المساعد الشخصي الرقمي

مشاهدة النسخة كاملة : مكيف لول ....مروحه تبرد على القلب



واحد فاضي
07-15-2008, 03:29 AM
بسم الله الرحمن الرحيم
اللهم صل على محمد وآل محمد الطيبين الطاهرين

اليوم يا محفوظين السلامه وإحنا نتمشى بالسياره
أنا ويايي أخونا شبكه

مرينا على واحد من الشباب في مزرعتهم
الا نشوفه يجمع ( قلب ) النخيل اللي طايحين
وسألناه لاويش ؟؟
قال لينا هذولا حق أمي تسوي بهم مراوح وحصير وقفاف
قلت له خلاص بنروح نسوي ويا الوالده مقابله حق شبكة الناصره الثقافيه ...حصرياً :bigsmile:

وافق ورحنا وياه
دخلنا البيت وسلمنا على والدته
أنا :- السلام عليكم ورحمة الله ، قواش الله أم علي
أم علي :-الله يقويكم ويسلمكم ، تفضلوا تفضلوا تقهوو

شبكة:- أكرمش الله ، لو سومحتي أم علي بنسوي وياش لقاء حق المنتدى
أم علي :- أيهوه ، أني مو أي منتدى أسوي له لقاء :bigsmile:
أنا :- هذي شبكة الناصره الثقافيه :wink:
أم علي :- أيه دام الناصره ما ميش مشكله تفضلوا:wink::wink::wink:

أنا :- نمبى نسألش كيفه تسوي المراوح والحصران والزبلان

أم علي :- مو بس الحصران والمراوح نسويها
شبكه :- أيه قولي لينا ويش اللي تسويه ؟؟

أم علي :- يا غناتي أول شي المراوح والحصران والزبلان والسفر والقفاف نسويهم من قلوب النخله
أما الخصف والقاعودات والقلات نسويهم من الفقر والخضر

أنا :- زين كيفه تسووهم

أم علي :- انتون تقهووا أول شي وكلو ليكم من هالميوه الزينه

وتقهوينا وبدأت أم علي تسولف .......
أم علي :- أول شي نجيب السعف ( القلوب والفقر والخضر ) ونسحتهم ونجمعهم كل صره بصرتها

وما يضر يابسين ولا بعدهم خضران

اليلبس اذا بغينا نسفه أول شي ننقعه في الماي ومن يلين
نبتدي نقشمه قشوم صغيره
والحين بعد يبيعوه مقشم ومصبوغ
واللي تمبى تصبغه في البيت تسويه
يصبغوه مقشرة الرمان ولا بالخضر أخضراني
ومفلات هالشي يعني
( وامتنعت عن الادلاء بأي تصريح عن الالوان ومصادرها ) <<سر المهنه :bigsmile:

وتالي نبتدي نصف القشوم في إيدنا

شي حق المراوح أبو فلاف أو أربع وشي حق الحصير أبو فمان أو تسع أو عشر نصفهم ونخولفهم ونقعد نسف فيهم
وأهم شي يكونوا مشدودين عدل علشان لا تنفقر السفه وتخترب ونسوي على قد السعف اللي عندنا مفلات الشريط ونلفه على بعضه
واذا بغينا نسوي شي به
نجيب العقب واللي يجي بعدد السلا اللي في السعفه وقبل الخوص وهذا حق نخيط به اللي نسفه

أنا :- زين الحين اذا سفيتوه بييبس مره فانيه

أم علي :- أيه بعد ننقعه في الماي شوي بس وتالي نبتدي نخيط فيه على الشي الا نمباه سفره ، قفه ، واللي ينطلب منا

شبكه :- زين والخصف كيفه تسووه

أم علي :- الخصف نسويه بالسرعه بالسرعه يعني مو لازم مررره عدل مسوى هوه يحطوا فيه التمر ولا يحتاج نسوي فيه الوان وأشكال
نجيب الخوص ولا نقشمه ، الخوصه بخوصتها ونصفها في إيدنا ونفس الشي نسويه مفلات الاشرطه وتالي نخيطه بعد

أنا :- الله يعطيش العافيه والصحه والسلامه ياااااارب
شبكه :- رحم الله والديش

أم علي :- والدينا ووالديكم يارب ، متاه بتحطوا المقابله في منتداكم

شبكه :- ما يهمش الحين بس شوي وبنحطها

أم علي :- أجل هاكم خذا هالمروحه

http://www.alnassrah.com/up/uploads/images/alnassrah.com-0304420f44.jpg

وهالحصير
http://www.alnassrah.com/up/uploads/images/alnassrah.com-f789748c6f.jpg
وهالقفه
http://www.alnassrah.com/up/uploads/images/alnassrah.com-de20aba571.jpg

http://www.alnassrah.com/up/uploads/images/alnassrah.com-f6619a9c3f.jpg

وبعد شويه با أخلي ود بتي يوريني
في التتر نت اللي يدشوا ويشوفوا المقابله

وبا أشوف أني يقولوا رحم الله والديش يا أم علي ولا لا ؟؟

ويش يا شباب

بتقولوا ليها رحم الله والديش ولا بتروحوا

تراها تقول اللي يقول بتعطيه مروحه يبرد على روحه بها :bigsmile:

خالص التحيات
فمان الله

jod
07-15-2008, 11:35 AM
ياسلام على زمان وأهل زمان تسلم على هذا الموضوع

فرح
07-15-2008, 12:20 PM
اممممممم..الاشكااال حلوووه كتييييييييير
وبجد حسب مانسمع ان الماضي اجمل بكثييييييير من الآن
بخضرة النخيل والاشجااار والجووو ورووعته
يؤيؤي كأني بكتب مقااال:toung: خخخخخخ
المقابله اكتييير حلووووه خيي ابو زيـــــــــــن
ورحم الله والديك ام عــــلي
وانشاء الله مايندثر هيك تراث جميل ورااائع
وفي الاونه الاخيره فيه تطوراات جديده
يعطيكم العااافيه
دوووم ننتظر الجديد

للدموع إحساس
07-15-2008, 02:49 PM
مســـــــــــــــــــــــاكم اللهـ باالخير ،،
أحلى من هيكـ مقابلهـ ما ميش < بقت الكلمهـ هع هع ،،:toung:
يعطيكـ ربي العاااافيهـ يا أبو زييييين ،،
ورحم الله، والديش ياام علي < علشان تعطيني مروحهـ هع هع هع ،،
تصقع إبليسي مصلحشيهـ ،، :weird:
بجد شوقتنا لـ أيام قبل ،،
أمي تعرف تسف ،، لا يكون أمي إلي مسويين وياها المقابلهـ وأني ما أدري ،، :wink::wink:
اني ما أدري كيف نعيش بدون سوالفكـ إلي تشرح الصدر ،،
وتسر الخاطر ،،
شرح اللهـ صدركـ بحق محمد وآل محمد ،،
و لا تنسى تذكر أم علي بـ مروحتي ،،
ترى قلت ليها رحم اللهـ والديش ،، :wink::wink:
ومتباركـ باالمولد ياالموااالي ،،
وكل عام و أنت بخير وصحهـ وسلامهـ ،،
وعساااااااااكـ دوووم عاالقوة ،،
وماننحرم منكـ يارب ،،
تحياااااااااااتي ،،
للدموع إحساس ،،

همس الصمت
07-16-2008, 03:42 AM
بسم الله الرحمن الرحيم
والله خوش مقابلة ابو الزين
والله وش حلاتها ايام زمان
كانت مرة حليوه بقفيفها ومراوحها
أي صحيح رحم والديش أم علي << أي عشان تعطيني مروحة
كان زين لو ترد ايام زمان
يعطيش العافيه ام علي
ويعطيك العافيه اخوي واحد فاضي
على المقابلة الخفيفه على قلوبنا
دمتم بكل خير ...

ولاتنسى ترى أنتظر مروحتي من عند أم علي :wink:
يالله سلالالالالالالالالالالام ..

جررريح الررروح
07-16-2008, 04:26 AM
هههههههههههههههههههههههه
والله مقابلة اتسر الخاطر
ويعطيك الف عافية اخوي ابو زين
وام علي
والاخ شبكة
والله لا يحرمنا من هيك سوالف
تحياااتي

شذى الزهراء
07-16-2008, 06:38 AM
مقابلهـ حلوووهــ ولطيفهـ تشرح الخاطر وتبرد القلب <<لزوووم المرووحهـ
الله يعطيكـ الف عااافيهـ ابو زين ع الطرح الراااائع
وامـ علي ماننساها الله يعطيهااا العااافيهـ
ودوووم نتتظر اغرااضها الجديدهــ
ولاحرمنااا الله من ابدااعاتكـ
كـل عاامـ وانت بالفـ خير
دمتـ باماان البااري
تحياااااااتي

ملاك الورد ..~
07-16-2008, 06:50 AM
بقول لكم شيء بس لاحد يعلم
يوم كنا صغار ودتنا امي للمعلمه الي تعلم القرآن
وكان رجلها ابو محمد الله يذكره بالخير نخلاوي
ومن يجي وقت السفاف يجيبون السعف
ونقعد احنا البنيات نسحتهم ومدري ويشوو
وعلمتنا نسف جزاها الله كل خير
وكنا نسوي حصر ومقاعد وشغلات حلوة
جزاك الله كل خير يا معلمتي
بس تعلومك اندثر مع الايام
مشكووووووووور خيي ابو زين
ورحم الله والديك يا ام علي
بس انا ودي في سفرة ما ابغى مروحة
السفرة احس ان الاكل عليها يصير الذ موووو
اما المروحة ما تسوي شيء مع هالحر

أميرة باحساسي
07-16-2008, 03:45 PM
http://www.alnassrah.com/up/uploads/images/alnassrah.com-de20aba571.jpg

ذكرتني بأيااااام أوووول .. زمااان كنت دااايم في النخل ويا الوااالد .
وكل شي اسااعده فيه .. بس ها اهم شي لا يقربني للمرتفعااااات ..

وكنت اعرف اسوووي هالشغلــة .. وهو بنفسه علمني .
والله كانت اياااااااام حلوة .

أم علي الله يرحم والديش .. ..
وابو زين تسلم يمنااااااااااااك .. ويعطيك العافية على الطرح الممتع .

واحد فاضي
07-18-2008, 01:12 PM
ياسلام على زمان وأهل زمان تسلم على هذا الموضوع

خيتي jod مرحبتين

أي والله يا سلام على لول وأهل لول

وبعد على الحين وأهل الحين :wink:

الله يسلمش خيتي

فمان الله

واحد فاضي
07-18-2008, 01:17 PM
خيتي أم حمزه مراحب


اممممممم..الاشكااال حلوووه كتييييييييير

وبجد حسب مانسمع ان الماضي اجمل بكثييييييير من الآن
بخضرة النخيل والاشجااار والجووو ورووعته
يؤيؤي كأني بكتب مقااال:toung: خخخخخخ
المقابله اكتييير حلووووه خيي ابو زيـــــــــــن
ورحم الله والديك ام عــــلي
وانشاء الله مايندثر هيك تراث جميل ورااائع
وفي الاونه الاخيره فيه تطوراات جديده
يعطيكم العااافيه


دوووم ننتظر الجديد


دايما الحنين الى بعض من الماضي
يخلي الواحد مو يكتب مقال
يكتب مقالات :bigsmile:

الف تحية
وتقول لش أم علي
مروحتش محجوزه :noworry:

فمان الله

واحد فاضي
07-18-2008, 01:22 PM
خيتي للدموع إحساس حياش الله


مسـاكم اللهـ باالخير ،،
مساكم الله بالخير

أحلى من هيكـ مقابلهـ ما ميش < بقت الكلمهـ هع هع ،،:toung:
حلوه ما ميش له ههههههه
يعطيكـ ربي العاااافيهـ يا أبو زييييين ،،
الله يعافيش ويسلمش
ورحم الله، والديش ياام علي < علشان تعطيني مروحهـ هع هع هع ،،
تصقع إبليسي مصلحشيهـ ،، :weird:
خلاص حجزنا ليكم مروحه ...وعلى قولة أم علي الله يخليها
متشكله بالوانها .....:toung:
بجد شوقتنا لـ أيام قبل ،،
أمي تعرف تسف ،، لا يكون أمي إلي مسويين وياها المقابلهـ وأني ما أدري ،، :wink::wink:
الله يخليها ان شاء الله
وأم علي تسلم عليها بعد :noworry:
اني ما أدري كيف نعيش بدون سوالفكـ إلي تشرح الصدر ،،
وتسر الخاطر ،،
شرح اللهـ صدركـ بحق محمد وآل محمد ،،
بحق محمد وآل محمد ربي يشرح صدرك وييسر لك أمرك
و لا تنسى تذكر أم علي بـ مروحتي ،،
ترى قلت ليها رحم اللهـ والديش ،، :wink::wink:
ههههههههههه
خلاص محجوزه هههههههه
ومتباركـ باالمولد ياالموااالي ،،
وكل عام و أنت بخير وصحهـ وسلامهـ ،،
وعساااااااااكـ دوووم عاالقوة ،،
وماننحرم منكـ يارب ،،
تحياااااااااااتي ،،


للدموع إحساس ،،


متباركين بالمولد الشريف
رحم الله والديش
ربي يسلمش

فمان الله

مياس
07-18-2008, 02:10 PM
بسم الله الرحمن الرحيم
وااااااااااااااااااو موضوع روووووعه بريحة الخوص والسعف :toung:,,
رحم الله والديك خيوو أبو زين :icon30:
و رحم الله والديش يا أم علي..
صار نفسي في مروحه أهفهف بها عن ها الحررر :shiny:
و عجبتني هذي "القفه":nosweat:
http://www.alnassrah.com/up/uploads/images/alnassrah.com-f6619a9c3f.jpg

و ننتظر الجديد المميززززز:ongue: