المساعد الشخصي الرقمي

مشاهدة النسخة كاملة : &&& انتهت اخر روايه من العشق &&&



مترفس
08-01-2009, 05:12 PM
انتهت اخر روايه من العشق
والقدر قرر علينه نفترق




وانتهت قصه العتاب
وارتحل عني العذاب
انتهت اخر روايه من العشق




عانى منها القلب وامتلى بسقوم
صحت لاتطيح ياقلب بس قوم
كل الخلق مرتاحه بس قوم
قومي بونتي يعانون الاذيه



وانتهت اخر روايه من العشق



قسمت برافع السمه ومن علاها
كانت بيك تطيب روحي من علاها
اعطيك نفسي بسقم وقلك من علاها
من منتك بلكت ارتاح شويه



وانتهت اخر روايه من العشق



كل الخلق تلوم ما شافن جفنها
اهديتها ايامي ومايوم جفنها
تمنيت لروحي تموت وهي جفنها
حتى بالقبر تندفن وياي سويه



وانتهت اخر روايه من العشق



ما تمنيت تبتعد عني ولو بس مال
القلب يزداد شوقه ماقلت بس مل
اهجرتني لزلم ثاني لجل بس مال
المال غيرها وغرها عليه



وانتهت اخر روايه من العشق




وحق من نزل سكن لعراق وطفها
تشتعل نيران بالقلب يادهر طفها
ماغاب عن ناظري فذ يوم طفها
اهجرتني وشمتت اعداي بيه



وانتهت اخر روايه من العشق

التوبي
08-01-2009, 09:01 PM
حبيبي دوم يهجرني أنا بعيد



عايش في حزن أنا وهُو بعيدْ



أزوره دوم وأتمنى أهو يعيد



حبيبي شسبب حاقد عليّا



أخي مترفس أبوذياتك رائعه وراقيه



تحياتي

عفاف الهدى
08-02-2009, 02:37 PM
رائع ما خطته يمناك هنا
استمر
فنحن متشووقون لجديدك

مترفس
08-02-2009, 07:10 PM
حبيبي دوم يهجرني أنا بعيد







عايش في حزن أنا وهُو بعيدْ




أزوره دوم وأتمنى أهو يعيد




حبيبي شسبب حاقد عليّا




أخي مترفس أبوذياتك رائعه وراقيه





تحياتي





مشكور على المرور ولكـ خالص تحياتي

مترفس
08-02-2009, 07:11 PM
رائع ما خطته يمناك هنا
استمر
فنحن متشووقون لجديدك


يسلمووو على المرور لك تحياتي