المساعد الشخصي الرقمي

مشاهدة النسخة كاملة : (( الطفل )) المدرسه (( المعلم )) شنو الحل برايكم



أمير العاشقين
04-28-2008, 03:12 PM
السلام عليكم ورحمة الله وبركاته
موضوعي اليوم مختلف جداً جداً
وابي الكل يشارك فيه وياريت ما يكون من القارئين فقط
اهلاً بكم اعزائي الكل يبي يعرف شنو الموضوع صح
اعطيكم مقدمه وقصه صغيره وراح تفهموووون كل شي

طالب مجتهد في دراسته مع وقت الدراسه قال الطالب ما برووح المدرسه
طالب كسوووول وقت الحصه الفلانيه والمدرس الثاني ما يحضر الحصه
طالب وطالب مع هذا المدرس لا يريد البقاء ومع ذاك تمني لو انه طول العمر معه

قصه صغيره حصلت لي انا بالذات مع اخ صاحبي
نبدا
يوم من الايام وبالذات الاحد اروح الكلية الساعه 9 ونص الصباح
وعادة لما اروح هالوقت اقعد ثمان ثمان وربع
المهم يوم الاحد اتصل الي صاحبي الساعه 7 الا ربع يعني 6 و 45 دقيقه
صاحبي كان منوم في المستشفى
وابو متوفي ومافي الا والدته واخته ذات 12 سنه
واخاااه ذات التسع او العشر سنوات تقريباً
اتصل لي وقال لي جاسم أطلب من طلب
قلت له أمر اخوي من عيوني يقول انا منوم قلت له ادري قال اسمع
قلت له خير قال اختي واخوي مافي احد يوديهم المدرسه وامي قالت ادق عليك اذا تقدر
تقدر توصلهم لو في كلافه
قلت له من عيوني اوصلهم بس اقوم واغسل وكل شي واجيك قال اوكي قلت له اوكي
قمت صليت على محمد وال محمد شغلت السياره وخلصت اموري
ورحت له
وصلت اول شي اخته طلبوا بطاقتي وعطيتهم واتصلوا بيتهم وكذا وذخلوها المدرسه ورجعت بطاقتي
المهم نجي الى الطفل وانا اتكلم وياه وصلنا مدرسته
المهم نزل الجاهل وعلى نياته
نسى شنطته في السياره
ذخل المدرسه وانا امشي انتبهت الى شنطته
رجعت المدرسه الا استاذ ماسكنه وين كنت وتحقيق وياه
وافتح ايدك وافتح ايدك وماسك له العصا وش طولها ويش عرضها
والجهال خايف
بس شافني ذاخل المدرسه جا لي يركض خايف والمدرس وراه
احتمى بي وانا اقول للمدرس هي هي هي وين قاعدين احنا
بكل وقاحه المدرس يرد وكل قوة عين
شي ما يخص
المهم اخدت الطفل بالاحراى حملته وديته الاداره
كلمت المدير المدير باي حق انت تتكلم
قلت له اتصل بيتهم وتقول لك امه باي حق
المهم المدير شافني جاد في كلامي وقلت له انا المسؤل عنه الحين
وصارت الهدره في الاداره
والمدرس يبي يضربه
قلت له لما تجيب تقرير من وزارة التربيه والتعليم ان الدراسه فيها ضرب خليتك تقتله
وقام يزمخ وقلت له والله لو ينضرب لوصلها لشرطه
المهم كلمة اخوووه وقلت له كذا كذا كذا
الولد قال لاتوديه المدرسه رجعه البيت
الطفل من سمع بيت استانس
وانا راجع بيتهم اسال الطفل كل يضربك ذا
قال لا ما يضربني بس يضرب الطلاب وكل يدورن بعصاه ويضرب فيهم

الطفل اقول له تبي ترجع البيت قال ايه لا يضربني
قلت له انشالله

شوفوا كيف الطفل خايف من المدرس
وكيف اصبحت الدراسه مكروووها عند الاطفااال
توجد لدي مقاطع وصلتني على البريد ببعض المدرسين يضربوا التلاميذ وكانهم بقر
يعني الشخص يودي طفله مدرسه عشان يتعلم مو عشان ينضرب
بصراحه ما الوووم الطفل لما ما يتقبل الدراسه
خاصه هالنووعيه من الاساتذه ويفتخروووا انهم يضربوووا

يعنوووو شوفوا المدرسين والمدراء كيف صارووو

الى كل اب وكل ام
ما شعورك وابنك ينضرب في المدرسه
شنوووو الحل مع هالنوووعيه من المعلمين
ليش ما كل طالب يكتب ورقة ويرسلها الى وزارة التربيه والتعليم او مركز الاشراف التربوي
ليش ما كل مدير ومدرس يتحاشى الضرب لترغيب الاطفال والكبار في الدراسه

شنو الحل في هاذه الحاله
ادري طولت عليكم بس ابي رايكم بكل صرااااحه
واسف على الاطاله
جاسم أحمد
أمير العاشقين

أمير العاشقين
04-28-2008, 09:35 PM
مشاء الله والله تحمسوا احد يحط ليكم مواضيع

يعني المكتوب واضح من عنوانه

ما نحط مواضيع مره ثانيه

15 ذخول ولا شخص رد

مشاء الله

فرح
04-28-2008, 09:44 PM
بجد اخوووي موضوع جميل جدا
ويحاكي واقعنا .ويبي له هدره
لي رجعه انشاء الله
بس هااا لاتعصب ترى اخاااف:embarrest::toung: ههههه

أمير العاشقين
04-28-2008, 09:53 PM
ياهلا خيتوووو ام حمزاوووي

بانتظار رجعتك

لاتعصيب بعد اليوم ههههه

عساكي على القوة يارب


خالص تحياتي
أمير العاشقين

عنيده
04-28-2008, 10:23 PM
سلاااااااااااام



انا ما بتكلم ع المدارس الا اللي في البحرين لاني ما اعرف غيرهم وخصوصا مدرستي ... مدرسي سمعتها كلش حلووووه بس مع هذا دوم في شي يخرب .. انا ما اقول كل المدرسين مو زنين .. بس في مدرسين يفهمون الطالب ويفهمون حركاته يعني في المراحل الاولى الطالب يكون طفل عقله ما اكتمل .. في المرحله المتوسطه او الاعداديه .. يكون مراهق .. وحتى المرحله الاخيره يكون مراهق فما يقدر يركز .. واكيد محتاج احد يفهمه الموضوع ... >>>> ادري طلعت عن الموضوع .. الموووهم .. يعني كل المراحل الطالب ما يقدر يركز فيها .. لكن مع هذا المدرسين يبون الطلاب يكونون شطاار و ما يراددونهم و يجون من وقت الحصه ما يتاخرون ما يغيبون في الامتحانات و الاختبارات وجتى الطالب لما يكون سيده وما يتكلم .. بعد لما يجي احد يسال عنه يقولون انه مب زين وانه كسلاان وانه ما يشارك ووو .. يعي انا في حصه الاسر انا اسولف وايد .. بس ساعات لما جاءت امي تسال عني تقول لها بنتج وايد تمشي في الصف ... >> جيف الصف ممشى .. تمت اتصارخ علي .. واشتكت عند المديره .. والمديره بدورها عطتني محاضره ساعه كاامله .. بس مع هذا في مدرسين ضميرهم صاحي .. وفي مدرسين والله العضيم يحطون الى البنات اللي معاهم اوكييه ويمدحون المعلمه قدامها درجات كامله والبنات اللي ما يمدحونها زيروو يحطون لها ..

لو بتكلم من الحين الى بكره ما بكمل .. توها اليوم المعلمه عاطتنا وااجب عشر صفحات وفوق كل هذا اختبااار .. شنسوي لكن ؟؟؟


ادري طولت عليكم بس كل هذا من المدرسات ..


تحياتي

الزين يفرض نفسه
04-28-2008, 11:15 PM
سلاااااااااااام




انا ما بتكلم ع المدارس الا اللي في البحرين لاني ما اعرف غيرهم وخصوصا مدرستي ... مدرسي سمعتها كلش حلووووه بس مع هذا دوم في شي يخرب .. انا ما اقول كل المدرسين مو زنين .. بس في مدرسين يفهمون الطالب ويفهمون حركاته يعني في المراحل الاولى الطالب يكون طفل عقله ما اكتمل .. في المرحله المتوسطه او الاعداديه .. يكون مراهق .. وحتى المرحله الاخيره يكون مراهق فما يقدر يركز .. واكيد محتاج احد يفهمه الموضوع ... >>>> ادري طلعت عن الموضوع .. الموووهم .. يعني كل المراحل الطالب ما يقدر يركز فيها .. لكن مع هذا المدرسين يبون الطلاب يكونون شطاار و ما يراددونهم و يجون من وقت الحصه ما يتاخرون ما يغيبون في الامتحانات و الاختبارات وجتى الطالب لما يكون سيده وما يتكلم .. بعد لما يجي احد يسال عنه يقولون انه مب زين وانه كسلاان وانه ما يشارك ووو .. يعي انا في حصه الاسر انا اسولف وايد .. بس ساعات لما جاءت امي تسال عني تقول لها بنتج وايد تمشي في الصف ... >> جيف الصف ممشى .. تمت اتصارخ علي .. واشتكت عند المديره .. والمديره بدورها عطتني محاضره ساعه كاامله .. بس مع هذا في مدرسين ضميرهم صاحي .. وفي مدرسين والله العضيم يحطون الى البنات اللي معاهم اوكييه ويمدحون المعلمه قدامها درجات كامله والبنات اللي ما يمدحونها زيروو يحطون لها ..

لو بتكلم من الحين الى بكره ما بكمل .. توها اليوم المعلمه عاطتنا وااجب عشر صفحات وفوق كل هذا اختبااار .. شنسوي لكن ؟؟؟


ادري طولت عليكم بس كل هذا من المدرسات ..



تحياتي




انه اوفق عنيده في كلامها،، المعلمات عندنا تحسهم يعاملونا كأنه آلات مب بشر
بس ترى هم مجبورين على هذا الشي،، خيوه انتي جايفه شلون انه الوزاره قدمت
الامتحانات النهائيه والمناهج ويش طولها،، ويش الحل عندهم غير انه هم يضغطوون علينا
مو كانه طلعت عن الموضوع هع هع،، المهم اخووي احنا نادرا ما تلاقي مشكله الضرب في مدارسنا
لانه ممنوع اصلا انه المعلم يضرب الطالب مهما كان السبب في شي اسمه بيهيفير جيك لس
يقدر ينقصه فيه والمعلم الي يضرب شلوون صار معلم مو المفرووض ياخذ تربيه اول
وما اعتقد ابدا انه من اساليب التربيه الحضااريه الضرب فهوو قاعد يناااقض المسمى الي يعمل فيه
(( تربيه وتعليم)) والله يعين

ملاك الورد ..~
04-29-2008, 05:46 AM
هلا والله اخوي أمير
عاد لا تزعل من أولها ولا تعصب
انا وحدة من الي شافوا الموضوع أمس
بس قلت خليني أأجل الرد لبكرا عشان يطلع على رواقة
نرجع لمحور حديثنا
" استخدام الضرب في المدارس"
هل المعلم بهالاسلوب يفرض شخصيته على الطلاب ؟
في رايي لا
لان المدرس الي يستخدم اسلوب الضرب شخص ضعيف الشخصية واختار اسهل الطرق لفرض شخصيتة
وعمره اسلوب الترهيب ما وصلنا لشيء
بالعكس ممكن يتراجع مستوى الطلاب الدراسي وتتربى عندهم عقد نفسية
هو صحيح فيه طلاب يرفعوا الضغط وودك لو تخنقهم بايدك وكأنهم مو جايين المدرسة للعلم جيتهم بس للمشاكل بس هل الضرب حل؟؟
المدرسة مكان للعلم والتربية مو مكان للضرب
وللتربية نقدر نسلك طريقين
الاول الترهيب
والثاني الترغيب
الطريق الأول سهل بس نتائجه مو دائما في صالح الطالب
الطريق الثاني يخلي الطالب يحب الدراسة والمدرسة عن جد ...يخليه يصحى من حاله ويذاكر بدون محد يوقف على راسه كل هذا رغبة في التفوق ورغبه في اسعاد معلمه الي هو بدوره يحاول اسعادهم بشتى الوسائل
ردا على سؤالك
ماشعورك وابنك ينضرب في المدرسة ؟
انا ما اقول اني ما اضرب اولادي وادعي المثالية
ساعات اسويها بس ضرب تأديب مو تعذيب ويومها ما انام ولا اسامح نفسي
ووالله لو ابوهم يمد ايده عليهم احس بقهر وودي اكسر الدنيا ساعتها
فمابالك لو المدرس هو الي يضربهم ... ممكن اكلم ابوه يكلم المدرس واذا كانت بنت انا اروح لها واكلم المديرة اذا ماشفت حل مع المدرسة
واذا مانفع انقل اكتب في الجرايد واذكر اسمائهم وافضحهم
اولادنا مو وسيلة لتفريغ كبتهم وعقدهم
اسمح لي خيي
طولت في الهدرة
مشكور لتطرقك لهالموضوع

نور الهدى
04-29-2008, 07:25 AM
بسم الله الرحمن الرحيم

اللهم صلي وسلم وزد وبارك على محمد وال محمد

الله يعطيك العافية جسووم

ببدي كلامي بشي قاعد اشوفه بعيني ولد اختي في الصف الثاني الابتدائي , من سوء معاملة المدرس له كاره شي اسمه مدرسة , وجبات تخص هالمدرس ما يحلها , اوامر من هذا المدرس بالخصوص ما يسويها لو شيصير

وقت الحصة الاستاذ يكلمه يسئله وين كتابك وين الدفتر , ولد اختي ما كأن يسمعه يحقره , والمدرس على طول من يشوف ابوه وهو جاره بعد يا زعم على طول ذم في الجاهل قدامه ومن وراه , والجاهل من يشوف جديه يزيد في العناد والنحاسة

لكن باقي المدرسين عادي , ومادة الانجلينزي الي الاطفال بالعادة ما يحبونها هو ما شاء الله عليه ممتاز فيها , لان معاملة الاستاذ له ممتازة

في مدرسين ما شاء الله عليهم شوفتهم بس تفتح نفسك للدراسة وللتعامل وياه وتسليمك اولادك له

وفي يا دافع البلا مدرسين تكره شي اسمه علم بسبتهم , هذا كله ينبع من اخلاق الانسان , الي اخلاقه عاليه في العمل في البيت وفي الشارع تشوفه محبوب

والي اخلاقه زي وجهه المشي في طريق ثاني غير الي هو فيه يكون سلامة لك

الشد مع الطالب مطلوب لكن بأسلوب وبحدود

ام الضرب عمره ما بيجيب نتيجه جيدة

ويا ريت المدرسين يفصلون عقدهم النفسية ومشاكلهم برة المدرسة عن الطلبه

وسلامتكم

فرح
04-29-2008, 07:40 AM
هلا وغلا اخوووي ملك العاشقين ..عدت من جديد..
اولاَ اشكرك خييي ع الطرح الراائع ونتمنى لو يتغير بجد من زمن امهاتنا وهو ع هالحال
يعني مهما تغيرنا وتطورنا اكثر في العلم ماكو فائده بس قشوووور مظاهر كذابه انا انسان متعلم
واحمل شهاده عوووده بجد يمكن اجدادنا سابقاَ ع عدم الوعي والتعليم الا انهم افضل من جيلنا الحاضر
عندهم احترام وعطف مع الصغير والكبير ،،،بجد اسلوبنا وطريقة تعاملنا مع الاخرين سواء طلاب او حتى من خارج الدراسه
لاتوحي بأننا نحمل علم ونمشي ع نهج النبي محمد ولآله الطاهرين ..
الدين حسن المعامله وعقل الانسان يدل ع معاملته مع الاخرين واسلووبه في فن التعامل ،،
واسلوب المدرسه اوالمدرس(( لااعمم ))بجد بعضهم ينحط ع الجرح يبرى ولاالام اوالاب يعامل اطفالهم بطريقه حلوووه المووووهييييم اساسا الطريقه الثانيه الحييييين:toung: هههه
للأسف الشديد لازال اسلوووب قبل 50 سنه يطبق مع اطفالنا اسلووب التهديد والضرب والتجريح في الكلام
طفل صغير مسكين شووو ذنبه تطبق عليه اسلوبك الفض هو جاااي يتعلم موجاااي لضرب يجلس في بيته
افضل من ان يهااان وتتعب نفسيته ويتعقد بجد اخاطب هذا الذي لااعتبره مربي فاضل ابد بهيك طريقه
ومع طفل في ابتدااائي يعني عنده اهل تربيته عليهم ارسل رسااله غلط هم يتفاهموو مع ابنهم
انت تفاهم معاه بطريقه حلووه اعرف سبب التأخير وشنهوو عند الولد من عذر ...
شلي اخره عن الدراااسه بجد اقووول له للمدرس ،، الجاهل بأمور التربيه ،، لو يجلس في بيتهم
ويتعلم من جد وجديد افضل له من تعقيد اولاد الناس لان المدرس قدوووه حسنه الطالب يأخذ من معلمه اشياء كثيره ..طالب صغير ويشوووف هيك حركااات اكيد بينفر من شي اسمه دراااسه ..
ما اقووول ان الطلاب بشكل عااام ملائكه مايخطئون لا بس انت كمربي فاضل تجي للطلاب بطريقه لبقه تجعلهم يحبووونك يفتحووون معك اجمل حوووار وكأنك احد الوالدين معهم
كنت في فصل رااابع اكره شي عندي شي اسمه رياضيات هالمعلمه بطريقتها وسلاستها واسلوووبها بجد حبيت المعلمه لطريقة تعاملها وحبيت الماده وكنت اتمنى الحصه ماتخلص ..يعني المعامله الطيبه لها دووور كبيييير في التعاااامل ...
ماشعورك وابنك ينضرب ؟؟
بجد انا عصبيه جداَ وبالذااات مع اولادي
اوقااات تقوول بركاااان يشعل نااار ..لكن حتى ابوووهم قلبي يتألم حتى لو كان عتااااب بينه وبينهم
ولو انه اسلوووبه معاااهم كتيييير حلووو مو مثلي:toung::wink: هههههه
اول شي اذا كانت بنت اكيد طريقة التفاهم بتكووون افضل بيني وبين المدرسه اسئل بنتي عن السبب
وبعدين اذهب الى المدرسه بطريقة تفاهم ومو اسلوووب اهواااش حتى استطيع تفهم الغلط اكثر
بس اذا ما حصلت بنتيجه بعدها لي تصرف اكثر جديه من جديه
اما اذا ولد بيكون التصرف مع المدرسه بتحفظ كوني ام وامراه ويمكن الى اسبااااب تمنع الوالد من انه يتصرف مع المدرسه بيكوون اتصااال مني وكلامي بكل هدووء هذا كبدايه بس اذا مانفع التصرف بعدين تصرفي بعيد كل البعد
من الهدوء ..
بس خيي ما كل خطاب او مقابله مع وزارة التربيه والتعليم يطبق
بجد اكثرهم وعووود وترضيه فقط لايؤخذ بها ...
بجد اسمع عن اشياء مثل هيك يعني ليهم حق الطلاب اذا عملو الى المدير او المدرس من تكسير وتخريب في سيارتهم نتيجة تعاملهم الغير مرضيه
لانه مستحيل مدرس او مدير ما اذى الطالب الطالب بيعمل معه حركات موحلووه :wacko:
بجد طولت وهدرت وااااجد المعذره :embarrest::embarrest:
ومشكووور خيي امير ع الطرح
يعطيك العاافيه ودوووم ننتظر جديدك الرااائع
بجد امير اتخيل موقفك امامي الاقيك معصب:embarrest:

Abert Sapeel
04-29-2008, 09:24 AM
بسم الله الرحمن الرحيم



الضرب بحد ذاته لا يُعد أسلوب حضاري للتربية والتعليم ، بل هو أسلوب تخويف وتنفير من التعلم ويولد حالة خوف وكره في نفسية الطالب للمدّرس والمدرسة



ومع إن وزارة التربية والتعليم ، وضعت قانون يُمنع فيه استخدام العنف وضرب الطلبة في المدارس ، إلا أن هذا القانون كاد أن يكون مجرد حبر على ورق ، فهو لا يطبق ولا يعمل به من قبل الكثير من المدّرسين وخاصة في المدارس الابتدائية لأن الطلاب صغار في السن ولا حول ولا قوة لهم

وفي المدارس المتوسطة والثانوية ضرب المدّرسين للطلبة ، يولد عندهم حالة عدوانية وثأر ضد المدرس الذي يضربهم فيعتدون عليه بالضرب أو يعمدون لعمل تخريبي لأشياء تخصه كـ (كسر زجاج السيارة ، تسريب هواء الاطارات)



وإن كان لا بد من استخدام العقاب في المدارس .. يجب أن يكون باسلوب حضاري .. كـ (حرمان الطالب من الذهاب لرحلة تقوم بها المدرسة ، حرمانه من الخروج من الصف وقت الفسحة ، ينقص كم درجة من درجات السلوك ، وهكذا)وهذا النوع من العقاب يُقوّم الطالب ويجعله يشعر بخطأه ويهذب نفسيته

فأساس التعليم .. التربية وتهذيب النفوس ، حتى إن اسم التربية يقدم على التعليم في مسمى (وزارة التربية والتعليم)

الحديث في هذه المسألة يطول ويطول ، حتى إننا صرنا في زمن

انعكست فيه الأمور ، وصار الضارب ـ سابقا ـ هو المضروب ـ حالياً ، وهو من يخاف الطالب ويهابه ؛؛ والله المعين

ولا يسعنا إلا تقديم الشكر الجزيل للأخ أمير العاشقين

لطرح المميز للموضوع .. ولكل من شارك برأيه

مع تحياتي

زهور الامل
04-30-2008, 06:26 PM
مشكوور خيوو اميرالعاشقين
ع الطرح وجبتها في وقتها بصراحه
عدنا معلمه تجيب العله المعذره ع الالفاظ اذا تحضر اتحجج باي شي
بس لااشوف وجها ولااحضرحصتها كرهتني بالماده وقبل كنت احبها
وتقريبا كل اسبوع يوم الثلاثاء غياب
بصراحه المعلمين لهم دور في تحبيب الطلاب للدراسه وهم هيك
عم ينحشونا منها
الموهييييم خيوو هذا حالنا وحال الاجيال القادمه
اذا اولياء الامور ما اتفقوا وعملوووا لهم حلووول ما اعتقد انه بيتغير شي
موكافي علينا مدارس مو مثل العالم والناس الحمدلله والشكر
لاواذا تخرجنا نحمل الشهاده ونعلقها ديكور ونشاهد تعب الايام
وسهر الليالي ..يللا خيوو الله كريم بين عشية وضحاها يتغير الحال
انشاء الله ،،، بس ما استطيع ان ادلي براي عن الوالدين
يعطيك العافيه
وبنتظاار الجديد

solav
05-01-2008, 05:07 PM
بصراحه الاطفال هالايام يكرهو المدرسه لانهم يسمعوو ان الاستاذ الفلاني يطق وبعضهم يدخلو وينطقو طق من المدرسين او المدرسات اوخي الى كل اهل هل انتم موافقون على ذل ابنائكم امام المعلمين ماهذا اتعتبرون الطلاب او الطالابات حيوانات امامكم
اخي شكرااااااااااااا على الموضوع المؤلم