المساعد الشخصي الرقمي

مشاهدة النسخة كاملة : رسائل جوال أرسلت بالغلط ..!!



أسرار الليل
08-12-2008, 05:15 AM
رسائل جوال أرسلت بالغلط ..!!





(1)

بنات كانوا في الجامعه شله وكانت وحده منهم عازمتهم وجت وحده من البنات كتبت
لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء :{ !! .....




(2)


مره كنت برسل مسج حق رفيقتي بقول لها تحسب لي طارئ بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي لبسي وداومي )طبعا انا انصدمت وسكرت الخط على طول من الخوف داومت




(3)


وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...





(4)

مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها



(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتي :{ .....




(5)


أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ..وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..


والا هو جااي وجالس يالله وين القهوه ؟: أنا : أي قهوه ؟ هو : تستهبلين يا أم المفاجات الحلوه ؟ وبعدين استوعبت اني أرسلتها له بالغلط وسكت وما قلت شي ,,:





(6)


قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة:





(7)


كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟) فشلة ...:





(8)


مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..


تتتتخيلوا ...... الرساله راحت لزوجي وزعل وارسل تهديد


وانا انطميت وسكت والله موقف لن انساه




(9)


مره اختي مسافره برا وهي مديرة مدرسه .....


المهم جا وقت عودة المدرسات وهي كانت معطيتنا جوالها ....... فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)قامت اختي من السنع ارسلت نفس الرساله لجميع المدرساااات ....يعني نفس النص ما غيرته وتعالوا شوفو الضحك والفشيله





(10)


انا مره اتصلت على وحده ماردت بعد شوي جاني منها مسج كاتبه


((يافلانه ترا فلانة (إللي هي أنا) ازعجتني بالاتصالات ومارديت عليها))


والمشكله اني مادقيت الا مره وحده ..


عاد تحسبوني سكت ارسلت لها مسج قلت:


(( ربي باغي يفضحك ))





(11)


جتني رساله من رقم ما أعرفه بس تقول :


((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))


على طول رديت قلت :


((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))





(12)

انا مره واحد ارسل لي رسالة بالغلط :

(فلان انت صاحي ولا نايم)ارسلت له : تراك غلطان رد :


( بلا استهبال جب معك فطور)




(13)

مره في العيد اخوي ما جاء هو وأهله لنا كان عنده شغل ماقدرالمهم اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك والمشكله ماكتبت اسمه لا .. كاتبه ابو عبدالعزيز ليتني كتبت اسمه ..واجي ارسل الرساله ورقم اخوي مميز يعني مايبيله حفظ واكتب الرقم وارسل .. يوم رحت للرسائل المرسله والقى رقم ماطلع اسم اخوي ..
يافشيلتاااااااه قلت الحين بيتصل علي ويغثني يارب مايكون واحد لعاب بس شوي واتصل نفس الرقم <<< جاك الموت ياتارك الصلاة ارد ماارد ارد ماارد .. ردي يابنت الناس واعتذري وخليك جاده ورسميه وقولي والله غلطانه يوم رديت طلعت حرمه ..السلام عليكم عليكم السلام أنتِ مرسله رساله لي ؟؟قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه,,تتوقعون وش قالت ؟ قالت : انا كنت اتمنى انك تطلعين رجال بس للأسف طلعتي حرمه!!قلت لها ليش؟قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابه مرسل له رساله وغلطان ,, لكن طلعتي حرمه والله لا يوريكم والله سوت لي تحقيق ولا المخابرات
انتِ مين ؟ انتِ تعرفينا وتسوين فيني مقلب صح؟؟قلت لها والله مااعرفك..غلطانه والله غلطانه قالت قولي الصراحه تعرفين زوجي ؟؟والله اني قعدت احلف واقسم ساعتين ماصدقتنياووووف اعوذ بالله شكلها مرررررره شكاكه حلفت لها مليون يمين اني مااعرف زوجها,,في الاخير عطيتها رقم اخوي قلت لها شوفي هذا رقم اخوي ابو عبدالعزيز اللي كنت ابرسل له نفس رقمك يا اختي لكن الاختلاف اخر رقمين بس انا عكستهم صدقيني,, اتصلي عليه واسأليه ياالله بعد طلوع الروح اقتنعت وسكرت ,, لا .. ويوم اقتنعت تقعد تسولف معاي ,, تقول ارسلي رسايل حلوه ان كان عندك ,,<< في المشمش هذا اللي ناقص بعد ,,






(14)

امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه .. المهم انه مو كل المساييير يوافق عليها

وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمينا قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..

ما درت انه هو الشديد ..

ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا اللي كلمتيه تو ..

قامت تضحك وقالت : اصلا امزح ماني رايحة لاحد <<<< ترقع


منقوووووول
واللي رسلت بالغلط تخبرنا...http://m002.maktoob.com/alfrasha/imagesNew/smilies/044.gif

المتحير
08-12-2008, 05:48 PM
هههههههههه يسلمو

أسرار الليل
08-12-2008, 07:47 PM
يسلمووو ع المرور

$(مسرعه بشويش)$
08-13-2008, 12:52 AM
هههههههههههههههههههههههههههههههههههههههههههههههههه هه
يضحكو كشخه مررررررررررررررة
جد حليوين
تسلمي غناتي على الطرح
لاخلى ولاعدم منش خيتو

نسيم الذكريات
08-13-2008, 02:51 AM
ههههههههههههه
تسلمي والله خيتووو أسرار الليل
على الفرفشة الحلوة وناسة كل سالفة
تقوول الزود عندي ,,,
دمتي في أمان الله
تحياتي
نسيم

همسة ألم
08-13-2008, 03:46 AM
هههههههههههههههههههه
يسلموووووووووو على الطرح

همس الصمت
08-13-2008, 03:55 AM
ههههههههههههههههههههههههههههههههه
خوش رسايل
فلتة
الله يعطيك العافية يارب
دمتِ بخير ..

$(مسرعه بشويش)$
08-13-2008, 06:34 PM
اني من قبل كم يوم غيرت رقم جوالي ورسلت الى وحدة من البنات طبعا كنت حافظة رقمها (فلانة) اني (فلانة الفلاني) شوي الا هي داقه استغربت انه مافي اسم وارفعه طلع لي رجال الا هو يقول هلا بـــ........... قلت له منو انت وش عرفك فيني
الا هو يقول توك راسله لي رساله فيها اسمك شفت الرقم الا رسلت اليه ورقمها طلعت مغيره اخر رقم
<<<<شوي ويغمى عليها ديك الحزة
اذاني ماخلاني في عيشتي لين رجعت غيرت رقمي مو بس جذي قام نشر رقمي قلت اني اشوا ماحد يعرفه والا كان رحت فيها

أسرار الليل
08-14-2008, 12:45 AM
مشكووووورين حبايبي ع المرور ..
ودوووووم الضحكه ان شاء الله
خيتووو مسرعة بشويش
يالله عليهم ذيلين ولا عاد لو كان بدوي لزقــــــــه ..
وأنا بعد قبل كم يوم دق التلفون ورفعتها طلع بدوي
يوم شفته يبي يطولها عطيته كم تهزيئه وهو سكرها << عواميه اصل هههههههههه
مشكوووووووورين ع المرور

دمعة على السطور
08-14-2008, 01:57 AM
ههههههههههههههههههههههههه
ههههههههههههههههههه

الله يستر على الجميع..

يعطيك العافية غاليتي..
موفقة لكل خير إن شاء الله تعالى..
..دمتي بعين المولى الجليل..

قطعة سكر
08-14-2008, 09:20 AM
ههههههههههههههههههههههه
خوش رسايل
بس هدي ضحكتني اكثر شي
مره كنت برسل مسج حق رفيقتي بقول لها تحسب لي طارئ بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي لبسي وداومي )طبعا انا انصدمت وسكرت الخط على طول من الخوف داومت

hope
08-14-2008, 03:37 PM
ههههههههههههههههههه

والله فضييحــه هالرسايل

الحمد الله ولا مره غلطت

يسلموو ع الطرح

أسرار الليل
08-14-2008, 11:35 PM
دووووم الضحكة ان شااء الله
يسلمووو ع المرور

أُخرىْ
08-18-2008, 06:24 AM
هههههههههههه,,انا ضحكت اكثر شي عالاخيره..
الحمد لله انا مارسلت ولا مره لاحد غلط,,
بس مره من زمان رسل لي مصري..يقول لمرته انه مشغوول وبيتأخر
انا طنشت شويه ويتصل,,سكت عنه,,ولما كرر الاتصال رديت
وهو يتكلم ومبين انه ازعاج عنده ويصرخ: احمد يابني امك فين
احمد يااحبيبي ئوول لماما اني حتأخر..
..ولما شاافني سااكته : احمد مابتردش ليه
قلت له : اسفين بس الرقم غلط..
هو مُصّر : احمد يااحبيبي بتئوول ايه
ومعصب على هالاحمد,,يقول له
انت سااااكت <<مع وجهه يحسبني ولده
,,,
عاد انا سكرت الخط..وقااام يتصل وانا مطنشه
لين تعبت ورسلت له ( الرقم الذي طلبته للاسف غلط ..الرجاء عدم الازعاج)
..
و مره اختي رسلت لها وحده تقول..( بكره لاتطلعون بنجي نزوركم )
عاد اختي.. رسلت لها ( من انتي ,,!!؟؟ شكلك غلطانه)
ردت على اختي ( لاتستعجلين بكره تشوفيني ),,,
عاد شكلها زارت الناس وهم مسافرين ولا بيتهم عفسه,,وأتخيل شكلها تقول,,
انا رااسله لكم اني بزوركم,,,,,,
,,
شكراً عالطرح

king of love
09-10-2008, 04:29 AM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه