المساعد الشخصي الرقمي

مشاهدة النسخة كاملة : إذا المراجل لبسة شماغ وعقال..........



الملاك راحيل
04-06-2006, 07:11 PM
إذا المراجل لبسة شماغ وعقال***قل للـــعذارى يلبســنّ العــمايـــم

ما عاد يفرق زول حرمه ورجال***دام الفـعايل تشبه البعض دايــم

المرجله ما هيب كلمه وتنقال***وتروح ما راحت هبوب النســايـــم

وإلا خشونة صوت أو رفع الأثقال***أو رزة صدور وفعل الزلايم

ولا هي بعد مفتاح موتر وجوال***وإلا ردى لسانن حديثه شـــــتايم

المرجله شيمه عن القيل والقال***رفيع نفس (ن) حر بالجو حــايــم

المرجله عقلٍ وزن وزنه جبال***ودون العقل وش فرقنا والبهــايــــم

يا مسندي لو مايل الوقت بي مال***يا ولد أبويه يا عظيم العزايــــــم

يا معرب الجدين من العم والخال***يا نخوة المفزوع وقت الهزايــــم

المرجله يا خوي هي طولة البال***هي العزم هي الصبر فالظلايـــم

فيها الكرم عزه دله وفنجال***فيها الكرامه عن ردى الطبع شايـــــم

والدين لامنه خذا القلب منزال***مشى طريق الحق وابليس نايــــــم

ومن لا عرف ربه في طيب الحال***لابد وقت الضيق بالهم هايـــ

حتى صلاتك مع جماعات ورجال***يا عظم أجرك بين ساجد وقايم

ولا من رفع ربي له كل الأعمال***حسن الذكر لا قالو فلان صايـــم

وخلك شريف القصد يا طيب الفال***سوء المقاصد فالبيوت الهدايــم

واحذر تبيع النفس في دب ال؟؟؟؟؟***وتتبع خوي إبليس راع النمايـم

النفس خيل لك إذا كنت خيّال***ومن لا قوى نفسه قوته الهزايــــــــــم

ولا صرت ما تدري ليش أنت رجال***والله خسارة فيك ذبح التمايـــم

no0or
04-07-2006, 08:34 AM
المـــــــــ منورة ـــــــــــــــــلاك راحـــــــــــ عزيزتي ـــــــــــــــــيل (http://www.alnassrah.com/vb/member.php?u=3517)

بــــــــــــــــــــــاركــــــــــــــــــــــــ ـــــ الله بكـــــــــــــــــــــــــــــــــــــــ

ـالــــــــــــــشعر رائــــــــــــــــــــــــــــــع والمـــــــــــعنى فيه حكــــــــــــــــــــــــمة



مشـــــــــــــــــــــــــــــــــكـوره

الملاك راحيل
04-07-2006, 11:29 PM
مشكوررره ((((((((((((nooor)))))))))))) علي المرور

شمعه تحترق
04-08-2006, 08:32 AM
يسلمووو الــــمـــلاك
قصيده حلوه تحمل معاني لأهل العقول الفهيمه
لكنك نسيت/ي تذكر اسم صاحبها
أو كلمة منقول
المعذره منك بس هذا قانون المنتدى
وللحفاظ على الحق الادبي لناظمها
حياك الله وننتظر جديدك
تحياتي .. شمعه