتك تقول "" >> وتقلد على ابو مجتبى وارتباكه ذيك الليله بطريقه مضحكه:
ــ ويش دراني ويش اسوي وياها يعني ....
ــ ههههههه اصقعش مابغيتي من الله اكلمش قلبتي علي مسخره..فعلا ويش دراني ابو 17 سنه ياهل ديك الحزه اجل الحين ابو 17 كنه ابو 25
ــ يعني اني الضبعه المفتهمه خلف الله علي ام 13 سنه ماعرف كوعي من بوعي...ويش خلاك تذكر؟
ــ مو لأني لما انحشت خبطت في كم ارض و كم محل و انا حافي لين تكسرت عصاقيلي تكسير وتالي مرختيني واول مره احد يمرخني ونفس حالتش الحين مرتبكه وساكته ولا حس
ام مجتبى تضرب ساق ابو مجتبى على خفيف وهي مستحيه : ــ استح عاد...
ابو مجتبى يضحك عليها : ــ ايييه.. رحم الله ديك ايام.. كانت خاليه من الهموم و المشاكل ..
وبهمس : ــ لا تعودي تتصرفي من وراي في شي .. لا بيكون حسابش اعسر من هالشكل..
ام مجتبى وقلبها يصافق : ــ ان شالله .. حاشى علي اعودها..
ــ امرخي اجل عدل.. يللا...

Princess
10-26-2009, 10:58 PM
على الماسنجر .. ريماس تسولف مع غاده.. مصادقتنها من فتره ... نور ماكانت عاجبتنها علاقة غاده بريماس .. وغالبا تتهاوش وياها وتشتكي عليها عند ماريا وشهربان.. بس ريماس كان ليها تأثير قوي على غاده.. خصوصا انها في عيد ميلادها شرت ليها لاب توب و بعدها بفتره سوت ليها ايميل وعلمتها عالماسنجر... فغاده معتبره ريماس الصديقه اللي عرفتها على العالم و وفرت ليها كل شي محرومه منه..
ريماس : ــ غدووشه.. باضيف ويانا احد مستعده...؟
غاده : ــ مين؟
ريماس : ــ صديقي.. :bleh:
غاده بأستغراب : ــ صديقش ؟؟؟
ريماس : ــ هههههههه على طول تصدقي .. صدق خبله اخوي..
غاده باستغراب اكثر : ــ اخوووش !! لويش تضيفيه يعني...
ريماس : ــ الصراحه ياغناتي.. من كثر ما اتكلم عنش و امدح فيش .. اخوي انجذب لش وحاب يتعرف عليش .. اني في البدايه مارضيت وقلت البنيه محترمه مابترضى بهالأشياء.. هههههه تخيلي ويش سوى..؟؟
ــ ويش؟
ــ عصب فيني يقول يعني انا اللي مو محترم.. خليني اتعرف عليها اكثر و انتين ويانا بالمحادثه ماباسوي فيها شي هو الا ماسنجر... :weird:
ــ ويش يبغى فيني؟
ــ ويش فيش اقول لش انعجب في شخصيتش .. صراحه تجبري الكل يحبش .. ماتدري يمكن الله يوفق و تصيري من نصيبه...:lol:
ــ ويش قاعده تقولي انتين ... ريماسوو لا تسخري وياي...
ــ والله ما اسخر .. اقول لش منعجب فيش .. لا تخافي اني باصير وياكم في المحادثه..


اضافت ريماس بدون سابق انذار الشخص اللي يازعم انه اخوها... وكان حاط نك نيمه اسم .. حسام..
حسام : مرحباا..:amuse:
ريماس : ــ هلاااا خيووو .. ارحبووو :clap:
غاده ساكته..
ريماس : ــ غادوو ما تسلمي على اخوي ..
حسام : ــ :amuse:


غاده بتوتر : ــ اهلين
حسام : ــ كيف الحال..
ريماس : ــ تمامووو .. غادوه ردي زين
غاده : ــ الحمدلله ..
حسام : ــ طبعا اختي قالت لش سبب حماسي اني اتعرف عليش .. ويشرفني هالشي ..
غاده : ــ مشكور..
شوي طفرت لغاده رسالة اضافه من حسام.. غاده غشيمه بهالسوالف ما تعرف كيف الأضافه وشلون من سوت ليها ريماس الأيميل اضافت روحها فيه وعطتها اياه.... سالت ريماس بنفس المحادثه اللي مع حسام حتى ماتعرف تفتح جديده تسألها فيها
ــ ويش دا اللي طفر لي مكتوب فيه حسام و آد ومدري ويش..
حسام يضحك بينه وبين روحه : ــ صدق غشيمه..
ريماس ماتت ضحك.. وتمالكت نفسها.. وردت عليها..
ريماس : ــ حطي اوكيه هذي على شان لا يطير من المحادثه << كذبت عليها..
غاده على نياتها وحطت اوكي..
حسام صار يدحن ضحك.. فتح محادثه مع ريماس وقال ليها:
ــ يصقعش ياعقربه.. من وين طايحه على هالغنمه..؟؟
ــ هههههههههه افا عليك بس.. اعجبك.. ماعليك هالغنمه بتعجبك بعد…
وشوي طلعت صورة حسام وكان حاط صورته الشخصيه...
لفتت نظر غاده وضغطت عليها.. وفتحتها بنافذه منفصله وصارت تتأمل وفي بالها:
ــ حليووو.. مايشبه ريماسو ابد...
الا ريماس تكلمها في المحادثه المشتركه:
ــ هااا شفتي اخوووي !! يشبهني؟؟؟ :cool:
غاده اختلعت وسكرت نافذة الصورة اللي انفتحت و المحادثه ..
ردت ضافتها ريماس: ــ ويش فيش طرتي ؟؟
غاده : ــ مادري ..
ريماس : ــ ماقلتي لي يشبهني؟؟؟؟
غاده : ــ لا...
ريماس : اني احلى منه صح ؟ :in_love:
غاده : ــ مادري..
حسام : ــ ههههههههههه مادري .,…يعني انا الأحلى.. :atkal:
ريماس : ــ نحيسين..
حسام : ــ :embarrest:
غاده : ــ لالا.. انتين الأحلى..
حسام : ــ كذابه .. الكذاب يروح النار ترى..:wink:
غاده ارتبكت..: ــ باقوم انام...
حسام : ــ بدري عالنومه...مستانسين...:amuse:
غاده قلبها يراقع : ــ بكره مدرسه مع السلامه..
ريماس ماترد ..
غاده : ــ ريماس باقوم...
حسام : ــ نامت شكلها ههههههههه الحين اطل عليها في غرفتها تلاقيها منسدحه عالكي بورد
ريماس :
غاده : ــ ههههههههه يللا تصبحي على خير نشوفش بكره
حسام : ــ تصبحي ..؟؟ نشوفش ؟؟؟ افا.. وانا طوفه..:blink:
غاده : ــ لا ما اقصد.. تصبحو على خير مع السلامه
وسكرت المحادثه والماسنجر بالسرعه..ما انتظرت حتى الرد..
وقلبها يصافق.. و تبتسم بأرتباك...


ريماس ظلت وياه عالماسنجر ..
حسام : ــ ويش جايبه لي .. بارده ابدا مافيه تفاعل.. لا تحلمي ولا حتى بـ 10 ريال :noworry:
ريماس : ــ ويش فيك انت.. لا يغرك ترى عليها جمال عجيب .. شوي شوي تتعود عليك و تالي تدعي لي ..:wink:
حسام : ــ ظنش تتعود؟؟ وتطاوعني بعدين في كل شي.. :huh:
ــ والله انت وشطارتك واتوقعك شاطر...
ــ اخ منش والله عقربه.. وقسم لو انش اختي صدق ذبحتش..
ــ شدعوه اني ميته اكون اختك.. الحمدلله ربي
ــ ها ها .. بدينا في الغلط.. :huh:
ــ انت اللي لا تغلط لا ما بتلاقي مني ولا حاجه..
ــ خلاااص يللا عاد.. تمسكينا من ايدنا اللي تعورنا.. عموما اذا لانت و كانت مثل ما قلتي ابشري باللي تبغيه.. :wink:
ــ اقل من 500 ريال للجلسه ما اقبل..
ــ بل ...:weird:
ــ على ضمانتي تراها مهي هينه.. قطعه جمال..باحاول اجيب لك صوره ليها .. واذا ماقدرت انت تشيطر واطلبها منها بعدين.. :wink:
ــ زين نشوف ...





مراد على منامه قاعد على الشات مابين السوالف وارسال رسائل الحب والغرام... الجوء هدووء والكل نايم .. الوقت قريب الفجر... شوي باب الغرفه يطق .. مراد طفر مختلع...
مو عوايده احد يطق عليهم الباب كذا .. حبيب بالعاده اذا مر يطق طقه ويدخل على طول والكل كذلك .. بس هالمره الطق عنيف ويخوف ..
و الغريب في السالفه ان شفيق ويوسف ماحركو ساكن ولا كأنهم يسمعوه !!
سكر مراد الاب توب وقام وهو يحس روحه شبه خايف .. وبهدوء وقف عند الباب :
ــ مين ؟!
ما احد يرد عليه.. ويرجع وهو واقف قريب منه يطق طق مخيف ومو طبيعي..
مراد خلاص يحس قلبه انشلع.. تماسك نفسه وفتح الباب.. وكله امل يكون حبيب اللي وراه:
ــ حبيبوووو مالي خلق مزحك..
ولا يشوف قدامه الا رجال شكله غريب ويخوف وحامل قطوه سودا.. نفس القطوه اللي كل يشوفها في منامه.. ... فتح مراد عيونه:
ــ مين انت..؟؟ وويش جايبنك شقتنا هالحزه ؟؟ وكيف دخلت..؟؟؟ لايكون حرامي ...!! اول مره اشوف حرامي يطقالباب ؟؟؟
الرجال : ــ شدخلك مين انا.. ابغى ادخل الحين .. دخلني..
مراد بأرتباك : ــ ادخلك؟؟
الرجال بأستياء مستنكر : ــ كذا علموك اهلك كيف تستقبل ضيوفك !!
مراد دخله وقلبه يراقع .. قعد الرجال على منام مراد..
توجه لجهة اللمبات بيشغلهم.. مسك الرجال سرواله وبهدوء:
ــ لا تشغل اللمبات..
مراد بلع ريقه وفي باله: ــ ويش دراه اني باشغلهم.. جايز امر طبيعي مابنقعد بالظلمه..
غير مراد مساره.. وتوجه ليوسف بيقعده.. الرجال رجع مسك سروال مراد:
ــ اششش .. انا جاينك انت لا تزعجهم…
مراد حس بخوف ماحسه من قبل : ــ خير ؟
ــ اول شي جيب لي كاس ماي … ماعليك امر لو سمحت .. انا جاي من مسافه بعيده..

Princess
10-26-2009, 11:02 PM
مراد راح المطبخ يجيب له ماي وهو يرتجف .. ولا رجع له الا يشوفه فاتح لاب توبه ويتصفح فيه…
مراد مد عليه كاس الماي وبأيده الثانيه سكر الاب توب:
ــ لو سمحت مو شغلك تتطفل على اغراض الناس..
ابتسم الرجال ابتسامه مريبه.. وبعد ماشرب الماي..:
ــ مراد.. قوم وجهز روحك..
مراد خلاص حس روحه بلا روح… يعرف اسمه !! ويجهز روحه !!؟؟
مراد والكلام يطلع من فمه متقطع :
ــ نعم.. ويش بغيت؟؟؟
ماشاف الا الرجال يصرخ فيه صرخه.. زلزلت كيانه في حياته ماسمع مثل هالصرخه..
التفت مراد وعيونه شابحه خوف ورعب ليوسف وشفيق اللي كانو غاطين في نوم عميق معقوله مايسمعو اللي اسمعه؟؟ مايشوفو اللي اشوفه ؟؟؟

مراد والروح شوي وتطلع : ــ وين بتاخذني وين بنروح ؟؟
ــ قوم الحين انت ولا عليك .. في الطريق باعلمك..
قام مراد يبدل ثيابه .. بلا وعي .. يلبس القميص يبغى يزرره مو عارف اللي فوق تحت واللي تحت فوق .. انتبه للرجال تقرب منه ..
وصار يزرر له قميصه و ابتسامه بارده على شفته…

الرجال : ــ يللا وراي..
مراد وبخطوات متثاقله..

ويطلعو من الشقه.. شوي بلا شعور وصلو لمحل مهجور… واااسع… وفيه جبل رملي ( طعس ) رفيع بالمره..
صار الرجال يركب الطعس بسهوله.. ومراد وراه.. رجوله كل شوي تغرز وخايف من الرجال اللي يتلفت له كل شوي وبنظرات مريبه تجبر مراد يسرع في خطواته..

مراد كلما تقرب من قمة الطعس يحس بحراره تلهب رجوله مع انه لابس جوتي والوقت اول الفجر مافيه شمس !!

وصلو للقمه .. الا الرجال ينادي مراد وبصوت يهتز له البدن:
ــ تعااال.. تعال وشوف ..
ولا يشوف مراد في الجهه الثانيه من الطعس تحت الا منظر مخيف في حياته ماشافه…
ظلااام حالك ونار تسعر وترتفع لهيبها لفوووق السماء .. شكل النار مخيفه بالمره..
وشوي يسمع اصوات,,. وبينهم صوت مو غريب عليه
التفت يمين. يدور مصدر الصوت... لقى ناس في فرح وسرور .. وعلى الطعس بعيد عنه بمسافات بس كان يشوفه..
سيد هادي و كان ينادي :
ــ سَلّم وصل عليهم تسلم..
والناس في ذاك الأتجاه تصرخ :
ــ اللــــــــــــــــــــهم صل على محمــــــــــــــــــد وآل محمد…

مراد يبغى يروح للسيد بس يحس رجوله يابسه وملصقتنه مكانه غير الرجال اللي كان واقف جنبه وساد عليه الطريق … والنار قدامه ترتفع و تنزل ..
شوي يسمع صريخ مخيف من نوع آخر. صريخ يصم الأذان ويرعب النفس... التفت يسار النار …
لقى ناس وايد رجال و حريم وكلهم عرايا وكأنهم غرقانين في بحر يتماجو والصراخ يصرخ ..
الرجال يهمس لمراد : ــ انزل ..
مراد وقلبه منشلع : ــ ويش؟؟
الرجال بلهجه اكثر حزم و أمر : ــ اقول لك انزل ويا هالناس
مراد بخوف ودموعه بدت تسيل : ــ لويش .. ويش عرفني بهم.. ويش سويت حق اروح وياهم ؟؟!!
الرجاال بصرخه : ــ اقول لك انزل ولا تناقشني ..
صار مراد يتوسل له .. طاح بين رجوله يترجاه.. يرجعه الشقه..
بس الرجال هيهات يسمعه..
رمى الرجال على مراد القطوه السودا اللي مسكت فيه وصارت تشمخ ومن خوفه طاح
ويا الناس اللي تلقوه بين اياديهم وهم يصرخو صريخ تقشعر منه الأبدان..

وكل واحد فيهم يرميه على الثاني .. لين قدر يفلت منهم ..
صار يركض مابينهم يبغى يشوف له مكان آمن .. يبغى يرجع الشقه..
ــ يووووسف .. حبييييب .. سيد هاااادي.. شفيق .. صادق .. كااااااظم.. وينكمممم….!!!

شوي التفت مراد لقى امه…
امه اللي خبره فيها من 13 سنه ما زارها ولا كلمها ولا سأل عن احوالها…
ركض ليها وهو ملهوف : ــ اماااااااه
مدت ايدها و دفعته طاح على الأرض صار يزحف ..
ــ اماه .. انا مراد.. ماعرفتيني ؟؟؟

المرأه : ــ كان عندي ولد اسمه مراد.... مانفعني بشي في داك الوقت.. الحين بينفعني ؟؟ مراد مات.. مات من زمان ..

مراد يترجاها بس هي ابدا ما تسمعه.. صارت تمشي بأتجاه اليمين من النار .. واختفت من قدام عيونه…
شوي يسمع مراد صريخ وصوت مألوف له..

يناديه : ــ ولدي يـــــــــــاولدي..

التفت لقى فوق هضبه قريبه من الناس العرايا ابوه مصلوب على جذع نخله .. و ثنين مخيفين طول بعرض و شكلهم يرعب النفس..و يضربو فيه بالحديد ضرب و هو يصيح .. ويناديه..

مراد : ــ يبااا .. ويش فيك…. اتركوو ابوووي …

صرخ فيه واحد من الأثنين : ــ تباعد مو شغلك.. التهي في حالك.. لا نحطك وياه…
الثاني يضرب في ابوه وهو يصرخ فيه:
ــ كم واحد ظلمت…؟؟
كم وحده عذبت …؟؟
كم مال سرقت …؟؟
كم فساد نشرت… ؟؟

وكل ما يعدد له ذنب يضربه بالحديد ضرب حامي..
وابو مراد يصرخ : ــ التوووبه خلااااص..

شوي الناس العرايا صارت تزيد و تتدافع مراد رجع وسطتهم و الحاله قايمه.. وفجأه هدأو كلهم و اعتلت صرخه..
ــ مراااد .. مين نبيــــــــــــــك…؟؟
مراد خاف وبصوت متقطع يحس في راسه الأجابه بس لسانه عاجز عن النطق يبغى يقول محمد بس مو قادر…
ولا يحس الا ضربه مثل المطرقه.. تجيه على راسه
طاح على ركبه وهو يصرخ من الألم.,.,.
اعتلت صرخة ثانيه : ــ مين امـــــــــااامك؟؟
مراد وهو مره ينافخ .. و ايضا في راسه الأجابه.. ولسانه معقود مربوط .. مو قادر يتكلم..
ــ ع.. ع..
و تعاجله ضربه ثانيه.. صرخ على اثرها صرخه هزت الأرض تحته…
دار راسه غاب عن الوعي شوي..
فجأه سمع مراد صوت … يصحيه… كان صوت حبيب يناديه…
ــ مراااد.. مراااد..

رفع مراد راسه.. لقى حبيب فووق قمة الطعس.. يطالع السما ومبتسم ويقول لمراد :
ــ ماشفت القمرين ..؟؟.. انا اشوفهم الحين خمسة اقمار..
و حولهم تسع نجمات تبرررق بشكل .. يــــــــــــــالله يجنن المنظر.. ؟؟

مراد يطالع السما مايشوف الا السنة النيران تلهب و تسعر ..
صار مراد يشيل رمل من الأرض ويكفخ وجهه وهو يصيح بصريخ…

شوي زلزال .. الأرض تهتز تحته.. وتتشقق .. الناس العرايا صارت تتفالت و تطيح في حفره انفتحت في الأرض وتمشي وتكبر في اتجاه مراد..
مراد من الخوف رجوله منشله و مرتعب مو قادر يقوم..
انفتحت الأرض تحت رجوله .. مراد بيطيح في الحفره .. ويصرخ صرخه:
ــ يووووسف
الا ايد تمسكه …

الصلاة خير من النوم …
اذان الفجر اذن… مراد مفتح عيونه فجأه وهو مرتعب .. متعرق وقلبه يصافق..
ويطالع في السقف .. يسمع صوت الأذان ومو مستوعب .. هو وين… وويش كان اللي يشوفه..
تنهد من قلب:
ــ حلم.. الحمدلله حلم..
حاول يقوم.. يحس جسمه كله متخدر.. وثقيل
شد على عمره وقام.. طلع من الغرفه لقى صادق نايم في الصاله راحت عليه نومه وكتابه على وجهه..
دخل الحمام صار يغسل وبين ماهو يغسل وجهه الزفرات تتابع بالقوه و يحس بأختناق..
شوي دموعه صارت تصب بلا شعور…
صار يطالع نفسه في المرايا… .... شكله مكفخ وعيونه حمرا مع انه اخذ كفايته من النوم..
ويون بصوت متقطع : ــ اماااه… اماااه..

ويتذكر كلام يوسف يتردد على مسامعه مثل الصدى..: ــ يوم عن يوم تطيح من عيوني اكثررر..
…..ما تصلي .. تطالع اشياء زفت . تسمع اغاني. والحين بعد ما يهمك احد بتقتلنا وبتقتل غيرنا .. سكتنا عنك واجد بس شكلك عديم احساس...

السيد قعد من النوم بيدخل الحمام لقاه مقفل .. توقع يوسف او شفيق بما ان صادق نايم بالصاله واستبعد يكون مراد …

Princess
10-26-2009, 11:10 PM
فتحي توه راجع البيت..
عبدالستار بعد ما صلى الفجر .. انسدح بالصاله ينتظره.. ومن دخل وحالته حاله..
رفع عبدالستار ايده يلقي تحيه : ــ قوووهم << اختصار قواكم الله..
عبدالستار قعد عالكنب : ــ و الآخير وياك؟؟ لمتى وهذا حالك… تبغى ابلغ عنك ..
فتحي وهو يترنح : ــ ويش مسوي حق .. تبلغ عني…
ــ ويش مو مسوووي؟؟؟
ويرفع عبدالستار وحده من الأبر في ايده :
ــ هذي ويش؟؟
فتحي بسخريه : ــ هه.. انها حقنه..
عبدالستار : ــ تتمسخر ويا وجهك… ويش تسوي في غرفتك..؟؟
فتحي بأنكار : ــ غرفتي .. انا…
ــ لا اجل انا..
ــ مادري ههاااي تغير جو عفر
ــ انا اللي باغير احوالك .. تعال تعال..
فتحي يدف عبدالستار : ــ وخررر عني .. مفكر روحك وصي علي.. وموووو شغلك فيني .. جعلني انتحر احترق ما يخصك .. زين..
عبدالستار : ــ لا يخصني ونص ..
فتحي : ــ فااااررق زين لو فيك خير قدرت تحكم ابرارو … تركتك و خذت غيرك.. من عذر منت رجال ... فالح تتمرجل علي بس << ابرار اذا فاكرين طليقته الخاينه.. مع انه فتحي ماكان يدري بحقيقة خيانتها بس كلام يفلته وهو مو في وعيه..


عبدالستار الكلام جاه مثل الكهربه سرت في بدنه.. بلا وعي ضرب فتحي بقس
فتحي : ــ آآآآي… آآه
وطاح عالأرض غايب عن الوعي..
عبدالستار قعد عالكنب ومره معصب يحاول يتمالك نفسه..
وفي باله : ــ ابرار.. و ابرار.. ما عفس حياتي و قلب كياني الا هالأبرار .. يالله تصبرني…


وكالعاده حمل اخوه لغرفته ….


حبيب .. والسيد .. على باب الحمام.. بعد ما شيك على غرفة يوسف وعرف ان مراد اللي بالداخل..
صار يطق الباب..
السيد : ــ مراد.. مراد .. ويش فيك؟؟
مراد مايرد..
حبيب يطق الباب بالقوه:
ــ مراد.. تسمعنا… مراااد…
قعد صادق من الطق والهدره…وصار يراقبهم ويش يسوو
يوسف قعد ايضا وطلع ليهم..:
ــ ويش صاير
حبيب وهو يطق الباب:
ــ مراد من قال الله اكبر وهو بالحمام دي نص ساعه ماطلع…
السيد : ــ انا لله وانا اليه لراجعون.. مراااد رد علينا عالأقل خوفتنا…
يوسف راح وياهم وطق الباب: ــ مراد.. ويش فيك ؟؟ نكسر الباب؟؟
مراد فتح الباب…
حبيب : ــ آخ منك صار لينا ساعه ومن طق يوسف الباب فتحته
ماشافو الا مراد حاضن يوسف بالقوه وهو يرتجف بشكل مو طبيعي…
ــ أنا آسف.. آسف
يوسف منصرع منه.. صار يمسح على ظهره :
ــ خلاص انسى.. حصل خير
حبيب يحك راسه ويهمس للسيد.. :
ــ والله ملاحظتنا في محلها.. فيهم شي هالأفنين مهم خليين..
السيد : ــ عساه خير..
حبيب يأشر عالحمام : ــ تفضل سيدنا..
السيد : ــ لا حاشاي … تفضل انت قبل
حبيب : ــ لااا مايصير انت قاعد قبلي .. تفضل..
السيد : ــ انا ادري بك ما تتحمل ماعليه ادخل انت قبل
ماشافو الا صادق قايم:
ــ تتعازمو على حمام.. اقول تباعدو بس ..
ودخل..
السيد : ــ خخخ زين لك.. روح قعد كاظمو بس..
حبيب : ــ اف يبغى له الساعات حقات لول …اللي رنتهم تفقع الصماخ…


وراح حبيب لكاظم وعيونه منحرفه جهة غرفة يوسف .. تطالع يوسف ومراد اللي كانو ثنينهم على سرير يوسف قاعدين..
يوسف : ــ خلاص انسى ويش فيك ترتجف ..
مراد : ــ تعبان..
يوسف : ــ من ويش .. ويش يعورك..
ــ مادري..
يوسف خاف عليه مو عوايده يشوفه بهالحاله:
ــ اخزي بليس وصل على محمد.. قوم صلي واذكر ربك ومافيك الا العافيه ان شالله
وقام يوسف عنه بيروح الحمام…
توجه مراد للقبله.. وبدى يصلي ..
وفي السجده الأخيره.. ظل ساجد ودموعه تصب..


كل الشباب طلعو من الحمام وصلو في الصاله ,.. وخلصو والكل عود غرفته…
دخل يوسف وصادق الغرفه لقو شفيق متسند عالجدار بعد ما صلى ويتأمل في مراد اللي لازال ساجد..
صادق يهمس : ــ صلاة جعفر >> لأن منامه مسند عالجدار مقابل القبله.. جهة المكان اللي يصلي فيه مراد..
يوسف سمعه .. وصار يطالع فيه..
صادق سوى روحه ماقال شي سحب منامه من قدام مكان صلاة مراد وفرشه في اتجاه ثاني و انسدح..
يوسف يطالع في مراد وانتبه لعيونه مغمضه وتصب دموع..
ابتسم وفي باله:
ــ الله العالم ويش صاير فيك يامراد .. دوم يارب مو يوم..



في امريكا…
المغرب..
مارك وهو يكلم جوال في مكان بعيد..
ــ كنت اخطط لقتله منذ فتره ولكنني لم افلح...
انخش ستيف يسمع المكالمه…


الطرف الآخر بالمكالمه وكان اخو جويل , اسمه فريدريك… اختصاره يسموه فريد.., هالأخو راعي مشاكل وفساد ..
ويعرف اغلب عصابات امريكا من كل عصابه فرد عالأقل…
وفي عصابة جون .. يعرف جون شخصيا … ومارك بما انه كان القريب من جون و ساعده الأيمن.. قبل لا يجي سام..
فعلى طول كلم مارك… بعد ما كلمته اخته و عرف منها السالفه وان الشرطه مشتبهيين بجون وعصابته …
ــ لم اتوقع منكم ذلك ان تصلو بالنصب والأحتيال لأختي
مارك ارتبك خصوصا انه يدري ان جون مايهتم لا بصديق ولا غيره في مسائل النصب.. فظل ساكت..
فريد : ــ عموما .. انا اعلم أن جون ذاك .. شخص خائن و حقير.؟؟ من يكون ميشيل باراك منفذ العمليه.؟ اعطني اوصافه لأتأكد..


طبعا مارك والحقد الدفين على سام لأنه اخذ منصبه و جون صار يحبه اكثر من لما جابه توم..
خلوه على طول يقر ويعترف لفريد ويصرح له بمعلومات عن سام ….
مارك : ــ اسمه سام وهو عربي الأصل طويل و عريض المنكبين.. شعره يصل املس ويصل
قمحي اللون …
يقاطعه فريد: ــ كما وصفته اختي تماما…. تعجبني صراحتك.. حسنا ان فعلت ذلك بأحكام وبسرية تامه لك مني مليون دولار..
ــ واو مليون دولار.. انها صفقة جيده. لم احلم بها طول حياتي . اطمأن نهاية ذلك الفأر ستكون على يدي قريبا….
ــ تأكد ان يكون الأمر بسرية تامه.. والا فأنت تعرف فريد وماذا يمكن ان يفعل بك..
مارك : ــ لا تخف.. سأكون احرص من الحرص نفسه…


ستيف منخش .. بعد مالمحه صدفه في هالمكان…ومنذهل من اللي فهمه من هالمكالمه… وفي باله:
ــ إذن… كنت انت من ضربه بالسكين… !!


ستيف .. خايف لا يبلغ جون بالسالفه وتقوم المعركه خصوصا ان جون لازال يحب مارك .. فإن صدق جون كلام ستيف مابيرحم مارك .. وتعذيب جون الموت ارحم منه.. وفوق هذا راح يعذب سام.. و المصيبه العظمى ان جون يعرف فريدريك و متجاهل جون هالمعرفه في سبيل مصالحه…


و لأن قانون العصابه اي فرد موكل بعمل مهمه يجب ان تكون سريه مابينه وبين جون ولا يعلم اي احد من زملائه..
بس سام وثق في ستيف وكان يقول له ويش سوى مع جويل وستيف بدوره كان يسولف بعفويه قدام مارك.. فالويل ثم الويل ليهم ثلاثتهم ان درى جون بالأمر …


مسك جواله وهو خايف على سام.. بيدق عليه يحذره يخليه يهرب اي مكان…
جوال سام مقفل..
ستيف :
ــ ماذا علي ان افعل !!!

Princess
10-26-2009, 11:11 PM
مراد قام من سجوده.. بعد اكثر من نصف ساعه.. وانسدح على منامه…
يوسف همس له:
ــ الله يتقبل
مراد بهدوء : ــ منا ومنك..


هدووء ويوسف يفكر بمراد وويش اللي صاير فيه فجأه .. معقوله من الموقف اللي صار بينهم لهالدرجه اثر فيه ؟؟
ويقطع عليه التفكير مراد بهدوء ..
ــ يوسف … ابغى اسمع شي من عندك…
يوسف استغرب من طلب مراد ومو فاهمنه عدل..:
ــ ويش ؟
ــ اي شي .. عزاء انشوده.. من الأشياء اللي تسمعها..


يوسف ماحب يسأله ويش صاير فيك.. وملاحظنه من البارحه ما حط السماعه في اذونه ..
فتح يوسف جواله وصار يقلب الصوتيات …
لقى انشودة رحلة الموت للمنشد محمود شاهين من فرقة الأسراء…. صار يفكر وفي باله:
.. ارسلها له لو ما ارسلها..
برسلها عل وعسى توصل له الرساله اللي ابغى افهمه وياها …
رسلها بلوتوث..
قبل مراد..
وصلت..
حط السماعات وشغلها…



بدت الأنشوده…
بهدوء.. بعذوبة محمود شاهين و احاسيسه العميقه..
بالكلمات المؤثره..
فصول حلمة مراد صارت تترائى قدام عيونه..
والدموع يصبها شلال…
الرجال والقطوه اللي حاملنها..
الطعس
النار
الناس العرايا
امه
ابوه
الصريخ
الأسئله
الأرض المنشقه
والأقمار … الأقمار.. وصل لنهايتها وفهم ويش هي الأقمار و النجوم…


ماخلصت الأنشوده.. الا مراد يزفر زفره من اعماقه وكأنها شهقه.. ويصيح من قلب….
يوسف هدوووء .. يسمعه بس مخلنه على راحته يفضفض …


مراد يزيد في الصياح بتكتم شديد يحاول ما احد يسمعه الا ان يوسف حاس فيه …
يوسف اعصابه مشدوده … وشوي انفاس مراد المتألمه تخفت..
وبصوت مليان ألم.. مراد :
……


الى الملتقى… الأنشودة لمن اراد سماعها ..
هنا.. (http://shiavoice.com/play-k65rf.html)

أمل الظهور
10-27-2009, 12:42 AM
ويش هالحلم اميررررررررررررروه يمه يصروع تصريع


بس بهالوصف وهيك كيف لو اشوفه واعيشه


ربي سترك من عذاب النار


يالله وطلع قاطع امه وابوه ويش سالفته شكله بلاوي


وريماسوه وحساموه ووجع يوجعهم بس تستاهل غاديوه هذي الي تقبل يكلمها رجال غريب مهما كان


ويوسفوه كملها وعطاه الانشوده ان شاء الله توبته قريب


فعلا من اروع البارتات متعوب كثيررر عليه ربي يساعدك ويسلم الايادي


يعطيك العافيه كل يوم حبكي مثله <سطار :cool:

*زهرة البنفسج*
10-27-2009, 01:10 AM
شي ولا بالأحلام غاليتي اموره اهي صيحتيناا ياربي مرادعور قلبي ,,

::

تسلم الينا هلأنامل غاليتي

الله يعطيك مليون الف عافيه

اهم شي حطيتي اليناا هلأنشوده عن لانطلبهااا

::

موفقينـ

نور البدور
10-27-2009, 01:44 AM
ياااربي على مراد وربي قلبي تقطع معاه
احس ان هدايته على يد يوسف .. واحس انه بصير موقف معاه ومع السيد هادي
الله يستر من الاحداث الجاية >_<
يسلموا قموره على البارت الجنإأآأآإأآإأآإأآأآن
با انتظار البقيه بفارغ الصبر
تحياتوو
نور البدور

عالم خيالي
10-27-2009, 01:55 AM
اممم

هالبارت حسيته متعوب عليه واجد وخاصه المقطع الا يحلم فيه مراد
صراحه خفت لما فتح مراد الباب وشاف الاسود
تذكرت في هالمقطع مسلسل ربي إرجعون لما جا الاسود ( الشيطان ) لحسن ويراويه الحفره وهي تشتعل نار وحسن يتعذب بعفل عمله السئ وغيره >>> سكتي
واتوقع ان مراد عاش في بيئه فساد وحالتها حاله
والدليل ابوه وهو يتعذب وينضرب ..
وإن شاء الله الله يهديه قريب
واتوقع بعد هالحلم بيتغير مراد وبيرجع إنسان ثاني






ننتظر التكمله خيوه والله يسهل دربش ^___^

الفراش الفاطمي
10-27-2009, 02:00 PM
واااااااااو صحيح بارت متعوب عليه
يسلمو يسلمو يسلمو
تعليـــــــــــــق
مسكين مراد يعور القلب لكن يستاهل عشان يصلي
ويوسف عجبني يوم يرسلها ليه
وهانيووووه ههههههه مسخره كنه بنيه صحيح
وبعد هذي غادووه الخبله قهرتني
وبـــــــــــس
اموره في هالجزء ماسمعنا خبر عن سام واحمد ومجتبى ؟؟
بانتظارش من جديد
تحياتيـ ...

لحظات ماسيه
10-27-2009, 04:28 PM
اميروووو وش هالحلم يخووف<<<وش دخلها..!!
وهذي خبله اللي تكلم حساموو نسيت اسمها<<مدآآش تنسيه
اموووووور باارت روعه بكل معنى الكلمه
في انتظار البقيه
لا تطولي علينا..

أموله
10-27-2009, 04:50 PM
يعطيك ربي العـآفيه اموره

الله يهدي مرآد يآرب ~

Habit Roman
10-27-2009, 07:00 PM
أمور ويش ها الحلام بصراحة أثرت فيني واجد وشوي وعيني تدمع

الله يهدية مراد إن شاء الله

وريمسوا أول ماعرفتها بعدين تذكرت انها إلي باقت عباية شهربان

تحياتي أمورتنا يعطيك ربي العافية

عطر الكون
10-27-2009, 08:02 PM
ياحرآآآم مراد مسكين والله الحلم يخوف مرررره....
من جد صادقوووو مصفع وشوو هل اخلاق الي عنده....
اتوقع انووو ابو مراد وااحد نصاب ونحيس ومراد ما صار صايع الا لأنوو ابوه مااهتم به ...
يسلموو اميره بارت مآآآآآره جنآآآآن...

دانهـ العشآق
10-27-2009, 11:50 PM
شردة أبو مجتبى ليلة عرسهم ذكرتني بمهندوووو ..~
وغاده خفت عليها عسى يارب تصحى لروحها قبل تنحرف أكثر ..~
والحلم اللي شافه مراد شي رهيييييييييييييب خيااااااالي خيالك واااسع خيتووو وأفاكرك مررره حلوه أرتعش كل جسمي وأنا أقرأها دخلت جوووو بقوووه .. بس أبوه أحسه هو سبب ضياعه وهو اللي خلاه ينحرف .. والله يهدي الجميع ويوفقك لكل خير ..~
بصراحه أحس هذا أحلى وأطول بارت ..~
هههههههههههه ياويلي هلكني صادقوه ماعنده فيهااا مايعرف يجامل كله أحسه واحد مكشر وكأنة مشتم شي خايس .. والله ياليت البارت الجاي تخلي مراد يصلي صلآة جعفر~>دخلت مزاجي الفكره ..ّ
ياعلي حراااام لايسوي فريدو شي في سام خله يروح لأهله ..~
وأبو بقور ماسولفتي عنه في هالبارت !!
ودا شسمه ودادووو زين سوو فيها وحسن عجبني بقوه أحسن مما يقوم علها ضد خواته ..~
ياربي هالبارت حبيته حبيته من قلبي ..~
أميره تقول تحب الردود الطويله~>راح تندم ع هالكلمه هع ..~
لاهنتي ياااارب أستخبلت ع البارت ..~
دمت بتميز ..~

لا تعليق
10-28-2009, 05:53 PM
بسم الله ..
بـــــــــــــــــل هداويش هالبارت << تقليد على محسن
صراحة .. بارت فيه حزن وضحك وصياح وسعادة ومتعة ورعب وحمااااااااااس
عاد ومن الحماس شغلت الأنشودة من صوت الشيعة قبل لا أكمل القراءة خخخخخ وبعدين انتبهت انش حطيتيها <<:toung:
عاد في البداية في سالفة حسام.. المقطع اللي بعده كان مراد قاعد عاللابتوب .. خفت من قمة راسي
لكن ان شاء الله مو هو ..يمكن فتحيوووه ..يتراوالي ابو مراد مطلق امه ومراد مايزورها وعايش عند ابوه وغرقانين بالحرام ..
كاظموه متى بيتخلص من هالحقد !!
اوووووووو اني قلت المفروض اخوها يساعدها لكن مو شديه << اقصد جويل
ننتظر قضية السيد وقضية كاظم وصادق وقضية عبد الستار وفتحي وقضايا امريكا وسام وقيصر واحمد وستيف على أحر من الفحم << اممممم مانسيت احد ؟؟
عطاش الله العافية وبارك جهودش ويوفقش ويسدد خطاش على كل خير..
والله هالبارت مرررة يجنن ..
وعندي اقتراح ..
ليش ما تجمعي الاجزاء وتحطيهم يوم الاربعاء << هجوووووووووم من المتابعين ههههه أمزح على فكرة
الى اللقاء..

طفلة تحت المطر
10-29-2009, 12:36 AM
يسلمووو اميره

صرآآحه بآآرت متعوووب عليه

صرآآحه الحلم يخووووف

<< ترىآ أني جبآآنه يعني مآآبآآنآآم الليله

*<

ننتظرش

دمعة على السطور
10-29-2009, 03:22 AM
اللهم صل وسلم على محمد وآل محمد وعجل فرجهم وفرجنا بهم ياكريم...




ياعلييي...تخوووف هالحلمة ....جسمي اقشعر بقوووة.....االله ينجينا وياكم من النار...



طلعت الأقمار اهل البيت سلام الله عليهم.....>>وحدة من ضمن التوقعات اللي حطتهم...




بس الحمد لله مراد الله هداه ان شاء الله........



أما هذي غادة شكلها ماتفهم لمثل هالحركات على نياتها... بس مو لهدرجة عااد



خوفي نياتها توصل للغباء وتحبه .......شكلها كذا وبتصدقه....والله ورسوله اعلم....



هي اصلاً بدون شي ماتفهم كيف تقبل تكلم رجال غريب.وش فيها ديي.......!!>شا بتسكت ...!





أما عبد الستار يكسر الخاطر....هم أخوه وهمه.....وهالفتحي المفروض اسمه غمضي مو فتحي....هذا مفتح هذا...!!!





ماشاء الله جنااااااان بقووة البارت شمل أحداث واااجد...وتغيرااات بعد....



مرررة حمااس وعشنا الأجواء وياه عددل..




تسلم الأيادي المبدعة يااااارب...






متباركة بالمولد مقدماً غناتي وايامك سعيدة يارب...




موفقة بحق الرضا صلوات الله وسلامه عليه..


دمتي بعين المولى الجليل

أحبك ياغلا عمري
10-29-2009, 12:11 PM
مشكورة على الجزء
ننتظر الجديد

MOONY
10-29-2009, 02:03 PM
متابعه بشغف
يسلموو أمووره
تحياتي

Ro7 AlM7bA
10-29-2009, 02:21 PM
---> متابعه من خلف الكوووواليس ..

اميروو يالدبه ويش هالحلممم من امه بصرااااحه يخووووووف عددددددددددددددددل

ويلييي شكله بيتوب مراد الله يهديه يااارب ..

ريماسووو هاااي عقربه استغفر الله الله يحرقها --> معصبه ..

بس الي يتابعها يستاهل الي يصير فيه .. --> شريره خخخ

متشووووووقه اشوف البارت الي جاااي ..

بارت من جد متعووووب علييييييه ..

الله يعطيش الف ع ــــــآ‘فيه ياغناتي ..

ماقصرتي بارت ولا اروع ..

تقبلي م ــروري

جنۉن من ﺳـڱۉن
10-30-2009, 02:07 AM
الله يتوب علينـآ ..
أإميروه جزء روعه
بس مافيه شباقات ودادوه المنتحسسسسسسسه
أنا ماأدعي الا عليها بس مامن شيء ضدها اليوم سلمت من شراري هع هع
مادري وش بيصير لسام الله ينجي عمره .. < قلبت ضبعه
أن شالله يرجع مجتبى ويكفي هم مسكين باقر ..
ننظرتك

my angel
10-30-2009, 10:48 PM
هااا اميره تأخرتي علينا
وهالبارت كان من اروع البارتات الله يعطيش العافيه
ننتظرش بأحر من جمر
تحيتي ..ْ~}

جـــــوان
10-31-2009, 12:14 AM
أميرة غناتي بتتأخري ؟

متى بيكون البارت الجديد تقريبا ؟

حلم لطيف
10-31-2009, 03:30 AM
متابعة

يعطيش العافية

موفقة لكل خير

لا تعليق
10-31-2009, 03:51 PM
يلللللللللللللللللللللللا

عطر الكون
10-31-2009, 07:23 PM
وين البآآآآآت اموررر....؟
ننتظر...

أمل الظهور
10-31-2009, 10:04 PM
ردددددددددد ياليل مااطولك :noworry:

قربنا على الااسبوع ومانزل الجديد

معذورة بزنس ويمن:embarrest:

<<معصبه وتدافع بنفس الوقت <<تخاف تكفخها بالمسن

بالانتظار على احر من الجمر

أمل الظهور
11-01-2009, 12:07 AM
عاااااااااااااااااااااااااااااااااااجل


وصلني مسج من امور ووصتني ابلغكم فيه <<كأن قلبها حسها اني هددتها خخخ


امور تبلغكم سلامها وتعتذر منكم مابتقدر تكمل الروايه خلاص بتعتزل عن المنتدى


مدري ويش الاسباب ولاذكرتها بس حللوها وابروا ذمتها


مع السلامه :sad2:<<تصيح
































































ههههههههههه ريي لايقولها خخخ <بتنذبحي الحين قولي الحقيقه لا ينحفر قبرك :wacko:



خخخ امور تبلغكم سلامها وتعتذر لكم لان هاليومين عندها اختبارات دوريه
وتسليم اجابات برمجه
وتوعدكم الجزء اللي جاي
بيكون مثل اللي قبله


كان ودها هي اللي تشبك وتبلغكم بنفسها بس ان شبكت بيضيع وقتها ومابتقوم :huh:


وتسألكم الدعاء

لاتنسوها من دعواتكم

وعذرا على التخويف:embarrest:<<ايش عقبه طلعي برا هربي بسسسس

دمعة على السطور
11-01-2009, 01:10 AM
صلوات على محمد وآل محمد


علي علي علي طاح قلبيييي أمووول........أقول معقووول وش السبب..وش صاااير...!!!


هههههه الله يغربل ابليييسش....


والله يوفقها ويوفقك يااارب....ويسهل أموركم إن شاء الله....


يلا اهم شي دراستها ومستقبلها ..والبارت لاحقين عليه>مع انها بتموت تبغى تعرف وش بيصييير في الباارت الجاي .....!!


ربي يسهل أمورها بحق أهل البيت سلام الله عليهم...


موفقين ومقضية حوائجكم..

دمتم بعين المولى الجليل

*زهرة البنفسج*
11-01-2009, 02:36 AM
اهي بغيت اصيح الله يغربل سوالفش اموله خبطتي قلبي بصراحه

::

وي الحمدلله ,, الله يوفقهاا يارب

موفقينـ

نور البدور
11-01-2009, 02:39 AM
ياربي اموووووووووووول وربي قلبي طااااااااااح
بغيت امووت من الصدمة >_<

بس لا لاتخوفينا مرة ثانية وربي انصدمت
بغيت اصيح من الصدمة
معذوره امورة والله يوفقها يارب وبلغيها اموول سلامنا
وبا انتظار القادم بفارغ الصبر
تحياتوو
نور البدور

حلم لطيف
11-01-2009, 06:23 AM
الله يوفقها يارب

الفراش الفاطمي
11-01-2009, 01:25 PM
وييييييييييييه املووووه خلعتيني
الله لا يقوله اا.. >>>> هدي هدي مابتطير اموره
عذرها مقبول وخليها تدرس زين اهم شي الدراسه
والروايه لاحقين عليها حتى لو نبغى البارت سريع
بانتظارها ..
تحياتيـ ..

طفلة تحت المطر
11-01-2009, 01:39 PM
علي يآآآ علي

أموولووه ويش هالخبر خلعتووني :weird:

انتين و فرووشووه :wacko:

):

الحمدلله إنه موو صحيح :rolleyes:

(:

الله يوفقهآآ ان شاء الله :amuse:


سلآآمي يوصلهآآ :embarrest: (:)

لا تعليق
11-01-2009, 02:26 PM
بففففههههاهاهاها
اشوى اني قريت الاعتراف قبل ما استوعب الخبر
يعني اني ما انصدمت لللا لللا << هذي فائدة الاستيعاب البطيئ خخخخ
مادام الجزء اللي بجي زي اللي راح
خلها تمهل قد ما تبى
ونسأل الله التوفيق لها ولنا

Habit Roman
11-01-2009, 04:50 PM
غربل الله شرك أموله طيحتي قلوبنا على مزحتك

الله يوفقها إن شاء الله بلغيها السلام

تحياتي

جـــــوان
11-02-2009, 03:37 PM
امورة غناتي ذاكري بسرعة وخلصي وتعالي نزلي لنا بارت جديد

لا تعليق
11-02-2009, 04:39 PM
كل تأخيرة فيها خيرة يا أميرة .. ننتظر قضية التضبيط اللي تكلم عنها مراد بفارغ الصبر << طلابة
*

عطر الكون
11-02-2009, 06:06 PM
ننتظر البآآآآآآآآآآآآرت اموره بفارغ الصبر<<<<<<<<<آحلىىىىىىىىىى يافصحه

دانهـ العشآق
11-02-2009, 09:01 PM
ياعلي ياعلي خوبلتني أملوه~>أزيد مما أنتي خبله[إحباط]

ننتظر البارت ع أحر من الجمر ..~

إن شاء الله نقرأ أحلى بارت عقب ماتخلص أمتحاناتك~>مصلحجيه عشان هي بعد تقرأ براحتها هع

أما شخصياتك قمت أحلم بهم يا أمور~>لاتشرهو عليها ياجماعه

وأنتي أملوه بنشتكي عليك عند أمور~>قدام الله وخلقه وتقول بعد بتشتكي وش بقى !!

>>هذرت وايد~>زين حسيتي ع دمك

خخخ لاتلوموني تأثير الإختبارات ولفة المخ ..~

لاهنتي يا أمور ننتظرك ..~

تسلمي أملوه~>لاحول أبتلشت فيها أمل

خخخ لا أنطرد

كل الود

Princess
11-03-2009, 03:00 AM
مراااااحب

وه مابغيت اجي ها..:nosweat:
يللا ماعليه تحملوني واني عند وعدي اذا غبت لازم اعوضكم.. وهيك صاير بعد اريح لي و اقدر اجمع في مخي احداث اكثر وارتبهم ..:laugh:

غربل الله شرها اموله.. ويش اسوي عاد الأختبارات فجأه يقولو عندكم اختبار..:mad:
هذا دوبهم.. الله يكون بالعون.. والحمدلله بركات دعواتكم قدمنا عدل...
ههههههه الله لا يروعكم خلعتكم اجل.. ويش اسوي قلت اني ابدخل احط العذر صرت افكر اعرف روحي بدخل وشوي بتصفح باشوف دا وباشوف داك وبفتح الماسنجر دقيقه ..:unsure: وشوي الا بيضيع الوقت علي ولا باخلص ... ويالله الواحد على دقيقه..:silal:
فديتها ماقصرت..
وفديتكم على تعاليقكم وتواصلكم و صبركم...:in_love:

واللي وصلتني اعذارهم على شان التعاليق مالومهم خلاص ياخذو راحتهم لام الله اللي يلومهم.. كلنا صارت لينا ظروف مثل كذا و تعبتنا .. بس تستمر الحياه.. :amuse:

موفقين يارب لكل خير
وتفضلو الجديد

Princess
11-03-2009, 03:03 AM
ماخلصت الأنشوده.. الا مراد يزفر زفره من اعماقه وكأنها شهقه.. ويصيح من قلب….
يوسف هدوووء .. يسمعه بس مخلنه على راحته يفضفض …


مراد يزيد في الصياح بتكتم شديد يحاول ما احد يسمعه الا ان يوسف حاس فيه …
يوسف اعصابه مشدوده … وشوي انفاس مراد المتألمه تخفت..
وبصوت مليان ألم.. مراد :
ــ أنا .. تعبان.. تعبان حدي
يوسف واللمبات مطفيه ومنسدح.. التفت جهة مراد .. وساكت يحس مراد يبغى يتكلم اكثر..
مراد و الدمعه تطغى في عيونه :
ــ ما احد يحس فيني ولا يفهمني.. الكل يشوف سيئاتي و يتصيد علي عيوبي .. ليش ..؟؟ ادري ان عندي ذنوب وعيوب قد الدنيا.. بس مانى منحرف .. مانى ذاك الأنسان اللي يستاهل الأحتقار...
يمسح دموعه بسرعه قبل لا تنزل لخده.. :
ــ تشوفني اكلم في شات.. بس ماعمري كلمت جوال.. ولا في حياتي طلعت ويا وحده منهم زي ما انتون متصوريين.. الصور اللي شفتهم.. ما انكر اني اطالع هالأشياء.. مجنون مو صاحي.. ممكن يوم من الأيام من هالأشياء ارتكب الحرام.. ادري.. بس عندي ضمير .. و افكر مليون مره قبل لا اوصل لمرحله اندم عليها.. حتى تهاوشت قدامك امس بالجوال مع واحد يبغاني اضبط له بنات من الشات يطلع وياهم على انه انا... ايه اعترف هالحركات اسويها كنت دايما.. و اذا تذكر اول ماجيتكم بعد اول مادخلت عليكم كنت اهاوش بالجوال واحد كان على نفس الموضوع... متناقض انا بداخلي اكيد هذا اللي بتقوله ولا الومك لو فكرت فيني هالتفكير....
يسكت شوي .. ويوسف سكوت بس يسمعه..
مراد : ــ بس .. بس والله من ساعتها انا قاطع على نفسي عهد حتى لو كلمت حتى لو خربطت في النت حتى لو سويت ويش ما سويت.. ما اعيدها و اطلب من بنت رقمها او انها تطلع مع واحد بحجة ان هو انا.. فوق ذنبي ذنب غيري يصير علي.. اقسم لك من ساعتها لما تخرجت من الثانويه بالدف و بصعوبه وعزمت اني اشد حيلي اكثر و حطيت في بالي الدراسه هنا وانا عازم على هالشي.. شغل تضبيط البنات لغيري ما اعيده... وشوي شوي الواحد يتغير .. بس اذا لقى احد يشجعه...
يوسف كسر خاطره مراد ... وبصوت هادئ : ــ الله يهديك


مراد بعد ما تنهد من قلب تنهيده متقطعه :
ــ في حياتي ما احد قال لي هالشي صح وهالشي غلط.. الكل يشوف تصرفاتي الشينه وينتقد بس .. ما عمره احد اخذ بأيدي ووعاني .. من لما كنت صغير وما احد حولي ..و كل شي ابغاه القاه..
يوسف يقاطعه بتساؤل : ــ وين اهلك عنك؟
مراد بأبتسامه ساخره:
ــ اهلي.. امي اللي طلقها ابوي من لما كنت بصف اول ابتدائي .... والا ابوي اللي ما اشوفه الا بالسنه حسنه... شهر بتايوان.. شهر بالمغرب .. شهر بلندن .. كل شهر في محل ... واذا شفته كل مره اشوفه ويا وحده شكل
يوسف ماحب طريقة مراد وهو يتكلم عن ابوه.. : ــ لويه عاد .. تقول عن ابوك كذا...!!؟؟
مراد بأنفعال و الألم مصحوب في كلامه :
ــ هذا الواقع.. ماكذبت.. اول مره قلت عرس بس ثاني مره و ثالث مره وعاشر ومليون مره.. كل مره اشوف وحده غير و الغالب ماهم عرب
يوسف توترت اعصابه يحس مراد خلاص بيطلع الخنين والخايس زي مايقولو...:
ــ مراد حبيبي .. هدي بالك..
ــ ويش اهدي بالي .. 15 سنه تربيت وانا انسان معدوم الأحساس و الضمير ... اشوف الغلط قدامي شي عادي و متعارف عليه وسهل .. ورغم هذا كله كنت احب ابوي.. ابوي ومفروض علي احبه.. هو اللي بقى لي من اهلي وماعرف احد غيره.. .. مع انه زرع كره امي فيني لما حرمني منها..
يوسف مو عارف ويش يقول عن جد كسر خاطره مراد حسه اهم مراحل حياته الطفوله و المراهقة... عاشها في حرمان وفي تخبط و اكيد بيكون ناتجها انسان اعظم انحراف منه .. بس زين انه واصل لهالمرحله وبس...
ماشاف الا مراد يتنهد من قلب تنهيده قووويه...
يوسف بأستغراب: ــ ويش فيك..؟
مراد : ــ حلمت .. حلمت حلمه تخوف كأنه يوم القيامه.. وكأن عزرائيل ماخذني للحساب.. شفت هناك عالم ناس فرحانه وناس عريانه وتصيح.. شفت امي و ابوي .. امي كنت اترجاها تاخذني وياها وترحمني من هالعذاب بس تركتني حتى بالحلمه تركتني وقالت لي انها .. ما استفادت مني في الدنيا كيف بافيدها الحين....
يوسف : ــ ليش ما تشوفها انت ..؟؟ ليش تقول تركت..؟
ــ ..من لما طلقها ابوي.. من يومها اختفت ولا عاد شفتها.. ولا كأن عندها ولد تسأل عنه ... فليش تعاتبني في الحلمه؟؟؟ .. والا ابوي اللي شفته يتعذب .. و ذنوبه تنسرد عليه.. مع اني متأكد انه غلطان وهذا جزاه.. بس كنت خايف عليه.. وقلبي يتفطر .. من لي غيره اذا كان هذا حاله ويش بيدي اسوي؟؟
وبلا مقدمات مراد زفر زفره... و دموعه تركها تصب وبهدوء مبحوح :
ــ لا اخو.. لا قريب .. لا صديق ...
يوسف خلاص عور بقلبه وضع مراد.. كرجال ويصيح بهالطريقه مثل الطفل البريء..
نزل عالأرض جنبه ..
مسك ايده.:
ــ افا ياخوك وين رحنا حنا..؟؟
مراد يحس بقشعريره تسري في بدنه وجى على باله نهاية الحلم لما صرخ ينادي يوسف و ايد امتدت له وساعدته..


وبعفويه وبسرعه قعد مراد و حضن يوسف بالقوه وهو يصيح..
يوسف اختلع من حركة مراد .. صار يمسح على ظهره :
ــ هدي اخوك .. هدي عاد..
مراد و بأبتسامه و دموعه تنهمر مثل الأطفال:
ــ انت.. انت الوحيد اللي حسيته ممكن يفهمني.. انت اللي ناديته.. انت اللي انقذتني..
يوسف مو فاهم.. انقذه من ويش؟
مراد ترك يوسف وصار يمسح دموعه بشده وبسرعه ..
ضحك ببرود .. :
ــ حلمت كأني قاعد على الشات و....
وصار يسرد على يوسف الحلم..



ابو مجتبى.. يحس بحراره تسري في رجوله بشكل مو طبيعي.. خصوصا اصابع القدم.. يحسها متنفخه و الدم محتقن فيها.. صار يحكها في المنام .. ويتحرك بشكل مو طبيعي..
ام مجتبى حست عليه .. فتحت عيونها وبهدوء:
ــ ابو مجتبى .. نايم؟
ابو مجتبى وبتعب :
ــ لا...
ــ ويش فيك..؟؟
ــ مافيني شي ..
ــ تتحرك واجد..؟ رجولك تعورك؟؟
ــ لا بس مصدع شوي و مو جايني نوم .. >> ماعمره اعترف بألم .. دايما شديد...
ــ امرخ لك راسك؟؟
ــ لا الحين بانام.. نامي انتين نامي..
ام مجتبى مرتابه منه وماهي مصدقه ان السالفه بس صداع... نامت وهي تحاول تصدقه..



في المستشفى..
مجتبى و الشاش ملفوف على وجهه.. يفكر في وضعه الحالي .:
ــ الحين ويش بيكون وضعي.. كيف باصير بعد ما يشيلو هالشاش.. هل تشوهت.. شلون باقابل اهلي اللي ماشفتهم من شهور .. كيف باقابل مرتي وولادي .. ياربي ارحمني و عجل برجعتي ليهم ياكريم...


اماني في المقابل مو جاينها نوم وقاعده تفكر وهي تتأمل ولادها النايمين :
ــ يارب ياكريم.. تقومه بالسلامه وترجعه لينا عاجلا غير آجل..
باقر كان عاطي امه ظهره..من لما قعدته امه يصلي الفجر ما رجعت له النومه... والدموع تنسل من عيونه عالمخده.. يفكر في حال ابوه .. وويش بيقول للأستاذ الصباح لما يروح المدرسه....



مصطفى جالس مع ابوه بالصاله بعد صلاة الفجر ينتظرو الشمس تطلع مو جاينهم نوم .. امه بيطلعوها من المستشفى الصباح..
ابو مصطفى : ــ متاكد اليوم ما عندك شي ؟؟
مصطفى : ــ ايه محاضره وحده هي بس ماعليه تتدبر الأمور .. اهم شي سلامة امي و اشوفها في البيت قبل لا ارجع الرياض..
ــ ايييه ياولدي.. الله يسمع منك و تطلع بالسلامه .. عاد اذا طلعت كلمها بهداوه خلها تنتبه لروحها انا ما تسمع مني .. كل تفكرني مو حاس بعذابها ولا مهتم بدانه.. ويش بيدي ياولدي اسوي .. اقعد اندب ليل ونهار بعد مايصير..
مصطفى و الحزن طغى على وجهه:
ــ لا تلومها يا يبه هي كل تحس نفسها السبب في موتتها..
ــ ومين اللي لامها وقال انها السبب .. الله يشهد و انت ادرى... ساعة الحادث ما صرخت ولا هزأت في امك .. ولا قلت ليها شي .. هذا امر الله .. لويه الحين هي تسوي في روحها كذا.. ادري بك حاولت وياها بس جرب بعد ..
ــ الله كريم.. مايهمك احاول وياها مره ومرتين وعشر ..
ــ ياليت تسمع منك هالمره .. تعبت لأني.. سنتين وهي كلما جى ليها للأسوء ..



يوسف بأبتسامه : ــ حركات انا.. هههه المنقذ ... زين والله..
مراد بأبتسامه عريضه يطق يوسف بكوعه على خفيف : ــ شفت شلون...
يوسف : ــ السيد و مفهومه سالفته بحلمتك.. كونه من نسل الرسول صل الله عليه وآله.. هو الأقرب للسلام والتسليم.. بس ويش سالفة حبيب .. وشمعنى هوو.. ويا الأقمار مو كاظم مثلا..؟
مراد : ــ مادري ...
يوسف بأنفعال مندهش وبهدوء قد مايقدر لا يقعد شفيق وصادق من اصواتهم.. :
ــ اييييييييييييه.. اذكر حبيب قال انه حلم مره شاف قمرين .. وشافك بالحلم..
مراد : ــ شافني ؟
يوسف ماحب يقول لمراد ويش شافه حبيب .. يحس مراد هدأت اعصابه ما يبغى يرجع يوتره:
ــ لا بس شافك نفس الشي تقول ماشفتهم...
ــ خخخ اعمي انا في احلامي واحلام غيري..
ــ لا ان شالله بتشوف...
مراد بأبتسامه اريحيه: ــ على ايدك...
يوسف : ــ ان شالله بس اهم شي تطاوعني و تتحملني ترى انا عصبي هااا..
ــ ههههههه لا تخاف ... ان شالله عمي..
يوسف ضرب كتف مراد وبهدوء : ــ يللا نام...
مراد : ــ آسف سهرتك ماباقي شي و تطلع الشمس ووراك محاضرة من الصبح...
ــ شدعوه عاد.. اهم شي تكلمت وارتحت .. وعلى طول كلما حبيت تقول شي تأكد اني بسمعك ..
انسدح يوسف على سريره.. ماشاف الا مراد قاعد جهته عالأرض و ماد كفه..:
ــ وعد.. توعدني
يوسف : ــ ويش ؟
ــ انك ما تخليني...
ابتسم يوسف وصافح مراد :
ــ اوعدك يااخوي..
مراد و بسعاده غامره انسدح و غطى جسمه كله .. ووجهه تحت الشرشف مابين الفرحه والدمعه..


يوسف وفي باله يتذكر مواقف مراد وياه وهو يساعده في كل شي و دايما يتقرب منه و موقفه لما انقذه من الرجال الشاذ ..:
ــ عفوي هالمراد و طيب .... والله اني ظلمته واجد..



ترررررررررررررررررررررر.....
بصعوبه بالغه تطفي غاده المنبه... ترفع الساعه تطالعها ... وبتعب وهي مفتحه عيون وحده تزيد وقت التنبيه بدل 10 دقايق الى ثلث ساعه.. وتعود تنام...


ماريا تفطر ... الا بطلعة حسن ..
ماريا بأستغراب : ــ مارحت العمل للحين
حسن يصب له شاي : ــ الناس تقول صباح الخير
ماريا : ــ انت اللي طالع من الغرفه انت اللي تقول المفروض
حسن : ــ اصقعش انا الكبير مافيه احترام موليه..
ماريا في بالها : ــ بل يبغى بس يشابقني من الصبح..
حسن يشرب في الشاي : ــ اباروح المدرسه ويا حمدوه باشوف العله ويش مسوي ويا ولد عمته..
ماريا : ــ اهااا..
محمد يسحب روحه سحاب بعد مالبس جى يفطر ..
حسن : ــ اخلص اباحمي السياره الا انت جاي تفهم ما بغى تأخير وراي مشوار للجبيل حدي ساعه اللي استأذنتها تأخير..زياده على مشواري..
وطلع حسن يحمي السياره..
ماريا : ــ ويش مسوي بالضبط انت ؟؟
محمد وفي بوزه السندويشه.. وحاقر ماريا
ماريا انقهرت منه وردت عادت السؤال..
محمد شال السندويشه من بوزه و بملل وبمنتهى الوقاحه:
ــ افففففف ... مو ضروري تعرفي .. مايدخلش

Princess
11-03-2009, 03:05 AM
ماريا فتحت عيونها : ــ هالمفعوص النتفه.. تعرف بعد تنفخ هااا..اكيد انت الغلطان وحطيت اللوم على باقر .. تسويها ..
محمد يصفق كوب الحليب في التبسي و ينكب منه شوي وبحمق :
ــ يالله صباح خير .. سديتي نفسي..
ويتركها يروح غرفتهم بياخذ شنطته ..
ماريا تصرخ فيه وبلا وعي: ــ تعااااال.. ياقليل الأدب ..
الا بطلعة وداد من غرفتها ...
ــ ويش .. مين اللي ادبه قليل؟؟ ..
ماريا بهمس مختلع: ــ يماااه بسم الله على عمري..
و بأبتسامه مصطنعه : ــ لا ماصاير شي .... صبحش الله بالخير..
محمد طلع من غرفتهم متوجه للباب بيطلع لأبوه:
ــ تقول اني قليل ادب...
وسكر الباب وراه..
وداد فتحت عيونها : ــ يعني ويش قصدش .. ماربيناه عدل
ماريا حطت السندويشه : ــ لالا.. ماقصدي كذا...
ــ اجل ويش قصدش بقلة الأدب !!
ماريا في بالها : ــ ويلييي ناقصه اني كنت الأم على شان يطلع لي ولدها بعد .. ما اخس منها الا هو....
وداد بقهر : ــ ماتردي .. صحيح معفنه و قليلة حيا و زفته ..
ماريا : ــ هييييييييه حدش عاد.. من الصبح تفلتي علي كلام..
ــ انتين اللي بديتي
ــ آسفه زين حقش علي ..
ــ ويش اسوي فيه اسفش .. يالطرمه يالبهيمه..
ــ اه اه ... اني طرمه وبهيمه.. زين مشكوره رحم الله والديش..
وتركت ماريا الصاله وراحت تخلص بقايا امورها قبل لا تروح المدرسه
وبالسياره .. قبل لا يمشو بعد ماحمت
حسن : ــ ولد عمتك وينهو.. ماناديته يروح ويانا جميع.. >> بالعاده هم يروحو مشي ..
محمد وبملل : ــ باقروه يقعد من الفجر من زمان هو في المدرسه.. >> شداب بس على شان لا ينزل يناديه ولا يبغاه يوصله خله يمشي..
ــ حشا يفتح الباب؟؟
ــ ويش دراني عنه..
حسن يضرب محمد على راسه من ورى:
ــ ياقليل الأدب رد على ابوك عدل..


ومشو للمدرسه..




باقر امه توصيه ينتبه لروحه ويهدي باله ..:
ــ اكو خالك بيروح المدرسه و اكيد بيقول للأستاذ انه خالك وعباره محل ولي امرك فلا تخاف ان شالله بيعدو السالفه على خير بس لا تعودوها.. يللا بالسرعه اطلع الحق على خالك الحين اكيد بالسياره ويا محمد....
طلع باقر يلبس جوتيه.. مالقى جوتي محمد .. عرف انه سبقه للمدرسه.. مع انه مو عوايده .. محمد مايرتاح باله الا اذا تحرش في باقر طول المشوار...
التفت لقى الكراج مافيه سياره..
كان بيطلع بدون مايقول لأمه.. بس اماني لحقته بتعطيه مصروفه نساه...
انتبهت للكراج خالي .. فسألت باقر:
ــ وين خالك..وولد خالك..؟؟ برى ينتظرو؟؟
باقر : ــ لا .. راحو..
اماني استائت من الحركه و بأستنكار: ــ راحو؟!!!!
ــ ماهي برى سيارة خالي..
اماني: ــ حسبي الله ونعم الوكيل .. ماعليه ياولدي .. روح تمشى لين توصل.. انتبه لروحك..
اماني دخلت الصاله الا ماريا طالعه بتلبس جوتيها .. قبل لا يجي عبدالأله..
انتبهت لوجه اختها مبين عليه مستاء:
ــ ويش فيش خيه..؟؟
اماني : ــ ماتوقعت هالأخو توصل فيه لهالدرجه.. تخيلي راح المدرسه هو وولده بالسياره وتركو ولدي اللي يسمع مدرسه غير لو بيثقل عليهم .. زين ما انتبه هو ينبهه ولده يقول له عن اللي يروح وياه المشوار كل صبحيه... صحيح مافيه احساس
ماريا بقهر : ــ لا هو ولا مرته ولا ولده .. هالثلاثي عجيب.. مافيهم خير.. الله يستر من فراتوه بس.... توي مشابقه مع ودادو.. بعد من الصبح
اماني : ــ ههه ايه .. سمعت الوقعه.. بس ماتدخلت خفت اتدخل وتقوم القيامه...


بيب ببييب


ماريا تركض : ــ يؤيؤ .. عبدالأله وصل..
اماني : ــ انتبهي لا تتشدخي..
ماريا لبست جوتيها مقلوب: ــ اووه مقلوووب
ــ هههههههه ساعدش الله .. مابيطير تعرفيه انتين مايمشي الا بش.. دام شهربان وياه... عساش لو قد ويه تتأخري..
ماريا تطالع اماني على جنب : ــ باي بس باي..
وطلعت..
اماني تتنهد : ــ الله يسعده هالرجال ويوفقه.. وقف وياي امس وقفة اخو...

Princess
11-03-2009, 03:05 AM
قيصر : ــ آآني جوعان يابه و خاطري في عشا دسم .. ها شنو رايك تطلع معي نتعشى برى.. طقت شبدي من النواشف...
سام ابتسم : ــ اوكي بس على حسابي..
قيصر : ــ شنو آني اللي اشتهي واقول لك على شان انت اللي تعزم.. لا يابه.. ما يصح هالـحــچـي.. هالسا شنو بيقول عني حاتم..؟
سام : ــ أي حاتم؟
ــ حاتم الطائي يابه.. ولك ماتعرفه..؟؟
ــ ههههههههه يقطع بليسك.. زين خلاص هالمره عليك والمره الجايه علي
ــ ان شالله تصير فيه مرات جايه..
ــ ليش ماتبغاني اجيك..!!!
ــ لاااا .. شدعوه عيني .. ولك قيصر وعيادة قيصر و كُل إشي لقيصر يفداك..
ــ يسلمك الهي..
سام يطالع جواله مخلص الشحن..
ــ ماعندك شاحن.؟
قيصر بأبتسامه : ــ ولك يابه ماعندي شاحن لموبايلات هالشكل.. الله يزيدك من خيره و يعطينا مما عطاك بس على شان اذا فضت بطاريتك اشحن لك..
ــ هههههههه .. ان شالله يارب..


وطلعو يتمشو للمطعم...


قيصر بأبتسامه ..: ــ آني مروق .. شرايك احــچـي لك نكته..
سام ابتسم : ــ الله يدوم الروقان.. هات ما عندك يا اخا العرب ..
قيصر وبسرعه : ــ هههههه حلوه منك.. طيب اسمع.. فار سكران قال كل البزازين جوه قندرتي .اندار شاف بزون اسود .. قال بس ابو سمره علىراسي...
سام : ــ هاااااااا
قيصر : ــ ههههههههه ولك يابه ما فهمت شكلك.. والا بايخه.. ؟؟
ــ قندرتي فهمناها... ويش البز بز مدري ويش .. >> القندره = الجوتي
ــ ههههههههه البزازين.. هاي جمع بزونه.. القطوه .. مياو
سام : ــ ههههههههههههههه عساك غربال..
ــ غربال شنو بعد هههههههههه لاااا آني يوم عن يوم اشهد مانك عراقي.. العالم الله منيا بلد انت..؟؟
سام و الضحكه تلاشت بهدوء..
قيصر في باله: ــ ولك شقد آني نكدي....
ويتدارك سرحان سام اللي راح يبتدي بنكته ثانيه:
ــ اسمع هاي بعد... الماني وهندي وعراقي --اشتركو بمسابقة انطوهم كل واحد قرد قالو لهم الي ايخلي القرد يحچـي يربح الجائزة,,,
اجو ورى اسبوع ..
الالماني كال ماقدرت اخليه يحچـي
-الهندي قال بابا اني مايقدر ايحجي
العراقي قال : ولك يابه وكلته وشربته واشتريت له .. حتى حديقة الحيوان وديتة بس مابين بعينه وما تحچـى
القرد صرخ وقال : چـذاب والله چـذاب
سام : ــ هههههههههههههههههه ياعلي يعني شدابين تقول عن نفسكم
قيصر فتح عيونه : ــ سامي.. انت شقلت؟؟؟
سام : ــ هاا.. لا مو قصدي ..
قيصر مسك سام : ــ ياعلي .. انت قلت ياعلي..
قيصر مامره استخدم هالنداء قدام سام ابدا...
سام مو مستوعب : ــ انا قلت ياعلي؟؟
قيصر يصفق وهو فرحان : ــ يالله .. إيه أيه.. قلت هيچ .. سامي شوي شوي راح تذكر كل اشي عنك.. صدقني...
سام مو مستوعب السالفه...
وقيصر فرحان عارف ان الفاقد الذاكره دام بدى يسترجع اشياء عفويه وبسيطه يعني فيه امل برجوع ذاكرته اليه بشكل تام في المستقبل ..




في المدرسه الأبتدائية للأولاد..
حسن مع المشرف ..
المشرف : ــ ايه.. يا ابو محمد.. يعني ياليت تنصحوهم و تهدوهم على بعض مو حاله هذي كل كم يوم يتهاوشون مع بعضهم ماكنهم قرايب !!؟؟
حسن متفشل : ــ خير ان شالله... مايهمك.. الله يعطيك العافيه
ــ يعافيك ربي .. الا وين ابو باقر .. ؟
ــ يشتغل في مكان بعيد و مايقدر يجي فجيت بداله..
ــ الله يكون بعونه.. وين يشتغل؟
ــ بالخفجي تبع شركة الـ... التابعه لأرامكو
الأستاذ بأنفعال: ــ اوووه هذي اللي سمعنا خبرها من كم يوم ؟؟
ــ ايه..
ــ و عساه بخير ..؟؟
ــ الحمدلله من المصابين .. جروح ان شالله يصير احسن..
ــ لا حول الله.. مايشوف شر ان شالله... وتسلم ياخوي عطلناك عن اشغالك..
ــ الله يسلمك ..لا شدعوه واجبنا نشوف امور الأولاد..


طلع حسن لباقر ومحمد اللي كانو قاعدين برى...
ــ ماوصيكم شباق مابغى آخر مره اجي المدرسه فاهمين...
وراح عنهم..
الا بطلعة المشرف ينادي على باقر...
محمد مستغرب وراح يركض الفصل شالق البوز مفكر ان المشرف بيعاقب باقر ..
باقر دخل الغرفه وقلبه الصغير يراقع...
المشرف : ــ اقعد..
قعد وعلى ملامحه مبين التوتر..
المشرف : ــ لا تخاف يا ابني.. انا اعرفك انت طالب مجتهد و من الأوائل عالمدرسه بس استغرب منك هالمضارب مع ولد خالك.. انتبه لدروسك و خليك منه .. ارفع راس ابوك طيب يابابا..
باقر بأبتسامه بددت كل الخوف : ــ ان شالله..
ــ يللا على فصلك ولا عاد ابغى اشوفك متورط في مشاكل ثانيه..
طلع باقر من الغرفه..
المشرف : ــ اييييه.. الله يكون بعونه وعون اهله..



ستيف عايش في حالة توتر وخوف .. راح الفندق لتوم..
ستيف : ــ هل انت متأكد بانك لا تعرف اين سام؟
توم : ــ لست ادري فهو لم يقم بزيارتي منذ العمليه الأخيره.. لماذا هل هو مختفي؟
ستيف : ــ لم نراه منذ يومان تقريبا.. لا ادري اين هو؟
ــ مصيره سيرجع لما القلق؟؟
ستيف مو عارف هل يخبر توم بالسالفه والا لا...
توم لاحظ على ستيف التوتر...
ــ ما الأمر.. احدث خطب ما لسام تخفيه عني؟
ــ ها..
ــ يبدو كذلك.. هيا بسرعه اخبرني ما الأمر...؟؟



في المدرسه الثانويه...
نور تمشط شعر غاده:
ــ وصاقعه .. ويش تسوي الصبح ما تمشتطي ووجهش كنش مكفخه..
غاده تتثاوب: ــ قاعده عالنت..
نور : ــ استر عليهم الحين من صار عندش لاب توب صرتي كل سهر رحم الله ايام التناوب على كمبيوتركم والشبقات...
غاده : ــ خخخخخخ لا تذكريني ما اقعد الا بشبقه وطول ما اني قاعده يحنو على راسي ولا اقوم الا بشبقه .. كثر الله خيرها ريماس ماقصرت..
نور تربط الشباصه بالقوه: ــ ايييه مااقصررررت.. >> ما تطيق ريماس
غاده : ــ آآآآآآآي..
نور : ــ مو قاهرني الا شي واحد.. معدلها في اول ثانوي زفت الزفت ودخلوها علمي .. اني اعلى منها بواجد.. اهئ وفرقوني عن الحبايب ماريا و شهروبه..
غاده : ــ وصاقعه تصقعش مو تارسه عيونش اني
نور: ــ هههههههه مو قصدي ويا وجهش .. تصقع الواسطات اللي حقها مو تصقعني
غاده: ــ ايه احسديها من الحره..
نور: ــ ويش فيش قلبتي علي وياها.. مالت عليكم زين...
غادة: ــ وعليش ..
نور تمصع الشباصه
غاده : ــ آآآآه يانحيسه..
نور بقهر : ــ اخففها لش تقولي تعورش..



في فصل ماريا وشهربان ..ماريا تقص لشهربان موقفها الصبح ويا وداد
شهربان : ــ ههههههههه مجنونه هالوداد وربي تدور من تحت الأرض حاجه على شان تتعيلف فيها .. الله يعينش .. شبقاتها بس وياش تسوي فلم اكشني هندي..
ــ ويش مفكره اجل.. الله يصبرني
ترفع شهربان ايدها : ــ ياااااااااالله تعرسها وتفكها من مرت هالأخو عاجلا غير آآآآجل ياكريم...
ريماس وراهم كانت الا يسمعوها تضحك : ــ يالله يسمع منش.. >> كل تتدخل مابين ماريا وشهربان تبغى تتقرب من شهربان على شان عبدالأله بأي طريقه..
ماريا : ــ مابغى اعرس اني ابغى اتخرج و ادخل الجامعه واكمل دراسات عليا بعد لين اصير دكتوره..
ريماس : ــ خخخخ دكتوره في ويش ..
ــ اني احب الرياضيات ابغى اصير دكتوره فيه ..
شهربان : ــ عكسي ما اطيقه لا اني ولا اخوي
ريماس من سمعت طاري الأخو : ــ أي والله ولا اني ماطيقه..
ماريا في بالها : ــ ويش دخلها هالملقوفه دي...
و بأصرار: ــ والله كيفي .. اني احبه..
ريماس : ــ ايه,.,الله يعينش >< قالتها ريماس بطريقه استفزازيه


ماريا ماليها خلق تشابق ريماس بعد من الصباح...
شهربان : ــ ماعليه تصيري دكتوره ونبلغ فيش يارب
ماريا : ــ ويا وجهش ماعندش الا هالسالفه
ردت شهربان رفعت ايدها وبطريقة مريبه : ــ يارب ياحبيبي حقق املي و رجاي .. وعطي هالبنيه اللي في بالي
..
ماريا فتحت عيونها : ــ وجه القوطي ويش اللي في بالش..
شهربان تغمز لماريا و تطلع لسانها ..
ماريا تصفق راس شهربان بالدفتر: ــ بااايخه.. زين..


ريماس في بالها: ــ غصب اخوش يعني لهالمتخلفه.. تفكريني يا شهربان مافهم لهالحركات.. زين نشوف آخرتها...


دخلت استاذة الكيمياء .. زكية... استاذة الرياضيات بتتأخر شوي فتبادلو الحصص
ريماس جالسه ورى شهربان وماريا على طول.. ماسمعوها الا تقول.:
ــ اف زيكو العجيب من اول الصبح.. يالله الصبر
ماريا التفتت لريماس وعفويا عطتها نظره .. ماريا كانت تحترم استاذه زكيه وتحبها واجد..
ريماس مسكت القلم و الأستاذة دايره عالسبوره تكتب عناوين الدرس... و بغزت فيه ظهر ماريا وبهمس مقهور: ــ ويش تطلعي
ماريا نقزت وطقت ركبها بالطاوله : ــ آآآه
الأستاذه دارت : ــ خير شنو صاير .. مين اللي اصرخت..
الفصل هدووء..
ماريا رفعت ايدها بتوتر: ــ اني..
ابتسمت الأستاذه: ــ ليش .. خير ان شالله..
ــ لا بس طقت ايدي بالغلط الطاوله واني اطلع الدفتر وعورتني..
ــ طيب انتبهي مره ثانيه... بسم الله.. درسنا اليوم عن الغازات و نسبتها في الجو ،، راح نشرح خواص بعض الغازات و ......




توم : ــ امتأكد مما سمعته.. هل يعقل بأن مارك !! لديه نيه لفعل ذلك..؟؟
ستيف : ــ نعم متأكد.. و متأكد ايضا من انه هو من قام بضرب سام بالسكين في المرة السابقة..
ــ يا الهي ماذا دهاه ذلك المجنون.. أعمته الغيره لهذه الدرجه.. ايظن انه سوف ينجو بفعله هذا لو اكتشفه جون.. !!
ــ لا ادري مالعمل ارجوك ارشدني..
ــ مممممم تلك مشكلة كبيره.. لا يمكنك ان تخبر جون طبعا.. ولا يمكنك ان تواجه مارك لربما يستهدفك انت أيضا .. ابقى حاليا على اتصال بسام حتى يرد عليك .. و راقب تحركات مارك بحذر .. حتى تتمكن من ايصال التحذير لسام ليتصرف وينجو بنفسه..
ــ الى اين يمكنه الذهاب .. ماذا لو افتقده جون..؟؟
ــ لا بأس في ذلك سأتصرف انا فقط ابقي سام بعيدا عن ناظر مارك هذه الفتره..

Princess
11-03-2009, 03:07 AM
طلع ستيف و القلق ماكلنه اكال.. وترك توم اللي كان خايف على سام بشكل مو طبيعي..


ويتذكر ....قبل سنتين ..
كيف لقاه مرمي في شقة ولده و اللي كان يدرس معاه بنفس الجامعه بفلوريدا ..
ولده اللي كان انطوائي ومريض بذات الرئة ... وقليل الكلام والتفاعل مع الناس ... تعب في دراسته لأجل يقبلوه في هالجامعه....
توم كان خايف عليه من الوحده القاتله و قلة الأصدقاء...
يتذكر كلام ولده اللي كان يحتضر ويساله عن صديقه الوحيد ...
يتذكره وهو يقول له.....



ــ ناجي.... اين ناجي......؟؟؟


وبعدها يتوفى جراء دخول كميه كبيره من الماي لرئتينه .. ومالحقو الأطباء يطلعوها كلها الا فارق الدنيا...
ليبقى ناجي.. فاقد الذاكره.. بلا هويه.. وبلا اهل !!!!


توم يغطي وجهه بكفوفه.. يتنفس بسرعه.. يحس بتأنيب الضمير والخوف على سام من القتل ..
ــ سامحني ياناجي.. سامحني على اخفاء الحقيقه عنك... فلست اعرف شيئا سوى اسمك الأول.. ليتك لم تفقد ذاكرتك.. ليتني لم التقيك...



استاذة زكيه :
ــ الهليلوم كلمه يونانية الأصل وتعني هليوس وهي الشمس.. ونيتروجين تعني خانق ..
.. طبعا هاي كلها ماهي معكم بالأختبار مو تبع المنهج بس للمعلومات العامه.. هالسا شنو بعد حابين تعرفون معناته ؟؟؟
رفعت وحده من البنات ايدها : ــ استاذه... الزينون .. شنو معناته؟؟
بين على استاذة زكية التوتر فجأه وبأبتسامه : ــ الغريب..
البنات بتساؤل : ــ غريب ؟؟
ــ إيه غاز الزينون معناته الغريب ...
الا بالحصه منتهيه...
وطلعت استاذة زكيه وهي تقلب الذكريات..
تذكر اخوها الصغير..
قيصر... تذكره وهي تسرد له اسامي الغازات ومعانيها فترة دراستها بالجامعه ...
...
ــ الزينون معناته الغريب
قيصر يبتسم : ــ ما الغريب الا حنا.. غربه بوطننا ماكو مثلها غربه
زكيه: ــ الله كريم ويرجع الحال مثل الأول و افضل..انت هالسا كلها هالسنه وتتخرج من الثانويه .. والكل رايدك تدرس طب في امريكا فلا تخيبهم..
قيصر: ــ إيييه .. و اصير هناك زينون..
زكيه : ــ ولك فيه شي احلى من الزينون..؟؟
قيصر: ــ ههههه غير اهوا غاز شنو الحلو فيه؟؟
زكيه بأبتسامه والهدوء : ــ انت مثل الزينون.. بالرغم من انك غريب الا انك محبوب.. شوفه بأنوار السيارات .. وشقد هو ناصع البياض.. مثل قلبك.. شقد واضح .. مثل روحك.. شقد هو قليل بأستهلاك الكهربا مثل تواضعك ..
قيصر : ــ ولك يابه شنو هالغزل الغازي هاي هههههههههه مود يسموني زنيون بدل قيصر...


تبتسم زكيه مع نفسها وتحس بالخنقه.. واحشنها اخوها اللي ماشافته من سنين.. تركهم من عام 1997 ... واللي ماتقدر تكلمه الا كل شهر مره ويالله بعد اذا قدرت...


قيصر نفسه عزيزه فمن لما كل اهله راحو ضحايا النظام الجائر في العراق ..
ماحب يكون عاله على اخته خصوصا انها تزوجت و الله سترها مع واحد من خارج بلدها والحمدلله رجال اجودي ويخاف الله فيها..
فمن يومها تركها امانه عنده وقرر يشوف حياته في امريكا ...



ابو مجتبى خلاص بعد صلاة الظهر وهو قاعد عالسجاده..
مو قادر من رجوله اليمين ... يحس نفسه مافيه طاقه على الأحتمال اكثر..
بصوت مخنوق والعرق يصب منه..
ينادي ام مجتبى .. ماكانت تسمعه... كانت تسبح امير و الوقعه قايمه في الحمام..


ابو مجتبى انسدح عالسجاده ومد رجوله ..
الا برجعة نور من المدرسه من دخلت لقت ابوها بالصاله متمدد عالسجاده وشكله مو طبيعي ...
انتبهت لرجوله لقت القدم اصابعها ضاربه للسواد...
رمت شنطتها وراحت تركض الى امها وكلها خوف وفيها الصيحه :
ــ اماااه الحقي .. الحقي على ابوي مادري ويش فيه
ــ يووه .. الله يستر.. تعالي طلعي اخوش من الحمام...
نور مرتبكه مسكت الفوطه :
ــ امير قوم..
امير متعود يسبح بسرواله واذا جى يقوم من الماي يفصخه ويلبس الفوطه.. نور ماعمرها سبحته بحكم انه ولد وكبير 13 سنه..
من قام على طول شلح .. نور فتحت عواينها.. وفلتت عليه الفوطه:
ــ وحرريقه...
ظل واقف مو عارف ويش يسوي..
شالت نور الفوطه وهي مرتبكه... لفته بها وهي نص مغمضه وترتجف:
ــ ويش هاليوم دا ....
وعطته ثيابه يلبس اللي يعرف يلبسه وتعاونه عالباقي..
ماسمعت الا امها تناديها و نبرة النداء تجيب الخوف:
ــ نووور.. نوور عاد تعالي دقي على عبدالأله يجي اذا خلص توصيل البنات يودينا المستشفى..




نوري ماسك علاق ثياب ومدخلنه في بلوزته من ورى ويحرك فيه ...
محسن : ــ ويش صاااير ... !!
نوري : ــ فيني حكه في ظهري... هانيوه انت ابو اظافير .. تعال حكني..
هاني : ــ وين..؟؟
نوري : ــ منا.. ايه .. لا تحت شوي.. فوق شوي.. يمين... لالا .. بعد..
هاني : ــ ويش هالحاله انت... حدد الهدف بصورة ادق..
نوري : ــ ايووااا بس حك .. حك..
محسن : ــ بل .. ولا جربان..
نوري : ــ جربان في عينك.. هههههه توي سابح مادري ويش فيني جايتني حكه مو طبيعيه..
ايمن : ــ حاسدينك
محسن : ــ ويش قصدك..
ايمن : ــ ماقصدي شي .. بس اللي على راسه بطحه يتحسس عليها..
محسن : ــ استر بس عالأمثال .. شب بس..
ايمن : ــ شبك الشّباب يشبك
نوري وهو مو قادر من هاني فجأه مصخها بالحك :
ــ واااه خلاص حفرت خندق في ظهري .. الدم صار يشخل.. وانتون كل شباق لوعتو شبدي زايدين السنه اشوف ...


محسن : ــ بل .. هههههههه.. دمانك تشخل.. ولا سعلو اللي حاكنك....
هاني : ــ ايه بدل مشكور .. وانت ويا وجهك لا تحسد لا اسوي في وجهك شارع هاي ويه الحين ..
نوري رجع رفع ايده ورى ظهره مو قادر ..:
ــ صحيح ماحك جلدك مثل ظفرك...


الا باب الشقه ينفتح..
نوري وقف : ــ صطيييفووو هلاااا وغلالااااا
مصطفى : ــ هههههه هلا فيك زود.. ويش حالكم
هاني : ــ كويسين الحمدلله على سلامتك..
محسن : ــ اخبار امك ان شالله صارت احسن..
مصطفى : ــ الله يسلمكم .. الصباح طلعت ..و الحمدلله حالتها احسن..
نوري يطالع في ايمن اللي ساكت ولا قال شي ..
ومنقهر منه مو لهالدرجه صاير دفش و اخلاقه ميح ...


ايمن بهدوء: ــ الحمدلله عالسلامه
مصطفى ابتسم : ــ الله يسلمك..
نوري في باله : ــ حشا ما بغى يتلحلح...
محسن : ــ شباب ويش رايكم الليله نعزم الجماعه فوق عالعشا بمناسبة سلامة ام مصطفى...
ايمن هرب الغرفه..
محسن : ــ بل عليه .. انحاش .. خايف على قروشه.. اصقع دا بخل..
نوري : ــ هههههههههه ويش عليك منه.. من زين اكله.. اشوى ماهو اكول ذاك الزود شان ويش خانتنا ..
هاني : ــ خخخخخ بخل و بطن بعد مصيبه..
مصطفى : ــ حرام عليكم عاد خلوه في حاله.. وماله داعي الكلافه شباب.. تسلمو والله
نوري يضرب كتف مصطفى : ــ والله انك طيب... ولك يازلمه كم مصطفى عندنا .. وغلاوة امك من غلاوة امهاتنا...

Princess
11-03-2009, 03:08 AM
شفيق كان يطالع تلفزيون وصادق كالعاده بالصاله وياه بس يقرأ كتاب..
مراد طلع يدور في الشوارع يغير جو .. و حبيب نايم ..
يوسف في غرفتهم مع السيد .. خبره بحلمة مراد واللي صار,...وكان معاهم كاظم..


السيد ابتسم بفرح : ــ خير اللهم اجعله خير.. ان شالله تكون الحلمه سبب في تغييره للأفضل ..
يوسف : ــ انا مستغرب من الترابط مابين حلمة حبيب من قبل و حلمة مراد الحين وسالفة الأقمار .. مع ان مراد ماسمع الحلمة من حبيب على شان اقول فكر فيها وطلعت عليه بالحلم..
كاظم : ــ حبيب يستاهل كل خير .. ومو بعيده عليه يشوفهم الأقمار
ويرفع ايده : ــ الله يعطينا زيه..
السيد : ــ هههههه يقولو الله يعطينا مما عطاه... انت سوي زيه والله يعطيك ان شالله...
يوسف بتساؤل فضولي : ــ ويش يسوي هو؟؟


السيد : ــ ايييه حبوب هالحباب الله يسلم عمرك... انولد يتيم.. توفى ابوه من لما ولدته امه.. فإهتم فيه اخوه الكبير اللي يحبه محبه مو طبيعيه ,لأن ما جاه هالأخو الا بعد سنين . بعد ما جابت قبله ثلاث اخوات ...
تزوج اخوه سيده.. و كان عمر حبيب وقتها بس 4 سنوات...
مرته كانت اجوديه وطيبه و تحب اهله وخصوصا حبيب.. كان كاسر خاطرها انه صغير ويتيم ... فكبر حبيب وهو يحترمها ويعتبرها مثل اخته الكبيره ..
.. خواته كلهم تزوجو وتركو البيت و امه مافيها شده... كل مريضه...
فكانت السيده ترعاه و تهتم بأموره .. وكأنه ولدها.. انا وحبيب من ايام ابتدائي اصحاب ما كنت اسمعه يتكلم عن احد كثر ماكان يتكلم عن السيده..و كنت استانس حدي وافرح له اذا سمعت انها فرحته بشي ..
كاظم يجاكر في السيد : ــ ايه معلوم... مو لأنها سيده..
يوسف : ــ ههههههههههههههه افا يعني لو عاميه ما بتستانس ؟
السيد : ــ هههههه غربال يغربلك انت و يا كظموه.. صدق نحيسين...عاميه لو سيده بستانس له ... ماعلينا.. عايلة حبيب بطرانه بعض الشيء.. فأخوه يدير اعمال ابوه المتوفي و تارك حبيب على راحته يكمل دراسته ويعيش حياته ومو مقصر عليه في شي ..
الكل في ديرته يعرفه و يحبوه بالمره.. له اعمال خيريه في الجمعيه بديرتهم ..خصوصا اليتامى.. غير مشاركاته للحسينيات و المآتم.....
لأهل ديرته حبيب بالنسبه ليهم اسم على مسمى...
يوسف : ــ اهاا ما شالله عليه.. على شان كذا...
كاظم : ــ لا يفوتك ابو يعقوب.. العام في حسينيه هو والسيد في العشره جابو شيله مو طبيعيه.. وكأني بك حائر للشيخ حسين..
يوسف : ــ اوه اوه.. شيالين بعد << رواديد..
السيد : ــ هههههه لا عاد.. يعني تعبير عن المشاعر لا اكثر..
كاظم يحوس في جواله... ويشغل فيديو.. من سمعه السيد:
ــ ههههههههههه ما مسحته؟
كاظم : ــ لويه امسحه وهو عاجبني ..
يوسف يطالع الفيديو وكان السيد مع حبيب و اللطم قايم..
السيد :
و كأني يوم عاشر .. بك يا مهدي حائر
بين الدمع و الآه .. في نـَوحٍ واجداه
حبيب:
ليَ صبرٌ صمتا .. و جوىً ما سكتا
فمتى تسكتهُ ..؟؟ تعبت فيك متى !!
السيد:
و متى تهوي الأسوار .. و معاً نمضي زوار
لنرى صحن المظلوم .. فلقد هاج التذكار
حبيب:
و عيوني ذهبت .. و بها الحزن عتى
فمتى أفتحها .. و يقولون أتى


يوسف وفي باله وهو يطالع الفيديو:
ــ ما شالله عليكم.. ما شالله عليك ياحبيب .. تستاهل اجل هالشوفه >> يقصد الأقمار


بالمستشفى....
الدكتور يسال ام مجتبى:
ــ حالة اصابعه من متى وهيا كدا وانتو ساكتين
ام مجتبى مهي عارفه ويش تقول تحس نفسها تبغى تصيح وخايفه عليه:
ــ خير يادكتور... ويش فيهم.. اني كل يوم امرخه
ــ تمرخيه ايه يا حجه.. هم مش محتاقين في ديك الفتره الا تعأيم و تنظيف كل اسبوع وغيارات قديده..
سكت الدكتور شوي:
ــ مع الأسف دي الوأتي .. انتو متأخرين كتير..
ــ يعني ويش ؟؟
ــ معليش بس دا الأمر لابد منه ..
ــ زييين ويش >> حرق اعصابها الدكتور وهو يماطل...
ــ اللي حاصل في اصابعو غرغرينا.. وكويس انكو ما تأخرتوش زياده والا كان انتألت للقدم كلها وبعدها للساق..
ام مجتبى ماهي داريه ويش تقول ولا هي مستوعبه الموضوع..
نور فتحت عيونها: ــ غر.. غررغررينا.. يعني... يعني!!
الدكتور : ــ راح نعمل له عمليه و نقطع الأصابع ...
ام مجتبى حطت ايدها على راسها : ــ يــــاعلي


الى الملتقى..

*زهرة البنفسج*
11-03-2009, 03:48 AM
اهلا اموره ,,الله يوفقكِ يارب في الدراسهـ دبدب

::

انقدتينا بهللبارت كان مره زهق عندي ..!

::

هههه عاد لو اقول الش وش صار لما وصلت لكلمه وقريتها عن اسمي هههههه كل اشوي ارجع للسطر

وقراه..كل ذاا عشان اللكلمه تنكتب مثل اسمي ,,

::

مره حلو البارت غناتوو خليتيناا نتكلم عراقي هههه ..

::

الله يهدي مرااد ,, عور قلبي كل شخص اليه ميزه ,,

ننتظر القادم غاليتي

موفقينـ

دمعة على السطور
11-03-2009, 04:16 AM
اللهم صل وسلم على محمد وآل محمد وعجل فرجهم وفرجنا بهم ياكريم...


ياعلييييييييييييييييي غرغرينه يالله يااكافي الشر.....اي لأن عنده سكر بعد...الله يكفينا الشر.....


ياعلي الحين بتصير حالتهم حالة ...الله يكون بعونهم يارب...



أما مراد عجبني بقووووة ....اقصد التغير اللي حصل فيه.......الله الهااادي...


ويوسف ماشاء الله علييه ...متفهم وقلبه كبير....


حبيب عرفنا قصة هالحبيب اللهم صل وسلم على محمد وآله وعجل فرجهم عليهم بالعااافية ياعلييي....بقول زي كاظم الله يعطينا مما عطاهم ويجعلنا مع محمد وآله دنيا وآخرة يااارب ....



طلعت المعلمة زكية اخت قيصر لااله إلا الله....وماشاء الله تبارك الله على ترابط الأحداث ....


امممم ناجي ....ياعلي استانست لما قال ياعلييي..... ان شاء الله شوي شوي ترجع له ذاكرته..


أما أبو باقر..خايفة يكون تشوووه ياعليي...ان شاء الله بس اصابات طفيفة ..


وهذي ريماسوو قاهرتني ودي ازنطها.......غصب طيب تبغى عبد الاله يعني...!! كان زين لو زينة بعد استغفر الله ربيييي...


وغادة بتروح فيها مبيييين..الله يستر...



ياعلي بمووت على اللهجة العراااقية اتمنى كل المشاهد فيها قيصر وزكية بس عشان اقرأ في هاللهجة..

هههههههه عجبتني النكت هههه


ودادوا موتتني ضحك..بالرغم من ثقالة دمها ..إلا ان الكلام يموووت ضحك ههههههه واني اقرأها اتخيل طريقة كلامها بهمج ههههه


حبيبتي أميرة القمر......الباااارت يجننن مرررررررررة


وش اقول عن هالرواية اني...!! تجنن ....تقتل...


ماشاء الله علييك غناتيي....>معوذة بالله والنبي... :)


انتظر وانتظر وانتظر...

موفقة لكل خير إن شاء الله تعالى

دمتي بعين المولى الجليل

أمل الظهور
11-03-2009, 07:53 AM
اللهم صل على محمد وآله


:embarrest::embarrest::embarrest:اسفه ربي لايروعكم على حبيب <<لاالسيدكف


يلا من زمان ماسوينا مقالب في احد وجاتنا فرصه <<بتتكفخ توها تعتذر


البارت يقننن امور وماشاء الله عند وعدك تمام


مسكين ابو مجتبى لااولاد حواليه والحين اصابعه ربي يعينه ويساعده


ضحكت من قلب على موقف نور مع اخوها غربل الله ابليس


ومراد مسكين عور قلبي كأني صحت معاه<<كأنها

وتمام تقريبا عرفنا قصص وسوالف نص او اغلبية الشباب في الشقه


وريماسوه هالخبله حاطه عينها على عبد الاله اه يالقهر مالت عليها وعلى اما جابتها وابو رباها

<<تعلمت السب

وتوم كسر خاطري وهو يتذكر ..كويس ابتدت الذاكره اشوي اشوي ترجع لناجي


قيصر بعد ماشاء الله طلعت عنده اخت بالسعسع <<تدلوعه السعودية


هانيو استغفر الله


ودادوه مع ولدها المعفنين ايش هالقلوب عليهم شكله بيحقد اكثر على باقر بعد ماسمع الكلام


يالله ان شاء الله يجي ابوه ومايصيبه تشوه ولاشيء ويفتكون من هالعله بس راحت على ماريا


بتقابلها 24 ساعه


وبعدددددددد اممممـ الاحداث كثيره ومو عارفين ايش نخلي ايش ناخذ <<مايبغون الا على كيفهم



ربي يعطيك الف عافيه على هالبارت الراااااااائع وتسلم ايد تعبت وعقل فكر


موفقه يارب بكل خطوه

حلم لطيف
11-03-2009, 08:48 AM
يعطيش العافية على هالبارت الحلو

أتوقع أنه فيه صلة قرابة قوية بين حبيب ومراد والدليل الحلمة

والأيام راح تثبت لينا

جميل ظهور شخصية جديدة الا وهي زكية أخت قيصر الله يجمعها بأخوها ويبرد قلبها

وسام الله يفرجها عليه ويهون عن هالعبط اللي هو وراهم

وأبو مجتبى مثل ماتوقعت أنه راح يقصوا رجوله ماادري أصابعه الله يكون في عونهم ان شاءالله

وريماسوه ويهد لزقة الريح الملقوفة الله يستر حاسة بتسوي حاجات منيلة وتودي ناس في ستين داهية

عساها طامة ان شاءالله

وأبو باقر الله يشافيه ان شاءالله ويحتاج لعمليات تجميل بسيطة ويرجع لأهله سالم غانم

وحمدوا وأمه عساهم صاقعة تشلهم من فقالة الدم وحسن هالبارد المتبيرد يرفع الضغط

متى ياخذ ازدهار ويطلق ودادو ونجببببببببب

ننتظر البقية المتبقية على خير ولاتتأخري علينا

موفقة لكل خير

أحبك ياغلا عمري
11-03-2009, 12:44 PM
مشكورة على الجزء
ننتظر الجزء الجديد

الفراش الفاطمي
11-03-2009, 02:32 PM
وااااااااااو اموره روعه
يسلمو ع البارت يجنن
والتعاليق
يعني طلع احساسي عدل
اني قلت من البدايه انو سام هو ناجي
وقيصر طلع عنده اخت وتحب ماريا
وبس
بانتظاركـ
تحياتيـ ...

أموله
11-03-2009, 03:36 PM
ونــــــــــآســـــــــه يجنن هالجزء ~

مو قلت لكم هالسـآم هو نـآجي :wink:

وآلله وبدت الآثآره وآلتشويق

ويلي على هالمرآآآآد يكسر القلب ،، صحيح محد فآهمه غير يوسف

ودآدوووهـ تبغى تتعيلف بأقل شي تسوي من الحبه قبه

مـآريـآ عروس لعبد الاله وبببببس

ريمـآسووهـ الدفشه مـآتستحي على وجهـآ

بآقر كسر خـآطررريييي مسكيين

مجتبى مـآبيصير له شي ولا شي :bigsmile:

قييصـر طلعت لهـ قصهـ وغموووض :amuse:


...

امووورهـ

روووووعهـ عوظتي بجدددد

يسلمووووووووووووووو مليون

لا تعليق
11-03-2009, 04:22 PM
وا على قلبي مرادووو .. اشوى ان يوسف صدره واسع وللا لو اني مكانه بس اشوف مراد يصيح بافلح وبقعد اصيح عليه ..
وهذا حمدوه لو هو اخوي كان الحين هو مترقد في المستشفى .. مجنون خبل !!
وسالفة ماريو اني ما صدق تبى تبقى ويا هالـ .. هالـ .. هالجنية ام الشياطين<< تعرفوها ؟ هذي تطلع مرت دعيدع ابو الخلا قين!
ولو وحدة غيرها ابصم بالعشرة انها بتوافق على اي احد يجيها حتى بدون ما تعرف اسمه << لا عاد !!
ياربي سوالف امريكا كلما جاليها تسخن .. اميرة .. ننتظر كل من : المطاردات والمسدسات والمتفجرات والخطط والمفاجآت .. واحمد لا يكون طاحت طائرته .. ابدا ما سمعنا عنه شي من زمان << ما تستغني عن التفاول على الناس ..
أشوى طلع في واحد على الاقل يعرف حقيقة سام
اما حبيب والسيد .. صراحة ابداع .. اصواتهم عدلة ومنسجمة << ما اكذب ترى تخيلتهم
واصلي اميرة .. والله يعطيش العافية ويوفقش لكل خير وسعادة*

نور البدور
11-03-2009, 11:29 PM
يآآآآآآآآآآآآآآآآآآآآآآآآآآآآآآآآآآآآآآي البارت جنإآإأآإأآإأآإأآإأإأأآإأإأآأآإأآإأإأآإأإأإأآأآأآأآ ن
ياربي ها الحبيب حبووب وطيبووب
ومراد توقعت انه ابوة مطلق امة
وان شاء تتحسن امووره يارب
ياعلي ابو مجتبى حزنتني احواله الله يشافية يارب
وبا انتظار القادم بفارغ الصبر
تحياتوو
نور البدور

دانهـ العشآق
11-04-2009, 04:34 PM
هالبارت شي رهيييب معوده بالله وآل بيت النبي من الحسآآد ~>دعوه متعوب عليهااا

والبناتوه ماخلو لنا تعليقات توقعاتي مثل الأغلبيه ..~

واصلي يالغلآ ..~

بإنظاركـ

~..
..~

أمينه
11-04-2009, 05:44 PM
متابعه من خلف الكواليس قرأت جميع كتاباتك

قلم مبدع ما شاء الله

حفظك المولى من كل سوء وبالتوفيق إن شاء الله



تقبلي تحياتي

هذه أنا



أمينه

عطر الكون
11-04-2009, 07:05 PM
رووووووووووووووووووووووعه البارت...
مسكين ابو مجتبى بيقطعوا صبعه ومراد مثل ماتوقعت.....
وحبيب بعد مسكين على قلبي يتيم طلع وماريا الله يعينها على معاملة ودادووو الغبيه...
ومجتبى متى بيرجع ان شاء الله؟؟؟
يسلمووو اميره بااارت رائع وطويل ماشاء الله..
واصلي...

Habit Roman
11-04-2009, 09:49 PM
أمورة حبيبتي يعطيش ألف عافية

بصراحة غبتي وعوضتينا بالبارت

ويش نقول ويش نخلي خخخ

ممم تعليق الاعضاء كفو وزود
تعليقاتهم وتوقعاتهم مثل توقعاتي

فمايحتاج أعبي مرة ثانية بعدين تستملي


تحياتي القلبية لك
ويعطيش خمس طعشر ألف عافية هاهاه

ننتظر جديدك يالغلا

طفلة تحت المطر
11-05-2009, 02:00 PM
تسلم ديآآتش يالأميره

بآآرت ولآآ أروع

**

احم .. والله وطلع عند قيصر خت تدرس مآآريآآ

وهدي ريماسوه مآآ تتأدب عن سوآآلفهآآ

بس صرآآحه موو لهدرجه غاده تروح المدرسه وشعرهآآ موو مشط

حرآآآآم يبتروآ أصآآبع ابو مجتبى

**

ننتظر البآآرت القآآدم (:

جـــــوان
11-06-2009, 05:38 AM
يا ويلي ويلاه على هالجزء
بصراحة قمة في الروعة

والبنات ما قصرو في التعليقات والتوقعات

وبانتظار الجزء القادم

لكن متى ؟

صج الاجازة ما باقي عليها الا اسبوعين
عاد بعدين ما بنصير طماعين وبنقول كل يوم جزء
بس نبغى أكثر من جزء في الاسبوع

my angel
11-08-2009, 02:09 PM
السلااام
هااا اميره لمتى مليييينا من الانتظاار غناااتي

دانهـ العشآق
11-08-2009, 09:04 PM
الإنتظار حلو ..!

~>مو تصدقي أميره صحيح حلو بس يعني إذا قدرتي نزلي البارت مو تستانسي بالجمله وتنزلي البارت بعد أسبوعين خخ ..~

بالتوفيق ..!

نور البدور
11-09-2009, 01:32 AM
جااااااااااااااااااااااااااااااااااااااااااااااااا ااااااااااااااااري الانتظإأآإأآإأآأآإأآإأآأآأإآأإآ ر
مو تطولين اموررره .. منتظرك على احر من الجمر >_<

نبراس الجنة
11-10-2009, 07:39 AM
والى متى واحنا ننتظررررررررررررررررررررررررررررررررررررررررر

ام الحلوين
11-10-2009, 02:21 PM
بسم الله الرحمن الرحيم



اللهم صلي على محمد وال محمد وعجل فر جهم وفرجنا بهم ياكريم


فى البداية اقدم اعتذراى لانشغالى عنكم و ذلك بسبب ظرووف خارجة عن ارادتي


أدري اني مقصرة بالمرة في حقكم


بس ارجوا انكم تعذروني


اولادي مريضين واميره وكبرياء اولهم


كبرياء الحمد لله ربي العالمين تحسنت حالتها اشوي بس اميره والباقين بعدهم :sad2:


والحين حالتي حاله في لصغار والله لو تشوفوني اكسر الخاطر من التعب الي فيني وقلة النوم :wacko:


فلا تحرموني من دعائكم لهم بالشفاء العاجل بأذن الله تعال وببركة اهل البيت سلام الله عليهم اجمعين


مع الشكر الجزيل لكم ولو لا علمي باننا تربطنا علاقة اسريه ها هنا لما شكوت لكم حالي


تقبلوا تحياتي لكم جميعاً



ان شالله اميرة تتواصل معاكم على الأسبوع الجاي
ادعوا ليها
ويعطيكم العافيه

لا تعليق
11-10-2009, 02:52 PM
الله يشافيها ان شاء الله
وترجع لينا أحسن من قبل
والله يشافي أخوتها بعد
تحياتي ..

دمعة على السطور
11-10-2009, 04:10 PM
اللهم صل وسلم على محمد وآل محمد وعجل فرجهم وفرججنا بهم ياكريم....



ربي يشافيهم يارب..ولايروع قلبك يالغالية .....


ربي يمسح عليهم ويطمن لك قلبك......



ذاك رجائي ودعائي مختومين ....بحق المصطفى وآله الأبرين ...



سلامتك من كل شر أمور غناتي.......وربي يفرج عنك وعن جميع المؤمنين والمؤمنات...


بقوة افتقد القصة وصاحبتها.........لدرجة إني الفجر حلمت بالقصة وأبطالها :toung:> لا الظاهر بتقص قصة حياتها :huh:




دعواتي نغمات لاتتوارى ......!! عسى أن تكوني بخير..


موفقة لكل خير إن شاء الله تعالى


دمتي بعين المولى الجليل

دانهـ العشآق
11-10-2009, 05:49 PM
بالشفآء العآآآجل ياربي بحق محمد وآل محمد

ننتظرك يالغلآآآآ

جنة الحسين
11-10-2009, 05:55 PM
ما تشوفي شر اموووور

جـــــوان
11-10-2009, 11:48 PM
سلامات
ما عليكم شر ان شاء الله

*زهرة البنفسج*
11-11-2009, 02:18 AM
الله يشافيهم يارب بحق محمد وال محمد ,,

::

الله يعينك ام الحلوين ,,

::

اهم شي سلامتهااا

موفقينـ

حلم لطيف
11-11-2009, 05:46 PM
سلامات عفاكم الله وماتشوفون شر

نستنى طلتكم البهية عاجلآ

طفلة تحت المطر
11-11-2009, 06:10 PM
عآآفاش الله أموور

يبعد الشر عنش وعن كل المؤمنين والمؤمنات

تحيتيـ p:

دلوعة المنتدى
11-12-2009, 08:26 AM
ماتشوفين شر يالغاليه << قريت كل البارتات رووعة جونااااان قلبوو ,,,

وبانتظاارك ع احر من الجمرـرـر

نور البدور
11-12-2009, 11:57 PM
ماتشوفي شر غلاتي .. ان شاء تطيبي بسرعة وتردي لنا سالمة يارب
صدق اني متحمسة كثير للبارت بس اهم شي سلامتك
بس مو تطولي علينا >_< << وش اسوي متحمسة حييل
وبأنتظار تواجدك ^_^
تحياتوو
نور البدور

الفراش الفاطمي
11-13-2009, 01:43 PM
سلامات اموره ماتشوفي شر <<<< تو الناس
بانتظارش على احر من الجمر
تحياتيـ ..

MOONY
11-13-2009, 01:52 PM
ماتشوفين شر غناتي
الله يقومش بالسلامه

Princess
11-15-2009, 12:04 AM
مرحبا..
عدنا والعود احمد..
بركات دعائكم حبايبي..
والله هالجو الجميل و الأنقلاب الشتوي ماقصر فينا
سدحنا سداح..
الله يعطي امي الف الف عافيه الغاليه
تعبت ويانا من واحد لواحد العدوى.... جعله ربي آخر السوء..
فوق غيابي عنكم هنا غياب اسبوع عن الكليه
الله كريم الحق و اوفي قصوري في كل مكان
كتبت ليكم بارت طويل وحليو..
بس مالونته اسمحو لي
خلاص تكسرت.. :embarrest:

Princess
11-15-2009, 12:05 AM
كاظم و حبيب يلعبو TEKKEN في الصاله.... على السوني..
كاظم اذا جى يلعب يندمج عدل لدرجة انه يتحرك ويحرك يدة السوني طول ماهو يلعب غير صوت الحبات ينسمع وشوي يدخلو مع الطق ..

كاظم. : ــ آآآه ... لالالا.. ايييييييي..
حبيب : ــ بل بل .. شوي شوي كسرت اليده.. خوب مو انت اللي تنضرب ..
كاظم ولا عنده فيها مستمر وحماس..

حبيب عاص على اسنانه و شوي بيعصب :
ــ اناااا ماطيق هاللعبه كل منك اللي كسرت سي دي الكوره.. واااه وااااااه
ويرمي اليده عالأرض :
ــ مانى لاعب..
كاظم وقف وببرود يطالع في حبيب :
ــ مو لأني شلخت بدنك.. انا الفايز اجل... ههاااي

حبيب يطالع كاظم على جنب:
ــ ماتشوفه اكو بعده واقف تشنه البخت وين خسرت.. مابغى العب هاللعبه زهقت

ــ خسرت خسرت
ــ ارااويك..
مامداه حبيب يرجع يمسك اليده كاظم ضرب لاعب حبيب ضربه اخيره سدحه ...
كاظم حد ماعنده مع معلق اللعبه :
ــ Yoooooooooou wiiiiiiiiiiiiiiiiiiiiiin
حبيب معصب : ــ ونوونووو بك..
ــ هههههههههههههههه من القهررر .. احد مايعرف يلعب شبقات.. زهقتني قوم مابغى العب وياك..
حبيب رمى اليده: ــ شدعوه من حلاة اللعب وياك عاد..
السيد : ــ ههههههههه والله انكم مخرفين.. اشوف انا..
وقعد السيد مكان حبيب ..
وهم بيختارو اللاعبين.. السيد اختار بنيّه
حبيب يتقيلف به:
ــ إإإإي إإإإي سيدوووه مختار بنيّه
السيد : ــ خخخخ وويش فيها شكلها قويه ..
حبيب: ــ ماقدرررر من متى البنات قواي
السيد : ــ على ايدي بتصير قويه..
حبيب يرقص حواجبه:
ــ على ايدك هااا
السيد يضرب راس حبيب باليده:
ــ انشب يا بليس
حبيب يدلك راسه :
ــ آآآه
بدت اللعبه ويصرخ حبيب
ــ ههههههههاااااي مفصخه..
السيد فتح عيونه : ــ بل ويش هاللبس
كاظم ببرود وفيه الضحكه :
ــ حسب احيانا يتغير...
حبيب يجاكر في السيد غطى عيون وحده بكفه :
ــ ماباطالع انا .. ما اباطالع.. واخزيااه.. حريم مفصخه.. سيد.. ويختار حريم.. لا وكذا بعد.. وي وي .. استغفر الله ربي
السيد : ــ وجعه.. نخلص هالدور واغيرها..
كاظم : ــ تقدر تختار ثيابها
حبيب يشهق ويضرب صدره << مستمر بمجاكر السيد:
ــ يااااجميل الستر.. السيد يلبس حريم بعد.. لا الساعه قربت..
ولا يشوف حبيب الا شوته جايتنه من السيد سدحته على جنب..
حبيب يدحن ضحك:
ــ هههههههههههه طالعو وجه سيدو صار احمر ويلي اباموت هذا من لعبة استوى طماطيه اجل بكره اذا خطبت ويش بيصير.. ؟؟؟

كاظم ببرود وبأبتسامه وهو متفاعل ويا اللعبه : ــ سحارة طماط ...

حبيب : ــ هههههههههه ويلي ... لازم اشوفه ليلة العقد بعد مايشوفها...
ويرجع يعلق على لاعبة السيد :
ــ انتبه هيه سيدوه لا تخليها تتشدخ دي .. طاح فيها لاعب كاظموه بدست..

السيد يحاول يكسب الجوله بس مافيه امل كاظم محترف شبقات..
وانتهى دور السيد بخسارته خسارة ساحقه
حبيب : ــ بفففف ماحد قال لك تاخذ حريم ...
كاظم : ــ احم احم.. يللا مين يغلبني ...
صادق كان وياهم في الصاله..
دار له السيد :
ــ هاا صادق .. تجرب...
صادق يسكر الكتاب ويطالع فيهم.... ينتظر كاظم يتكلم..
حبيب : ــ قوووم اخوك شدخ ولد عمك تشديخ.. وريه .. ماقصر فيناااا
كاظم عوج بوزه مو عاجبنه المتنافس الجديد...
صادق قام و بدت اللعبه....
صادق كان اشطر من كاظم فيها.. وقامت العركه...
السيد وحبيب تشجيع وتصفيق ..
ــ ايواااا .. ايوااا يا صادق..
وصادق مع التحميس يزيد تكفيخ و ادست..
لين سدح لاعب كاظم بدون ما يمسه ولا بأي ضربه..
ماشافو الا كاظم من الحمق فلت اليده وصرخ:
ــ خرباااااانه
وقام....
السيد وحبيب يطالعو بعضهم مستغربين..
والتفتو لصادق اللي حط اليده بهدوووء و هو يطالع الأرض بأبتسامه جانبية بارده...
وقام رجع مكانه فتح كتابه و رجع يقرأ...

حبيب يهمس للسيد:
ــ بايخ كاظموه مامعاه حق .. مو لهالدرجه يحط على ولد عمه هالحطه..
السيد : ــ الله يهديه تعبت من كثر ما اتكلم وياه ولا يفيد مره حاقد ما عرفت هالصفه فيه الا بجية ولد عمه...


نوري يلعب حبل ...وحاط موسيقى صاخبه تحميس له مع الرياضه... شعره ناعم واذا جى يلعب رياضه يرفعه بشبيصه يسويه زي البنوتات الصغار رفيعه ونص ونص نافوره صغيرونه فوق راسه..
هاني طلع من الغرفه: ــ وااااااااه الواحد ما يرتاح داويش يابتي .. هالأزعاج... << يسخر على شكل نوري
نوري يوقف من اللعب و يعاند في هاني :
ــ ويش فيه... ويش تبغي اماااه ...
ــ ههههههه غربلك الله.... قصر عالصوت عورنا راسنا
ــ قصدك اقصر عالصوت منت قادر تسمع المكالمه عالجوال.. اقول اخوك مو لو نقدم على خط تلفون اوفر لك..
ــ أي والله .. اف بالذات بينسلق مخي من كثر الجوال
ايمن بهدوء : ــ والله ماحد جبرك عالمخاسير
هاني بأبتسامة ساخره: ــ بالنسبة لي مو مخاسير .. لك يمكن
ايمن يعطي هاني نظره و يحقره..
نوري يأشر على مصطفى اللي كان نايم بالصاله ...
ــ هههه شوف هالقمر نايم كنه الحمل الوديع ولا اوتعى من هالأزعاج.. وحضرتك جاي تتأمر.. اساسا تصدق الأزعاج مفيد لصحة الأنسان
محسن : ــ وووووووووووف دف دف صااااروخ.. بل بل لا تقول بعد ينشط الدورة الدمويه
نوري : ــ ويش عرفك انت...
ايمن بسخريه : ــ سمعنا التلوث بالضوضاء ما سمعنا العلاج بالضوضاء..
نوري : ــ الموسيقى علاج الروووح..
هاني يرفع حاجب وحاجب:
ــ الموسيقى مو قرقعة صفاري و ضرب ملاليس.. دي تسميها موسيقى .. ازعاااج...
نوري يطفي المسجل :
ــ اف منكم مملين .. الود ودي اطلع اهرول ..
محسن يسخر : ــ هرووول... مين ماسكنك؟.؟
ــ بتهرررووول وياي؟؟
ــ وين نروح لكن ياحسره.. ما نندل محل زي الخلق... بتراكض على الرصيف ؟؟؟ .. في الرياض انت يابابا منت في لندن..
ــ اف انا لو مسافر امريكا ادرس .. قايله لي امي ما طاوعتها
محسن :
ــ بففففففف خخخخخخخ ههههههههههه مانى قادر... استر عالفيزا تصيح صياح تبغاك تاخذها بس ما اخذتها.. و اما امريكا تناديك وانت مارديت عليها حاقرنها ياولد الكعكي.. >> ولد الكعكي تنقال للبطران اللي فلوسه منفره..
ــ تسخر ويا وجهك ياقوطي...
هاني : ــ ايه تشيه نادروه احسن منه بويش ..؟؟؟
نوري : ــ اهوو لا تلوع شبدي ...الماجستير ان شالله باخذها في كندا وانا ابو نوير
هاني : ــ اشك اذا مو بنجلادش..
نوري:
ــ شان مكحين طفيته واحترمت رغبتك.. جزاء لسخريتك هااا...
ويشغل المسجل ...


يوسف يسولف مع مراد في الغرفه و يفسر له الحلمه زي ما توقع هو والسيد
مراد :
ــ اهااا حركات ابو الحب على شان كذا شفته في الحلم..
يوسف : ــ ما شالله عليه ما يبين افعاله الزينه و خيّر ما بدا منه أي سوء ..
شفيق كان جالس على سريره وعيونه غافيه.. ماشافوه الا انتفض نفضه قويه وفتح عيونه
مراد : ــ بسم الله ويش فيك؟؟
شفيق ساكت و عيونه شابحه..
يوسف فهم .. وفي باله:
ــ اكيد حلم بأمه لو شاف كابوس..
قام له وقعد جنبه عالسرير..
شفيق ينكمش زياده و ساكت يفكر ..
يوسف يقرطع بأصابعه .. ويتنهد :
ــ ممممم مراد اطلب منك طلب ...
مراد : ــ آمرني ..
يوسف : ــ ويش رايك تفسحنا بسيارتك...
ــ ولا يهمكم وين حابين تروحو..
يوسف يطالع في شفيق :
ــ ويش رايك شفيق نتعشى الليله في حديقه
شفيق يطالع في يوسف
يوسف : ــ هاا .. نغير جو الغرفه خنقه..
ابتسم شفيق ...
يوسف : ــ الأبتسامه علامة الرضا.. خلني اقوم اقول لباقي الشباب و نشوف بعد الشقه اللي تحت اذا حابين يروحو ويانا
وطلعة يوسف من الغرفه.. دار لمراد وهو مستحي:
ــ عاد انا قررت اقول للشقه اللي تحت بس ما استأذنتك عادي كلنا في سيارتك اذا ما تكفي يركبو تاكسي
مراد ضرب ضرب صدره بقبضة ايده..
ــ افا عليك.. جيب هي تشيلكم كلكم لو على بعضكم
يوسف بأبتسامه : ــ ماتقصر والله حبيبي .. اجل باروح اشوف راي الجماعه..

Princess
11-15-2009, 12:06 AM
طلع يوسف الصاله ...
ــ شباب .. بنطلع حديقه بسيارة مراد ويش قلتو..
حبيب كان منسدح من سمع السالفه وقف على طوله:
ــ ايواااا.. ايه يسوي خير فينا والله..
يوسف : ــ بنقول للربع اللي تحت بعد..
السيد : ــ ايه خوش ناس استانسنا وياهم خلنا نغير جو جميع..
كاظم طالع من المطبخ:
ــ اجل نجهز الأغرااض...
حبيب : ــ نبغى نلعب كوره هنااااك
السيد : ــ هههههه مو من حرتك عالسوني انكسر السي دي بتعوض في الحقيقه..
ــ أي والله أي والله.. اجل هالشبقات تسميها لعبه..
يوسف : ــ اوكي اجل اتفقنا.. بتصل على مصطفى وباخبره..

ويتصل يوسف ..

كلما قلبني الهم سأشكووو ياعلي ...
حينما يهزمني الدمع سأبكي ياااعلي...

ما ينسمع جوال مصطفى ... من ازعاج نوري ...
ومصطفى نايم..
مره .. ومرتين...
يوسف : ــ شكله مصطفى نايم او مو قريب من جواله مايرد..ماعندكم رقم احد غيره؟؟
الكل ساكت..
شفيق : ــ ماعندي انا الا زيك رقم مصطفى..
يوسف : ــ افا.. اجل بنزل ليهم تحت اشوف...
نزل يوسف ...
ومن وصل شقتهم يسمع صوت الأزعاج..
ابتسم : ــ على شان كذا ما يسمع جواله...
طق الباب .. مره مرتين.. الجرس .. ماسمعو....
فصخ نعاله و صار يضرب فيه الباب..
طااخ طاااخ طاااااخ
الا يفتح نوري الباب و تجيه الضربه بالنعال
طااااخ...
نوري انصرع
ويوسف اعظم منه .. فلت نعاله عالأرض ووجهه مره مستحي ومرتبك.:
ــ آآآآسف اخوووك مو قصدي..
شكل نوري بالشلحه العلاقي البيضا و شعره والشبيصه .. و بقعة نعال يوسف على صدره ...
نوري ارتبك وشال الشباصه بالسرعه.. وصار يعدل في شعره . وبأبتسامه عريضه:
ــ ماعليه حصل خير ماتدري انت..
ودخل يركض و طفى المسجل..
يوسف شاف حبل و اثقال حديد مرميه فعرف ليش وضعية نوري كذا وليش هالأزعاج..
بأبتسامه: ــ يعطيك العافيه .. ماعليه قطعت عليك... بس الشباب ناويين نروح الحديقه فقلنا نعزمكم عالروحه..
محسن صفق صفقه حماسيه:
ــ أيباااا.. توي اقول محنا في لندن .. جاك الفرج يا نوير..
نوري : ــ هههههههه اول مره يضبط كلامك بشي حليو بالعاده رد فعل عكسي..
ــ ويش قصدك...
ــ كح .. افهمها ياشاطر...
محسن يطالع نوري على جنب : ــ عدال بس..
يوسف : ــ هااا ويش قلتووو..
نوري : ــ تم.. بنروح .. ويش نجهز؟؟؟
يوسف : ــ مممممم بنشوف انا والشباب فوق ويش بنسوي وبنكلمكم..
وطلع يوسف راجع شقتهم...
نوري بصبعه السبابه يبغز في بطن مصطفى النايم:
ــ صطوف .. صطيف .. صطفطف .. قوم حبيبي بنطلع...
مصطفى مو حاس عليه..
شوي قام يسطر خدوده.. فتح مصطفى :
ــ ويييييه..


في المستشفى ..
نور ميته صياح على ابوها.... و ام مجتبى دايخه و قاعده عالكرسي مو مصدقه اللي سمعته....
الدكتور يطلع من الغرفه :
ــ يا حجه طولي بالك .. ساعه و حندخله غرفة العمليات... خلي ايمانك بالله قوي.....
ويروح عنهم..
ام مجتبى بصوت مبحوح:
ــ عنيد.. مايطاوع.. وفيه السكري .. الله يسامحك يا ابو مجتبى ويش سويت في روحك... آآآآه ياربي ساعدنا... عليكم وعلى الله ياسادتي دخيلكم لا تخيبوني..خلاص امي لا تصيحي .. هدي يا بتي شعبتي افادي بصياحش...
نور : ــ لا مجتبى ولا احمد.. مالينا والي يوقف ويانا بهالمصيبه...
ــ سلام الله على ام المصايب زينب .. لا تفجعيني يا بتي .. خلاص عاد.... عطيني جوالش اباكلم اماني اشوفها وصلت لأمير لو بعدها...

اماني : ــ هلا خاله... ها طمنيني...
ام مجتبى : ــ الله كريم .. بيسوو له عمليه...
ــ عملية ويه؟؟؟!!!
ــ اصابيعه .. بيبتروها >> قالتها بصوت مخنوق
اماني ضربت صدرها:
ــ هاااا.. انا لله... الله كريم خاله.. اصبرو وانتخو بأم البنين سلام الله عليها الله يقومه بالسلامه يارب... ماعليه شر...
ــ يالله... امير بعده نايم.؟؟
ــ ايه اشوى وصلت البيت وطليت عليه نايم..
ــ جزاش الله خير ياغناتي.. خلعناش...
ــ لا .. شدعوه.. مرحوم والدين عبدالأله ماقصر..
ــ مسكين ماقصر وصلنا المستشفى وقلت له يروح لش يوصلش بيتنا... اجودي وولد حلال الله يسعده...
سكرت اماني الجوال...

وراحت تحوس في المطبخ قررت تسوي لعيالها عشى لرجعتهم من هالحاله....
وبعد ساعه تقريبا وبين ماهي تحوس في المطبخ...
دخل البيت رجال.....
مشى في الحوش ودخل الصاله....
البيت هدوووء ماعدا اماني تحوس في المطبخ تغسل المواعين ...
ما تسمع اماني وراها الا صوت توقعت انه امير قعد.. هي بتلتفتت الا تسمع احد يناديها بنبره مبحوحه:..
ــ اماني...
اختلعت اماني ودارت بالسرعه وهي حامله كاس زجاج... ولا شافت الا واحد بهيأة مجتبى بس وجهه مشوه بشكل مخيف ولاف غتره على راسه كأنه متحجب بها..

اماني بلا شعور وبلا وعي شهقت و طاح الكاس من ايدها على الأرض...
مجتبى صار يطالعها بنظرات كلها اسى .. وبصوت مليان حرقه وحسره و ألم :
ــ هذا انا.. مجتبى.... ماعرفتيني..؟؟
اماني وعيونها غرقت بالدموع والكلام يتقطع على شفاهها تقطيع:
ــ مج .. مج.. مجتبى...
بح صوت اماني و انسلت الدموع شلال على خدودها...
بتمشي لمجتبى ركض لعندها وباعدها عن الزجاج المكسر عالأرض لا تدوسه برجولها...
حضنها وهي ترتجف شدت عليه وحضنته حطت راسها على كتفه.. وصارت تنحب وماهي عارفه ويش تقول غير انها تردد اسمه مع الصياح والشهقات..

رفعت راسها تناظر وجهه وبأيدها تتحسس الحروق ومجتبى يتألم و يداري المه بأبتسامه
حست عليه .. صارت تبعد ايدها بهدوء ....

مسك كفها و عيونه مليانه ألم.. وحطها على قلبه... وبهدوء :
ــ لا تخافي ياغناتي ان شالله يتعدل هالحال و ارجع مثل لول واحسن... وحشتوني ..

اماني و دقات قلب مجتبى تتخلل كفها مثل شفطات الكهرب وفي اذونها تسمع دقات قلبها هي....
ــ الحمدلله يوم الله ردك لينا سالم... الحمدلله يوم شفناك...
مجتبى صار يمسح دموع اماني و بأبتسامه مثقله بالجراح:
ــ وين الجهال,.. ووين امي و اخوتي...
اماني : ــ الجهال في بيت ابوي .. و امك و اختك نور طلعو مشوار.. احمد في امريكا عنده دوره و امير نايم ..
الا يسمعو صوت امير وراهم قعد من النوم...
مجتبى التفت له بأبتسامه:
ــ كيف حالك حبيبي امير.. انا مجتبى اخوك..
امير: ــ آآآآ... آآآآآآآآآآآآآآآآآآ..
صار يصارخ و انحاش الغرفه يركض .. ومغطي وجهه خايف من مجتبى..
ابتسم مجتبى..
ــ خايف مني....

.. اماني مو متحمله الموقف .. ودموعها غصب عنها مو قادره توقفها...
مجتبى :
ــ خلاص عاد دموعش غاليه يالغاليه... صدقيني بكره باصير احسن ان شالله...
اماني بحرقه:
ــ اني ما اصيح على كذا.. فرحانه برجعتك لينا... المهم رجعتك سالم...
وصارت تمسح دموعها و تحاول تصطنع الضحكه:
ــ بنروح نجيب الجهال من بيت ابوي ...
مجتبى بهدوء:
ــ لا.. خليهم لبعدين قعدي وياي شوي و سولفي لي ..عن احوالكم في غيابي....

Princess
11-15-2009, 12:07 AM
حبيب :
ــ الصراحه ودنا نشوووي ... فويش رايكم تنفق مع الشقه اللي تحت .. حنا نجيب اللحم والمنقله والفحم.. وهم يجيبو دجاج و خبز و سلطه والببسي...
يوسف : ــ خلاص اوكي توه نوري يسأل ويش يجيبو ... قلت له اباشوف وبنرد عليكم..
كاظم : ــ بس مو كأنه المفروض تجهزو للشواي قبلها بيوم يكون اللحم ناقع في بهارات ومبتل ..
حبيب: ــ متبل اخوك متبل مو مبتل..
ــ اهووو اللي هي....
السيد : ــ لا فيه في الجزار لحم متبل وجاهز..
مراد : ــ طلعتنا نشتري كل شي اجل..
يوسف : ــ على هيك نجمع قطيه يكون افضل واحسن... إممممممم.. نقول كل واحد 30 ريال وحنا 12 تقريبا بنجمع 360 تكفي عفستنا ...
كاظم : ــ بنشترررررري معسله بعد
حبيب : ــ عسّل الله راسك .. لويه مين يشرب غيرك
كاظم : ــ هاني و محسن ...
حبيب : ــ يدخنووو !!
ــ لا مع السوالف لما تغدينا عرفت انهم يعسلو بالمزاج..
السيد : ــ مو ضروري لا تفطسونا.. عندك باكيت دخانك دخن فيه بمزاجك..
ــ اف منكم .. ما تكملو جميلكم و تسوو فيني خير
حبيب والسيد بنفس واحد وبصرخه : ــ لااااااااا
كاظم : ــ آآآي خداااا .... >> يـــــــــالله...


يوسف : ــ يبغى لك دوسة بطن شان تهون عن هالدخان ما مخرب عليك الا هو
كاظم : ــ اذا حجت البقر على قرونها
السيد : ــ نغسل ايدنا منك بس ...


اتصل يوسف على مصطفى و بلغه بسالفة القطيه..
ايمن من سمع :
ــ حشا 30 ريال لويه.. بيتعشو قوزي...
محسن: ــ بل عليك مو صاخي على 30 ...؟؟ شدعوه؟؟ خلنا نستانس..
نوري : ــ خلاص اجل اريح سالفة القطيه وينكم ووين كفايه المره الأولى عزمونا على غدا هالمره بعد كل شي عليهم بعد مايصير نترزل ...
هاني : ــ والله هالسنه وناسه احسن من السنين اللي طافو زهق جيراننا و لا احد يعرف احد .. الله يحبنا يوم سخر لينا هالأوادم...
ايمن عافس وجهه ومتضايق...



في امريكا...
قيصر: ــ ولك يابه ما شبعت منك هالسا تطلع عني و استوحش .. متونس وياك
سام : ــ لا صار لي كم يوم غايب عن البيت مادري ويش فيهم الجماعه
قيصر بقهر: ــ ولك منى قلبي اعرف هالجماعه منو اللي تتحـچـى عنهم و شقد يهمونك ..
سام بهدوء : ــ هذيلا اللي رحموني و عذبوني .. خليها على الله ياخوي..
ــ ليش ما تتركهم و تعيش معاي...
ــ وويش اسوي اعيش وياك عاله ؟؟
ــ الله يسامحك .. حبيب قلبي انت ,, الله يشهد اني رايد لك الخير..
ــ ماتقصر ادري بك راية البيضا عليك.. بس خلاص هذا قدري.. مع السلامه..
ــ الله يسلمك لا تقطعنا و خلينا نشوفك..
ــ ان شالله..


وطلع سام من عند قيصر ...
طلع جواله من مخباه بيتصل على ستيف:
ــ اوه بطاريتي مخلصه.. يللا خيرتنا نوصل ونشوف ويش آخر المستجدات..


ستيف صار له يومين يحوم قريب من المقر عل وعسى يلمح سام راجع.. خايف عليه من مارك و مخططاته.. مارك حس على ستيف و عرف انه لو وصل لسام الخبر ممكن يصعب عليه المهمه ويخلي سام يختفي بلا رجعه.. فقعد مع ستيف وصار يمثل عليه:
ــ صدقني كان الشيطان حاضرا في رأسي .. والغضب يتملكني .. لا اظنني سأجرأ على فعل أي شيء ... فلست بمجنون..


ستيف : ــ ومالذي يجعلني اثق بك؟
ــ أتشك في كلامي .. اعاهدك على هذا .. لو كنت اريد قتل سام لقتلته بدون ان يأمرني احد بذلك..
ــ اتظنني نسيت ضربك له بالسكين.؟
ارتبك مارك :
ــ تلك لعنة حلت بحواسي .. لم اتمالك نفسي ففعلت مافعلته ولكني لم اصب الهدف متعمدا ذلك ..
فلو كنت اريد قتله فعلا لأصبت قلبه مباشره .. كان تحذيرا و ترهيبا فقط .. لم اشأ قتله صدقني...


وفي باله : ــ لا ينقصني سواك يا ستيف .. ليتني استطيع التخلص منك انت الآخر ...
ستيف تطمن شوي على كلام مارك... الا بدخلة سام عليهم:
ــ مرحباااا
من شافه ستيف اخذه في الأحضان..
ــ اين كنت..؟؟هل تشكو من شيء .؟؟؟
مارك وقف بأبتسامه عريضه و مصطنعه:
ــ قلقنا عليك..
ستيف يطالع في مارك وفي باله:
ــ سأحاول ان اثق بكلامك.. سأحاول..
سام مستغرب من مارك:
ــ شكرا لكم .. قد كنت مع صديق ..
ستيف : ــ لأول مره اعلم بأن لديك اصدقاء هنا.؟.. هل هو عربي؟؟..
سام مايبغى يورط قيصر وياه بأي مشكله... فكذب:
ــ لا ..امريكي..
مارك وبسخريه وهو يضحك : ــ ومن اين له بصديق عربي وهو مختص في الأحتيال عليهم .!!
سام يحس بضيقه والود وده خلاص يترك هالحياه خصوصا بعد ماصار قريب من قيصر و بعد ما عرض عليه قيصر انه يعيش وياه ويساعده..
بس خايف على قيصر يتأذى اذا دورت العصابه على سام في غيابه او صار ماصار و عرفو انه له صله به من قريب لو من بعيد..
مارك في باله :
ــ سأتحين الفرصه قريبا للخلاص منك... فقط حينما يتخلص ستيف من ظنونه ناحيتي..



وداد ماسكه راس فرات و تقلع ليها ضرسها..
فرات تتدحن و تصيح....
ايثار تراقب الحدث .. و فاتحه بوزها و تتحسس اسنانها بلسانها...
وداد :
ــ قعددددي يا بهيمه الدم صار يسيل ...
فرات والدموع اربع اربع ...
ــ يعوووور...
محمد .: ــ كان ربطتيه في خيط و في عروة الباب و سحبتيه زي الكراتين
وداد بقهر : ــ زي البقر .. فاضية لك اني .. قعدي قعدي ..
و يقبع الضرس ...
وداد : ــ قبــــــــــــــــــع .......
محمد : ــ فراتوه .. اضحكي اباشوف..
فرات وهي عاضه النشاف والدم والحاله قايمه .. :
ــ لا تسخررر من حلاتك ...
محمد وهو ميت ضحك: ــ طاحو وكبرو...
ايثار : ــ هههههه فرات صارت فيش نافذه..
وداد : ــ خيرتش انتين بعد بتصيري ام النوافذ... امش تأخرت ما يندرى ويش صاير في بيت ابوش...باقر ماقالت لك ؟؟؟
باقر : ــ لا بس قالت جدتي اتصلت ابوي العود تعبان شوي وفي المستشفى .. راحت لأمير لا يقعد لحاله..
وداد : ــ هالأمير عاد لو يودوه الجمعيه احسن له.. يادافع البلا اذيه..
ماريا طالعه من الغرفه ومسويه لوجهها قناع روب ونشا ... سمعتها وهي تتكلم...
ــ يادافع البلا .. اهله ما يعتبروه اذيه..
وداد : ــ بسم الله .. حسبالي نمتي .. دااااويش هالحاله؟؟!!
ماريا : ــ قناع للبشره...
ــ طحين؟
ــ لا روب ..
وداد بأستياء : ــ روب اولادي ..!!!
ماريا ترد عليها بنبرة تقهرها : ــ ولا مكتوب عليه اسمهم... لا تخافي منتهيه مدته..
ــ شدعوه خايفه تضبعي من حين ... طايحه في هالخرابيط طيحة اعمى في ظلمه..
ــ احسن من الكريمات الصناعيه...
وداد في بالها:
ــ اصقعش بياض و بشره صافيه و لش مزاج تعتني بعد... خلف الله علينا بس... اقوم اكلم ازدهاروه شان تجيني تسوي لبشرتي تنظيف.. >> غارت
ومسكت وداد التلفون ودقت على ازدهار..
ازدهار : اهلين...
وداد : ــ حي الله القاطعه .. وين هالغيبه لازم الواحد يتصل عليش والا ما تذكرينا..
ــ ههههه خافي ربش ماصار لش يومين من سكرت من عندش
ــ باي اجل باي .. تسوي حالش علينا..
ــ تعااالي حظي ..
ــ تعالي انتين ...
ــ ويش صاير ..؟؟
ــ ابغاش تنظفي بشرتي و نسولف ..
ــ لا ياعيني توبه ما اطب بيتكم .. تعالي لي انتين..
ــ حشا ماصارت ديك المره .. ماعرفش اصلا
ــ ماعليه اقص ايدي تعلميني عنش اذا ما درى منهي اني وبنت مين .. ما تكوني وداد بت فتحيه..
وداد في بالها: ــ أي والله من بهامتي ...
ازدهار: ــ ماعلينا.. بتجي انتين شقتي حياش الله باسوي لش اللي تبغيه وزود.. جيه لش ماني جايه..
ــ زين اجل طرشي لي سواقش وتعالي وياه ما اركب لحالي .. ونروح شقتش .. حسن في العمل ووينش ووين يرجع ولا بيرضى رجعته يجيبني..
ــ اووكي .. ربع ساعه و باجيش..


سكرت وداد وراحت لماريا:
ــ انتبهي للجهال ابطلع اني..
ماريا: ــ عندي اختبار بكره ماني فاضيه
ــ ايه فاضيه بس للروب
ــ تشه الروب بيضيع وقتي مدة اذاكر هو على وجهي ويش حارنش
ــ حره تحرش ماني ماخذتنهم وياي شقة المرأه..
ــ اني ماعلي من ولادش .. ولاد اختي كبار وعاقلين وشايلين روحهم.. ولادش حمدوه وفراتوه كل 10 دقايق شبقه وعلاء كل ساعه له حوسه ..
ــ ويش قصدش ولادي مجانين و عفاسين...
ــ والله اني ماقلت بس جهال زايده ماني متكفله بهم خذي علاء عالأقل..
ــ ولاا واحد كلهم بيظلو هنا..
ــ خلفتهم ونسيتهم اني لو فاتحه حضانه..؟؟
ــ مادري ويش فايدتش تعلمي ... فتحي اخوي يحب المرأه العدله اللي تعرف لكل شي..
ماريا فتحت عيونها: ــ فتح الله مخ اللي في بالي فتاح... شدخل اخوش الحين ...
وداد : ــ هييييه .. قولي اني بعد اللي في بالش .. حاصل لش اخوي اصلا..
ــ مره ميته عليه.. اقول بس .. علاء مالي شغل فيه وخلاص هذا اخر كلام ..
ــ وخناقه ان شالله..
ــ تخنق اللي في بالي
وداد حمقت و تركت المكان..
ماريا في بالها: ــ لو ماني مجربه ولادش و الوقعه اللي يسووها ماعليه... ما ينطاقو...

Princess
11-15-2009, 12:07 AM
في بيت عبدالستار ..
عبدالستار منسدح يقلب افكاره .. الا بأتصال رقم مو غريب عليه بس مو مسجل بجواله...
يحس مر عليه هالرقم...
رد : ــ مرحبا..
الا بصوت انثوي .. متكسر:
ــ هلا... عبدالستار..
عبدالستار اختلع الصوت ايضا مألوف وكأنه عرفه:
ــ خير .. مين وياي؟
ــ كيف حالك..؟؟ ماعرفتني..
ــ مين وياي...؟؟؟
ومن بعد تنهيده من قلب :
ــ ابرار...
عبدالستار فتح عيونه:
ــ هااا... ويش ..؟؟ خير ؟؟؟!!
ولا يسمعها الا بدت تصيح صياح و الكلام يتقطع تقطيع:
ــ ريلي .. ريلي كل يوم يطقني .. ما يرحمني .. كل يشك فيني اكلمك ولي علاقه فيك للحين..
عبدالستار:
ــ الله يستر عليش يا مرأه .. سكري مع السلامه..
ــ دقيقه .. مالي غيرك يفهمني و اشتكي له..
عبدالستار يحس روحه بتطلع.. ويش فيها هذي متصله الحين وليش تشتكي له .. مو كفايه اللي سوته فيه .. ليش ترجع و تفتح عذاباته..
سكر الخط في وجهها...
ابرار تنزل السماعه بهدوء و ابتسامه متألمه متورمه مليانه جروح والدموع تجري على خدودها المضروبه ..
الا بدخلة زوجها عليها وهو ماسك حزام :
ــ تكلمي مين بعد... حبيب القلب القديم.. عبدالستار هاااا.؟؟؟
ــ ما احد.. اكلم امي..
ــ امش هااا... اتصلي عليها ابسألها اشوف ..
ابرار خافت و صارت ترتجف و تحاول تحمي نفسها من الضرب..
زوجها صار يضرب فيها وهو يسبها ويلعنها ويصرخ :
ــ ما تتوبي ... اذا مو عبدالستار .. غيره الف عندش ما استبعد.... طلاق مابطلق لين اطلع روحش و اعلمش السنع
ابرار بقهر تصارخ فيه:
ــ لاااا تضرب ..
وتفلت منه وتصير تسب فيه و تصرخ:
ــ انت تشوف الناس بعين طبعك.. شكاك و عديم انسانيه.. يكفي اني حبيتك طول عمري و عذبت انسان وثق فيني و أأتمني على بيته على شانك... الحين تشكك فيني على كل شي .. ما كلمت احد في حياتي غريب غيرك .. وهذا انت الحين منت غريب عني... انت اللي تكلم في اليوم بدل الوحده عشر .. تجرحني و تدوس على مشاعري .. ابلع الضيم و اسكت واحسن الظن فيك.. جاي الحين تقط بلاك علي و تقول اني اللي اكلم و اسوي ..
ــ آآه يالملعونه ولش عين بعد تتبلي علي ...
ويزيد ضرب فيها


عبدالستار يحس مخه مشوش...
ــ مو ناقصني الا هذي بعد.. همومي من قلالتها.. يارب ارحمني ..
دخلت امه عليه الغرفه:
ــ امي .. نايم؟
ــ لا اماه.. خير..
انتبهت على شحوبه:
ــ ويش فيه وجهك.. ويش صاير؟؟
ــ لا .. ماصاير شي تعبان شوي بس..
ــ يعني.. خلاص اجل استريح..
ــ ويش بغيتي اماه..
ــ لا بس ياولدي .. فتحي مو راضي يرد على جواله ومن البارحه ماشفته متهوسه عليه..
عبدالستار في باله:
ــ انا لله حنا ويا هالفتحي...
ابتسم على مضض:
ــ ان شالله اقوم الحين اشوفه وين ممكن يكون...



طلع عبدالستار من البيت .. ركب السياره شغلها وصار يفكر:
ــ لا مزرعه ولا شاليه ولا استراحه .. الف مكان ممكن تكون فيه .. الله يساعدني..
مشى والأفكار تاخذه وتوديه...الا برساله جايتنه:
ــ عبدالستار.. ارجوك مابغى منك شي ..الا انت تساعدني .. ادري بك ما تقصر .. مو مخلني اروح ازور اهلي ومانعهم يزوروني .. ليل ونهار يضرب فيني .. تعبت .. يفكرني بعدني على علاقة وياك ارجوك كلمه و قول له الحقيقه.....
عبدالستار يقرأ في الرساله و معصب حده:
ــ هذا اللي ناقصني اتصل في رجال ما اكلم ترى انا طليقتي .. اذا هو شاك ما بيصدقني .. غبيه دي وويش دراني انا انه يضربش و معذبنش اذا ما كلمتيني ودريت منش .. آآآآه مادري ليش الله باليني بهالأنسانه ....
قريب ..سيارة ازدهار كانت رايحه لوداد .. وعبدالستار يفكر وسرحان وشاد على روحه ومعصب .. ومو منتبه... الا بطلعتة بالغلط على سيارة ازدهار..
ويشهق الهندي شهقه ويحاول يتدارك الأصطدام..
ححححححححححح و يضربها من قدام على خفيف ..
و تطفر ازدهار : ــ يــــاااعلي..
عبدالستار .. من الخلعه .. نزل ليهم يشوف .. هو الغلطان عسى بس ما عورهم لو تضررت السياره.. خصوصا انها غاليه بعد
نزل الهندي يشيك على السياره عسى ما صابها شي.. لقاها تشمخت شوي من قدام..
عبدالستار: ــ سلامات.. اوووه... انا لله...
فتحت ازدهار النافذه.. سيده اعمال ومتعوده تاخذ وتعطي..
عبدالستار استحى:
ــ سلامات خيه.. عورت سيارتكم.. الحين كيف نتفاهم...
ازدهار : ــ الله يسلمك.. ماعليه هي عليها تأمين ومافيها هي شي الحين... حصل خير..
ــ كذا تحرجونا.. آسفين والله على ازعاجكم..
ــ شدعوه هو شمخ عادي لا تحط في بالك.. تيسر الله يسهل عليك...
ــ تسلمي ما تقصري .. الله يوفقكم..
عبدالستار مو مطاوعنه قلبه يحس لأنها مرأه ولحالها ويا الهندي تبغى تمشي و تخلص .. ضميره مأنبنه على الغلط اللي سواه..
فأخذ الهندي على جنب و ساسره و عطاه كرت له : ــ شوف بابا هذا كرت مال انا اذا سياره يبي تصليح كلم زين.. مافي يستحي..ولا يقول حق مدام..
الهندي يهز راسه:
ــ زين بابا..
ازدهار انتبهت عليه يتكلم مع الهندي..
وتيسر عبدالستار في طريقه..
الهندي ركب السياره.. سالته ازدهار .. ويش كان يبغى فيه الرجال..
الهندي مايخبي شي عن ازدهار فعطاها الكرت على طول..
ازدهار تقلب فيه:
ــ عبدالستار آل .. صاحب مؤسسة الـ.... لمعدات التصوير الفتوتوغرافي و التصوير .. بيع – صيانه – شراء ....
ابتسمت وفي بالها:
ــ اوه والله حركات .. نخشه جايز ينفعنا في يوم....


وكملت طريقها.. وصلت لعند وداد
عبدالستار :
ــ الله يعديني شر الثالثه.. ابرار و اتصالاتها .. وتالي حادث ويا مرأه,,,, الله يستر من هاليوم ...


ازدهار ظلت ربع ساعه تنتظر وداد.. على ماطلعت ليها وهي تسحي علاء سحاب..
ركبت وهي تنافخ..
ازدهار: ــ حشا .. ماصارت .. هذا قايله لش ربع ساعه وتأخرت صارت نص ساعه وتأخرتي بعد.. ساعه الا ربع بس مشواري لش..
ــ ووويش اسوي في ام حمار الراعيه مهي راضيه تمسك علاء على ما سبحته و اكلته..
ــ تبتلش فيه هي.. الله يعينش بس...

Princess
11-15-2009, 12:08 AM
غاده على النت وضرب سوالف بالماسنجر مع حسام...
حسام : ــ تدري انا خايف من حاجه وحده..
غاده : ــ ويش هي؟؟
ــ انش تقصي علي
ــ اقص ؟؟ عليك؟؟
ــ ايه ياخوفي تكوني ولد وقاعد يلعب فيني
ــ ههههههههه ولد !! بنيه اني..
ــ ويش اللي يثبت لي..
ــ والله اني بنيه..
ــ مو ناس واجد يحلفو على كذب ..
ــ وويش اللي بيخليك تصدق...؟؟
ــ المشكله لاب توبش مافيه كام.. يا تشتري كام يا اسمع صوتش
ــ هااا..
ــ ويش فيش اختلعتي.. اجل ولد .. واقص ايدي اذا مو ولد..
ــ ويش تسمع.. ماعندي جوال << غبيه على طول يعني لو عندها سوتها..
ــ ادري .. كلميني من البيت..
ــ مجنونه.. ويرفع احد السماعه ويسمع << بهيمه و مره على نياتها..
ــ طيب من جوال ريماس بكره الصبح انتظر مكالمه..
ــ اباشوف ..
ــ مو تشوفي .. انتظر.. ولا تخلي ريماس اللي تكلم..
ــ ريماس!!
ــ ايه بدالش..
ــ لا ماباخليها طبعا ..
ــ احم احم.. لويه.. تغاري..
ــ شدخلها هي تكلمك..
ــ اعرفها قبلش ..
ــ خلاص الحين مادخلها..
حسام في نفسه ميت من الضحك وفي باله:
ــ والله وطحت على وحده صخله من جد..
غاده:
ــ خلاص بكره باقول ليها تتصل عليك و بتسمع وبتتأكد اني بنيه..
حسام : ــ فديت الثقه ياناس.. خلاص انتظر على احر من الجمر..


ريماس تكلم شهربان تلفون عن يازعم تسألها سؤال في الرياضيات وتبغاها تشرحه ليها
وهي اساسا متصله البيت عل وعسى يرفع عبدالأله بس خابت آمالها


شهربان بعفويه:
ــ ماني عارفه لهالمسأله.. من ايام متوسط اني وماريا عبدالأله يشرح لينا اذا ماعرفنا شي..
ريماس بأستغراب: ــ ماريا وياكم بعد !! شلون؟
ــ ايه تقعد متغطيه و تراقب من تحت عبدالأله وهو يكتب الشرح ويشرح..
ــ حركااات...
ــ شاطر اخوي في الرياضيات .. للحين يعلمنا عادي..
ــ يعنووو... وماريا للحين بعد..
ــ خخخخخخ اساسا لو ما ماريا تقول ماتعرف الحاجه بعد ما شرحها لي لو ادحن.. << عفويه متناهيه..
ــ ايواا لأجل عين تكرم الف عين..
ــ على قولش ... خلاص باكلم ماريو اشوفها تعرف لو لا تشرحها لينا بكره اذا ماعرفت نشوف اخوي يشرحها لي ولماريوو ونشرحها لش بعدين..
ريماس على مضض وبقهر:
ـــ ممممم على خير ..
وفي بالها: ــ ان شالله تعرفها هي الله عاد اني المهتمه.. اف والله مسخره تقعد وياهم وهو يشرح ليها...


في المستشفى....
طلع ابو مجتبى من غرفة العمليات.. و قدمه ملفوفه..
فتح عيونه لقى ام مجتبى جنبه:
ــ سلامات ابو مجتبى .. ماتشوف شر
بصوت متقطع:
ــ الله يسلمش ..
نور تحاول تتدارك الدمعات:
ــ سلامات يبه
ــ الله يسلمش غناتي .. ويش جيبش ويا امش ...
ام مجتبى : ــ ويش حالك الحين تحس احسن.. راح الألم؟
ابو مجتبى : ــ مانى حاس برجولي موليه من البنج...
ــ يللا الحمدلله على سلامتك...
ــ امير ظل لحاله في البيت؟
ــ لا وياه اماني كلمتها تروح له..
الدكتور ينادي ام مجتبى برى:
ــ دي الوأتي يا حجه لازم للحج راحه تامه و غذاء متكامل لتعويض الدم اللي فقده مع العمليه..
اهم حاقه الراحه النفسيه ما يعصبش كتير .. هو عنده السكر و بيجهد نفسو أوي وما بيهتمش بصحته .. ولازم له فحص دوري كل اسبوع مره نشوف القدم هل توقفت الغرغرينا بعد قطع الأصابع والا لسا مستمره...
ام مجبتى:
ــ خير ان شالله .. يعطيك العافيه..


في الرياض .. وقفو يوزعو روحهم في السياره..
محسن:
ــ مصطفى يقعد قدام مع مراد.. السيت اللي ورى يكفي 4 بالكثير .. السيد و حبيب و كاظم و صادق..
واللي وراه انا ونوري وهاني و ايمن ... يؤ يوسف وشفيق وين بيقعدو..
نوري : ــ من متانته.. ويانا..
مراد : ــ يكفي 5 بدل اربعه..
ايمن بهدوء:
ــ انا داير راسي بنسدح في الشنطه ورى .. خل شفيق و يوسف يقعدو محلي..
نوري في باله: ــ خير ان شالله ويش فيه ايمن عالتضحيه و الأيثار مو عوايده
انتبه لوجه هاني مستغرب بعد.. كل واحد فيهم صار يطالع الثاني وضحكو..
ايمن : ــ ماقلت شي يضحك..
مراد : ــ لا اخووك فيك الخير والله ماتقصر .. فيه مخدات في الشنطه خذ راحتك..
وركب ايمن ورى آخر شي .. و كفتهم السياره جميع..


وبعد ماجمعو القطيه و شرو الأغراض ,.. توجهو للحديقه..
وصلو ونزلو
وهم نازلين من مسافه قريبه .. انتبه ليهم رجال .. وكان صدفه نفسه الرجال الثلاثيني اللي
ضايق يوسف في المجمع...
الرجال كان معاه 5 انفار..:
الرجال : ــ اوووو.. هذا الحلو وربعه..
واحد من اصحابه: ــ أي حلووو..
ــ لحظه اتأكد..
تقرب شوي و شاف مراد .. تذكره عدل.. شوي نزل يوسف و تيقن ميه بالميه....
فتح الرجال جواله يتأكد من رقم لوحة السياره.. لقاها نفسه..
ابتسم بخباثه:
ــ والله والتقينا يا زحلط..
الى الملتقى..

*زهرة البنفسج*
11-15-2009, 12:58 AM
حمد الله عسلامه اموره غاليتي واخر السو ..!

::

ومبروك علأسم الجديد

::

اوو مساكين شكلهم باللطلعه مابيستانسو ويا هللرجال الدفش

ننتظر القادم

أمل الظهور
11-15-2009, 02:22 AM
الله يعطيك الف عافيه


حمدلله على سلامتك وماتشوفوا شر انتي وخواتك وربي يعطي العافيه امك ويخليها لكم وتخليكم لها





ربي يسلم اياديك على الجزء

خخخخخخخخخخخخخخخخخخخخ على لعبة السوني والمراه

مسكين مجتبى تشوهه ويش حاله اولاده لو شافوه وامه االحين بتصير بحالتين بو مجتبى ومجتبى

ربي يعينها ويصبرها<<شكلها عين ماصلت على النبي


ابراروه ويش تبغي في عبد الستار مسكين ربي يعينه على الثاالثه

غاديوه رايحه فيها خلاص

وحركات بعد بيروحوا حديقة بس مساكين مابيتهنوا كان شافوا ابو هالثلاثين هذا


بارت روعه ربي يسلم هالايادي الي تعبت فيه

ماتقصري

دلوعة المنتدى
11-15-2009, 03:09 AM
الف الحمدلله ع السلاامة غناتي ؛؛<< ادعيلي رحت فيها بالعدوة هع

بصراحة بارت وايد حلوو وشكله هالرجال ناوي ع مراد ويوسف
ومابيتهنوا بالطلعة وبتصير هواش هو مع اصحابه

جـــــوان
11-15-2009, 05:23 AM
ويش ناوي عليهم هالبدوي المخرف ؟!

الله يستر

مسكينة اماني عور بقلبي يوم تصيح اتخيلتها

وهذه طاحت الحظ الهبلةة ريماسوه ويش تبغى الغبية .. عبود ما يبيها

ابراروه طرمة حدها ، بس هي اللي جابته لروحها

الله يعطيش العافية غناتي امور

وننتظر الجديد
مو تتأخري علينا واجد

أحبك ياغلا عمري
11-15-2009, 12:38 PM
الحمد لله عالسلامه
جزء حلو
ننتظر الجزء الجديد

طفلة تحت المطر
11-15-2009, 05:04 PM
حمدللهـ ع سلآآمتشـ(:

و حمدلله ع سلآآمة أبوو مجتبىآ و مجتبىآ

ريماسووه << :rocket:

و غآآدوه صدق بهيمه يعني لهدرجه مآآ عندهآآ مخ :thumbdown: عسآآهآآ تتمخمخ

اشتهيت أشوف نوري بنآآفوره من فوووق :lol:
و زيآآده عليهآآ طبعة نعآآل يوسف

هدآآ أيمن طوول عمره رزيل و بخيل

بس وش فيه شفيق مفزوع ؟؟

كنت مستآآنسه على سآآلفة الطلعه لمآآ هالرجآآل آخخخ:angry:

وهدي أبراروه مآآحد قآآل ليهآآ تعآآلي و تزوجي إللي تحبيه هدآآكوه طلع مآآ فيه فآآيده ،، كآآن قعدت وي عبدالستآآر يسترهآآ أحسن ليهآآ لكن خلهآآ تستآآهل

وش هالجعآآصه على ودآآآدوه خوب الروب بريآآل :walla:

يعني غصب تقلد علىآ مآآريآآ لكن زين مآآريآآ ردت عليهآآ << عَمَلَتْ خيرآً

في شي مآآ دكرته بعد ؟

<< طولت بزيآآده

يسلمووو ع البآآرت الـ :kaseh:

ننتظرشـ

تحيتيـ القلبيهـ لكِـ:embarrest:

عطر الكون
11-15-2009, 07:11 PM
الحمد لله على السلامه اميره...
ماتشوفي شر ان شاء الله...
اتوقع:
ان هل المنتحسسس دا الرجآل بيسوي اليهم مشكله ....
مو أتوقع الا متأكده....
ومجتبىـآ الله يشفيه....
وبسسسسس...
يسلموو بآآرت رووووعه وطويل مآآآره....

Habit Roman
11-15-2009, 10:10 PM
الحمدلله على السلامة أمور

ويعطيش الله العافية تعبناك معاناً

البارت مرررة جوؤؤؤؤؤؤؤؤؤؤؤؤنان بيأخذ العقل

تحياتي لكي عزيزتي

لا تعليق
11-15-2009, 11:16 PM
مرحبااااااااااااااااااا
اما الجزء عن جد فاق تخميناتي !!
اتوقع :
" مارك جاي يسوي فعلته في سام .. ويجي توم في اللحظة الأخيرة وينقذه .. لكن يصاب اصابة بالغة وربما قاتلة .. سام يحاول ان يستوعب الأمر .. توم يحاول ان يتكلم .. لم يستطع سام ان يسمع الا ... "
اما الجزء الجاي شبقة عدلة>>الله يستر منها
اي بعد 12 على 5 مايصير ..
احمدوو .. ماوصل؟؟
تعالي لحظة ..
كيف ازدهار ما عرفت ان عبد الستار اخو فلانة ؟؟
ومجتبى .. ماقول اللا الحمد لله على سلامته >> خاب توقعي ..:sad2: احم احم:bigsmile:
تسلم الايادي على هالجزء الفظيع ..والى اللقاء ..

ملاحظة : أسأل الجميع براءة الذمة ..

حلم لطيف
11-16-2009, 03:51 AM
الحمدالله على السلامة

ويعطيش العافية على هالبارت الرائع

موفقة

دلوعة المنتدى
11-16-2009, 05:12 AM
باانتظارك يالغاليهـ ’’’

وربي يوفقج يالغلاا ,,

الفراش الفاطمي
11-17-2009, 01:43 PM
الحمد لله ع السلامه اموره<<< تو الناس
احم منور المنتدى <<< من الاستايل الجديد
بارت روعه والحمد لله ع سلامه مجتبى وابوه
وسام الله يحميه من هالعصابه وقيصر بعد
وهذي ودادوه وريماسوه وغادوه خبلان حدهم <<< خبال يخبلش
والله يصبر ام مجتبى وبتها نور ويرجع ليهم احمد سالم
وازدهار شكلها بتتزوج عبد الستار
ويوسف مسكين مابيتهنى في الطلعه
بس شكلها بتصير شبقه عالميه <<< ياحبش للشبقات
بانتظار البارت الجاي على احر من الجمر
تحياتيـ ..

دانهـ العشآق
11-17-2009, 07:18 PM
هلآ ـآآآوي والله وغلآ أمورتنا ..~:bigsmile:

مره مره مره حلو البارت ..~:cool:

ذكرني بأيام البلايستيشن والحركات ..~:wink:

وشكل نوري تسدحت عليه من الضحك~>شككت الأوادم فيها هع:toung:

وأيمنوه ويا ودادوه في البخل ينحطو ويا بعض:weird:

وعبد الستار وأزهار أتنبأ لهم البارت الياي~>واثقه:noworry:

والشباب وطلعتهم وآآآ عليآآ شافو هالمنتحس والله يستر عليهم:wacko:

..

الحمد لله ع رجعتكـ سالمه وثانس بقوه ع البارت:embarrest:

لاهنتي يارب يعطيك العافيه

كل الود

:embarrest:

دمعة على السطور
11-18-2009, 01:15 AM
اللهم صل وسلم على محمد وآل محمد وعجل فرجهم وفرجنا بهم ياكريم...


هلا والله أمور منورة غناتي عودة ميمونة ان شاء الله وآخر السوء يااارب ....



البارت يبرد القلب الله يبرد قلبك :)


عور قلبي عبد الستار ......لكن سبحان الله الله مايضرب بعصا.........لأن ابرار كانت تكلم الغريب ...الحين صار يشك فيها على قولتهم بعيد الشر عنا وعنكم..

وكأن زوجها الحالي يقول( اللي يشبك معي يشبك مع غيري...)


وكلن يرى الناس بعين طبعه.....


بس الله بيجازي عبد الستار خير إن شاء الله..باين السالفة إن راح يكون في تواصل بين ازدهار وعبد الستار......والطيب الى الطيبة والزينة الى الزين.......>حكمت بكيفها


ياعلي مجتبى ...طلع مُشوّه ....مثل ماتوقعنا يعني......أحس موقف لقاءه بزوجته مو بس قرأته إلا شاهدته وعشته ...



وكل هذا ماشاء الله من قدرتك العميقة في تفصيل المشاهد بكل دقة وتمعن.............حسيت المشهد قوووووي ...ماادري كيييف...هز قلبي...!!



وهذي وداد تعل القلب.........قاهرتني....


لا واللي اعظم منها هالغاااادة دييي......وش هالعقل اللي عليها ...!! يعني مو بس سذاجة إلا غباء بذاته.......



الله يستر بسسسس...







سام حاسة ان ربي بيهديه ان شاء الله........اتمنى ....




الشباب يافرحة ماتمت خذها الغراااب وطاااااار...بعد هالرجال اللي وراهم وراهم .....!!وش هالبشششششر...الله يغربله !!





أمورة سلمت راحة الأيدي النابضة بكل إحساس....وسلم الفكر السارح في عُمق سماء القلوب...


انتظر بشوووقي...


دعواتي لكِ ولذويك....بأن يشملكم الخير..وتتلبسكم الصحة والعافية رداءا......


موفقة لكل خير إن شاء الله تعالى

دمتي بعين المولى الجليل