أي الأطفال كنت ؟؟ [الأرشيف] - شبكة الناصرة الثقافية

اميـــ الورد ـــــرة

04-15-2006, 12:54 PM

أي الأطفال كنت ؟؟

يختلف الاطفال في سلوكهم وتصرفاتهم ونفسيتهم ..
لذلك .. هناك نماذج مختلفه من الأطفال كنا في يوم من الأيام مثلهم ..

الطفل البريء
في المنزل تجده حبوووب وطبيعي 100 %
لكن مع دخوله المدرسة .. ( تنمحي ) شخصيته ..
فتكثر الاصابات في وجهه .. لأنه مايدافع عن نفسه ..

الطفل العنيد
يطبق نظام البيت بالعناد .. يسوي اللي براسه ..
مايخاف من الأب أو الأم .. لو قلت له هذا خطر لاتقربه .. عناد فيك يسويه ..
يُــضرب كثيراً في طفولته .. ومع ذلك عنيد مايغير رايه ..

الطفل الحنّـان
يستخدم وسيلة الحنة لتلبية رغباته
له نغمه خاصه في المنزل ..
تلبى رغباته كـُرهاً .. يعانون اهله من الصداع المستمر ..

الطفل المادي
هذا الطفل مايرد السلام الا ( بفلوس ) ..
تعامله مع اهل المنزل .. مادي بحت ..
يستخدمونه لتوصيل طلبات المنزل .. ونقل السوالف.. وكل شي بحسابه ..

الطفل الفتّــان
تجد عند هذا النوع جميع اخبار المنزل ..
يجد المتعه في اذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..

الطفل الدلوع
هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..

الطفل العله
يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته .. لانك في الحقيقه تجهلها ..

الطفل الداج
هذا الطفل مستحيل يجلس في المنزل ..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق ..

الطفل الملسون
يستانسون اهله على سوالفه .. فصيح جداً ..
ويلقط العبارات والمفردات بسرعة مذهله ..
يسبب احراج دائم لأهله .. من الممكن ان يقول كلمة بالغلط للضيوف او الاقارب ..يتميز احياناً بقلة الذووق والوقاحة اذا انفعل ..
لاينصح بأستفزازه ابداً ..

الطفل اللزقه
تلقاه مسنتر عند باب البيت .. محد يطلع الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يـُـضرب كثيراً .. وخاصه من اخوانه اللي اكبر منه .. او خواته ..
لانه عباره عن رادار على طلعاتهم ..احياناً يضطرون يطلعون من نافذة المنزل للهروب منه .. ولكن للأسف يجدونه بانتظارهم في السيارة ..ويسألهم ليش تأخرتوا عليّ ..

الطفل الهادي
هذا الطفل ماله صوت ابد .. وين ماتحطه تلقاه ..
احياناً يهملونه اهله .. لانهم ناسينه ..
واحياناً يلقى اهتمام زائد من اهله .. لو يموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات ..

الطفل القوي
اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال .. يتقرب منه الكبار ويتوددون له حفاظاً على سلامة اطفالهم ..

بصراحه .. اي الانواع كنتم

يلله طلعوا الفضايح

تحياااااااااااااتي
اميـــ الورد ـــــرة

المستجير

04-15-2006, 04:05 PM

بالنسبه لى من نوع الطفل الهادى
تسلم يدينك على نقل المعلومات الطيبه

عاشقه الامام علي

04-17-2006, 07:14 PM

مشكوره حبيبتي على الموضوع الحلو

اميـــ الورد ـــــرة

04-17-2006, 11:21 PM

هلا وغلا فيك اخوي المستجير
اشكر لك مرورك العطر
دمت بود
تحيااااااااااااااتي
اميـــ الورد ـــــرة.

اميـــ الورد ـــــرة

04-17-2006, 11:22 PM

هلا وغلا فيك اختي
عاشقة الامام علي
مشكوووووورة حبيبتي على مرورك وتعقيبك
اميـــ الورد ـــــرة.

My tears

04-18-2006, 11:18 AM

القلب المرح

04-19-2006, 02:40 PM

اصلا انا البرئ والمؤدب والبطل << فلم هندي

مشكورة اختي عالموضوع
يعطيك الله العافيه
تحياتي..

اميـــ الورد ـــــرة

04-20-2006, 04:46 PM

ههههههههههههههههههههههههههههههه
الله يرجك حبيبتي
my tears
حراااااااااام عليكي ظلمتيني انا حنانه
مشكوووووووورة اختي على هالطله الرااااااااااااائعه
تحياااااااااااااتي

اميـــ الورد ـــــرة

اميـــ الورد ـــــرة

04-20-2006, 04:49 PM

هلا وغلا فيك اخوي
القلب المرح
مشكووووور على الفلم الهندي
تحيااااااااتي
اميـــ الورد ـــــرة

أمير العاشقين

04-21-2006, 08:43 AM

العتـب مرفوع والزعـل ممنوع ..
مزحه خفيفـة :amuse: ..

الطفل البريء >> بدون أي شك My tears :cool: ..
الطفل العنيد >> دمعة حزن :toung: ..
الطفل الحنّـان >> يلبـق عليـك أميرة الورد :noworry: ..
الطفل المادي >> على طوووول معرووووف القلب المرح :nuts: ..
الطفل الفتّــان >> نور علي :bleh: ..
الطفل الدلوع >> أمير العاشقين << ياااي :cheesy: ..
الطفل العله >> شبكة الناصرة :bigsmile: ..
الطفل الداج >> المستجير ..
الطفل الملسون >> شيخنـا حسين :nosweat: ..
الطفل اللزقه >> توأم الفرح :shiny: ..
الطفل الهادي >> شموووووعه .. شمعة تحترق :laugh: ..
الطفل القوي >> بحر الشووووق :icon30: ..

يسلموو خيه أميرة الورد ..
وربي يعطيك العافيه ..
والله يحفظ الأطفـال كلهـم سواء كانو مشاغبين :evil: .. أو حبوبين مثلي عيني :embarrest: ..

الطفل الدلوع >> أمير العاشقين << ياااي :cheesy: ..

شدعوه انا دلوع هه يااااي لاتتكلموعني ..

هذا لستايل واجد عجبني ..

ههه أتخيل نفسي اتكلم بدلاعه لو واحد اذا اتمادي في شي اقول ليه ..

ياااي لاتخليني أضربك بالنشافه ههه هيبتي هيبات وانا اقول كذا ..

ياااي مااانا اختربت تسريحتي ..

مشكورة My tears على اللقب يعطيش العافيه ..

يسلموو خيه أميرة الوردعلى الموضوع الفله ..

وربي يعطيك الف الف العافيه ..

والله يحفظ الأطفـال كلهـم سواء كانوا مشاغبين :evil: .. أو حبوبين :rolleyes: ..

تحياتي ..
أمير العاشقين ..

ابو طارق

04-21-2006, 05:22 PM

الطفل القوي
اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال .. يتقرب منه الكبار ويتوددون له حفاظاً على سلامة اطفالهم

الطفل الداج
هذا الطفل مستحيل يجلس في المنزل ..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق ..

:rolleyes: هذا ينطبق علي 100% :embarrest: :embarrest:

بس الان اصبحت رجل كبير وعاقل :bigsmile: :bigsmile:

بحر الشوق

04-21-2006, 07:01 PM

الطفل العنيد
يطبق نظام البيت بالعناد .. يسوي اللي براسه ..
مايخاف من الأب أو الأم .. لو قلت له هذا خطر لاتقربه .. عناد فيك يسويه ..
يُــضرب كثيراً في طفولته .. ومع ذلك عنيد مايغير رايه ..

اعتقد ان هذا انا هههههههههه.

تحياتي
بحر الشوق

اميـــ الورد ـــــرة

04-22-2006, 12:03 PM

هلا والله بالغوالي
هلا فيك اخوي امير العاشقين(يااااااااااااي)
مشكوووووووووور اخوي على مرورك العطر
دمت بود
تحيااااااااااااتي
اميـــ الورد ـــــرة

اميـــ الورد ـــــرة

04-22-2006, 12:06 PM

هلا وغلا فيك اخوي
saadsaad
الله يديم نعمة العقل انشاء الله
ومشكوووووور اخوي لمروروك وتعقيبك
تحيااااااتي القلبيه
اميـــ الورد ـــــرة

اميـــ الورد ـــــرة

04-22-2006, 12:08 PM

ههههههههههههههههههه
هلا وغلا فيك اخوي
بحر الشووووووووووووق
بس مااتوقع ينطبق عليك الطفل العنيد
مشكوووووور اخوي لمرورك وتعقيبك
تحيااااااااااااااتي
اميـــ الورد ـــــرة

المتأمل

04-27-2006, 03:15 PM

الأخت الكريمة " اميرة الورد "

الشكر لك أختي على هذا الموضوع الذي أثار حمية القوم ودغدغ أفكارهم
فعلا فيه ما ينطبق علينا ولكن ليس كل التعريف . :bigsmile:

على كل اسمحي لنا سيدتي بالدفاع عن نفسنا في ضيافتكم :embarrest:
ويش هالحالة انتظرت يمكن واحد يدافع عني بس الظاهر مالي إلا أن أصير ملسون :toung:
وكذلك أقول ما قالته الأخت "My tears " لا أحد يزعل واللي يزعل تراضيه "My tears " بقصيده :wacko:

((الطفل الهادي هو أنا دائما مظلوم ))
وخير دليل على ذلك دائما أنا في موضع الدفاع
حتى أن البعض من المشرفين سماني سيارة إسعاف . :weird:

((الطفل الفتان الظاهر مافي غيرها ......... "My tears " بدكم الدليل هي أكبر عضو يحرك المنتدى أعطوها هدية قسم خاص للفتن وخلوها المشرفة عليه ههههههههههههههههه )) :bleh:

(( الطفل العنيد القلب المكسور دائما يسلم على مجتبى ويتركني بس الله لي يلا لاباقي يسلموا علي )):weird:

((الطفل الداج هو من من ياربي اها بس عرفته امير العاشقين
طلو ما احنا في الإجتماع وهو طالع وداخل وبعدين
تعالوا اعطوني نبدة مختصرة عن الجلسه
يشوفني ابلع في هالحبوب حتى يصير صوتي شوي مفهوم وهو ما جايب خبر )) :blink:

(( الطفل اللزقه اممممممم بس وصلت شبكة الناصرة

ما اتحرك في بيتهم مني ولا مني إلا هو في وجهي
ولا يرضى أطلع من بيتهم إلا بعد ثلاث ساعات من كل جلسه
بس ما عليك هذا كله من الحب ههههههههههه)) :no:

(( الطفل العنيد الظاهر هو القلب المرح
ساكت بس إذا تكلم يعطيك مقترحات على كل حال مابدي أكثر عليك هذي اول مرة نلتقي لا تزعل مني بعدين ما تجي الجلسة الجاية )) :idea:

(( الطفل الحنان ما في غيرة بعد هو بحر الشوق اوه الحين بقول هذا اول مرة نجلس معاه ويقول عنا كذا هذا كيف إذا رحنا الرحلة بس ترى مو مني إذا في شي هم من الأخت "My tears " بس عندي اقتراح أيش رايكم نحدف عضويتها لمدة سنة ههههههههههه)) :nuts:

بس أقول لا حد يزعل مني ما فيني شدتكم أغلبكم من العوامية
وعلى قولت الإيرانيين
من خيلي ببخشيد
أنا آسف كثيرا :clap:

أمير العاشقين

04-27-2006, 03:33 PM

((الطفل الداج هو من من ياربي اها بس عرفته امير العاشقين

طلو ما احنا في الإجتماع وهو طالع وداخل وبعدين
تعالوا اعطوني نبدة مختصرة عن الجلسه
يشوفني ابلع في هالحبوب حتى يصير صوتي شوي مفهوم وهو ما جايب خبر ))

مسكين يأمير العاشقين

:sad2: :sad2: :sad2: لاتعليق أبداً :sad2: :sad2: :sad2:

ما كاني اتكلم وماحد سامع ليي :thumbdown:

وشبكة الناصرة والمتأمل والقلب المرح والقلب المكسور وبحر الشوق وأحمد وسراب الليل هم المهمين ..:no: :no:

وانا نسوني :sad2: :no:

وينه صديقي مجتبي يحامي عني :wondering: :wondering: :notrust: :no:

My tears

04-27-2006, 03:52 PM

وكذلك أقول ما قالته الأخت "My tears " لا أحد يزعل واللي يزعل تراضيه "My tears " بقصيده :wacko:
هههههههه عليك حركااات :bigsmile: ..

((الطفل الفتان الظاهر مافي غيرها ......... "My tears " بدكم الدليل هي أكبر عضو يحرك المنتدى أعطوها هدية قسم خاص للفتن وخلوها المشرفة عليه ههههههههههههههههه )) :bleh:

هههههههههههههههه الله يسامحك :sad2: ..
بس مقبوله منك :bigsmile: :bigsmile: ..

(( الطفل الحنان ما في غيرة بعد هو بحر الشوق اوه الحين بقول هذا اول مرة نجلس معاه ويقول عنا كذا هذا كيف إذا رحنا الرحلة بس ترى مو مني إذا في شي هم من الأخت "My tears " بس عندي اقتراح أيش رايكم نحدف عضويتها لمدة سنة ههههههههههه))

ناوي عليي .. ما أعيش من غير منتدى الناصرة :embarrest: ..

ربي يحفظك ويخليك شيخنـا على هالتعليقات الحلوه :amuse: :amuse: ..

عورت بفادي أمير العاشقين :sad2: :sad2: هيجت مشاعري :sad2: ..
بس بابا :toung: ..

تحياتي :cool: ..

القلب المرح

04-27-2006, 03:57 PM

(( الطفل العنيد الظاهر هو القلب المرح
ساكت بس إذا تكلم يعطيك مقترحات على كل حال مابدي أكثر عليك هذي اول مرة نلتقي لا تزعل مني بعدين ما تجي الجلسة الجاية )) :idea:

بس أقول لا حد يزعل مني ما فيني شدتكم أغلبكم من العوامية
وعلى قولت الإيرانيين
من خيلي ببخشيد
أنا آسف كثيرا :clap:

اخي العزيز المتأمل سكوتي كان علامة النعس والنعس هو نقطة ضعفي واسمح ليي
وان شاء الله في المرة القادمة تلقاني اغرد لك بالسوالف <<عامل حاله بلبول:bigsmile:
وماحد يزعل منك وكلامك كله عسل في قلوبنا
واخ امير العاشقين اتمنى انك ماتزعل علينا ولاتحط في خاطرك بس انت ماعطيت فرصه لنفسك لانك على طول طلعت اخي

وتقبل اجمل تحياتي..:amuse:

المتأمل

04-27-2006, 07:43 PM

ياجماعة الخير لا تزعلو من مزحي معاكم ترى الله يشهد الهدف هو الملاطفة ورفع الحواجز
بس إذا بتزعلوا ما نمزح معاكم مرة ثانية أو تدرو إذا زعلتو بترك المنتدى وبروح :weird:

القلب المرح

04-27-2006, 08:00 PM

لاوالله شخنا مانزعل منك ابد ومزحك عسل على قلوبنا
وماحد بيزعل ولاتترك المنتدى
وملاطفتك جميلة تتلامس انغام مرحنا وتتفاعل مع بعضها وتصبح ثوران المزح <<<< معادله كيميائه خخخخخ

بنوتة توتة

04-28-2006, 02:51 AM

صراحة اني محتارة اي وحده من الاطفال:rolleyes:

My tears
حرام عليش اخووووووي كلش مؤدب مرة قلوب طيب

مشكورة حبيبتي ع الموضوع

My tears

04-28-2006, 09:32 AM

لاوالله شخنا مانزعل منك ابد ومزحك عسل على قلوبنا
وماحد بيزعل ولاتترك المنتدى
وملاطفتك جميلة تتلامس انغام مرحنا وتتفاعل مع بعضها وتصبح ثوران المزح <<<< معادله كيميائه خخخخخ

سيم سيم قلبوو :bigsmile: ..
وما في بين الأعضـاء شيخنـا زعـل إن شاء الله :cool: ..

يناسبش خيتوو بنوته الطفل اللزقة :toung: :toung: أمزح ..

ملكة سبأ

04-28-2006, 01:10 PM

بالنسبة لي ما عرفت اي واحد فيهم ينطبق علي لأني
في البيت حركه وأضرب وخارج البيت دائماً مضروبه تنخأخذ
اغراضي يعني غلبانه .
ضحكت كثير وأنا أقرأ الموضوع
شكراً لك ِ اميرة الورد لطرحك الشيق تحياتي

آخر شقآوهـ ..~

04-28-2006, 01:12 PM

الطفل الدلوع
هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..

بس الحمد الله ان اني الحين مو دلوعه