تعديل وتنسيق الصور

[الدنيا ماتسوى]

السلام عليكم



انا مشتركة جديدة بس من زماااااااااان ادخل على هذا المنتدى الرائع واشتركت مؤخرا<<<<<<<<<

اتمنى منكم مساعدة يالخبراء والعارفين للفوتو شوب>>>>>>>عندي صور لبناتي في الجوال ونفسي اطبعهم لان المشكلة مايمديني حتى اروح اصور بناتي ونغسي اطبع كم وحدة فقلت ابحط لهم على الاقل اطارات او اي شي يجملهم<<<<<عاد الجوال يصور حلو لكن البرنامج مافي لافريمات ولا تأثيرات عدله زي الناس


فالي يقدر يساعدني يحط مشورته او خبرته




واخيرااااااااااا اشكركم على اي شي

[Princess]

مرحبا خيه..
الله يخلي بنوتاتش ويحفظهم ان شالله ويبلغش فيهم..
شوفي غناتي.. عندش قسم خامات ابداعي بهالمنتدى..
ادخلي مواضيع السكرابز.. وحملي اي ملف سكرابز يعجبش
..
السكرابز اطارات وتأثيرات وخامات جاهزه.(( شرايط_دبابيس_فيونكات_ازرار_سلاسل_......الخ))
. ما عليش الا تغيري حجمهم بحسب الصوره وتركبيهم على الصوره
ويطلعو فن..وانتين وذوقش
واي استفسار حاضرين
موفقه
دمتي بخير
وبحفظ الرحمن

[Princess]

مرحبا خيه
هذا مثال لأستخدام السكرابز سويته لش عالسريع

تفضلي

http://up3.shia4up.net/images/nbpaexa044gdq15zro2s.gif

:) دمتي بخير
وبحفظ الرحمن

[الدنيا ماتسوى]

وووووووووووواو حلوه الفكرة


مشكورة ورحم الله والديكي ويعطيكي الف عافية ان شالله اقدر اسوي مثلك مع اني احسة صعية بحاول وانشالله اعرف

[Princess]

هلا خيووه
العفو ويرحم والديش
لا مو صعب غناتي مثل ما قلت لش جاهزين ما عليش الا تتحكمي في حجمهم
وان شالله سهل ويطلعو وياش انتيكا..
اي مساعده حاضرين
دمتي بخير
وبحفظ الرحمن

[الدنيا ماتسوى]

ماشالله التصميم الي حطيتيه روعه علميني كيف اسوي مثلة لانو نفسي مرا ازبط صور بناتي>>>>>كاسرين خاطري ماعدهم ولا صورة من طفولتهم الاولى كنت اصورها لكن الثانية مسكينة ماصورتها الا بالجوال ماعدها شي يثبت طفولتها<<<<<<

والحين اخوها مسكين بعد ماعندي الا الجوال مايمديني حتى اصوره تاليتها هذا مسكين ماراح اصورة حتى بالجوال د>>>>>>>> حشى قلت قصت حياتي

[Princess]

هههههههه فديتهم
طيب خيه
المسأله بسيطه..
بس اول شي ابغاش تجاوبيني
تعرفي للفتوشوب ؟؟
يعني المبادئ والأساسيات فيه لو لا

دمتي بخير
وبحفظ الرحمن

[الدنيا ماتسوى]

سكتي لا تفضحينا>>>>>>>>>>>>>>>


انا يالله يالله اعرف افتح برنامج احط صورة في اطار


زي ماقلت لك انا ماعرف لشي بس حبيت اعدل لو شي بسيط عشان قلت ابطبع كم وحدة من الصور الي عندي لان زي ماقلت بناتي ماعدهم صور كلش

[Princess]

ممممم
طيب اذا عندش برنامج الفوتو شوب .. اي اصدار فيه ايا كان ؟؟
عندي استعداد اعلمش كم شي بسيط
اقلها كيف تتعاملي مع السكرابز وتعدلي الصور

ونسالكم الدعاء

دمتي بخير
وبحفظ الرحمن

[الدنيا ماتسوى]

مشكورة على التفاعل معاي>>>>>>>تعبناك

لا ماعندي برنامج بس انتي قولي احسن برنامج للفوتو شب وانزله وبعدين علميني>>>>>>>والله ابتلشتي بي

ومشكوووووووووووورة

[Princess]

مرحبا::
:) ابدا خيه لا بلشه ولا شي حاضرين

حمليه.. ما قصرت اختش الأمل البعيد البرنامج مع شرح تثبيته..

اضغطي هنا.. (http://www.alnassrah.com/showthread.php?t=64412)

اذا الروابط مش شغاله..
حملي اي اصدار ادوبي فتوشوب بدءا من الأصدار السابع الى التاسع.. موجود ايضا 10 .. ومؤخرا نزل 11
بس اني شغلي على الفوتو 7 او 8 او 9
ويكون نسخه تدعم العربيه.. يعني تقدري تكتبي بالعربي فيها لأن اغلب النسخ ما تدعم اللغه العربيه..
موفقه لكل خير
دمتي بحفظ الرحمن

[الدنيا ماتسوى]

هلا اختي اميرة المرح>>>>>> اني نزلت البرنامج الفوتوشوب بس ماعرفت ثبته الى الان مع اني سويت الي قالولي به في الموقع الي عطيتني اياه

[Princess]

اهليين خيه..
ممممم صعبه التعليم عن بعد
طيب خيه
جربي الطريقه الموجوده


هنا (http://www.alnassrah.com/showthread.php?t=65880)


وشوفي يتثبت معاش لو لا

دمتي بخير
وبحفظ الرحمن

[الدنيا ماتسوى]

شكلي خلاص استسلمت صار لي كم يوم احاول اشغل البرنامج الفوتو نزلت الي بالوصله بس مو راضي يزبط<<<<<<<<<<<< شكلي مارح اطيع الصور :closedeyes::closedeyes::closedeyes:


والله كان نفسي اطبع ولو كم وحدة المشكله انو بنتي لما اتشوف صور اختها تقول وانا وين صوري:angry::angry:

مادري في حل تاني لان مشكله بنتي ومافي امل اوديها الاستديو لانها ما تقبل بالذات انها صيوحه مرة وديتها عشان اصورها زعزعت المحل والي تصور حاولت معاها لكنها كلها اصياح تقولي شايفه عفريته<<<<<مادري على من طالعه خويفه

ماتعطيني حل لو اني انزل برنامج سهل اشوي على قدي

[ملاك الورد ..~]

نصيحة مني
الفوتوشوب عشان تحمليه
يا اما تشتري سيدي وتحمليه
او تودي جهازك لمحل ويركبوه لك
اضمن من البرامج الي محمله على النت
الي يمكن تملى لك الجهاز فيروسات

[سجينة الآهات]

أنا حصلت عقد لين ما قلت بس من التحميل .. لكن صحيح تاخذين لش سيدي وتثبيه مرررة سهل

.. وأميرة إذا ممكن تعلميني كيف أركب صورة على السكرابز .. يعني أقصد لما تكون في أشكال من الأمام ولا تغطي عليها الصورة المركبة ؟؟
سوري اذا أتعبناش
تحياتي

[Princess]

مرحبا
ياهلا خيه
مثل ماقالو خواتي يعطيهم العافيه.. التثبيت من السي دي اكثر امان واريحيه..

بالنسبه لسؤالش خيه ...
راح اشرح لش على مثال..
السكرابز كان برواز وفيه ورود وهالورود بارزه خارج اطار البرواز بحيث لو وضعت صوره تكون الورود من المفترض فوقها..
اذا كانت خلفية السكرابز شفافه .. المعنى انها مربعات ابيض ورمادي .. ماعليش الا انش تتوجهي للصوره اللي تبغي تضعي فيها السكرابز,,,وبالماوس تسحبيها وتفلتيها في النافذه اللي فيها السكرابز,,, راح تلاحظي انها صارت فوق البرواز ..
توجهي الى نافذة الطبقات .. Layer واذا كانت مي موجوده .. من قائمة Windoew حطي صح على Layer وراح تطلع لش ..
اسحبي الطبقه اللي فيها الصوره بالماوس وخليها اسفل طبقة السكرابز.. وصغريها بحجم السكرابز لحد ما تضبط وياش


اما اذا كانت خلفية السكرابز بيضا ... قومي بمسح البياض بواسطة العصاه السحريه.. ضغطه في المساحه البيضاءراح تتحدد معاش بعدين Deleate من الكي بورد راح تنمسح المساحه البيضا وتطلع الخلفية الشفافه ... وطبقي بقية الخطوات كما في السابق

اتمنى افدتش خيوه :)
دمتي بخير
وبحفظ الرحمن