دخيل الله شو اسئيلة بتمويت [الأرشيف]

Rose of Karbala

03-23-2008, 06:05 PM

سلام عليكم و راحمة الله
كيفكون يا شباب و صبايا ؟
اليوم جبتلكون موضوع اكيييد مافي حدة منكون الى و مر عليه هيك اسئيلة
انشالله يعجبكون الموضوع و انا بئنتظار ردودكن!!

متسطح بتختك ونايم ومطفي الضو ومتغطي بالبطانية .. بيجي واحد من أهلك بيفتح الباب ويقول : شو نايم ؟؟

* لأ !! عم ارقص.. بس الوضع بيوحي إني نايم !!!

****************************** *****************

معزومين ع بيت جماعة، ولما بتدقوا الباب .. بيفتح شي فهمان وبيقول بدهشة: هه إجيتوا ؟؟؟

* لا والله لساتنا عالطريق، في عجئة بشارع بغداد !!!
****************************** *****************

حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى وجهه علائم الإستغراب والدهشة: بدك تحكي بالتلفون؟

* لأ شو إحكي !!! بس كنت عم جرب صوت طنة الأرقام !!!

****************************** *****************

حاطت راسك ونازل بهالكتب والدراسة، بيجي أبوك أو أمك...: عم تدرس؟

* لا والله ...!! عم غير زيت للسيارة !!!

****************************** *****************

مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب

* لا والله بالعادة بفكر العب شدة وماروح لعندهم !!!

****************************** *****************

بتطلع بميكرو وبتحط هيك وبتطلع (خمسة) وبتعطيها للي ئدامك، وبكل برودة

بيئلك: واحد ؟

* لأ 60 واحد ؟ ورجعلي الباقي !!!

****************************** *****************

أشّر بأصبعته الكريمة لتكسي، وفعلاً وقفلو العينتين، بيسأله: فاضي؟

* لأ ... عندي 10 طلبيات، بس وقفت حيونة !!!
****************************** *****************

بدك تنزل من الميكرو: عاليمين زكاتك.... بتتلقى الرد: نازل ؟؟

* لا والله بس عم جرب صوتي !!!

****************************** *****************

لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت، بيجي حدا من أهلك بيسألك: شو رايحلك شي مشوار !!؟؟

* لا والله طالع عالأسطوح صلّح صحن الديجتال !!!

****************************** *****************