المساعد الشخصي الرقمي

مشاهدة النسخة كاملة : ..ღღوش أسوي بغاليٍ هذي سواتهღღ..



شبكة الناصرة
07-22-2005, 02:51 PM
السلام عليكم ورحمة الله وبركاته

..ღღشبكة الناصرةღღ..

قدّمـت حبّـك علـى غيـره وبدّيتـه..
كن الزمن في يدينـه لـك مسلّمنـي..!
وحطّيت حملك على متنـي وشدّيتـه..
و وصّيتك إليا بدر منّي خطا ..لمني..!
تعبـت أطـارد غـرامٍ فيـك ناديتـه..
وتعبت أعيش الضحى والليل حالمنـي..!


..ღღشبكة الناصرةღღ..


يا شمس عمري دامك بعمري اشرقـت...

ليـه الجفـا مـن بينـنـا صــار عـايـق؟؟

ممكـن تذكرنـي حبيبـي متـى اشتـقـت؟

ونـذر ٍ علـي لاعـاف كـل الخـلايـق !!


..ღღشبكة الناصرةღღ..


قالوا: غريب وقلت:ويـن الغرابـه؟
مادام هذا المجتمع كلـه اغـراب
مادام جرح القلب كل رضابـه..
نبقى على طول الدهر مثل الاجناب..
كل الظروف اللي علينـا تشابـه..
الموت واحد والمنايـا لهااسبـاب!!!



..ღღشبكة الناصرةღღ..


احيـان اقـول العمـر باقـي لـقـدام...
واحيـان اقـول العمـر ضيعـت كلـه!!
العمـر كلـه هـم وجـروح واوهـام..
ضيقـه وحـزن وغـم دقـه وجـلـه!!
جرح(ن) من الحاضر وجرح(ن) من العام
هـم وألـم والفيـن عـلـه وعـلـه!!!


..ღღشبكة الناصرةღღ..


انت الوحيد اللي خفوقـي تمنـاك,,
وكل الذي تبغـاه منـى عطيتـك..
واليوم ماتت ضحكتي في زوايـاك,,
سليت سيفـك ليتنـي مارجيتـك..
طعنتني في سيف غـدرك بيمنـاك,,
لا وخسـاره ليتنـي ماهويـتـك
رح بطريقك صّـد قلبـي وخـلاك
مثلك مثل أي شي مّـر ونسيتـك!!!



..ღღشبكة الناصرةღღ..


تغلـى يحـق لـك التغلـي علـى مغليـك
تغلى ولـو تطلـب عيونـي تراهـا فـداك...
أنا وكل مـا أملـك حلالـك وبيـن يديـك..
تدلـل وآمـر ماتمنـيـت عــده جــاك..
ألا لعـن أبـو منهـو يزعلـك مايرضيـك..
وأنا والله إنـه مطلبـي بالحيـاة رضـاك..



..ღღشبكة الناصرةღღ..


ياطول صبري عليـك اليـوم ياخلّـي
مليت وأنا أنتظر عشرتـك تصفالـي
وإن كان طال الجفا ما أنت برفيقٍ لي
خلاص روح بطريقك مالـك ومالـي
مادام حبل الوصل من يـدك منحلّـي
أحسن لي أعطيك حبلك وأجمع حبالي
ولانيـب ندمـان لابالله خيـرٍ لــي
ياخوي أبا أرتاح وأشري راحة البالي



..ღღشبكة الناصرةღღ..


رد قلبي علي ماجـاه يكفيـه
مابقى فيـه عـرقٍ ماكويتـه!
يوم قلبي على كفيـي مهديـه
لك ولكـن خسـاره مارعيتـه!
مابقى في حياتي حلوٍ ارجيـه
ولابقى مـر فيهـا مارويتـه!
خل هرج الغلا ماودي اوحيـه
الغـلا لـو تبيعـه ماشريتـه!



..ღღشبكة الناصرةღღ..


أنا وين اروح وكل دربٍ مشيته هـمّ
جميع الدرووب أمنين ماجيت مهمومه!!
يقولون لاكثرت عليك الهمـوم فنـمّ
تناسى همومك والمقاديـر مقسومـه!!
خذلني زماني والزمن مابوجهـه دمّ
يهين الانسان لين يتضايق من هدومـه!!


..ღღشبكة الناصرةღღ..


كل يومٍ يمـر وفيـه ماشوفـك
ينقص العمر لو أسنينه طوالـي..
الحياة ان خلت يازين من شوفك
وش بها ياعساها مالهـا والـي..
إيه أحبك وأحبك وأعشق حروفك
والبعد عنك في حياتي ماطرالي..


..ღღشبكة الناصرةღღ..



إنـ جيـــت أجــافيــــك ولا أخليــــــكـ..
أحــس فــي صــدري من الهـــم ضيــقـــه..
تخـــطي؟
وأســـامح؟
وأعتـذر لكـ ؟
وأراضيــك؟
لأن كـــذبك..
في عيـــوني حقــــــــيقه..!!


..ღღشبكة الناصرةღღ..


خبروه اني انا والقلـب ضـده
وان حبه مابقى لـه اي وجـود
وان هجرانه وتلويعـه وصـده
صار دافع لي اكثـر للصمـود
أتحمـل كـل ماقلتـه وقــده
والله اني قـد ماقـول وقـدوود
كـل بـابٍ يفتحـه والله لارده
واقهره حتى يضيق به الوجـود
ارفضه واقولها واعلـن بشـده
ان حبه مابقـى لـه اي وجـود


..ღღشبكة الناصرةღღ..


ايه .. احبك للاسف
وكل ما فيني اختلف
شي مني لك يبيك
وشي ما يرضى يجيك
شي لعيونك وقف !
وشي في وجهك عصف ..

للاســـــــــــــــــــــــــــــــــف ..!!

لامتى استحملك ..
كم سؤال
ما لقى عندك جواب
ومن غبائي.. اسألك!!


..ღღشبكة الناصرةღღ..


كل المواقف تهون لأبسط خيار
المشكله لا صار صعب اختياري
عقلي يقول اتخذ فيه القرار
وقلبي يقـول لا تهــور حـذاري
اسهر وبالي يحتوي كل الافكار
اسهر وصدري تشتعل فيه ناري
انـتـهى فيـنـي الامــل والانتظار
كم كـسـيت الـحـب و الحـب عاري


..ღღشبكة الناصرةღღ..



روحي يا من ...
كنتي روحي
واخذي الماضي معاك
ما ابي شي يطريك ,,
لا الرسايل ..
لا ولا ذاك الكلام

ارحلي من قلبي يمكن
لو رحلتي احتريك ,,
وان رحلتي ارجعيلي

قلب صادق..
اشتريني بالحبه
وبالمحبه اشتريك ,,
وان رحلتي قاصده
ذل قلبي بالمحبه
ارحلي من غير رجعه
والا انا بدري عليك ,,


..ღღشبكة الناصرةღღ..


صبرت ولا لقيت الا الامانـي بينـك وبينـي
وبقايا احلام منثـورة تسطـر باقـي اوراقـه
تعبني هاجس الذكرى واظـن انـك نسيتينـي
عساها تكذب ظنونـي ونـار الظـن حراقـه
يهون البعد لـو طـول مـدام انـك تحبينـي
ويهون الجرح يا حبي ويهون الليـل وارهاقـه



..ღღشبكة الناصرةღღ..


يكفي تراني صحيت من اعذب احلامي
كان آخر احلام ليل الوهـم واجملهـا
اليوم انا احـاول أنقـذ باقـي ايامـي
أبغى الحقيقه ولاادري وين أحصلهـا
خليني امشـي لعـل الحـظ قدامـي
يمكـن بيـومٍ مـن الأيـام أقابلـهـا
ماابغاك عند الـوداع تـزوّد آلامـي
بعـض المواقـف ترانـي مااتحملهـا



..ღღشبكة الناصرةღღ..


عطيـــتني صــوره .. ولك صــورة غيــر..

حطيــت نفســك ملاك ومثـــالي..

معك اندفعت وجيـــت من غيـــر تفكيـــر..

معقــول أفكـــر وأنت وصلـــك خيــالي !!



..ღღشبكة الناصرةღღ..


صاحبي حتى جروحك كل ما غابت فقيـده
من غلاك عجزت اميز قساوتـك وليانـك
ليه أغني للقمر والفجـر وسنينـي جديـده
جيت ادور عن ربيع العمر واغراني زمانك
لايهمنـك ليـال البـرد واشواقـي وقيـده
كل ما ضاق المدى بخطاك تستاهل مكانـك


..ღღشبكة الناصرةღღ..


مـا تـشـفـي اوجـاع الـجـفـا (كـيـف حـالـي)
لـو نـهــا عـقــب الـبـطــا مـسـفـهـلــه
ابـعـد وانـا شـفـنـي عــن الـقــرب سـالــي
يــا الاجــودي لا تــزود الـطــيــن بــلــه
وش فـايــدة قــربــه وكــنــه ظــلالــي
دايـم مـعـي لـكــن عـجــزت اسـتـظـلــه


..ღღشبكة الناصرةღღ..


من عشق مثلي عشيـرٍ مايعانـي
والله ان اتبين في عيونـه شقاتـه
ثبت اقدامي على العشق وجفانـي
واقفت ايامي وانا ارجيه الإلتفاته
وإن نويت اجفاه كلم ثـم عطانـي
كل عـذرٍ يوهـم القلـب بغلاتـه
آآآه لو يدري عن اللي بالمحانـي
وآآه لو يدري عن الشوق وبياتـه
كان خلا كل من حولـه وجانـي
وكان ماقصـر معـي بواجباتـه
ما وصل فينـي وعيّـا مانسانـي
ويش اسوي بغالي(ن) هذي سواته


..ღღشبكة الناصرةღღ..


امرتدلل وشوف ارضاي فـي عينـي
حاجتك لوهي على روحـي امبديهـا
اضحك وسولف وحط ايديك في ايديني
والسالفـه جرهـا وابعـد تواليـهـا
واياك تزعل علـى وتتـرك ايدينـي
والله لزعـل علـى الدنيـا مافيهـا


..ღღشبكة الناصرةღღ..


عـدنــي فـــي عـالــم الـعـشـاق مـتـوفـي
وانسنـي لا بـارك الله فيـك وش جاابـك؟
الجـروح انـواع وانـت جروحـك تكـفـي
تجـعـل المـجـروح مـمــا فـيــه يـرتـابـك
لــو تـحـس بلهـفـتـي وتـقــول واتـوفــي
والله اني في سما الاشواق لا اطغى بك
لكـن اسمـع؟ خلنـي فـي احمـاك متـوفـي
او تـعــال وشـوفـنـي وشـلــون بحـيـابـك



..ღღشبكة الناصرةღღ..


مادام ماتعـرف مواجيبـك ولا تعـرف حقـوق
ولاتقـدر طلبـت المسكيـن لـيـش اتحالـفـه
ان قلت فوق تقول تحت..وان قلت تحت تقول فوق
يعنـي غرامـك يالمعنّـا راي قلبـي اتخالفـه؟!
والله لو به في الهوى دستـور حامـي للحقـوق
انك فـي قلبـي ماخـذٍ تسعيـن الـف امخالفـه


..ღღشبكة الناصرةღღ..


مورّيني نجـوم الليـل فـي عـز الظهيـره
يا مجنّني ..وفينـي جايـب العيـد .. ومعيّـد
من عرفتك وانت مالك في الوصل طاري وسيره
بختصار الوضع دايم بيننا .. تهـدم .. واشيّـد
والله إن كانك رضيت وشايف إن البعد خيـره
سيدي تبقي .. وماني معترف بسْواك.. سيّـد
بس شرطي لانويت الصـد وإتمـام المسيـره
قدّ ما تقدر تعيّـد فينـي .. أترجّـاك .. عيّـد



..ღღشبكة الناصرةღღ..


يامتعبني وأنا ماحب غيـــركـ ..
غيرتــك من غـيركـ تخـــرب عليــــكـ ..
يــوم شــرك فالنوايــا عــم خيـــركـ..
في عيونــك بــايعـــك هــو مشــتريـــكـ.. !!
احكـــم بعقلــك قبــل تحـــكم ضمـــيركــ..
قلت أبيك وتسمع الكلـــمه ماأبيــــكـ ..!!


..ღღشبكة الناصرةღღ..


كم مره عطيتك..
وانت حــارمني..؟؟
وفي كم مره جيتك..
وانت متعـــالي ..؟؟
مادام ان الخطــا منك..
ماهو منــي ..
اجل مافيه داعـــي
ينشـــــغل بــــاااالي ..!


..ღღشبكة الناصرةღღ..


ويلاه من قلب تعذب بالأقداااااار ..
يشكي همومه كل صبــح وعشـــيه..!!
مــاني مـــخيــر بالهـــوى يومـــي اختـــار ..
لكــن تــزود بــي الأســـيــه أسيـــه..
ولا اقـــترفت ذنــوب تجـــلب لــي الــعــار ..!!
هــذا هوا قلـــبي وماهـــو بيـــديــــــه..!



..ღღشبكة الناصرةღღ..


أنا وشلون ابتغلا وكل الي معي يفداك؟
أنا وشلون أبنادي لك ومثل الروح تسكني؟
وصفتك للخيال وفز من طوره يبي لقياك!!
وعزمتلك المديح وقال ماعنه ولاعــني ..!
تعال انجمع الحسبه بحلف بالذي سوااك..
اذا موتي على يدينك .. انا طالبك تمهلنــــي..؟؟

(( يقصد هنا انه يموت بالي يحبه يعني يحبه مرره ))
عشان ماحد يقوول فيها تجااااوز وضحنا المعنى


..ღღشبكة الناصرةღღ..


قررررررب جهاز القلب للصــدر لحــظــات..
تطلع وتنزل نبـــضتــه بأمنيـــاتك..
يطلع معك تقــريـــر تخطـــيط نبــضـــات...
نبضـــات قلـــبي ماتـــبي غيـــر ذاتـــك..
دقـــات قـــلبي بالصـــدر عشـــر دقــــات..
خمس تبيـــك وخمــــس تفدا حيـــــاتك..!



..ღღشبكة الناصرةღღ..


حبـــــيبـي ..
زانت الدنـــيا بعيـــن الي يشوفك
حلـــــمـ.. !
أجل وشـــلون دنيـــا
الي يشــــوفك
وأنـــت ملـــكـ لـــــه ..


..ღღشبكة الناصرةღღ..



ســافر وخـــل أحزاااان عمري تخــاويك..

يمكـــن معك تلقـــى حلــول لضيـــاعي..

حـــاولت أشـــوه صـــورتك..يوم أخلـــــيك..

لقيـــتك أصـــدق من بكــى في وداعــــــــي..!!


وجميــــــــع الرســـــايل حــصريـــه لكـــــــــم
مـــع كلــ الــــــود..

..ღღشبكة الناصرةღღ..

شمعه تحترق
07-22-2005, 11:33 PM
http://home.no.net/anyas/anyaflower27.gif
قررررررب جهاز القلب للصــدر لحــظــات..
تطلع وتنزل نبـــضتــه بأمنيـــاتك..
يطلع معك تقــريـــر تخطـــيط نبــضـــات...
نبضـــات قلـــبي ماتـــبي غيـــر ذاتـــك..
دقـــات قـــلبي بالصـــدر عشـــر دقــــات..
خمس تبيـــك وخمــــس تفدا حيـــــاتك..!
===========
الله الله ياشبكه

مسجات روووووعه

واكثر مسج عجبني هذا

يعطيك الف عافيه ولاتبخل علينا بالجديد

شمعه
http://home.no.net/anyas/anyaflower27.gif

بحر الشوق
07-22-2005, 11:47 PM
ما اجمل ما قدمت وما احلى ما اجدت به ...
الشكر لك اخوي شبكة وننتظر منك المزيد




تحياتي
بحر الشوق

دمعه حزن
07-23-2005, 05:59 PM
ويلاه من قلب تعذب بالأقداااااار ..
يشكي همومه كل صبــح وعشـــيه..!!
مــاني مـــخيــر بالهـــوى يومـــي اختـــار ..
لكــن تــزود بــي الأســـيــه أسيـــه..
ولا اقـــترفت ذنــوب تجـــلب لــي الــعــار ..!!
هــذا هوا قلـــبي وماهـــو بيـــديــــــه..!


الله الله الله .. تبارك الرحمن

الصراحة المسجات وااااااااااااااجد حلـــــــــــووووين

يسلموا اناملك الذهبيه لما خطته لنا من مشاركة فى غاية الروعة

الله يعطيك ألف صحة وعافية ياااارب

وما ننحرم من عبير عطرك

موفق لكل خير

تحياتي
دمعه حزن

بيسان
07-25-2005, 10:39 AM
مشكور اخي على المسجاااااااااات الحلوه

وننتظر جديدك

وبالتوفيق

شبكة الناصرة
07-25-2005, 05:35 PM
مشـــكورين على الرد ..

الله يعطيكم العافيه يارب ..

وتســـلم يمناكم على مروركم الرائع جــداً ..

ماننحرم من تواجدكم العـــطر ...

نورتوا الصــــفحه بوجودكـــم ..

دمتم في حفظ الكريم يارب ..

شبكة الناصرة

^_^moon^_^
08-13-2005, 03:47 AM
يسلمو على المسجات

تحياتي

آخر شقآوهـ ..~
08-22-2005, 06:50 AM
مشكور اخي على المسجاااااااااات الحلوه

وننتظر جديدك

تحياتي
الضحكة البريئه :)

نور الشمس
08-22-2005, 07:05 AM
تسلم على هالمسيجات الرائعه

وشكراا يااخوووى