الحب مو مذلة **

[قطيفي]

* الحب مو مذلة **
يقولون الحب أكبر مذلة..
ومن يقول هالكلام غلطان..
صحيح الحب يكون بعذاب..
ولولا العذاب الحب ماكان..
الحب يجي باحساس وعواطف..
يجي بالصدق والوفا والحنان..
الحب نبتة مشاعر صادقة..
مزروعة في قلب كل إنسان..
أحذر ياصاحبي ياللي حبيت..
تكون بعد ماحبيت ندمان..
وأحذر تنسى أيام قضيتها..
مع محبوبك طول الأزمان..
لأنها للحبيب ذكرى..
وأحلى ذكرى تكون بصحبة الخلان..
لاتقول تريد تنسى الماضي..
وتنسى ذكريات اللي خان..
هذي فترة مستحيل تنساها..
مستحيل تنسى للحبيب أشجان..
وانصحك تشوف حبيب ثاني..
ترى الحب في كل الأوطان..
ولاتقول الحب أكبر مذلة..
من يعنرف بالمذلة جبان..
اعذرني لو كلامي يجرح..
لكن التجربة خير برهان..

[أبو جعفر]

مشكوووووور على الخاطرة الجميلة


مو بس جميلة بل حلوه


مشكوووور

[My tears]

الحـب نبـض الغريـب إن شـاف بعيونـك أوطــان ..
الحـب نهـر وكــلام الليـل فــي ضفافـه الأشجــان ..
الحـب كنـز والبعـض مـا يحـب أكتشافـه , وهـو حريـه عايشـه بيـن جــدران ..
الحـب مـو مذلـه بس أنت تذلـه يـ هالأنسـان ..

سلمت أناملك أخي الكريم .. قطيفي ..
والله يعطيك العافيه ..
وربي ما يحرمنا من مشاركاتك ..
وننتظر جديد حروفك ..
بالتوفيق :) ..

مع خالص تحياتي .. My tears ..

[شجون آل البيت]

السلام عليكم


مشكووور أخي قطيفي

بس أحياناً الحب يكون مذلة

والسلام أختك

شجووون آل البيت(ع)

[المستجير]

كلمات رائعه تنبع من قلب محب
تسلم يدينك على الخاطره الرائعه

[قطيفي]

الله يسلمكم وشكرا على طلتكم

[مهدي درويش]

مشكور اخوي قطيفي الله يعطيك العافيه

[قطيفي]

شكرا اخ الحبوب لمرورك

[القلب المرح]

السلام عليكم
كلمات جميله حركت مشاعري في ذلك الحب

من قال الحب مذله تراه كذاب والف كذاب

الحب رفع راس ورفع كرامة الناس

الحب بعضه مذله اذا كان من يقوده خوان

الحب مذله اذا كان من يقوده عديم الثقة

الحب كلمة ترن في الاذن حينما تخرج من قلب طاهر

الحب كلمة يصعب على اللسان بنطقها اذا كان صادقا

الحب ليس نظره مابين العيون وغمزة وبسمة شفاه ياللي تفهمون

الحب كله غيرة وثقة وعزت نفس ياللي تحب بصدق وأمان


واتمنى ماكتبته قد يوفي كلماتاك اخي العزيز
واسجل اعجابي بتلك الكلمات
تحياتي...

[قطيفي]

شكرا على مرورك
تحياتي