المساعد الشخصي الرقمي

مشاهدة النسخة كاملة : القياده فن وذوق واخلاق



يوم مولدي
06-01-2008, 07:41 AM
بسم الله الرحمن الرحيم

اللهم صلي على محمدوال محمد


السلام عليكم ورحمة الله وبركاته أخواني وأخواتي اعضاء ومشرفين وأداره شبكة الناصره

بصراحه عندي موضوع حاب اطرحه عليكم واخذ أرائكم ونتناقش فيه كأخوه وأتمنى نصل لحل ينفع

شبابنا في يوم من الايام الا وهو قيادة بعض الناس للسياره عندي بعض الملاحظات على الشباب

والكبار الكل فيه حقه بصراحه يتهاونون في الطريق مما يؤدي الى الحوادث وحالات الدهس وكل شي و

وقطع الأشاره شيء ثاني يجيك الواحد مسرع ما دري كم يمشي تقول كنه بينتحر او هذي اخر مره

بيسوق فيها السياره والله شيء غريب ولو رحنا بزياره الى قسم المرور كم بنحصل من واحد موقوف

وكم واحد مسوي حادث افلام والله. نرجع لموضوعنا تحصله شايب وقاعد يكلم جوال ويضرب في الفرامل

ولا هو يدري ويش حوله والثاني حاط ولده ولا بنته في حضنه وزوجته جالسه جنبه وبعضهم يسولف ويا

اخوياه واذا انتبه للاشاره صارت صفرا دعس بنزين وقطع الاشاره واذا صاده المرور قال والله ما قطعت

الاشاره شرطي المرور متقصدني والا اذا شاف احد بيطلع من مخرج يدعس بنزين علشان هذاك

ما يطلع (عناد) يعني ويضايق هذا ويدخل على هذا احس ان القياده عندنا صار يبغالها جهد

وطاقه اكثر من اول علشان توصل سالم وايدك على قلبك اتمنى في يوم من الايام نطلع ويكون الطريق

امن للجميع من غير مضايقات وازعاج هل سيأتي هذا اليوم يا ترا ؟؟؟

القياده ذوق وفن وأخلاق




اقبلو فائق تحياتي ويارب يعجبكم الموضوع

أخوكم يوم مولدي

دموع الاكرف.
06-02-2008, 08:41 PM
موضوع جميل واتمنى من كل الشباب قرأته
خاصوصا المتهورين

يوم مولدي
06-03-2008, 07:54 AM
http://reenadm.***********/welcome11.gif

شكرا أختي لمرورك المشرف

حوور
06-03-2008, 11:42 AM
شكرا لك اخوي على هذا الطرح الجميل
هذا وانا مااسوق بس تثور اعصابي من الي مايعطون السواقه حقها في حسن التصرف
يسيرون في الشارع وكنه الشارع ملك لهم وحدهم.

ملاك الورد ..~
06-05-2008, 06:10 AM
القيادة فن وذوق وأخلاق
وللأسف شبابنا ابعد ما يكونوا عن هالامور
والقيادة تحتاج الى ظبط اعصاب وهذا غير متوفر لدى الأغلبية
فالفن في القيادة يتركز في امكانية السائق قيادة مركبته كالفنان الذي يرسم لوحة تشكيلية بخطوط انسيابية مليئة بالحرفية دون ازعاج للنظر والسمع
والذوق يتمثل في حسن القيادة والتركيز وعدم الانشغال بامور ثانوية عن الموضوع الاهم وهو القيادة
واختيار افضل الطرق للوصول للغاية المطلوبة وعدم ازعاج الاخرين باستعمال المنبه الا للضرورة القصوى خاصة بالقرب من المستشفيات والمنازل
اما الاخلاق فهنا يطول الحديث كمراعاة المشاة واحترام كبار السن وعدم قطع الطريق على الاخرين
في الاخير نصيحتي لكل سائق
عامل الناس كما تحب ان يعاملوك

تحياتي لك وشكري وتقديري

ياجرح
06-05-2008, 02:34 PM
فعلا السياقة ذوق واخلاق

بعض الاشخاص تلقينهم يتجاوزون كل السيارات الي تنتظر عند الاشارة ويجي يوقف اول واحد بس علشان يمشي اول واحد

وكأنه الناس الي تنتظر ما فيهم احد مستعجل او تعبان الا هو

او تلقاه يولع لينا ليتات تعمي عيونا وهرنات تبط أذونا والسيد واقف

سلوكيات كثيرة يؤخذ على شبابنا من العمل بها

بس البنات اقل تهورا في السياقة من الأولاد في البحرين

وفي تنظيم المرور وحركة السير مع اعتذاري للجميع ارى البحرينين اكثر نظاما من السعوديين

تحياتي

سماهر
06-07-2008, 03:26 AM
شكرا اخي أن يسمع الجميع هدا الموضوع وتطبيقه

فاطمهـ الحبوبه
06-07-2008, 04:30 AM
نعــــــــــــــــــــــــــــــــــــم السواقة ذوق واخلاق
بالطريقة اللي تسوق فيها تكشف شخصيتك للآخرين
كل سلوك غير سوي يدل على خلق غير سوي
يسلموووا