زوعه من الروعه ......إطلعي

[واحد فاضي]

بسم الله الرحمن الرحيم

اللهم صل على محمد وآل محمد الطيبين الطاهرين

اليوم صارت لينا سالفه أنا ويا واحد من الشباب
وسويتها على شكل قصيصه


مر عليي - بنسميه أبو علي - وركبت وياه السياره

ورحنا لمحل مواعين

أنا:- ويش بتشتري من هالدكان ، وويش عرفك تشتري مواعين ؟؟
أبو علي :- با أشتري طاسه وملاعق لأمي .


أنا:-الله يعينك أجل .
أبو علي :- لا ويش ؟

أنا:- أكيد بتقول لك مو زينين روح عودهم .
أبو علي :- شدعوه يا خوك ، وفاني شي هذي حق بيسووا لأخويي الصغير الروعه .

أنا:- وشوه بيسووا له
أبو علي :- الروعه ، لا تقول ليي ما تعرفها بعد

أنا:-لا أعرفها بس من زمان ما شفت أحد يسويها
أبو علي :- خلاص داهيه أمي بتسويها وتعال شوفهم

وإشترك خويي الاغراض ورحنا بيتهم وبعد ما سلمت على أمه قعدنا شوي وقال ليها
خويي - واحد فاضي :bigsmile:- بيشوفش تسوي الروعه حق يكتب عنها في منتدى الناصره

قالت الحجيه ما يخالف .......دام للناصره ما يخالف :wink:

الروعه يسووها بهالشكل

ايجيبوا طاسة ماي ويحطوا فيها ماي فاتر
ويوموا يصخنوا الحديده ...لو الكمشه على الضو لامن تصير حمرررررررررراء

ويجيبوا الجاهل في الحضن ويقربوا الطاسه ويخلوا الجاهل يطالع فيها

ويجيبوا تالي الحديدة ويحوها في الماي وتسمع ...تششششششششششششششششش
تشششششششششششششششششششششش

وتروح الروعه عنه

أنا :- زين حجيه لاويش يسووها ؟؟

الحجية :- هذا يا غناتي اذا الجاهل إختلع من شي ولا شي يسووها اله.

أنا :- أسمع وقت اللي يسووها يقولوا شعر ولا ما أدري ويش تسموه

الحجيه :- تصبر شوي وبتسمعني أسويها وإحفظها انته بعد لا ويش اتحجى الك أني ، دنته بتشوفنا نسويها

أنا :- على بركة الله .

وفعلاً حموا الكمشه وجابوا الجاهل وحطته - أم ...أبو علي :toung: في حضنها وتالي حطت الكمشه الحاره الحاميه في الماي وقال الماي
تشششششششششششششششششششششششش
والجاهل يطالع ....ومن سمع التششششششششششش
قام لصياح

والحجيه تقول ......وقت ما تحط الحديدة في الماي

روعه من الروعه إطلعي
كان من الجيران إطلعي
كان من أم الخضر والليف إطلعي
كان من الدعيدع إطلعي
كان من الحساد إطلعي
كان من صديق ولدي أبو علي ( اللي هوه أنا :toung:) إطلعي
..........

وكان من ............وكان من

وما خلت أحد الا قالت بإسمه حتى الجنانوة والصالحين

وتالي أخذت تبلة ماي من الطاسه ومسحت بها بدن الجاهل ورشت على أياديه وأراجله

وقامت بعدين رشت شوي في الحوي
وشوي على باب المجلس
وشوي على باب البيت الرئيسي

لامن خلص الماي

والجاهل سكت ......وسكنت الروعه ........ونام الجاهل

وخلصت وملصت ...جت الديايه وخبّصت


يالله اللي فيه الروعه بنخلي ...أمه لأبوعلي .......تسوي له روعه من الروعه :wink:


خالص التحيات
فمان الله

[سماءك حلمي]

والله عجبتني الحركة
يبيلي اسويها اذا صاب الاطفال الي عندنا روعة :wink:

او اخلي ام ابو علي تجي تسويها لنا :bigsmile:

مشكور واحد فاضي على المشاركة الحلوة

[دنيا الأحلام]

يووووووووووووه
اعرفهااا الروعه كانت امي تسويهاااا لأخوتي وهم صغااار
نفس سوواي ام علي
حلوووووووووووه روعه من الووعه
مشكور اخوووي ابو زين
يعطيك ربي الف عافيه
يسلموووووووو ..

[بتول العشق]

تسلم ياخوك
سمعت بها وكأني كأني شفتها مباشرة بس ناسية..(الكبر شين)خخخ
طريقتك في عرض القصه عبيجه
يسلمووو

[علي pt]

غريبة ماسمعت بها ..
سمعت عن الحلو (ماي شكر) ببعض اللهجات ..
تشكر أخوي على الطرح الجميل ،،

وشفنا هادي اللي يحطو الشبة في المبخر ويقولو
شبة و مستشبى ...
لآخر خرافة ..
يقولون عن الحسد ..

[للدموع إحساس]

أيووووة ،، :bigsmile:
أمي للحين تسوي حق يهال العايلهـ ،،:toung::toung:
يعني أولاد أخواني وأولاد خواتي وهيكـ ،،
هي عن تسويها لليهال ،، لكن أني لازم أرز الويهـ وياهم و أشوفهم ،، :amuse:
بس أحلى شي سوتهـ أم أبو علي لما قالت كان من صديق أبو علي أطلعي ’’ جخهـ ’’ :wink::wink:
جابتها جيب أم أبو علي ،، مو كأنهـ طويل الأسم ،، :weird::weird:
أبو زييييييييين ،،
يعطيكـ ربي ألف ألف عااااافيهـ ،،
على هيكـ سوااالف عن جد تشرح الخاطر ،،
و عســـــــــــــــــــــاكـ عاالقوة خيووو ،،
ربي ما يحرمنا من هاالسوالف الطيبهـ ولا من صاحبها ،،
وأن شاء اللهـ هاالنشاط دوووم يارب ،،
لا عـــــــــــــــــــــــدمنااااكـ ،،
خااالص التحااايااا ،،
للدموع إحساس ،،

[ملاك الورد ..~]

كان من واحد فاضي اطلعي هههههههههههه
عن جد هذي اول مرة اسمع بها
امي تسوي شبة
وتقول نفس الحجي
وفيه طاسة مكتوب فيها آيات قرآنية
يمكن يستخدموها لنفس الغرض
ابو زين
كلمات الشكر قليلة في حقك
تسلم لنا

[واحد فاضي]

والله عجبتني الحركة
يبيلي اسويها اذا صاب الاطفال الي عندنا روعة :wink:

او اخلي ام ابو علي تجي تسويها لنا :bigsmile:

مشكور واحد فاضي على المشاركة الحلوة

خيتي هناك .......حياش الله

أمو لأبو علي حاضره تسوي الروعه

بشكل حليو :bigsmile:

الله لا يروع أحد يااااارب

خالص التحيات
فمان الله

[واحد فاضي]

يووووووووووووه
اعرفهااا الروعه كانت امي تسويهاااا لأخوتي وهم صغااار
نفس سوواي ام علي
حلوووووووووووه روعه من الووعه
مشكور اخوووي ابو زين
يعطيك ربي الف عافيه
يسلموووووووو ..
خيتي دنيا الأحلام مراحب

خلاص أجل بنخلي أمو لأبوعلي
تتعاقد ويا الوالده ، لأن الحجوزات عندها واااااااايد ههههههه


خالص التحيات للتواجد الكريم
فمان الله

[واحد فاضي]

تسلم ياخوك

سمعت بها وكأني كأني شفتها مباشرة بس ناسية..(الكبر شين)خخخ
طريقتك في عرض القصه عبيجه
يسلمووو


خيتي بتول العشق حياش الله
الله يسلمش خيتي

نحاول ذكر الأشياء التراثية بطريقه حليوه
على الأقل نحافظ شوي على تراثنا القديم الحديث

خالص التحيات للتواجد الكريم
فمان الله

[واحد فاضي]

غريبة ماسمعت بها ..

سمعت عن الحلو (ماي شكر) ببعض اللهجات ..
تشكر أخوي على الطرح الجميل ،،

وشفنا هادي اللي يحطو الشبة في المبخر ويقولو
شبة و مستشبى ...
لآخر خرافة ..

يقولون عن الحسد ..


أخوي علي مراحب

هذي الطريقة كانت اليده الله يرحمها تسويها من زمااااااان
غريبه ما سمعت بها :cool:

أما الحلو فهذي ليها قصه قريباً راح نجيبها ليكم
ويا أم صاحبي ان شاء الله

والشبة ترى فيها نوع من الخرافه
وجانب من الحقيقة كبير
وروايات عن الإمام الصادق عليه السلام

تقبل خالص التحيات
فمان الله

[واحد فاضي]

خيتي للدموع إحساس حياش الله


أيووووة ،، :bigsmile:
أمي للحين تسوي حق يهال العايلهـ ،،:toung::toung:
يعني أولاد أخواني وأولاد خواتي وهيكـ ،،
هي عن تسويها لليهال ،، لكن أني لازم أرز الويهـ وياهم و أشوفهم ،، :amuse:
ههههههههههه
انتبهي لا يتشششششششش الماي عليش هههههههه
أهم شي خذي لش شوي من الماي ورشي عدال باب الغرفه
عن الروعه :cool:
الله يخليها الوالده ان شاء الله
بس أحلى شي سوتهـ أم أبو علي لما قالت كان من صديق أبو علي أطلعي ’’ جخهـ ’’ :wink::wink:
جابتها جيب أم أبو علي ،، مو كأنهـ طويل الأسم ،، :weird::weird:
هههههههههههههه
يعني أنا ويش با أسوي في الياهل ههههههههههههه
بس مزبوووووووووط
وهيه أمو لأبو علي خلت أحد ما ذكرته في هالروعه
من كل الناس والبشر والجنانوه والسعالو وما أدري منهوه بعد .....إطلعي :toung:
أبو زييييييييين ،،
يعطيكـ ربي ألف ألف عااااافيهـ ،،
على هيكـ سوااالف عن جد تشرح الخاطر ،،
و عســـــــــاكـ عاالقوة خيووو ،،
ربي ما يحرمنا من هاالسوالف الطيبهـ ولا من صاحبها ،،
وأن شاء اللهـ هاالنشاط دوووم يارب ،،
لا عـــــــــدمنااااكـ ،،
خااالص التحااايااا ،،


للدموع إحساس ،،


الله يوفقش ويسلمش خيتي
ومشكوره على التواجد الرائع خيتي

خالص التحيات
فمان الله

[واحد فاضي]

خيتي نوارة الدنيا مرااااااااحب

كان من واحد فاضي اطلعي هههههههههههه
يابتها ييب له هههههههه
ما خلتني في حالي أمو لأبو علي هههههههه
عن جد هذي اول مرة اسمع بها
هذي عن الروعه لليهال
امي تسوي شبة
الشبة عن الحسد والعين
وتقول نفس الحجي
وفيه طاسة مكتوب فيها آيات قرآنية
يمكن يستخدموها لنفس الغرض
الطاسة اللي فيها آيات هذي يستخدموها للسقي
يعني يقرو عليها دعاء القدح وآيات من القرآن
وبعدين يشربوها
بس هذي حق يتشششششششششوا فيها الماي
وبعدين يمسحوا به الياهل ويرشوا البيت من باقي الماي
ابو زين
كلمات الشكر قليلة في حقك
تسلم لنا

تواجدك الكريم خيتي يشرفنا

لك خالص التحيات

فمان الله

[مريم المقدسة]

مشكورة اخوى دكرتنى امى كانت تسويها الى الجاهل
وانى اقول ليها وش هالخرافات ولما كانت تسويها كنت اخاف
بس الى الحين انى ما اقتنع من هدى الاشياء وكنت اقول ليها يمكن مريض او شى الم كانت اقول لى ما ليش شغل واسكت
بس حركة حلووووووووووة
اللة يعطيك العافبة اخوى على هالدكريات الحلوة

[looovely]

الله حركات,, بصراحة اني سمعت بها بس ما شفتهم
بصراحةيسوها,, شفت الشبه بس
خيو واحد فاضي ,,حجيك مره حليو
يازين كلام أهل لولى يازينه
يسلموووووو خيو ع الطرح الكاشخ
وننتظر قصة الشبة,,,
دمت بصحة وعافية
تقبل مروري المتواضع
looovely

[Princess]

ههههههههههههههه
مررحباا
دي ويه بعد .:weird:. اول مره اسمع بها !!!!
اني كنت في الصفحه الرئيسيه
راكبه ومحوله... وراكبه ومحووله..
تقولو اصنصير :wacko:
ولفت نظري العنوان من برى


زوعه من الروعه


اني :blink: هااا...!!
وع.. ويع.. ويشوو دا بعد... << توي ماكله سمش مشوي ومطفحه بالعافيه علي :in_love: << قصة حياتها لازم :notrust:


وتحوم شبدي .. وانزل .. بس اصنصيري ضاربتنه اللقافه قلت الا اركب وادخل هالموضوع.. و اشوف سالفته...:huuh:


دخلت


:unsure:
هههههههههههههه وقريت السالفه
عاد الحجيه ام خويك
ويلي على شان الناصره ما يخالف هااا :wink:


اول جمله روعه من الروعه قلت عفر غلط مطبعي بدل ز .. ر
والوصف وطاسه ماي و تششششش و صياح
قلت لا الياهل في الأخير بيسوي اووووووع الا مسوي وععععععععع الا مسوي بلاوي و مزوع << يقطع شرش من بنيه :suspicious:
ههههههههههه وفي بالي عفر الحركه ما تلوع الشبد..:huh:
واكمل السالفه الا طلعت فعلا
روعه من الروعه


يعني الزاء في العنوان غلط مطبعي
اشوى ما لعت وسويت شي .. << كف



احم
يعطيك الف عافيه خيوو
حركه يديده علي وما سمعتها في حياتي
دمت بخير
وبحفظ الرحمن

[فرح]

اممممممممممم كنت قبل مااؤمن بهيك شغلات بس
كانت بنتي دووووم تبكي تعرفووون الحريم كل وحده منها كلمه
الاتقول سوي ليها شبه او روووعه وانا اطنش المووهيييييم
عمتي ام زوجي سوت ليها شبه وروووعه مثل مايقولون بس الكلام
يختلف وااايد عن كلام الحجيه ام خويك يعني فيه اسماء سور قران
وكلام اكتييير بس ما اوعدك اني اكتبه وارزه هووون الااذا كنت رااايقه ههههه ليش احد طلب منك :toung::wink:المووووهيييييم عن هدرة فرحوووه ..
طرح اكتييييييييير حلوووو والاحلى انه يكووون مثل القصه
تسلم ياابوزيــــــــن
ويعطيك العااافيه ولاحرمنا روووعة جديدك خيي
دمت برعاية المولى وحفظه

[أُخرىْ]

السلام عليكم ورحمة الله وبركاااته,,
ايه دي..,الصراحه اول مره اسمعها
هههه أنا اسويها اذا ابغى اهدد جهالنا,,
اقولهم اللي مايصير عاااقل بحرقه بهالملعقه الساااخنه < شريره مو
وبعدين احط الملعقه في الماااي ويتأدبوا لما يشفوها تسوي اششششششش
,,
بس صج انا اعرف سوالف الماي والشكر,, الشبه,, وبس,,

أنا كنت بسأل الوالده بس مو هنيه,,
شكلها ماسوتها لي عشان كدا انا متروعه ههه :weird:
لكن صج,, مادري هل هي تُراث مناطق عن مناطق
ولا يمكن عندنا بعد بس مايسووها اللحين,,
اللحين صار عندي عذر اذا سويتها
اقول لهم: عشان الروعه تروح عن جهالكم ,,
,,,
مشكوور خيو عالموضوع الرااااائع جداً..
دمت بحفظ الباري

[أسرار الليل]

الله ونااااسهـ ولله .. عجبتني .. خلاص إذا صابتي الروعه بسويها لنفسي:toung:
اما ع الشعر هذا جدتي كانت تشببنا وبالمبخر فوق روسنا وهي تقوله <<ذاكرتنه بعد :wink:
مشكووور أخووي ع القصه الحلوووه :bigsmile:
كل يوم جيب لنا قصه مفلها :amuse:
يعطيك الف عاااافيهـ :bigsmile:
تحيااتي ..