عندي مشكلة وأبغى مساعدتكم

[الفارسه الحسناء]

السلام عليكم ورحمة الله وبركاته


أخواني اللي عنده حل يقولي عليه الله يعطيكم العافيه

مشكلتي الله يسلمكم

ان سطح المكتب صارت شاشته أسود في أسود ما في شي لا ملفات ولا خلفيه

وما ادري ليش صار كذا
وأني يوم صار كذا كنت اعفس في الملفات الموجودة في الاب توب وفتحت مجلد
مكتوب عليه ويندوز مديا وفتحته وطلع مقطع فيديو ولا رضى يسكر عندي ويوم خلص
المقطع صارت الشاشه سوده وهي للحين والملف مفتوح حاولت اسكره ما في فايده
قمت رحت للمجلد وحذفته ونفس الشي
صرت محتاره لا تقولي لي أخترب الاب توب لالالالالالالالالالالا

ساااااااااااااااااااااااااااعدوني

ان شاء الله فهمتوا عليي

[الفارسه الحسناء]

ما في رد

وأني من الصبح قاعده وجايه على طول المنتدى

أقول احين باشوف الحل :huuh:

هو الشي اللي فتحته للحين مفتوح مو راضي يسكر ولا ينزل
ومسوي الشاشه سوده ولا شي

على العموم

مشكورين

[شبكة الناصرة]

السلام عليكم ورحمة الله وبركاته ..

اذا كانت الشاشة السوداء نفسها موجة الاوامر ..

الا تقدري تكتبي فيها اكتبي هالكلمة Exit

وبعدها بيطلع منها ..

اما اذا كان غير كذا ...

يبي لك توضحين لي اكثر او تصوري المشكلة ..

كل المودة

[الفارسه الحسناء]

وعليكم السلام ورحمة الله وبركاته

مشكور أخوي على الرد

والله ماني عارفه اشرح المشكله كيف

الله يسلمك أني عبيطه في عالم الكمبيوتر والجهاز مشكلته انجلش


هو أني فتحت ملف فيه (ويندوز ميديا)(windows media centr) مقطع فيديو كان موجود في الجهاز من أول ما شريته
ولما فتحته اشتغل مقطع فيديو وطبعا"بكبر الشاشه زي السينما والحواف اسود والمقطع في الوسط ولا فيه كتابه ابد
وحاولت اسكره ما تسكر عندي ولما انتهى المقطع صارت الشاشه كلها سوده وحاولت اسكره او أنزله يعني اصغر الشاشه حتى تصير في الشريط تحت وأحاول اقفلها بس ما في فايدة وهي للحين موجودة واحاول فيها

شكلك بتضحك على شرحي الوافي

بس بحاول أني اسكر الجهاز نهائي لأني ما اسكره أحطه سليب
بجرب وبنشوف بكرا ويش يصير

تصبح على خير أخوي

*
*
*

[شبكة الناصرة]

السلام عليكم ورحمة الله وبركاته ..

سوي اعادة تشغيل للجهاز وبيضبط وياك ..

او ايقاف تشغيل ..

وبترجع كل الامور طبيعية ..

كل المودة

[الفارسه الحسناء]

السلام عليكم ورحمة الله وبركاته


أخوي انحلت المشكلة بعد ما أوقفت تشغيل الجهاز


شكرا"

*
*
*